Deputeti i Partisë “Mundësia”, Erald Kapri, ka kritikuar qeverinë për mënyrën se si janë dhënë koncesionet, duke i cilësuar ato si afera korruptive dhe të dështuar, që nuk kanë sjellë asnjë përfitim për qytetarët.
Në fjalën e tij në seancën plenare, Kapri tha se asnjë koncesion i dhënë nga qeveria nuk ka qenë frytdhënës, ndërsa përmendi disa raste konkrete, përfshirë koncesionet në sektorin e shëndetësisë, që sipas tij janë nën hetim nga SPAK dhe kanë dështuar të përmirësojnë shërbimet publike.
Deputeti ndaloi me tone të forta edhe te koncesioni i Portit të Vlorës, duke paralajmëruar se projekti nuk do të nisë punën vitin e ardhshëm, ndonëse është premtuar nga qeveria.
“Me kë koncension ta nisësh më parë. Cili koncesion i dhënë nga qeveria ka qenë frytdhënës? Nuk gjen asnjë. Por tek koncensionet e shëndetësisë të 4 në SPAK. A kemi shërbim më të mirë? Zero. Edhe pasi janë zbuluar që janë afera korruptive ato kanë vazhduar. Më interesanti, koncesioni i Portit të Vlorës që nga qeveria u trumpetua që vitin e ardhshëm do nisë punë. Por vetë qeveria e di që nuk do nisë punë sepse e kanë parë sherrin e konsensionerëve dhe se si është dhënë në zyrën e ministres. Si ka mundësi që nuk ka asnjë reagim edhe pas daljes së investigimit. Si mund të marrë një magazinier operimin e një porti me vlerë 60 mln euro. Koncensioni i Thumanë Kashar, një tjetër problematikë. Rinasi dhjetëra miliona euro të deklaruara si fitime dhe dhjetëra miliona euro shpenzime.”, tha Kapri.
Tag: kapri
-
“Porti i Vlorës nuk do të nisë punë”, Kapri: Asnjë koncesion i qeverisë nuk ka qenë frytdhënës
-
“Hajde merremi pak…”/ Deputeti Kapri: 12 vjet jemi ende me hapin e njeriut
Deputeti i Mundësia, Erald Kapri, theksoi se pesë projektet më madhore në këto 12 vitet e fundit kanë shkuar së bashku 1 miliardë euro ku sipas tij, ka tejkaluar mesataren e BE.
Ai shton se këto projekte edhe pse kanë pasur kosto të lartë, sërish sipas tij nuk janë rrugë të sigurta dhe po hetohen nga SPAK.
“Sipas Bankës Botërore lëvizshmëria në Shqipëria është 33 km/h. Pra gjithë mesatarja çfarë lëvizin në vit. Njeriu që vrapon është pak më tepër. Pra ne në Shqipëri jemi me hapin e njeriut, jo me atë të automobilit. Kanë ngelur rrugët rrugëve thoshte dikur kryeministri Rama në opozitë.
12 vjet në pushtet jemi ende me hapin e njeriut. Nuk ka një projekt madhor rrugor që të ketë përfunduar. Por hajde merremi pak me rrugët që konsiderohen të përfunduara.
Unaza e Madhe e Tiranës që s’ka mbaruar ende ka kushtuar 500 milionë euro me rreth 18 milionë euro km, Qafë Plloça me 260 milionë me rreth 6 milionë euro km, Korçë-Ersekë 80 mln euro me 2.2 milionë euro km, tuneli i Llogarasë ka kushtuar 142 milionë euro me 23.6 milionë euro km, dhe tuneli i Kardhiqit 50 mln euro për 1.3 km.
Totali është fiks 1 miliardë euro për pesë projekte. Tani të pesta këto projekte janë nën hetim nga SPAK. Dhe të pesta këto projekte kanë rrezikshmëri për jetën nuk janë as rrugë të sigurta. Por thelbi është këtu: Nëse marrim standartin evropian është minimumi dyfishi.”, tha Kapri. -
Kapri ngre alarmin/ PS dhe PD po bëhen bashkë për të prekur Kushtetutën dhe SPAK
Deputeti i Partisë Mundësia Erald Kapri, gjatë një interviste televizive, ka deklaruar se PD dhe PS mund të bëhen bashkë për ta prekur reformën në drejtësi, ose shumë element që kanë të bëjnë me SPAK.
Më tej Kapri tha se PD u bashkua me Ramën për ndryshimet kushtetuese dhe për të zvogëluar parlamentin.
Sipas tij, dy forcat e mëdha politike, kanë interes të përbashkët, njëra të ruaj pushtetin dhe tjetra monopolin e opozitës.
