Lajmidites.com

Tag: kryebashkiak

  • “Do të jetë një kryebashkiak i shkëlqyer”, Trump pas bisedimeve me Mamdanin në Zyrën Ovale: Takim i shkëlqyer

    “Do të jetë një kryebashkiak i shkëlqyer”, Trump pas bisedimeve me Mamdanin në Zyrën Ovale: Takim i shkëlqyer

    Presidenti i SHBA-së, Donald Trump, dhe kryebashkiaku i sapozgjedhur i New York-ut, Zohran Mamdani, zhvilluan sot një takim në Zyrën Ovale.

    Trump deklaroi se Mamdani “do të jetë një kryebashkiak  i shkëlqyer”, ndërsa Mamdani theksoi se të dy ndajnë një dashuri të përbashkët për qytetin dhe se presin të bashkëpunojnë për çështjen e përballueshmërisë.
    Ai ka deklaruar se patën një takim të shkëlqyer. Trump gjithashtu e uroi Mamdanin për fitoren e tij, duke treguar kështu një ndryshim në marrëdhënien e tyre të tensionuar.
    Kreu i Shtëpisë së Bardhë shtoi se ata folën për strehimin, ushqimin dhe një sërë temash të tjera rreth përballueshmërisë.
    “Çdo gjë që bëj do të jetë e mirë për Nju Jorkun”, tha Trump.
     

    Top Channel

  • Trump: Do ndërpriten financimet për New Yorkun, nëse Mamdani bëhet kryebashkiak

    Trump: Do ndërpriten financimet për New Yorkun, nëse Mamdani bëhet kryebashkiak

    Presidenti i SHBA-së, Donald Trump, tha se do të kishte  hezitim të dërgonte fonde federale në qytetin e tij të lindjes, New York City, nëse kandidati kryesor i majtë, Zohran Mamdani, zgjidhet kryebashkiak i qytetit më të madh të Amerikës këtë javë. 
    “Do të jetë e vështirë për mua si president të jap shumë para për New York-un, sepse nëse ke një komunist që drejton New York-un, do shpenzojnë kot paratë, që do dërgojmë atje”, tha Trump në një intervistë televizive. 
    Administrata e Trump-it është përpjekur disa herë të prishë grante federale dhe fonde për projekte, kryesisht në zonat që udhëhiqen nga demokratët. 
    Anketat tregojnë se Mamdani është përpara rivalit të tij kryesor, ish-guvernatorit të New York-ut, Andrew Cuomo, në prag të votimit të së martës. Trump nuk sqaroi më tej komentet e tij për fondet, nëse Mamdani fiton. New York City mori 7.4 miliard dollarë në fonde federale këtë vit fiskal. 
    Në një intervistë të gjatë për programin CBS “60 Minutes” të dielën, Trump tha se një kryebashkiak si Mamdani, do të bënte që ish-kryebashkiaku i majtë si Bill de Blasio të dukej “shumë mirë”. 
    “Unë e pashë de Blasion, sa keq ishte si kryebashkiak dhe ky njeri do të bëjë një punë më të keqe se Blasio, për shumë gjëra”, tha presidenti për Mamdanin. 
    Trump, i cili u rrit në lagjen Queens të New York-ut, gjithashtu praktikisht mbështeti Cuomo-n, një demokrat, në intervistë. 
    “Nuk jam fans i Cuomos në asnjë mënyrë, por nëse duhet të zgjedh midis një demokrati të keq dhe një komunisti, unë do të zgjedh gjithmonë demokratin e keq, për të qenë i sinqertë me ju”, tha presidenti republikan. 
    Mamdani, i cili do të drejtojë një qendër financiare botërore, është një socialist demokrat, megjithëse ai ka mohuar akuzat se është komunist, duke bërë shaka në një intervistë televizive se ai është “paksa, si një politikan skandinav”. 
    Mamdani fitoi primaret e Partisë Demokratike, ndërsa Cuomo ishte i dyti. Ky deputet 34-vjeçar e ka quajtur ish-guvernatorin e New York-ut një kukull dhe papagall të Trump-it. 
    Trump ka vendosur trupa të Gardës Kombëtare në qytete që udhëhiqen nga demokratët si pjesë e një operacioni kundër krimit, ndërsa përpiqet të heqë fonde nga juridiksionet që kufizojnë bashkëpunimin me autoritetet federale të imigracionit. 

