Lajmidites.com

Tag: kockave

  • Barbunjat, 5 arsye pse duhet t’i konsumoni shpesh këtë periudhë

    Barbunjat, 5 arsye pse duhet t’i konsumoni shpesh këtë periudhë

    Bishtaja, mashkura, barbunja… sido që t’i quani, këto të fundit duhet të jenë pjesë e regjim tuaj ushqimor , pasi janë një burim i mirë i vitaminave A, C, dhe K, fibrave etj.
    Kjo perime e familjes së bishtajoreve është një nga ushqimet më të pasura me antioksidantë dhe flavanoidë. Më poshtë do të lexoni të gjitha përfitimet shëndetësore të barbunjave:

    Shëndeti i kockave

    Niveli i ulët i vitaminës K është i lidhur me një rrezik më të lartë të frakturës së kockave. Marrja e sasisë së duhur të vitaminës K mund të ndihmojë në përmirësimin e shëndetit të kockave duke përmirësuar thithjen e kalciumit dhe uljen e sekretimit urinar të kalciumit. Vetëm 1 gotë me barbunja jeshile siguron 14.4 mikrogramë vitaminë K, ose rreth 20% të kërkesës ditore dhe 4% të nevojës ditore të një individi për kalcium.

    Parandalimi i shumimit të qelizave të këqija

    Bishtjat e gjelbra kanë përmbajtje të lartë antioksidantësh , gjë që ndihmon në luftimin e radikalëve të lira në trup, përgjegjës për shumë sëmundje. Gjithashtu, disa lëndë ushqyese që gjenden me shumicë tek bishtajat kanë fuqinë të veprojnë kundër qelizave kancerogjene. Luteina, një nga llojet e antioksidantëve të njohur si carotenoids, është i pranishëm në sasi të mëdha tek kjo perime. Individët që konsumojnë sasi të larta të luteinës kanë një rrezik më të ulët të kancerit të zorrës së trashë, gjirit, mushkërive dhe qafës së mitrës. Vitamina C, e cila është gjithashtu një vitaminë antikancerogjene përdoret në doza të mëdha, për të trajtuar kancerin. Vetëm 1 kupë me këto bishtaja plotëson mbi një të katërtën e sasisë së rekomanduar ditor për vitaminë C. Gjithashtu, sasia e vitaminës K e gjendur tek bishtajat, siguron mbi gjysmën e sasisë së rekomanduar për këtë vitaminë në ditë.

    Diabeti

    Bishtajat jeshile kanë treguar se ndihmojnë në lehtësimin e simptomave të diabetit. Disa studime kanë rapotuar një ndikim hipoglikemik tek pacientët me diabet. Rregullatorët natyralë të diabetit nuk janë të zakonshëm, prandaj lidhja e mashurkave me parandalimin e hershëm të diabetit është një lajm i mirë.

    Shëndeti i syve

    Disa karotenoide specifike që janë të pranishme në këto bishtaja mund të ndihmojnë në parandalimin e degjenerimit makular, që është një rënie në funksionin dhe shikimin e syve. Zeaxanthin dhe lutein luajnë një rol të rëndësishëm në parandalimin e çdo problemi me sytë.

    Sëmundjet e zemrës

    Bishtajat mund të ndihmojnë në reduktimin e rrezikut të sëmundjeve të zemrës për shkak të niveleve të larta të flavonoideve , antioksidantë polifenikë që më së shpeshti gjenden në perimet dhe frutat. Kjo perime përmban nivele të larta të flavonoideve me veti të fuqishme anti-inflamatore dhe parandalon mpiksjen e gjakut në venat dhe arteriet.

  • Sëmundjet e kockave! Si t’i dalloni dhe si t’i parandaloni

    Sëmundjet e kockave! Si t’i dalloni dhe si t’i parandaloni

    Sëmundjet reumatizmale përbëjnë një spektër të gjerë patologjish që prekin sistemin muskuloskeletik dhe indet lidhore, duke ndikuar ndjeshëm në cilësinë e jetës së miliona njerëzve në mbarë botën.
    Në një intervistë mjekja Ergeta Ktonakëtë reumatologe tregon klasifikimin e këtyre sëmundjeve, ndryshimet thelbësore midis patologjive shpesh të ngatërruara si artriti dhe artroza, si dhe rrezikun e heshtur të osteoporozës.
    Më e rëndësishmja, do të ndajmë strategji efektive për diagnostikim të hershëm dhe menaxhim përmes trajtimeve mjekësore dhe stilit të jetesës. Sëmundjet reumatizmale ndahen kryesisht në tre grupe të mëdha, secila me mekanizmat dhe shkaqet e saj unike.

