Lajmidites.com

Tag: mbaruar

  • Pulisic, “heroi” i kuqezinjve: Dy ditë më parë isha vërtet i mbaruar dhe sonte…

    Pulisic, “heroi” i kuqezinjve: Dy ditë më parë isha vërtet i mbaruar dhe sonte…

    9 Dhjetor 2025

    7:14

    Alfred Lleshi

    I thirrur në minutën e fundit, pas dy ditësh me temperaturë 39°, Pulisic e vendosi ndeshjen e Milanit në Torino me një dopietë si zëvendësues, duke arritur kuotën e 9 golave sezonalë (7 në kampionat, vendi i parë në listën e golashënuesve bashkë me Lautaro Martínez). “Dy ditë më parë isha vërtet i mbaruar, – tha pas ndeshjes, – sot u ndjeva shumë më mirë.
    Jam i lumtur që erdha këtu për ta ndihmuar skuadrën. Ishte pak e çuditshme, po dua të kem më shumë ritëm. Skuadra po bën shumë mirë këtë sezon, mendojmë ndeshje pas ndeshjeje. Dje nuk e dinim nëse mund të luaja, por sot në mëngjes u ndjeva shumë më mirë. Jam i lumtur për golat, por e rëndësishme ishte fitorja”.
    Shifrat e Pulisic – Shënoi gol pas 35 sekondash në lojë. Para tij, te Milani, vetëm Alberto Paloschi kishte shënuar më shpejt si zëvendësues (19 sekonda, më 10 shkurt 2008 kundër Sienës). Pulisic është vetëm lojtari i tretë i Milanit me dopietë në Serie A si zëvendësues në 10 sezonet e fundit, pas Ante Rebić (19 janar 2020 kundër Udinese) dhe Santiago Giménez (9 maj kundër Bologna).
     
     

  • “Çfarë pret nga këta”/ Ish deputeti i PD, Sula përgëzon Salianjin: Flamur Noka me zor ka mbaruar fakultetin

    “Çfarë pret nga këta”/ Ish deputeti i PD, Sula përgëzon Salianjin: Flamur Noka me zor ka mbaruar fakultetin

    Ish-deputeti i Partisë Demokratike, Dashnor Sula ka komentuar së fundmi lëvizjen e Ervin Salianjit dhe Ilir Alimehmeti me demokratët. Duke e përgëzuar këtë lëvizje të tyre, Sula u shpreh pesimist sa i përket fundit të kësaj lëvizje të demokratëve, mirëpo nuk nguroi që t’i inkurajonte ata. Teksa ka komentuar qëndrimet e Salianjit dhe ato të Berishës, ish-deputeti demokrat bëri të qartë se në njërin kamp sheh rininë, ndërsa te ai i sh-kryeministrit vijojnë të jenë figura të vjetra të cilët nuk prodhojnë më as ide.
    “Ridvan Bode ka mbaruar në Francë, kurse Flamur Noka me zor ka mbaruar fakultetin. Imagjino ku ka katandisur Partia Demokratike. Çfarë pret na kjo opozitë. Çfarë flitet te foltorja e Salianjit. Unë e kam mbyllur aty, unë e di si do jetë fundi.
    Unë i përgëzoj, i inkurajoj Salinjin, bravo i qoftë, por unë nuk kam pasur atë mbështetje, Salianji ka qenë në burg dhe nuk ka peshën e fajeve të 11 Majit, por isha i vetëm që luftova për Kodin Zgjedhor.
    Aty filloi rënia totale. Te Salianji shikon të rinj, njerëz që japin problematikat, prodhojnë ide, po te Berisha çfarë sheh?
    Salianji ka gjysmë shekulli me Berishën, koha punon për Salianjin, s’punon për Berishën. Zoti t’i japë jetë, por Berisha nuk prodhon më ide Nuk ka çfarë të japë.
    Sali Berisha është minorancë te demokratët. Mblidhet Kryesia vetëm me njerëzit e tyre. Pse filloi analiza sapo u pi kafja? Pse s’u bë më përpara por filloi tani festa? Çfarë ka bërëSali Berisha për 32 vite?
    Ka vendosur interesin e PD përpara vetes së tij vetëm në 2005. Në 2005, edhe unë jam prurje. S’ka fituar më Sali Bersha”, tha Sula teksa në vijim të fjalës së tij duke komentuar “gjynahet” e Berishës, u ndal dhe te protestat e organizuara nga të djathtët dhe të majtët dhe qëndrimin që qeveritarët e kohëve kanë pasur.
    “Rama ka hedhur gazlotjsellës, por s’ka vrarë njerëz. Më 21 Janar u vranë katër persona”, tha ish-deputeti ndër të tjera.

