Lajmidites.com

Tag: liverpool

  • Inter-Liverpool, UEFA konfirmon polemikat: “VAR nuk duhej të ndërhynte”

    Inter-Liverpool, UEFA konfirmon polemikat: “VAR nuk duhej të ndërhynte”

    11 Dhjetor 2025

    10:57

    Alfred Lleshi

    UEFA ka dhënë një konfirmim që ndezi zemërimin e Interit pas ndeshjes kundër Liverpool-it. Sipas informacionit që vjen nga selia e UEFA-s në Nyon, menaxhimi i episodit vendimtar ishte i gabuar: VAR-i, i deleguar nga Soren Storks, nuk duhej të ndërhynte. Kontaktit midis Bastoni dhe Wirtz nuk i përkiste kategorisë së “gabimit të qartë dhe të dukshëm”.
    Prandaj, vlerësimi duhej të mbetej vetëm në gjykimin e arbitrit Zwayer në fushë. Vëzhgimi në monitor u konsiderua si ndërhyrje e papërshtatshme në një vendim që duhet të qëndronte “i fushës”.
    Ky informacion është raportuar nga “Gazzetta dello Sport”, duke nxjerrë në pah tensionet mes Interit dhe autoriteteve europiane pas një episodi që mund të kishte ndryshuar rrjedhën e ndeshjes. UEFA duket të mbrojë vendimin e arbitrit dhe kundërshton përdorimin e VAR-it në këtë rast specifik.

  • FOTO/ Liverpool e VAR tërbojnë Inter, zikaltërit dalin “duar bosh”, në Itali e bëjnë dramë

    FOTO/ Liverpool e VAR tërbojnë Inter, zikaltërit dalin “duar bosh”, në Itali e bëjnë dramë

    Në kulmin e krizës, Liverpool gjen shpëtim në Champions, triumfon 0-1 në “San Siro” përballë Inter në një ndeshje e mbushur me raste dhe episode të kontestuar, ku gjyqtari i takimit dhe VAR u kthyen në protagonistë. Pas një ecurie perfekte, për ekipin e Chivu kjo ishte humbja e dytë radhazi në Champions, frenon në kuotën e 12 pikëve, po aq sa edhe Liverpool.
    Të kuqtë e Slot ishin më kërkues, ku pas disa tentativave gjetën më në fund golin e avantazhit, ku në minutën e 32-të Konate me kokë dërgoi topin në rrjetë, por pasi rishikoi pamjet në VAR gjyqtari i takimit anuloi gjithçka për prekje të topit me dorë. Inter reagoi, ku në fundin e pjesës së parë, Martinez me kokë u ndal nga Alison. Rastet për shënim nuk munguan as në fraksionin e dytë, ku edhe Sommer kishte jo pak punë. Momenti më i diskutuar i këtij takimi erdhi në minutën e 84-ët, ku Wirtz reklamoi një penallti, pas një kontakti në zonë me Bastonin. Gjyqtari i takimit, pasi rishikoi pamjet në VAR akordoi penallti në favor të Liverpool, një moment që solli protesta të shumta në radhët e ekipit zikaltër. Nga pika e bardhë, Szoboszlai u tregua perfekt duke kaluar të kuqtë në avantazh, gol që në fund rezultoi një 3-pikësh.

    Nuk e priti mirë këtë humbje trajneri Chivu: “Më e drejtë do të ishte një barazim për atë që dy ekipet dhanë në fushë. Në fillim vuajtëm presionin e tyre, por më pas gjetëm rrugën e duhur për t’u rikthyer në lojë. Në fund erdhi ai episod që na hoqi nga duart pikët. Nuk dua të komentojë vendimin e arbitrit, nuk jam një tip i tillë”, u shpreh Chivu.

    “Inter nuk shkon, Liverpool kalon me një penallti”, shkruan La Gazzetta dello Sport. “Humbje e shëmtuar. Inter humbet tre herë, ndeshjen, Calhanoglu dhe Acerbin”, ishte titulli kryesor i Corriere dello Sport.

  • VIDEO/ Barça bën detyrën në Champions, Liverpool i tregon forcën Interit, ia del Atletico, bie Chelsea

    VIDEO/ Barça bën detyrën në Champions, Liverpool i tregon forcën Interit, ia del Atletico, bie Chelsea

    Emocione dhe spektakël në ndeshjet e Champions. Barcelona përmbys dhe fiton 2-1 ndaj Frankfurt, në ndeshjen që u luajt në Spanjë. Liverpool mposhti 0-1 Interin, në një sfidë me raste.
    Spikat suksesi 2-1 i Atalantës ndaj Chelseat. Atletico mori 3 pikë ndaj Psv, pasi mundi 2-3 holandezët në Eindhoven.

