Lajmidites.com

Tag: miell

  • Ndihma urgjente për Pogradecin/ Mbërrijnë pako ushqimore dhe miell për familjet e prekura nga përmbytjet

    Ndihma urgjente për Pogradecin/ Mbërrijnë pako ushqimore dhe miell për familjet e prekura nga përmbytjet

    Kronikë E Shtunë, 22 Nëntor 2025 19:07
    Pas përmbytjeve të rënda që goditën Pogradecin ditët e fundit, Bashkia ka marrë ndihmën e parë emergjente nga rezervat materiale të shtetit. Në qytet kanë mbërritur 50 pako ushqimore dhe 1 ton miell, të cilat do të shpërndahen që prej mëngjesit të së dielës për familjet më të prekura.
    Prioritet do t’u jepet banorëve që kanë pësuar dëme të rënda në banesa nga vërshimet. Sipas autoriteteve vendore, deri më tani janë evakuuar plotësisht gjashtë familje, pasi shtëpitë e tyre janë kthyer të pabanueshme.

    Për këto familje do të akordohet menjëherë bonusi i qirasë nga fondi i emergjencave civile, derisa të përfundojë rikonstruksioni i banesave të dëmtuara.

    Ndërkohë, ekipet e emergjencës dhe punonjësit e bashkisë vijojnë punën në terren për vlerësimin e dëmeve dhe shpërndarjen e ndihmave në zonat më të goditura nga reshjet.

  • Nuk keni peshore kuzhine? Këto truke të thjeshta do t’ju ndihmojnë të matni përbërësit me saktësi

    Nuk keni peshore kuzhine? Këto truke të thjeshta do t’ju ndihmojnë të matni përbërësit me saktësi

    Shumë njerëz në kuzhinë hasin problemin e mungesës së peshoreve ose gotave matëse të kuzhinës, veçanërisht kur ndjekin receta të reja. Megjithatë, lajmi i mirë është se është e mundur të përgatiten vakte të shijshme pa matje të sakta, duke përdorur enë kuzhine.

    Një lugë e madhe mund të shërbejë si masë bazë – ajo mban rreth 15 ml lëng ose afërsisht 10 deri në 12 gram miell. Një lugë çaji mban rreth 5 ml, ndërsa një filxhan standard kuzhine ka një kapacitet prej rreth 240 ml.

    Nëse një recetë kërkon gjysmë filxhani, mund ta vlerësoni atë si gjysmë filxhani kafeje të rregullt.

    Për ata që nuk kanë peshore, ja disa udhëzime praktike: një grusht miell është afërsisht gjysmë filxhani, ndërsa dy grushte janë afërsisht një filxhan. Një banane mesatare peshon rreth 120 gramë, një mollë rreth 150, ndërsa një vezë mesatare peshon midis 50 dhe 60 gramë. Gjalpi mund të matet edhe me lugë gjelle – një lugë gjelle përmban afërsisht 15 gramë.

    Është e rëndësishme që të përdorni të njëjtën enë për të matur të gjithë përbërësit në një recetë gjatë përgatitjes së pjatës.
    Në këtë mënyrë do të ruani proporcionet dhe do të arrini një rezultat të ekuilibruar. Nëse nuk jeni të sigurt për sasinë, shtoni përbërësit gradualisht dhe përshtatini ato sipas strukturës – veçanërisht kur bëhet fjalë për miell ose lëng.
    Kur përgatitni brumin, është e rëndësishme të mbështeteni në ndjesinë tuaj të brendshme: nëse brumi është shumë ngjitës, shtoni pak më shumë miell, dhe nëse është i thatë dhe i thërrmueshëm, shtoni një lugë gjelle lëng si ujë, qumësht ose vaj.

  • Bukë me miell misri dhe miell pa gluten – Ideale për dietën tuaj

    Bukë me miell misri dhe miell pa gluten – Ideale për dietën tuaj

    Me pak përbërës të thjeshtë dhe pa shumë mundim, mund të përgatisni një bukë të shëndetshme që do t’i pëlqejë gjithë familjes

    Më poshtë gjeni udhëzimet e detajuara për t’u nisur menjëherë në këtë aventurë gatimi.

