Deputeti demokrat, Arjan Ndoji e ka quajtur akt jo burrëror tërheqjen e firmave që kolegët e opozitës kanë dhënë për disa nga kandidatët për avokat të Popullit.
Duke folur në mbledhjen e Komisionit të Ligjeve, ai tha se megjithatë, nga ana juridike, akti është i njëjtë me një ankim që tërhiqet në Gjykatë dhe kjo e fundit pushon çështjen.
“Të gjithë anëtarët e grupit të PD-së kanë tërhequr nënshkrimet për të gjithë kandidaturat. Po e them publikisht, nga pikëpamja morale ky nuk është akt as burrëror as juridik. Mbaj përgjegjësi për këtë që po them. Nga pikëpamja juridike ndodhemi para një fakti: imagjinoni kodin e procedurës civile kur një palë që ka bërë ankimin heq dorë nga e drejta ankimit brenda afatit. Çfarë ndodh në gjykata? Ankimi nuk ka vlerë. Po e njëjta gjykatë vendos moskalimin në seancë dhe e bën me deklarim që ky ankim nuk ekziston më”, tha Ndoji.
Tag: juridike
-
PD tërhoqi firmat për kandidatët për AP, Ndoja sulmon grupin e tij: S’është burrërore që…
-
Kriza politike nuk zgjidhet me mjete juridike
Nga Lorenc Vangjeli
A mund të pezullohet veprimtaria e një anëtari të qeverisë? Ka të drejtë një gjykatës dhe një prokuror që të largojnë nga detyra deputetin ministër apo ministrin deputet? A ka shkelur gjykata e posaçme kompetencat e kryeministrit kur kërkon pezullimin e anëtarit të kabinetit?
Dhe mbi të gjitha, a ka frakturë të parimit të ndarjes, kontrollit dhe ekuilibrit të pushteteve? Të yshtur nga interesi dhe duke kalëruar interesa të ndryshëm, Edi Rama e Sali Berisha japin përgjigje të kundërta. Shumë më elegant se Berisha, Edi përgjigjet me jo! Shumë më agresiv se Rama, Saliu përgjigjet po! Të dy njerëzit e politikës, në kurs përplasjeje me drejtësinë, diktojnë më pas, gjithë shtratin e gjithë debatit publik në Tiranë. Mbas tyre, sipas besimit tek njëri apo tjetri dhe mbi të gjitha, sipas interesit vetjak e jo në pak raste, edhe interesave egoiste e financiare, herë si shejtanë të llafit, e herë si budallenj të pafajshëm, shumë zëra publikë rekrutohen në llogoret e sulm kundërsulmit të fakteve që i trajtojnë si opinion.
Të gjitha këto janë dilema të rëndësishme. Zgjidhjet e mundshme të tyre do të kenë ndikim të jashtëzakonshëm, jo vetëm në të ardhmen e afërt të parashikueshme, por edhe për shumë përtej saj. Ato janë të lidhura edhe me fatin individual të zonjës Balluku, edhe me raportet e kufijtë mes pushteteve kushtetuese në Shqipëri. I gjithë sistemi është nën tension dhe po teston vetveten. Dhe kjo gjë ndodh në çdo demokraci, po ndodh edhe në demokracinë problematike shqiptare. Por, dhe këtu ka një “por” të madh, udhët drejt të vërtetës janë të pafundme.
Trokitja tek Gjykata Kushtetuese si autoriteti i vetëm për të bërë arbitrin në këtë sherr, është vetëm një prej tyre. Edi Rama, si kryeministër dhe jo si individ, është në të drejtën e Zotit të kërkojë shpjegim. E megjithatë, në mos qoftë vetëm e parakohshme, kjo është, së paku, trokitje jo në derën e parë që duhet hapur. Ka një keqkuptim të madh që vjen nga përdorimi i mjetit të duhur në kohën e gabuar. Çdo kirurg do të dështonte nëse në vend të bisturisë do të detyrohej të përdorte sqeparin. Kriza e krijuar nuk është krizë juridike. Ajo është para së gjithash krizë politike. Dhe kriza politike nuk mund të zgjidhet me mjete juridike. Edhe aty ku duket se kushtetuta nuk jep zgjidhje as në gërmë dhe as në frymë, ka një kushtetutë të epërme, të shkruar nga tradita evropiane dhe ende jo e njohur në Shqipëri, që urdhëron zgjidhje të ndryshme.