  • Projektligji për gjuetinë, Korreshi: Ka mbaruar hashashi dhe është hapur rruga e çiftes

    Projektligji për gjuetinë, Korreshi: Ka mbaruar hashashi dhe është hapur rruga e çiftes

    Deputeti Saimir Koreshi komentoi sot projektligjin për gjuetinë.
    Në fjalën e tij në Komisionin për Bujqësinë, Ushqimin dhe Zhvillimin Rural, Korreshi u shpreh se kjo nismë ligjore duhet tu përgjigjet disa problematikave, siç është administrimi dhe aftësimi.
    Korreshi ironizoi se me përfundimin e lejimit për mbjelljen e hashashit, i është hapur rrugë gjuetisë me çifte.
    “Duke qenë se vij nga një vend që nuk është bujqësor, por bujqësia ka shumë problematika. Është lënë përgjegjësia te ligji. Duke qenë se është mbaruar hashashi, mendoj se është hapur rruga e çiftes. I është lënë bashkive dhe strukturave vendore që të merren me këtë. Pretendohet që ata punonjës të marrin rrogat, por sa e njohin dhe a kanë marrë ndonjëherë çiften në dorë? A ia kanë idenë këta? Se të paktën andej nga vij unë, më rezulton se vetëm marrin rrogat në bankomat. Sa i përket menazhimit të zonave me struktura private, është lënë një vakuum interpretues, në të cilën nuk përcaktohet nëse do të jetë polici private apo çfarë tjetër do të jetë. Duhej konsultim me shoqatat e gjuetisë. Ata janë të licensuar.E njohin zonën. E ruajnë zonën, se e nisin për sport dhe nuk ka kosto shtesë”,-tha Korreshi.

  • “Veliaj ka ‘mbaruar’ politikisht, po bën shantazh”, Lesi paralajmëron: Do të dalë në arrest shtëpie nëse nuk shkon në…

    “Veliaj ka ‘mbaruar’ politikisht, po bën shantazh”, Lesi paralajmëron: Do të dalë në arrest shtëpie nëse nuk shkon në…

    “Epoka e Erion Veliajt si politikan ka mbaruar”. Kështu deklaroi sot në njëemision televizi, Nikoll Lesi.
    Ai pohoi para moderatores Nisida Tufa se Veliaj me reagimin e fundit, se do të fliste i fundit dhe do të bëhej lajm i fundit, po bënte shantazh. Ndërkohë, Lesi tha se nëse shkon çështja e tij në Gjykatën e Lartë, mund të dalë me ‘arrest shtëpie’.“Epoka e Erion Veliajt si politikan ka mbaruar. Epoka e tij ngelet me drejtësinë. Ai ka përballjen e drejtësi. Për mua politikisht Erion Veliaj ka mbaruar. Në 2 tetor ka një tjetër seancë në gjykatë. Nuk bëhen më 2 tetor koha kur duhet deri sa të dalë vendimi për shkarkim në fletoren Zyrtare. Nëse ndodh që e çon në Kushtetuese vendimin për shkarkim, Gjykata e Lartë ose mund ta kthejë në Kushtetuese është logjike të shkojë në ‘arrest shtëpie’. SPAK përdori shpatën e fortë, për prerje kokash. Frika ruan vreshtat. Nëse Veliaj do që të flasë, të flasë, ose të dalë para drejtësisë. Fakti që nuk ka nxjerr gjë deri tani, më krijon idenë se bën shantazh. Ai thoshte; do të flas i fundit. Ai duhet të flasë, s’ka pse pret më. Nuk ka kohë që të presë më. Ike në Gjykatë Kushtetuese, ike dhe në Gjykatë të Lartë, pastaj ngele në burg.”, tha ai.

  • “Ka mbaruar arrestin shtëpiak”/ U akuzua se theu masën e sigurisë, lirohet pas ndalimit nga policia Valter Bami

    “Ka mbaruar arrestin shtëpiak”/ U akuzua se theu masën e sigurisë, lirohet pas ndalimit nga policia Valter Bami

    Policia ka liruar Valter Bamin, pasi gjatë ditës së sotme u ndalua në Elbasan, pasi dyshohej se kishte thyer masën e sigurisë “arrest shtëpiak”.

