Lajmidites.com

Tag: itali

  • Itali – Mbajti dietë për arritjen e qëllimit të tij, si arriti të dilte nga dritarja e qelisë ‘mbreti i arratisjeve’, Taulant Toma

    Itali – Mbajti dietë për arritjen e qëllimit të tij, si arriti të dilte nga dritarja e qelisë ‘mbreti i arratisjeve’, Taulant Toma

    Në Francë, vendet fqinje si Belgjika, dhe sigurisht në Itali, Mal të Zi, madje edhe në Shqipëri, ku ai lindi 41 vjet më parë, kërkimet për Taulant Tomën janë duke vazhduar.

    Arratisja e tij nga burgu i Operas u zbulua nga oficerët një orë e gjysmë pasi shqiptari ishte larguar.

    Ishte ora 08:00 e së dielës (7 Dhjetor) dhe dritarja e qelisë së tij kishte një shufër të prerë me sharrë, duke lënë një hapësirë ​​drejtkëndëshe me përmasa 30 me 40 centimetra: shumë e vogël që të futej i burgosuri tjetër, por e mjaftueshme që Taulanti, i cili ishte dobësuar posaçërisht për këtë qëllim, të dilte nga qelia, dhe më pas përdorur një “litar” të bërë me çarçafë të zbriste poshtë.

    Ai e kapërceu pengesën e fundit, murin rrethues 6 metra të lartë, me një shfaqje cirku: Taulant Toma sajoi një shkop duke lidhur bishtat e fshesave me shirit ngjitës dhe duke bashkangjitur një grep hekuri, një pajisje mjaftueshëm e fortë për ta mbajtur ndërsa ngjitej.

    Arratisja e tij e parë ndodhi në vitin 2009, kur u largua nga burgu i Ternit. I njëjti skenar mbizotëroi: hekura të prerë dhe çarçafë të përdorur si litarë. Shqiptari gjithmonë arrinte t’i pasonte këto arratisje me periudha të gjata fshehjeje.

    Kjo zgjati dy muaj, derisa u kap në Casarile, në brendësi të Milanos, dhe u dërgua në burgun e Parmës, një nga mjediset e konsideruara më të sigurta në Itali, ku strehoheshin, për shembull, disa mafiozë të ndaluar nën regjimin e 41 bis.

    Një sfidë e re që Taulanti e ndërmori dhe ia doli mbanë katër vjet më vonë. Në shkurt të vitit 2013, arriti të arratisej edhe nga këtu.

    Bashkëpunëtori i tij në këtë arratisje u vra pak kohë më vonë, nga një argjendar që po përpiqej ta grabiste. Ai mbeti i lirë deri në shtator.

    Autoritetet policore italiane zbuluan se ai ishte arrestuar në Liège të Belgjikës dhe ishte dërguar në burgun Lantin, pak jashtë qytetit. Ndërsa procedurat e ekstradimit zvarriteshin, Taulant Toma nuk humbi kohë. Ishte atëherë që mbështetja e botës kriminale shqiptare u bë më e dukshme. Një fishekzjarr i madh u ndez në oborrin e burgut për të krijuar rrëmujë.

    Pastaj, një grup të burgosurish formuan një piramidë në të cilën Taulanti u ngjit. Përtej murit, persona të armatosur e pritën dhe u larguan nga vendngjarja.

    Në rastin e fundit, stafi i reduktuar për shkak të festave luajti rol, si dhe fakti më i përgjithshëm se Opera ka “1,338 të burgosur, të kontrolluara nga vetëm 533 oficerë, kur në të vërtetë duhet të ketë të paktën 811”.