Eshtë kushtetuta morale dhe politike. Që “në frymë dhe në gërmë”, thotë se një anëtar i kabinetit i vënë nën akuzë penale, aq më tepër me statusin e të pandehurit në një proces penal, jep dorëheqjen dhe përballet si individ me drejtësinë. Dhe nëse kjo gjë nuk ndodh, atëherë kryeministri dekreton shkarkimin dhe shkon në presidencë për të noterizuar vullnetin e tij kushtetues dhe politik. Nuk ka nevojë të citosh Kolombin e të kesh zbuluar rastësisht Amerikën, për të zbuluar sjelljen me vezën e tij proverbiale në këtë bela lokale që i ka rënë për pjesë kësaj here Tiranës.
Gjithçka tjetër i ngjan lutjes së pleqve në dimër, “Bli ditë e rro!’. Erion Veliaj, një tjetër skaj i përplasjes së pushteteve, është shembulli i mosfunksionimit të këtij parimi. I tentativës për të zgjidhur krizën politike me mjete juridike. Fati individual i kryetarit të bashkisë së Tiranës mund të kishte qenë krejt ndryshe nëse betejën e tij do ta bënte nga pozicioni i dorëheqjes morale si akt politik e moral që në ditën e arrestit. Ky akt, pavarësisht se do të dukej si humbje për momentin, do të ishte kapital i paçmueshëm në një rilindje të dytë të mundshme, politike e morale të Veliajt. “Kështu bëjnë edhe në Paris!”, i tha dikur Madam Bovarisë jarani Leon, teksa tentonte të shëtiste dorën e tij poshtë dantellave të dekoltesë së saj.
Kështu ndodh në Evropë! Nuk ka alternativë tjetër. Skenarët janë të parashkruar, pavarësisht emrave të aktorëve që kanë vënë në skenë dramën e ditës në Tiranë. Edhe nëse Gjykata Kushtetuese vendos pezullimin e pezullimit të zonjës Balluku, do të ketë vijim të procedimit dhe ndoshta edhe rëndim të masave shtrënguese ndaj saj. Edhe nëse Gjykata Kushtetuese pretendon se është dorëjashtë dhe e painvestuar për të ndërhyrë në këtë stad të hetimit, meqë nuk janë harxhuar të gjitha shkallët e gjykimit të statusit juridik të zonjës Balluku, ky do të jetë vetëm një projektim në të ardhmen i hallit të sotëm. Në të gjitha rastet, mund të thirret lehtësisht në apel këshilla e hershme kineze: “Kur ndjen frymën e nxehtë të “armikut” mbas qafe, kur ai të dihat tek veshi dhe e dëgjon duke rënkuar, rri dhe mos lëviz! Po lëvize, thjesht kënaq “armikun!”.
-
“Ora e Tokios s’punon më”, Gjokutaj shpërthen ndaj Ramës: Kryeministrit po i shteron koha për t’i shpëtuar hetimeve
Teksa kryeministri Edi Rama vendosi të ankimojë në Gjykatën Kushtetuese masat e sigurisë të caktuara nga SPAK për zëvendëskryeministren Belinda Balluku, për avokatin Genci Gjokutaj, një lëvizje e tillë është sa politike, aq edhe juridike, që në thelb synon të mbrojë vetë kreun e qeverisë.
I ftuar në një emision televiziv, Gjokutaj tha se padia në Kushtetuese nuk është një mbrojtje për Ballukun, por një avokati që kryeministri po i bën vetes, pasi rrezikohet edhe vetë nga hetimet e drejtësisë.
“Zjarri ka arritur tashmë në paradhomën e tij,” shprehet Gjokutaj, duke sugjeruar se Rama po përpiqet të blejë kohë dhe të largojë vëmendjen nga përgjegjësitë e tij.
