Çështja shqiptare nuk trajtohet si partneritet konstituiv, por si problem për t’u administruar
Nga kabinetet unitariste të fillimit të pluralizmit deri te teknikat bashkëkohore të kontrollit institucional, çështja shqiptare nuk trajtohet si partneritet konstituiv, por si problem për t’u administruar. Ky proces, që po zhvillohet sot, është rikthim i sofistikuar i logjikës së vjetër etnokratike, por me mjete moderne dhe të heshtura.
Nga Prof. dr. Skënder Asani
Historia e shqiptarëve në Ballkan nuk është thjesht një kronikë e ngjarjeve të së kaluarës, por një testament i palëkundur mbi fuqinë e mbijetesës, qëndresës dhe vizionit strategjik. Në një hapësirë ku shumë popuj u zhdukën, u tretën ose u nënshtruan, shqiptarët ruajtën identitetin, gjuhën, hapësirën kulturore dhe subjektivitetin e tyre politik. Ata funksionuan si një arkitekturë e vetëdijshme mbrojtjeje kolektive, që i ka përballuar sistematikisht të gjitha format e mohimit, shpërbërjes dhe imponimit. Por ky kapital historik i qëndresës nuk është ftesë për qetësi; përkundrazi, ai është një paralajmërim i matur se epoka moderne kërkon vigjilencë shumë më të mprehtë, sepse mekanizmat e sotëm të rrezikut janë më të sofistikuar, më të padukshëm dhe më të përshkueshëm se çdo kërcënim që kemi njohur më parë.
Pas pluralizmit të vitit 1991 dhe deri tek qasjet e Kryeministrit Mickovski, shihet një linjë e vazhdueshme politike që synon të minimizojë rolin shqiptar, të relativizojë subjektivitetin e tyre kushtetues dhe të kthejë shtetin drejt një paradigme mononacionale të maskuar me gjuhë reformash. Nga kabinetet unitariste të fillimit të pluralizmit deri te teknikat bashkëkohore të kontrollit institucional, çështja shqiptare nuk trajtohet si partneritet konstituiv, por si problem për t’u administruar. Ky proces, që po zhvillohet sot, është rikthim i sofistikuar i logjikës së vjetër etnokratike, por me mjete moderne dhe të heshtura.
Gjatë shekujve të sundimit osman, shqiptarët u mbajtën në hije, të privuar nga gjuha dhe njohja e tyre etnokulturore, ndërsa fqinjët ndërtonin shtetet e tyre kombëtare. Ky boshllëk historik i ekspozoi ndaj shtrëngesave të administratës së lartë osmane, presioneve të jashtme dhe zbehjes së vetëdijes kombëtare. Në këtë klimë të brishtë, Rilindja Kombëtare u shfaq si akt i qartë politik dhe vizionar, duke shfrytëzuar dobësimin të Perandorisë dhe lëvizjen xhonturke për të imponuar kërkesat shqiptare. Kuvendi i Ferizajt (1908) me ultimatumet ndaj Stambollit shënoi ndërhyrjen e parë të fuqishme të shqiptarëve në ndryshimet e brendshme të Perandorisë, duke krijuar terrenin për veprim të organizuar kombëtar. Klubi “Bashkimi” dhe Kongresi i Manastirit dëshmuan se alfabeti i përbashkët ishte instrument shtetformues që parapriu pavarësinë e vitit 1912. Ky moment shënoi kthesën ku dobësia osmane u shndërrua në mundësi historike, duke provuar se uniteti dhe identiteti nuk dhurohen, por fitohen me vizion dhe vendosmëri.
Përmes dekadave të trazuara, qenia shqiptare ka mbijetuar nën një presion të pandërprerë, ku synimet për ta zbehur identitetin e saj janë shfaqur në forma të ndryshme shtetërore e administrative. Politikat e periudhës së Mbretërisë SKS, nga kolonizimet e detyrueshme te reforma agrare arbitrare, synuan të ndryshonin fizionominë demografike të trevave shqiptare dhe të zhvendosnin popullsinë vendase, por organizimi politik dhe vetëdija kolektive penguan realizimin e skenarëve më radikalë, duke dëshmuar se vullneti i një populli nuk nënshtrohet lehtë. Edhe pas Luftës së Dytë Botërore, përpjekjet për t’i kufizuar gjuhën, arsimin dhe shenjuesit kombëtar u shndërruan në një cikël tensioni që kulmoi me vitin 1968 dhe gjeti një frymëmarrje të pjesshme në Kushtetutën e 1974-s, e cila, megjithë kufizimet, lejoi rihapjen e një hapësire të domosdoshme për rikthimin e vetëdijes dhe dinjitetit kolektiv.
