Lajmidites.com

Tag: miliard

  • Deputeti Tritan Shehu propozon amendament për 2 miliard lekë shtesë për buxhetin e qarkut të Gjirokastrës

    Deputeti Tritan Shehu propozon amendament për 2 miliard lekë shtesë për buxhetin e qarkut të Gjirokastrës

    Si deputet i PD-së për Qarkun e Gjirokastrës, Tritan Shehu , sot ka paraqitur në Komisionin e Ekonomisë një amendament për një fond shtesë prej 2 miliard lekësh, të dedikuar posaçërisht për përballimin e pasojave të reshjeve të rënda të Nëntor-Dhjetor 2025 në territorin e qarkut tonë.

    Ky amendament nuk është as kërkesë politike e as propozim formal; është domosdoshmëri urgjente për qytetarët dhe komunitetet që po vuajnë dëmet e drejtpërdrejta, ekonomike e infrastrukturore.

    Reagimi i deputetit të PD, Tritan Shehu:

    Amendament për 2 miliard lekë si ‘Buxhet shtesë për Qarkun e Gjirokastrës’.

    Mbrojta sot në Komisionin e Ekonomisë këtë kërkesë timen për kompensimin e dëmtimeve nga reshjet e muajve Nëntor–Dhjetor 2025 në Qarkun e Gjirokastrës, të ndarë në zërat:

    1- 1 miliard lekë për kompensimin e banorëve dhe bizneseve ndaj dëmeve prej këtyre reshjeve.

    2- 1 miliard lekë për rehabilitimin e infrastrukturës së dëmtuar nga këto reshje.

    Duke paraqitur dëmtimet konkrete e kryesore të ndodhura në Qark.

    Duke e argumentuar këtë edhe me gjendjen e mjerueshme në të gjithë Qarkun të nivelit ekonomik, të sistemit energjetik, të ekonomisë, të institucioneve sociale, kushteve të transportit, gjendjes së sektorit të bujqësisë, blegtorisë etj.

    Diskutimin tjetër do ta realizoj në seancën plenare të Kuvendit, pavarësisht mendimit që do të konkludojë Komisioni i Ekonomisë.

  • FIFA gjën para, Arabia Saudite 1 miliard dollarë për infrastrukturën botërore

    FIFA gjën para, Arabia Saudite 1 miliard dollarë për infrastrukturën botërore

    Lidhjet e Arabisë Saudite me FIFA-n po bëhen gjithnjë e më të forta. Sipas gazetës Guardian, organi qeverisës i futbollit botëror ka njoftuar një partneritet me një agjenci arabe.

    Qeveria e Arabisë Saudite është zotuar të japë deri në 1 miliard dollarë (762 milionë paund) për të financuar zhvillimin e infrastrukturës së futbollit në të gjithë botën.

    FIFA ka nënshkruar kështu një memorandum mirëkuptimi me Fondin e Zhvillimit të Arabisë Saudite që do ta çojë atë në ofrimin e kredive me zbritje “për ndërtimin dhe rinovimin” e stadiumeve dhe infrastrukturës tjetër. Lajmi raportua nga ANSA./Sportiim.al/

