FIFA ka njoftuar se në Kupën e Botës së vitit të ardhshëm do të aplikohen pushime tre-minutëshe për hidratim në çdo pjesë loje, jo vetëm në ndeshjet që zhvillohen në kushte të nxehta.
Arbitri do ta ndalojë lojën në minutën e 22-të të secilës pjesë, në mënyrë që lojtarët të mund të pijnë ujë, pavarësisht temperaturës, vendit pritës SHBA, Kanada apo Meksikë ose faktit nëse stadiumi ka çati dhe sistem ajrimi. Ky ndryshim pritet të favorizojë edhe transmetuesit, duke e bërë orarin e ndeshjeve më të parashikueshëm.
FIFA bëri të ditur se kjo ide u diskutua fillimisht pasi drejtori ekzekutiv i turneut të Kupës së Botës 2026, Manolo Zubiria, mori pjesë në një takim me transmetuesit.
Për shumë tifozë, trajnerë dhe lojtarë, ky rregull e ndan praktikisht ndeshjen në katër “çerekë”, ngjashëm me ligat amerikane si NFL, NBA dhe WNBA, ku pushimet mes çerekëve shfrytëzohen për reklama.
Zubiria shtoi se gjyqtarët mund të kenë njëfarë fleksibiliteti, nëse pak para minutës së 22-të loja ndalet për shkak të një dëmtimi.
“Kjo do të vlerësohet nga gjyqtari në moment”, tha ai.
Sipas FIFA-s, vendimi konsiderohet një “version më i thjeshtuar dhe praktik” i rregullit të mëparshëm, që parashikonte pushime pas 30 minutash vetëm kur temperatura kalonte 32°C. Ky ndryshim vjen pasi nxehtësia dhe lagështia ndikuan lojtarët në disa ndeshje të Kupës së Botës për Klube në SHBA këtë vit. Atëherë FIFA uli pragun për pushimet e freskimit dhe vendosi më shumë ujë e peshqirë rreth fushës.
Nxehtësia ka qenë prej kohësh shqetësim në turnetë e mëdha. Para Kupës së Botës 2014, një gjykatë braziliane e detyroi FIFA-n të zbatonte pushimet e rekomanduara nga ekspertët ose të përballej me gjoba.
Një raport i publikuar në shtator nga Football for the Future, Common Goal dhe Jupiter Intelligence tregoi se 10 nga 16 qytetet pritëse të Kupës së Botës 2026 në SHBA, Meksikë dhe Kanada konsiderohen me rrezik shumë të lartë për kushte ekstreme të nxehtësisë.
Tag: kupës
-
FIFA sjell rregullat e reja/ Ndeshjet e Botërorit 2026, ndahen në…
-
Finalja e madhe e Kupës së MLS-së, vendos një autogol. Messi & Co një hap afër trofeut të madh (video)
6 Dhjetor 2025
21:33
Telesport
Në “Chase Stadium” në Florida po luhet finalja e madhe e Kupës së MLS-së, mes Inter Miami dhe Vancouver Whitecaps. Pjesa e parë është mbyllur 1-0 për Inter Miami.
Finalja u zhbllokua që në minutën e 8-të, ku pas një aksioni të shpejtë të Inter Miami, Tadeo Allende pason në zonë për të gjetur shokun e skuadrës, por Edier Ocampo e dërgon atë në portën e tij. Pjesa e parë mbyllet 1-0 për Inter Miami. Thomas Muller & Co kanë edhe 45 minuta të tjerë në dispozicion për të ndryshuar fatin e kësaj finaleje.
Përballja e sotme pritet të jetë më e ndjekura në historinë e MLS-së, me mbi 100 milionë shikues.
SHIKOGOLIN -
Botëtori i parë për Halandin dhe e gjen veten në grupin e ferrit, njihuni me të gjitha grupet e Kupës së Botës 2026
Të gjitha Kombëtaret kanë njohur sot kundërshtarët që do të kenë përballë verën e ardhshme. FIFA ka organizuar sot ceremoninë e hedhjes së shortit për grupet e Kupës së Botës 2026. Fati është treguar bujar me shtetet organizatore. Meksika dhe SHBA-të gjenden në grupe të favorshme për të siguruar kualifikimin, ndërsa pak më e vështirë duket situata për Kanadanë. Këta të fundit do të garojnë me Zvicrën dhe me Italinë, nëse axurrët kalojnë me sukses “play off”-in.