  • Për trurin, zemrën dhe kockat kjo është vitamina që duhet të konsumoni

    Për trurin, zemrën dhe kockat kjo është vitamina që duhet të konsumoni

    Vitamina K është një vitaminë që luan një rol të rëndësishëm për shëndetin e kockave dhe të zemrës.

    Disa prej shenjave dhe simptomave të mungesës së vitaminës K përfshijnë lehtësitë në nxirje të lëkurës, rrjedhje të gjakut prej hundëve ose mishrave të dhëmbëve, gjakderdhje në sistemin tretës. Njerëzit që vuajnë nga kequshqyerja kronike, varësia ndaj alkoolit apo problemet shëndetësore që kanë të bëjnë me paaftësinë e përthithjes së vitaminave, janë më të rrezikuar ndaj pamjaftueshmërisë së vitaminës K.

    Kjo vitaminë e rëndësishme gjendet në shumë burime natyrale. Kryesisht te barishtet si kale, spinaqi, pazia, gjethet e rrepave dhe te perimet si lakrat e vogla, lulelakra, brokoli, shpargu, majdanozi dhe sallata jeshile. Burime të tjera të vitaminës K janë qepët e njoma, kumbullat, kastraveci, mëlçia e viçit, çaji jeshil, peshku, vezët, borziloku i thatë, krundet e grurit dhe produktet e fermentuara të bulmetit si kosi dhe djathi.

    Përmirëson shëndetin e kockave

    Kjo vitaminë e rëndësishme luan një rol kryesor në përmirësimin e shëndetit të kockave dhe ulur rrezikun e frakturave të tyre. Vitamina K është veçanërisht e rëndësishme për femrat pas menopauzës të cilat rrezikohen nga osteoporoza. Organizmi ka nevojë për vitaminë K për të transportuar kalciumin, aq shumë i dobishëm për formimin e kockave. Sasitë e mjaftueshme të vitaminës K, veçanërisht të asaj K2 janë të dobishme për aktivizimin e osteocalkinës. Ajo është një proteinë që qarkullon në gjak dhe që ndërlidh jonet e kalciumit me strukturën e kockës. Kjo proteinë i bën kockat më të forta.

    Mbështet shëndetin e zemrës

    Vitamina K është e mirë edhe për shëndetin e zemrës. Pikë së pari, ajo ndihmon në uljen e tensionit të gjakut duke parandaluar akumulimin e mineraleve në enët e gjakut. Kjo e ndihmon zemrën të pompojë gjak më lehtë. Vitamina lufton inflamacionin dhe mbron qelizat përbërëse të damarëve, venave dhe arterieve. Një gjë e tillë pakëson gjasat e një arresti kardiak ose ataku në zemër.

    Mbështet funksionet e trurit

    Kjo vitaminë lufton inflamacionin dhe mbron trurin ndaj stresit oksidues që shkaktohet nga radikalet e lira. Stresi oksidues mund të dëmtojë qelizat e trurit dhe të shkaktojë sëmundje të ndryshme si Alzhaimeri, Parkinsoni e të tjerë.

  • Zbuloni ushqimet që përmbajnë Vitaminë K

    Zbuloni ushqimet që përmbajnë Vitaminë K

    Vitamina K është një vitaminë që luan një rol të rëndësishëm për shëndetin e kockave dhe të zemrës. Ekspertët shprehen se pamjaftueshmëria e vitaminës K në organizëm mund të shkaktojë trombozë, gjakderdhje dhe probleme serioze me kockat.
    Disa prej shenjave dhe simptomave të mungesës së vitaminës K përfshijnë lehtësitë në nxirje të lëkurës, rrjedhje të gjakut prej hundëve ose mishrave të dhëmbëve, gjakderdhje në sistemin tretës.
    Njerëzit që vuajnë nga kequshqyerja kronike, varësia ndaj alkoolit apo problemet shëndetësore që kanë të bëjnë me paaftësinë e përthithjes së vitaminave, janë më të rrezikuar ndaj pamjaftueshmërisë së vitaminës K.