    Vazhdo leximin

  • Maqedonia e Veriut/ Hekurudha e re me ambicie 1.9 miliard euro

    Maqedonia e Veriut/ Hekurudha e re me ambicie 1.9 miliard euro

    Me investimin prej 1.9 miliard eurosh përmes kredisë së paralajmëruar nga Britania e Madhe, Qeveria e Maqedonisë së Veriut po vendos një objektiv ambicioz: brenda pesë vjetësh, hekurudhat maqedonase do të kenë një linjë moderne nga veriu në jug, nëpër të cilën trenat e pasagjerëve do të lëvizin me shpejtësi deri në 160 kilometra në orë drejt Selanikut dhe Beogradit, ndërsa trenat e mallrave me shpejtësi deri në 120 kilometra në orë.
    Plani është që të ruhet sa më shumë traseja ekzistuese, mbi të cilën do të ndërtohet një linjë hekurudhore krejtësisht e re dhe paralelisht me të, të vendoset një vijë e dytë, gjë që do të rezultonte në rreth 200 kilometra hekurudhë moderne dykahëshe, thotë për Shërbimin maqedonas të Radios Evropa e Lirë, drejtori i ndërmarrjes publike Hekurudhat e Maqedonisë – Transport, Sinisha Ivanovski.
    “Nuk do të mbajmë hekurudhën ekzistuese veri-jug. Do të ruajmë vetëm trasenë dhe do të ndërtohet një hekurudhë krejtësisht e re, sepse parametrat e asaj ekzistuese janë maksimalisht për 100 kilometra në orë dhe ajo nuk përputhet në asnjë parametër me hekurudhën për 160 kilometra në orë. Pra, e gjithë hekurudha në të dy drejtimet, me elektrifikim dhe sinjalizim, duhet të kushtojë maksimum 1.9 miliard euro”, thotë Ivanovski në një intervistë për REL-in.
    Sipas marrëveshjes me Qeverinë britanike, shton ai, një nga kushtet është që realizuesi i punimeve në hekurudhë të jetë një kompani britanike, e cila do të kryejë 20 për qind të vlerës totale, gjë që do të vërë në dispozicion 1.5 miliard euro për nënkontraktorë, pra kompani maqedonase. Megjithatë, Ivanovski thekson se problemi qëndron në faktin se në vend nuk ka kompani të specializuara për ndërtimin dhe mirëmbajtjen e hekurudhave.
    Infrastruktura hekurudhore aktualisht është në një nivel shumë të ulët, me një linjë ku trenat lëvizin maksimalisht me 50 kilometra në orë, ndërsa në disa segmente me kthesa, ku trenat madje lëvizin edhe më ngadalë se 20 kilometra në orë.
    Hekurudha do të zhvillojë edhe turizmin
    Zëvendëskryeministri dhe ministri i Transportit i Maqedonisë së Veriut, Aleksandar Nikolloski, në nëntor njoftoi se po përgatitet ndërtimi i “hekurudhës së shpejtë” nga Shkupi në Selanik dhe, sipas tij, në këtë mënyrë shteti do të zhvillojë edhe turizmin.
    Ai tha se Qeveria maqedonase ka miratuar vendimin për zgjidhjen urbanistike për lokalitetin Stobi, ku po hapen gjithashtu verari në rajonin e Tikveshit.
    Nikolloski theksoi se qëllimi i këtyre aktiviteteve është lehtësimi i ndërtimit të kapaciteteve të reja hoteliere dhe mbajtja e turistëve që kalojnë nëpër Korridorin 10, pra rrugën E-75.
    Hekurudha e re që pritet të lidhë qytetet Nish dhe Shkup është në plan ndërtimi. Ajo është pjesë e projektit të Korridorit 10, i cili do të lidhë Athinën, Selanikun, Shkupin, Nishin, Beogradin, Zagrebin, Lubjanën dhe Salzburgun.
    Megjithatë, një pjesë e opinionit profesional e sheh me rezerva të mëdha “hekurudhën e shpejtë” të paralajmëruar, duke theksuar se projekti po shtyhet përpara pa një analizë të mjaftueshme dhe duke paralajmëruar një rrezik potencial financiar të madh për shtetin.
    Profesori Dejan Trajkovski nga Universiteti “Shën Klimenti i Ohrit” e sheh projektin si “humbje” dhe, sipas tij, ai do të kushtojë shumë më tepër sesa kredia prej 1.9 miliard eurosh, madje thotë se me interesa dhe humbje të paraportuara, shuma do të arrinte në 3.3 deri në 3.5 miliardë euro.
    “Qeveria po përgatitet të marrë miliarda euro borxh për një projekt të falimentuar të quajtur hekurudhë e shpejtë, pa asnjë analizë ekonomike, pa studim fizibiliteti, pa debat publik, vetëm me një vendim të papërgjegjshëm politik. Ata duan një hekurudhë që do të sjellë humbje, në vend të energjisë dhe fitimeve nga Lugina e Vardarit”, thotë Trajkovski.
    Drejtori i Hekurudhave të Maqedonisë – Transport, Sinisha Ivanovski, thotë se aktualisht po zhvillohen studimi i fizibilitetit, vlerësimi i ndikimit mjedisor dhe studime të tjera për projektin që pritet të tregojnë mënyrën e ndërtimit të trasesë.
    Sa i përket leverdisë ekonomike, ai thotë se duke qenë se Maqedonia e Veriut aktualisht renditet e fundit në rajon për projektet infrastrukturore (hekurudhore dhe rrugore), pret që shteti të përfitojë nga ky projekt.
    Përfitimet ekonomike
    “Portet në Greqi po përjetojnë rritje të vazhdueshme të vëllimit të punës dhe rruga më e shpejtë dhe më efikase për kompanitë transportuese kalon nëpër Maqedoninë e Veriut. Sa më e shkurtër të jetë rruga, aq më të ulëta janë kostot, gjë që është përfitim i drejtpërdrejtë edhe për ne”, shpjegon Ivanovski.
    Nëse investimi do të kthehet plotësisht, këtë do ta tregojnë studimet, shton ai, duke theksuar se projektet infrastrukturore rrallë sjellin përfitim të drejtpërdrejtë financiar. Sipas Ivanovskit, roli thelbësor i këtyre projekteve është përmirësimi i cilësisë së jetesës dhe shërbimeve për qytetarët dhe transportin publik, i cili zakonisht subvencionohet në të gjitha metropolet e mëdha.
    Më 6 nëntor, qeveritë e Maqedonisë së Veriut dhe Bullgarisë nënshkruan një marrëveshje për ndërtimin e një tuneli hekurudhor ndërkombëtar në Korridorin 8.
    Tuneli i planifikuar është pjesë e Korridorit më të gjerë panevropian 8, një korridor transporti që lidh brigjet e Adriatikut dhe Detit të Zi. Traseja lidh Barin dhe Brindisin në Itali me portin e Durrësit në Shqipëri, prej nga vazhdon nëpër Ballkanin jugor drejt Bullgarisë dhe më tej deri në Varna në Detin e Zi.
    Rrjeti rrugor dhe hekurudhor ndjek një drejtim të ngjashëm, duke lidhur qytete kyç si Tirana, Shkupi, Sofja dhe Plovdivi.
    Përveç Korridorit 10, Maqedonia e Veriut pjesërisht përmes kredisë britanike, planifikon edhe rindërtimin e plotë të hekurudhës Shkup-Kërçovë, përmes Tetovës dhe Gostivarit. Kjo segment konsiderohet si zgjidhje kyç për lidhjen e ardhshme hekurudhore me Shqipërinë. Dy vendet po kërkojnë një zgjidhje për këtë, pasi traseja drejt Ohrit ndodhet në një zonë të mbrojtur nga UNESCO-ja. Lidhja me Shqipërinë do të ndërtohej brenda të paktën tetë vjetësh, thotë Ivanovski.