  • Veliaj mbetet në krye të Tiranës/ Binaj: Unë do të kandidoj për kryebashkiak kurdo që të mbahen

    Veliaj mbetet në krye të Tiranës/ Binaj: Unë do të kandidoj për kryebashkiak kurdo që të mbahen

    Florjan Binaj ka reaguar pas vendimit të Kushtetueses që i jep të drejtë Erion Veliajt, e kështu ky i fundit rikthehet në krye të bashkisë së Tiranës.

    “Për mua dhe për qytetarët e Tiranës thelbi mbetet i njëjtë: Tirana ka nevojë për ndryshim. Unë do të kandidoj për kryebashkiak të Tiranës kurdo që të mbahen zgjedhjet me të njëjtën bindje, përkushtim dhe energji për t’u shërbyer njerëzve me ndershmëri, përgjegjshmëri dhe transparencë”, shkruan Binaj, i cili ishte kandidat i pavarur i mbështetur nga gjithë spektri opozitar.
    “Kjo nuk është garë për pushtet, por përpjekje për qytetin tonë, për ta bërë atë shtëpinë që duam t’u lëmë fëmijëve tanë. Mbështetja, inkurajimi dhe besimi që më kanë dhënë mijëra qytetarë këto ditë më kanë bindur se së bashku ne do t’ja dalim. Rrugëtimi ynë vazhdon. Ndryshimin që duan qytetarët e Tiranës nuk do ta ndalë asgjë”, shton ai më tej.

  • Pas arrestimeve të bujshme, Dumani paralajmëron: Një tjetër kryebashkiak në rrjetën e drejtësisë, pritet të…

    Pas arrestimeve të bujshme, Dumani paralajmëron: Një tjetër kryebashkiak në rrjetën e drejtësisë, pritet të…

    Në raportimin e tij në Komisionin e Ligjeve u pyet nga deputeti i Partisë Demokratike, Oerd Bylykbashi, në lidhje me hetimet për krimet zgjedhore.
    Bylykbashi tha se Taks-Forca që u krijua për zgjedhjet rezultoi fiasco, por drejtuesi Dumani u përgjigj duke thënë se janë regjistruar 44 procedime penale dhe se një kryebashkiak është nën hetim aktualisht.
    “Nuk mund të them që Task-Forca ka dështuar. Kemi regjistruar 44 procedime penale. Kemi të pandehur një kryetar bashkie për korrupsion aktiv. Kemi nën hetim një kryebashkiak tjetër për korrupsion aktiv. Kemi arrestuar disa persona vetëm për zgjedhjet e 2025, kemi dhe 38 procedime penale që po i ndjekim. Shpresojmë që edhe me këto të kemi rezultate konkrete”, tha Dumani.
    Më tej, iu drejtua personalisht Oerd Bylykbashit: “Se tani, ca gjëra duhen thënë. Ne kemi patur komunikim edhe bashkë. Çdo pretendim tuajin e kemi verifikuar në kohë reale. Kam dërguar hetues dhe prokurorë në mes të natës. Ju madje edhe e keni falenderuar prokurorin e posaçëm. Ne sapo organizojmë punën për të organizuar rastin shikojmë në media me titra që filan vend po blihen vota.
    Ja ku është dhe z.Gjoni, ka bërë denoncim, kemi çuar prokuror, janë bërë verifikime. Rast në Shkodër, sërish të njëjtën gjë kemi bërë. Ne 20 prokurorë jemi. Jam njësoj i shqetësuar si ju për blerjen e votës, vota është e shenjtë. Por kapacitetet dhe mundësitë e SPAK këto janë”.

  • Dumani: Kemi nën hetim një kryebashkiak…

    Dumani: Kemi nën hetim një kryebashkiak…

  • PD përzgjedh kandidatin për kryebashkiak në Mat, zbulohet emri

    PD përzgjedh kandidatin për kryebashkiak në Mat, zbulohet emri

    PD ka zyrtarizuar kandidatin e saj për bashkinë e Matit në zgjedhjet e pjesshme vendore të 9 nëntorit.
    Demokratët kanë përzgjedhur Eduart Brahilikën, me profesion avokat për të garuar nën siglën e tyre.
    Ai do të garojë në garën për kryebashkiak përballë Altin Bojnit të përzgjedhur nga Partia Socialiste.