Ndërkohë fati nuk i ia buzëqeshur Halandit. Sulmuesi i Mançester Sitit është kualifikuar për herë të parë në një kompeticion madhor si Kupa e Botës, por e ka gjetur veten në njërin prej grupeve më të vështirë. Kundërshtarët e tii do të jenë Franca me Senegalin, si dhe fituesi i play off-it mes Bolivisë, Surinamit dhe Irakut. -
Shorti i fazës finale të Kupës së Botës/ Shqipëria dhe Kosova mësojnë kundërshtarët nëse arrijnë “ëndrrën amerikane”
Është hedhur mbrëmjen e sotme në “Kennedy Center” në Uashington, ceremonia e shortit për fazën finale të Kupës së Botës 2026.
Një short ku për herë të parë do të ketë 12 grupe me nga katër skuadra, pasi kombëtaret pjesëmarrëse do të jenë 48.
Për herë të parë në histori në këtë short janë përmendur edhe emrat e Shqipërisë dhe Kosovës si kandidate për të marrë pjesë në fazën finale të Kupës së Botës.Shqipëria dhe Kosova kanë mësuar zyrtarisht se në cilët grupe do të jenë pjesë dhe skuadrat me të cilat do të përballen nëse do të mund të kalojnë me sukses ndeshjet e play off të muajit mars.
Kosova në rast kualifikimi do të bëjë pjesë në grupin D ku ndodhen SHBA, Australia dhe Paraguaji.
Ndërkohë Shqipëria në rast kualifikimi në play off do të luajë në grupin F ku bëjnë pjesë Holanda, Japonia dhe Tunizia. Nëse finalizon me sukses ëndrrën e madhe të grupeve të Botërorit, ndeshjen e parë Shqipëria e luan ndaj Tunizisë.
Kujtojmë, gjysmëfinalja e play-offit do të zhvillohet më 26 mars, finalja më 31 mars, kurse Kupa e Botës nis më 11 qershor.
Përballjet e tjera janë si më poshtë: -
Ceremonia e Kupës së Botës, presidenti i FIFA-s i jep çmimin e “Paqes” Donald Trump
Prej orës 18:00 ka nisur në “Kennedy Center” në Uashington, ceremonia e shortit për fazën finale të Kupës së Botës 2026.
Në nisje të ceremonisë më të rëndësishme futbollistike në botë, Presidenti i FIFA-s, Gianni Infantino, i dha çmimin e “Paqes” Presidentit të SHBA-ve Donald Trump, për kontributin e jashtëzakonshëm që ka dhënë përgjatë këtij viti në mbylljen e disa konflikteve botërore, duke nisur nga ai mes Armenisë dhe Azerbajxhanit, Indi-Pakistan, e deri te konflikti mes Izraelit dhe Palestinës.
Në fjalën e tij presidenti Trump tha se është mjaft i lumtur që ka ndalur këto konflikte pasi janë shpëtuar miliona jetë njerëzish.“Është një nga nderimet më të mëdha. Para shumë fjalëve, ne kemi ruajtur shumë e shumë jetë. Në Indi–Pakistan në një mënyrë ose në një tjetër kjo luftë duhet të mbarojë. Është nder të jem këtu me ju dhe keni bërë një punë shumë të mirë me një shitje rekord të biletave. Për futbollin kjo është e mrekullueshme, numrat janë përtej pritshmërive. Dua të falënderoj Melania-n dhe mendoj se po bëni shumë mirë. Kemi pasur një marrëdhënie shumë të mirë edhe me Kanadanë dhe Meksikën. Kemi pasur një bashkëpunim të mirë”, u shpreh Trump.
Dua t’ju falënderoj të gjithëve; bota është një vend më i sigurt tani dhe ne kështu duam që ta mbajmë.
Kujtojmë se ky short është mjaft i veçantë edhe për Shqipërinë dhe Kosovën, pasi presin të mësojnë kundërshtarët e mundshëm në Kupën e Botës, gjithmonë nëse arrijnë të kalojnë me sukses ndeshjet e play off-it në muajin mars. -
Nis ceremonia e shortit të Kupës së Botës, të pranishëm edhe çifti presidencial amerikan
E gjithë bota është me sytë në “Kennedy Center” në Uashington, ku FIFA po hedh shortin për fazën finale të Kupës së Botës 2026.
