Lajmidites.com

Tag: lojtari

  • VIDEO/ Goditi tifozin, bie në prangat sulmuesi i Anglisë

    VIDEO/ Goditi tifozin, bie në prangat sulmuesi i Anglisë

    Ivan Tonej, sulmuesi 29-vjeçar anglez me shtatë ndeshje dhe një gol për vendin e tij, u arrestua në Londër gjatë natës pasi goditi me grusht në fytyrë një tifoz që ai e konsideroi shumë të bezdisshëm në një bar në kryeqytetin britanik.
    Lojtari, i cili u transferua në Al-Ahli në Arabinë Saudite verën e kaluar për 40 milionë euro, u prangos në vendngjarje dhe u shoqërua nga Policia Metropolitane, siç tregohet në një video të shpërndarë në mediat sociale

    Sipas dëshmitarëve, Tonejt iu afruan disa të rinj të cilët u përpoqën të bënin një selfie në një mënyrë ndërhyrëse. Lojtari u përgjigj duke mbrojtur veten, nga frika e një sulmi dhe vjedhjes së mundshme të bizhuterive të tij. Viktima pësoi fraktura në hundë dhe gishtin e vogël, por lëndimet e tij nuk janë serioze.
    Policia konfirmoi arrestimin e tij për dy akuza për sulm dhe një akuzë për përleshje, ndërsa lojtari më pas u lirua me kusht në pritje të një hetimi.

  • Arrestohet në qendër të Londrës futbollisti i një skuadre kombëtare

    Arrestohet në qendër të Londrës futbollisti i një skuadre kombëtare

    Një futbollist me emër, i cili luan edhe për Kombëtaren e tij, është arrestuar në qendër të Londrës gjatë orëve të para të së shtunës, pasi dyshohet se është përfshirë në një incident dhune. Lojtari, i cili nuk mund të identifikohet për arsye ligjore, u kap nga policia pak para orës 1 të mëngjesit, në zonën e West End.
    Sipas Policisë Metropolitane, forcat policore mbërritën në vendngjarje pas raportimeve për një sulm, përcjell A2 CNN. Futbollisti 29-vjeçar u arrestua në vend për dy akuza për sulm dhe një për përleshje. Viktima u transportua menjëherë në spital për trajtim, por fatmirësisht plagët e tij nuk konsiderohen kërcënuese për jetën apo me pasoja të përhershme.
    Lojtari është liruar me kusht ndërsa hetimet vijojnë. Autoritetet kanë nisur një proces të plotë hetimor për të zbardhur rrethanat e incidentit.
    Një zëdhënëse e Met Police deklaroi për mediat: “Policia u thirr në Wardour Street, W1, në orën 00:47 të së shtunës, më 6 dhjetor, pas raportimeve për një sulm. Viktima u dërgua në spital, ndërsa i dyshuari u arrestua në vendngjarje për dy akuza sulmi dhe një për përleshje. Ai është liruar me kusht dhe hetimet vazhdojnë”.

  • Lojtari i tretë më i shtrenjtë te Shqipëria, por që nuk po gjen vend te Kombëtarja, suksesi fal Silvinjon

    Lojtari i tretë më i shtrenjtë te Shqipëria, por që nuk po gjen vend te Kombëtarja, suksesi fal Silvinjon

    Në futboll është rezultati që vendos gjithmonë nëse një trajner gjykohet ose jo! Në këtë rast, Silvinjo ka të drejtën e zgjedhjeve të lirshme me rezultatet historike që i merr me vete, përkundër “padrejtësive” të tij. Si në rastin e Anis Mehmetit, i cili prej kohësh po kalon një formë fantastike te Bristol City. Shifrat vazhdojnë të flasin për 24-vjeçarin i cili tanimë sipas Transfermarkt vlerësohet plot 10 milionë euro.
    Më shumë sesa ky lojtar vlerësohet vetëm Armando Broja dhe Kristjan Asllani në kartonët e tyre, teksa vendi i parë mbahet nga Broja, por me një shifër ndjeshëm më të rënë prej 14 milionë eurosh. Pra pavarësisht se është lojtari i tretë më i shtrenjtë te Shqipëria, Silvinjo vazhdon që të mos thërras Anis Mehmetin te Kombëtarja. Një çështje që do të ishte bërë akomë më e madhe nëse Silvinjo nuk do të kishte rezultatet e duhura te Shqipëria. /Sport Ekspres/

