Lajmidites.com

Tag: korrupsioni

  • Korrupsioni/ Skandali i NATO-s ngre pikëpyetje për kontratat e armëve në Tiranë

    Në Bruksel ka plasur një skandal që po trondit një prej institucioneve më të blinduara të Perëndimit, Agjencinë e Prokurimeve të NATO-s. Pasojat e hetimit bien mbi Elbit Systems, gjigandi izraelit i industrisë së armëve, i cili së fundmi është bërë edhe partneri më i ri në biznes i qeverisë shqiptare. Edhe një herë tjetër, të krijohet përshtypja se Shqipëria hyn gjithmonë në skenë pikërisht në momentin kur korrupsioni del në shesh.

    Skandali u bë publik kur prokuroria Federale e Belgjikës lëshoi një urdhër ndërkombëtar arresti për Eliau Eluasvilin, një konsulent italian që akuzohet se ka ndërtuar një rrjet korrupsioni për të manipuluar tenderat e agjencisë së NATO-s. Hetuesit thonë se Eluasvili ka përdorur një seri kompanish të shpërndara në Lituani, Greqi, SHBA dhe Mbretërinë e Bashkuar, ndërsa një rreth ish-zyrtarësh i hapnin dyert brenda strukturës më të ndjeshme të Aleancës, programit të municioneve. Pikërisht aty ku Elbit kishte kontrata për predha 155 milimetra, bomba, fishekë për avionë, kundërmasa ajrore dhe pajisje me vlerë miliona euro.
    Por në korrik, NATO ngriti frenat e dorës. Pesëmbëdhjetë kontrata u pezulluan, trembëdhjetë prej të cilave lidhen drejtpërdrejt me Elbit Systems dhe filialin e saj Orion. Në letrën që u shpërnda në struktura, një drejtore franceze paralajmëronte se “ka dyshime serioze për parregullsi në dhënien e kontratave”, një frazë që nënkuptonte zbulimin e aferave të korrupsionit brenda NATO¬-s.
    Pra, ndërsa NATO dyshon për ryshfet dhe shpërdorim detyre në nivel shumë të lartë, Shqipëria sapo ka lidhur kontrata disa qindra miliona euro me të njëjtin partner.
    Procesi i lidhjes së kontratave në vendin tonë nuk ka qenë i hapur dhe as i debatur në Kuvend apo i analizuar nga ekspertët. Ka mjaftuar një marrëveshje e heshtur, e futur në arkivë me firmën e Ministrit të Mbrojtjes Pirro Vengu dhe e shfaqur më pas vetëm si një “memorandum miqësor”.

    Pak kohë më parë media izraelite Haaretz raportoi se Elbit ka siguruar nga qeveria shqiptare një kontratë shumë milionëshe që përfshin furnizim me artileri, murtaja, dronë dhe ngritjen e një qendre aviacioni në Vlorë. Shifra varion nga 400 deri në 600 milionë euro, madje disa e çojnë drejt shumës një miliard. Rrethanat lënë hapësira për dyshime: qeveria shqiptare ka hyrë në një nga marrëveshjet më të mëdha të mbrojtjes që ka nënshkruar ndonjëherë, dhe e ka bërë këtë me një kompani që sapo është pezulluar nga pjesëmarrja në tenderat e furnizimit të NATO-s.

    Në mes të gjithë kësaj historie qarkullon një emër që nuk është i panjohur në Tiranë: Ron Yeffet, biznesmeni izraelit, i njohur si një prej miqve më të afërt të kryeministrit. Pikërisht Yeffet është njeriu që ka hyrë fuqishëm në industrinë e re të armëve të Shqipërisë përmes ortakërisë me KAYO, kompaninë shtetërore të ngritur nga qeveria dhe drejtuar nga Ardi Veliu, nga automjetet e blinduara te armët e kalibrit të vogël, nga dronët te prodhimi i municioneve.

