Lajmidites.com

Tag: milani

  • “Pulisic më kujton Shevchenkon, Maignan duhet të ‘blindohet’ pa asnjë dyshim”

    “Pulisic më kujton Shevchenkon, Maignan duhet të ‘blindohet’ pa asnjë dyshim”

    11 Dhjetor 2025

    11:07

    Alfred Lleshi

    Në një intervistë për “Tuttosport”, ish-drejtori sportiv i Milanit, Ariedo Braida, komentoi momentin e skuadrës kuqezi. Për Allegrin tha: “Është një ‘fuoriclasse’ i stolit dhe vlera reale e këtij Milani. Një trajner konkret, me karizëm dhe autoritet. Ka rikthyer disiplinën që duhej për të arritur lart. Tani Milani është i bashkuar dhe rezultatet duken. Max e ka fitimin prioritet; mënyra se si luan nuk ka rëndësi, vetëm rezultati”.
    Për garën e titullit: “Duket një kampionat pa pronar; Interi dhe Napoli kanë pak më shumë cilësi në skuadër, por Milani pa kompeticione europiane dhe me rinovime të duhura në janar mund të jetë konkurrues deri në fund”.
    Për Pulisic: “Fantastik, më kujton Shevchenkon për ndikimin në rezultat”. Për Modric: “Një kampion i vërtetë, 40 vjeç dhe akoma ecën më tepër se shumë të rinj”. Për Maignan: “Është magnetik, me karizëm dhe bën diferencën; duhet të blindohet sa më shpejt për të fituar trofe”.

  • Milani, 31 pikë si te titulli i vitit 2022. Kjo statistikë “garanton” Champions-in

    Milani, 31 pikë si te titulli i vitit 2022. Kjo statistikë “garanton” Champions-in

    9 Dhjetor 2025

    14:34

    Alfred Lleshi

    Një nisje e tillë për Milanin nuk ishte parë që nga sezoni i titullit kampion. Sipas “Gazzetta dello Sport”, 31 pikët e grumbulluara nga “Djalli” në 14 javët e para barazojnë ecurinë e sezonit 2021-2022, vitit të titullit të fundit. Ka edhe një të dhënë historike inkurajuese për Champions League. Në epokën e tri pikëve, sa herë që Milani ka kaluar kuotën 30 në këtë fazë të kampionatit, e ka mbyllur gjithmonë sezonin të paktën në podium. Shifrat, pra, janë në favor të kuqezinjve.
    Entuziazmi pas përmbysjes ndaj Torinos ka përfshirë edhe Arrigo Sacchi. Në “Gazzetta dello Sport”, ish-trajneri sfidon Napolin dhe Interin, por e lidh ëndrrën e titullit kuqezi me merkaton. Skuadrës së Allegrit, sipas tij, “i duhet një sulmues si buka”. Nëse klubi ndërhyn në janar, skenarët ndryshojnë: “Nuk do të çuditesha nëse në pranverë Milani do të jetë i pari dhe të tjerët do të mundohen ta ndjekin”.

  • Milani përmbys Torinon e Asllanit, kuqezinjtë marrin kryesimin e Serisë A

    Milani përmbys Torinon e Asllanit, kuqezinjtë marrin kryesimin e Serisë A

    Milani i Alegrit nuk i ndahet garës për titullin kampion. Kuqezinjtë kanë marrë tre pikët e radhës mbrëmjen e sotme, teksa kanë mposhtur Torinon me shifrat 2-3. Vendasit kaluan të parët në epërsi me anë të Vlashiçit. Këtij të fundit i mjaftuan vetëm 10 minuta për të ndryshuar rezultatin në tabelën elektronike. Vetëm 7 minuta më vonë Zapata dyfishoi shifrat, duke ndezur edhe më shumë festën e torinezëve.
    Por pavarësisht dy golave të pësuar në kaq pak minuta, Milani diti si të reagonte. Rabio zgjoi “djallin” me golin e shënuar në minutën e 24-t, ndërsa në pjesën e dytë skenën e rrëmbeu Pulisiçi. Lojtari i Milanit tundi rrjetën në minutën e 67 dhe në të 77, duke përmbysur kështu rezultatin. Me këtë fitore, kuqezinjtë e Alegrit i bashkohen Napolit në krye të tabelës së renditjes së Serisë A, me 31 pikë të grumbulluara në 14 javët e para të kampionatit./Sport Ekspres/