  • Lajm fantastik për Arbër Hoxhën! U dëmtua dhe i shqetësoi të gjithë, ja gjendja e futbollistit shqiptar

    Lajm fantastik për Arbër Hoxhën! U dëmtua dhe i shqetësoi të gjithë, ja gjendja e futbollistit shqiptar

    Arbër Hoxha është padyshim futbollisti më në formë i Shqipërisë. Lojtari shqiptar kaloi një moment jo fort të bukur dje, teksa në ndeshjen kundër Goricës pësoi një dëmtim të frikshëm. Kundërshtari i tij, duke e parë të pamundur që të ndalte, iu hodh në këmbë me qëllimin për ta dëmtuar shqiptarin.
    Më e keqja qëndronte në faktin se trajneri ishte bërë gati për ta zëvendësuar në minutën e 85 që ta ruante Hoxhën dhe arbitri kishte mundësi për ta ndalur lojën dhe për ta kryer zëvendësimin. Ai zgjodhi që të vazhdonte lojën edhe për një aksion më shumë, aty ku ndodhi edhe e papritura. Do të mbetej padyshim një “peng” i madh, por për fat të mirë të Arbër Hoxhës, lojtari nuk ka pësuar një dëmtim serioz dhe duket se do të jetë gati për ndeshjen e radhës. /Elio Hajdari-Sport Ekspres/

  • Skandal në Angli; ish-lojtari i kombëtares dhe Premier League arrestohet për tentativë pë*dhunimi

    Skandal në Angli; ish-lojtari i kombëtares dhe Premier League arrestohet për tentativë pë*dhunimi

    2 Dhjetor 2025

    12:50

    Alfred Lleshi

    Një ish-lojtar i kombëtares angleze dhe Premier League është arrestuar me dyshimin për tentativë përdhunimi, raporton “The Sun”. Lojtari ka luajtur për kombëtaren më 2010 dhe u ndalua në aeroportin “Stansted” pas denoncimit nga një ish-partnere.
    Policia njoftoi se ai u lirua me garanci, duke pritur hetimet e mëtejshme. Ish-lojtari tentoi të largohej, por u ndalua në një pikë kontrolli pasaportash në aeroport, ku verifikimet treguan se mbi të rëndonte denoncimi i mëparshëm për tentativë përdhunimi nga një ish e dashur. Agjentët e “Border Force” e ndaluan para se të hipte në një fluturim “low-cost”.
    Pas arrestimit, ai iu nënshtrua marrjes së gjurmëve të gishtërinjve dhe mostrës së ADN-së, si dhe u fotografua për dosjen policore. Lojtari qëndroi në qeli deri në ardhjen e avokatit dhe fillimin e marrjes në pyetje, më pas u lirua me garanci deri në fund të shkurtit 2026, njoftoi policia e Essex. Ndërkohë, denoncuesja u intervistua nga specialistë të krimeve seksuale dhe mori mbështetje e këshillim profesional.

  • E rëndë/ Ish-futbollisti arrestohet për përdhunim, policia e prangos në aeroport

    E rëndë/ Ish-futbollisti arrestohet për përdhunim, policia e prangos në aeroport

    Një ish-futbollist i kombëtares së Anglisë dhe Premier League është arrestuar në Aeroportin e Stansted, i dyshuar për tentativë përdhunimi ndaj një ish-partnereje.