  • Hekurudha e re në Maqedoninë e Veriut, një ambicie prej 1.9 miliard eurosh

    Hekurudha e re në Maqedoninë e Veriut, një ambicie prej 1.9 miliard eurosh

    Me investimin prej 1.9 miliard eurosh përmes kredisë së paralajmëruar nga Britania e Madhe, Qeveria e Maqedonisë së Veriut po vendos një objektiv ambicioz: brenda pesë vjetësh, hekurudhat maqedonase do të kenë një linjë moderne nga veriu në jug, nëpër të cilën trenat e pasagjerëve do të lëvizin me shpejtësi deri në 160 kilometra në orë drejt Selanikut dhe Beogradit, ndërsa trenat e mallrave me shpejtësi deri në 120 kilometra në orë.

    Plani është që të ruhet sa më shumë traseja ekzistuese, mbi të cilën do të ndërtohet një linjë hekurudhore krejtësisht e re dhe paralelisht me të, të vendoset një vijë e dytë, gjë që do të rezultonte në rreth 200 kilometra hekurudhë moderne dykahëshe, thotë për Shërbimin maqedonas të Radios Evropa e Lirë, drejtori i ndërmarrjes publike Hekurudhat e Maqedonisë – Transport, Sinisha Ivanovski.

    “Nuk do të mbajmë hekurudhën ekzistuese veri-jug. Do të ruajmë vetëm trasenë dhe do të ndërtohet një hekurudhë krejtësisht e re, sepse parametrat e asaj ekzistuese janë maksimalisht për 100 kilometra në orë dhe ajo nuk përputhet në asnjë parametër me hekurudhën për 160 kilometra në orë. Pra, e gjithë hekurudha në të dy drejtimet, me elektrifikim dhe sinjalizim, duhet të kushtojë maksimum 1.9 miliard euro”, thotë Ivanovski në një intervistë për REL-in.

    Sipas marrëveshjes me Qeverinë britanike, shton ai, një nga kushtet është që realizuesi i punimeve në hekurudhë të jetë një kompani britanike, e cila do të kryejë 20 për qind të vlerës totale, gjë që do të vërë në dispozicion 1.5 miliard euro për nënkontraktorë, pra kompani maqedonase. Megjithatë, Ivanovski thekson se problemi qëndron në faktin se në vend nuk ka kompani të specializuara për ndërtimin dhe mirëmbajtjen e hekurudhave.

    Infrastruktura hekurudhore aktualisht është në një nivel shumë të ulët, me një linjë ku trenat lëvizin maksimalisht me 50 kilometra në orë, ndërsa në disa segmente me kthesa, ku trenat madje lëvizin edhe më ngadalë se 20 kilometra në orë.

    Hekurudha do të zhvillojë edhe turizmin

    Zëvendëskryeministri dhe ministri i Transportit i Maqedonisë së Veriut, Aleksandar Nikolloski, në nëntor njoftoi se po përgatitet ndërtimi i “hekurudhës së shpejtë” nga Shkupi në Selanik dhe, sipas tij, në këtë mënyrë shteti do të zhvillojë edhe turizmin.

    Ai tha se Qeveria maqedonase ka miratuar vendimin për zgjidhjen urbanistike për lokalitetin Stobi, ku po hapen gjithashtu verari në rajonin e Tikveshit.

    Nikolloski theksoi se qëllimi i këtyre aktiviteteve është lehtësimi i ndërtimit të kapaciteteve të reja hoteliere dhe mbajtja e turistëve që kalojnë nëpër Korridorin 10, pra rrugën E-75.

    Hekurudha e re që pritet të lidhë qytetet Nish dhe Shkup është në plan ndërtimi. Ajo është pjesë e projektit të Korridorit 10, i cili do të lidhë Athinën, Selanikun, Shkupin, Nishin, Beogradin, Zagrebin, Lubjanën dhe Salzburgun.

    Megjithatë, një pjesë e opinionit profesional e sheh me rezerva të mëdha “hekurudhën e shpejtë” të paralajmëruar, duke theksuar se projekti po shtyhet përpara pa një analizë të mjaftueshme dhe duke paralajmëruar një rrezik potencial financiar të madh për shtetin.

    Profesori Dejan Trajkovski nga Universiteti “Shën Klimenti i Ohrit” e sheh projektin si “humbje” dhe, sipas tij, ai do të kushtojë shumë më tepër sesa kredia prej 1.9 miliard eurosh, madje thotë se me interesa dhe humbje të paraportuara, shuma do të arrinte në 3.3 deri në 3.5 miliardë euro.