    Përbërësit:

    ▪ 300 g Miell Schär Mix B (miell universal pa gluten)
    ▪ 100 g Miell misri (pa gluten)
    ▪ 1 pako (7 g) maja të thatë Schär
    ▪ 1 lugë çaji kripë
    ▪ 1 lugë çaji sheqer
    ▪ 350 ml ujë të ngrohtë (jo i nxehtë)
    ▪ 3 lugë gjelle vaj ulliri ekstra i virgjër
    ▪ 2 lugë gjelle fara (susam, luledielli, kungulli ose një miks)
    ▪ 1 lugë gjelle fara chia ose fara liri (opsionale, për më shumë shëndet)

    Udhëzimet:

    Në një tas të madh, përzieni miellin Schär Mix B dhe miellin e misrit.

    Shtoni kripën dhe sheqerin dhe përzieni mirë.

    Në një enë tjetër, shpërndani majanë e thatë në ujë të ngrohtë. Lëreni për 5 minuta derisa të aktivizohet dhe të formohet një shtresë shkumë në sipërfaqe.

    Shtoni majanë e aktivizuar dhe vajin e ullirit në përzierjen e miellit.

    Filloni të punoni brumin me lugë druri, pastaj me duar, deri sa të formohet një brumë i butë dhe pak i ngjitshëm. Nëse brumi është shumë i thatë, shtoni pak ujë; nëse është shumë i lagësht, shtoni pak miell Schär.

    Mbulojeni tasin me një pecetë të pastër dhe lëreni të pushojë në një vend të ngrohtë për rreth 1 orë, derisa brumi të dyfishohet në masë.

    Ngrohni furrën në 220°C (me ventilim).

    Vendosni brumin në një tavë të mbuluar me letër pjekjeje, formoni një bukë ovale dhe spërkateni sipër me farat e përziera.

    Piqni në furrë për 30-35 minuta, derisa buka të marrë një ngjyrë të artë dhe të jetë e fortë kur e trokitni poshtë.

    Lëreni të ftohet plotësisht para se ta prisni.

    Këshilla shtesë: Kjo bukë është e shkëlqyer për mëngjes me gjalpë kikiriku ose për sandviçë gjatë ditës.

    Nëse dëshironi, mund të shtoni edhe 1 lugë gjelle fara chia ose fara liri për vlera më të larta ushqyese.

    Për ta ruajtur më gjatë, mbajeni në një qese letre ose në një kuti bukë dhe mos e lini në frigorifer pasi tharjet janë më të shpejta aty.

  • Si të Përgatisni Bukë të Shijshme Fshati vetë në Shtëpi

    Si të Përgatisni Bukë të Shijshme Fshati vetë në Shtëpi

    Dashamirësit e puergatitjes së bukës në shtëpi janë gjithnjë në kërkim të recetave të reja dhe përditësimit të atyre aktuale për të sjellë në tryezë gatime sa më të mira e të shëndetshme.

    Buka e bërë vetë e mbush shtëpinë me aromë shumë të këndshme dhe bashkon të gjithë familjen.
    Në këtë recetë të AgroWeb.org do të mësoni se si të përgatisni bukën e fshatit në shtëpi në mënyrë të shëndetshme.
    Përbërësit 

    1 pako maja e thatë
    1 lugë çaji me sheqer
    3 filxhanë (çaji) me miell të bardhë
    1 gotë me ujë
    1 lugë e gjysmë çaji me kripë
    2-3 lugë gjelle me vaj ulliri
    Miell të bardhë shtesë për punimin e brumit.