    Lojtari, që ka veshur fanellën e “Tre Luanëve” gjatë viteve 2010, u ndalua nga autoritetet kufitare në pikën e kontrollit të pasaportave, pasi sistemi sinjalizoi se ai kërkohej nga policia lidhur me një akuzë të raportuar disa javë më parë.
    Sipas burimeve, agjentët e Border Force e tërhoqën në mënyrë diskrete futbollistin para se ai të hipte në një fluturim me kosto të ulët të dielën në mbrëmje. Menjëherë më pas, oficerë të Policisë së Essex-it mbërritën në aeroport dhe e arrestuan.
    Akuzat lidhen me pretendimin e ish-partneres së tij, e cila thotë se lojtari ka tentuar ta përdhunojë gjatë kohës që ata ishin në një marrëdhënie. Ajo është marrë në pyetje nga specialistë të krimeve seksuale dhe i është ofruar mbështetje psikologjike.
    I dyshuari, i cili nuk mund të identifikohet për arsye ligjore, u shoqërua në një komisariat lokal ku iu morën shenjat e gishtave, një mostër ADN-je dhe foto zyrtare. Ai u mbajt për disa orë dhe më pas u lirua me kusht, ndërsa hetimet po vazhdojnë.
    Arrestimi ka ngjallur habi, pasi lojtari kishte marrë pjesë në disa evente publike së fundmi, pavarësisht se ishte në kërkim të policisë.
    Policia e Essex-it konfirmoi: “Një burrë është arrestuar për dyshime të tentativës për përdhunim dhe është liruar me kusht deri në fund të shkurtit 2026, ndërkohë që hetimet vazhdojnë.”

  • Te Barcelona ka një problem, lojtari ka nevojë për ndihmë psikologjike dhe do të mungojë për pak kohë

    Te Barcelona ka një problem, lojtari ka nevojë për ndihmë psikologjike dhe do të mungojë për pak kohë

    Mbrëmja e sotme në La Liga do të dhurojë një përballje të madhe mes Barcelona dhe Atletico Madrid. Për skuadrën katalanase do të mungojë sërish Ronald Araujo, që duket se po kalon një periudhë të vështirë.
    Duke sqaruar situatën, trajneri Hansi Flick tha: “Ronald nuk është gati, është një situatë private dhe nuk dua të them më shumë. Kërkoj respektin tuaj.”
    “Marca” raportoi se përfaqësuesit e mbrojtësit kanë takuar drejtuesit e klubit, me qëllim ofrimin e mbështetjes psikologjike. Mbrojtësi thuhet se ka kërkuar një periudhë të pacaktuar kohore për të rifituar stabilitetin mendor, pavarësisht se është fizikisht në kulmin e tij.
    Të gjitha palët e përfshira: klubi, ekipi dhe stafi, bien dakord për rëndësinë e të qëndruarit të bashkuar në mënyrë që Araujo të mund të kthehet të luajë në formën e tij më të mirë.
    Lojtari po kalon një periudhë të vështirë, e përkeqësuar nga kartoni i tij i kuq të martën e kaluar në Stamford Bridge kundër Chelsea në Ligën e Kampionëve. Kartoni i tij i dytë i verdhë, për një ndërhyrje ndaj Cucurella në fund të pjesës së parë me Barcelonën që po humbiste 1-0, e ka prekur atë emocionalisht.
    Që atëherë, ai nuk ka qenë pjesë e dinamikës së ekipit. Klubi dhe shokët e tij të ekipit kanë treguar mbështetjen e tyre të plotë për Araujo, i cili ishte tashmë në shënjestër sezonin e kaluar për gabimet e tij.
    Ky pushim përfaqëson një hap të nevojshëm për t’u rimbushur dhe për t’u rikthyer shpejt në formë të plotë, gati për të udhëhequr mbrojtjen e ekipit “blaugrana”.