“Një nga sinjalet është që PD dhe PS mund të bëhen bashkë për ta prekur reformën në drejtësi, ose shumë element që kanë të bëjnë me SPAK.
Nuk duam të bëjmë opozitën e opozitës. Në një moment tepër të vështirë kur ne hodhëm idenë për të patur një kandidat jo politik në Tiranë dhe për herë të parë opozita u bë bashkë, ndaj u bë kjo ndërhyrja në Kushtetuese pasi gjërat nuk janë të rastësishme.
Si ka mundësi, kur ti ke nisur fushatën elektorale bëhesh bashkë me Ramën, për ndryshimet kushtetuese, për të zvogëluar parlamentin. Pra ne jemi armiqtë, ne partitë e reja. Pse senati do të zgjidhë problemet e shqiptarëve?
Si ka mundësi bëhesh bashkë me kundërshtarin tënd politik. Të dy kanë interes, njëri të ruajë pushtetin, tjetri të ruajë monopolin e opozitës pasi janë të pafuqishëm për të mundur Ramën”, tha Kapri. -
Kapri: Si të bashkëpunosh me kundërshtarin politik për të sulmuar partitë e reja opozitare?
PD dhe PS po bashkëpunojnë për ndryshimin e Kushtetutës e cila synon reduktimin e numrit të deputetëve në parlament dhe krijimin e një senati.
Deputeti i partisë “Mundësia”, Erald Kapri, thotë se sinjalet e bashkëpunimit të tyre janë të dukshme me atë çfarë ndodhi gjatë fushatës elektorale për bashkinë e Tiranës, para se Kushtetuesja të pezullonte datën e zgjedhjeve.
“Si ka mundësi, kur ti ke nisur fushatën elektorale bëhesh bashkë me Ramën, për ndryshimet kushtetuese, për të zvogëluar parlamentin. Pra ne jemi armiqtë, ne partitë e reja. Pse senati do të zgjidhë problemet e shqiptarëve? Si ka mundësi bëhesh bashkë me kundërshtarin tënd politik”, tha Kapri, duke shtuar se Berisha dhe Rama kanë interesa në këtë bashkëpunim, njëri të ruajë pushtetin, tjetri të ruajë monopolin e opozitës. -
Kapri ironizon Bidon/ Nuk shkohet me atlete të zonat e përmbytura
Në Komisionin për Çështjet e Brendshme dhe të Mbrojtjes ka patur një debat në lidhje me situatën në të cilën ndodhet Shqipëria gjatë sezonit të dimrit nga përmbytjet dhe gjatë sezonit të verës nga zjarret.
Deputeti Erald Kapri ka deklaruar se çështja e emergjencave në Shqipëri është kthyer në fatkeqësi për shqipatarët.
Gjatë fjalës së tij, Kapri ironizoi deputetin Ardit Bido, i cili rrihte gjoksin se kishte shkuar pranë familjeve në zonat e prekura nga zjarret apo nga përmbytjet.
Kapri iu drejtua duke i thënë se, në zonat e prekura nuk shkohet me atlete.
“Çështja e emergjencave është kthyer në fatkeqësi për shqiptarët. Nuk shkohet me atlete, të paktën ministri kishte vesh çizme. Duhet të jemi më të kujdesshëm pse shkoni, pse nuk shkoni”, tha Kapri. -
“260 mln euro u shpenzuan për tallava dhe kulaç”/ Shembja e aksit Qukës-Qafë Plloçë, reagon ‘egër’ deputeti: Kush…?
Deputeti i Mundësia, Erald Kapri, ka reaguar pas shembjes së rrugës Qukës- Qafë Plloçë. Kapri thekson se 260 mln euro janë shpenzuar jo për rrugë, por sipas tij për tallava dhe kulaç.
“260 milionë euro janë shpenzuar për propagandë, tallava me kulaç e daulle. Qukës Qafë Plloçë është një nga segmentet më të shtrenjta të ndërtuara ndonjëherë në Shqipëri.
Pas 16 vitesh punime, shtyrjesh dhe pritjesh, rruga e sapohapur nuk i ka rezistuar as reshjeve të para.