  • Balotelli: Po stërvitem që të luaj sërish në Itali apo jashtë saj, askush nuk më detyron të ndalem

    Balotelli: Po stërvitem që të luaj sërish në Itali apo jashtë saj, askush nuk më detyron të ndalem

    10 Dhjetor 2025

    11:01

    Telesport

    Dëshira për të luajtur nuk është zbehur ende. Në moshën 35-vjeçare, Mario Balotelli ndjen se ende ka diçka për të kontribuar në futboll. Kjo është arsyeja pse, në një intervistë me Prime Video, ai foli për një rikthim në fushë pas përvojës së tij me Genoa.
    “Po stërvitem me një ekip vendas në Brescia. Ekipi quhet Carpenedolo dhe luan në ligën Eccellenza. Ende po pres një telefonatë nga Serie A, por tani për tani nuk jam atje”, tha më tej sulmuesi italian.
    Por Italia nuk është mundësia e vetme për Balotelli, që sqaron: “Do të shikoj klube të huaja nëse nuk mund të qëndroj në Itali. Por do të ndalem vetëm kur të vendos të ndalem; askush nuk do të më detyrojë”.
    “Nuk shikoj shumë ndeshje futbolli, por kur e bëj, e kuptoj se futbolli është ndryshe tani: është më fizik dhe me më pak cilësi se më parë. Ndihem se ende mund të performoj mirë, jam i sigurtë për këtë gjë”, deklaroi Mario Balotelli.

  • I arratisur nga burgu në Shqipëri, arrestohet bosi shqiptar në Itali, po udhëtonte me makinë 100 mijë euroshe

    I arratisur nga burgu në Shqipëri, arrestohet bosi shqiptar në Itali, po udhëtonte me makinë 100 mijë euroshe

    Një 40-vjeçar shqiptar, i arratisur nga një burg në Shqipëri, është arrestuar në Romë pas një ndjekjeje spektakolare në orët e para të mëngjesit të së premtes. I njohur për një seri krimesh dhe me një identitet të rremë të krijuar me metoda të sofistikuara, ai ishte integruar thellë në mjediset kriminale të kryeqytetit italian.

    Burri ishte arrestuar disa vite më parë në Itali dhe ishte dënuar me 8 vite burg për trafik droge dhe grabitje. Ai kishte përfituar nga një marrëveshje dypalëshe Itali-Shqipëri, duke kërkuar të vuante dënimin në një burg shqiptar me kusht të mos rikthehej në Itali deri në vitin 2035.

    Por sapo u dërgua drejt Shqipërisë, ai nuk u paraqit kurrë në institucionin e vuajtjes së dënimit, duke rezultuar zyrtarisht i arratisur.

    Më pas, duke shfrytëzuar një dispozitë të ligjit shqiptar, ai ndryshoi mbiemrin duke marrë atë të bashkëshortes. Me identitetin e ri u rikthye në Itali dhe lëvizte pa u vënë re nga autoritetet, duke u paraqitur si person pa precedent penal.

    Rreth orës 04:00 të mëngjesit të së premtes, patrulla e policisë italiane i kërkoi të ndalonte një BMË luksoze me targa gjermane, në zonën e disko-klubeve të Eur. Në makinë ndodheshin i arratisuri dhe një bashkëpunëtor.

    Dy shqiptarët nuk iu bindën urdhrit të ndalimit dhe u larguan me shpejtësi, duke shkaktuar një ndjekje të rrezikshme drejt Pomezia-s. Teksa tentonin t’i shpëtonin policisë, makina doli nga rruga në një kthesë afër Tor dei Cenci. Edhe patrulla përfundoi jashtë rruge, por efektivët arritën t’i neutralizonin të dy të arratisurit.

    Të plagosur lehtë, shqiptarët u dërguan në spitalin Sant’Eugenio, ku morën 15 ditë raport mjekësor. Edhe policët u trajtuan për dëmtime të lehta.

    Fillimisht, sipas dokumenteve, të dy rezultuan pa precedent. Por sapo u morën gjurmët e gishtërinjve në zyrën e Imigracionit, 40-vjeçari u identifikua si person i shumëkërkuar dhe i arratisur nga një burg shqiptar, me një dënim aktiv prej 8 vitesh.