  • Nuk ka qetësi te Barcelona, lojtari largohet nga skuadra

    Nuk ka qetësi te Barcelona, lojtari largohet nga skuadra

    Nuk ka qetësi te Barcelona. Situata e fundit lidhet me mbrojtësin Ronald Araujo. Lojtari uruguaian ka kërkuar të marrë një periudhë pushimi nga futbolli, për shkak të një gjendjeje të rënduar psikologjike. Kërkesa e tij vjen pas disa ndeshjeve të vështira, ku gabimet e përsëritura dhe së fundi kartoni i kuq ndaj Chelseat kanë shtuar presionin mbi të.
    Sipas gazetës katalanase “Mundo Deportivo”, Araujo ndjen se aktualisht nuk mund të kontribuojë në nivelin që kërkohet dhe po përjeton një barrë të konsiderueshme mendore që e pengon të performojë normalisht.
    Pas vlerësimit të situatës, Barcelona i ka dhënë lojtarit leje të pacaktuar, duke i mundësuar të largohet përkohësisht nga seancat stërvitore dhe ndeshjet zyrtare. Klubi ka theksuar se mirëqenia mendore e futbollistëve është prioritet, ndaj vendimi është marrë pa hezitim. Trajneri Hansi Flick ka konfirmuar publikisht mungesën e Araujos për një periudhë kohore dhe ka kërkuar që media të tregojë respekt dhe të mos ushtrojë presion shtesë mbi lojtarin gjatë kësaj faze.
    Në 15 paraqitjet që ka bërë deri tani, ai ka shënuar dy gola, por ka kryer edhe gabime të shumta që kanë ndikuar në rezultatet e skuadrës.
    Klubi ka vendosur të ofrojë mbështetje të plotë gjatë kësaj periudhe “pushimi”, duke e konsideruar rikthimin e tij në gjendje optimale më të rëndësishëm sesa praninë e menjëhershme në fushë.

  • E dhimbshme/ Ndërron jetë lojtari i akademisë së Elbasanit

    E dhimbshme/ Ndërron jetë lojtari i akademisë së Elbasanit

    Ndërron jetë lojtari i akademisë së Elbasanit, Silvio Dumani. Klubi nga Elbasani ka bërë të ditur lajmin, teksa i ka shprehur ngushëllime familjarëve.
    “Me dhimbje të madhe njoftojmë ndarjen nga jeta të lojtarit tonë të akademisë, Silvio Dumani.

    AF Elbasani shpreh ngushëllimet më të thella për familjen Dumani. Pusho në paqe, kampion!”,- shkruan klubi.
     

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Gol 3 pikësh në Champions, Lushkja zgjidhet lojtari i ndeshjes (VIDEO)

    Gol 3 pikësh në Champions, Lushkja zgjidhet lojtari i ndeshjes (VIDEO)

    Në Champions League Aziatike, edhe këtë sezon nuk mungon shqiponja kuqezi, nuk mungon protagonizmi i futbollistëve shqiptar. Në xhiron e pestë, ishte Regi Lushkja, me ish fantazistin e Egnatia-s, që realizoi një gol shumë të bukur për ekipin e tij Tractor, një gol që në fund rezultoi një trepikësh për skuadrën nga Irani.
    Në minutën e 17-të, Lushkja mori një top të bukur në kufijtë e zonës së rreptësisë dhe me të majtën dërgoi topin në trekëndësh. Ky ishte goli i tij i tretë në Champions League Aziatike. Goli i Lushkjas qëndroi në fuqi deri në fund, me Tractor që doli me 3 pikë përballë Nasaf Qarshi, ekipit nga Uzbekistani.

    Fal këtij suksesi, Tractor ngjitet në vendin e dytë, një pikë më pak se Al Hilal kryesues. Lushkja qëndroi në fushë deri në minutën e 68-të, i vlerësuar nga mediat me notën 8,3, lojtari më i mirë i ndeshjes.
    ()