Lajmidites.com

Tag: interin

  • Lautaro lë pas Mazzola dhe jep sinjalin: Mendoj për Interin, le të llomotitin ata nga jashtë

    Lautaro lë pas Mazzola dhe jep sinjalin: Mendoj për Interin, le të llomotitin ata nga jashtë

    1 Dhjetor 2025

    8:01

    Alfred Lleshi

    Në ditën e paraqitjes së tij të 250-të në Serie A me fanellën zikaltër, Lautaro Martinez shënoi golin e tij të 163-të me Interin, duke lënë pas Sandro Mazzola (161) dhe iu afruar Boninsegna-s (171). Dygolëshi kundër Pisa, në fitoren 2-0, bëri që kapiteni të jepte mesazhin e qartë: “Jam i lumtur sepse fituam pas dy humbjeve. Disa më kritikuan, por jam mësuar. Punoj për veten, për Interin dhe familjen time. Le të flasin ata që janë jashtë”.
    Ai theksoi: “Shpresoj që historia ime këtu të zgjasë shumë. Kam vite kontratë dhe njerëzit më duan, skuadra vjen gjithmonë e para. Ne mendojmë vetëm ta çojmë Interin sa më lart”.
    Në golat e tij ndihmoi edhe Francesco Pio Esposito, i cili tashmë ka një darkë të paguar nga kapiteni: “Sigurisht. Thonë që nuk ofroj kurrë? Kam dëgjuar shumë (qesh). Qëndrimi së bashku është i rëndësishëm. Kur gjej kohë, organizoj gjithmonë ndonjë grigliatë”.

  • Komo e Fabregas kap Interin në rënditje, Getafe tri pikë për …Europën

    Komo e Fabregas kap Interin në rënditje, Getafe tri pikë për …Europën

    Janë kthyer ndeshjet e kampionateve elitare në Europë. Këtë të premte Serie A, La Liga, Bundesliga, Ligue 1 por dhe në Eredivisie u zhvilluan përkatësisht nga një takim.

    Në Itali, Komo me Mërgim Vojvodën në fushë mundi 2-0 Sasuolon aty ku bën pjesë portieri Aro Muriç duke vijuar me rezultatet surprizuese. Tani ekipi i Fabregas ka arritur në vendin e 6-të me 24 pikë. Vetëm 3 larg kreut që mbahet nga Roma.

    La Liga evidentoi fitoren e Getafes 1-0 përballë Elce, në Bundesligë Gladbah- lajpicg 0-0 ndërsa në Ligue 1 Metz u mund nga Renës 0-1. I vetmi takim me 3 gola erdhi nga Holanda teksa Zvolle kaloi 2-1 Herenven. /Sportiim.al/

    Vazhdo leximin

  • Klinsmann i sigurt: Lautaro është bekim, kurrë problem për Interin

    Klinsmann i sigurt: Lautaro është bekim, kurrë problem për Interin

    28 Nëntor 2025

    11:53

    Alfred Lleshi

    “Le të gabojë, por mbi të gjitha le ta luajë”. Kështu shprehet Jurgen Klinsmann për Pio Esposito. Ish-numri 10 i Interit tha për “Gazzetta dello Sport”: “Është e qartë se ka talent dhe fizik të jashtëzakonshëm, por ky është momenti kur nuk duhet të ndalet nga asgjë dhe askush”.
    Për çështjen e Lautaro Martinez, shtoi: “E di mirë çfarë ndjen kur jep gjithçka dhe topi nuk futet në rrjetë. I ndodhi në derbi dhe Champions, ku u zëvendësua gjatë ndeshjes. Mund të duket e çuditshme për simbolin e skuadrës, por tregon se Chivu nuk bën dallime.
    Është normale të dalë i zemëruar pas një zëvendësimi, por fjalët ‘problem’ dhe ‘Lautaro’ nuk mund të jenë në të njëjtën fjali. Duhet nisur nga ai, pastaj Thuram, Bonny dhe Pio do ta ndihmojnë për ta larguar përgjegjësinë. Ndoshta ndjen shumë presion, por Lautaro është bekim për Interin”.
    Për Bisseck dhe një mundësi në Botëror: “Shpresoj, ka gjithçka për të luajtur në kombëtare dhe titullar tek Interi. Tani që mungon Dumfries, pse jo, të përdoret edhe si sulmues anësor. Me atë shpejtësi dhe hap, çfarë problemi do të ketë?”

