Deputeti i PD-së, Belind Këlliçi ka komentuar mbrëmjen e sotme aludimet e ditëve të fundit në media lidhur me të. I ftuar në një studio televizive, Këlliçi tha se gjithçka është një “fake-news” i radhës dhe se bëhet sipas tij për të krijuar një teori konspirative mbrapa aksionit të tij politik apo të PD-së. Ai theksoi se me rëndësi është që aktiviteti i tij politik fokusohet te tek denoncimet me fakte dhe tek goditja e mazhorancës.
“Nuk mund të mos them që shpeshherë i marr me të qeshur lajmet që shkruhen për mua, se më duket vetja shumë i zoti që mund të kontrolloj qeverinë. Krijohet një opinion sikur ka një teori konspirative mbrapa gjithë aksionit tim politik apo të PD-së. E gjitha është një “fake-news” i radhës. E rëndësishme është që aktiviteti im politik fokusohet në mënyrë të pandalshme, tek denoncimet, goditja e mazhorancës dhe qeverisë dhe tek faktet e dokumentat”, tha Këlliçi.
Deputeti komentoi më tej edhe takimet dhe lëvizjet e Ervin Salianjit.
“Unë e shoh luks të tepruar për këdo opozitar, shpenzimet e energjisë së panevojshme larg aktivitetit politik të mirëfilltë kundër kësaj mazhorance. Për mua është luks i tepruar që çdo minutazh mediatik që i vihet në dispozicion një funksionari të opozitës apo PD-së, të shpenzohet në drejtimin e gabuar. Do dëshiroja që tqë gjitha bateritë tona të fokusohen te demaskimi i kësaj mazhorance dhe kësaj qeverie dhe tek ndërgjegjësimi i qytetarëve”, tha Këlliçi.
Tag: krijuar
-
“Mos u ushqeni me fake-news”, Këlliçi për Salianjin: Lëvizje luksi, ndërtojnë thashetheme për të krijuar zhurmë
-
Vjosa Osmani në krahë të Ana Brnabic/ Presidenca e Kosovës: Është krijuar përmes Inteligjencës Artificiale
FOTO E MODIFIKUAR E PRESIDENTES SE KOSOVES
KOSOVË- Presidenca e Kosovës ka reaguar pasi një fotoje të manipuluar, e krijuar përmes inteligjencës artificiale, e cila ka qarkulluar në rrjetet sociale, ku duket Presidenten Vjosa Osmani krah kryeparlamentares serbe Ana Brnabic.
Reagimi zyrtar thekson se foto është ‘fake’ ndërsa i bënë thirrje Policisë së Kosovës që të ndërmarrin veprimet e nevojshme ndaj dezinformatave, të cilat sipas tyre jo vetëm cenojnë sigurinë publike, por përbëjnë rrezik të drejtpërdrejtë për institucionet dhe për stabilitetin e vendit.
“Reagim ndaj një fotografie të manipuluar (fake). Një fotografi e manipuluar dhe e krijuar përmes mjeteve të inteligjencës artificiale po qarkullon në rrjete sociale, me qëllim të vetëm, denigrimin e Presidentes së Republikës së Kosovës dhe ushqimin e narrativave të fabrikuara që u shërbejnë agjendave të huaja.
Kjo pamje është FAKE, një montazh i ndërtuar që të krijojë konfuzion dhe ta dëmtojë figurën e Presidentes Osmani, e cila çdo ditë, me seriozitet, përkushtim dhe integritet institucional, mbron interesat e Kosovës dhe përfaqëson shtetin tonë me dinjitet në arenën ndërkombëtare.
Përdorimi i materialeve të rreme për ta goditur Presidenten është jo vetëm i ulët, por edhe i rrezikshëm. Këto tentime për përhapje të dezinformatave nuk janë të rastësishme dhe janë pjesë e një fushate të mirë-organizuar që synon të baltosë Presidenten e Republikës.
Presidentja Osmani ka qenë dhe mbetet një zë i fuqishëm i shtetësisë, sovranitetit dhe dinjitetit të Kosovës dhe asnjë foto e rreme nuk mund ta zbehë këtë.
U bëjmë thirrje Policisë së Kosovës dhe autoriteteve kompetente që të ndërmarrin veprimet e nevojshme ndaj këtyre dezinformatave, të cilat jo vetëm cenojnë sigurinë publike, por përbëjnë rrezik të drejtpërdrejtë për institucionet dhe për stabilitetin e vendit. Përhapja e dezinformatave të tilla duhet të trajtohet me seriozitet maksimal”, shkruhet në reagimin e Presidenës. -
VIDEO – “Shkodra n’Fest”, qyteti më i madh verior kampion i Shqipërisë me eventin e krijuar…
Këtë të shtunë të 6 dhjetorit, siç tradita e krijuar vitet e fundit e do, janë ndezur dritat e festave dhe pemët e Krishtlindjes ndriçojnë në të gjitha qytetet e e vendit tonë.