    Përgatitja
    Merrni një tas të një madhësie mesatare dhe hidhni në të majanë, sheqerin, treçerek filxhan çaji me miell dhe ujin.
    Përziejini mirë së bashku duke përdorur një lugë druri.
    Në këtë pikë, brumi do të bëhet i hollë.
    Lejeni brumin në tas në një vend të ngrohtë dhe mos e mbuloni.
    Prisni deri sa brumi të jetë disi i shkumëzuar.
    Nëse dëshironi që buka të ketë shijen e brumit të ardhur, atëherë lëreni atë mënjanë për deri në 2 orë.
    Më pas përzieni pjesën e mbetur të miellit me kripën me një lugë druri dhe shtoni pjesën e brumit me maja.
    Kur brumi të lidhet fort, atëherë në banakun e pastër hidhni miell dhe punojeni brumin me dorë për rreth pesë minuta.
    Herë pas here shtoni sasi të vogla mielli deri sa brumi të jetë i butë por jo i ngjitshëm.
    Merrni një tepsi dhe lyejeni lehtë me vaj.
    Vendoseni brumin e bukës në qendër të tepsisë dhe sipërfaqen e sipërme të saj lyejeni me vaj.
    Tepsinë mbulojeni me një qese plastike dhe sipër saj vendosni një peshqir të pastër.
    Lëreni brumin të vijë për të paktën dy orë , në varësi të temperaturës së ambientit.
    Kthejeni brumin sërish në banakun e lyer me miell dhe punojeni me duar për 2 minuta.
    Në këtë pikë, brumi duhet të jetë shumë elastik.
    Jepini brumin formën rrethore ose atë që preferoni, lyejeni sipërfaqen me vaj ulliri dhe vendoseni mbi një letër pjekjeje.
    Lëreni mënjanë përreth 1 orë deri sa masa e brumit të dyfishohet.
    Kur buka të jetë gati për pjekje, ndizeni furrën në 200 °C.
    Lyejeni sipërfaqen e saj me pak ujë dhe futeni në furrë për ta pjekur për rreth 30 minuta.
    Hiqeni nga furra dhe spërkateni me pak ujë dhe më pas futeni sërish në furrë për t’u pjekur për 15 minuta të tjera.
    Hiqeni përfundimisht nga furra dhe lëreni të ftohet për 5 minuta përpara se ta prisni në feta./AgroWeb.org

  • Kaso për 11 Majin: Para, miell, legalizim, presion dhe shantazh

    Kaso për 11 Majin: Para, miell, legalizim, presion dhe shantazh

    Ivi Kaso i cili nga shtatori do të ulet në Parlament si deputet i PD-së, ka denoncuar krimet zgjedhore të 11 majit. Duke folur mbi presionin dhe shantazhin ndaj zgjedhësve, Kaso përmendi disa raste ku drejtorë administrate, drejtoria e tatimeve dhe hipoteka u vunë në funksion të Partisë Socialiste në Korçë dhe konkretisht kandidates Besa Spaho. Të gjitha këto fakte tha ai janë në SPAK.
    ”I kemi denoncuar edhe në fushatë, kemi denoncuar sa i përket makinerisë shtetërore që u vu në funksion të PS, me emra drejtorësh që kemi paditur në SPAK së bashku me deputeten e zgjedhur Besa Spahos në Korçë iu vu në dispozicion e gjithë makineria shtetërore në Korçë duke filluar me drejtoreshën e tatimeve që thërriste në zyrë bizneset që kishte subjekt kontrolli dhe hapur kërkonte votën për PS dhe Besa Spahon. të njëjtën gjë kanë bërë edhe punonjësit e hipotekës, kadastra e Korçës u vu në dispozicion të së njëjtës kandidate”, theksoi Kaso në A2cnn.