Kush mban përgjegjësi? Kush firmosi studimet gjeologjike, kush pranoi punimet, kush monitoroi cilësinë? Shqiptarët nuk mund të vazhdojnë të paguajnë për projekte korruptive që pasurojnë hajdutët dhe vënë në rrezik jetën e tyre.”, tha Kapri. -
Sherri me anëtarët e këshillit bashkiak për tokat, Kapri mbron 27-vjeçarin nga Pogradeci: Model ii duhur, mbron të drejtat e komunitetit
Deputeti i partisë “Mundësia” ka dalë në mbrojtje të 27 vjeçarit pogradecar Kevin Muçllari, i cili dy ditë më parë u arrestua nga policia për shkak të një konflikti të ndodhur në ambientet e këshillit bashkiak të Pogradecit
Për deputetin Kapri, 27 vjeçari është modeli i duhur i të riut që kërkon të mbrojë të drejtat e komunitetit ku jeton ndërkohë nga ana tjetër nuk ka kursyer kritikat ndaj këshillit bashkiak dhe policisë
“U nisa nga Tiranë për të inkurajuar Kevin Muçllarin nga Pogradeci, për aktin e tij qytetar që bëri në këshillin bashkiak dhe mënyre aspak njerëzore u arrestua dhe ka një akuzë të fabrikuar se bëri detyrën e qytetarit. Sot gjithë shqiptarët duhet të ishin krenarë si një djalë qytetar, një student i 10 në shkencat politike ngrihet pro banorëve të vet, shkon në mbledhje, në vend të inkurajohet, arrestohet, mbahet në burg dhe pa patur mundësi për ta takuar. Unë uroj që nesër çdo gjyqtar që ka çështjen e tij të japë drejtësi e ta lërë të lirë sepse kemi shkelje të të drejtave të njeriu. Imagjinoni qe një I ri merr guximin të protestojë e ngrejë zërin, jetojmë në një vend demokratik me letra dhe montohen akuza të paqëna. Muçllari duhet përgëzuar për aktin sepse ky është modeli që inkurajojmë për të protestuar e jo rrinë gojë kyçur, madje ky është akt korruptiv që bashkia kërkon të tjetërsojë ate tokë”, tha Kapri.Pasditen e sotme deputeti Kapri ka kërkuar të marrë një takim me 27 vjeçari Kevin Muçllarin por nuk është lejuar në kushtet kur ka patur kontakte me prokurorin e çështjes, avokatin dhe drejtorin e policisë
“Kam marrë kontakt me avokatin e popullit, gjithashtu si deputet do i kërkoj AMP të hetoje rastin sepse kemi të bëjmë me shkelje të të drejtave të njeriu se proteston. Absurd I një vendi që kërkon të jetë në BE, arrestohet. Është mesazh politik për t’u thënë banorëve të Çërravës se kushdo që ngre zërin do ketë fatin e tij.
Mu shpjegua qe është ne paraburgim, deri nesër nuk e takoj dot. Pata kontakt me avokatin, drejtorin e policisë, bëra çmos thjesht ta përshëndes por uroj që neser të vendoset drejtësi, I bëj thirrje organizatave të dalin në mbrojtje të tij. Arrestimi i tij është shkelje e të drejtave të njeriut në Shqipëri”, tha Kapri.
Ditën e nesërme 27 vjeçari Kevin Muçllari do të njihet në seancën gjyqësore për masën e sigurisë./vizionplus.tv -
Arrestimi i 27-vjeçarit në Pogradec/ Kapri: U nisa nga Tirana për ta inkurajuar Muçllarin
Një reagim politik është bërë sot përpara Komisariatit të Policisë së Korçës, ku mbahet 27-vjeçari Kevi Muçllari, i arrestuar dy ditë më parë pas incidentit në mbledhjen e Këshillit Bashkiak të Pogradecit.
Deputeti i Partisë “Mundësia”, Erald Kapri, ka dalë para mediave duke mbrojtur veprimet e të riut dhe duke e quajtur arrestimin e tij një akt të padrejtë. Kapri tha se ishte nisur nga Tirana për ta inkurajuar Muçllarin, të cilin e cilësoi si shembull qytetarie dhe guximi.
Sipas tij, arrestimi është i fabrikuar dhe përbën shkelje të të drejtave të njeriut, pasi i riu kishte reaguar në mbrojtje të interesave të banorëve të fshatit Çërravë.
Deputeti kërkoi lirimin e menjëhershëm të Muçllarit dhe njoftoi se ka kontaktuar me Avokatin e Popullit, i cili ka regjistruar çështjen për hetim. Ai deklaroi gjithashtu se do t’i kërkojë Agjencisë së Mbikëqyrjes Policore të verifikojë ligjshmërinë e arrestimit.
Sipas Kaprit, rasti i Muçllarit tregon se në Shqipëri ende ndëshkohet protesta dhe guximi qytetar, ndërsa e cilësoi si një mesazh politik që synon të frikësojë banorët që ngrejnë zërin kundër abuzimeve me pronat publike.