    Ndërkohë paratë kanë nisur të qarkullojnë. Vetëm këtë vit janë bërë pagesa prej mbi 10 milionë euro për një nga kompanitë e ortakërisë KAYO, Timak Defence. Të tjera pagesa pritet të vijnë, ndërsa qeveria po përgatit një skemë financimi me garanci sovrane për të mbuluar faturën e Elbit
    Ndoshta askush nuk pret më që qeveria shqiptare të jetë më transparente se NATO, por kur kryeministri përfshihet vetë në ceremoninë e nënshkrimit të kontratës me një kompani që pak muaj më vonë pezullohet për shkak të një hetimi ndërkombëtar për korrupsion, duket sikur historia po përsërit veten.
    Analogjia është tek takimet e fshehta me Charles McGonigal, para se FBI ta shpallte fajtor për tradhti apo tek miqësia politike me Federica Mogherinin, para se Prokuroria Evropiane ta niste nën akuzë për korrupsion. I njëjti model “miqësie” del sa herë kryeministri Rama ndërton marrëdhënie të ngushta me ndonjë të huaj, që nuk zgjat shumë dhe rezulton pas ndonjë afere korrupsioni, një hetimi apo skandali ndërkombëtar./Lapsi.al

  • Joni Keta merr drejtimin e BKH, KLP miraton me 11 vota propozimin e SPAK, procesi i votimit u monitorua nga SHBA-BE

    Joni Keta merr drejtimin e BKH, KLP miraton me 11 vota propozimin e SPAK, procesi i votimit u monitorua nga SHBA-BE

    Kreu i ri i Byrosë Kombëtare të Hetimit (BKH) është zgjedhur Joni Keta. Vendimi është marrë dje nga Këshilli i Lartë i Prokurorisë (KLP) me 11 vota pro dhe asnjë kundër (vota unanime), ndërsa Keta do të drejtojë për 5 vite atë që njihet si “FBI” shqiptare. Keta mbante postin e zv/drejtorit të Byrosë dhe u propozua si drejtues, pas një procesi që zgjati disa javë ku fillimisht morën pjesë 13 kandidatë dhe më pas në fazën finale mbetën 7 kandidatë. Në këtë fazë në garë mbetën kandidatët: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta. Mbledhja e djeshme e KLP-së është monitoruar nga përfaqësues të Ambasadës Amerikane dhe ata të BE-së, që konsiderohen si partnerët kryesorë të SPAK dhe BKH-së.
    Kush është Jon Keta i propozuar në krye të BKH?
    Me një karrierë në ngjitje si oficer i policisë gjyqësore pranë ish-krimeve të rënda e më pas hetues pranë BKH dhe zv.drejtor i komanduar këtyre dy muajve, Jon Keta mosha 37 vjeç i kaloi të gjitha pengesat e garës për në Byronë Kombëtare të hetimit. Emri i tij u aprovua gjatë mbledhjes së komisionit të përzgjedhjes i përbërë nga 3 prokurorë dhe mbas dakordësisë iu propozua Këshillit të Lartë të Prokurorisë për t’u votuar që është institucioni i ngarkuar me ligj për emërimin dhe deklarimin e përfundimit të mandatit të drejtorit të BKH njohur si FBI shqiptare. Jon Keta ka shërbyer për 15 vite në sistemin e drejtësisë si oficer i policisë gjyqësore dhe njihet për rekordet në hetimet financiare dhe ndaj krimit të organizuar. Në një proces të tejzgjatur qe kapërceu edhe afatet e fundit të gushtit, në garë mbetën shtatë pretendentë dhe pasi komisioni i kontrollit të pasurisë dhe figurës i verifikoi dhe skualifikoi shumicën e tyre, të premten i përcolli një listë të ngushte fituesish komisionit të përzgjedhjes përbërë nga Altin Dumani, Arben Kraja dhe Behar Dibra. Edhe pse zërat e përshkruan klimën e ftohtë mes tre prokurorëve që vjen nga krisjet e mëparshme të shkaktuara për BKH, akujt e të treve duket se u shkrinë nga kandidati Jon Keta që i bëri bashkë dhe që shpresohet të vendosë ura mes BKH dhe SPAK. Në kushtet kur një klimë pakënaqësie e pat shoqëruar gjatë mbajtjes se mandatit 5 vjeçar drejtoreshën e BKH Aida Hajnaj , deri aty sa u harrua të përcillej nga SPAK në fund të funksionit, pritet që një marrëdhënie konfliktuale e tillë mos përsëritet më e KLP por edhe ndërkombëtarët të shpëtojnë nga ankesat qofshin të nga ana e SPAK qofshin nga BKH. Sakaq 11 anëtarë të Këshillit të Lartë të Prokurorisë në një njoftim më të hershëm kanë bërë publike një tjetër çështje të rëndësishme, siç është dëgjimi i katër kandidatëve që konkurrojnë për drejtimin e SPAK. Procesi për SPAK-un në KLP mbahet në datën 11 dhjetor. Në garë janë katër prokurorë Doloresa Musabelliu, Adnan Xholi, Klodian Braho dhe Elvin Gokaj. Në 18 dhjetor përfundon mandati i kryeprokurorit të posaçëm Altin Dumani dhe kreu i ardhshëm i SPAK si edhe dy paraardhesit do të ketë mandat tre vjeçar.
    Reagon Ngjela
    Ndërkohë avokati Spartak Ngjela shprehet se kreu i ri i Byrosë Kombëtare të Hetimit, (BKH) Joni Keta është zgjedhur nga amerikanët. Teksa ishte i ftuara në një studio televizive, z. Ngjela theksoi dje se SPAK-un e drejton ekspertiza amerikane dhe ky emërim ishte i pritshëm. Avokati shpreson se politika amerikane nuk do ndalet së godituri politikanët e korruptuar në Shqipëri. “Ishim të sigurt për këtë, sepse SPAK-un e drejton ekspertiza amerikane dhe ne atje kemi edhe shpresën. Nuk është korrupsioni këtu në një sektor, këtu ka qenë dhe është ende korrupsioni në shumë sektor. Por ajo që më ka dhënë shpresë është se politika amerikane si ndalet goditjes së politikanëve të korruptuar. Unë e kisha dëgjuar si emër po atë e zgjodhën amerikanët. Atë e ka marrë politika amerikan në dorë edhe ekspertët atje janë amerikan dhe ne kemi shpresë sepse rangjet e larta të politikë amerikane e kanë në konsideratë Shqipërinë. Presidenti amerikan ka thënë që ne do t’ia heqim korrupsionin Shqipërisë. Korrupsioni në Shqipëri nuk ka shpresë”, deklaroi ai. Po ashtu, avokat Ngjela një koment e pati edhe zgjedhjen e drejtuesit të ri të Avokatit të Popullit, i cili pritet të zgjidhet të enjten. “Kur të dalë emri i kryetarit atëherë do të japë një mendim, duhet parë se kush do të zgjidhet. Do të duhet që të dimë emrin. Po Avokati i Popullit është figura e 3 e shtetit shqiptar. Është kreu i akuzës, nuk është pak. Ne po vuajmë nga korrupsioni i lartë shtetëror në Shqipëri”, nënvizoi Ngjela.