Krijohet kështu një atmosferë festive që përfshin të vegjël e të mëdhenj, e shoqëruar me drita, muzikë e lojëra. -
Shqipëria po vrapon drejt BE-së mbi themele të brishta, zbulon analiza
Shqipëria po ecën më shpejt se çdo vend tjetër i rajonit drejt Bashkimit Evropian, por një analizë e re e katër think-tank-eve prestigjioze paralajmëron se ky ritëm rekord mund të mbetet “sukses mbi letër” nëse nuk shoqërohet me transformim të thellë politik, institucional dhe shoqëror.
Në thelb, vendi rrezikon të përmbushë kriteret formalisht, por pa krijuar themelet që garantojnë zbatim real dhe afatgjatë.
Policy brief-i është hartuar nga një ekip ekspertësh të fushës së integrimit – mes tyre Wouter Zweers i Clingendael, Dimitar Bechev dhe Iliriana Gjoni të Carnegie Europe, Sébastien Maillard i Jacques Delors Institute, si dhe Milan Nič dhe Nikola Xaviereff të DGAP – të cilët sjellin një vlerësim të ri, më kritik dhe më të thellë mbi dinamikat që fshihen pas përparimit të shpejtë të Tiranës.Sipas analizës, Shqipëria ka hyrë në një “modalitet shpejtësie” që tejkalon kapacitetet reale të administratës dhe strukturave të brendshme.
Ndryshe nga raportimet rutinë për hapjen e grupkapitujve dhe mbështetjen politike në BE, ekspertët vënë theksin tek ajo që nuk është adresuar mjaftueshëm: mungesa e një qasjeje gjithëpërfshirëse brenda vendit.
Procesi mbetet shumë i centralizuar, me vendimmarrje që përqendrohet kryesisht në nivel qeveritar dhe kryeministror, ndërsa institucionet e tjera, pushteti vendor, shoqëria civile dhe sektori privat nuk janë ende pjesë aktive e reformave.
Kjo, sipas Zweers, rrezikon të prodhojë vetëm “përputhje formale” me acquis, pa krijuar një kulturë funksionale evropianizimi.
Një tjetër gjetje e freskët – dhe mjaft domethënëse – është paralajmërimi se përballja me kapitujt e drejtësisë dhe sundimit të ligjit nuk po shoqërohet nga kapacitetet e nevojshme administrative dhe teknike.
Dokumenti thekson se reformat po kalojnë me shpejtësi në legjislacion, por zbatimi ulërin pas, ndërsa boshllëqet në gjyqësor dhe presioni mbi institucionet e pavarura mbeten sfida reale.
Në këtë panoramë, SPAK shfaqet si një ndër institucionet më të besueshme, por autorët theksojnë se ai ka nevojë për mbështetje të qëndrueshme dhe mbrojtje nga ndërhyrjet politike.
Dokumenti sjell edhe një qasje të re ndaj pluralizmit politik në Shqipëri.
Sipas përmbledhjes, mungesa e një opozite funksionale dhe dominimi i plotë i pushtetit nga mazhoranca nuk janë thjesht problem i demokracisë së brendshme, por pengesë reale për procesin e integrimit.
Integrimi, theksojnë autorët, nuk është vetëm teknik; kërkon garë politike, kontroll parlamentar dhe debat publik. Pa to, reformave u mungon oksigjeni dhe legjitimiteti.
Një nga paralajmërimet më të drejtpërdrejta të dokumentit lidhet me procesin e vlerësimit të IBAR-it.
Analistët kërkojnë që BE-ja të mos ndjekë logjikën e “momentumit me çdo kusht”.
Përmbledhja thekson se një vlerësim i nxituar, që synon t’i japë Shqipërisë një “po” të shpejtë për të ruajtur ritmin politik, do të dëmtonte vetë besueshmërinë e procesit të zgjerimit.
Për herë të parë në një raport të këtij niveli, Shqipëria paraqitet si një test për BE-në – jo për kapacitetin e vendit për të përmbushur detyrat, por për aftësinë e Unionit për të qëndruar besnik ndaj parimeve të veta.
Një risi tjetër e rëndësishme e analizës lidhet me projektet e mëdha të investimeve, sidomos ato që hyjnë në kategorinë e “investitorit strategjik”.
