Interi reagoi me zemërim pas humbjes ndaj Liverpul-it në “San Siro”, një ndeshje e vendosur nga një penallti shumë e diskutueshme. Arbitri gjerman Feliks Zvajer akordoi 11-metërshin pasi u thirr nga VAR-i për një tërheqje minimale të Bastonit ndaj Virtz, me futbollistin e Liverpul-it që u rrëzua lehtësisht.
Një vendim që në kampin zikaltër është cilësuar i pakuptueshëm, aq më tepër duke parë se gjatë pjesës së parë VAR-i kishte injoruar një prekje të dukshme me dorë të Van Dijk pas goditjes së Bisseck. Penalltia e realizuar nga Szoboszlai vendosi rezultatin dhe ndeshja u mbyll mes polemikave.
Në fund, Mkhitarjan nuk e fshehu zhgënjimin: “Dhemb të humbasësh kështu. Një penallti e tillë nuk mund të shpjegohet. Duhet të punojmë më shumë, të shohim përpara dhe të ndryshojmë gjërat”. I njëjtim mendim ishte edhe mesfushori polak, Piotr Zielinsku. Edhe sipas tij ndeshja u vendos nga një penallti e paqenë. Një humbje e hidhur që sigurisht ka rëndura edhe në aspektin psikologjik lojtarët zikaltër.
Tag: interi
-
Revoltohet Interi: Një penallti e tillë nuk pranohet
-
Një problem më shumë për Chivu. Kur Interi gjendet në disavantazh, humbet gjithmonë
10 Dhjetor 2025
14:15
Alfred Lleshi
Interi ka një problem në ndeshjet e mëdha dhe kjo tashmë është e qartë. Pas humbjeve ndaj Juventusit, Napolit, Milanit dhe Atletico Madridit, zikaltërit u mposhtën edhe nga Liverpool-i, duke shkuar në 6 humbje sezonale nga 21 ndeshje totale: 14 në Serie A, 6 në Champions League dhe një në Kupën e Italisë. Ka edhe një statistikë tjetër që i bashkon të gjitha këto disfata nën drejtimin e Cristian Chivu.
Duke analizuar ndeshjet, vihet re se në 6 ndeshje, Interi e ka parë veten në disavantazh dhe i ka humbur të gjitha. Dinamikat kanë qenë të ndryshme: disa herë ndeshjet janë barazuar përkohësisht, si në Spanjë dy javë më parë, në raste të tjera rezultati madje është përmbysur, por në fund përfundimi ka qenë i njëjtë: zero pikë.
Është e vështirë të thuhet nëse bëhet fjalë për problem mendor, teknik, taktik apo fizik, por reagimi i Interit ka qenë i pamjaftueshëm. Rastet shpesh krijohen, por ose nuk konkretizohen në gola, ose mbeten momente të izoluara para një rënieje të re. Chivu duhet të gjejë zgjidhjen. -
I sfidon Liverpool, Inter kërkon fitoren për hipotekimin e kualifikimit, Chivu me dilema për formacionin
Pas humbjes së rëndë kundër Atleticos në Madrid, por suksesit të thellë në kampionat ndaj Comos. Interi rikthehet nesër mbrëma në Champions League përballë Liverpool-it, në një “San Siro”, që do të jetë plotësisht i ezauruar. Zikaltërit kërkojnë të sigurojnë sa më shpejt kualifikimin për në 1/8-at, ndërsa kundërshtari mbërrin në krizë të thellë, me tensione të brendshme dhe trajnerin Slot nën presion.
Interi vjen me një ecuri prej 18 ndeshjesh pa humbje në shtëpi në Champions (15 fitore, 3 barazime), por kujtimet me Liverpool-in nuk janë të mira: në shkurt të vitit 2022, Reds fituan 2-0 në këtë stadium.Sfida ndaj anglezëve hap një seri tejet të rëndësishme për zikaltërit, që më pas do të përballen me Arsenalin në Milano dhe Borussia Dortmund në Gjermani, ndeshje që do të tregojnë realisht forcën e skuadrës së Chivut.
Në formacion, mbetet dilema për krahun e djathtë, ndërsa rikuperimi i Dumfries është ende i pasigurt. Akanji rrezikon mungesën për shkak të gripit; në rast se nuk ia del, Bisseck pritet të zëvendësojë atë, duke kompletuar mbrojtjen me Acerbin dhe Bastonin. Carlos Augusto duket i favorizuar ndaj Luis Henrique, ndërsa në mesfushë Mkhitaryan është gati të rikthehet titullar krah Barellës dhe Calhanoglus. Në sulm, megjithëse Bonny kërkon hapësirë, Chivu pritet t’i besojë sërish tandemit Thuram–Lautaro.
Kapiteni Lautaro Martinez vjen në superformë: ai ka shënuar në të gjitha pesë ndeshjet e Champions-it të luajtura në “San Siro” në vitin 2025 dhe kërkon të barazojë një rekord historik të Shevchenkos.