Historia e shqiptarëve nuk është thjesht rrëfim i vuajtjes, por dëshmi e një betejë të vazhdueshme për mbijetesë politike, territoriale dhe kulturore; një betejë që paralajmëron fuqishëm se çdo heshtje, indiferencë apo shmangie e përgjegjësisë institucionale nuk është vetëm mohimi i së kaluarës, por rrezik i drejtpërdrejt për të ardhmen e një komuniteti që ka treguar se qëndresa dhe dinjiteti i tij nuk mund të shkelet.
Shpërbërja e Jugosllavisë i gjeti shqiptarët e Maqedonisë të gatshëm për të qenë faktor shtetformues. Ata garantuan orientimin euroatlantik të shtetit të ri dhe i dhanë legjitimitet ndërkombëtar. Por ky kontribut u nënvlerësua, sepse arkitektura institucionale vazhdoi t’i trajtonte shqiptarët si rrezik, jo si partner. Diskriminimi sistemik, refuzimi i gjuhës shqipe dhe të drejtave elementare kulmuan në konfliktin e vitit 2001, prej nga lindi Marrëveshja e Ohrit. Ajo riktheu ekuilibrin kushtetues, institucionalizoi gjuhën shqipe, vendosi përfaqësimin proporcional dhe garancitë e vetos strategjike, duke e bërë shtetin të funksionojë mbi baza barazie.
Por sot, kërcënimi nuk vjen nga jashtë. Ai ngrihet nga brenda, nga strukturat që Marrëveshja e Ohrit duhej të demokratizonte. Projekti politik i Kryeministrit Mickovski përbën një strategji të heshtur dhe të sofistikuar: zhbërjen graduale të subjektivitetit politik shqiptar përmes ndryshimeve administrative, demografike dhe juridike, duke nisur nga premtimi parazgjedhor i fushates se zgjedhjeve parlamentare të vitit të kaluar të regjistrimit elektronik të popullsisë, i cili synon (paraljmëron) kategorizimin e shqiptarëve në baza fetare dhe uljen artificiale nën pragun kushtetues 20%. Debati për çështjen e bullgarëve në Kushtetutë është vetëm perde tymi për të fshehur objektivin e vërtetë: reduktimin e shqiptarëve në komunitet dekorativ, jo në partner shtetformues. Kjo strategji ka për synim orientimin e shtetit drejt një modeli mononacional, një rikthim të rrezikshëm në logjikën etnokratike që destabilizoi rajonin për një shekull.
Rreziku është i prekshëm dhe i afërt. Dobësimi i subjektivitetit kushtetues dhe fragmentimi i përfaqësimit politik do të krijojnë hapësirë për retorikë ekstremiste, projekte destabilizuese dhe tensione të reja ndëretnike. Proceset administrative dhe demografike mund të fshehin një asimilim të sofistikuar, duke kthyer çështjen shqiptare në labirintet e errëta të mohimit historik. Dështimi për të vepruar tani do të hapë rrugën për një transformim të maskuar që mund të ketë pasoja të pakthyeshme.
Në këtë moment historik kritik, shqiptarët duhet të mobilizohen për të mbrojtur subjektivitetin kushtetues dhe orientimin euroatlantik përmes një platforme politike të unifikuar dhe strategjike. Uniteti politik dhe kohezioni institucional duhet të jenë parësor. Një koalicion gjithëshqiptar, bashkëpunimi i palëkundur midis institucioneve qendrore dhe strukturave lokale, dhe parandalimi i përçarjeve politike janë çelësi i mbijetesës dhe fuqisë kolektive. Veprimi ligjor dhe kushtetues është i domosdoshëm: monitorimi i të gjitha projekt-ligjeve dhe ndryshimeve që cenojnë subjektivitetin, angazhimi në gjykata dhe institucione ndërkombëtare, dhe sigurimi i përfaqësimit të barabartë në institucionet shtetërore.