    Një rast flagrant ka qenë kur zyrtarë të Hipotekës kanë shkuar te shtëpia e kandidates së PD-së dhe i kanë ofruar legalizim në këmbim të votës për PS. ”Kanë shkuar në Maliq në Libonik te shtëpia e kandidates për depuetet të amsh dhe i kanë premtuar legalizim në mbështetje të kandidates së PS. Kaq flagrante është. I kemi çuar në SPAK. Detyrën shtetërore nuk e kanë ushtruar në asnjë moment por duke bërë fushatë për PS. Kemi raste flagrante”. Për më tepër theksoi se ka denoncuar edhe shpërndarjen e thasëve me miell dhe të parave ndaj familjeve vulnerabile. Ai tha se për të gjitha këto kemi fakte dhe prova me zë e figurë.
    ”Kemi denoncuar shpërndarjen e thasëve me miell, kemi denoncuar rastin tjetër që u kap me zë e figurë që u fut në shtëpinë enjë familjeve në vështirësi ekonomike dhe u kishte premtuar para në këmbim të votës. E kemi me zë e figurë e kemi çuar në SPAK dhe të njëjta persona thanë se ne po bënim shaka. Ia kemi çuar edhe KQZ e KAS. E gjithë kjo ka ndodhur në Shqipëri, mendo në diasporë zyrat e konsullatës në Selanik janë bërë zyra të PS. Operatori i DHL e pohonte hapur në Facebook. I kemi me zë e figurë që na dhanë 100 mijë lekë nëse votojmë. I faktojmë me prova e fotografi nga terreni. Detyrën shtetërore nuk e kanë ushtruar në asnjë moment por duke bërë fushatë për PS. Kemi raste flagrante”.

  • Çervish me Miell Misri dhe Pulë – Receta e Vjetër me Shije të Veçantë

    Çervish me Miell Misri dhe Pulë – Receta e Vjetër me Shije të Veçantë

    Një recetë e vjetër shqiptare e cila në qytete të ndryshme përgatitet në mënyra të ndryshme.

    Disa e përgatisin me miell gruri e disa të tjerë me miell misri, disa e pjekin e disa e përgatisin më të lëngshëm çervishin.
    Por ajo që nuk ndryshon asnjëherë është shija perfekte e kësaj pjate tradicionale.
    Mishi i pulës i përgatitur në këtë mënyrë është shumë i butë dhe plot lëng.
    Salca e çervishit nga ana tjetër i jep dhe shijen karakteristike kësaj recete.
    Perfekte për të shoqëruar orizin e thjeshtë, sallatat me perime të freskëta apo ato të pjekura.
    Në vetëm pak hapa dhe do të mrekulloheni vërtetë me aromën dhe shijen e saj.
    Përbërësit

    1 pulë
    5 lugë gjelle me gjalpë
    Një filxhan çaji me miell misri
    3-4 thelpinj hudhër
    Kripë
    Piper i zi
    Piper i kuq
    Ujë
    Majdanoz i freskët

    Përgatitja
    AgroWeb.org ju këshillon që pasi të keni pastruar mishin e pulës, priteni atë në copa.
    Në zjarr vendosni një tigan dhe aty hidhni 2-3 lugë gjalpë që të shkrijë.
    Kur gjalpi të jetë ngrohur vendosni thelat e pulës për t’u skuqur.
    Sigurohuni që t’i ktheni nga të dyja anët në mënyrë që skuqja të jetë e njëjtë.
    Hidhini kripë dhe piper në mënyrë që pula të marrë shijen e duhur.
    Pasi ta keni skuqur largojini nga tigani dhe futini në një tenxhere dhe mbulojini me ujë.
    Tenxheren vendoseni në zjarr dhe lëreni të ziejë derisa mishi i pulës të jetë zbutur.
    Ndërkohë tek tigani shtoni edhe gjalpin e mbetur dhe filloni të skuqni miellin e misrit.
    Kini kujdes që të mos digjet pasi do të hidhërojë shijen e çervishit.
    Duke përdorur një garuzhde AgroWeb.org ju sugjeron që të merrni pak nga lëngu i mishit të pulës dhe ta hidhni tek tigani.
    Kini kujdes që të përzieni mirë salcën e formuar që të mos digjeni.
    Qëroni thelpinjtë e hudhrës dhe shtojini në tigan.
    Shtoni lëngun e mishit dalë ngadalë dhe më pas edhe thelat e mishit dhe lërini pak të avullojë lëngu.
    Ndizni furrën në 200 gradë dhe kalojeni të gjithë masën e përgatitur në një tavë qelqi ose balte.
    Futeni për ta pjekur derisa pula të ketë marrë një ngjyrë të artë të thellë dhe çervishi të jetë mpiksur.
    Nëse nuk e dëshironi shumë të trashë, mund edhe të mos e fusni në furrë për ta pjekur por ta zieni plotësisht në tenxhere.
    Pasi të jetë pjekur, nxirreni tavën nga furra dhe spërkateni me majdanoz të freskët të grirë për më shumë shije./AgroWeb.org

  • Pispili me Djathë – E Thjeshtë me Shije të Mrekullueshme

    Pispili me Djathë – E Thjeshtë me Shije të Mrekullueshme

    Shumë fantastike për t’u shijuar në çdo kohë.