  • Milani eleminohet nga Kupa e Italisë, Alegri: Jashari luajti një ndeshje të mirë, ne gabojmë kur jemi në kontroll

    Milani eleminohet nga Kupa e Italisë, Alegri: Jashari luajti një ndeshje të mirë, ne gabojmë kur jemi në kontroll

    Milani është eleminuar sot nga Kupa e Italisë. Kuqezinjtë janë mposhtur me rezultatin minimal 1-0 nga Lacio. Pas përfundimit të ndeshjes, Masimiliano Alegri ka përgëzuar Ardon Jasharin për lojën e zhvilluar, ndërsa nuk e fsheh zhgënjimin për eleminimin e parakohshëm nga Kupa e Italisë.
    “Jashari ishte në një formë të mirë dhe ka luajtur një ndeshje të mirë. Edhe Estupinani gjithashtu. Gjëja pozitive është se të gjithë janë mirë, por ne jemi të zhgënjyer. Nuk ishte e lehtë sot. Lacio nuk la shumë (hapësirë). Tani duhet të përqendrohemi të ndeshja e radhës, por zakonisht kur ne jemi në kontroll bëjmë gabime”, ka deklaruar Masimiliano Alegri./Sport Ekspres/

  • Himenez drejt largimit, Milani kërkon zëvendësuesin

    Himenez drejt largimit, Milani kërkon zëvendësuesin

    E ardhmja e Santiago Himenez tek Milan mbetet e paqartë, megjithëse agjentja e tij, Rafaela Pimenta, mohon çdo skenar largimi.
    Sipas zërave të merkatos, klubi kuqezi po shqyrton mundësinë e një ndryshimi në repartin ofensiv, ku sulmuesi meksikan nuk ka dhënë ndikimin e pritur në fillimin e sezonit.
    Në këtë kontekst, Milani ka nisur të vëzhgojë profilin e Niklas Fylkrug dhe Emanuel Pelegrino të Parmës, dy emra që pëlqehen nga stafi teknik si alternativa të mundshme.

    Megjithatë, Pimenta thekson se nga klubi nuk ka ardhur asnjë sinjal negativ dhe se Himenez konsiderohet ende pjesë e projektit. Agjentja shton se çdo thashethem është i pabazë dhe se lojtari është i fokusuar tek Milani, pavarësisht interesimeve të huaja. Për momentin, situata mbetet e qëndrueshme, por merkatoja e janarit mund të sjellë zhvillime të reja për sulmin kuqezi.

  • Sulmuesi drejt largimit nga Milani, e ardhmja në dyshim

    Sulmuesi drejt largimit nga Milani, e ardhmja në dyshim

    Santi Gimenez vazhdon stërvitjet i veçuar në Milanello për shkak të një problemi në kyçin e këmbës së majtë dhe rikthimi i tij në grup mbetet i pasigurt.
    Sulmuesi nuk do të jetë i gatshëm për sfidën e Kupës së Italisë ndaj Lacios dhe thuajse me siguri do të mungojë edhe kundër Torinos. Plani parashikon seancë individuale deri në fund të javës, për të vijuar më pas me një fazë rikthimi me intensitet të lartë.
    Ndërkohë, afrimi i merkatos së janarit ka rritur zërat për një largim të mundshëm të lojtarit. Disa klube të Premier League, mes tyre Ëest Ham dhe Sunderland, raportohet se po e ndjekin situatën, megjithëse Milani nuk ka marrë asnjë ofertë zyrtare.
    Mund të bëhet fjalë për sondazhe të agjentit lidhur me mundësitë në Angli dhe në tregje të tjera. Gimenez kishte zgjedhur të qëndronte gjatë verës, pavarësisht mungesës së garancive për një vend titullari. Aktualisht, konkurrenca me Leao, Pulisic dhe Nkunku e vë lojtarin përballë mundësisë që në janar të kërkojë një ndryshim destinacioni.