  • “Interi është ekipi më i fortë në Champions”, Simeone: Goli në minutën e fundit e bëri më të bukur fitoren

    “Interi është ekipi më i fortë në Champions”, Simeone: Goli në minutën e fundit e bëri më të bukur fitoren

    Atletikoja e Madridit ka mposhtur Interin me rezultatin 2-1. Spanjollët kanë festuar në minutën e fundir të ndeshjes, atëherë kur Gimenezi vulosi shifrat përfundimtare të sfidës. Në deklaratën e dhënë pas ndeshjes për mediat Simeone e ka cilësuar Interin si ekipin më të fortë të momentit në Ligën e Kampionëve. Ndërkohë është shprehur se goli e minutën e fundit i ka dhënë edhe më tepër bukuri fitores.
    “Interi është skuadra më e fortë e Ligës së Kampionëve në këtë moment. Nuk ka dyshime për këtë. Kërkuam që ta kufizonim lojën e tyre. Ideja ishte që ta kufizonim Interin dhe më pas të fusnim lojtarë të kategorisë së Grizmanit dhe Sorlothit për të nxjerrë një tjetër anë të repertorit tonë. Më pas, të fitosh në minutën e fundit është akoma më e bukur”, ka deklaruar Diego Simeone./Sport Ekspres/

  • Liverpool drejt katastrofës, Zielinski rikthen në lojë Interin. Vitinha magjik, një ish-zikaltër ndëshkon Realin (video)

    Liverpool drejt katastrofës, Zielinski rikthen në lojë Interin. Vitinha magjik, një ish-zikaltër ndëshkon Realin (video)

    26 Nëntor 2025

    22:23

    Telesport

    Pjesët e dyta kanë nisur me gola. Në “Metropolitano”, Piotr Zielinski ka shënuar për Interin pas një aksioni të bukur dhe kombinimit fantastik me Bony, duke barazuar shifrat 1-1.
    Në “Anfield”, PSV zë sërish ne befasi mbrojtjen e Liverpool dhe kalon në avantazh 1-2. Guus Til shënon për holandezët.
    Dy gola të shpejtë në “Parc des Princes”. Kolo Muani shënoi me një goditje të fuqishme brenda zonës për Tottenham në minutën e 50-të, Vitinha barazoi shifrat 2-2 me një tjetër gol të bukur në minutën e 52-të. 7 minuta më vonë, Fabian Ruiz shënon dhe kalon në avantazh 3-2 PSG-në.
    Në Pire, Mehdi Taremi shënoi golin e dytë për Olympiacos, por sot është nata e Kylian Mbappe dhe francezi shënoi golin e katërt pak minuta më pas.
    SHIKOGOLAT

  • Zyrtare, portieri i kombëtares rinovon me Interin, vjen firma

    Zyrtare, portieri i kombëtares rinovon me Interin, vjen firma

    Portieri shqiptar Alain Taho ka rinovuar me Interin. Klubi zikaltër ka bërë të ditur lajmin, nëpërmjet një postimi në rrjetet sociale.
    “FC Internacionale Milano komunikon se ka arritur një akord shumëvjeçar për zgjatjen e kontratave të Matia Zanketa, Xhamal Idrisu dhe Alain Taho”, shkruhej aty. 18 vjeçari është pjesë e Shqipërisë U19, ku u aktivizua së fundmi ndaj Malit të Zi dhe Sllovakisë.

  • Perisic: Në derbi do të mbështes Interin, pavarësisht kapitenit tim Modric…

    Perisic: Në derbi do të mbështes Interin, pavarësisht kapitenit tim Modric…

    18 Nëntor 2025

    11:02

    Alfred Lleshi

    Ivan Perisic foli për “Sportmediaset” pas fitores me përmbysje kundër Malit të Zi, të nisur nga goli i tij: “Po, Kroacia është gjithmonë aty. Ndryshuam disa lojtarë, e filluam keq ndeshjen, por si zakonisht treguam karakter, luftuam deri në minutën e fundit dhe fituam. Kjo është e rëndësishme”.
    Kroacia e kualifikuar direkt në Botërorin 2026 dhe Italia në “play off”: “Në vitet e fundit kemi treguar gjithmonë se kemi frymë grupi, skuadre dhe kjo ka rëndësi. Vetëm kështu mund të arrish rezultate të mira”.
    Ditën e diel do të luhet derbi Inter-Milan: “Unë gjithmonë mbështes Interin. Tani, kapiteni im (Modric) luan te Milani. Do të shohim, unë jam për Interin, ai për Milanin. Do të shohim të dielën çfarë mund të ndodhë”.