Sipas juristit, çështjet për të cilat hetohet Balluku nuk janë të stisura, por kanë “ulëritur me vite të tëra”. Duke e çuar çështjen në Gjykatën Kushtetuese, kryeministri akuzohet se po e përdor këtë institucion si një “poligon politik” për të zgjidhur hallet e tij personale dhe politike.
Shikoni, së pari, çështja është edhe politike, fortësisht politike, është edhe juridike. Dhe vetëm në këtë status, e kupton, duke dashur të lançojë një zgjidhje juridike, nuk ka dalë dot nga ai refreni i përditshëm i kapitujve, integrimit, dhe Shqipëria do të hyjë në analet e historisë së Europës si një vend i cili do të integrohet me krim, me korrupsion. Shikoni, ashtu siç e tha dhe Andi, nuk janë të stisura çështjet e Belinda Ballukut dhe të Edi Ramës. Ato janë aty. Kanë ulëritur me vite të tëra. Tashi SPAK-u sigurisht me, sepse kuptohet që SPAK-u është një vullnet, nuk e ka bërë Edi Rama SPAK-un, e kanë bërë amerikanët.
Tashi, nuk ka ndodhur ndonjëherë, dhe këtu vërtetohet katërçipërisht grup i strukturuar. Se zëvendëskryeministrja me kryeministrin janë bashkë. Pra Edi Rama në këtë rast politikisht dhe juridikisht po bën avokatinë e tij. Avokatinë politike dhe avokatinë juridike, të tij. Sepse zjarri ka arritur tashmë në paradhomën e tij. Mbron veten e tij. Sigurisht nëpërmjet kësaj, unë e kam shprehur dhe në një status që i ka thënë që, unë po ta çoj në kushtetuese, ti e di vetë se ç’bën se atë i ka kërkuar ajo, më jep vetëm kohë. E kupton?
Do kohë, se kujtojnë se do të ecet prapë me orën e Tokios, siç kanë punuar këta deri më sot. Dhe ky, tashti po ta shikoni, juridikisht po ju them, ka përdorur, pikën, pikën B të nenit 134, ku legjitimohet kryeministri. Pra e ka bërë nominalisht, ndërkohë që ai mund ta bënte ë në emër të 1/5 së deputetëve, por kjo 1/5 e deputetëve është një gropë e hapur për Berishën sepse dhe janë shmangur asaj. Tashi e ka marrë këtë punë për të treguar, e kupton mbështetjen e Belindës apo, nuk ka rëndësi.
Problemi është që ajo është një fiasko juridike, sepse personat e emëruar nuk janë persona të zgjedhur dhe e thotë dispozita që nuk mund të, nuk, nuk mund të zbatohet, e kupton, masa e sigurimit thotë ndaj të zgjedhurve. Ashtu. Për më tepër pastaj, rasti i Belinda Ballukut sepse ne do t’i hyjmë, do t’i hyjmë kazusit. Pra kemi një masë shtrënguese si ndalimi i daljes jashtë shtetit, kemi dhe një masë ndaluese pezullimi nga detyra. Në fakt me një marrëveshje politike, askush në Republikën e Shqipërisë nuk ka imunitet, përveç se kërkohet leje për kufizimin e lirisë. Këtu ka mbetur kjo punë. Pra imuniteti nuk ekziston më. Pra kur, sepse nuk është ribotuar Kushtetuta. Fjala imunitet është të marrësh lejen edhe për të filluar çështjen. E jo më, për vetëm për masat e sigurimit, por ato që cenojnë lirinë e individit.