    Tottenham nuk fal dhe thyen pastër 3-0 Slavian e Pragës. Royale-Union-Marselle përfundoi 2-3 në favor të francezëve.
    Rezultatet: 
    Atalanta – Chelsea 2-1
    Barcelona- Eintracht Frankfurt 2-1

     
    Inter – Liverpool 0-1
    Monaco – Galatasaray 1-0
    PSV – Atl. Madrid 2-3
     

     
    Royale Union SG – Marseille 2-3
     

    Tottenham – Slavia Prague 3-0

  • VIDEO/ Barcelona befasohet në pjesën e parë, spektakël te Inter-Liverpool në Champions

    VIDEO/ Barcelona befasohet në pjesën e parë, spektakël te Inter-Liverpool në Champions

    Emocione dhe spektakël në pjesët e para të ndeshjeve të Champions. Barcelona po pëson disfatë 1-0 ndaj  Frankfurt, në ndeshjen që luhet në Spanjë. Barazim pa gola mes Interit dhe Liverpool, në një sfidë me raste.
    Chelsea po fiton 0-1 ndaj Atalantës, ndërsa nuk ka gol te Monaco-Galatasaray.  Barazim 1-1 mes PSV e Atletico.

    Rezultatet pas pjesës së parë: 
    Atalanta – Chelsea 0-1
    Barcelona- Eintracht Frankfurt 0-1

     
    Inter – Liverpool 0-0
    Monaco – Galatasaray 0-0
    PSV – Atl. Madrid 1-1
     

     
    Royale Union SG – Marseille 1-2
     

    Tottenham – Slavia Prague 1-0

  • Një francez nderon Barcelonën. Liverpool del me 3 pikë të arta nga “San Siro”, falë një penalltie (video)

    Një francez nderon Barcelonën. Liverpool del me 3 pikë të arta nga “San Siro”, falë një penalltie (video)

    Kanë përfunduar sfidat e mbrëmjes së sotme për javën e gjashtë në Champions League. Në “Camp Nou”, Barcelona fitoi me përmbysje 2-1 ndaj Eintracht Frankfurt. Pjesa e parë u mbyll 0-1 për gjermanët. Të cilët gjetën avantazhin pas një kundërsulmi perfekt dhe asistit të marrë nga Nathaniel Brown, sulmuesi 23-vjeçar, Ansgar Knauff, pasi depërtoi bukur në zonë, u tregua më i shpejtë se mbrojtësit katalanas dhe dërgon topin në rrjetë. Barcelona e nisi në mënyrën më të mirë të mundshme pjesën e dytë në “Camp Nou” ndaj Eintracht Frankfurt, duke përmbysur shifrat me dy gola të shpejtë. Katalanasit kanë barazuar fillimisht shifrat me Jules Kounde në minutën e 50-të.
    Francezi shënoi me kokë, pas krosimit perfekt të Marcus Rashford, i sapofutur në fushë në vend të Fermin Lopez. Tre minuta më pas, sërish Jules Kounde shënon me kokë, këtë herë pas krosimit të Lamine Yamal. Rezultati final, 2-1 për Barcelonën.
    Në supersfidën e mbrëmjes të luajtur në “San Siro”, Inter u mund 0-1 nga Liverpool. Në pjesën e parë mungoi goli, Të kuqtë gjetën rrjetën me Ibrahima Konate, pas një goditjeje këndi, por goli u anullua pas ndërhyrjes së VAR, për prekje të topit me dorë nga Virgil van Dijk.
    Goli i vetëm i ndeshjes do të shënohej në minutat e fundit të kohës së rregullt, ku pas një kontakti në zonë të Alessandro Bastoni ndaj Florian Wirtz, arbitri sheh pamjet në ekran dhe jep penallti për të kuqtë. Dominik Szoboszlai tregohet i saktë nga pika e bardhë dhe i jep fitoren e madhe Liverpool-it.
    SHIKOGOLATl

  • 45′ e para: Surpriza vjen nga “Camp Nou”, festa e Liverpool shkon dëm. Chelsea dhe Tottenham “ok”

    45′ e para: Surpriza vjen nga “Camp Nou”, festa e Liverpool shkon dëm. Chelsea dhe Tottenham “ok”

