Ish-deputeti i PD Ervin Salianji tha se kushdo që do ta mbajë Partinë Demokratike në gjendje jo të përmirësuar, në mënyrë indirekte i shërben Edi Ramës.
Salianji tha se është shumë e rëndësishme që PD të bëjë një analizë të thellë. Gjithashtu ngriti edhe një shqetësimin
“Të takosh demokratët është privilegj. Dini ju që mua më ka falur njeri gjë? Unë vij nga beteja. Për interesin tim personal unë do rrija rehat. Unë dua të jemi jo vetëm konkurrues, por edhe fitues përballë Edi Ramës. Jemi partia që ka qeverisur këtë vend. Ka sjellë ndryshimin…Nuk më takon të jem komformist. Po u shfokusua fokusi nga problemet dhe shkojmë të emrat ikën rëndësia. Analizë PD, nuk ka bërë kurrë dhe ka bërë gabim të madh. Ne duhet të bëjmë jo vetëm analizë, por ka edhe përgjegjësi…Berisha tha që do ndahen funksionet , por duhet t’i diskutojmë të gjitha këto njëherë. A duhet të bashkohemi me forca të tjera?
Më tej shtoi se në takimet që ka zhvilluar ka pasur një mbështetje masive. I pyetur nëse duhet të largohet Berisha, Salianji tha se nuk duhet të jetë ky fokusi kryesor, por PD duhet të ripërtërihet.“Unë jam i surprizuar nga mbështetja masive. Kushdo që do ta mbajë PD në gjendje jo të përmirësuar në mënyrë indirekte i shërben Ramës. Ka edhe shumë njerëz që janë të kujdesshëm në mbështetje…Ky i Durrësit një dallkauk që nuk i duhet as dreqit. Kur komandohet e merr pa të drejtë diçka nuk ka peshën e votës. Në Foltoret që bën doktori, duhet të shohim se çfarë thonë demokratët. Njerëzit mendojnë që PD ka nevojë për ripërtëritje…”, tha ai.
Tag: largohet
-
A duhet të largohet Berisha? Ja si përgjigjet Salianji
-
Largohet nga drejtimi shefi i komisariatit në policinë e Kolonjës. Ja kush e zëvendëson (EMRAT)
Vijojnë lëvizjet në drejtorinë e policisë së juglindjes.
Sipas informacioneve, shefi i komisariatit të Kolonjës, komisar Alket Pashaj largohet nga detyra ndërsa në vend të tij, vendoset shefi i seksionit të trafiqeve komisar Robert Haskaj.
Mësohet se lëvizja është miratuar ditën e sotme nga drejtori i përgjithshëm i Policisë së Shtetit.
Komisar Alket Pashaj pritet të vendoset në një tjetër pozicion në polici që do të zbardhet në vijim. Sa i përket, shefit të ri të komisariatit të Kolonjës, ai më parë ka mbajtur postin e shefit të seksionit të trafiqeve në DVP Korçë si edhe më herët, postin e drejtuesit të AMP. -
Skenari i bujshëm! Salah do të largohet që në janar nga Liverpool? E kërkon klubi i njohur europian
8 Dhjetor 2025
19:06
Telesport
Nga situata e fundit e tensionuar, Mohamed Salah mund të largohet nga Liverpool që në merkaton e janarit. Mediet angleze kanë zbuluar së fundmi një skenar të bujshëm. Galatasaray po punon për të transferuar Salah që në merkaton e janarit, edhe pse kontrata e tij aktuale me Liverpool-in skadon në vitin 2027.
Klubi nga Stambolli që ka ambicie të mëdha këtë sezon, po përgatit një ofertë të parefuzueshme nga ylli egjiptian, me një rrogë vjetore 20-22 milionë euro plus bonuse të shumta.
Është e qartë se Mohamed Salah po përballet me një nga momentet më të pasigurta të karrierës së tij. Oferta e Galatasaray e vendos atë në qendër të vëmendjes dhe mund të përfaqësojë një ndryshim rrënjësor në karrierën. Nëse ai vendos të pranojë, transferimi i tij do të ishte padyshim një nga lëvizjet më të bujshme në historinë e lëvizjeve të merkatos dimërore. -
“Berisha e ka mbyllur ciklin e vet”/ Gjendja e PD, Ceka: Lideri duhet të largohet, ka dy rrugë ose rruga e vullnetit…
I ftuar në një studio televizive, Neritan Ceka u shpreh kritik ndaj partive politike. Duke komentuar gjendjen në të cilën ndodhet PD, ai tha se Sali Berisha e ka mbyllur ciklin e vet, dhe se ai duhet që të largohet dhe t’i lërë vend brezit të ri të politikanëve. Për këtë, tha Ceka, PD duhet që të krijojë një “shkollë politike” për të përgatitur emrat e rinj. Ai tha se deputetët aktualë e kanë kthyer parlamentin në “estradë”, me aktorë nga PS, dhe duartrokitës nga PD.