    “Qeveria po përgatitet të marrë miliarda euro borxh për një projekt të falimentuar të quajtur hekurudhë e shpejtë, pa asnjë analizë ekonomike, pa studim fizibiliteti, pa debat publik, vetëm me një vendim të papërgjegjshëm politik. Ata duan një hekurudhë që do të sjellë humbje, në vend të energjisë dhe fitimeve nga Lugina e Vardarit”, thotë Trajkovski.

    Drejtori i Hekurudhave të Maqedonisë – Transport, Sinisha Ivanovski, thotë se aktualisht po zhvillohen studimi i fizibilitetit, vlerësimi i ndikimit mjedisor dhe studime të tjera për projektin që pritet të tregojnë mënyrën e ndërtimit të trasesë.

    Sa i përket leverdisë ekonomike, ai thotë se duke qenë se Maqedonia e Veriut aktualisht renditet e fundit në rajon për projektet infrastrukturore (hekurudhore dhe rrugore), pret që shteti të përfitojë nga ky projekt.

    Përfitimet ekonomike

    “Portet në Greqi po përjetojnë rritje të vazhdueshme të vëllimit të punës dhe rruga më e shpejtë dhe më efikase për kompanitë transportuese kalon nëpër Maqedoninë e Veriut. Sa më e shkurtër të jetë rruga, aq më të ulëta janë kostot, gjë që është përfitim i drejtpërdrejtë edhe për ne”, shpjegon Ivanovski.

    Nëse investimi do të kthehet plotësisht, këtë do ta tregojnë studimet, shton ai, duke theksuar se projektet infrastrukturore rrallë sjellin përfitim të drejtpërdrejtë financiar. Sipas Ivanovskit, roli thelbësor i këtyre projekteve është përmirësimi i cilësisë së jetesës dhe shërbimeve për qytetarët dhe transportin publik, i cili zakonisht subvencionohet në të gjitha metropolet e mëdha.

    Më 6 nëntor, qeveritë e Maqedonisë së Veriut dhe Bullgarisë nënshkruan një marrëveshje për ndërtimin e një tuneli hekurudhor ndërkombëtar në Korridorin 8.

    Tuneli i planifikuar është pjesë e Korridorit më të gjerë panevropian 8, një korridor transporti që lidh brigjet e Adriatikut dhe Detit të Zi. Traseja lidh Barin dhe Brindisin në Itali me portin e Durrësit në Shqipëri, prej nga vazhdon nëpër Ballkanin jugor drejt Bullgarisë dhe më tej deri në Varna në Detin e Zi.

    Rrjeti rrugor dhe hekurudhor ndjek një drejtim të ngjashëm, duke lidhur qytete kyç si Tirana, Shkupi, Sofja dhe Plovdivi.

    Përveç Korridorit 10, Maqedonia e Veriut pjesërisht përmes kredisë britanike, planifikon edhe rindërtimin e plotë të hekurudhës Shkup-Kërçovë, përmes Tetovës dhe Gostivarit. Kjo segment konsiderohet si zgjidhje kyç për lidhjen e ardhshme hekurudhore me Shqipërinë. Dy vendet po kërkojnë një zgjidhje për këtë, pasi traseja drejt Ohrit ndodhet në një zonë të mbrojtur nga UNESCO-ja. Lidhja me Shqipërinë do të ndërtohej brenda të paktën tetë vjetësh, thotë Ivanovski./ REL/ 

  • Real Madrid drejt shitjes së 10% të aksioneve për 1 miliard euro

    Real Madrid drejt shitjes së 10% të aksioneve për 1 miliard euro

    Real Madridi po shqyrton një lëvizje historike në modelin e vet të pronësisë, teksa dy emra të mëdhenj të kapitalit – Sixth Street dhe Bernard Arnault – janë të gatshëm të blejnë rreth 10 për qind të aksioneve të klubit për afërsisht 1 miliard euro.
    Sipas “Vazpopuli”, të dy grupet po e ndjekin me kujdes reagimin, në një moment kur Florentino Perez po përshpejton planin për të hapur klubin ndaj investimeve të jashtëm për herë të parë. Vlerësimi aktual i Real Madridit raportohet të ketë kapërcyer shifrën 10 miliardë eurove.
    Një mbledhje e jashtëzakonshme e anëtarëve pritet të mbahet në mesin e dhjetorit, ku do të diskutohet modeli i ri i pronësisë. Projekti synon të ndjekë strukturat gjermane: futjen e një aksioneri minor me të drejta ekonomike në afat të mesëm, por pa asnjë fuqi qeverisëse. Strategjia ka për qëllim uljen e rezistencës së socios-ve përpara një referendumi të planifikuar në vitin 2026.
    Sixth Street tashmë bashkëpunon me Real Madridin për operacionet komerciale të “Santiago Bernabeut”, ndërsa LVMH e Bernard Arnault u bë së fundi furnizues zyrtar i klubit. Për të dy investitorët, blerja e një pakete të vogël aksionesh shihet si mënyrë me rrezik të ulët për të forcuar lidhjet me një prej institucioneve më të fuqishme të futbollit botëror.
    Raportohet se, nëse projekti miratohet, Real Madridi do të hapë një epokë të re financiare, duke ruajtur kontrollin sportiv dhe institucional, por duke siguruar burishtesë për rritje dhe modernizim.