    Sipas burimeve të gazetares së Top Channel, Bruna Kërçyku, Valter Bami është lënë i lirë pasi kishte përfunduar masa e dhënë.
    Ai u la i lirë pasi “arresti shtëpiak” kishte mbaruar.
    Valter Bami po shoqërohej nga një vajzë në momentin që u pikasën nga policia rrugore.
    Ai së bashku me shoqëruesen, e cila po drejtonte makinën, u ndaluan tek rrethrrotullimi i luleve në Elbasan.
    Valter Bami mbetet një nga personat e dyshuar për përfshirje në atentatin e ndodhur në Larushk të Krujës, ku mbeti i vrarë 29-vjeçari Ramazan Sino.

    Top Channel

  • “Të shijojë pensionin”, avokatja kritikon liderin e PD-së: Koha e Berishës ka mbaruar,rikthim në politikë është humbje

    “Të shijojë pensionin”, avokatja kritikon liderin e PD-së: Koha e Berishës ka mbaruar,rikthim në politikë është humbje

    Avokatja Alesia Balliu është treguar e ashpër me kreun e PD-së Sali Berisha, teksa ka deklaruar se ky i fundit duket të largohet nga drejtimi i Partisë Demokratike dhe duhet të shijojë pensionin e tij.
    E ftuar në një studio televizive, Balliu tha se Sali Berisha është ‘gjysh’ edhe në politikë, pasi sipas saj koha e tij ka mbaruar.
    “Tani ne i urojmë jetën e gjatë dhe i urojmë shëndet Sali Berishës, por në kontekstin politik, ai duhet ta mbylli dhe të shijojë pensionin me mbesën dhe nipin e vetë. Sot Sali Berisha, është gjysh edhe në politikë, pasi nga 2013 ka humbur çdo palë zgjedhje. Koha e tij ka mbaruar, dhe çdo kush që nuk do ta pranojë këtë fakt, do që të rrijë në opozitë për gjithë jetën”, tha Balliu.Më tej Balliu ka nënvizuar se lidershipi aktual i PD-së, nuk e sjell këtë të fundit në pushtet. Ndërsa po ashtu tha se duhet që lidershipi i PD të largohet, pasi po sjell vetëm humbje për këtë forcë politike.
    “Ky lidership nuk e sjell në pushtet opozitën. Ky lidership ka një akuzë për korrupsion, dhe si mund të akuzojë tjetrin? Kush është diferenca?”,
    Edi Rama po merr mandatin e 5 dhe ne nuk duam që të ndryshojmë, të bëjmë analizë, apo të futemi në zgjedhje Ne dëgjojmë një gjysh që thotë do të rikandidoj? Do kandidosh për të humbur? Apo për të sjellë edhe dështimin më spektakolar se 2013?”, shtoi Balliu.

  • Përplasja me Gaz Bardhin/ Çaushi: Historia ka mbaruar në fushatë, nuk do vijojë në parlament

    Përplasja me Gaz Bardhin/ Çaushi: Historia ka mbaruar në fushatë, nuk do vijojë në parlament

    Teksa mbërritën në seancën e parë për këtë sesion të ri të Kuvendit, socialistja Zegjine Çaushi deklaroi se nuk do të ketë më përplasje me Gaz Bardhin në parlament.
    Ajo theksoi se fokusi i saj është që t’u shërbejë qytetarëve të Roskovecit dhe atyre që e votuan atë dhe Maldrita Bardhon.
    “Jam e emocionuar normale. Unë e kam thënë që historia me Gaz Bardhin ka mbaruar gjatë fushatës. Unë kam, një detyrim të dyfishtë pasi i detyrohem edhe Maldrita Bardhos”, u shpreh Zegjine Çaushi.

  • “Berisha caktoi vetë ‘nenin Basha’”, shpërthen Balliu: I ka mbaruar koha, “kukullat” në grupin parlamentar po e mbajnë në lojë!

    “Berisha caktoi vetë ‘nenin Basha’”, shpërthen Balliu: I ka mbaruar koha, “kukullat” në grupin parlamentar po e mbajnë në lojë!