Interi kërkon reagimin, Liverpool-i kërkon ringritjen: gjithçka gati për një mbrëmje të madhe europe. -
“Interi, favorit për titullin e Serie A. Calhanoglu është ‘princ’ i kampionatit tonë”
8 Dhjetor 2025
14:04
Alfred Lleshi
Interi është plotësisht në garë për titull. Nëse Napoli ka treguar forcë dhe pjekuri ndaj Juventusit, zikaltrit e kanë rilançuar veten me fitore bindëse ndaj Comos.
Nga studiot e DAZN, Andrea Stramaccioni vlerësoi veçanërisht Hakan Calhanoglu: “Një princ i kampionatit tonë, një nga ‘regjisorët’ më të mirë në Europë. Pas zërave për largim në verë, turku mori sërish drejtimin e skuadrës me gola, personalitet dhe lidership”.
Stramaccioni theksoi edhe dorën e Cristian Chivu: “Luan me presion të lartë, që përfshin edhe portierin në ndërtim. Kjo e falimentoi Comon për 20 minuta. Interi sulmoi vazhdimisht prapa mbrojtësve anësorë agresivë; goli i Lautaros dhe i treti ishin shembuj perfektë të rikuperimit të menjëhershëm, leximit të lojës nga Barella dhe finalizimit të sigurt të Calhanoglu”. -
Interi ritakon Liverpool-in. “Reds” në krizë, por Champions-i është tjetër “muzikë”
8 Dhjetor 2025
9:00
Alfred Lleshi
Tri vite në futboll duken si një epokë. Interi dhe Liverpool-i do të përballen sërish në Champions pas 8 marsit 2022 në “Anfield”. Histori të ndryshme, por fituese atëherë, sot janë realitete të kundërta. Interi i Chivu kryeson kampionatin me besim, ndërsa anglezët janë në vështirësi rezultatesh dhe me pakënaqësinë e Mohamed Salah. Lautaro Martínez, protagonist edhe atë mbrëmje me një gol të bukur, por të pafrytshëm, do ta udhëheqë sërish sulmin zikaltër bashkë me Marcus Thuram.
Një fitore do t’i afronte zikaltërit ndjeshëm me 1/8-at. Liverpool i Slot kërkon ringritje në një skenë madhore. Formacionet – Chivu pritet të bëjë rotacion të matur. Akanji e Bastoni në mbrojtje, Barella e Çalhanoglu në mesfushë; përpara konfirmohet dyshja Lautaro–Thuram. Anësorët? Dimarco majtas, Carlos Augusto mund të spostohet djathtas; në mesfushë Zielinski, përpara Sucic dhe Mkhitaryan.
Ka krizë te “Reds”, vetëm 1 fitore në 4 ndeshjet e fundit të Premier League; dy barazime radhazi. Pas 3–3 me Leeds, Salah shpërtheu: “Jam në stol dhe nuk e di pse. Duket sikur klubi më ka dënuar”. Në Champions, të kuqtë kanë 9 pikë dhe kërkojnë me ngulm fitoren. Chivu, megjithatë, nuk i nënvlerëson, pavarësisht krizës së dukshme.
-
Interi “poker” ndaj Komos, rrëmben kreun përkohësisht
Interi ka shkatërruar Komon me rezultatin 4-0 dhe ka marrë përkohësisht kreun e Serie A. Zikaltrit kanë lënë pas zhgënjimet e ndeshjeve të fundit.
Interi e nisi vrullshëm që në minutat e para, ku në minutën e 11-të kapiteni Lautaro Martinez zhbllokoi rezultatin. Megjithatë zikaltrit nuk arritën të shënonin më gola të tjerë në fraksionin e parë të sfidës.
Në të dytën, Interi ndërron marsh dhe shënon edhe 3 gola të tjerë me anë të Turam në të 59-ën, Çalhanoglu në të 81-ën dhe Carlos Augusto në të 86-ën.Aktualisht, në javën e 14-të të Serie A, Interi udhëheq kampionatin me 30 pikë, dy më shumë se Milan e Napoli që kanë nga një ndeshje më pak.
-
“Interi dhe Napoli janë më të përgatitur për titullin, por kujdes Milanin”
4 Dhjetor 2025
13:54
Alfred Lleshi
Ish-mbrojtësi i Interit, Andrea Ranocchia, në një intervistë për “Corriere della Sera”, foli për momentin e zikaltërve të drejtuar nga ish-shoku i tij i skuadrës, Cristian Chivu. Ai u shpreh: “Te Chivu si trajner më pëlqen vëmendja njerëzore që ka ndaj lojtarëve të tij”.
Sa i përket garës për titull, Ranocchia tha: “Interi dhe Napoli janë më të përgatiturit, por kujdes edhe nga Milani që nuk ka kompeticione europiane”.
Për sezonin e Interit, shtoi: “Do të luftojë deri në fund për titullin. Do të jetë protagonist edhe në Champions, tashmë është një nga pikat e tij të forta”.