  • Bergomi “bekon” Interin e Chivu, por edhe apelon: Ky nivel duhet mbajtur për 60 ndeshje

    Bergomi “bekon” Interin e Chivu, por edhe apelon: Ky nivel duhet mbajtur për 60 ndeshje

    20 Tetor 2025

    14:00

    Alfred Lleshi

    Inter fitoi dhe bindi. Suksesi 0-1 ndaj Romës, megjithë disa rreziqe në pjesën e dytë, gjatë presionit maksimal të verdhekuqve, tregoi versionin më të vendosur të zikaltërve, që arritën fitoren e gjashtë radhazi mes kampionatit dhe Champions-it.
    Ish-kapiteni Beppe Bergomi, në “Sky Sport”, vlerësoi momentin pozitiv: “Interi është rikthyer të jetë skuadër. Më pëlqeu shumë përqafimi mes Chivu dhe Barella pas ndeshjes. Interi duhej të rikthehej i motivuar pas fundit të dobët të sezonit të kaluar. Kur është mirë fizikisht, Interin e shoh shumë të fortë”.
    Megjithatë, Bergomi paralajmëroi për nevojën e vazhdimësisë: “Këtë nivel duhet ta mbash për 60 ndeshje, nëse do të arrish përsëri deri në fund të çdo gare. Nëse do të pësonte golin e barazimit, do të thoshim se bie në fund. Ekipi është i njëjtë, por ndryshimi i vërtetë nga sezoni i kaluar është mbrojtja, që tani luan më lart”.

  • Bonny po shkëlqen me Interin, e zbuloi legjenda e Milanit: Në moshën 16 vjeç ishte tashmë më i miri

    Bonny po shkëlqen me Interin, e zbuloi legjenda e Milanit: Në moshën 16 vjeç ishte tashmë më i miri

    20 Tetor 2025

    11:43

    Alfred Lleshi

    Ange-Yoan Bonny po shkëlqen tek Interi, por talentin e tij e zbuloi një legjendë e Milanit, Marco Simone. Ky i fundit tregon se Bonny, vetëm 15-16 vjeç, ishte më i forti mes sulmuesve të Châteauroux dhe shënoi golin e tij të parë profesional me të: “Nuk ishte një ‘bast’, por siguri”. Bonny u ble nga Parma më 31 gusht 2021, ndërsa sot është një nga lojtarët kyç të Interit, duke shënuar dhe siguruar pikë të rëndësishme.
    Simone vlerëson potencialin e tij: “Vetëm në karakter duhet të përfundojë së zhvilluari, por kjo vjen me kohën. Është lojtar dinjitoz për Interin. Duke luajtur me profesionistë të nivelit të lartë, do të përfitojë shumë”. Sipas tij, talenti i vërtetë nuk ka moshë: “Një lojtar mund të bëjë diferencën edhe 16 vjeç”.
    Edhe pse Simone tani drejton Monaco United Women’s FC, ai gëzohet për Milanin e vendit të parë: “Jam i lumtur për Allegrin dhe stafin. Rikthimi menjëherë i ‘Djallit’ në krye është padyshim arritje e kënaqshme”.

  • Vieri: Favoriti për titullin e Serie A? Personalisht do të vija bast për këtë ekip…

    Vieri: Favoriti për titullin e Serie A? Personalisht do të vija bast për këtë ekip…

    4 Tetor 2025

    12:36

    Alfred Lleshi

    Bobo Vieri u shpreh qartë mbi “San Siron” dhe Interin. Për stadiumin: “Më në fund do të kemi një stadium të ri, modern, siç e meriton Milano. Nuk mund të pretendojmë të presim Europianin apo finalet e Champions-it pa një impiant modern”.
    Për titullin e Serie A: “Interi është favorit për cilësinë, eksperiencën dhe thellësinë si skuadër. Sidoqoftë, kampionati është i barabartë, mund të ndodhë gjithçka. Nëse do të vija bast, do ta bëja për Interin”.
    Për Chivu: “Është stakanovist, ka dëshirë të bëjë mirë. Duhet t’i jepet kohë, nuk fillon kriza nëse humbet me Udinesen”. Për Pio Esposito: “Është gati fizikisht dhe teknikisht, edhe për nivel ndërkombëtar. Ka uri për ta treguar veten, lëreni të luajë në paqe dhe do ta shohim deri ku arrin”.
    Për presionin: “Duhet ta shndërrojë frikën në adrenalinë. Ndeshjet e Champions-it dhe derbet ta japin këtë mundësi”. Për kombëtaren: “E kam parë mirë skuadrën e Gattuso. Tani duhet të fitojmë, të shënojmë shumë gola dhe të shpresojmë për një vend në Botëror”.