Ministri i Drejtësisë, Besfort Lamallari ka uruar drejtuesin e ri të SPAK, Klodjan Braho.
Me anë të një postimi në rrjetet sociale, Lamallari shprehet se Ministria e Drejtësisë mbetet e përkushtuar të vijojë bashkëpunimin me SPAK.
Gjithashtu Lamallari ka vlerësuar Dumanin për punën dhe rezultatet në krye të SPAK.
Reagimi i Lamallarit
I uroj suksese z. Klodian Braho në përgjegjësinë e re si drejtues i Prokurorisë së Posaçme kundër Korrupsionit dhe Krimit të Organizuar. Pavarësia e prokurorëve, integriteti, maturia, profesionalizmi dhe forcimi i bashkëpunimit kombëtar dhe ndërkombëtar janë vërtet sfida të vazhdueshme të një institucioni kaq të rëndësishëm për vendin, i cili ruan dhe rrit besimin e publikut përmes forcës së parimeve dhe standardeve.
Vlerësim gjithashtu për z. Altin Dumani për punën dhe rezultatet domethënëse gjatë drejtimit të tij.
Ministria e Drejtësisë mbetet e përkushtuar të vijojë bashkëpunimin institucional me SPAK në funksion të forcimit të sundimit të ligjit dhe shtetit të së drejtës.
Tag: kombëtar
-
Lamallari uron kreun e ri të SPAK/ Forcimi i bashkëpunimit kombëtar dhe ndërkombëtar janë vërtet sfida
-
Dita e 3-të e “Open stage” / Seleksionimet me talentet e diasporës, Bulku: Kemi pjesëmarrje nga e gjithë bota
Seleksionimet e futbollistëve të rinj shqiptarë që jetojnë jashtë vendit vijuan këtë të mërkurë me ditën e tretë në “Shtëpinë e Futbollit”.
Pjesëmarrës në këtë seleksionim ishin rreth 100 futbollistë të vitlindjes 2010, të cilët u vëzhguan nga afër nga të gjithë trajnerët e moshave të ekipeve Kombëtare së bashku me stafet e tyre përkatëse si edhe stafi i Drejtorisë Teknike.Këto seleksionime po i ndjek nga afër edhe zëvendës-trajneri i ekipit kombëtar A, Ervin Bulku. Në një prononcim për fshf.org, trajneri Bulku vlerëson pjesëmarrjen e futbollistëve të vegjël nga e gjithë bota si mjaft të kënaqshme ndërsa nënvizon edhe rëndësinë e këtyre ditëve seleksionimi.
“Sot është dita e tretë e seleksionimeve. Duke e marrë nga dita e parë dhe deri më sot, kemi një pjesëmarrje shumë të kënaqshme të lojtarëve që kanë ardhur nga e gjithë bota, jo vetëm nga Europa. Ne në fakt kemi organizuar edhe seleksionime në Amerikë, i fundit në muajin qershor.
Këto seleksionime janë shumë të rëndësishme për të gjitha grupmoshat, pasi i shërbejnë të gjitha ekipeve kombëtare të moshave dhe trajnerëve që të kenë një ide sa më të qartë duke i parë dhe duke i ndjekur të gjithë lojtarët shqiptarë që aktivizohen në kampionate dhe ekipe të ndryshme.
Kjo është një mundësi e artë për të gjithë fëmijët, futbollistët që kanë ëndërr të veshin fanellën e ekipit kombëtar, pasi kanë mundësinë të tregojnë cilësitë e tyre sot këtu.
Kemi bërë edhe më parë seleksionime, nga ku kemi pasur prurje që kanë qenë lojtarë shumë të vlefshëm për ekipet tona. Edhe në ekipin kombëtar A kemi sot ka lojtarë që kanë dalë nga këto seleksionime që ne po bëjmë edhe sot” – thotë Ervin Bulku për fshf.org.