    Kjo vitaminë e rëndësishme gjendet në shumë burime natyrale. Kryesisht te barishtet si kale, spinaqi, pazia, gjethet e rrepave dhe te perimet si lakrat e vogla, lulelakra, brokoli, shpargu, majdanozi dhe sallata jeshile.
    Burime të tjera të vitaminës K janë qepët e njoma, kumbullat, kastraveci, mëlçia e viçit, çaji jeshil, peshku, vezët, borziloku i thatë, krundet e grurit dhe produktet e fermentuara të bulmetit si kosi dhe djathi.
    Përmirëson shëndetin e kockave
    Kjo vitaminë e rëndësishme luan një rol kryesor në përmirësimin e shëndetit të kockave dhe ulur rrezikun e frakturave të tyre. Vitamina K është veçanërisht e rëndësishme për femrat pas menopauzës të cilat rrezikohen nga osteoporoza. Organizmi ka nevojë për vitaminë K për të transportuar kalciumin, aq shumë i dobishëm për formimin e kockave.
    Sasitë e mjaftueshme të vitaminës K, veçanërisht të asaj K2 janë të dobishme për aktivizimin e osteocalkinës. Ajo është një proteinë që qarkullon në gjak dhe që ndërlidh jonet e kalciumit me strukturën e kockës. Kjo proteinë i bën kockat më të forta.
    Mbështet shëndetin e zemrës
    Vitamina K është e mirë edhe për shëndetin e zemrës. Pikë së pari, ajo ndihmon në uljen e tensionit të gjakut duke parandaluar akumulimin e mineraleve në enët e gjakut. Kjo e ndihmon zemrën të pompojë gjak më lehtë. Vitamina lufton inflamacionin dhe mbron qelizat përbërëse të damarëve, venave dhe arterieve. Një gjë e tillë pakëson gjasat e një arresti kardiak ose ataku në zemër.
    Mbështet funksionet e trurit
    Kjo vitaminë lufton inflamacionin dhe mbron trurin ndaj stresit oksidues që shkaktohet nga radikalet e lira. Stresi oksidues mund të dëmtojë qelizat e trurit dhe të shkaktojë sëmundje të ndryshme si Alzhaimeri, Parkinsoni e të tjerë.

  • Lufta me osteoporozën, 6 shenjat dalluese të saj

    Lufta me osteoporozën, 6 shenjat dalluese të saj

    Osteoporoza njihet si sëmundja e fshehur e kockave. Ajo shkakton humbje të mëdha të dendësisë kockore që vështirë të zëvendësohen dhe fraktura të përsëritura.

    Cilat Janë Shenjat Paralajmëruese Të Osteoporozës

    Ndihesh Sikur Humbet Gjatësi Trupore

    Nëse ndiheni sikur keni humbur shumë nga gjatësia juaj, atëherë mund të jeni prekur nga osteoporoza. Kjo shkakton një kolaps të kockave të shpinës që jep ndjesinë e humbjes së disa centimetrave.

    Rënia e dhëmbëve

    Sipas të dhënave të AgroWeb.org, dobësimi i kockave të nofullës shkakton rënie të dhëmbëve. Kjo mund të jetë një shenjë paralajmëruese e osteoporozës, por edhe e disa problemeve të tjera. Këtë diagnozë mund ta përcaktojë vetëm mjeku.

    Qëndrim i dhtrembër ose gungë në shpinë

    Kur kockat e shpinës nuk arrijnë të mbështesin peshën e trupit, ato do të shtrembërohen. Shtrembërimi shkakton gungë në pjesën e shpinës, që tregon gjendjen e keqe të shpinës.