    Një recetë e thjeshtë, e lehtë që kërkon shumë pak kokë në përgatitje e që shoqërohet në mënyrë të shkëlqyer me gatime të ndryshme.
    AgroWeb.org ju sjell më poshtë mënyrën e lehtë të përgatitjes së pispilisë me miell misri dhe djathë.
    Pispili me miell misri dhe djathë është një gatim i shijshëm që mund të konsumohet e ngrohtë kurdoherë.
    Por sigurisht, ajo është një ide e shkëlqyer për të kombinuar gatime të ndryshme në çdo vakt të ditës.
    Përgatitja e Pispilisë me Djathë
    Përbërësit

    300 gr djathë i thërrmuar
    3 filxhanë çaji me miell misri
    2 filxhanë kafeje me vaj ulliri
    1 lugë gjalpë i freskët
    1 kokërr vezë
    2 gota qumësht
    Kripë

    Përgatitja
    Si fillim, AgroWeb.org ju udhëzon të parangrohni furrën në 200 gradë celsius.
    Merrni tavën apo tepsinë (mesatare) ku do përgatisni pispilinë, lyejeni me gjalpë dhe spërkateni me disa pika vaj ulliri.
    Ndërkohë nisni me përgatitjen e masës së pispilisë.
    Në një enë të madhe, hidhni të gjithë përbërësit bashkë, djathin e thërrmuar, miellin e misrit, vajin e ullirit, vezën e rrahur, qumështin dhe kripën.
    Përzjeini të gjitha bashkë derisa masa të bëhet homogjene.
    Shtrojeni masën e njëtrajtshme në tavën e lyer me gjalpë, përhapeni mirë në të gjithë sipërfaqen dhe lëreni të piqet derisa sipërfaqja të marrë ngjyrë të artë të kuqërremtë.
    Para se të fikni furrën e sobës, për më shumë shije sipërfaqen e pispilisë lyejeni me pak gjalpë, lëreni për pak minuta dhe më pas fikeni furrën.
    Pispilija me miell misri dhe djathë kombinohet me shumë gatime të ndryshme. Ajo mund të shoqërohet me kos apo dhallë, por mund të shoqërojë edhe supa apo gjelle të ndryshme.
    Kjo recetë mund të përgatitet edhe me përbërës të tjerë në vend të djathit, me hithra, spinaq, presh, qepë të njoma, kungulleshka etj./AgroWeb.org

  • Denoncimi/ Kisha shpërndan miell në këmbim të votave për PS-në në Maliq?

    Denoncimi/ Kisha shpërndan miell në këmbim të votave për PS-në në Maliq?

    Fushata elektorale duket se ka arritur kulmin dhe duket se janë shtuar edhe akuzat dhe kundër-akuzat ndaj palëve politike në terren.
    Një përplasje në 24 orët e fundit është regjistruar edhe në zonën e Maliqit, ku fillimisht ishte deputeti i PD-së Edmond Spaho, ai i cili shpërndau disa foto në rrjetet sociale, ku dhjetra qytetarë po merrnin thasë me miell, sipas demokratit, në këmbim të votave për Partinë Socialiste në zgjedhjet e 11 Majit.
    Edmond Spaho tha se mielli po shpërndahej nga bansat e Sonil Sulo Pines dhe Vjollca Qatos, teksa paraljmëroi se do të bënte kallëzim në Prokurorinë e Posaçme (SPAK).
    “Filloi shperndarja e miellit ne Maliq ne kembim te votave.
    PS po shperndan miell nga shtepite e Sonil Sulo Pine dhe Vjollca Qato.
    Shihni fotot e maskarenjve qe shperndajne miell per vota dhe qe pretendojne te na fusin ne Europe.]
    Neser do ju bej kallzim penal ne SPAK.” – shkruante Spaho, krahas denoncimit me foto.
     