  • Nga rimbursimi i barnave e deri te transformimi i spitaleve! 108.8 mld lekë për shëndetësinë

    Nga rimbursimi i barnave e deri te transformimi i spitaleve! 108.8 mld lekë për shëndetësinë

    Ministrja e Shëndetësisë dhe Mbrojtjes Sociale, Evis Sala, ka folur sot, 17 nëntor, në mbledhjen e Komisionit për Ekonominë, Punësimin dhe Financat, për projekt-buxhetin e vitit 2026 dhe çdo lloj financimi të parashikuar deri në 2028-ën. 

    67.3 miliard lekë, tha ajo, do të shkojnë për skemën e sigurimeve shoqërore dhe shëndetësore. 

    “Në vitin 2026, shëndetësia do të hyjë në një etapë të re zhvillimi me buxhetin më të madh, prej 108.8 miliardë lekësh ose 12.3% të buxhetit të shtetit dhe 3.9% të prodhimit të brendshëm bruto.” 

    Këta sektorë i cilësoi prioritet për qeverinë. 

    “Kemi një rritje prej 4.2% të buxhetit. Gjatë dekadës së fundit Shqipëria ka pasur përmirësime të dukshme, sot ne jemi me jetëgjatësinë më të lartë në Ballkanin Perëndimor, 79 vjeç, krahasuar me 75 të mesatares së Ballkanit Perëndimor dhe shumë afër nivelit të Bashkimit Evropian, 81 vjeç”, deklaroi Sala. 

    “Mortaliteti i fëmijëve nën 5 vjeç ka rënë ndjeshëm nga 20 për 1 mijë lindje në vitin 2005, në 9 për 1 mijë lindje në vitin 2023. Për të njëjtën periudhë, mortaliteti i nënave gjatë lindjes është përgjysmuar përafërsisht nga 12 në 7 për 100 mijë lindje”, shtoi më tej. 

    Duke u ndalur te infrastruktura shëndetësore, theksoi se “është zgjeruar skema e sigurimeve shoqërore, është trajnuar stafi, janë përmirësuar shërbimet e specializuara dhe janë rritur pagat”. 

    Megjithatë, vuri theksin te një sërë sfidash. 

    “Po përballemi me një popullatë ku mosha mesatare vjen duke u rritur, kemi një rritje të sëmundjeve kronike, si ajo e zemrës, tumorale, të mushkërive dhe Alzheimer. Duhet një reformim i sistemit shëndetësor nga ana teknologjike për t’ju përgjigjur nevojave.” 

    Sipas ministres Sala, në projekt-buxhetin e vitit të ardhshëm është përfshirë efekti i rritjes së pagave që në janar, duke unifikuar llogaritjen e vjetërsisë në punë me një përqindje të diferencuar nga 1 deri në 30 vite punë si dhe indeksimin e pagave me 2.5%. 

    “Efekti financiar për këtë politikë është 2.4 miliard lekë për 4600 mjekë e farmacistë si dhe 14 200 teknikë të shkencave mjekësore e laborantë në sistemin shëndetësor. Prej vitit 2019, qeveria ka alokuar rreth 12.4 miliard lekë për rritjen e pagave në shëndetësi.” 

    Tha se në projekt-buxhetin 2026 është përfshirë rimbursimi i të gjitha barnave antitumorale për të sëmurët që trajtohen në Spitalin Onkologjik, duke shtuar 1.5 miliard lekë më shumë për barnat. 

    Do të financohen programet, si më poshtë: 

    -Shërbime të kujdesit parësor, 7.6 milion vizita në vlerën 2.3 miliard lekë 

    – Mbulimin universal për kontrollin bazë mjekësor, check-up, për grupmoshën 35-70 vjeç, me një vlerë 69 milion lekë 

    – Rimbursimi i fishave për matjen e diabetit për të moshuarit mbi 65 vjeç si dhe personat me aftësi të kufizuara, 166 milionë lekë financim 

    – Rimbursimi i barnave me shtesë prej 900 milion lekësh 

    – 500 milion lekë për barnat onkologjike për rreth 400 mijë pacientë 

    -Programi i shërbimit të kujdesit spitalor: Rikonstruksion i gjirit për 350 pacientë me 70 milion lekë financim, procedura e transplantit të kornesë për 50 pacientë, ofrimi i gjithë barnave onologjike në një vlerës shtesë në buxhetin për barnat me 1 miliard lekë, të përfshirë te shërbimi shëndetësor 

    – Do të vijojë financimi në pesë spitale terciare, 11 spitale rajonale dhe Spitalin Memorial të Fierit, 27 spitale bashkiake, me vlerë 27.9 miliard lekë 

    – 1394 pacientë do të trajtohen me dializë, me vlerë financimi 2.6 miliard lekë 

    – 11 930 pacientë do të trajtohen me paketat e kardiologjisë dhe kardiokirurgjisë me një vlerë financimi 1.4 miliard lekë që do trajtohen te “Nënë Tereza” dhe “Shefqet Ndroqi” 

    – 22 pacientë me transplant renal (të veshkës), me financim 23 milion lekë 

    – 5 150 pacientë do të trajtohen me paketën e kataraktit me vlerë financimi 112 milion lekë 