Diplomacia dhe strategjia ndërkombëtare duhet të forcojnë lidhjet me faktorët euroatlantikë dhe të nxisin njohjen e rolit shqiptar si partner stabilizues, duke parandaluar çdo influencë destabilizuese. Strategjitë kulturore dhe arsimore duhet të konsolidojnë identitetin kombëtar, të promovojnë gjuhën dhe kulturën shqiptare si pjesë integrale të shtetit dhe të krijojnë një narrative pozitive për rolin shqiptar në shoqëri dhe shtet. Vigilanca dhe transparenca elektronike janë të domosdoshme për të monitoruar regjistrimet dhe ndryshimet demografike, për të zhvilluar mekanizma të pavarur raportimi, dhe për të mbrojtur të drejtat dhe përfaqësimin shqiptar.
Ky është momenti më kritik i historisë së shqiptarëve në Maqedoninë e Veriut. Çdo përçarje e brendshme ka qenë dhe mbetet kërcënim për ekzistencën tonë kombëtare, dhe çdo unitet ka shërbyer si çelës për mbijetesë dhe afirmim. Ky tekst nuk është thjesht një apel politik: është një alarm historik, një urdhër strategjik dhe një thirrje e papërmbajtshme për veprim të menjëhershëm. Ruajtja e subjektivitetit kushtetues, forcimi i kohezionit institucional dhe politik, garantimi i orientimit euroatlantik dhe mbrojtja e barazisë si standard i paprekshëm janë jo vetëm detyra, por kushtet e domosdoshme për të siguruar stabilitet, drejtësi dhe perspektivë të një shteti modern, demokratik dhe euroatlantik, për shqiptarët dhe për të gjithë qytetarët e Maqedonisë. Çdo vonesë, çdo indiferencë, do të ishte hap i rrezikshëm në drejtim të zhdukjes së mundësive për një të ardhme të barabartë dhe të sigurt.
Shkup, 01 dhjetor 2025
Tag: kushtetues
-
Çështja shqiptare, si problem për t’u administruar
-
Për të gjithë ata që më (keq)citojnë/ Manjani: Pezullimi i Ballukut është puç kushtetues, neni 242/2 nuk zbatohet për të zgjedhurit
Ish-ministri i Drejtësisë, Ylli Manjani, reagon sërish pas vendimit për pezullimin nga detyra të zëvendëskryeministres Belinda Balluku dhe akuzave për keqcitim të qëndrimeve të tij. Në një shënim të gjatë në rrjete sociale, ai argumenton se gjyqësori nuk ka të drejtë të nxjerrë nga funksioni një anëtar të zgjedhur të qeverisë dhe se interpretimi i nenit 242/2 të Kodit të Procedurës Penale në këtë rast përbën, sipas tij, “grusht kushtetues shteti”.
Postimi i plotë i Manjanit:
Për të gjithë ata që më (keq)citojnë
Tani, në respekt të disa juristëve veçanërisht, që më komentojnë:
Nëse biem dakord se ndërhyrja e gjyqsorit për nxjerrë nga funksioni qeverinë, ose për të diktuar përbërjen e saj quhet grusht kushtetues shteti, argumentet mbi ligjshmërinë e këtij veprim janë të tepërta.
Janë të tepërta sepse nuk ka asnjë ligj në shoqërinë demokratike ku sundon rendi kushtetues që ta legjitimojnë këtë gjë.
Asnjë!
Tani, argumenti se një nen proçedural penal me numër 242.2 e legjitimon gjykatën të pezullojë nga funksioni zëvendësin e vetëm të Kryeministrit, nuk është gjë tjetër përveç se legjitimim i grushtit të shtetit.
Sidoqoftë, unë prap insistoj se edhe ai nen i parë në harmoni me Kushtetutën, parimin e ndarjes së pushteteve, pasojave emergjente që passjell ky veprim si dhe preçedentin e rrezikshëm që krijon, duhet interpretuar ashtu siç është shkruar dhe jo ashtu siç do secili të jetë.
Ai nen përpara se të interpretohet duhet thjesht të lexohet dhe të kuptohet ashtu siç është shkruar.
Lexojeni dhe kuptojeni siç është shkruar!
Pra pezullimi nga detyra publike NUK ZBATOHET, për PERSONA të zgjedhur.