    Në automjet u gjetën 5 mijë euro cash, dyshohet të ardhura nga shitja e kokainës pranë diskove të Eur deri në orët e vona të natës. Hetimet flasin se para arrestimit të mëparshëm në Itali, ai frekuentonte rrethe të trafikut të drogës dhe dyshohej për shfrytëzim prostitucioni.

    Rasti po ngre shqetësime te autoritetet italiane, pasi strukturat e hetimit theksojnë aftësinë e grupeve kriminale shqiptare për të ndryshuar identitet, për t’u infiltruar shpejt dhe për të krijuar lidhje të forta me grupet mafioze vendase, veçanërisht në trafikimin e lëndëve narkotike.

    Hetimet po vijojnë për të zbardhur aktivitetin e plotë të 40-vjeçarit në territorin italian dhe për identifikimin e kontakteve të tij kriminale.

  • Aksident në Itali/ Makina përplaset me autobusin, vdes shoferi, plagosen disa studentë

    Aksident në Itali/ Makina përplaset me autobusin, vdes shoferi, plagosen disa studentë

    Një shofer vdiq dhe disa të rinj u plagosën lehtë, pas një aksidenti rrugor këtë mëngjes rreth orës 7:00 të mëngjesit në autostradën SR464 në Maniago, në provincën e Pordenones, Itali, ku një makinë u përplas ballë për ballë me një autobus që transportonte studentë dhe disa udhëtarë.

    Shoferi i makinës u vra menjëherë në përplasje, dhe ndoshta pesë ose gjashtë të rinj u plagosën. Të gjithë u dërguan nga ambulancat e Sores në Spitalin e Pordenones. Karabinierët dhe zjarrfikësit janë gjithashtu në vendngjarje, duke liruar shoferin e autobusit i cili ishte bllokuar pas aksidentit.
    Sipas raportimeve, gjendja e studentëve është klasifikuar jashtë rrezikut për jetën, por disa janë ende në gjendje shoku nga aksidenti. Gjendja e shoferit të autobusit është më serioze, zjarrfikësve iu desh të punonin për dy orë për ta nxjerrë nga mjeti. Megjithatë, ai mbeti i vetëdijshëm dhe vigjilent gjatë gjithë kohës, dhe rreth orës 9 të mëngjesit u stabilizua me një ambulancë në vendngjarje dhe u transportua me helikopter në spitalin në Udine.

    Top Channel

  • Nga Shkodra në Itali, “Vizita” në skenat italiane këtë dhjetor

    Nga Shkodra në Itali, “Vizita” në skenat italiane këtë dhjetor

    “Vizita” me në skenë aktorët e teatrit “Migjeni” këtë dhjetor po shfaqet në skenat e teatrove në Itali. “Vizita” me tekst nga Fabio Pisano që u soll në skenë regjisori italian Davide Iodice është e mbështetur në kryeveprën e H.G. Wells “Vizita e mrekullueshme”. “Vizita” është rezultat bashkëpunimi ndërkombëtar (Shkodër- Sardegna, me mbështetje italiane), dhe ka arritur t’i ekspozojë aktorët dhe teatrin shqiptar në skena jashtë vendit. Këtë dhjetor artistët me këtë shfaqje ishin në Teatri Puccini – Firence; Teatri Trianon Viviani – Napoli; Teatri Massimo – Cagliari, ku do të vijojnë në ditët në vijim dhe në tjera skena. Më 27 tetor të vitit 2023 ishte premiera e shfaqjes “Vizita” me regji të Davide Iodice në tetarin “Migjeni” të qytetit të Shkodrës. Ndërsa më 1 nëntor këtë vit shfaqja ishte pjesëmarrëse dhe në Lenghis Festival në Gorizia, Itali.
    “Vizita” që shënoi premierën në skenën e teatrit “Migjeni” të Shkodrës, u shfaq edhe në skenën e Tiranës, por ka qenë më parë edhe në Itali, ku vijon sërish një tur artistik, por është shfaqur edhe në Prizren në Kosovë apo dhe në Bosnje. “Vizita” ishte në skenë edhe në MITEM FESTIVAL, Budapest Hungari. Me regji të italianit Davide Iodice, muzika është nga Lino Cannavacciolo, ndërsa teksti nga Fabio Pisano është përkthyer nga Zija Vukaj. Aktorë janë Nikolin Ferketa, Raimonda Markja, Pjerin Vlashi, Fritz Selmani, Rita Gjeka Kacarosi, Julinda Emiri, Jozef Shiroka, Merita Smaja, Aleksandër Prenga dhe Vladimir Doda. Ndihmës regjisor në vepër është Jozef Shiroka dhe kostruksionet skenografike dhe kostumet Divni Gushta.