Në përfundim, ai theksoi se ngjarja është një provë e qartë e mungesës së demokracisë dhe kërkoi drejtësi për 27-vjeçarin nga Pogradeci.
“U nisa nga Tirana të paktën për të përshëndetur dhe për të inkurajuar Kevi Muçllarin për aktin e tij qytetar që bëri në Keshillin Bashkiak të Pogradecit. Në mënyrë tinëzare dhe aspak njerëzore u arrestua dhe ka një akuzë të fabrikuar vetëm se bëri detyrën e tij qytetare. Sot unë mendoj që të gjithë shqiptarët duhet të ishin krenarë se si një djalë qytetar, një student i 10-tës në shkencat politike ngrihet pro banorëve dhe shkon në një mbledhje të Këshillit Bashkiak ku në vend të inkurajohet, arrestohet dhe mbahet në burg pa patur mundësinë për ta takuar. Unë mendoj që nesër kushdo gjyqtar qe do ketë çështjen e tij të japë drejtësi, ta lenë në gjendje të lirë se kemi të bejmë qartësisht me një shkelje të kushtetutës dhe të drejtave të njeriut. Imagjinoni absurdin që një njeri merr guximin të protestojë, të ngrejë zërin, jetojmë në një vend demokratik, provokohet nga kryetari i bashkisë dhe i montohen akuza të paqëna duke parë videon të gjithë shqiptarët. Muçllari duhet përgezuar për të gjithë aktin që mori sepse ky është një model që duhet të inkurajohet në shoqëri. Duhet të protestojnë e jo të rrinë gojëkyçur dhe aq më tepër që kemi të bejmë me një akt korruptiv të Bashkisë Pogradec që u merr banorëve një pronë të përbashkët dhe pa treguar qëllimin se çfarë do ta bëjnë atë pronë, detyron e Këshillin Bashkiak të tjetërsojë atë pronë komunitare. Kam marrë kontakt edhe me avokaten e popullit sot e cila më ka konfirmuar që është rregjistruar çështja për të parë nëse ka shkelje në arrestimin e Muçllarit. Gjithashtu si deputet dhe si anëtar i komisionit të sigurisë kombëtare, do i kërkoj AMP-së të hetojë rastin e Muçllarit se besoj se kemi të bëjmë me një shkelje të të drejtave dhe lirive të njeriut, se si një qytetar arrestohet pse protestoi. Ky është një absurd tjetër sesi një vend synon të anëtarësohet pas disa vitesh në BE, i riu arrestohet se proteston. Unë mendoj se kemi të bëjmë me një mesazh të pastër politik, për tu thënë të gjithë banorëve të Çërravës, një nga fshatrat me të mëdhenj të Korcës, por edhe gjithë Shqipërisë që kushdo që ngre zërin do ketë fatin e tij”, deklaroi Kapri. -
Apeli vulos dënimin për ish-kryebashkiakun e Pogradecit, rrëzohet kërkesa për pafajësi
ApeliGjykata e Posaçme e Apelit për Korrupsionin dhe Krimin e Organizuar, vendosi të martën më 11 nëntor lënien në fuqi të vendimarrjes së Shkallës së Parë të këtij juridiksioni, për deklarimin fajtor të ish-kryetarit të Bashkisë së Pogradecit, Eduart Kapri dhe dy vartësve të tij, të akuzuar se lejuan kryerjen e punimeve në kundërshtim me ligjin në një pallat 14-katësh të kompanisë së themeluar nga vetë Kapri, që administrohet nga vëllai i tij. Vendimi u mor nga trupi gjykues I Apelit të Posaçëm i kryesuar nga gjyqtarja Nertina Kosova dhe anëtarë Florian Kalaja e Saida Dollani.
Kapri u dënua më 27 shkurt për veprën penale të “shpërdorimit të detyrës” e kryer në bashkëpunim me 1 vit e 6 muaj burgim, që në aplikim të gjykimit të shkurtuar u reduktua në 1 vit burg. Kjo masë dënimi me burgim u pezullua dhe Kapri u vendos në provë për një afat prej 2 vitesh.
Fajtorë për shpërdorim detyre u deklaruan edhe juristi i Bashkisë Pogradec, Besjan Meço dhe specialistja e Drejtorisë së Planifikimit dhe Zhvillimit të Territorit në këtë njësi vendore, Besmira Niko, të cilët u dënuan me nga 8 muaj burgim. Edhe për këta të pandehur, gjykata vendosi ta pezullojë dënimin dhe i la në shërbim prove për 1 vit e 4 muaj.