Është fakulteti im i dytë ajo çështje, prandaj unë flas dhe e shpjegoj. Dhe kur vijmë te kjo pikë, e kupton, flasim për njerëz të emëruar që ti do të mbrohesh me një imunitet të paqenë dhe unë them që Gjykata Kushtetuese, domethënë, një shtetar dhe një lider nuk duhet ta përdorë Gjykatën Kushtetuese siç e kanë përdorur deri më sot si poligon politik. Sepse ky është poligon politik. Sepse nuk ka gjë më, më, më, më të padenjë për një shtetar që nuk, nuk ushtron kompetencën e tij të propozojë shkarkimin ose t’i thotë koleges, jep dorëheqjen dhe mos na jep një njollë politike, por vetë e bën te haxhiz tash Gjykata Kushtetuese, hajdeni ju, thotë. Këtej godet me ndërprerje mandatesh. Këtej u jep letra thotë se është në hall Edi Rama. Shiko, halli i këtij kryeministri është bërë hall i madh për shqiptarët. -
Kallëzoi Dogjanin në SPAK për një apartament: Nuk ia kam dhuruar, ka paguar 134 mijë euro! Reagimi i Demokratit
Deputeti i Partisë Demokratike, Asllan Dogjani dhe biznesmeni Ilirjan Çela janë paraqitur në SPAK lidhur me hetimet që ka nisur prokuroria pas kallëzimit të këtij të fundit për një apartament që i ka shitur deputetit në vitin 2006.
Ilirjan Çela pretendon se Dogjani e ka paguar në total për apartamentin 128.4 metra katrorë plus garazh, 133.980 euro. Ndërkohë Dogjani nga ana tjetër thotë se ai nuk e ka paguar Çelën, por e banesën e ka përfituar si pasojë e shërbimeve juridike dhe konsulencave që i ka dhënë biznesmenit në vitin 2006, edhe pse në atë kohë nuk dispononte një licencë juridike.
Ndërtuesi Çela në dalje të SPAK, ka thënë se Dogjani ka në bashkëpunim me noteren, ka bërë një kontratë të dytë false, ku thuhej se apartamenti ishte dhuruar.
“Jam akuzuar disa herë nga Dogjani për çështje nga më të çuditshme që nuk kam asnjë lidhje Ai thjeshtë përmend emra, bën deklarata të çuditshme. Ai ka blerë një apartament tek unë. Unë kam ndërtuar një pallat Hamit Shijaku dhe ka blerë apartament me gjithë garazh që bën 134 mijë euro. Më vonë marr vesh që ky na kishte bërë një kontratë të dytë me noteren fallco, ku deklaronte që pronën e ka përfituar nëpërmjet këshillimeve juridike. Më ka dhënë mua ai këshilla juridike. Ai s’ka qenë as avokat në vitin 2006, as licencën nuk e kishte. Unë mendoj që një polic, me një rrogë të thjeshtë të asaj kohe, nuk deklaron pasurinë, o ka korrupsion brenda o bashkëpunim me krimin. Ky i ka paguar paratë, siç funksiononte ato vite, nëpërmjet administratorit tim i cili i ka derdhur në bankë dhe janë në bankë të regjistruar për blerjen e apartamentit nga Asllan Dogjanit. Ky tani pretendon se nuk më ka dhënë asnjë lek. Po ku i gjeti administratori im 134 mijë euro që i pagoi për Dogjanin dhe gjithë blerësit e tjerë! Administratori im që s’ka bukë të haj, derdhe lek në bankë për këta, sipas atij.
Ai nuk është jurist dhe sot, nuk ka pasur licencë. E ka marr licencën në vitin 2007. Të shohësh deklarimet e pasurisë të këtij polici, ma kalon dhe mua që i kam shit elektroshtëpiake gjysmës së Shqipërisë. Po të shohësh një deklarim që i ka falur bacanaku 164.375 dollarë për të blerë ky një dyqan. Nuk e blinte dot vetë baçanaku dhe t’ia linte këtij në përdorim. I ka dhënë mamaja 30 milionë lekë me një pension 30 mijë lekë në fshat. Fisi, dashamirësi i ka dhuruar 25 mijë euro. E shoqja që mesa di unë nuk ka punuar asnjë ditë deklaron që ka 200 mijë euro të ardhura nga punë të deklaruara jashtë dhe brenda vendit. Një hajdut del dhe thotë kapni hajdutin. Turp që përfaqësohemi nga ky nivel Ky që i është lëpirë Edi Ramës nga mbrapa me vite të tëra, del dhe shan arkitektin e Shqipërisë Evropiane. Sot i lëpihet Berishës. Ka dhe një çun daje ky që ia kam bërë dosjen gati Fatos Rexha, ka qenë kryetar i Paskuqanit për 8 vite.