Pra për persona të zgjedhur, jo funksione apo detyra që ato mbajnë. Personi i zgjedhur është i tillë edhe kur fle, edhe kur ha edhe kur me nder jush bën atë që s’thuhet. Padyshim edhe kur kryen detyra publike ai/ajo person i zgjedhur është.
Kështu është shkruar ky nen.
Tani interpretime bëhen, por asnjë interpretim që çon në puç kushtetues nuk mund të jetë i ligjshëm.
Nga ana tjetër, ata që thonë se “kjo është praktika gjyqsore”, do t’u lutesha përunjësisht të më tregojnë një rast tjetër kur është zbatuar ky nen ndaj një personi tjetër të zgjedhur. Në dijeninë time kjo është hera e parë që ky nen zbatohet në këtë nivel zyrtari publik. Ndaj nuk di të ketë praktikë.
Por edhe sikur ky nen të interpretohet ashtu siç thoni ju dhe SPAK e GJKKO, prap jeni gabim sepse ai nen nuk legjitimon dot gjyqsorin të nxjerrë nga funksioni kushtetues një anëtar qeverie. Aq më tepër zëvendësin unik të Kryeministrit. Anëtari i qeverisë i fundit quhet njësoj si i zgjedhur, sipas Kushtetutës edhe kur personi nuk është zgjedhur nga populli.
Interpretimi nuk bëhet sipas qejfit, por në harmoni me korpusin kushtetues e ligjor në vend. Përndryshe nuk ka fjalë tjetër që e përkufizon këtë sjellje përveç se grusht/puç kushtetues shteti.
Këto puçet kushtetuese me interpretime ligjesh bëhen zakonisht. Puçet bëhen gjithmonë nha zyrtarë shteti kundër pushtetit politik të zgjedhur. Prandaj është shpikur Gjykata Kushtetuese, për të ndalur këtë gjë.
Ja kaq kisha, modestisht në respekt të atyre që më citojnë mua për të nxjerrë helmin e tyre me persona konkretë.
Bye! -
“Asgjë s’të shpëton”/ Berisha paralajmëron Ramën: Belindën kurban, veten kushtetutë
Në një reagim në rrjetet sociale, kreu i PD, Sali Berisha, u shpreh se Rama po ndjen rrezikun dhe “i nxjerr dhëmbët drejtësisë”, duke e akuzuar se po përpiqet të shpëtojë veten nga hetimet.
Sipas Berishës, deklaratat e fundit të kryeministrit, ku ai paralajmëroi për “kufirin kushtetues mes pushteteve”, tregojnë qartë se Rama po dërgon sinjale presioni ndaj drejtësisë, ndërsa sakrifikon të tjerët për të mbrojtur veten.
Reagimi i plotë:
Rama ndjen rrezikun, i nxjerr dhëmbët drejtësisë!
Miq, Edi Rama është i tmerruar nga Lubi Balkuku dhe SMS-të që i ka derguar Ervis Berberit për tunelin e Palloshit të gjatë. Pasi u betua se do respektojë drejtësinë ai paralajmeroi se:
“Sa të jem unë këtu, nuk do të shihni luftëra me drejtësinë apo akuza. Por ka një kufi, kufirin kushtetues mes pushteteve të pavarura, dhe nëse lejojmë shkeljen e tij, kemi humbur diçka themelore për rendin kushtetues të republikës.” Me fjalë të tjera Rama i thot Belindën kurban po harroni mua sepse unë jam kushtetuta dhe mjerë kusht të kaloj kufirin. Edvin asgjë në botë nuk të shpëton nga krimet tua të renda. -
Berisha-Ramës: Je gati të bësh edhe Ballukun kurban, asgjë nuk të shpëton nga krimet
Kreu i PD, Sali Berisha, u shpreh se Rama po ndjen rrezikun dhe “i nxjerr dhëmbët drejtësisë”, duke e akuzuar se po përpiqet të shpëtojë veten nga hetimet.
Sipas Berishës, deklaratat e fundit të kryeministrit, ku ai paralajmëroi për “kufirin kushtetues mes pushteteve”, tregojnë qartë se Rama po dërgon sinjale presioni ndaj drejtësisë, ndërsa sakrifikon të tjerët për të mbrojtur veten.
Berisha shkruan se Rama është i tmerruar nga Belinda Balkuku dhe SMS-të që i ka dërguar Ervis Berberit për tunelin e Palloshit të gjatë, duke iu referuar tunelit të Llogarasë.