Të hënën, të martën dhe sot u zhvilluan seleksionimet për lojtarët e vitlindjeve 2009, 2010, 2011 ndërsa më 16 dhjetor do të zhvillohet seleksionimi me lojtarët e vitlindjes 2012.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
“Open stage”, dita e 3-të! Bulku jep lajmin e mirë: Kemi pjesëmarrje nga e gjithë bota
Seleksionimet e futbollistëve të rinj shqiptarë që jetojnë jashtë vendit vijuan këtë të mërkurë me ditën e tretë në “Shtëpinë e Futbollit”.
Pjesëmarrës në këtë seleksionim ishin rreth 100 futbollistë të vitlindjes 2010, të cilët u vëzhguan nga afër nga të gjithë trajnerët e moshave të ekipeve Kombëtare së bashku me stafet e tyre përkatëse si edhe stafi i Drejtorisë Teknike.
Këto seleksionime po i ndjek nga afër edhe zëvendës-trajneri i ekipit kombëtar A, Ervin Bulku. Në një prononcim për fshf.org, trajneri Bulku vlerëson pjesëmarrjen e futbollistëve të vegjël nga e gjithë bota si mjaft të kënaqshme ndërsa nënvizon edhe rëndësinë e këtyre ditëve seleksionimi.
“Sot është dita e tretë e seleksionimeve. Duke e marrë nga dita e parë dhe deri më sot, kemi një pjesëmarrje shumë të kënaqshme të lojtarëve që kanë ardhur nga e gjithë bota, jo vetëm nga Europa. Ne në fakt kemi organizuar edhe seleksionime në Amerikë, i fundit në muajin qershor.
Këto seleksionime janë shumë të rëndësishme për të gjitha grupmoshat, pasi i shërbejnë të gjitha ekipeve kombëtare të moshave dhe trajnerëve që të kenë një ide sa më të qartë duke i parë dhe duke i ndjekur të gjithë lojtarët shqiptarë që aktivizohen në kampionate dhe ekipe të ndryshme.
Kjo është një mundësi e artë për të gjithë fëmijët, futbollistët që kanë ëndërr të veshin fanellën e ekipit kombëtar, pasi kanë mundësinë të tregojnë cilësitë e tyre sot këtu.
Kemi bërë edhe më parë seleksionime, nga ku kemi pasur prurje që kanë qenë lojtarë shumë të vlefshëm për ekipet tona. Edhe në ekipin kombëtar A kemi sot ka lojtarë që kanë dalë nga këto seleksionime që ne po bëjmë edhe sot” – thotë Ervin Bulku për fshf.org.
Të hënën, të martën dhe sot u zhvilluan seleksionimet për lojtarët e vitlindjeve 2009, 2010, 2011 ndërsa më 16 dhjetor do të zhvillohet seleksionimi me lojtarët e vitlindjes 2012. -
Studiuesit kanë theksuar se dhimbja e muskujve mund të jetë shenjë e një gjendjeje serioze shëndetësore
Studiuesit dhe mjekët e Shërbimit Kombëtar të Shëndetit (NHS) kanë lëshuar një paralajmërim për të gjithë ata që ndjejnë dhimbje muskujsh , duke theksuar se simptoma të tilla nuk janë gjithmonë të padëmshme, raporton Index.hr.
Ai theksoi se njerëzit duhet të kërkojnë ndihmë nëse e përshkruajnë dhimbjen si një “dhimbje therëse ose shqetësim të thellë”, veçanërisht nëse përkeqësohet me lëvizjen.
Shërbimi Shëndetësor Kombëtar (NHS) shpjegon se këto shenja mund të tregojnë një gjendje të njohur si sindroma e ndarjes, ku presioni i shtuar në një muskul kufizon rrjedhjen e gjakut dhe shkakton dhimbje të forta.