  • ‘Arrestimi i Veliajt me standarde të dyshimta’, Rama: Një zhvillim brutal i drejtësisë e la Tiranën pa kryebashkiak

    ‘Arrestimi i Veliajt me standarde të dyshimta’, Rama: Një zhvillim brutal i drejtësisë e la Tiranën pa kryebashkiak

    Në çelje të podkastit, Rama ka folur dhe për zgjedhjet e parakoshme që do të zhvillohen në Bashkinë e Tiranës dhe jo vetëm.
    Shkarkimin e Veliajt ai e ka konsideruar si një domosdoshmëri për Tiranën, por burgosja e tij erdhi si pasojë e një procesi të dyshimtë që po zhvillohet nga drejtësia.
    “Më 9 nëntor qytetarët e Tiranës dhe disa bashki të tjera do të votojnë për kryebashkiak. Të tjerat janë zgjedhje krejt normale ndërsa në Tianë janë të jashtëzakoshme dhe jo sepse Tirana është kryeqyteti, Tirana mbeti pa kryebashkiak për shkak të një zhvillimi brutal të drejtësisë. Veliaj u mor nga zyra pa gjyq dhe u cua në parabugim ku po mbahet ende prej muajsh mes një procesi me standarte që janë të dyshimta”, tha Rama.

  • Kandidati i PD për kryebashkiak në Tiranë/ Noka takon kreun e PDIU, zbulohet marrëveshja

    Kandidati i PD për kryebashkiak në Tiranë/ Noka takon kreun e PDIU, zbulohet marrëveshja

    Sekretari i Përgjithshëm i PD, Flamur Noka ka zhvilluar takim me kreun e PDIU, Shpëtim Idrizi në funksion të takimeve qe opozita po zhvillon me aleatët, për përzgjedhjen e kandidatit për kryetar bashkie.

    Sipas burimeve të gazetares së Top Channel Elda Menga, mes palëve ka pasur mirëkuptim për të qenë një koalicion ai që do të mbështesë kandidatin e opozitës.
    Idrizi ka mbështetur përpjekjen e Partisë Demokratike për të zgjeruar koalicionin opozitar për zgjedhjet e parakohshme.

    Top Channel

  • Përfundon mbledhja e qeverisë, Erion Veliaj shkarkohet nga detyra si Kryebashkiak i Tiranës

    Përfundon mbledhja e qeverisë, Erion Veliaj shkarkohet nga detyra si Kryebashkiak i Tiranës

    Këtë të enjte 25 Shtator 2025, Këshilli i Ministrave, ka vendosur zyrtarisht të shkarkojë Erion Veliajn nga detyra si kryebashkiak i Tiranës.
    Të martën, Këshilli Bashkiak i Tiranës, votoi me 50 vota pro shkarkimit të Erion Veliajt. Partia Socialiste dhe Partia Demokratike, bashkuan votat në Këshillin Bashkiak.
    Erion Veliaj, ndodhet në masën arrest me burg prej 10 shkurtit të këtij viti, ndërsa SPAK ka ngritur ndaj tij akuzat e korrupsionit, pastrimit të parave dhe fshehjes së pasurisë.

    Dosja “Veliaj” u dërgua në GJKKO disa ditë më parë dhe tani kryebashkiakut të shkarkuar, i duhet të përballet me drejtësinë në etapën finale dhe vendimtare për fatin e tij.
    Akuzat rëndojnë edhe mbi bashkëshorten e tij Ajola Xoxa, si dhe biznesmenët Gentian Sula, Elman Abule, Fatmir Bektashi, Shkëlqim Fusha, Meriman Palushi dhe Sokol Kryeziu, të gjithë të lënë në detyrim paraqitje.

  • Këshilli i Ministrave shkarkon Erion Veliajn si kryebashkiak të Tiranës

    Këshilli i Ministrave shkarkon Erion Veliajn si kryebashkiak të Tiranës

    Këshilli i Ministrave ka vendosur shkarkimin e Erion Veliajnt si kryebashkiak të Tiranës.
    Vendimi u mor gjatë mbledhjes së qeverisë ditën e sotme në Kryeministri.
    Të martën, Këshilli Bashkiak i Tiranës votoi me 50 vota pro shkarkimit të Erion Veliajt. PS dhe PD bashkuan votat në Këshillin Bashkiak.