Reagimi i Berishës
Rama ndjen rrezikun, i nxjerr dhëmbët drejtësisë! Miq, Edi Rama është i tmerruar nga Lubi Balkuku dhe SMS-të që i ka derguar Ervis Berberit për tunelin e Palloshit të gjatë.
Pasi u betua se do respektojë drejtësinë ai paralajmeroi se: “Sa të jem unë këtu, nuk do të shihni luftëra me drejtësinë apo akuza. Por ka një kufi, kufirin kushtetues mes pushteteve të pavarura, dhe nëse lejojmë shkeljen e tij, kemi humbur diçka themelore për rendin kushtetues të republikës.”
Me fjalë të tjera Rama i thot Belindën kurban po harroni mua sepse unë jam kushtetuta dhe mjerë kusht të kaloj kufirin. Edvin asgjë në botë nuk të shpëton nga krimet tua të renda. -
‘47 ditë që mban peng betimin e Asim Vokshit’, Bardhi: Presidenti Begaj ka futur në ngërç kushtetues GJK-në
Kryetari i Grupit Parlamentar të Partisë Demokratike, Gazment Bardhi, ka akuzuar Presidentin e Republikës, Bajram Begaj, se prej 47 ditësh ka marrë peng procedurën e betimit të gjyqtarit kushtetues të zgjedhur, Asim Vokshi, duke futur në ngërç kushtetues vetë Gjykatën Kushtetuese.
Bardhi thekson se ndërhyrja e Presidentit është “e tërësisht antikushtetuese”, pasi cënon pavarësinë dhe integritetin e Gjykatës Kushtetuese dhe shkel nenin 129 të Kushtetutës, si dhe nenin 8 të Ligjit nr. 8577/2000 “Për Organizimin dhe Funksionimin e Gjykatës Kushtetuese”. Sipas tij, asnjë president para Bajram Begajt nuk ka vepruar në këtë mënyrë.
“Prej ditës së parë në detyrë, Bajram Begaj i ka shërbyer vetëm interesave politike të Edi Ramës dhe Partisë Socialiste. Këta të fundit u shndërruan në mburojë politike për të mos lejuar shqyrtimin nga Gjykata Kushtetuese të shkeljeve të rënda të Kushtetutës dhe ligjit nga Bajram Begaj,” shkruan Bardhi.
Ai bën thirrje që Gjykata e Lartë dhe Gjykata Kushtetuese të reagojnë menjëherë ndaj asaj që e quan “përdhosje të autoritetit të dy gjykatave më të larta në vend” dhe akuzon presidentin si një figurë “tërësisht e papërgjegjshme”, e cila po vepron në favor të interesave të Edi Ramës dhe aferave të tij të paligjshme dhe korruptive.
Bardhi nënvizon se mosveprimi i Begajt po pengon fillimin e detyrës së gjyqtarit Vokshi dhe po krijon një precedent të rrezikshëm për funksionimin e Gjykatës Kushtetuese.
Reagimi i Gazment Bardhit:
Pasi ndërhyri në mënyrë tërësisht antikushtetuese në mandatet e gjyqtarëve kushtetues duke cënuar pavarësinë dhe integritetin e Gjykatës Kushtetuese, Presidenti i Republikës prej 47 DITËSH ka marrë peng procedurën e betimit dhe fillimit të detyrës të gjyqtarit kushtetues të zgjedhur Asim Vokshi, duke futur në ngërç kushtetues vetë Gjykatën Kushtetuese.
Kjo sjellje e Presidentit të Republikës, pa dhënë asnjë shpjegim publik të arsyeshëm, është një tjetër dëshmi se ai e ka humbur me kohë rolin e tij si Kryetar i Shtetit dhe garant i Kushtetutës. Ky mosveprim është në kundërshtim flagrant me nenin 129 të Kushtetutës dhe nenin 8 të Ligjit nr. 8577/2000 “Për Organizimin dhe Funksionimin e Gjykatës Kushtetuese”. Asnjë President përpara tij nuk ka guxuar të sillet në këtë mënyrë me Gjykatën Kushtetuese të Republikës së Shqipërisë.