Ky problem mund të prekë çdo muskul, por më shpesh ndodh në pjesën e poshtme të këmbëve dhe parakrahët. Simptomat përfshijnë dhimbje që rritet me lëvizjen, ënjtje ose ënjtje të muskujve, ndjesi shpimi gjilpërash, dobësi, mpirje, si dhe një ndjenjë ngushtësie ose vështirësie në lëvizjen e pjesës së prekur të trupit.
Ekspertët paralajmërojnë se simptomat mund të shfaqen papritur, për shembull pas një dëmtimi ose për shkak të një fashe shumë të ngushtë, gjë që quhet sindromë e ndarjes akute. Duke qenë se është një gjendje e rëndë mjekësore, në këto raste kërkohet trajtim urgjent, raporton Express.co.uk.
Trajtimi varet nga forma e sindromës
Shërbimi Shëndetësor Kombëtar (NHS) gjithashtu deklaron se sindroma e kompartimentit mund të zhvillohet gradualisht, veçanërisht gjatë aktivitetit fizik, dhe të zgjidhet me pushim – atëherë është një formë kronike.
Nëse shfaqet papritur dhimbje e fortë në ndonjë pjesë të trupit, duhet të thirret menjëherë shërbimi i urgjencës, sepse në raste më të rënda mund të kërkohet ndërhyrje kirurgjikale për të ulur presionin në muskul.
Nëse dhimbja, ënjtja ose mpirja shfaqen vetëm gjatë ushtrimeve, këshillohet të vizitoni mjekun tuaj të familjes për vlerësim të mëtejshëm.
Trajtimi varet nga forma e sindromës së kompartimentit. Rastet akute zakonisht kërkojnë një operacion të quajtur fasciotomi, në të cilin bëhen prerje për të lehtësuar presionin në muskul, dhe ndonjëherë kërkohet transplantim i lëkurës.
Në formën kronike, shpesh rekomandohen ndryshime në aktivitet, fizioterapi, ilaçe anti-inflamatore ose shtroja ortopedike, por nëse simptomat vazhdojnë, merret në konsideratë edhe ndërhyrja kirurgjikale.
Shërbimi Kombëtar i Shëndetit (NHS) deklaron se diagnoza mund të konfirmohet me anë të imazheve me rreze X, rezonancës magnetike ose duke matur presionin në muskul gjatë dhe pas ushtrimeve.
-
“Arrëthyesi” balet klasik me muzikën e Çajkovskit këtë dhjetor në skenë, pjesë e programit festiv të fundvitit
Nga Julia Vrapi
Historia e “Arrëthyesit” këtë dhjetor në skenë. Opera, balet klasik apo dhe koncerte të ndryshme në programin artistik këtë muaj të fundit të vitit. Teatri Kombëtar i Operës dhe Baletit rikthen këtë muaj në skenë dhe baletin e shumëdashur “Arrëthyesi” me muzikën magjike të Pjotr I. Çajkovskit. Një kryevepër klasike e Çajkovskit vjen në skenë me koreografi nga Edi Blloshi në mbrëmjet e fundit të muajit dhjetor për publikun. Ky rikthim vjen si pjesë e programit festiv të fundvitit, duke shënuar një ndër ngjarjet artistike të rëndësishme të sezonit dimëror. “Arrëthyesi” rikthehet, dhe me të rikthehet edhe ndjesia e festës, ëndrrës dhe emocionit që vetëm baleti klasik di ta sjellë. Vepra e baletit “Arrëthyesi” me muzikën e Çajkovskit është vënë edhe më parë në skenën e Teatrit Kombëtar të Operës dhe Baletit, por këtë dhjetor vjen rivënie për publikun me një koreografi nga Edi Blloshmi drejtor artistik i baletit. Baleti emblematik i Krishtlindjes, me muzikën e pa përsëritshme të Tchaikovsky-t (Çajkovskit) që sjell festën, magjinë, atmosferën e ngrohtë në dhjetorin e ftohtë vjen në Teatrin Kombëtar të Operës dhe Baletit përgjatë mbrëmjeve 23, 24,26, 27, 29 dhe 30 dhjetor. Kostumet te “Arrëthyesi” janë dizenjuara nga kostumografia Edlira Qyshka. Shkruar nga PyotrIlyichTchaikovsky baleti me dy akte është bazuar në historinë “Arrëthyesi dhe Mbreti Miush” nga E.T.A. Hoffmann, libreti sipas MariusPetipa. Historia rrjedh nga tregimi “Arrëthyesi dhe Mbreti i minjve” i ErnstTheodorAmadeusHoffmann. Çajkovski kompozoi muzikën e baletit mes viteve 1891 e 1892. Vënia e parë skenike që u realizua në të njëjtën kohë me operën “Iolanta”, po e kompozitorit Çajkovski, u realizua në 18 dhjetor 1892 pranë teatrit “Mariinskij” të Shën Pjetërburgut në Rusi.