    Osteoporoza dhe faktori gjenetik

    Ky faktor është përcaktues për të paktën 80 përqind të masës kockore. Nëse dikush në familjen tuaj vuan nga kjo sëmundje, edhe ju mund të jeni të predispozuar të prekeni nga osteoporoza.

    Masë e pakët kockore

    Kjo do të thotë se masa e kalçiumit dhe mineraleve në kocka është shumë më e ulët se normalja. Nëse analizat tregojnë se masa kockore është e pakët, jeni më të predispozuar të prekeni nga osteoporoza.

    Fraktura të shpeshta

    Nëse pësoni fraktura edhe nga një rrëzim i vogël, atëherë me siguri jeni të prekur nga osteoporoza. Frakturat tregojnë se kockat janë të dobëta dhe kanë nevojë për ndihmë. Këto janë disa prej shenjave paralajmëruese të osteoporozës. Megjithatë, është mjeku ai që mund të japë një diagnozë të saktë të sëmundjes së fshehur. AgroWeb.org ju këshillon që nëse vëreni këto shenja duhet të konsultoheni me mjekun.

    Si T’a Shmangni

    Merrni kalciumin e duhur edhe nga perimet e gjelbra. Merrni Vitaminë D. Këtë mineral mund ta gjeni edhe në disa ushqime siç janë e verdha e vezës, mëlçia e lopës dhe viçit, disa kërpudha, peshku dhe disa djathëra. Përpiquni të keni sa më pak stres. Stresi rrit nivelet e kortizolit dhe çon në humbjen e densitetit të kockave. Që të shmangni osteoporozën duhet të kufizoni ndjeshëm pijet e gazuara, sidomos ato të sheqerosura.

    Aktiviteti fizik

    Aktiviteti fizik stimulon kockat. Mjaftojnë 15-30 minuta aktivitet në ditë për të rritur densitetin e kockave./AgroWeb.org

  • Nga historia familjare, mosha dhe gjinia, 5 faktorë rreziku të heshtur të osteoporozës

    Nga historia familjare, mosha dhe gjinia, 5 faktorë rreziku të heshtur të osteoporozës

    Organizata bamirëse e Shoqërisë Mbretërore të Osteoporozës (ROS) e Britanisë ka lançuar një vlerësim të thjeshtë tre-minutësh online për të ndihmuar njerëzit të identifikojnë rrezikun e tyre nga osteoporoza.

    Kjo fushatë e Madhe Britanike e Kontrollit të Kockave është mbështetur nga Mbretëresha, e cila është një mbështetëse e hershme e organizatës bamirëse, dhe ROS shpreson se ky mjet i lehtë dixhital do t’i ndihmojë njerëzit të diagnostikohen dhe të trajtohen më shpejt.

    Iniciativa vjen pas një ankete të YouGov, të kryer për ROS, me 2,082 të rritur. Rezultatet zbuluan se 79% thanë se nuk e kishin kontrolluar kurrë shëndetin e kockave të tyre dhe 49% nuk ​​ishin në dijeni se gratë përballen me një rrezik më të lartë për fraktura pas menopauzës.

    Në dritën e kësaj, ne kontaktuam me Julia Thomson, menaxhere infermierësh në ROS, e cila ka nxjerrë në pah pesë faktorë të heshtur rreziku të osteoporozës dhe shpjegoi se si diagnostikohet sëmundja.

    Çfarë është osteoporoza?

    “Osteoporoza është një gjendje që i bën kockat më të brishta dhe më të prirura për t’u thyer”, shpjegon Thomson.

    Uebsajti i NHS-së deklaron se zhvillohet ngadalë gjatë disa viteve dhe shpesh diagnostikohet vetëm kur një rënie ose një goditje e papritur shkakton thyerjen e një kocke.

    Sipas Shoqatës Mbretërore të Osteoporozës, vlerësohet se afërsisht 3.5 milionë njerëz në Mbretërinë e Bashkuar vuajnë nga osteoporoza.

    «Shumë njerëz besojnë se osteoporoza prek vetëm gratë, por ne e dimë që edhe burrat preken», shton Thomson. «Një në dy gra dhe 20% e burrave mbi 50 vjeç do të thyejnë një kockë si pasojë e osteoporozës».