Prej ditës së parë në detyrë, Bajram Begaj i ka shërbyer vetëm interesave politike të Edi Ramës dhe Partisë Socialiste. Këta të fundit u shndërruan së fundmi në mburojë politike për të mos lejuar shqyrtimin nga Gjykata Kushtetuese të shkeljeve të rënda të Kushtetutës dhe ligjit nga Bajram Begaj në ushtrimin e detyrës së Presidentit të Republikës.
Ndërkohë që nuk pritet asnjë reflektim nga Bajram Begaj, apeloj Gjykatën e Lartë dhe Gjykatën Kushtetuese të reagojnë menjëherë ndaj kësaj përdhosjeje që po i bëhet autoritetit të dy gjykatave më të larta në vend nga një njeri tërësisht i papërgjegjshëm, i marrë peng nga Edi Rama për aferat e tij të paligjshme dhe korruptive, qoftë si Shef i Shtabit të Përgjithshëm të Ushtrisë, ashtu edhe si President i Republikës. -
Denoncimi i Bardhit: Presidenti Bajram Begaj ka marrë peng betimin e gjyqtarit kushtetues Asim Vokshi
Kryetari i Grupit Parlamentar të PD, Gazment Bardhi, akuzon Presidentin e Republikës, Bajram Begaj, se ka futur në ngërç kushtetues Gjykatën Kushtetuese, duke penguar për 47 ditë procedurën e betimit të gjyqtarit kushtetues të zgjedhur, Asim Vokshi.
Bardhi thekson se ky veprim është antikushtetues dhe cenon pavarësinë e Gjykatës Kushtetuese, duke shkelur nenin 129 të Kushtetutës dhe nenin 8 të Ligjit nr. 8577/2000. Sipas tij, Presidenti po shërben interesa politike të kryeministrit Edi Rama dhe Partisë Socialiste.
Ai apelon që Gjykata e Lartë dhe Gjykata Kushtetuese të reagojnë menjëherë për të mbrojtur autoritetin e tyre dhe të rivendosin funksionimin normal të institucioneve kushtetuese.
REAGIM I KRYETARIT TË GRUPIT PARLAMENTAR TË PD, GAZMENT BARDHIPasi ndërhyri në mënyrë tërësisht antikushtetuese në mandatet e gjyqtarëve kushtetues duke cënuar pavarësinë dhe integritetin e Gjykatës Kushtetuese, Presidenti i Republikës prej 47 DITËSH ka marrë peng procedurën e betimit dhe fillimit të detyrës të gjyqtarit kushtetues të zgjedhur Asim Vokshi, duke futur në ngërç kushtetues vetë Gjykatën Kushtetuese.
Kjo sjellje e Presidentit të Republikës, pa dhënë asnjë shpjegim publik të arsyeshëm, është një tjetër dëshmi se ai e ka humbur me kohë rolin e tij si Kryetar i Shtetit dhe garant i Kushtetutës. Ky mosveprim është në kundërshtim flagrant me nenin 129 të Kushtetutës dhe nenin 8 të Ligjit nr. 8577/2000 “Për Organizimin dhe Funksionimin e Gjykatës Kushtetuese”. Asnjë President përpara tij nuk ka guxuar të sillet në këtë mënyrë me Gjykatën Kushtetuese të Republikës së Shqipërisë.
Prej ditës së parë në detyrë, Bajram Begaj i ka shërbyer vetëm interesave politike të Edi Ramës dhe Partisë Socialiste. Këta të fundit u shndërruan së fundmi në mburojë politike për të mos lejuar shqyrtimin nga Gjykata Kushtetuese të shkeljeve të rënda të Kushtetutës dhe ligjit nga Bajram Begaj në ushtrimin e detyrës së Presidentit të Republikës.
Ndërkohë që nuk pritet asnjë reflektim nga Bajram Begaj, apeloj Gjykatën e Lartë dhe Gjykatën Kushtetuese të reagojnë menjëherë ndaj kësaj përdhosjeje që po i bëhet autoritetit të dy gjykatave më të larta në vend nga një njeri tërësisht i papërgjegjshëm, i marrë peng nga Edi Rama për aferat e tij të paligjshme dhe korruptive, qoftë si Shef i Shtabit të Përgjithshëm të Ushtrisë, ashtu edhe si President i Republikës.
-
Meta kërkoi të shpallet antikushtetues ‘arresti me burg’, GJK e kalon në seancë plenare
Gjykata Kushtetuese ka vendosur këtë të mërkurë të kalojë në seancë plenare, shqyrtimin e kërkesës së Ilir Metës për shpalljen si jo-kushtetues të vendimit që ka çuar në arrestimin e tij.