Programi artistik përgjatë dhjetorit
Koncerti i grupit vokal “Zanat” është i pari në programin artistik këtë muaj në Teatrin Kombëtar të Operës dhe Baletit. Ndërsa në datën 6 mbahet koncert koral “Festojmë së bashku-Ndezja e dritave të pemës” te amfiteatri i Tiranës. Datat 11, 12 dhe 13 në Teatrin Kombëtar të Operës dhe Baletit i janë rezervuar operës së kompozitorit italian GiuseppeVerdi, “IlTrovatore”. Koncerti koral “Festojmë së bashku-Ndezja e dritave të pemës” rikthehet sërish për publikun dhe do të zhvillohet te Universiteti i Arteve më 13 dhjetor. Ndërsa në datat 15, 16, 17 dhe 18 nga Ansamblit Popullor është “Kërcim pa kufij”, workshop në bashkëpunim me Agjencinë e Diasporës. Mbrëmja e datës 19 dhjetor sjell në hollin koncertor të Teatrit Kombëtar të Operës dhe Baletit koncertin vokal-instrumental “Gruaja në operën e dashurisë”, ndërsa më 20 dhjetor do të jetë koncerti koral “Krishtlindje në Opera”. Në 22 dhjetor do të jetë konferencë “Përtej shkëlqimit të Krishtlindjes” historia e fshehtë e baletit “Arrëthyesi”. -
Vendosi bomba pranë selive të Komitetit Kombëtar Republikan një natë para trazirave të 6 janarit, FBI-ja arreston pas gati 5 vitesh autorin
FBI ka kryer një arrestim të rëndësishëm të enjten, duke ndaluar një person që dyshohet se ka vendosur bombat artizanale pranë selive të Komitetit Kombëtar Republikan (RNC) dhe atij Demokratik (DNC) një natë para trazirave të 6 janarit 2021 në Kapitolin e SHBA-së.
Sipas dy burimeve të zbatimit të ligjit, i arrestuari besohet të jetë autori i pajisjeve shpërthyese të gjetura më 5 janar 2021, i cili deri më tani ishte identifikuar vetëm nga pamjet e paqarta të kamerave të sigurisë, ku shfaqej me kapuç, doreza dhe maskë fytyre.
Arrestimi vjen pas një hetimi gati pesëvjeçar, i cili ka qenë një nga çështjet më sfiduese për FBI-në, për shkak të mungesës së provave të qarta vizuale dhe gjurmëve të drejtpërdrejta.
Autoritetet pritet të japin detaje të mëtejshme mbi identitetin e të dyshuarit dhe akuzat ndaj tij në orët në vijim.Top Channel
-
“Det i thellë Blu”/ Drama e fortë familjare në Teatrin Kombëtar deri më 14 dhjetor
Një tentativë vetëvrasjeje, një dramë e fortë familjare, që rrëfehet përmes një ritmi dinamik që të mban pezull.