Dokumenti paralajmëron se këto projekte mund të anashkalojnë standardet evropiane për mjedisin, transparencën dhe prokurimet, duke krijuar zona gri që nuk përputhen me praktikat e BE-së.
Në këtë drejtim, ekspertët kërkojnë që Unioni të flasë më hapur dhe më fort, përpara se vendi të futet në një fazë të avancuar të negociatave ku korrigjimet janë më të vështira.
Ndryshe nga diskursi i zakonshëm që fokusohet tek detyrat e vendeve kandidate, policy brief-i sjell një këndvështrim të ri: edhe BE-ja ka nevojë të përgatitet për Shqipërinë.
Përmbledhja nënvizon se diskutimet mbi traktatin e anëtarësimit, periudhat tranzitore dhe balancimin e reformave të brendshme të Unionit me zgjerimin duhet të fillojnë tani për të shmangur bllokimet e ardhshme politike.
Shqipëria dhe Mali i Zi, si dy vendet më të avancuara, kërkojnë që BE-ja të jetë po aq e gatshme sa janë vetë vendet aspirante. -
Inteligjenca artificiale mund të krijojë pandemi
Ekspertët thanë se mjetet ekzistuese dhe ato në zhvillim të inteligjencës artificiale (IA) mund të përdoren teknikisht për të krijuar një armë biologjike të aftë të shkaktojë një pandemi.
Në fillim të këtij viti, disa nga ekspertët më të lartë të teknologjisë dhe kundër-terrorizmit në botë u takuan për të shqyrtuar një skenar hipotetik: një pandemi globale e shkaktuar nga një lloj i ri i enterovirusit, i krijuar me qëllim nga një grup ekstremistësh duke përdorur AI.
Skenari mund të duket si drama e një romani shkencë-fantastik, por sipas grupit prej 14 ekspertësh që u takuan për të diskutuar masat mbrojtëse të AI-së në shkencat e jetës, është plotësisht i mundshëm në vitet e ardhshme, raporton euronews.
“Ekspertët gjetën se pandemia fiktive – e cila parashikonte 850 milion raste dhe 60 milion vdekje në mbarë botën – ishte “thellësisht shqetësuese dhe e denjë për veprime afatshkurtra për ta parandaluar”, sipas një raporti mbi diskutimet e grupit, transmeton Telegrafi.
AI-ja po revolucionarizon tashmë fushën mjekësore, duke premtuar të përshpejtojë zhvillimin e barnave dhe vaksinave të reja. Por ekspertët kanë ngritur gjithashtu shqetësime se një armë biologjike e fuqizuar nga IA mund të shkaktojë shkatërrim masiv mbi njerëzimin.
Grupi i ekspertëve, i cili u thirr nga Iniciativa për Kërcënimet Bërthamore dhe Konferenca e Sigurisë në Mynih në shkurt, paralajmëroi se zhvillimi i shpejtë i AI-së po “shkatërron barrierat ndaj zhvillimit të armëve biologjike nga aktorë të dëmshëm”.
Grupi konstatoi se këto kërcënime nuk janë larg në të ardhmen.
Ekspertët thanë se do të ishte teknikisht e mundur të përdoren mjetet biologjike ekzistuese dhe ato në zhvillim të bazuara në IA për të krijuar patogjenë të rinj me rrezik në nivel pandemik.
Për më tepër, masat aktuale të sigurisë janë jashtëzakonisht të papërgatitura për t’u përballur me këto kërcënime, tha grupi.
Ekspertët kërkuan një bashkëpunim më të madh midis udhëheqësve globalë për të vlerësuar dhe për t’iu përgjigjur kërcënimeve biologjike të drejtuara nga AI-ja.
Ata gjithashtu thanë se përpjekjet për të menaxhuar rreziqet e IA-së duhet të balanconi me përfitimet e mundshme të këtyre teknologjive, për të “evituar vendosjen e kufizimeve të tepruara” mbi inovacionin shkencor. -
Ekspertët e teknologjisë: Ekstremistët mund të përdorin AI për të krijuar armë biologjike të afta të shkaktojnë pandemi të ardhshme
Më herët këtë vit, disa nga ekspertët më të mirë të teknologjisë dhe kundër-terrorizmit në botë u takuan për të punuar mbi një skenar hipotetik: një pandemi globale e shkaktuar nga një lloj i ri enterovirusi i krijuar qëllimisht nga një grup ekstremist duke përdorur inteligjencën artificiale (IA).