    – 5.3 milion ekzaminime financuar me rreth 2 mld lekë 

    – 1 250 analiza për sindromën Down, me vlerë financimi 6 milion lekë 

    Programi i Shëndetit Publik – vaksinat për rreth 180 mijë fëmijë me një vlerë financimi prej 270 milion lekë, vaksinat e gripit sezonal për rreth 280 mijë persona me vlerë financimi prej 159 milion lekë 

    Programi kombëtar i depistimit – 5 mijë gra të depistuara për kancerin e gjirit me vlerë financimi prej 13 milion lekë, 12 mijë gra të depistuara për kancerin e qafës së mitrës, me vlerë financimi 26.9 milion lekë 

    Programi i Përkujdesit Social, financim me 7.3 miliard lekë për 57 mijë familje dhe 4 mijë individë në skemën e ndihmës ekonomike 

    – 94 mijë persona me aftësi të kufizuara dhe kujdestarë do të financohen me 15.3 miliard lekë 

    – Bonusi i bebes, me vlerë financimi 2.3 miliard lekë 

    – 8 300 gra me 3 fëmijë të cilave u paguhen sigurimet shoqërore dhe shëndetësore me një vlerë financimi prej 850 milion lekë 

    – 95 shërbime të financuara me fond social dhe 150 persona të kategorive në nevojë që do të punësohen në ndërmarrjet sociale me vlerë financimi prej 480 milion lekë 

    Po rikonstruksionet? (2026-2028) 

    Rikonstruksioni i Urgjencës në Spitalin e Durrësit 

    Rikonstruksioni i godinës së Spitalit Psikiatrik në QSUT 

    Rikonstruksioni i Spitalit të Tropojës dhe i godinës qendrore të Spitalit të Matit 

    Rikonstruksion i maternitetit numër 1 në Tiranë, i godinës qendrore të spitalit rajonal në Gjirokastër, i godinës qendrore të spitalit Pogradec, i disa pavioneve të spitalit Berat, i godinës qendrore të spitalit Lushnje, i godinës së maternitetit në spitalin e Shkodrës dhe atë të Fierit. 

    Theksoi po ashtu se do të ndërtohet godina e re e spitalit rajonal Korçë dhe se do të blihen pajisje mjekësore në vlerën 1.1 miliard lekë (në total). 

  • BBC drejt faljes publike për Trumpin, për të shmangur padinë 1 miliard dollarëshe

    BBC drejt faljes publike për Trumpin, për të shmangur padinë 1 miliard dollarëshe

    BBC po përgatitet t’i kërkojë falje drejtpërdrejt Presidentit Donald Trump për të shmangur kërcënimin e tij me një padi prej 1 miliard dollarësh.

    Transmetuesi publik britanik po punon për të dërguar një kërkim-falje personale, pasi pranoi se kishte lënë përshtypjen se Trump kishte bërë një “thirrje të drejtpërdrejtë për veprime të dhunshme” në një episod të programit Panorama vitin e kaluar. Më vonë doli në pah se dy pjesë të fjalimit të tij, mbajtur para trazirave në Kapitol më 6 janar 2021, ishin të ndërthurura gabimisht.
    Karoline Leavitt, sekretarja e shtypit e Shtëpisë së Bardhë, deklaroi të mërkurën se “BBC është një makinë propagande e majtë që, për fat të keq, financohet nga taksapaguesit britanikë”. Ajo e quajti episodin “një shembull klasik të lajmeve të rreme” dhe shtoi:“E shohim këtë në SHBA gjatë gjithë kohës dhe tani edhe në Mbretërinë e Bashkuar. Këshilltari ligjor i jashtëm i presidentit ka ngritur një padi kundër BBC-së. Nëse do të kërkojnë falje apo jo, kjo varet prej tyre.”
    Kryetari i BBC-së, Samir Shah, i tha ministrave të hënën se “BBC-ja do të donte të kërkonte falje për atë gabim gjykimi”. Një burim pranë transmetuesit bëri të ditur se pritet që ky mesazh t’i përcillet personalisht Trumpit, i cili i ka dhënë BBC-së afat deri nesër për t’iu përgjigjur letrës ligjore që përmend “dëmin dërrmues financiar dhe të reputacionit” të shkaktuar nga programi.
    Shah njoftoi gjithashtu se ka nisur një kërkim të plotë për pasardhësin e Tim Davie, drejtorit të përgjithshëm që dha dorëheqjen pas incidentit. Ai tha se bordi i BBC-së po punon “24 orë në ditë, 7 ditë në javë” për të gjetur drejtuesin e duhur që do të ndihmojë korporatën të përballojë një nga krizat më të mëdha në vitet e fundit.
    Zyrtarë të lartë të BBC-së thanë se procesi i emërimit të drejtorit të ri mund të zgjasë me muaj dhe se kandidati i ri mund të fillojë punën në shtator, nëse zgjidhet dikush nga jashtë. Shah i përshkroi sfidat e postit si “të mëdha”, duke shtuar:“Pse do ta pranonte dikush me reputacion të madh këtë punë, nëse përballet me sulme të tilla? Po kërkojmë shumë nga drejtori ynë i përgjithshëm.”
    Në një mbledhje të bordit të hënën, anëtarët joekzekutivë ranë dakord se zgjedhja e CEO-së së re është “vendimi më i rëndësishëm” për BBC-në. Burime të brendshme thanë se kandidatët me përvojë në gazetari do të kishin avantazh, megjithëse të tjerë theksuan se roli i drejtuesit të përgjithshëm duhet të përfshijë gjithë korporatën, jo vetëm sektorin e lajmeve.
    Shumica e kandidatëve të favorizuar janë gra — dhe nëse njëra prej tyre do të zgjidhet, do të jetë gruaja e parë në 103 vjet histori të BBC-së. Ndër kandidatët përmenden Jay Hunt (ekzekutive e Apple dhe ish-redaktore e BBC News), Charlotte Moore (ish-drejtoreshë përmbajtjeje e BBC-së), Alexandra Mahon (ish-drejtoreshë e Channel 4), dhe Jane Turton (drejtoreshë ekzekutive e All3Media).Emra të tjerë të përmendur janë George Osborne, ish-kancelar dhe ish-redaktor i Evening Standard, Carolyn McCall (CEO e ITV), dhe Kevin Bakhurst, aktualisht drejtor i RTÉ në Irlandë.
    Dokumente të brendshme tregojnë se BBC ka filluar planifikimin për trashëgiminë e Davie-t që në shtator 2024, por ekspertët vlerësojnë se korporata nuk ka zhvilluar një grup të fortë kandidatësh të brendshëm.Një analist mediatik komentoi: “Kur je drejtor i përgjithshëm i BBC-së, e di që çdo moment mund të ndodhë diçka që të rrëzon, prandaj duhet të ndërtosh një ekip të fortë për ta pasuar postin. Ata nuk e kanë bërë këtë.”
    BBC po shqyrton gjithashtu emërimin e një zëvendësdrejtori të përgjithshëm për të ndarë ngarkesën e drejtimit. Sir Peter Bazalgette, ish-kryetar i ITV, tha se një pozicion i tillë “ndoshta do të ndihmonte”.Jonathan Munro, zëvendësdrejtor i BBC News, është ndër ata që besohet se kanë sugjeruar nevojën për një figurë të tillë në hierarki.