Ester, gruaja e një gjyqtari të njohur në Britani braktis gjithçka për dashurinë e një piloti, por më pas e gjen veten në një betejës për jetën dhe gjetjen e vetvetes. Vepra e autorit britanik Terence Rattigan vjen premierë absolute në skenën e Teatrit Kombëtar nën vizionin regjisorial të Rovena Lules.
Rovena Lule Kuka, regjisore u shpreh “Vepra ka shumë mesazhe, por kryesorja që unë kam dashur të them është se jeta është më e rëndësishmja, të duam veten dhe më pas të tjerët”.
Kjo dramë rrëqethëse për dashurinë e pakthyeshme dhe humbjen personale ndërthuret me humorin elegant përmes interpretimit brilant të aktorëve Olta Daku, Alfred Trebicka, Igli Zarka, Neritan Liçaj, Anila Bisha, Donald Shehu, Niada Saliasi dhe Florian Agalliu.
“Britanikët kanë një humor shumë fin, shumë elegant. Bashkë me aktorët kemi menduar, që duket qenë një dramë shumë e fortë psikologjike, vepra ka nevojë për çlirim herë pas here”, tha Rovena Lule Kuka, regjisore.
Anila Bisha, aktore u shpreh për TCH: “Kjo është një ndër shfaqjet më të mira të repertorit të Teatrit Kombëtar. Jam shumë e lumtur që jam pjesë e saj dhe për këtë falënderoj regjisoren që më dha këtë karakter shumë të rëndësishëm, pasi është personi që sheh dhe dëgjon gjithçka. Duket si një grua që merret me fjalë, por është një grua me zemër të madhe dhe të mirë”.
Ndërsa aktori Igli Zarka, tha “Ky është një ndër rolet më të vështira që unë kam luajtur deri më tani, për vetë faktin e dramës që shkakton roli im. Shumë i vështirë për t’u mishëruar deri në vërtetësi”.
Në netët e para të premierës, shfaqja është mirëpritur nga publiku që ka mbushur sallën dhe ka duartrokitur aktorët pas 2 orësh interpretim.
“Si rrallë herë, nuk kemi parë të nxjerrin celularët, një qetësi totale dhe tregon se ia kemi arritur ta përfshijmë publikun në emocionet tona”, shtoi Anila Bisha.
“Dikush ishte përfshirë aq shumë në dramë sa më tha që arriti në një pikë sa pati urrejtje për mua”, shtoi më tej aktori Zarka.
“Det i thellë blu” do të vijojë në Teatrin Kombëtar deri në datën 14 dhjetor, ndërsa fundi i muajit rikthen në skenë “Faust”.
Top Channel
-
Bardhi “përplaset” me Bidon: Demokratët nuk përdorën kurrë një ditë bashkimi kombëtar për përçarje politike
Kreu i Grupit Parlamentar të PD, i është përgjigjur deputetit të PS Ardit Bido i cili akuzoi demokratët se kanë bojkotuar ceremoninë e ngritjes së Flamurit më 28 Nëntor.
Bido akuzoi opozitën se mungesa e tyre në ceremoni përbënte mosrespektim ndaj simbolit kombëtar.
Bardhi u shpreh se askush nga demokratët nuk ka përdorur kurrë një ditë bashkimi kombëtar për përçarje politike, duke theksuar se nderimi i flamurit kërkon integritet dhe veprim, jo vetëm pjesëmarrje në ceremoni. -
“Populli është me ty”/ Tubim kundër agresionit amerikan në Venezuelë, Maduro: Duam paqe me sovranitet kombëtar, jo paqe skllevërish
Qindra mbështetës të qeverisë Maduro demonstruan sot në rrugët e Karakasit, duke hedhur poshtë kërcënimet e Uashingtonit përpara takimit të Këshillit të Sigurisë Kombëtare të Presidentit të SHBA-së Donald Trump mbi Venezuelën.