“Berisha e kam mbyllur ciklin e vet, është njeri i përgatitur dhe mendimi im ka qenë gjithmonë se edhe në politikkë duhet të ndodhë ajo që është në jetën shoqërore, që lideri duhet të largohet dhe t’i lërë vend një brezi të ri politikanësh. Ka dy rrugë, ose rruga e vullnetit që nuk ndodh kollaj. Pra, ka modele të ndryshme por mendoj se doktor Berisha është vlerë politike. Mënyra sesi i tërheq pasuesit e tij, se si e thotë të vërtetën. Ka një përvojë kolosale politike që është vlerë për PD, por kam propozuar krijimin e një senati, një parlament që do të thithte një pjesë të vlerave politike.
E dyta, është krijimi i një fondacioni në PD ku të përgatitet brezi i ri i politikanëve, që përgatiten që 15 vjeç që në shkollë si modeli italian. Meloni në tregimin e saj thotë se ka qenë 16 vjeç kur është angazhuar me të djathtën italiane. Nuk është bërë menjëherë deputete, siç ndodh në Shqipëri që thonë broçkulla dhe e kthejnë parlamentin në estradë. Është e turpshme që një institucion i vlerave të kthehet me aktorë nga PS dhe duatrokitës nga PD. Besoj se nuk e ndihmon kombin.
Edhe për Berishën e të tjerë, vlerë e PD është koha që të krijohet një fondacion i tipit gjermanik ku të nisë shkolla e përgatitjes politike të atyre që do të bëhen pas 10-15 vjetësh deputetë. Mirë është të krijohet shkolla politike e së djathtës shqiptare dhe Berisha mund të luante rol kryesor dhe të hapte një reformë nga PD, i largimit të partive nga ndikimet mbi pushtetin ekzekutiv, nga shkatërritimi total i pushtetit i cili ka dhjetëra vetë nëpër burgje, që vijë nga partitë. Është vend ku kemi ministra, kryetarë bashkie këshilltarë e zv ministra, këtë se kemi menduar kurrë në dhjetor 1990”, tha ai. -
Ndihet i tradhtuar nga Guardiola, blerja e verës dëshiron të largohet që në janar nga Man. City
2 Dhjetor 2025
17:24
Telesport
Manchester City vendosi të rikthejë për herë të dytë në ekip portierin e ri, James Trafford, dhe pagoi klauzolën e tij rreth 32 milionë euro te Burnley, gjatë merkatos së fundit.
23-vjeçari ishte entuziast për këtë transferim, i joshur nga ideja e një vendi titullar, pothuajse të garantuar pas largimit të mundshëm të Ederson. Pasi dihej nga të gjithë që Ederson e kishte mbyllur me “Qytetarët” në fund të sezonit të kaluar, edhe pse zyrtarizimi i tij te Galatasaray erdhi ditën dhe orët e fundit të afatit të merkatos.
Po ditën e fundit të merkatos, Manchester City afroi edhe Gigio Donnarumma-n, duke bërë që Trafford të kthehet një rezervist të mirëfilltë. “Daily Mail” zbulon se Trafford ndihet i “tradhtuar” nga Guardiola, pasi priste të ishte ai portieri titullar dhe të mos transferonin Donnarumma-n, për këtë arsye anglezi ka kërkuar të largohet që në merkaton e janarit.
Një tjetër arsye madhore pse Trafford dëshiron të largohet kaq shpejt nga Man. City është edhe fakti që jemi para Kupës së Botës dhe 23-vjeçari është i vetëdijshëm që në këtë situatë, ku është vetëm portieri i dytë, nuk ka shanse që të grumbullohet nga trajneri i Anglisë, Thomas Tuchel. -
Nuk ka qetësi te Barcelona, lojtari largohet nga skuadra
Nuk ka qetësi te Barcelona. Situata e fundit lidhet me mbrojtësin Ronald Araujo. Lojtari uruguaian ka kërkuar të marrë një periudhë pushimi nga futbolli, për shkak të një gjendjeje të rënduar psikologjike. Kërkesa e tij vjen pas disa ndeshjeve të vështira, ku gabimet e përsëritura dhe së fundi kartoni i kuq ndaj Chelseat kanë shtuar presionin mbi të.
Sipas gazetës katalanase “Mundo Deportivo”, Araujo ndjen se aktualisht nuk mund të kontribuojë në nivelin që kërkohet dhe po përjeton një barrë të konsiderueshme mendore që e pengon të performojë normalisht.