Kompania Gedi sh.p.k e mori lejen për ndërtimin e një kompleksi banimi në vitin 2009, kur administrator ishte vetë ish-kryebashkiaku Eduart Kapri. Bashkia Pogradec ia refuzoi Kaprit zgjatjen e afatit të kësaj leje ndërtimi, për shkak se afati për përfundimin e punimeve ishte data 9 dhjetor 2014 dhe kërkesa e subjektit ndërtues ishte depozituar me shkrim jashtë afateve ligjore.
Në mars të vitit 2016, kur konflikti administrativ mes bashkisë dhe shoqërisë së Kaprit ndodhej ende për gjykim pranë Gjykatës Administrative të Apelit Tiranë, ai në cilësinë e kryetarit të Bashkisë, lejoi jo vetëm përfundimin e punimeve të pezulluara nga administrata e mëparshme, por edhe ndërtimin e kateve shtesë nga ana e shoqërisë me administrator vëllain e tij, Gëzim Kapri./BIRN -
“I trajtuat si kriminel, pse nuk merreni me makinat e të fortëve”, Kapri pyet Koçiun për monopatinat, ministrja: Po punojmë me intesitet për ligjin
erald kapri dhe albana kociu
TIRANË- Ministrja e Brendshme Albana Koçiu është duke raportuar përpara deputetëve në Komisionin për Çështjet e Brendshme, ku u pyet nga deputeti Erald Kapri, mbi vendimin drastik për ndalimin e qarkullimit për motomjetet elektrike. Kapri u shpreh se sekuestrimi i mjeteve të qytetarëve u bë pa asnjë bazë ligjore, duke shkelur të drejtën e pronës, ndërsa ministrja tha se prevalon e drejta për mbrotjen e jetës, për shkak të numrit të aksidenteve, në të cilat këto mjete ishin përfshirë. Edhe pse nuk dha një afat, se kur ligji do të jetë gati, Koçiu u shpreh se për draftin po punohet me shpejtësi, dhe sapo të jetë gati ai do të kalojë për votim në Kuvend.
Erald Kapri: Në lidhje me monopatinat, në udhëzimin që ju keni nxjerrë nuk keni asnjë bazë ligjore. Këtu keni shkelur një parim kushtetues, një i ri që shmang trafikun në Tiranë, që ble një produkt me taksa, madje merr dhe kredi për atë, shkoni dhe jua konfiskoni, i lini në një ambient që po shkatërrohen atje, dhe ju thoni ne po bëjmë ligjin. Ky nuk është standard europian zonja ministre, si mund ti ndaloni përdoruesit e monopatinave, pa ligj, ndërkohë që nuk ndaloni makinat e të fortëve, kur keni një ligj antimafia në fuqi. Ju nuk merreni me të fortët por me të dobtët, merreni me një shtresë të shoqërisë që punojnë nga mëngjesi në darkë, dhe ju i trajtuat si kriminel. Unë hapa përdorimin në Vjenë, ku përdoruesit e monopatinave trajtohen si përdoruesit e biçikletave. Nuk i ndalon njeri përdoruesit.
Albana Koçiu: Sa i përket monopatinave, arsyeja kryesore që ne shkuam në një masë drastike është fakti i aksidenteve të shpeshta, të këtyre mjeteve që janë të parregulluara në legjislacion, që duhet të kenë një shpejtësi të normuar. Ka monopatina që ecin me shpejtësi deri në 80 km në orë, kjo ishte arsyeja e një mase esktreme dhe të menjëhershme, është masë që e kanë ndërmarrë edhe shtete të tjera më herët. Unë besoj që është shumë e rëndësishme që është mbrojtja e jetës së fëmijëve tanë, në raport me një investim që është patjetër i rëndësishëm, për këdo. Patjetër që përdorimi i tyre përmirëson ndotjen në mjedis, por ka prioritet mbrojtja e jetës. Ne po punojmë me intesitet, shumë shpejt do të paraqiten rregullimet e reja, të cilat do ta kthejnë përdorimin e këtyre mjeteve ashtu siç duhet për të garantuar sigurinë.
Me vendim të ministres Koçiu, motomjetet elektrike janë ndaluar që prej datës 13 Tetor, ndërkohë që një numër i madh mjetesh janë sekuestruar, dhe po mbahen në mjedis të hapur, duke u bërë rrezik edhe për funksionimin e tyre. Mjete të tilla janë të ndjeshme ndaj lagështirës, dhe ekspozimi në shi mund të sjellë dëmtimin e pariparueshëm të tyre. /ZËRI