  • “Keta u zgjodh nga amerikanët”, Ngjela: Korrupsioni i lartë shtetëror po na shkatërron, shpresa vjen nga…

    “Keta u zgjodh nga amerikanët”, Ngjela: Korrupsioni i lartë shtetëror po na shkatërron, shpresa vjen nga…

    Për avokatin Spartak Ngjela, kreu i ri i Byrosë Kombëtare të Hetimit, (BKH) Joni Keta u zgjodh nga amerikanët.
    I ftuar në një emision televiziv, Ngjela tha se SPAK-un e drejton ekspertiza amerikane dhe ky emërim ishte i pritshëm.
    ‘Ishim të sigurt për këtë, sepse SPAK-un e drejton ekspertiza amerikane dhe ne atje kemi edhe shpresën. Nuk është korrupsioni këtu në një sektor, këtu ka qenë dhe është ende korrupsioni në shumë sektor. Por ajo që më ka dhënë shpresë është se politika amerikane si ndalet goditjes së politikanëve të korruptuar.
    Unë e kisha dëgjuar si emër po atë e zgjodhën amerikanët. Atë e ka marrë politika amerikan në dorë edhe ekspertët atje janë amerikan dhe ne kemi shpresë sepse rangjet e larta të politikë amerikane e kanë në konsideratë Shqipërinë. Presidenti amerikan ka thënë që ne do t’ja heqim korrupsionin Shqipërisë. Korrupsioni në Shqipëri nuk ka shpresë’, tha ai.
    Një koment e pati edhe zgjedhjen e drejtuesit të ri të Avokatit të Popullit, i cili pritet të zgjidhet të enjten.
    ‘Kur të dal emri i kryetarit atëherë do të japë një mendim, duhet parë se kush do të zgjidhet. Do të duhet që të dimë emrin. Po Avokati i Popullit është figura e 3 e shtetit shqiptar. Është kreu i akuzës, nuk është pak. Ne po vuajmë nga korrupsioni i lartë shtetëror në Shqipëri’, tha ai.