  • FOTOT/ ‘Mjeshtri’ i arratisjeve, Italia ‘në këmbë’ për kapjen e Taulant Tomës, mjetet që i shërbyen për planin e tij

    FOTOT/ ‘Mjeshtri’ i arratisjeve, Italia ‘në këmbë’ për kapjen e Taulant Tomës, mjetet që i shërbyen për planin e tij

    taulant toma

    ITALI- Mediat italiane kanë publikuar foto dhe detaje nga arratisja e 41-vjeçarit Taulant Toma, nga burgu i sigurisë së lartë në Milano. I dënuari shqiptar mund të konsiderohet një ‘mjeshtër’ i arratisjeve, pasi kjo e së dielës është hera e katërt që ai ia del të largohet nga burgje të ndryshme. Hetuesit po analizojnë telekamerat e sigurisë për të kuptuar mënyrën dhe oraret e arratisjes, si dhe për të kuptuar se si ai arriti të kalojë murin rrethues, i cili është rreth gjashtë metra i lartë.

    Taulant Toma ishte dënuar për krime të ndryshme, përfshirë vjedhje me dhunë dhe arratisje të mëparshme nga burgu. Ai ishte një nga të paktët të cilët ishin arratisur disa herë nga burgu, duke rikthyer kujtime edhe tek qyteti i Ternit, ku u arratis për herë të parë në vitin 2009 nga burgu i Sabbione, gjatë një ndeshjeje futbolli brenda qelisë. Kërkimet atëherë zgjatën javë me radhë dhe përfshinin helikopterë dhe njësitë me qentë e trajnimit. Ai u kap më vonë në një shtëpi të braktisur në provincën e Pavia-s.

    Më pas, ai u arratis edhe dy herë të tjera në vitin 2013: në shkurt nga burgu i Parma-s së bashku me një bashkëkombës dhe më pas u arrestua në Belgjikë në shtator, vetëm që të arratisej sërish nga burgu i Lantin afër Liège në dhjetor të po atij viti.
    Sa i përket dënimit, mediat raportojnë se ai është dënuar për periudha të gjata burgimi, duke përfshirë krime të rënda, dhe se dënimi i tij i mbaronte në 2048.
    Rastet e arratisjeve të Taulant Tomës kanë tërhequr vëmendje të madhe mediatike në Itali dhe jashtë saj, duke u konsideruar ndër më dramatiket e viteve të fundit në sistemin e vuajtjes së dënimit./ZËRI 

  • Taulant Toma arratiset për herë të 4 nga burgu në Itali, magjistari shqiptar shpon hekurat e qelisë dhe zhduket pa…

    Taulant Toma arratiset për herë të 4 nga burgu në Itali, magjistari shqiptar shpon hekurat e qelisë dhe zhduket pa…