Unë nuk e dije që ekzistonte një kontratë fallco. Kisha bërë një kontratë në shtator 2006 me vlerë 128.4 m dhe garazh me vlerë 133980 euro. Po në 2006 me noteren Abrazi bën këtë kontratën tjerër me këshilla juridike. Nuk po gjeja kontratën origjinale dhe kërkoj djalit të shkojë të marrë një fotokopje për ta noterizuar. Ajo nuk ia jep. Shkoj vetë më dha këtë paçavuren e dhjetorit. I shkova dhe i thashë çfarë ke bërë. Më bëri dhe kallëzim në prokurori. Ngeli prokurori kur ia çova të dyja. Dhe më pas bëra kallëzim në SPAK. Në deklarimin e pasurisë ka fut këtë kontratën fallco”, tha Çelaj.
Ndërkohë nga ana tjetër, Dogjani e akuzon biznesmenin për një sërë çështjesh të tjera, zaptim, borxhe, rrahje. Demokrati i qëndron të vërtetës së tij, ai thotë se ai apartament i është dhuruar ndërsa shton se Ilirjan Çela, brenda 1 viti e ka ndryshuar deklaratën e tij 4 herë.
“Ju pak më parë kishit një person që më ka kallëzuar mua për një apartament në vitin 2006 ndërkohë që e kam shpjeguar. Ai apartament është përfituar nga puna ime për shërbime dhe konsulenca me një kontratë përpara noterit. Konsuletat jepen dhe pa licensën e avokatit, këshilla miqësore.
Njeri që sot ka detyrime 100 mijë euro ndaj Mentor Dajës, ish pronar i truallit. I irrituar se unë i kam bërë kallëzim e ka legalizuar oborrin e pallatit dhe fatmirësisht bashkia pas kaq vitesh ia ka marrë një pjesë të pallatit, të përbashkët. I bëj thirrje Ramës që punonjësit e IMT nuk ia kanë marrë të gjithën.
Ky njeri është i kallëzuar nga administratori para 1 jave që e ka rrahur. Është kallëzuar nga komisariati nr3 për zaptim prone. Është i kallëzuar nga ish-pronarë për vjedhje prone se i ka dhuruar në emër të një Rmazan Gjoni, një pronë që kushton 500 mijë euro. Të dyja kontrata janë bërë me marrëveshje, ky ka qenë atje. Një herë në fillim thotë nuk di gjë për kontratën. Një muaj më vonë thotë u çudita që e pashë atë deklaratë. Por kur vjen deklarata me shkrim dore që ka deklaruar vetë se e ka dhënë shtëpinë për shërbime në vitin 2010, thotë më falni se ia kam bërë për ndër Asllanit se ma kërkoi por e kam bërë në vitin 2021 jo në vitin 2010. Pastaj kur pyetet pas një viti thotë më falni e km bërë në vitin 2021 por para se të shitej kompania, sot tha në vitin 2010. Kemi bërë kontratën duke qenë dhe ky prezent, fillimisht e kemi bërë me para. Kishte nevojë për shërbimet e mija. E kemi gris këtë kontratën e parë duke qenë dhe ky atje dhe e kemi bërë për shërbime. Shërbime nuk jepen kur ke autorësi juridike jepet dhe pa autorësi juridike. Ky njeri është i kallëzuar deri tani me dhjetëra herë nga banorë të pallatit, nga ish-pronarë. Të paktën 4 herë ka ndryshuar brenda 1 viti deklaratën” tha Dogjani. -
Arrestimi i avokatit/ Abilekaj: Prokuroria është kthyer në institucion të mbifuqishëm që nuk pyet as për gjykatën
Gazetari Enton Abilekaj, i ftuar në edicionin informativ ‘Ora 19’ në SYRI TV, ka komentuar arrestimin e avokatit Uljan Bajrami, duke e cilësuar këtë ngjarje si një tregues alarmant të mungesës së sigurisë juridike në vend.