  • Korrupsioni në BE arrin nivelet më të larta drejtuese: Peshku qelbet nga koka

    Korrupsioni në BE arrin nivelet më të larta drejtuese: Peshku qelbet nga koka

    Korrupsioni në BE arrin nivelet më të larta drejtuese: Peshku qelbet nga koka
    Nga Philipp Gut, DIE WELTWOCHE
    Federica Mogherini, ish-diplomatja kryesore e BE-së, ka dhënë dorëheqjen nga posti i saj si rektore e Kolegjit të Evropës pas skandalit më të fundit të korrupsionit që ka tronditur BE-në. Kolegji i Evropës është institucioni ku formohen kuadrot e diplomatëve dhe zyrtarëve të Bashkimit Evropian.
    Prokuroria Evropiane po heton Mogherinin dhe ish-zyrtarë të tjerë të lartë të BE-së, përfshirë Stefano Sanninon, i cili ka mbajtur disa pozicione të nivelit të lartë, ndër to edhe atë të sekretarit të përgjithshëm të Shërbimit të Jashtëm të BE-së. Edhe në Zvicër, Sannino nuk është i panjohur: ai ishte kryenegociatori i BE-së për Marrëveshjen Kornizë 1.0.
    Prokuroria po heton Mogherinin dhe Sanninon për mashtrim të dyshuar në dhënien e kontratave publike, korrupsion, konflikt interesi si dhe shkelje të sekretit profesional.
    Kolegji i Evropës, i drejtuar nga Mogherini, dyshohet se është favorizuar nga Shërbimi i Jashtëm i BE-së në dhënien e programeve të trajnimit. Për këtë arsye, si Mogherini ashtu edhe bashkatdhetari i saj italian, Sannino, janë ndaluar. Të dy janë tashmë zyrtarisht të pandehur, njofton Prokuroria Evropiane.
    Skandali më i fundit i korrupsionit prek ish-majat drejtueset më të larta të BE-së. Mogherini ishte Përfaqësuese e Lartë e BE-së për Politikën e Jashtme dhe të Sigurisë, drejtonte Shërbimin Evropian për Veprim të Jashtëm dhe ishte zëvendëspresidente e Komisionit Evropian.
    Shefja e saj e atëhershme, presidentja e Komisionit Evropian Ursula von der Leyen, është nga ana e saj e përfshirë në skandalin ende të pazbardhur të quajtur Pfizer-Gate.
    Ajo refuzon deri më sot të bëjë publike mesazhet SMS me drejtorin e Pfizer-it, Albert Bourla, lidhur me një porosi për vaksina mRNA në vlerë prej 35 miliardë eurosh.
    Gjykata Evropiane e Auditimit dhe institucione të tjera zbulojnë herë pas here raste korrupsioni në BE. Tani, korrupsioni i dyshuar – për të cilin vlen parimi i prezumimit të pafajësisë për të përfshirët – ka prekur edhe majat drejtuese të BE-së.
    Siç thotë edhe populli: “Peshku qelbet nga koka”.

  • Shembulli qe duhet te marrim/ Korrupsioni me fondet e BE, fermerët grekë në ditën e dytë të protestës kombëtare

    Shembulli qe duhet te marrim/ Korrupsioni me fondet e BE, fermerët grekë në ditën e dytë të protestës kombëtare

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • Bisedimet SHBA-Ukrainë, Trump: Ka shanse për marrëveshje, por korrupsioni në Kiev pengon

    Bisedimet SHBA-Ukrainë, Trump: Ka shanse për marrëveshje, por korrupsioni në Kiev pengon