    Top Channel

  • Redaktimi i fjialimt/ Trump kërcënon BBC-në me padi: 1 miliard dollarë dëmshpërblim

    Redaktimi i fjialimt/ Trump kërcënon BBC-në me padi: 1 miliard dollarë dëmshpërblim

    Donald Trump kërcënoi të padisë BBC, duke kërkuar 1 miliard dollarë dëmshpërblim. Deklarata e Trump për padi vjen, mes një krize të thellë në transmetuesin publik britanik, i cili është tronditur nga dorëheqjet e drejtuesve të lartë dhe akuzat për paragjykime politike.
    Një ditë më parë dhanë dorëheqjen Drejtori i Përgjithshëm i BBC-së, Tim Davey, dhe Drejtoreshës Kryesore të Lajmeve, Deborah Turns, të cilët u larguan të dielën në mbrëmje pas presionit të fortë politik dhe kritikave të forta për mbulimin e tyre të komenteve të presidentit amerikan më 6 janar 2021, ditën kur protestuesit sulmuan Kapitolin.
    Siç raportohet nga rrjetet amerikane NBC dhe Fox News, ekipi ligjor i Trump i dërgoi një letër BBC-së, duke i dhënë afat deri të premten, më 14 nëntor, për të tërhequr deklaratat e rreme, shpifëse, denigruese dhe nxitëse në lidhje me presidentin e SHBA-së. Nëse nuk ka zbatim, pala e Trump paralajmëron se nuk do të ketë zgjidhje tjetër veçse të ushtrojë të drejtat e saj ligjore dhe të barabarta, duke përfshirë ngritjen e një padie për të paktën 1 miliard dollarë.
    Konkretisht, sipas New York Times, letra kërkon tërheqjen e dokumentarit, një falje publike dhe pagesën e kompensimit financiar ndaj Presidentit Trump për dëmin që ka pësuar. Një zëdhënës i BBC-së deklaroi se “ne do ta shqyrtojmë letrën dhe do t’i përgjigjemi menjëherë në kohën e duhur”.
    Polemika shpërtheu pas publikimit të një memoje të brendshme nga ish-këshilltari i etikës i BBC-së, Michael Prescott. Por, pika më inkriminuese kishte të bënte me programin “Panorama”, ku u zbulua se fragmente të fjalimit të Trump më 6 janar ishin redaktuar, duke krijuar përshtypjen se ish-presidenti po bënte thirrje të drejtpërdrejta për veprime të dhunshme.