Një short i veçantë, pasi ky është turneu i parë me 48 skuadra, si dhe zhvillohet në 3 shtete të ndryshme: SHBA, Meksikë dhe Kanada.
Në këtë ceremoni madhështore është i pranishën dhe presidenti i SHBA-ve, Donald Trump si dhe zonja e parë melanie Trump.Gjithashtu ky short ëhstë mjaft i veçantë edhe për Shqipërinë dhe Kosovën, pasi presin të mësojnë kundërshtarët e mundshëm në Kupën e Botës, gjithmonë nëse arrijnë të kalojmë me sukses ndeshjet e paly off në muajin mars.
-
Milan largohet nga Kupa e Italisë, dorëzohet ndaj Lazios në Olimpico
Milani i ka dhënë lamtumirën Kupës së Italisë, pasi u mposht 1-0 nga Lazio në fazën e 1/8.
Ndaj Lazios, dueli rezultoi edhe më i vështirë nga sa pritej, duke bërë që Milani të heqë dorë nga një prej objektivave sezonal.
Në Olimpico, kryeqytetasit realizuan një gol që vulosi kualifikimin në një ndeshje që nuk prodhoi shumë raste për shënim.
Ballafaqimi ishte thuajse i barabartë, me diferenca të vogla mes dy ekipeve, ndërsa pjesa e parë u mbyll pa gola.
Në pjesën e dytë, ishte Zaccagni që kaloi përpara lacialët pas një goditjeje të saktë me kokë nga një top i ardhur nga goditja e këndit.
Në vijim, asgjë nuk ndryshoi, me tentativat e kuqezinjve që rezultuan të dështuara. 1-0 dhe Lazio avancon në çerekfinale të Kupës, aty ku do të përballet me Bolonjën.
Këta të fundit po ashtu siguruan kualifikimin të enjten, ku kundërshtar kishin Parmën. Pjesa e parë u mbyll në ekuilibër 1-1, me Benedzjak që kaloi Bolonjën në avantazh, por Parma barazoi me Roëe.
Pjesa e dytë foli më tepër për vendasit, të cilët realizuan dhe golin e fitores me Castro, që i dha kualifikimin Bolonjës për në çerekfinale të Kupës. -
Shqipëria do të mësojë se cilët do të ketë kundërshtarë në Botëror, njihuni me shortin e grupeve të Kupës së Botës
Më pak se 24 orë na ndajnë nga njohja me grupet e plota të Kupës së Botës 2026. FIFA do të organizojë hedhjen e shortit mbrëmjen e nesërme, duke nisur nga ora 18:00. Në Kennedy Center në Washington DC, Kombëtaret do të mësojnë se cilët kundërshtarë do të kenë përballë në verën e ardhshme.
Interesim ka edhe nga Kombëtarja shqiptare, e cila për herë të parë është pranë kualifikimit në grupet e Botërorit. Kuqezinjtë janë pjesë e vazos së 4-t, pavarësisht se për të prerë biletën për në Amerikën e Veriut duhet të kalojnë Poloninë dhe fituesin e çiftit Ukrainë-Suedi në “play off”.
Ndarja e vazove:
Vazo 1:
Kanada, Meksikë, SHBA, Spanjë, Argjentinë, Francë, Angli, Brazil, Portugali, Holandë, Belgjikë, Gjermani
Vazo 2:
Kroaci, Marok, Kolumbi, Uruguai, Zvicër, Kolumbi, Japoni, Senegal, Iran, Koreja e Jugut, Ekuador, Austri, Australi
Vazo 3:
Norvegji, Panama, Egjipt, Algjeri, Skoci, Paraguai, Tunizi, Bregu i Bildishtë, Uzbekistani, Katari, Arabia Saudite, Afrika e Jugut
Vazo 4:
Jordani, Kepi i Gjelbër, Gana, Kuraçao, Haiti, Zelanda e Re, Play off A i Europës, Play off B i Europës, Play off C i Europës, Play off D i Europës, Play off 1 i Amerikës, Play off 2 i Amerikës./Sport Ekspres/ -
Pas 20 penalltive, Napoli mund Cagliari-n dhe siguron biletën për në çerekfinalen e Kupës së Italisë
3 Dhjetor 2025
20:37
Telesport
Napoli është çerekfinalisti i tretë i Kupës së Italisë. Ekipi i drejtuar nga Antonio Conte eliminoi Napoli-n nga “ruleta ruse”, pasi koha e rregullt në “Diego Armando Maradona” u mbyll në barazim 1-1.