    Kanë përfunduar pjesët e para të takimeve të mbrëmjes në Champions League, të vlefshme për javën e gjashtë. Në Bergamo, Chelsea është duke fituar 0-1 ndaj Atalantës, pas golit të Joao Pedro në minutën e 25-të. Braziliani shënoi pas asistit të marrë nga kapiteni Reece James. Arbitri fillimisht e anulloi duke dyshuar për pozicion jashtë loje, ndërhyn VAR, goli quhet i rregullt.
    Surpriza vjen nga “Camp Nou”, aty ku Barcelona po mundet 0-1 nga Eintracht Frankfurt. Pas një kundërsulmi perfekt dhe asistit të marrë nga Nathaniel Broën, sulmuesi 23-vjeçar, Ansgar Knauff, pasi depërtoi bukur në zonë, u tregua më i shpejtë se mbrojtësit katalanas dhe dërgon topin në rrjetë në minutën e 21-të, duke përfituar dhe nga një zënie në befasi e mbrojtjes katalanase.
    Në supersfidën e mbrëmjes, Inter-Liverpool, mungoi goli në pjesën e parë në “San Siro”. Të kuqtë gjetën rrjetën me Ibrahima Konate, pas një goditjeje këndi, por goli u anullua pas ndërhyrjes së VAR, për prekje të topit me dorë nga Virgil van Dijk.
    Në Eindhoven, pjesa e parë mes PSV dhe Atletico Madridit është mbyllur 1-1. Holandezët gjetën të parët avantazhin me golin e Guus Til në minutën e 10-të, “Colchoneros” barazojnë shifrat me të zakonshmin Julian Alvarez.
    Në sfidat e tjera, Tottenham po fiton 1-0 ndaj Slavia Prague, falë një autogoli. Marseille është duke fituar në transfertë 1-2 ndaj Royale Union SG. Mungon goli në sfidën e fundit, Monaco-Galatasaray.
    SHIKOGOLAT

  • Wirtz në stol, formacionet zyrtare në Inter-Liverpool dhe në sfidat e tjera

    Wirtz në stol, formacionet zyrtare në Inter-Liverpool dhe në sfidat e tjera

    Janë publikuar formacionet zyrtare të sfidave të mbrëmjes në Champions League, të vlefshme për javën e 6-të. Sigurisht që vëmendja kryesore do të jetë në “San Siro”, aty ku përballen Inter dhe Liverpool.
    Zikaltrit duan të lënë pas humbjen ndaj Atletico Madridit dhe të rikthehen te fitoret, pasi vijnë nga një moment i mirë edhe nga kampionati. Në anën tjetër, Liverpool është një situatë shumë kritike, si në Premier League ashtu edhe në Champions League dhe një fitore sot mund të qetësonte disi stuhinë e javëve të fundit. Dy trajnerët respektiv, Cristian Chivu dhe Arne Slot kanë zgjedhur të zebresin në fushë më këtë formacion:
    INTER XI: Sommer; Akanji, Acerbi, Bastoni; Luis Henrique, Barella, Çalhanoglu, Mkhitaryan, Dimarco; Lautaro Martínez, Thuram.
    LIVERPOOL XI: Alisson; Gomez, Konaté, Van Dijk, Robertson; Gravenberch, Mac Allister; Szoboszlai, Jones, Isak; Ekitike
    Jo më pak të rëndësishme janë edhe sfidat e tjera, po ju njohim me formacionet zyrtare të disa prej tyre:
    BARCELONA XI: Joan García; Koundé, Cubarsí, Gerard Martín, Balde; Eric García, Pedri; Lamine Yamal, Raphinha, Fermín López; Lewandowski.
    EINTRACHT FRANKFURT XI: Zetterer; Kristensen, Koch, Theate, Brown; Chaibi, Skhiri, Götze; Knauff, Larsson, Doan.
    PSV XI: Kovar; Dest, Schouten, Gasiorowski, Salah-Eddine; Mauro Júnior, Veerman, Saibari; Driouech, Til, Wanner.
    ATLETICO MADRID XI: Oblak; Molina, Hancko, Pubill, Ruggeri; Giuliano Simeone, Koke, Pablo Barrios, Nico González; Sorloth, Julián Álvarez
    ATALANTA XI: Carnesecchi; Kossounou, Kolasinac, Djimsiti; Bellanova, De Roon, Ederson, Bernasconi; De Ketelaere, Lookman; Scamacca
    CHELSEA XI: Sánchez; Acheampong, Badiashile, Chalobah, Cucurella; Caicedo, James; Pedro Neto, Enzo Fernández, Gittens; João Pedro