    Dënimi i tij mbaron në vitin 2048, por Toma Taulant, 41-vjeçar shqiptar, ka vendosur ta përshpejtojë lirimin e tij, raporton Corriere della Sera.  Që nga mëngjesi i së dielës , ai është kontrolluar kudo dhe përreth burgut të Operas, Milano dhe jo vetëm atje. Toma, me një precedent penal për grabitje, vjedhje dhe drogë, është një ekspert në arratisje. Alarmi u dha në orën 8:00 të mëngjesit, kur gjatë “kontrollit” të tyre të mëngjesit, oficerët e policisë së burgut në burgun e sigurisë maksimale në Opera nuk arritën ta gjenin atë në qelinë e tij.
    Si ndodhi arratisja?
    Duket se Taulanti ka prerë hekurat e dritares dhe është ngjitur në oborr, ku më pas është ngjitur mbi murin perimetral dhe është zhdukur. Hetuesit po analizojnë pamjet e kamerave të sigurisë për të rindërtuar në detaje mënyrën dhe kohën e arratisjes së tij. Dhe për të zbuluar se ku mund të ketë shkuar. Ky është arratisja e katërt në karrierën e tij kriminale, por ai është kapur gjithmonë. Rasti i fundit ishte në vitin 2013, kur ai arriti të arratisej nga burgu i Parmës së bashku me një të burgosur tjetër. Ai u kap më pas në Belgjikë, por u arratis përsëri disa muaj më vonë, vetëm për t’u kapur përsëri në vitin 2015. Arratisja e tij e parë ishte në tetor 2009 nga burgu i Ternit, gjë që rezultoi në kapjen e tij në fund të dhjetorit në një shtëpi fshati në provincën e Pavias nga oficerë të Njësisë së Burgjeve dhe stacionit të policisë Garibaldi-Venecia.
    Kush është Taulant Toma?
    Me nofkën ‘hajduti i Parmës’, ai konsiderohet i rrezikshëm dhe i dhunshëm nga autoritetet lokale italiane. Arratisja e parë më 9 nëntor 2009 nga burgu i Ternit në Itali. Toma kishte arritur të arratisej duke përdorur një çarçaf. U arrestua më 24 dhjetor 2009, së bashku me 4 shqiptarë të cilët akuzoheshin se kishin grabitur shtatë vila në harkun kohor të një viti në Veri të Italisë. Arratisja e dytë më 2 shkurt 2013 nga  burgu i Parmës ( Itali). Toma u arratis së bashku me Valentin Frrokaj i dënuar me burg përjetë për vrasje. Të dy ia kanë mbathur në mënyrën më klasike, pasi kanë prerë hekurat e qelisë dhe pastaj janë varur me litarë.
    Itali, arratisja e shqiptareve  
    Arratisja e tretë më 14 dhjetor 2013 nga burgu i Lantin në Belgjikë. Në shtetin belg ai u arrestua më 11 shtator 2013. Toma është i njohur si njëri prej pjesëtarëve të bandës të Ilir Pajës, i njohur ndryshe nga policia italiane si “UFO”.

  • E rëndë në Itali/ Përfshihet nga flakët apartamenti në Trentino, vdes 64-vjeçarja

    E rëndë në Itali/ Përfshihet nga flakët apartamenti në Trentino, vdes 64-vjeçarja

    Një grua 64-vjeçare humbi jetën mbrëmjen e djeshme në Sover, Trentino, pasi u asfiksua nga tymi pas nj një zjarri që shpërtheu brenda apartamentit të saj.

    Viktima, Tiziana Marchetti, u gjet e pajetë në dyshemenë e kuzhinës nga zjarrfikësit që mbërritën menjëherë në vendngjarje.

    Fqinjët kishin vënë re një re të dendur tymi që dilte nga banesa e gruas dhe njoftuan menjëherë shërbimet e emergjencës.

    Megjithë ndërhyrjen e shpejtë të zjarrfikësve vullnetarë, përpjekjet për ta ringjallur pensionisten rezultuan të pamundura.