    Menaxheri i infermierisë thekson gjithashtu se ideja që osteoporoza shkakton gjithmonë dhimbje është një tjetër keqkuptim i zakonshëm.

    «Të dhemb vetëm nëse thyen diçka», sqaron Thomson. «Brishtësia aktuale, pra brishtësia e kockave, nuk dhemb dhe as nuk shkakton asnjë simptomë. Janë kockat e thyera ato që shkaktojnë të gjitha simptomat, problemet dhe dhimbjen që ne i shoqërojmë me këtë gjendje.»

    Cilët janë faktorët kryesorë të rrezikut për osteoporozën?

    1. Historia familjare

    “Kontrolli i Madh Britanik i Kockave ka të bëjë me identifikimin e hershëm të faktorëve të rrezikut për të parandaluar frakturat, dhe këta faktorë rreziku përfshijnë gjëra të tilla si historia familjare, pra nëse keni osteoporozë në familje”, thotë Thomson.

    Për shembull, hulumtimet sugjerojnë që nëse njëri nga prindërit tuaj e ka thyer legenin, edhe ju keni më shumë gjasa të thyeni një kockë, sipas Shoqatës Mbretërore të Osteoporozës.

    «Nuk është aq e qartë sa disa nga gjendjet e tjera ku ekziston një lidhje gjenetike vërtet e fortë, por duket se ka tipare familjare», thotë Thomson.

    2. Mosha

    Sipas Shoqatës Mbretërore të Osteoporozës, ne e arrijmë kulmin e shëndetit të kockave në moshën 30 vjeç dhe ai fillon të bjerë natyrshëm ndërsa plakemi.

    “Ne të gjithë po ndërtojmë kockat tona gjatë fëmijërisë dhe adoleshencës dhe ka dy lloje qelizash në kockë, qelizat që e zbërthejnë kockën dhe qelizat që e ndërtojnë atë”, shpjegon Thomson. “Gjatë fëmijërisë dhe adoleshencës sonë, qelizat që e ndërtojnë kockën punojnë më shpejt sesa qelizat që e zbërthejnë atë për të ndërtuar skeletin tonë.”

    “Pastaj, kur hyjmë në të 30-at, arrijmë në një nivel stanjacioni, pasi të dy llojet e qelizave punojnë me të njëjtin ritëm dhe në të 40-at, qelizat që zbërthejnë kockën fillojnë të marrin përsipër si punëtorët më të shpejtë. Pra, të gjithë po fillojmë të humbasim kockën natyrshëm si pasojë e plakjes.”

    Megjithatë, Thomson thekson se osteoporoza nuk është vetëm një “sëmundje e të moshuarve”.

    “Mund të prekë njerëzit rreth menopauzës dhe, më e pazakontë, mund të prekë edhe njerëz shumë më të rinj se kjo moshë”, thotë Thomson. “Por, kjo zakonisht ndodh për shkak të diçkaje tjetër që ka ndikuar në rrezikun e tyre për osteoporozë.”

    3. Gjinia

    “Osteoporoza është më e zakonshme tek gratë sesa tek burrat, pjesërisht sepse gratë kanë tendencë të ndërtojnë kocka më pak të forta se burrat në fillim”, shpjegon Thomson. “Gjithashtu, gjatë kohës së menopauzës ne fillojmë të humbasim efektet mbrojtëse të estrogjenit.

    “Estrogjeni është një hormon që ne e prodhojmë para menopauzës që mbron kockat tona, dhe kur e humbasim atë mbrojtje, humbja e kockave përshpejtohet, gjë që rrit rrezikun e osteoporozës.”

    4. Medikamente

    Disa ilaçe si steroidet mund të kenë ndikim negativ në kockat tona.

    “Disa steroide luajnë një rol shumë të rëndësishëm në menaxhimin e shumë sëmundjeve si artriti dhe disa sëmundjeve inflamatore të zorrëve, por për fat të keq ato nuk janë të mira për kockat. Kjo ndodh sepse steroidet mund të ndikojnë në ato qeliza ndërtuese të kockave dhe të pengojnë veprimet e tyre”, shpjegon Thomson. “Pra, është e rëndësishme që kur përshkruhen këto ilaçe, kushdo që i përshkruan ato të mendojë edhe për shëndetin e kockave të atij personi në të njëjtën kohë.”