Gjatë bisedës me moderatoren Armela Ferko, Abilekaj deklaroi se:
‘Arrestimi i tij ka bërë që siguria e një avokati të jetë zero, dhe po ashtu edhe e një qytetari.’
Sipas tij, në Shqipëri është krijuar një realitet ku prokuroria ka marrë një fuqi të pakontrolluar, duke e lënë gjykatën jashtë loje:
‘Është krijuar një prokurori e mbifuqishme që nuk pyet më pas për gjykatën.’
Gazetari nënvizoi se siguria juridike është themeli i një demokracie funksionale, dhe se rasti i arrestimit të një avokati vetëm sepse ka paralajmëruar një padi ndaj një prokurori, është i papranueshëm:
‘Mendoj se, siguria juridike e çdo qytetari, sidomos e një avokati është thelbësore në një demokraci. Nuk mund të ndodhë, është e paimagjinueshme që të ndodhë një ngjarje si ajo e arrestimit të avokatit, sepse po paralajmëron një prokuror se do e padisë për falsifikim dokumentesh.
Pra siguria juridike e një avokati sot është zero.’
Abilekaj ngriti shqetësimin se kjo situatë krijon një precedent të rrezikshëm për avokatët dhe qytetarët, të cilët mund të ndëshkohen vetëm pse kritikojnë apo kundërshtojnë një akt të prokurorisë:
‘Nëse një avokat do të jetë i pakënaqur me punën e prokurorit, me akuzën. Nëse do të shikonte tek akuza, një punë të njëanshme dhe të qëllimshme kundër një klienti të vet, nëse do ta shprehte atë në gjykatë, do të mund të arrestohej.
Mungon siguria e qytetarit, i cili mund të arrestohet, të mbahet në paraburgim për muaj dhe të mos merret në pyetje, siç ka ndodhur me qytetarë të thjeshtë apo dhe persona të njohur, siç ka ndodhur deri më sot, dhe askush nuk merret me ta dhe të gjithë e justifikojnë me luftën ndaj korrupsionit, ndaj krimit të organizuar etj.’
Abilekaj tha se jemi përballë një sistemi të deformuar ligjor dhe kushtetues, që nuk garanton të drejtat themelore të qytetarëve:
‘Ne kemi krijuar një prokurori e cila është e mbifuqishme, e tejfuqishme dhe një gjykatë krejt të pafuqishme për të kontrolluar prokurorinë.
Dhe pastaj një sistem ligjor dhe kushtetues i cili nuk e mbron dot qytetarin në të drejtën e vet legjitime, pra në sigurinë juridike që ai duhet të ketë përballë akuzës, që është gjëja më normale në çdo vend të botës.’
-
Lojë politike apo juridike? Meçe sqaron strategjinë e Veliajt dhe vonesën e Begajt: Është goditur..
“Veliaj po bën lojë juridike”, kështu u shpreh analisti Arben Meçe në një emision televiziv, teksa komentoi përplasjen institucionale rreth dekretit presidencial për shkarkimin e kryebashkiakut të Tiranës.
Sipas Meçes, letra e Presidentit Begaj drejtuar Gjykatës Kushtetuese nuk erdhi në kohën e duhur dhe përbën një ndërhyrje të vonuar dhe përfshirje të Presidentit në “lojën politike”.
Ai thekson se çështja tashmë ndodhet në duart e Kushtetueses, e cila ka hyrë në fazën përgatitore të shqyrtimit, ndërsa Veliaj po zhvillon një betejë juridike me pretendimin se është i goditur politikisht dhe se çështja do të përfundojë në Gjykatën e Strasburgut. -
‘Do ketë një luftë juridike që nuk e kemi parë në 34 vite’, paralajmëron Kulla: Bashkia e Tiranës do jetë me 2 kryetarë
Eksperti i sigurisë Ilir Kulla duke folur në emisionin “Zonë e Lirë” në Mcn mbi rastin Veliaj, parashikoi nisjen e një lufte juridike që s’e kemi parë më herët në 34 vite. Kulla parashikon që Bashkia Tiranë do të jetë me dy kryetarë bashkie dhe që Veliaj do të dalë i fituar nga Strasburgu.