Vendimi u mor gjatë mbledhjes së gjyqtarëve kushtetues me dyer të mbyllura.
Seanca plenare që do të mbahet në vazhdim raportohet se do të jetë me dyer të mbyllura dhe jo e hapur si në rastin e Erion Veliajt dhe shqyrtimi do të jetë me bazë dokumentare.
Ilir Meta është i arrestuar që prej tetorit të vitit të kaluar dhe është akuzuar për korrupsion pasiv, pastrim parash dhe fshehje pasurie. Hetimet ndaj tij u mbyllën nga SPAK më 28 korrik, ndërsa dosja u kalua për gjykim në fund të gushtit.
Ndërkohë GJKKO ka rrëzuar kërkesat e Metës për ndryshimin të masës së sigurisë ndërsa më 16 tetor, edhe Gjykata e Lartë rrëzoi rekursin e ish-presidentit për të njëjtën kërkesë. -
Gjykata Kushtetuese merr vendimin për Metën/ Në burg prej 1 viti, kërkesa e ish-presidentit ‘shkon’ në seancë plenare
Mbledhja e gjyqtarëve vendosi të kalojë në seancë plenare pra me shqyrtim dokumentar kërkesën e ish-presidentit Ilir Meta. Kreu i Partisë së Lirisë, i cili ndodhet në burg prej rreth një 1 viti ka depozituar kërkesë për shpalljen si jo kushtetues.
Vendimi u mor gjatë mbledhjes së gjyqtarëve kushtetues me dyer të mbyllura e cila sapo ka përfunduar.
Raportohet se seanca plenare që do të mbahet në vazhdim do të jetë me dyer të mbyllura dhe jo e hapur si në rastin Veliaj dhe shqyrtimi do të jetë me bazë dokumentare. -
Pezullohet hetimi kundër Dodikut dhe të tjerëve për “sulm ndaj rendit kushtetues” të Bosnjës
Prokuroria e Bosnje dhe Hercegovinës pezulloi hetimin kundër ish-presidentit të Republikës Sërpska, Millorad Dodik, ish-kryeministrit të Republikës Sërpska, Radovan Vishkoviq, dhe kryetarit të Kuvendit të Republikës Sërpska, Nenad Stevandiq, të cilët dyshoheshin për veprën penale të sulmit ndaj rendit kushtetues të Bosnje dhe Hercegovinës, iu konfirmua Radios Evropa e Lirë më 4 nëntor.
Arsyeja për pezullimin e hetimit, siç iu tha REL-it, është se “nuk ka prova të mjaftueshme që të dyshuarit kanë kryer vepër penale”.
Vendimi për pezullimin e hetimit do të thotë se nuk do të ngrihet asnjë aktakuzë.Ai vjen disa ditë pasi Dodik dhe partnerët e tij politikë e biznesorë u hoqën nga lista e zezë e Departamentit të Thesarit të SHBA-së.
Lënda u krijua në fillim të vitit, pasi Kuvendi i Republikës Sërpska miratoi disa ligje që ndalonin funksionimin e institucioneve shtetërore gjyqësore dhe policore në territorin e këtij entiteti, e të cilat Gjykata Kushtetuese e Bosnje dhe Hercegovinës i shpalli jokushtetuese.
Zyra e Prokurorit tha atëkohë se ka arsye për të dyshuar se tre zyrtarët më të lartë të entitetit serb të Bosnjës kanë organizuar një përpjekje për të përmbysur rendin kushtetues të shtetit.
Hetimi ishte në qendër të vëmendjes së publikut për muaj të tërë.
Ngjarja kulmoi në mars të këtij viti, kur Gjykata e Bosnje dhe Hercegovinës, për shkak të mosreagimit të tyre ndaj thirrjeve për t’u marrë në pyetje, urdhëroi ndalimin e tyre dhe lëshoi një urdhër arresti.
Ai ishte i vlefshëm që nga 17 marsi dhe të gjitha agjencitë policore në Bosnje dhe Hercegovinë kishin urdhër për ndalimin e tyre.
Dodik shkoi vullnetarisht në Prokurorinë e Bosnje dhe Hercegovinës më 4 korrik, i shoqëruar nga avokati i tij mbrojtës.