    Pas denoncimit të Edmond Spahos, ka reaguar gazetari Xhensil Shkëmbi, i cili njihet si një mbështetës i zyrtarëve lokalë të PS-së në juglindje, ku pretendon se mielli po shpërndahej në emër të Kishës Ungjillore në Libonik.
    “Edmond Spaho – ky nuk është miell fushate por humanizmi
    Jam pjesëtar i komunitetit kishtar në Maliq prej më shumë se 8 vitesh. Çdo muaj, Kisha Ungjillore për shkak të problemeve të shumta sociale të komunitetit të Qarkut të Korçës për më shumë se 200 familje në nevojë u ka ofruar ndihma ushqimore e jo vetëm. Familje të cilat jetojnë në kushte të vështira ekonomike, edhe për faj të politikës. Ndërsa këto ndihma janë pjesë e një projekti të fondacionit Hope for Albania, 3 vjeçar, ku shpërndahen për Krishtlindje dhe Pashkë
    Kisha asnjëherë nuk e ka patur për qëllim të ngatërrojë humanizmin me politikën sepse kisha është fe, është familje, është atdhe. Krejt ndryshe nga politika.
    Zoti Spaho, gratë të cilat i kishit ekspozuar në foto (duke shkelur rëndë privatësinë e individit) janë ndjerë të fyera nga ana juaj. Barrë të rëndë ke marrë përsipër shoku deputet!” – shkruan Shkëmbi.
    Reagimit të Xhensil Shkëmbit, i është kundërpërgjigjur Edmond Spaho, i cili ngulmon se mielli nuk është humanitar, por puro elektoral.
    Deputeti shtron pyetjen se pse kur mielli është i kishës, shpërndahet nga banesat e Sonil Pines, punonjës i Bashkisë Maliq dhe Vjollca Qatos, punonjëse e Postës.
    Më tej, Spaho përmend edhe faktin se pastori i kishës, Plator Çollaku është edhe anëtar i PS-së në Këshillin Bashkiak të Maliqit, teksa ka shpërndarë edhe disa fo ku shfaqet pastori, gazetari Xhensil Shkëmbi në të njëjtën tavolinë me deputetin socialist Ilir Pendavinji, i cili garon sërish në listën e hapur të PS-së në 11 Maj.
    “Zoti Xhensil Shkembi, ai nuk eshte mjell humanitar por puro elektoral.
    A mund te me thuash ti Xhensil “besimtari” perse Kisha e ndan miellin ne shtepine e Sonil Pines, punonjes i Bashkise Maliq dhe Vjollca Qatos, punonjese e Postes?
    Po te kujtoj ty Xhensil “gazetari” i rregjimit, qe pastori Plator Collaku eshte antar i Keshillit Bashkiak nga PS. Pra “feja” jote dhe e pastorit jane punet e PS dhe jo punet e Zotit. Fene e keni si maske per paudhesite tuaja.
    Se fundi Xhensil trimi cfare kerkoni ti, Tonini, dhe pastori ne nje tavoline me Ilir Pendavinjin, sic dukeni ne keto fotot me poshte? Po merreni me punet e zotit apo punet e ndarjes se miellit?
    Pergjigjet e ketyre pyetjeve Xhensil, mos mi jep mua, por SPAK, i cili do ju therrese se shpejti te gjitheve ju manipuluesit e zgjedhjeve.” – shkruan Spaho.
     
    Pra, deputeti Edmond Spaho pretendon se mielli po shpërndahet në këmbim të votave, por është “kamufluar”, duke u shpërndarë në emër të Zotit.
    *Të gjitha fotot e denoncimeve të Edmond Spahos:
             

  • Një Mënyrë e Veçantë e Përgatitjes së Recetës së Paçes më të Shijshme

    Një Mënyrë e Veçantë e Përgatitjes së Recetës së Paçes më të Shijshme

    Kjo është një mënyrë shumë e thjeshtë dhe e shijshme e përgatitjes së paçes së kokës me mish qingji. Ndiqni hapat e recetës që AgroWeb sjell për ju sot dhe mrekullohuni me shijen e saj.