  • Liverpool nuk e do më, Salah iu vetëofrohet tri klubeve të mëdha

    Liverpool nuk e do më, Salah iu vetëofrohet tri klubeve të mëdha

    9 Dhjetor 2025

    19:05

    Telesport

    Mesa duket marrëdhënies mes Mohamed Salah dhe Liverpool është krisur përfundimisht, pas deklaratave të egjiptianit pas barazimit dramatik 3-3 ndaj Leeds, ku ai nuk u aktivizua për asnjë minutë. Kujtojmë se Salah nuk është grumbulluar fare për ndeshjen e sotme ndaj Interit.
    Ndërkohë që largimi i tij nga Liverpool është i pashmangshëm dhe me shumë mundësi do të ndodhë gjatë merkatos së janarit, Salah duket se iu është vetëofruar tri klubeve të mëdha: Bayern Munich, Real Madrid dhe Barcelona.
    Deri tani interesi i vetëm konkret për Salah ka qenë nga Arabia Saudite, por ylli egjiptian mendon të qëndrojë ende në Europë dhe të luajë në nivel të lartë dhe për momentin duket se e ka hedhur poshtë mundësinë për t’u transferuar në ligën arabe.
    Duke qenë se kontrata e tij skadon në vitin 2027, sigurisht që Liverpool nuk do ta lërë të largohet falas dhe do të kërkojë një shumë për kartonin e tij, e cila ende nuk dihet. Në anën tjetër, problem mbetet paga e lartë e lojtarit dhe kjo mund të kthehet në çështje më vete në klubin e ri ku do të transferohet, pasi mund të prishë balancat.

  • Liverpool gjen lojtarin perfekt në vend të Salah në Serie A, gati oferta 100 mln euro

    Liverpool gjen lojtarin perfekt në vend të Salah në Serie A, gati oferta 100 mln euro

    9 Dhjetor 2025

    17:09

    Telesport

    Mohamed Salah po kalon ditët e tij të fundit te Liverpool. Egjiptiani me siguri do të largohet gjatë merkatos së janarit, nëse nuk ndodh tani, atëherë në verë largimi i tij është 100% i sigurt.
    Në anën tjetër, drejtuesit e Liverpool nuk po rrinë duarkryq, por po ndjekin disa emra për të gjetur zëvendësuesin ideal të egjiptianit. Mediet angleze zbulojnë se emri i parë në listën e gjatë të kandidatëve në vend të Salah është ylli i Serie A, Kenan Yildiz.
    Drejtuesit e klubit bardhezi po punojnë për rinovimin e kontratës së yllit turk dhe janë të bindur se do të arrijnë një marrëveshje, megjithëse lojtari kërkon një pagë vjetore midis pesë dhe gjashtë milionë eurosh.
    Megjithatë, në Torino, nuk përjashtohet mundësia për largimin e Yildiz në rast se vjen një ofertë e jashtëzakonshme dhe e tillë duket se është shifra e ofruar nga Liverpool që mendohett ë jetë rreth 100 milionë euro.

  • Alisson mbron Salah: Ka dashurinë e të gjithë lojtarëve, klubit dhe tifozëve

    Alisson mbron Salah: Ka dashurinë e të gjithë lojtarëve, klubit dhe tifozëve

    9 Dhjetor 2025

    7:55

    Alfred Lleshi

    Alisson, portieri i Liverpool-it, ka folur për “Sky Sport” në prag të ndeshjes së Champions League kundër Interit, duke u ndalur te situata që përfshin Mohamed Salah: “Një situatë e tillë nuk është kurrë e lehtë, por është pjesë e futbollit. Salah ka dashurinë e të gjithë lojtarëve, klubit dhe tifozëve.
    Është një situatë e veçantë mes tij dhe klubit, ndërsa ne jemi të përqendruar tek Interi dhe ndeshja. Personalisht më vjen keq, Salah është një lojtar i jashtëzakonshëm dhe legjendë e Liverpool-it, me të kam një raport shumë të mirë. Megjithatë, kemi ardhur këtu për të provuar të fitojmë kundër një skuadre shumë të fortë”.
    Për mundësinë e rikuperimit të raportit mes Salah dhe klubit, Alisson shtoi: “Mendoj se po, asgjë nuk është e pakthyeshme. Shpresoj që të ndodhë, për afeksionin që kam për Salah dhe gjithçka që ai dhe Liverpool-i kanë dhënë për njëri-tjetrin. Ai ka pasur mundësinë të fitojë gjithçka dhe është përgjigjur me shifra mbresëlënëse. Besoj se raporti do të rregullohet”.