Skenari mund të tingëllojë si komploti i një romani fantastiko-shkencor, por është plotësisht i besueshëm në vitet e ardhshme, sipas grupit prej 14 ekspertësh që u takuan për të diskutuar mbrojtjet e inteligjencës artificiale për shkencat e jetës.
Ekspertët e gjetën pandeminë imagjinare – e cila parashikonte 850 milionë raste dhe 60 milionë vdekje në të gjithë botën – “thellësisht shqetësuese dhe të denjë për veprime afatshkurtra për ta parandaluar”, sipas një raporti mbi diskutimet e grupit.
IA tashmë po revolucionarizojë fushën mjekësore, duke premtuar të përshpejtojë zhvillimin e barnave dhe vaksinave të reja. Por ekspertët kanë ngritur gjithashtu shqetësime se një armë biologjike e mundësuar nga IA mund të shkaktojë kaos në njerëzim.
Grupi i ekspertëve, i cili u mblodh nga Iniciativa e Kërcënimit Bërthamor dhe Konferenca e Sigurisë së Mynihut në shkurt, paralajmëroi se evolucioni i shpejtë i inteligjencës artificiale po “shkatërron barrierat ndaj zhvillimit të armëve biologjike nga aktorët keqdashës”.
Grupi zbuloi se këto kërcënime nuk janë larg në të ardhmen. Ekspertët thanë se teknikisht do të ishte e mundur të përdoren mjetet biologjike ekzistuese dhe ato në zhvillim të drejtuara nga inteligjenca artificiale për të krijuar patogjenë të rinj me rreziqe të nivelit të pandemisë.
Për më tepër, masat aktuale të sigurisë janë mjerisht të papërgatitura për t’u përballur me këto kërcënime, tha grupi.
Ekspertët bënë thirrje për bashkëpunim më të madh midis liderëve globalë për të vlerësuar dhe për t’iu përgjigjur kërcënimeve biologjike të nxitura nga inteligjenca artificiale.
Ata thanë gjithashtu se përpjekjet për të menaxhuar rreziqet e inteligjencës artificiale duhet të balancohen me përfitimet e mundshme të këtyre teknologjive për të “shmangur vendosjen e kufizimeve të panevojshme” mbi inovacionin shkencor./ Euronews – Syri.Net
-
“Ndihet i kërcënuar, po i bën presion Kushtetueses”/ Pezullimi i Ballukut, avokati: Rama po ngre barrierë për vete
Avokati Indrit Sefa bëri një analizë të situatës së krijuar pas ankimimit që ka bërë kryeministri Rama në Gjykatën Kushtetuese kundër vendimit të GJKKO për pezullimin e zv.kryeministres Belinda Balluku.
Teksa e cilësoi veprimin e Rama si brenda kompetencave të tij, Sefa tha, se kryeministri po e bën këtë gjë për të krijuar dhe një opinion sesi të reagojë për të mbrojtur dhe veten e tij në rastin më të keq.
“Mendoj se Balluku për dinjitetin e saj, në momentin që i është ndër vënë SPAK, është rënduar më shumë. Praktika që tenton të instalojë Rama, që kërkon të dijë a ka ndërhyrje nga Kushtetuesja, kërkon të ngrejë një barrierë për veten e tij. Ndihet i kërcënuar. Nuk e ka menduar që të vijë një Strukturë e Posaçme dhe të marrë të pandehur ministren e tij më të fuqishme.
I shkarkon, kush e pengon, duke qenë në detyrë. Shantazhon dëshmitarët, bën të vështirë marrjen e provave. Fakti që duan të përballen si ministër me gjyqtarin, është më e rëndë. Në këtë rast e ke pranuar fajësinë, sepse nuk do të përballesh si qytetarët e tij”, tha Sefa. -
Sqarimi mes Toney dhe Bia Khalifës pas tensioneve në Prime: “Do të jemi gjithmonë miq”
Pas situatës së krijuar në spektaklin Prime, Toney ka vendosur të sqarojë publikisht raportin e tij me Bia Khalifën, duke i dhënë fund zërave për një afrimitet romantik mes tyre. Ai theksoi se që në fillim e ka parë Bian vetëm si mike dhe se asnjëherë nuk ka pasur qëllim të krijojë një lidhje më shumë se kaq. “Unë kam thënë gjithë shokë, nuk kam dashur të bëj ndonjë gjë,” u shpreh ai, duke lënë të kuptohet se qëndrimi i tij ka qenë i pandryshuar pavarësisht situatave të ndodhura brenda shtëpisë.