    5. Faktorët e stilit të jetesës

    “Pirja e tepërt e alkoolit dhe pirja e duhanit është e dëmshme për shumë arsye shëndetësore, duke përfshirë ndikimin që mund të ketë në kockat tona”, thotë Thomson. “Mbajtja e peshës së trupit tuaj brenda një diapazoni të shëndetshëm për moshën dhe gjatësinë tuaj është gjithashtu shumë e rëndësishme.

    “Kufizimi i marrjes së ushqimit në masën që pesha juaj trupore të jetë e ulët në mënyrë të rrezikshme, për shembull, mund të ketë një ndikim të madh në shëndetin e kockave, sepse nuk do të merrni ushqimin që u nevojitet kockave tuaja dhe shpesh periodat do të ndalen, gjë që është një shenjë se nuk po prodhoni estrogjen, i cili nuk është i mirë për kockat tuaja.”

    “Pra, të qëndrosh aktiv, të hash një dietë të ekuilibruar dhe të pasur me kalcium, të mos pish duhan dhe të mbash konsumin e alkoolit brenda udhëzimeve që marrim nga qeveria, të gjitha do t’i ndihmojnë kockat tuaja.”

    Si diagnostikohet zyrtarisht osteoporoza?

    “Do të fillojë me një bisedë me mjekun tuaj të familjes duke folur për faktorët e rrezikut dhe më pas ai mund të sugjerojë një skanim të dendësisë së kockave i cili do të tregojë se si forca e kockave tuaja krahasohet me një mesatare”, shpjegon Thomson. “Pastaj, nëse dendësia e kockave tuaja është brenda diapazonit që klasifikohet si osteoporozë, mjeku juaj i familjes mund të marrë në konsideratë përshkrimin e një trajtimi me ilaçe për të ndihmuar në uljen e rrezikut të frakturave.”/ DPA News.

  • Nga qumështi te vezët, ja cilat janë ushqimet më të mira për shëndetin e kockave

    Nga qumështi te vezët, ja cilat janë ushqimet më të mira për shëndetin e kockave

    Të kesh kocka të forta është çelësi për një jetë plot energji dhe aktivitet. Më poshtë kemi listuar disa prej ushqimeve që na ndihmojnë të qëndrojmë të fortë dhe të shëndetshëm.

    Produktet e qumështit

    Qumështi, kosi dhe djathi janë ushqime të pasura me kalcium, i cili është materiali kryesor ndërtues i kockave tona. Përveç kalciumit, produktet e qumështit përmbajnë edhe vitaminë D, e cila ndihmon në absorbimin e kalciumit.

    Spinaqi

    Spinaqi është i pasur me vitaminë K, e cila është e domosdoshme për ruajtjen e shëndetit të kockave. Ndihmon në forcimin e kockave dhe parandalimin e humbjes së tyre. Ai gjithashtu përmban magnez dhe kalcium, të cilat kombinohen për të mbështetur strukturën e kockave.

    Bajame

    Bajamet janë të pasura me kalcium dhe vitaminë E, e cila ndihmon në forcimin e shëndetit të kockave.

    Vezët

    Vezët nuk janë vetëm për mëngjes, ato janë një burim i shkëlqyer i vitaminës D dhe K. Vitamina D, siç u përmend më lart, është thelbësore për përthithjen e kalciumit, ndërsa vitamina K ndihmon në forcimin e kockave dhe parandalimin e osteoporozës. Një vezë në ditë mund të sigurojë këto lëndë ushqyese thelbësore, veçanërisht nëse gatuhet me të verdhat e saj.