  • Shevchenko: Po, Leao do të kishte pasur vend edhe te Milani im

    Shevchenko: Po, Leao do të kishte pasur vend edhe te Milani im

    3 Dhjetor 2025

    12:25

    Alfred Lleshi

    Andriy Shevchenko, në intervistën për “Tuttosport” foli rreth Milanit dhe punës së trajnerit: “Më pëlqen entuziazmi brenda Milanit. Lojtarët i kanë përqafuar idetë dhe organizimin që Max solli. Nuk kam punuar kurrë me të, por e njoh dhe e vlerësoj shumë. Allegri ka një karrierë të jashtëzakonshme. Nuk mund të themi që ‘Djalli’ është favorit për titullin, por mbetet aty dhe momenti duket shumë i mirë. Mungesa e angazhimeve europiane sjell një avantazh për përgatitjen javore dhe energjinë”.
    Për Rafael Leao: “Nuk është sulmues tipik, por lojtar krahu. Nëse organizimi është pak më poshtë për të shfrytëzuar karakteristikat e tij, Rafa ka cilësitë për të goditur shpejt dhe mirë. Rezultatet e tij aktualisht janë pozitive, shënon dhe po mëson një rol të ri. Nuk do të jetë gjithmonë e lehtë, si sulmues duhet të dijë të shënojë në çdo situatë”.
    Kur u pyet nëse do të kishte vend në Milanin e tij, Shevchenko u përgjigj: “Po. Nuk e di nëse si titullar, por një vend do ta kishte, sepse është sulmues me karakteristika unike”.

  • Ramos drejt Serisë A, propozohet te Milani

    Ramos drejt Serisë A, propozohet te Milani

    Sergio Ramos është propozuar te Milani për merkaton e janarit, sipas Fabrizio Romanos. Mbrojtësi spanjoll është drejt largimit nga Monterrey dhe kërkon një përvojë të re në Europë.
    Ai synon të mbajë gjallë shpresat për pjesëmarrje në Kupën e Botës dhe nuk ka ndërmend të tërhiqet nga futbolli.
    Ramos do të ishte i gatshëm t’i bashkohej menjëherë një ekipi që ka nevojë për lider në mbrojtje dhe nuk kërkon të jetë titullar i përhershëm. Serie A është një destinacion që e tërheq lojtarin, ndërsa agjentët e tij po e ofrojnë tek disa klube.
    Mes këtyre klubeve është edhe Milani, që po kërkon një qendërmbrojtës për pjesën e dytë të sezonit. Kontrata e Ramos me Monterrey skadon në dhjetor 2025, gjë që e bën operacionin më të ndërlikuar në aspektin ekonomik.