    Bisedimet SHBA-Ukrainë, Trump: Ka shanse për marrëveshje, por korrupsioni në Kiev pengon
    Bisedimet mes zyrtarëve të Shteteve të Bashkuara dhe Ukrainës të dielën ishin produktive sipas Sekretarit të Shtetit, Marko Rubio, por më shumë punë është e nevojshme për të shkuar drejt marrëveshjes së paqes.
    Rubio u takua me një delegacion ukrainas në Florida, i drejtuar nga kryenegociatori i ri i Kievit, Rustem Umerov. Ai zë vendin e Andri Yermak, i dorëhequr mes skandalit për korrupsion. Të pranishëm në takim ishin edhe i dërguari i posaçëm i Donald Trump, Steve Ëittkof dhe dhëndri i tij, Jared Kushner.
    Ëitkoff do të shkojë këtë javë në Moskë për bisedime: “Ka ende shumë punë për t’u bërë, por sot ishte sërish një seancë shumë produktive dhe e dobishme ku mendoj se u bë përparim shtesë. Ne vazhdojmë të jemi realistë për vështirësitë, por edhe optimistë, veçanërisht duke konsideruar se ekziston një vizion i përbashkët se kjo nuk ka të bëjë vetëm me përfundimin e luftës. Ka të bëjë me sigurimin e së ardhmes së Ukrainës, një të ardhme që shpresojmë të jetë më e begatë se kurrë më parë”.
    Edhe kryenegociatori ukrainas i cilësoi si produktive bisedimet, duke thënë se SHBA po i dëgjon dhe mbështet. Megjithatë, një burim i cituar nga AFP tha se takimi nuk kishte qenë aspak i lehtë.
    Në një prononcim për gazetarët në avionin presidencial Air Force One, teksa kthehej në shtëpinë e bardhë, Presidenti amerikan Donald Trump pohoi se ekzistonin mundësi të mira për një marrëveshje mes Ukrainës dhe Rusisë pas bisedimeve në Florida.
    Megjithatë, ai theksoi se korrupsioni në Ukrainë ishte problem dhe nuk ndihmonte në negociatat e paqes. Ato në Florida ishin të fundit në radhën e përpjekjeve diplomatike që janë intensifikuar javët e fundit, pas një plani të propozuar nga SHBA, por që u konsiderua si në favor të Moskës.

  • “Politika të bëjë më shumë për njerëzit”/ Shqipëria feston Pavarësinë, analisti Leka: Është koha e shqiptarëve

    “Politika të bëjë më shumë për njerëzit”/ Shqipëria feston Pavarësinë, analisti Leka: Është koha e shqiptarëve

    Shqipëria kremton këtë të premte 113-vjetorin e shpalljes së Pavarësisë. Festa kuq e zi ndihet ngado, ndërsa kryeqendra festimeve mbetet padyshim Vlora, qyteti simbol që shënjon Ditën së Flamurit.
    Analisti Martin Leka, i ftuar në një studio televizive u shpreh se Shqipëria ka ndryshuar shumë përgjatë viteve dhe se qytetarët duhet të ndihen krenarë. Ai theksoi se është koha e shqiptarëve dhe ky moment duhet shfrytëzuar më mirë nga të gjithë aktorët.
    “Shqipëria ka ndryshuar shumë. Shqipëria ka bërë shumë përpara. Kosova ka bërë shumë përpara, sepse një ndër apekset më të rëndësishme është dhe shpallja e pavarësisë së Kosovës edhe pse padrejtësisht jemi në dy shtete.
    Sot mund të themi me plot gojën, që është koha e shqiptarëve. Këto festa ne duhet t’i kthejmë në ditë reflektimi për të gjithë ata gjëra që duhen bërë më mirë si në Shqipëri ashtu dhe në Kosovë. Faktori shqiptar ka filluar të ndihet, ka filluar të jetë dominanat.
    Fakti që Shqipëria në shumë aspekte, merret si referencë, sepse jemi shumë afër pranimit me të drejta të plota në BE tregon shumë. Po ashtu dhe populli i Kosovës ka bërë përparime me vendosjen e shtetit ligjor atje dhe shqiptarët ngado kanë të drejtë të krenohen me dy pjesët e ndara të kombit dhe kanë plot gjëra që mund t’i bëjnë më mirë.
    Politika duhet të jetë më dinjitoze, më praktike, më e afërt me qytetarin dhe t’i japë zë problemeve madhore që kanë shqiptarët dhe të luftojnë fenomenet negative që e bëjnë çdo lloj demokracie të brishtë”, tha ai.
    Ai kritikoi opozitën, duke shtuar se është e papranueshme që Dita e Flamurit të përdoret për propagandë politike.
    “Stabiliteti është sepse e kemi një qeveri dominante me vota në parlament dhe situate është e konsolidua., por politikat në përgjithësi janë ende të brishta. Opozita duhet të ishte flamurtare sot. Kryetari i opozitës dhe të tjerët në Ditën e Flamurit flasin për narkotshtet, regjime, për gjëra që kanë 360 ditë të tjera për ti’ thënë këto gjëra. Një ditë si kjo duhet të ishte një ditë feste. Politika e ka gjuhën e drunjtë, të ashpër, të mosmarrëveshjes dhe të moskuptimit.”, shtoi Leka.
    Lidhur me sfidat me të cilat duhet të përballet Shqipëria në të ardhmen, Leka thotë se fenomeni, i cili duhet të goditet më shumë mbete korrupsioni. Sipas tij, ky element nëse nuk luftohet sa duhet do na e vështirësojë rrugën drejt BE.
    “Korrupsioni është një element i kudo ndodhur, i kudo gjendur edhe në botë, por bota ka mekanizma që e luftojmë atë që në gjenezë. Ky lloj korrupsion duhet të ndalet, sepse fundja janë lekët që iu merren qytetarëve . Korrupsioni është gangrena dhe lufta më e madhe që duhet të bëjë çdo shqiptar dhe organi i drejtësisë. Ai [korrupsioni} na pengon.. nëse na pengon drejt integrimit në BE.”, tha ai.