  • Sala: Shëndetësia mbi 1 miliard euro për 2026, do bëhet dhe rikonstruksioni i 100 Qendrave Shëndetësore

    Sala: Shëndetësia mbi 1 miliard euro për 2026, do bëhet dhe rikonstruksioni i 100 Qendrave Shëndetësore

    Ministrja e Shëndetësisë dhe Mbrojtjes Sociale, Evis Sala, ka bërë me dije se përmes projekt-buxhetit 2026, me mbi 1 miliard euro të dedikuara për shëndetësinë dhe mirëqenien sociale, parashikohet edhe rikonstruksioni i 100 Qendrave Shëndetësore në të gjithë vendin, në funksion të përmirësimit të shërbimit për komunitetin.
    “Qendra Shëndetësore në Maliq është bërë një model i kujdesit mjekësor modern dhe të integruar, ku së fundmi është shtuar edhe shërbimi i depistimit të shikimit për fëmijët”, tha ministrja.
    Në dy muajt e fundit, në të gjithë NJVKSH Korçë janë kryer 1,000 depistime të shikimit për fëmijët, me qëllim zbulimin dhe parandalimin e hershëm të problemeve të syve.

  • Skandali/ Afera e Tunelit të Llogarasë, si u fry tenderi me dhjetëra milionë euro

    Skandali/ Afera e Tunelit të Llogarasë, si u fry tenderi me dhjetëra milionë euro

    Një javë më parë, Prokuroria e Posaçme Kundër Korrupsionit dhe Krimit të Organizuar (SPAK) njoftoi se ka marrë të pandehur Ministren e Infrastrukturës dhe Energjisë, Belinda Balluku, për veprën penale “shkelje e barazisë në tendera”, në lidhje me procedurën e ndërtimit të Tunelit të Llogarasë.
    Por çfarë dimë konkretisht për këtë aferë?
    Sipas dokumenteve zyrtare, në datën 14 dhjetor 2020, Ministria e Infrastrukturës dhe Energjisë hapi garën për ndërtimin e tunelit me fond limit 19.1 miliard lekë pa TVSH (rreth 23 miliard me TVSH).
    Pas anulimit, tenderi u rihap në qershor 2021 dhe u shpall fitues konsorciumi turk INTEKAR-ASL me ofertë 17 miliard lekë, afro 10 milion euro më shumë se një tjetër ofertë më e ulët. Megjithatë, siç dokumentohet edhe në raportin e SPAK, punimet u kryen dhe u drejtuan në terren nga “Gjoka Konstruksion”, kompania që në garën e parë kishte ofruar çmimin më të ulët.
    Bilancet e dorëzuara në Qendrën Kombëtare të Biznesit tregojnë se INTEKAR-ASL ka deklaruar nga viti 2021 deri në 2024 të ardhura 16.5 miliard lekë dhe fitim 2.77 miliard lekë.
    Por sipas të dhënave të Thesarit të Shtetit, pagesat reale të marra nga kompania janë më të larta — 19.4 miliard lekë në total — duke rezultuar me 1.1 miliard lekë të padeklaruara (rreth 11 milionë euro), për të cilat nuk është paguar tatimi mbi fitimin. Këto shifra janë në kundërshtim me të dhënat e publikuara nga thesari, ku rezulton se kompania ka arkëtuar më shumë fonde sesa ka deklaruar zyrtarisht në bilance.
    Sipas studimit të kompanisë sllovake “DUHA”, e kontraktuar fillimisht kur projekti parashikohej si PPP, kostoja reale e ndërtimit të tunelit ishte 113 milionë euro, ose 127 milionë euro nëse përfshihej galeria e emergjencës. Megjithatë, tenderi publik u hap me fond limit 190 milionë euro, pra me 63 milionë euro më shumë se kostoja reale e projektuar.
    Ky ndryshim rezulton i dokumentuar edhe në Raportin e Kontrollit të Lartë të Shtetit për Buxhetin 2021, ku thuhet se projekti fillimisht ishte parashikuar me vlerë 12.1 miliard lekë (rreth 120 milionë euro), por më pas u hap me fond limit 22.7 miliard lekë me TVSH. Një tjetër element i rëndësishëm: projekti teknik i tunelit është dorëzuar më 20 mars 2021, pra tre muaj e gjysmë pas hapjes së tenderit të parë.
    Sipas SPAK, preventivi i tenderit është përllogaritur mbi një projekt-ide, jo mbi projektin përfundimtar, gjë që ka ndikuar në fryrjen e kostos. Për hartimin e këtij projekti, Ministria pagoi 7 milionë euro kompanisë austriake “IC Consulent” dhe partnerëve të saj. Megjithatë, projekti i dorëzuar nuk përputhet me punimet e kryera, pasi ura e planifikuar në daljet e tunelit, që shfaqej në modelin austriak, nuk është ndërtuar.
    Në këtë pikë, të gjitha të dhënat nga bilancet, raportet e Thesarit, dokumentet e tenderit dhe studimet teknike tregojnë se procedura për Tunelin e Llogarasë ka qenë e paracaktuar dhe me kosto të fryrë artificialisht.
    SPAK ka ndërmarrë tashmë veprim ndaj ministres Balluku, por mbetet për t’u parë nëse hetimi do të shkojë më thellë te ata që përgatitën projektin, firmosën preventivat dhe miratuan shtesat buxhetore.
    Në fund, kjo është një nga aferat më të mëdha që trondit qeverinë shqiptare: një tunel që duhej të kushtonte 127 milionë euro, por përfundoi duke i kushtuar shtetit 190 milionë euro — dhe që sot mbetet një simbol i mënyrës se si paratë publike mund të devijohen përmes procedurave formalisht të ligjshme.