Pas vlerësimit të situatës, Barcelona i ka dhënë lojtarit leje të pacaktuar, duke i mundësuar të largohet përkohësisht nga seancat stërvitore dhe ndeshjet zyrtare. Klubi ka theksuar se mirëqenia mendore e futbollistëve është prioritet, ndaj vendimi është marrë pa hezitim. Trajneri Hansi Flick ka konfirmuar publikisht mungesën e Araujos për një periudhë kohore dhe ka kërkuar që media të tregojë respekt dhe të mos ushtrojë presion shtesë mbi lojtarin gjatë kësaj faze.
Në 15 paraqitjet që ka bërë deri tani, ai ka shënuar dy gola, por ka kryer edhe gabime të shumta që kanë ndikuar në rezultatet e skuadrës.
Klubi ka vendosur të ofrojë mbështetje të plotë gjatë kësaj periudhe “pushimi”, duke e konsideruar rikthimin e tij në gjendje optimale më të rëndësishëm sesa praninë e menjëhershme në fushë. -
Camavinga “lodhet” me Alonson, afër largimit nga Real Madrid. Destinacioni i ri mund të jetë Liverpool
1 Dhjetor 2025
16:20
Telesport
Eduardo Camavinga është një nga yjet e Real Madridit i pakënaqur me Xabi Alonso-n. Francezi nuk është më një titullar i rregullt dhe ndaj nuk do të ishte aspak befasi nëse vendosë të largohet nga Madridi.
“CaughtOffside” zbulon se Liverpool interesohet shumë për mesfushorin francez dhe gjatë merkatos së janarit do të paraqesë një ofertë zyrtare rreth 60 milionë euro. Arne Slot e pëlqen shumë Camavinga-n dhe e sheh atë si profilin ideal për të plotësuar mësfushën e Liverpool-0it, repart që ka shfaqur jo pak probleme këtë sezon.
Në anën tjetër, te Real Madrid nuk e kanë me ngut shitjen e francezit dhe do të lejojnë largimin e tij vetëm nëse vjen oferta e duhur ekonomike. Kontrata aktuale e Camavinga-s me klubin madrilen skadon në vitin 2029, dhe në rast se nuk ndodh largimi gjatë merkatos së janarit, me shumë mundësi do të ndodhë verën e ardhshme, gjithmonë nëse Xabi Alonso nuk largohet para tij. -
Uli Hoeness “fut hundët” sërish! Nëse largohet Upamecano, ai ka gjetur pasuesin
30 Nëntor 2025
9:43
Telesport
Uli Hoeness mund të jetë ndikuesi numër 1 në merkaton e mbrojtjes për Bayern në merkaton e verës.
Sipas gazetës Bild, ai është një tifoz i madh i Nico Schlotterbeck dhe e ka pëlqyer qysh kur mbrojtësi gjerman ishte te Freiburg. Hoeneß vlerëson mentalitetin tipik gjerman të Nico.
Schlotterbeck ka disa anëtarë të familjes tifozë të Bayern, të cilët do të donin ta shihnin në Mynih. Problemi është Upamecano. Bayern nuk do të shpenzojë më shumë para, nëse francezi pranon rinovimin.
Nëse ndodh e kundërta dhe Upamecano zgjedh të largohet, atëherë Schloterbeck do të jetë objektiv absolut. Ai nuk kushton më shumë se 30 mln euro, sepse kontrata e tij skadon në 2027. -
Italia e sigurt, vendoset e ardhmja e Hysajt
Elseid Hysaj pritet të largohet nga Lazio gjatë merkatos së janarit, sipas mediave italiane që e interpretojnë këtë si një ndarje të parakohshme mes palëve.
Klubi bardhekaltër e ka hequr mbrojtësin nga lista e lojtarëve për Serinë A deri në muajin janar, duke e justifikuar me një dëmtim. Sipas “Corriere dello Sport”, ky veprim shihet si sinjal i qartë se marrëdhënia mes lojtarit dhe klubit ka marrë fund.
Hysaj ka kaluar një situatë të ngjashme edhe një vit më parë, por atëherë u rikthye në skuadër gjatë fazës së dytë të sezonit. Këtë herë, mediat italiane theksojnë se vendimi është përfundimtar dhe se mbrojtësi i Kombëtares pritet të largohet në janar.
Kontrata e tij përfundon në fund të sezonit, por largimi i parakohshëm nuk shihet si problem për klubin. Lazio do të përfitonte financiarisht, pasi do të kursente pagën e tij vjetore prej 2.8 milionë eurosh. -
Ina Majko largohet si zëvendësministër i Shëndetësisë dhe Mbrojtjes Sociale, ja ku caktohet
Në mbledhjen e sotme u miratuan edhe disa emërime dhe lirime nga detyra për funksionarë të disa institucioneve.
Një ndryshim posti ka pasur dhe për Ina Majkon.
“Znj. Ina Majko, zëvendësministër i Shëndetësisë dhe Mbrojtjes Sociale, lirohet nga kjo detyrë dhe emërohet zëvendësministër i Shëndetësisë dhe Mirëqenies Sociale”, thuhet ne vendimin e ri te qeverise.