  • Tjetër skandal korrupsioni në AZHBR, pezullohen nga detyra 6 inspektorë (Emrat)

    Tjetër skandal korrupsioni në AZHBR, pezullohen nga detyra 6 inspektorë (Emrat)

    Korrupsioni në Agjencinë për Zhvillim Bujqësor dhe Rural (AZHBR) vijon të ngrejë shqetësime serioze duke abuzuar me fondet që janë në funksionin të fermerëve të ndershëm.
    Kësaj here 6 inspektorë të AZHBR-së dhe drejtorisë së bujqësisë kanë abuzuar me fondet e Skemës Kombëtare, për këtë arsye togat e zeza të Gjykatës së Rrethit Korçë, kanë pezulluar nga detyra punonjësit e këtyre dy drejtorive. Pas denoncimeve të fermerëve drejtoria e policisë së bashku me prokurorinë e Korçës nisën hetimet.
    Mësohet se inspektorët e terrenit para se të shpallnin fitues fermerin, në mënyrë artificiale rrisin numrin e matrikujve të gjësë se gjallë, ku paratë e matrikujve pa kafshë i përfitonin vetë inspektorët e terrenit që bëjnë verifikime në ferma.
    Konkretiksht tre prej të pezulluarve, Alfred Bakalli, Andrea Miha dhe Julian Zgura, kishin si detyrë verifikonin të numrit e krerëve të gjësë së gjallë në terren, më pas bëheshe likujdimi i fermerëve nëpërmjet Skemës Kombëtare në llogarinë bankare të fermerit, buxhet ky që shpërndahet nga drejtoria e përgjithshme e AZHBR, që si titullarë mban Ardita Kuçin.
    Ndërkohë, masë pezullimi është dhënë edhe për punonjësit:
    Entela Gjata, punonjëse e degës së AZHBR Pogradec, Ermal Ibri, veteriner i AKVMB, Dritan Cela, veteriner i AKVMB Elbasan.
    Përveç pezullimit, Prokuroria u ka caktuar të dyshuarve edhe masën e detyrimit për t’u paraqitur pranë organit të akuzës deri në marrjen e një vendimi përfundimtar. Kjo nuk është hera e parë që drejtoria e AZHBR përfshihet në skandale korrupsioni, ku paratë e njerëzve të tokës shkojnë tek personat që janë larg bujqësisë, por afër me drejtuesit.

  • GJKKO dërgon për gjykim ish kryetaren e komanduar të bashkisë Tropojë. Përmes një tenderi tentoi të ndërtonte një urë në dobi të familjarëve të saj

    Gjykata e Posaçme e Shkallës së Parë për Korrupsionin dhe Krimin e Organizuar ka vendosur të dërgojë për gjykim çështjen penale ndaj ndërtuesit Rrok Gega dhe ish kryetares se komanduar te bashkise Tropojë, Zyra Islamajt, të akuzuar për korrupsion aktiv dhe pasiv në ushtrimin e funksioneve publike.

    Sipas akuzës, Rrok Gega akuzohet për veprën penale “Korrupsioni aktiv i personave që ushtrojnë funksione publike”, ndërsa Zyra Islamaj për “Korrupsioni pasiv i personave që ushtrojnë funksione publike”.