    Përbërësit

    1 kokë qingji

    vaj ulliri

    5 lugë gjelle me miell gruri

    1 lugë gjelle me miell misri

    4 hudhra

    piper të kuq, të zi

    Përgatitja

    Ziejm kokën e qingjit rreth 1 orë, më pas e lemë të ftohet.

    Skuqim në vaj ulliri 5 lugë miell gruri dhe një lugë misri gjer sa të marin ngjyrë, më pas i hedhim lëngun që e kemi kulluar më parë, e përziejm dhe e lemë të ziej.

    Sa të mari valë i shtojmë mishin që pastruam nga koka, 4 hudhra, piper të kuq të zi dhe e lemë të ziej duke e përzier vazhdimisht. Kur ta servirim skuqim me pak vaj piper të kuq dhe ja hedhim lart, i jep një shije fantastike./Kuzhina ime

  • Fërgesë me Miell Misri, Gjizë dhe Hudhra – Traditë dhe Shije

    Fërgesë me Miell Misri, Gjizë dhe Hudhra – Traditë dhe Shije

    Fërgesat janë një nga shijet më fantastike që kuzhina tradicionale shqiptare ofron.

    Të përgatitura në receta të ndryshme, me perime të secilës stinë ato ofrojnë një shije unike në tryezë teksa shoqërojnë në mënyrë të shkëlqyer supa e gjellë, mishra, byrekë e gatimë të tjera të ndryshme.
    Të përgatitura me domate e speca, patëllxhanë e gjizë, apo edhe perime të tjera të gjitha kanë nga një shije të ndryshme mahnitëse.
    Ato të kënaqin nepsin dhe oreksin edhe kur shoqërohen thjeshtë me pak bukë të thekur apo me sallata të lehta të stinës.
    AgroWeb.org sjell më poshtë një recetë të veçantë të përgatitjes së fërgesës me miell misri, gjizë e hudhra. Një mënyrë fantastike për ta përgatitur në shtëpi e për ta shijuar me gjithë familjen.
     Kjo është një nga ato receta që mjafton ta përgatisësh vetëm njëherë, e më pas do bëhet me patjetër pjesë e gatimeve të amvisave në shtëpi.
     Përgatitja e Fërgesës me Miell Misri dhe Gjizë
    Përbërësit 
    (Përbërësit më poshtë janë për 4-5 persona)

    7-8 lugë gjelle me miell misri
    25 gr gjalpë të freskët (për një gatim më të shëndetshëm AgroËeb.org ju këshillon përdorimin e vajit të ullirit ekstra të virgjër)
    5-6 lugë gjellë gjizë e freskët
    4 thelpinj hudhra
    4 gota ujë
    Spec djegës pluhur
    Kripë
    Disa thelpinj arrash

    Përgatitja 
    Si fillim, AgroWeb.org ju udhëzon të vendosni një tenxhere në zjarr dhe të kaurdisni miellin e misrit me gjalpë derisa mielli të zverdhet.
    Në këtë moment, AgroWeb.org ju udhëzon të shtoni gjizën, hudhrat e shtypura, kripën, specin djegës dhe ujin.
    Përzjeini dhe lërini të ziejnë derisa masa të trashet.
    Përziejini bashkë dhe largojini nga zjarri.
    Lëreni fërgesën të ftohet pak dhe kur ta shërbeni spërkateni me disa pika gjalpë të tretur dhe disa thelpinj arrash.
    Nëse preferoni mund ta spërkasni edhe me pak majdanoz të grirë hollë.
    Kjo fërgesë fantastike shoqërohet në mënyrë të mrekullueshme me sallata të freskëta të stinës dhe mund të konsumohet në çdo vakt të ditës./AgroWeb.org