    “Sali Berishës i ka mbaruar koha politike dhe kukullat e tij nuk e mbrojnë dot më”, kështu u shpreh Alesia Balliu, ish anëtare e Këshillit Kombëtar të PD.
    Gjatë një intervistë në “Ora e Fundit” në ABC News, ajo theksoi se Berisha duhet të largohet sepse po mban peng PD.
    “Meritokracia, gara, riformatimi vjen duke pranuar të vërtetën duke parë shkaktarë e humbjet. Dhe mbi të gjitha duke ndryshuar lidershipin. Kaq e pamundur është të kemi një lidership të ri?”, tha ajo.
    Gjithashtu gjatë intervistës, tha se ndryshimi mund të nisë duke bërë një formacion të fuqishëm, pasi sipas saj sot aktualisht PD është shumë larg problemeve të qytetarëve.
    “Tanimë janë bërë shumë bezdisës për publikun. PD duhet të pranojë të vërtetën të bëjë një analizë të mirëfilltë dhe jo një analizë fasadë siç është mësuar Berisha me familjen e tij. Procesi i Sali Berisha i shërben vetëm Berishës dhe 40 kukullave të tij dhe askujt tjetër. Flasim për një formatim në nivel kombëtar dhe jo në nivel familjar”, tha mes të tjerash ajo.

  • Kriza në selinë blu, ish-deputetja Açka: PD ka rënë në hall dhe duhet ta nisë nga e para

    Kriza në selinë blu, ish-deputetja Açka: PD ka rënë në hall dhe duhet ta nisë nga e para

    Ish-deputetja e PD-së, Flutura Açka flet për situatën në selinë blu, ku këto muaj vere duket e qetë, por brenda ka një krizë që do të dalë në sipërfaqe në shtator, kur nis punë edhe Kuvendi i Shqipërisë i dalë nga zgjedhjet e 11 Majit. Në një postim në Facebook, Açka shkruan se ata në selinë blu të paaftë për të gjetur një zgjidhje. Për të PD është futur në një “hall” nga i cili nuk di të dalë dhe se partia duhet të nisë nga e para.
    Postimi i plotë

    Mos u fshihni më pas gishtit,
    “PD juaj ka rēnë në një hall që nuk ia del ta zgjidhë dot, ndaj duhet të nisë nga e para.”
    Prej kësaj PD-je të ndryshkur, Shqipëria po shkon në Depresion Shoqëror. Komunistëve po iu bëhen 80 vjet në pushtet dhe shqiptarët kanë marrë sytë kēmbët! A kemi më moral?
    Çështja është: a ka elitë PD-ja?Çështja është: a do ta durojnë demokratët këtë lloj elite qē kanë?
    Në zgjedhje duruan…Por zgjedhjet kanë mbaruar, ka kohë që kanë mbaruar, or të uruar!

  • ‘Komplet fshati ka mbaruar…’ – Banorja rrëfen mes lotësh shkatërrimin nga zjarri: Shtëpitë, bagëtitë, çdo gjë u përpi nga flakët

    ‘Komplet fshati ka mbaruar…’ – Banorja rrëfen mes lotësh shkatërrimin nga zjarri: Shtëpitë, bagëtitë, çdo gjë u përpi nga flakët

    Situata kaotike me zjarret në vendin tonë vazhdon, teksa deri më tani raportohet për 30 vatra aktive nga Ministria e Mbrojtjes.

    Një zjarr i frikshëm u përhap edhe në fshatin Skënderbegas në Gramsh, nga ku u evakuuan të gjithë banorët.

    Një banore ka treguar momentet e para se si u përhap zjarri në fshat dhe se si flakët “përpinë” çdo gjë, përfshirë shtëpitë dhe bagëtitë.

    “Era e solli zjarrin aty. U dogjën shtëpitë e para. Kur u afruan afër shtëpive tona, i thashë burrit që të largoheshim. Dolëm mes flakëve dhe tymit. Shtëpitë kanë mbaruar, bagëtitë, lopët, viçat, gomarët. Të tërë ikën. Vetëm një të moshuar nuk e kemi parë, a doli a s’doli.

    Atje te ne s’ka mbetur asgjë. Në fshatin tonë s’ka mbetur asnjë shtëpi. Komplet fshati ka mbaruar. U dogj një komunë e tërë. Nuk di çfarë të them…”, u shpreh banorja.