Ai u mor në pyetje si i dyshuar në hetime.
Në atë seancë, Gjykata e Bosnje dhe Hercegovinës mori vendim për heqjen e paraburgimit, me kushtin që ai të paraqitej periodikisht tek organet kompetente të policisë.
Kodi Penal i Bosnje dhe Hercegovinës parashikon dënim me burg deri në pesë vjet dhe ndalesë të mbajtjes së posteve publike për veprën penale të sulmit ndaj rendit kushtetues.
Dodikut, ndërkohë, iu mor zyrtarisht mandati si president i Republikës Sërpska, pasi u dënua me një vit burg dhe me një ndalesë gjashtëvjeçare të mbajtjes së posteve politike publike.
Radovan Vishkoviq dha dorëheqje si kryeministër i Republikës Sërpska, ndërsa Nenad Stevandiq vazhdon të shërbejë si kryetar i Kuvendit të entitetit./rel -
Bosnje dhe Hercegovinë, pezullohen hetimet dhe bien akuzat kundër Dodikut e të tjerëve për sulm ndaj rendit kushtetues nga Republika Sërpska
Prokuroria e Bosnje dhe Hercegovinës pezulloi hetimin kundër ish-presidentit të Republikës Sërpska, Millorad Dodik, ish-kryeministrit të Republikës Sërpska, Radovan Vishkoviç, dhe kryetarit të Kuvendit të Republikës Sërpska, Nenad Stevandiç, të cilët dyshoheshin për veprën penale të sulmit ndaj rendit kushtetues të Bosnje dhe Hercegovinës.
Lajmi iu konfirmua Radios Evropa e Lirë sot, më 4 nëntor. Arsyeja për pezullimin e hetimit, është se “nuk ka prova të mjaftueshme që të dyshuarit kanë kryer vepër penale”.
Vendimi për pezullimin e hetimit do të thotë se nuk do të ngrihet asnjë aktakuzë. Ai vjen disa ditë pasi Dodik dhe partnerët e tij politikë e biznes u hoqën nga lista e zezë e Departamentit të Thesarit të SHBA-së.
Lënda u krijua në fillim të vitit, pasi Kuvendi i Republikës Sërpska miratoi disa ligje që ndalonin funksionimin e institucioneve shtetërore gjyqësore dhe policore në territorin e këtij entiteti, e të cilat Gjykata Kushtetuese e Bosnje dhe Hercegovinës i shpalli jokushtetuese.
Zyra e Prokurorit tha atëkohë se ka arsye për të dyshuar se tre zyrtarët më të lartë të entitetit serb të Bosnjës kanë organizuar një përpjekje për të përmbysur rendin kushtetues të shtetit.
Hetimi ishte në qendër të vëmendjes së publikut për muaj të tërë. Ngjarja kulmoi në mars të këtij viti, kur Gjykata e Bosnje dhe Hercegovinës, për shkak të mosreagimit të tyre ndaj thirrjeve për t’u marrë në pyetje, urdhëroi ndalimin e tyre dhe lëshoi një urdhër arresti.
Ai ishte i vlefshëm që nga 17 marsi dhe të gjitha agjencitë policore në Bosnje dhe Hercegovinë kishin urdhër për ndalimin e tyre.
Dodik shkoi vullnetarisht në Prokurorinë e Bosnje dhe Hercegovinës më 4 korrik, i shoqëruar nga avokati i tij mbrojtës. Ai u mor në pyetje si i dyshuar në hetime.
Në atë seancë, Gjykata e Bosnje dhe Hercegovinës mori vendim për heqjen e paraburgimit, me kushtin që ai të paraqitej periodikisht tek organet kompetente të policisë.
Kodi Penal i Bosnje dhe Hercegovinës parashikon dënim me burg deri në pesë vjet dhe ndalesë të mbajtjes së posteve publike për veprën penale të sulmit ndaj rendit kushtetues.
Dodikut, ndërkohë, iu mor zyrtarisht mandati si president i Republikës Sërpska, pasi u dënua me një vit burg dhe me një ndalesë gjashtëvjeçare të mbajtjes së posteve politike publike.
Radovan Vishkoviç dha dorëheqje si kryeministër i Republikës Sërpska, ndërsa Nenad Stevandiç vazhdon të shërbejë si kryetar i Kuvendit të entitetit.