Ky sqarim erdhi menjëherë pasi babai i Toney ndërhyri gjatë Prime dhe i kërkoi të birit të largohej nga Bia. Ai e bëri të qartë se familja nuk e miratonte afrimitetin mes tyre, duke argumentuar se “nuk janë i njëjti nivel” dhe se kjo lidhje nuk ishte e dëshirueshme për familjen. Mesazhi i babait shkoi edhe më tej, teksa i sugjeroi Toney të krijonte një afrim me Elijona Binakajn, për të cilën tha se kishte pëlqimin e tyre.
Nga ana tjetër, reagimi i Bia Khalifës ishte i matur dhe i qetë. Ajo tha se e respekton vendimin e Toney dhe sqarimin e tij, duke shtuar se nuk ka ndonjë qëllim të keq dhe se e pranon situatën pa krijuar konflikte.
-
Me Berishën apo Salianjin?/ Mori pjesë në takimin e demokratëve në kafe, Kalaja: Nuk jam…
Bashkimi i demokratëve që grumbulluan më shumë vota në zgjedhjet e 11 majit, por që mbeten jashtë parlamentit, ka trazuar ujërat në selinë blu.
Ish-kandidati për deputet i PD-së, Aulon Kalaj, i cili ishte pjesë e këtij takimi, u shpreh në “Shqipëria Live” se nuk kishte shkuar aty për të krijuar parti të re politike dhe shpjegoi se për çfarë diskutoi në atë takim.
“Dua të bëj një sqarim, që unë nuk kam ikur në tavolinë as për të krijuar parti të re politike, as për të krijuar forum të ri politik, sepse bindjet e mija në atë tryezë, janë shumë të ndryshme. Unë mendoj që Partinë Demokratike ta kthejmë më djathtas. Nëse kjo është një lëvizje që të ikë dikush dhe të vijë dikush tjetër, unë distancohem. Kjo u bastardizuar.
Unë nuk jam dakord me epitetet, sepse merrem me përmbajtjen, jo formën.
Unë personalisht kam folur për tezën e kodit zgjedhor. çfarë do bëhet me kodin zgjedhor, pa marrë vendimin e bazës.
U duk si një kafe e të pakënaqurve? Ky është një epitet. Unë nuk jam as i Ervin Salianjit e as i Sali Berishës. Marr pjesë në forume të ndryshme për ringritjen e Partisë Demokratike. Më ka marrë Ervin Salianji në telefon dhe më ka thënë që do takohemi me kandidatë të ndryshëm që secili të tregojë problematikat që kishim në zgjedhje.
Unë nuk kam frikë njeri. Nëse nesër bëhet një tjetër takim nga një eksponent tjetër i PD-së, patjetër që do shkoj.
Komenti i Berishës ka qenë korrekt. Na ka vlerësuar ne që kemi kontribuar për PD-në. Unë kam dalë i pari nga takimi”, tha Kalaja -
Prej muajsh në heshtje, por muzika e Gjestit flet shumë
Showbiz E Shtunë, 29 Nëntor 2025 21:55
Gjesti u pa për herë të fundit në publik në varrimin e vëllait të tij, i cili humbi jetën tragjikisht në një aksident. Që prej atij momenti të 27 shtatorit, artisti është zhdukur nga çdo hapësirë publike dhe digjitale, duke krijuar një heshtje që është ndjerë shumë më e rëndë se mungesat e zakonshme të yjeve të muzikës. Në mungesë të një rikthimi, katalogu i tij muzikor ka marrë një peshë të re. Në YouTube, këngët e Gjestit vazhdojnë të grumbullojnë miliona dëgjime, duke krijuar një kontrast të fortë mes heshtjes personale dhe zhurmës së vazhdueshme të artit të tij.
“ALO”, e publikuar katër vite më parë, mbetet kënga e tij më e shikuar me 48 milionë klikime. Hitet e kohëve të fundit, si “Veshu Ndrequ” me 17 milionë apo “Princesha” me 37 milionë, vijojnë të jenë ndër më të dëgjuarat në platformë. Lista e plotë, e cila përfshin projekte të prodhuara nga Albos dhe bashkëpunime si “ANI” me Ema-n apo “Pandemia”, tregon një ritëm që nuk është zbehur, pavarësisht distancës së artistit.Përpara ngjarjes që tronditi jetën e tij, Gjesti kishte përfunduar edhe “Gasolina”, një duet me Dhurata Dorën. Projekti, i cilit i ishte krijuar një pritje e qartë në industrinë muzikore, mbetet i paqartë. Nuk dihet nëse do të publikohet këtë vit apo nëse do të shtyhet për një moment kur artisti të jetë gati të rikthehet.