    Në seancën paraprake të 25 nëntorit 2025, trupi gjykues i kryesuar nga gjyqtarja Irena Gjoka shqyrtoi pretendimet e palëve dhe, me vendimin nr. 149, vendosi:

    – Pranimin e kërkesës së SPAK për dërgimin e çështjes në gjyq në ngarkim të dy të pandehurve Rrok Gega dhe Zyra Islamaj;
    – Dërgimin e dosjes për shqyrtim te një trup tjetër gjykues i Gjykatës së Posaçme;
    – Përfshirjen në fashikullin gjyqësor të të gjitha akteve të hetimit paraprak, me përjashtim të deklarimeve të personave që kanë dijeni për rrethanat e ngjarjes;
    – Pavlefshmërinë e ankimit, pasi kundër këtij vendimi nuk lejohet apelim.

    Sipas hetimeve, rezulton se Zyra Islamaj, ne kohen kur ushtronte detyren e  Kryetares së Bashkisë Tropojë, është përpjekur përmes një tenderi të hapur, të favorizojë ndërtimin e një ure në dobi të familjarëve të saj.

    Ajo ka ndërhyrë tek ndërtuesi, Rrok Gega për të ngritur urën mbi përroin që kalon pranë shtëpisë së motrës së saj.

    Njoftimi: 

    1. Prokuroria e Posaçme kundër Korrupsionit dhe Krimit të Organizuar me datë 29.09.2025 ka paraqitur pranë Gjykatës kërkesën me objekt: “Dërgimin në gjyq të çështjes penale me nr. 15/2026, në ngarkim të të pandehurve: Rrok Gega, akuzuar për kryerjen e veprës penale “Korrupsioni aktiv i personave që ushtrojnë funksione publike”, parashikuar nga neni 244/2 i Kodit Penal dhe Zyra Islamaj, akuzuar për kryerjen e veprës penale “Korrupsioni pasiv i personave që ushtrojnë funksione publike”, parashikuar nga neni 259/2 i Kodit Penal”.

    2. Në seancën e datës 25.11.2025 (seanca paraprake), Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Irena Gjoka, pasi shqyrtoi pretendimet e palëve, bazuar në nenet 112, 332/dh, pika 1, gërma “a”, 332/ë, 332/gj, pika 1 të K.Pr.Penale, me vendimin nr. 149, datë 25.11.2025, vendosi:

    I. Pranimin e kërkesës së palës kërkuese, Prokuroria e Posaçme kundër Korrupsionit dhe Krimit të Organizuar për dërgimin në gjyq të çështjes penale që i përket procedimit penal nr.15, viti 2025 në ngarkim të të pandehurve:

    1. Rrok Gega, akuzuar për kryerjen e veprës penale “Korrupsioni aktiv i personave që ushtrojnë funksione publike“, parashikuar nga neni 244, paragrafi i dytë i Kodit Penal.

    2. Zyra Islamaj, akuzuar për kryerjen e veprës penale “Korrupsioni pasiv i personave që ushtrojnë funksione publike“, parashikuar nga neni 259, paragrafi i dytë i Kodit Penal.

    II. Dërgimin e çështjes për gjykim pranë Gjykatës së Posaçme të Shkallës së Parë për Korrupsionin dhe Krimin e Organizuar, me tjetër trup gjykues.

    III. Fashikulli i gjykimit do të përmbajë të gjitha aktet e hetimit paraprak, të përfshira në 1 volum hetimor (përveç deklarimeve të shtetasve të pyetur me cilësinë e personave që kanë dijeni për rrethanat e ngjarjes).

    IV. Kundër këtij vendimi nuk lejohet ankim.

  • Nesho: Vizita gjermane në SPAK është sinjal kundër Ramës, korrupsioni ka prekur majat e pushtetit

    Nesho: Vizita gjermane në SPAK është sinjal kundër Ramës, korrupsioni ka prekur majat e pushtetit