“Ka një proces që duhet shpjeguar. E para ka ndodhur një shkarkim politik nga partia. Me Veliajn PS ka bërë praktikisht një divorc, dhe këtë e shpreh përmes kërkesës për zgjedhje të parakohshme. Pastaj është pjesa juridike, ku Këshilli Bashkiak ka votuar me konsensus PD-PS për shkarkimin e kryetarit të bashkisë, me justifikimin se s’ka ardhur në punë. Ata kanë bërë një gabim trashanik, sepse ai ka bërë kërkesë që do marrë pjesë në mbledhje, dhe e kanë refuzuar. Këtu është lapsusi i parë. Ndodhemi në një konflikt juridik ku Veliaj dhe avokatët e vet po bëjnë atë që i duhet, për të paraqitur fakte në Strasburg, mbi të drejtat e shkelura. Begaj mund t’i shkruante Komisionit të Venecias, dhe mund t’i thoshte s’i shpjegohet në këto raste, dhe do merrte një shpjegim.
Në javët e ardhshme do shohim një luftë juridike që s’e kemi parë më parë. Parashikoj që Bashkia e Tiranës do jetë me dy kryetarë bashkie. Parashikoj që Veliaj do shkojë në Strasburg dhe nga aty do vijë i fituar, që shkarkimi ka qenë i paligjshëm, dhe shteti shqiptar do duhet ta paguajë për gjithë dëmet që i janë bërë. Do shohim një luftë politike dhe juridike që s’e kemi parë më parë”. -
“Veliaj nesër do të shkarkohet me ceremoni”/ Ana juridike e çështjes, reagon avokatja: Lexim strikt i normave…
Avokatja, Enida Bozheku e ftuar në një intervistë televizive u shpreh se në një lexim strikt të normave juridike, nesër Erion Veliaj do shkarkohet me ceremoni.
Enida Bozheku:
Problemi real shndërrohet me zotin Veliaj i cili duam apo nuk duam aktualisht, ligjërisht mban funksionin e kryetarit të bashkisë së Tiranës.
Por në atë që është hapësira ligjore për shumë situata problematike që vendi jonë ka pasur, ngre pikëpyetje mbi ligjshmërinë politike që ndërhyn tek ligji.
Dhe në këtë rast jemi në këtë dilemë. Sepse zoti Veliaj nëse do ta lexonim ligjin të pastër siç është do të thoshim që do ti shpëtonte marifetit në një interpretim më të gjerë, më pozitivisht të së drejtës do thonim që do i shpëtonte shkarkimit.
Ndërsa në një lexim strikt të normave juridike, ashtu siç lexohen pa hyrë në dinamikat interpretuese kuptohet që unë mendoj se nesër ai do të shkarkohet dhe me ceremoni. -
‘Po thërmohet miti 20 vjeçar’ Bushati: Gjyqi në Hagë po fillon rishkrimin e historisë mbi rolin e liderëve të UÇK-së
Ish-ndihmësi i sekretarit amerikan të Shtetit, James Rubin, dëshmitari i parë i mbrojtjes së Hashim Thaçit, dëshmoi për disa orë në Hagë mbi njohjen, takimet dhe komunikimet me Thaçin dhe pjesëtarë të tjerë të UÇK-së. Ai e përshkroi rolin e Thaçit në UÇK si politik, duke theksuar se nuk kishte autoritet të plotë mbi komandantët e saj.
Pikërisht dëshmia e James Rubin, ish zv sekretarit amerikan të shtetit dhe njeriut të besuar të Madeleine Albright, sot në Hagë, ka ngritur pikpyetjen nëse epopeja e lavdishme e çlirimtarëve ka pasur vërtet emër, komenton analisti Andi Bushati, i ftuar në studion e “Çim Peka live’ në Syri Tv.