  • Shenjat që tregojnë se nuk po merrni mjaftueshëm Vitaminë D, ushqimet ku gjendet

    Shenjat që tregojnë se nuk po merrni mjaftueshëm Vitaminë D, ushqimet ku gjendet

    Vitamina D ndihmon në forcimin e dhëmbëve dhe kockave tona, por ka shumë arsye pse është e nevojshme që trupi ynë të funksionojë mirë. Prandaj, nëse ka një mangësi, mund të vëreni se ndiheni më të lodhur ose të dobët.
    Më poshtë janë 5 shenja që tregojnë se nuk po merrni mjaftueshëm vitaminë D.
    Dhimbje kockash

    Vitamina D është e rëndësishme për ruajtjen e kockave të shëndetshme, kështu që ka kuptim që mungesa e saj do të shkaktonte anomali dhe dhimbje kockash. Kur nivelet e vitaminës D janë të ulëta dhe trupi nuk mund të absorbojë siç duhet kalciumin dhe fosforin, rreziku i dhimbjeve të kockave, frakturave, dhimbjeve të muskujve dhe dobësisë së muskujve rritet.
    Dobësi muskulore
    Mungesa e vitaminës D mund të shkaktojë dobësi të muskujve. Një studim i vitit 2018 vuri në dukje se vitamina D luan një rol të rëndësishëm në funksionin normal të muskujve, duke argumentuar se “statusi i ulët i vitaminës D lidhet me një rrezik në rritje të rënies dhe dobësisë së muskujve”.
    Lodhje
    Vitamina D mendohet se ndikon në shëndetin mendor përveç shëndetit fizik, mungesa e vitaminës D lidhet me lodhjen mendore dhe fizike.
    Rritja e infeksioneve
    Vitamina D është kritike për funksionin e sistemit imunitar, kështu që nëse sëmureni shpesh, mungesa e vitaminës D mund të jetë një faktor. Shkencëtarët kanë zbuluar se vitamina D është e pranishme pothuajse në të gjitha qelizat e sistemit imunitar dhe një studim zbuloi një lidhje midis infeksioneve dhe sëmundjeve autoimune dhe mungesës së vitaminës D.
    Depresioni
    Shumë njerëz ndihen më të trishtuar në dimër. Një arsye pse shkencëtarët besojnë se kjo ndodh është mungesa e vitaminës D. Një studim zbuloi se vitamina D ka veti që ndikojnë në indet e trurit të përfshirë në proceset normale të depresionit dhe ankthit.
    Ushqimet ku gjendet:
    -Peshk i yndyrshëm (Salmon, Skumbri, Sardelet)
    -Vaji i mëlçisë së merlucit
    -Vezë
    -Kërpudha.

  • Mbrojnë zemrën dhe kontrollojnë kolesterolin

    Mbrojnë zemrën dhe kontrollojnë kolesterolin

    Kumbullat janë një frut i preferuar i verës dhe vjeshtës në Ballkan. Ne bëjmë komposto, reçel, i thajmë dhe shumë njerëz bëjnë edhe raki prej tyre.
    Përveçse janë të shijshme, kumbullat janë edhe jashtëzakonisht të shëndetshme dhe nëse i konsumoni çdo ditë, veçanërisht në sasinë prej 12 copë në ditë, trupi juaj mund të përjetojë një ringjallje të vërtetë.
    1.Kumbullat mbrojnë zemrën dhe kontrollojnë kolesterolin