    Agim Nesho deklaroi se çështjet “Tigri 1” dhe “Tigri 3” nuk janë më raste të izoluara, por prova të një korrupsioni të organizuar që lidhet drejtpërdrejt me kupolën e pushtetit, përfshirë ministren Balluku. Ai theksoi se vizita e ministrit të Jashtëm gjerman drejtpërdrejt në SPAK duke anashkaluar Kryeministrin Ramaështë sinjal i qartë i pakënaqësisë perëndimore dhe i mbikëqyrjes së shtuar ndaj qeverisë shqiptare.
    Nga ana tjetër, Bushati theksoi se SPAK-u historikisht ka shërbyer si instrument për të prishur ekuilibrat politikë, ndërsa sot mbetet e paqartë nëse veprimet e tij të fundit janë shenjë “trimërimi” të vërtetë, apo produkt i presionit ndërkombëtar.
    Ai paralajmëroi se korrupsioni që po del në dritë është i strukturuar dhe i pandarë nga vetë kryeministri, ndërsa masa të buta si “arrestet e shtëpisë” tregojnë se Rama ende kontrollon kufijtë e hetimeve.
    Pjesë nga debati:
    Bushati: Ky nuk ka nisur akoma as tanke, as avionë drejt qyteteve të Shqipërisë. Sepse edhe Berisha akoma s’ka kapur armët si në ’97-ën. Edhe ky akoma s’i ka kapur armët. Armët ia morën. Ashtu si në ’98-ën, protestuesit ia morën armët shtetit. Këtu, dy herë që shteti ka guxuar t’i nxjerrë armët në pazar, protestuesit ia kanë marrë.
    Nesho: Ka një linjë për ta shpjeguar këtë me një fakt që do të ndodhë edhe ditët në vazhdim. Ky nuk ka nevojë të nisë armë. Një çështje e SPAK-ut, shumë shpejt, e evidentuar jo vetëm nga opozita, por edhe nga opinioni publik, është ajo e “Tigrit 1” dhe “Tigrit 3”. Çfarë është? Një gazetar amerikan më tha se po bëjmë një rubrikë për të folur për këtë korrupsion, i cili fillon dhe daton që në kohën e Bangladeshit, kur kryeministrja atje  e akuzuar me dënim me vdekje  një nga shtatë akuzat i ka për vjedhje të popullit të saj me miliona dollarë shpërdorim. Domethënë, ky SPAK që e ka parë si një çështje të thjeshtë, si çështje “Balluku me Kimin”, këtu është shumë e qartë: kemi të bëjmë me një korrupsion të organizuar. Shiko, këta nuk prekin… Ka thënë një gjë të mençur Bushati: “Unë dua që ky SPAK të marrë një çështje që nga fillimi deri në fund. Të ma shpjegojë si është.” Nuk bëhet fjalë për çështje që nuk kanë përgjegjësi dhe nuk kthejnë të drejtat e shkelura të këtij populli. Duhet t’i kthejnë lekët, o vëlla. Duhet goditur sistemi që është ky vetë  kryetari i grupit të strukturuar kriminal. E ka thënë ndihmësi i tij kryesor. Edhe ky po e provon nga dita në ditë.
    Bushati: Jemi dakord të gjithë që SPAK-u ka qenë vegël për të prishur ato ekuilibra politikë në Shqipëri. Tani, a kemi në këtë moment një lloj trimërimi të SPAK-ut? Dhe a ka një forcë tjetër amerikanët thonë disa që e ka bërë këtë trimërim? Më duket se ky është elementi i ri për të cilin ia vlen të diskutohet. Sepse t’i biesh SPAK-ut, këtë e kemi bërë gjithmonë.
    Nesho: Po ta jap një shembull. Shembulli i dytë. Erdhi, më fal, edhe këtë, mik… Erdhi ministri i Jashtëm gjerman? Çfarë vizite bëri? Ishte një vizitë protokollare. Si kryetar i Procesit të Berlinit, ai ka përgjegjësinë dhe frymëzimin për të futur vendet e Ballkanit Perëndimor në Bashkimin Europian. Në kohën që Rama shkoi në Bruksel, ai nuk takoi asnjë personalitet në Shqipëri, përveç ministres së Jashtme, që e ka detyrim se është kolege, dhe shkoi bëri vizitë në SPAK.
    Ndërkohë, në Serbi takoi Vuçiçin, takoi kryeministrin, presidentin dhe të tjerë. Dhe e di cili ishte mesazhi në konferencë për shtyp? E ndoqe? “Drejtësia e pavarur,” tha. Domethënë, ka një drejtësi jo të pavarur. Institucionet e shtetit dhe shteti i së drejtës… Këta janë burokratët e Brukselit. Unë them: shtetet anëtare janë ato që do të vendosin për këtë.
    Bushati: Po lëre mo… Po dëgjo… Unë po flas për shtetet anëtare.Folësi 2: Se Marta Kos është nga ato klientet e kryeministrit. Ka trimëri SPAK-u apo ka lojë me masat? Sepse aty Rama është i qartë që nuk e lejon të shkojë më tej. Dikush i ka trimëruar. Dikush, ndoshta… Se ore, ne mund të mblidhemi pas një muaji dhe të themi: “Siç shkëlqeu…”