    Në vendngjarje shkuan karabinierët e degës Cavalese, të cilët punuan për të rindërtuar dinamikën e incidentit dhe për të përcaktuar shkakun e saktë të zjarrit. Autoritetet lokale ndërkohë u kanë bërë thirrje banorëve të ruajnë kujdesin në përdorimin e pajisjeve shtëpiake dhe sistemet e ngrohjes.

  • EMRI/ Shqiptari “magjistar” arratiset për herë të katërt nga burgu i sigurisë së lartë në Itali

    EMRI/ Shqiptari “magjistar” arratiset për herë të katërt nga burgu i sigurisë së lartë në Itali

    Një arratisje spektakolare ka ndodhur në burgun e sigurisë së lartë në Opera, Milano, ku i dënuari shqiptar Taulant Toma, 41 vjeç, është shpallur në kërkim pas zhdukjes nga qelia e tij të dielën në mëngjes.
    Sipas mediave italiane, alarmi u dha rreth orës 08:00, kur oficerët e policisë së burgut nuk e gjetën Tomën gjatë kontrolleve të mëngjesit. Hetimet paraprake tregojnë se ai mund të ketë prerë hekurat e dritares, është ngjitur në oborr dhe më pas ka kaluar murin rrethues, duke u zhdukur pa lënë gjurmë.
    Forcat e sigurisë po kontrollojnë zonën përreth burgut dhe territoret përreth Milanos, ndërsa po analizohen me imtësi edhe pamjet e kamerave për të rindërtuar çdo hap të arratisjes.

    Kjo është herë e katërt që Toma i shpëton burgimit. Ai ka precedentë për grabitje, vjedhje dhe trafik droge, ndërsa dënimi i tij aktual skadon në vitin 2048.
    Aktualisht, në zonën e Operas dhe më gjerë janë angazhuar njësi të shumta policore, patrulla në tokë, njësi speciale dhe kontrolle rrugore, ndërsa Toma konsiderohet shumë i rrezikshëm për shkak të aftësive të tij për t’u arratisur.
    Hetuesit po punojnë për të zbuluar nëse Toma ka pasur ndihmë nga jashtë apo e ka organizuar arratisjen në mënyrë të pavarur.
    Ngjarja ka shkaktuar shqetësim të madh në Itali, duke ngritur pyetje mbi sigurinë në burgjet e sigurisë së lartë dhe masat e marra ndaj të dënuarve me rrezik të lartë arratisjeje./vizionplus.tv

  • Kush është Taulant Toma, i arratisur 4 herë nga bugjet italiane me pseudonimin ‘UFO’

    Kush është Taulant Toma, i arratisur 4 herë nga bugjet italiane me pseudonimin ‘UFO’

    Taulant Toma, me precedentë penalë për grabitje, vjedhje dhe trafik droge, njihet si një ekspert arratisjesh.
    Alarmit iu dha në orën 08:00 të mëngjesit, kur gjatë kontrollit rutinë, gardianët nuk arritën ta gjenin në qelinë e tij.
    Arratisjet e tij të mëparshme:
    9 nëntor 2009 – Burgu i Ternit (Itali): U arratis duke përdorur një çarçaf. U arrestua më 24 dhjetor 2009, së bashku me katër shqiptarë të tjerë të akuzuar për grabitjen e shtatë vilave në Veri të Italisë.
    2 shkurt 2013 – Burgu i Parmës (Itali): U arratis me Valentin Frrokaj, të dënuar për vrasje. Të dy prenë hekurat e qelisë dhe përdorën litarë për t’u larguar.
    14 dhjetor 2013 – Burgu i Lantin (Belgjikë): U arrestua më 11 shtator 2013, por arriti të arratisej disa muaj më vonë.
    Toma është i njohur gjithashtu si një nga pjesëtarët e bandës së Ilir Pajës, i njohur nga policia italiane me nofkën “UFO”.