    Kumbullat përmbajnë antioksidantë të fuqishëm që parandalojnë oksidimin e kolesterolit LDL. Konsumi i rregullt ndihmon në mbrojtjen e zemrës dhe enëve të gjakut, duke zvogëluar rrezikun e problemeve kardiovaskulare.
    2.Minerale për kocka të forta
    Kumbullat përmbajnë bakër dhe kalcium, minerale thelbësore për shëndetin e kockave. Ato ndihmojnë në ruajtjen e dendësisë së kockave dhe mund të zvogëlojnë rrezikun e osteoporozës dhe sëmundjeve të tjera të kockave.
    3.Laksativ natyral për tretje të përsosur
    Kumbullat janë të pasura me fibra dietike që përshpejtojnë lëvizjet e zorrëve dhe lehtësojnë zbrazjen, duke i bërë ato një laksativ natyral pa acarim. Ato janë gjithashtu ideale për njerëzit me stomak të ndjeshëm.
    4.Ul trigliceridet dhe sheqerin në gjak.
    Luteina, një pigment bimor tek kumbullat, ndihmon në uljen e niveleve të triglicerideve dhe glukozës në gjak. Konsumi i rregullt mund të ndihmojë në parandalimin e problemeve me obezitetin, diabetin dhe presionin e lartë të gjakut.
    5.Kaliumi për rrjedhje më të mirë të gjakut dhe shëndet të zemrës
    Kaliumi në kumbulla zgjeron enët e gjakut, përmirëson qarkullimin e gjakut dhe zvogëlon ngarkesën e punës në zemër, gjë që zvogëlon rrezikun e hipertensionit dhe përmirëson funksionalitetin e sistemit kardiovaskular.
    6.Energji dhe vitalitet
    Zakoni i përditshëm i ngrënies së kumbullave i siguron trupit energji natyrale dhe mbështetje për sistemin imunitar, dhe trupi juaj mund të përballojë më lehtë stresin dhe lodhjen e përditshme.
    7.Paralajmërim i rëndësishëm
    Edhe pse kumbullat kanë përfitime të shumta shëndetësore, ato nuk janë një kurë për të gjitha sëmundjet. Nëse keni probleme serioze me kolesterolin, tensionin e gjakut, diabetin ose çrregullime të tretjes, konsultohuni me mjekun tuaj.

  • Kujdes/ Sëmundja e zakonshme që k*rcënon ata që nuk konsumojnë mëngjes, dhe hanë vonë natën

    Kujdes/ Sëmundja e zakonshme që k*rcënon ata që nuk konsumojnë mëngjes, dhe hanë vonë natën

    Osteoporoza është një nga sfidat më serioze të shëndetit publik, pasi rrit ndjeshëm rrezikun e frakturave në legen, shpinë dhe gjymtyrët e sipërme.
    Deri më sot, ne dimë se zakone të tilla si pirja e duhanit, mungesa e gjumit dhe konsumimi i tepërt i alkoolit janë të lidhura ngushtë me osteoporozën.
    Përveç këtyre, faktorë që nuk mund të modifikohen, siç janë mosha, gjinia, historia familjare dhe marrja e disa medikamenteve, janë gjithashtu të lidhur me osteoporozën.
    Në këtë kontekst, një studim i botuar në Journal of the Endocrine Society u përpoq t’i përgjigjej një pyetjeje thelbësore: A luajnë rol zakonet dietike ? Dhe nëse po, cilat i rrisin shanset?
    Zakonet “e dëmshme” të të ngrënit
    Studiuesit analizuan të dhënat nga 927.130 të rritur mbi moshën 20 vjeç (45.3% burra, 54.7% gra), të cilët u ndoqën për një mesatare prej 2.6 vitesh.
    Ajo që ata zbuluan ishte se, ndër të tjera, anashkalimi i mëngjesit dhe ngrënia e vakteve vonë në mbrëmje rriti rrezikun.
    Pse ka rëndësi ushqyerja
    Sipas studiuesve, anashkalimi i mëngjesit dhe koha e papërshtatshme e darkës mund të ndikojnë në shëndetin e kockave përmes:
    Çrregullime hormonale (kortizoli, stresi oksidativ). Marrje më e ulët e lëndëve ushqyese thelbësore, siç janë kalciumi dhe vitamina D.
    Më konkretisht, anashkalimi i mëngjesit shoqërohet me një konsum më të ulët të vitaminës D dhe kalciumit, dy elementë thelbësorë për dendësinë e kockave.
    Gjithashtu, si mëngjesi ashtu edhe koha e vakteve ndikojnë në ritmin cirkadian të trupit, “orën tonë biologjike”, e cila lidhet drejtpërdrejt me shëndetin e kockave.
    Ata që anashkalonin mëngjesin dhe/ose hanin darkë vonë natën kishin më shumë gjasa të përjetonin gjumë të pamjaftueshëm, gjë që përforcon teorinë e çrregullimit të ritmit cirkadian.
    Vlen të përmendet se gratë, të moshuarit dhe ata me indeks të masës trupore më të ulët janë ndër grupet më të prekshme. Megjithatë, zakonet e pashëndetshme rrisin rrezikun në të gjitha grupet e popullsisë, pavarësisht nga gjinia dhe mosha.