Presidenti venezuelian Nicolas Maduro theksoi të hënën, gjatë një tubimi publik ku morën pjesë mijëra mbështetës të tij në Karakas, se vendi latino-amerikan nuk dëshiron “paqen e skllevërve”, duke shtuar se vendosja e aseteve ushtarake amerikane gjatë 22 javëve të fundit e ka vënë atë në një “sprovë”.
“Ne duam paqe, por paqe me sovranitet kombëtar, barazi, liri! Ne nuk duam paqen e skllevërve, as paqen e kolonive!”, theksoi Maduro, ndërsa Presidenti i SHBA-së Donald Trump kishte mbledhur Këshillin e Sigurisë Kombëtare të Shtëpisë së Bardhë për të diskutuar Venezuelën.📌El presidente de #Venezuela, Nicolás Maduro, expresó que el ataque psicológico por parte de los Estados Unidos jamás nos puede sacar del camino de construir la patria potencia. pic.twitter.com/CvWp2By4Gf
— teleSUR TV (@teleSURtv) December 1, 2025“Kemi vuajtur 22 javë agresioni që mund të përshkruhet si terrorizëm psikologjik, 22 javë që na vunë në provë. Populli venezuelian ka demonstruar dashurinë e tij për atdheun”, tha Presidenti Maduro.
“Maduro, mik, populli është me ty”, “jo, ne nuk duam të jemi një koloni e Amerikës së Veriut”, ishin parullat që brohoritën protestuesit.
Me qëllimin e deklaruar për të luftuar kartelet e trafikimit të drogës, Shtetet e Bashkuara kanë vendosur një forcë ushtarake në Karaibe për muaj të tërë, duke përfshirë edhe aeroplanmbajtësen më të madhe dhe më të përparuar në botë, USS Gerald R. Ford.
Të dielën, Donald Trump konfirmoi se foli në telefon javën e kaluar me Presidentin e Venezuelës, Nicolas Maduro, i cili beson se Uashingtoni po përdor goditjen ndaj trafikimit të drogës si pretekst “për të imponuar ndryshimin e regjimit” në Venezuelë dhe për të sekuestruar rezervat e mëdha të naftës në vend.
“Ne jemi një vend i lirë, nuk duam luftë, duam paqe!”, tha Narciso Torrealba, 68 vjeç, për Agjencinë Franceze të Lajmeve (AFP).
“Ne jemi të gatshëm për dialog me këdo që duhet të flasim, por nuk do të heqim dorë kurrë nga sovraniteti ynë kombëtar, nuk do ta shesim kurrë atdheun tonë”, tha Cirilo Cazorla, 54 vjeç.
Që nga fillimi i shtatorit, forcat amerikane kanë nisur sulme ajrore në Karaibe dhe Paqësor kundër anijeve të dyshuara për kontrabandë droge. Më shumë se 20 anije janë shkatërruar deri më sot, me të paktën 83 persona të vrarë. Këto kanë qenë “vrasje jashtëligjshme”, sipas OKB-së.
Të shtunën, Trump deklaroi se e konsideronte hapësirën ajrore të Venezuelës “të mbyllur”, një mesazh që çoi në anulimin e fluturimeve nga të paktën gjashtë linja ajrore. Në shenjë hakmarrjeje, Maduro revokoi licencat e operimit të këtyre linjave ajrore në vend.
“Ne po luftojmë për mbrojtjen e vendit tonë, mbrojtjen e sovranitetit tonë kombëtar, mbrojtjen e burimeve tona”, tha zëvendëspresidentja e Venezuelës, Delcy Rodriguez, gjatë demonstratës.
“Pavarësisht kërcënimeve të tyre, strategjive të tyre idiote të luftës psikologjike, gënjeshtrave dhe shpifjeve të tyre, ne do të vazhdojmë luftën në rrugë për të mbrojtur atdheun”, tha presidenti i Dhomës, Jorge Rodriguez.Top Channel