Rezultati i takimit u zhbllokua në minutën e 28-të, ku Lorenzo Lucca shënoi me kokë, pas krosimit të marrë nga Antonio Vergara. SHIHGOLIN
Sebastiano Esposito do të barazonte shifrat 1-1 në minutën e 67-të dhe koha e rregullt do të mbyllej barazim. SHIHGOLINTë dy ekipet iu drejtuan “ruletës ruse”, aty ku futbollistët e Napoli-t u treguan më të saktë, ku nga 10 penallti, gaboi vetëm David Neres.
Për Cagliari-n gabuan dy futbollistë, Felici dhe në fund penalltia vendimtare e humbur nga Luvumbo. Napoli do të presë në çerekfinale fituesin e çiftit Inter-Venezia, sfidë që fillon pas pak në “San Siro”. -
Precedent: Trump, ylli i shortit të Kupës së Botës
Presidenti i SHBA-së Donald Trump do të marrë pjesë në shortin e grupeve të Kupës së Botës 2026 në Uashington të premten, konfirmoi të hënën zëdhënësja e Shtëpisë së Bardhë Carolina Leavitt.
“Të premten, Presidenti Trump do të marrë pjesë në shortin e grupeve të Kupës së Botës në Qendrën Kennedy,” u tha gazetarëve zëdhënësja e Shtëpisë së Bardhë Carolina Leavitt.
Shorti i grupeve do të zhvillohet më 5 dhjetor në Uashington, duke filluar nga ora 18:00 sipas kohës së Evropës Qendrore.
Mikpritësit janë SHBA-të, Kanadaja dhe Meksika, si dhe Spanja, Argjentina, Franca, Anglia, Brazili, Portugalia, Holanda, Belgjika dhe Gjermania.
12 grupe me nga katër skuadra do të shortohen në Uashington. Në kohën e shortit, do të dihen 42 pjesëmarrësit e Kupës së Botës, ndërsa gjashtë të tjerat do të përcaktohen në mars përmes mini-turneve shtesë kualifikuese.
Një ditë më vonë, FIFA do të shpallë gjithashtu orarin e ndeshjeve të Kupës së Botës. Përbërjet e grupeve do të dihen të premten, dhe orari i azhurnuar me stadiumet dhe oraret e sakta të ndeshjeve do të publikohet të shtunën, më 6 dhjetor.
Presidenti i FIFA-s, Gianni Infantino, do të drejtojë prezantimin së bashku me ish-lojtarët, dhe përfaqësues nga 42 skuadrat që janë kualifikuar tashmë pritet të marrin pjesë.
FIFA tha se qëllimi i procesit të caktimit të ndeshjeve pas shortit është të krijojë kushte optimale për lojtarët dhe tifozët, dhe të lejojë që ndeshjet të ndiqen në zona të ndryshme kohore sa herë që është e mundur.
Njoftimi do të transmetohet drejtpërdrejt nga ora 18:00 CET në platformat e FIFA-s, duke përfshirë FIFA.com dhe kanalin YouTube, në mënyrë që tifozët në të gjithë botën të mund ta ndjekin ngjarjen në kohë reale. Transmetimi do të jetë gjithashtu i disponueshëm për transmetuesit televizivë në të gjithë botën.
Kupa e Botës 2026 – e para që do të përfshijë 48 ekipe dhe një total prej 104 ndeshjesh – do të mbahet në 16 qytete në tre vende, me gati dy milionë bileta të shitura deri më tani.
Turneu në Shtetet e Bashkuara, Meksikë dhe Kanada fillon më 11 qershor, me finalen e planifikuar për 19 korrik në New Jersey.
Presidenti i SHBA-së përgëzoi FIFA-n për kontributin e saj në zhvillimin e futbollit në të gjithë Amerikën në korrik gjatë Kupës së Botës për Klube në SHBA.
“Ata po bëjnë fantastike. Është një sport në rritje. Një sport i shkëlqyer”, tha Presidenti Trump në një intervistë me DAZN.
“Mendoj se futbolli do të jetë shumë ‘i nxehtë’ këtu. Tashmë është. Mendoj se do të jetë jashtëzakonisht popullor. Bëhet fjalë për unitetin, bashkimin e njerëzve dhe shumë dashuri midis vendeve. Mendoj se është sporti më ndërkombëtar në botë, kështu që mund të bashkojë planetin”, shtoi Trump. /tesheshi.com/