  • Vlerësimi/ Igli Tare thur elozhe për paraqitjen e Luka Modriç te Milani

    Vlerësimi/ Igli Tare thur elozhe për paraqitjen e Luka Modriç te Milani

    Kalimi i Igli Tares si drejtor sportiv i Milanit ka sjellë që kuqezinjtë italianë të shohin drejt një përmirësimi të tyre në kampionat, aq sa këtë herë Milani ka ambicie për të fituar titullin. Ndërkohë, legjenda kroate Luka Modriç, i sjellë nga Tare në merkaton e verës, po i impresionon tifozët e Milanit me paraqitje.
    Modriçi në verë u largua nga Reali i Madridit pas 13 vjetësh dhe vendosi për Milanin. Jo të gjithë ishin të bindur se ai mund të jetë i vlefshëm për skuadrën kuqezi. Por drejtori sportiv i Milanit, Igli Tare i besoi 40-vjeçarit dhe tani po del që vendimi i tij ishte plotësisht i qëlluar. Milani po vazhdon me rezultate shumë pozitive dhe është fuqishëm në garë për titull. Të shtunën mbrëma Milani fitoi 1:0 në derbin e radhës, atë ndaj Lacios. Modriçi ka startuar në të gjitha 13 ndeshjet e deritashme, ndërsa vetëm në dy prej tyre është zëvendësuar. Ndaj Lacios luajti shkëlqyeshëm për 104 minuta, aq sa edhe zgjati ndeshja e tensionuar. Tifozë të Milanit dhe media të afërta të këtij klubi tashmë po kërkojnë që klubi t’ia vazhdojë kontratën ikonës kroate. “Ndikimi i tij është i mahnitshëm. Ai është zbulim shumë i bukur, por duke e njohur nga afër, si njeri dhe profesionist, kjo nuk është befasi. Gëzohet si fëmijë dhe secilën ndeshje e përgatitë në detaje. Shpresoj që do të mund ende të luajë me ne.
    E ka opsionin edhe për një vit tjetër, por jemi pajtuar që në qetësi do të merremi vesh për rrugën e tij”, ka thënë Tare për “Gazzetta dello Sport”. Drejtuesi shqiptar i Milanit ka treguar se si klubi erdhi tek ideja e angazhimit të Modriçit. “E kemi analizuar detajisht edicionin e kaluar dhe kemi kuptuar që na duhet një lojtar me personalitet, i cili menjëherë do të ketë ndikim të madh në ekip. Ndikimi i Modriçit u dëshmua të jetë shumë i madh”, ka thënë Tare për mediat sportive italiane.

  • Milani kërkon kreun e Serie A, sonte kuqezinjtë përballë Lazios, fitojnë Udinese dhe Genoa

    Milani kërkon kreun e Serie A, sonte kuqezinjtë përballë Lazios, fitojnë Udinese dhe Genoa

    Pas fitores së Komos kundër Sasuolos në hapje të javës së 13-të të Serie A, këtë të shtunë edhe Udinese dhe Xhenova regjistruan fitore në duelet e radhës të këtij kampionati. Udinese mundi jashtë fushe Parmën me rezultatin 2–0. Xaniola dhe Deivis, në secilën pjesë, i dhanë fitoren e çmuar friulanëve, që ngjiten në vendin e 9-të në kuotën e 18 pikëve.
    Ndërsa Xhenova mundi në duelin direkt të mbijetesës Veronën me rezultatin 2–1. Miqtë kaluan të parët në avantazh në gjysmën e pjesës së parë me Belgali. Mirëpo skuadra e trajnerit De Rosi fillimisht barazoi shifrat në fund të pjesës së parë me anë të Lorenco Kolombos, ndërsa në pjesën e dytë, golin e suksesit të Xhenovës e shënoi Torsbi. Në sajë të këtij suksesi, Xhenova lë zonën e ftohtë dhe ngjitet me 11 pikë.
    Sonte spikat në “San Siro” përballja mes Milanit të Alegrit dhe Lazios së Mauricio Sarrit. Një ndeshje që e vendos edhe drejtorin kuqezi, Igli Tare, përballë një të kaluare të rëndësishme si ish-futbollist dhe drejtues për 19 vite te kryeqytetasit. Milani është i dyti në klasifikim me 25 pikë, bashkë me Napolin, dhe pas suksesit të rëndësishëm në derbi kërkon vazhdimësinë.
    Alegri nuk po arrin të ketë 100% grupin në dispozicion, pasi sot mungojnë Pulisic dhe Himenez. Në sulm, Nkunku është favorit përballë Loftus-Çik për të qenë në dyshe me Leaon. Kuqezinjtë mund të kapin kreun nëse fitojnë dhe më pas të shijojnë me qetësi përballjen direkte të së dielës Roma–Napoli./vizionplus.tv