Bushati thotë se kjo mbrojtje juridike po thërmon mitin se UÇK-ja dhe liria ka emrin e Hashim Thaçit, Kadri Veselit, Jakup Krasniqit dhe Rexhep Selimit. Bushati thotë se një mbrojtje e tillë juridike mund të jetë e mirë për ta por rishkruan historisë mbi rolin e liderëve të UÇK-së dhe tharmon mitin e ngritur në këto 20 vite.
“Unë besoj që ata burrat që janë në Hagë nuk janë të fajshëm. Por është tjetër gjë akuza juridike që i bëhet dhe tjetër mënyra si po mbrohen. Ajo që tha sot Rubin nuk ishte rastësi. Ishte vija mbrojtëse që mbrojtja e Hashim Thaçit ka bërë në Hagë.Thaçit nuk i binden komandatëve, ishte thjesht një zëdhënës i komandantëve. ishte një ministër i Jzashtëm i kësaj ushtrie. Pra kishte një rol minor.Kur këta u morën të pandehur nisi lëvizja Liria ka emër, UÇK-ja ka emrin e këtyre burrave. Por nëse liria ka emrin e këtyre 4 burrave atëherë ata kanë qenë vendimtarë dhe jo zëdhënësa të komandantëve.
Frika ime është sido që të përfundojë gjyqi në pranverë apo më vonë. Ishalla janë të pafajshëm,e kthehen në shtëpi.. por ky proces, edhe po si dënoi, po fillon rishkrimin e historisë mbi rolin e liderëve të UÇK-së. Kur del Hashim Thaçi e thotë nuk më bindet njeri . E besoj fabulën që UÇK-ja nuk ka qenë trupë që i bindej Thaçit. Dhe për mbrojtjen e tij juridike mund të ketë të drejtë por mbrojtja juridike, thërmon mitin se kjo ka qenë ushtria e Hashim Thaçit e Kadri Veselit. Ata kanë qenë – e unë besoj se është e vërtet, sic tha Rubini sot – zëdhënësa politikë të një lëvizjeje që ka qenë patriotike, kaotike, e shpërdarë e me celula. Nuk besoj se Ramushi i bindej Hashimit se do të bëjmë këtë aksion.Ramushi merrte familjen e shkonte atje ku i thoshte koka. Por ky rishkrim i historisë që po ndodh forcon mitin e UÇK-së. Secili ka qenë patriot në ngastrën e tij. Dikush në një zonë e dikush në një zonë tjetër, por ama zvogëlon mitin e atyre që u rekën të privatizojë atë që përfaqësonte UÇK. Nuk e di, kjo mund të jetë juridikisht e përfitueshme për Thaçin e Veselin, por nuk di sa i shërben mitit që ata kanë ngritur këto 20 vite. Për mua e thërmon mitin” thotë Bushati.
-
Prezenca e OSBE, takime informuese në disa bashki për ndihmën juridike falas
Çdo qytetar ka të drejtën për akses të barabartë në drejtësi, pavarësisht gjendjes ekonomike, sepse drejtësia është një e drejtë, jo një privilegj. Prezenca e OSBE në Shqipëri, në vijim të nismës për fuqizimin e bashkëpunimit ndërmjet Drejtorisë së Ndihmës Juridike Falas dhe pushtetit vendor, këtë javë, zhvilloi takime informuese dhe bashkëpunuese në bashkitë Fushë-Arrëz, Malësi e Madhe dhe Vau i Dejës.
Këto takime shërbyen për të ndërtuar ura bashkëpunimi, jo vetëm me përfaqësues vendorë, por edhe me organizata të shoqërisë civile që veprojnë në fushën e të drejtave të njeriut dhe mbështesin qytetarët për të pasur akses më të mirë në sistemin e drejtësisë. “Përmes bashkëbisedimeve me qytetarët në terren dhe me përfshirjen në media lokale, përhapëm më gjerësisht informacionin mbi të drejtën për ndihmë juridike falas për ata që kanë më shumë nevojë”, theksoi Prezenca e OSBE në një postim në rrjetet sociale.
Sipas prezencës së OSBE, kjo qasje gjithëpërfshirëse synon të forcojë ndërgjegjësimin dhe të sigurojë që askush të mos mbetet pa zë për shkak të pamundësisë ekonomike.