I pyetur për një lojtar që vlerëson në këtë Serie A, Ranocchia veçoi: “Nico Paz, më pëlqen shumë. I bukur për t’u parë në fushë, një talent i madh”. -
Interi shkëlqen në Kupën e Italisë, gola pa limit ndaj Venezias (Video)
Interi nuk has aspak vështirësi ndaj Venezias, në ndeshjen e vlefshme për Kupën e Italisë. Zikaltërit fituan pastër 5-1, në përballjen e luajtur në “Stadio Giuseppe Meazza”.
Të besuarit e Chivu shënuan 3 herë në pjesën e parë, me Diouf, Esposito dhe Thuram. Edhe në pjesën e dytë ritmi ishte i kënaqshëm, me Interi që sulmoi sërish.Në 45 minutat e dyta, “tundën rrjetën” Thuram dhe Bonny. Goli i nderit për Venezian mban firmën e Sagrados.
Në fazën tjetër të Kupës së Italisë, në çerekfinale, Interi gjen fituesin e çiftit Roma-Torino. -
(VIDEO) Interi zbavitet në Kupën e Italisë: ndizet Thuram, Esposito mrekullon! Ka lavdi edhe për blerjen e re Diouf
Me një pjesë te parë dominuese kundër Venezias Interi shkoi 3-0 dhe ka siguruar shpejt çerekfinalet e Kupës së Italisë. Chivu zgjodhi një rotacion të gjerë: Martinez zëvendësoi Sommer në portë, Diouf zëvendësoi Dumfries të dëmtuar në të djathtë dhe Carlos Augusto zëvendësoi Dimarco në krahun e majtë.
Lautaro pushoi në sulm, me dyshen Esposito-Thuram të detyruar nga rikuperimi jo i plotë i Bonny-t. Fillimi, megjithatë, ishte surprizues: Venezia dominoi ndeshjen për 15 minutat e para, pavarësisht se dështoi të krijonte ndonjë shans të vërtetë.
Interi priti, u konsolidua dhe pastaj goditi. Në minutën e 18-të, Frattesi e ndezi ndeshjen me një vrapim të shkëlqyer qendror, ia pasoi Diouf në zonën e penalltisë dhe francezi shënoi golin e tij të parë në Itali: 1-0 dhe Meazza festoi.
Vetëm dy minuta më vonë, Nerazzurrët dyfishuan epërsinë e tyre: Pio Esposito mori topin në buzë të zonës dhe lëshoi një gjuajtje të mrekullueshme me të djathtën që përfundoi në cepin e sipërm, goli i tretë i sulmuesit të ri këtë sezon.
Interi, në kontroll, shtoi një të tretë në minutën e 27-të: një rikuperim nga Zielinski, një pasim i shpejtë, dhe Marcus Thuram lëshoi një gjuajtje të fuqishme dhe të saktë me të djathtën nga hyrja e zones. Një gjysmë ore shkatërruese përmbysi një fillim të vështirë: Interi prek cerekfinalet. Pjesen e dyte ne nisje te saj Marcus Thuram shenoi edhe golin e dyte personal.
GOLI I DIOUF – VIDEO
GOLI I PIO ESPOSITO – VIDEO
GOLI I THURAM – VIDEO
GOLI I THURAM 2 – VIDEO -
(VIDEO) Interi mbyll llogaritë e kualifikimit mjaft shpejt, zhbllokohet edhe blerja e verës i cili ishte objekt misterioz deri para dy javësh!
Me një pjesë te parë dominuese kundër Venezias Interi shkoi 3-0 dhe ka siguruar shpejt çerekfinalet e Kupës së Italisë. Chivu zgjodhi një rotacion të gjerë: Martinez zëvendësoi Sommer në portë, Diouf zëvendësoi Dumfries të dëmtuar në të djathtë dhe Carlos Augusto zëvendësoi Dimarco në krahun e majtë.
Lautaro pushoi në sulm, me dyshen Esposito-Thuram të detyruar nga rikuperimi jo i plotë i Bonny-t. Fillimi, megjithatë, ishte surprizues: Venezia dominoi ndeshjen për 15 minutat e para, pavarësisht se dështoi të krijonte ndonjë shans të vërtetë.
Interi priti, u konsolidua dhe pastaj goditi. Në minutën e 18-të, Frattesi e ndezi ndeshjen me një vrapim të shkëlqyer qendror, ia pasoi Diouf në zonën e penalltisë dhe francezi shënoi golin e tij të parë në Itali: 1-0 dhe Meazza festoi.
Vetëm dy minuta më vonë, Nerazzurrët dyfishuan epërsinë e tyre: Pio Esposito mori topin në buzë të zonës dhe lëshoi një gjuajtje të mrekullueshme me të djathtën që përfundoi në cepin e sipërm, goli i tretë i sulmuesit të ri këtë sezon.
Interi, në kontroll, shtoi një të tretë në minutën e 27-të: një rikuperim nga Zielinski, një pasim i shpejtë, dhe Marcus Thuram lëshoi një gjuajtje të fuqishme dhe të saktë me të djathtën nga hyrja e zones. Një gjysmë ore shkatërruese përmbysi një fillim të vështirë: Interi prek cerekfinalet.
GOLI I DIOUF – VIDEO
GOLI I PIO ESPOSITO – VIDEO
GOLI I THURAM – VIDEO