Lajmidites.com

Tag: ibrahimoviç

  • Drejtori i klubit zbulon përplasjen me Ibrahimovic: Më tha merri këto e futi në b*thë

    Drejtori i klubit zbulon përplasjen me Ibrahimovic: Më tha merri këto e futi në b*thë

    11 Dhjetor 2025

    10:14

    Alfred Lleshi

    Dennis te Kloese, drejtori ekzekutiv holandez i LA Galaxy, tregoi në podcastin “Dutch Dragons” prapaskenat e largimit të Zlatan Ibrahimović nga klubi i MLS dimrin e vitit 2019, pak para kthimit falas të suedezit te Milani. Sipas Kloese ishte vendimi i tij që kontrata të mos rinovohej.
    “Zlatan po bëhej pak i madh në moshë dhe nuk do t’ia rinovonim kontratën. Askush nuk guxonte t’ia thoshte, ndaj m’u desh ta bëja unë. I thashë: Ibra, do të jem i sinqertë, nuk do të ta rinovojmë kontratën. Ai m’u përgjigj: Gabohesh, jam unë që nuk do ta rinovoj kontratën. Do të luaj te Milani. ‘Stroopwafles’ e tua mund t’i marrësh dhe t’i fusësh në bythë”.
    Kloese shpjegon se Ibrahimović i shkonte shpesh në zyrë për të shfaqur pakënaqësi, ndërsa ai i ofronte ‘stroopwafles’, biskota holandeze që Zlatanit i pëlqenin shumë. “Është një tip shumë i veçantë. Realisht beson se është Zoti”, – përfundoi ai.

  • Ibrahimovic, çfarë “bishe” edhe 44-vjeç. Bën “dush” në -10 gradë celsius, në mes të natës

    Ibrahimovic, çfarë “bishe” edhe 44-vjeç. Bën “dush” në -10 gradë celsius, në mes të natës

    19 Nëntor 2025

    12:51

    Alfred Lleshi

    Zlatan Ibrahimovic ka treguar edhe një herë formën e tij fizike të jashtëzakonshme, pavarësisht moshës dhe kushteve ekstreme të motit. Në një video të postuar në Instagram, ai shihet duke u futur në një vaskë me ujë, e rrethuar nga bora, gjatë një nate shumë të ftohtë. Ai mban vetëm kostumin e notit dhe një kapelë dimri.
    Mesazhi që shoqëron videon: “-10 Celsius”, duke theksuar temperaturat ekstreme që Zlatan i ka imponuar trupit të tij. Videoja nënvizon disiplinën e tij dhe aftësinë për të përballuar kushte të vështira fizike. Ish-sulmuesi i shquar suedez tregon sërish, edhe në këtë video, një formë atletike të admirueshme, pavarësisht moshës 44-vjeçare.

  • Çfarë ndryshimi ka mes futbollit spanjoll, anglez dhe italian? Ibrahimovic e shpjegon shumë qartë

    Çfarë ndryshimi ka mes futbollit spanjoll, anglez dhe italian? Ibrahimovic e shpjegon shumë qartë

    Zlatan Ibrahimovic, një nga futbollistët më “shëtitës” të brezit të tij, ka përjetuar nga afër stilin e lojës në disa nga ligat më të forta të botës. Pas një karriere që kaloi nga Malmö tek Ajax, Juventus, Inter, Barcelona, Milan, PSG, Manchester United dhe LA Galaxy, suedezi është në pozicionin ideal për të krahasuar mënyrën si luhet futbolli në vende të ndryshme.
    Për futbollin spanjoll, Ibra thekson cilësinë teknike dhe frymën e lojës: “Në La Liga përpiqen ta ndërtojnë lojën nga prapa. Edhe nëse niveli nuk është më i larti, ekipet gjithmonë përpiqen të luajnë futboll”.
    Për Italinë, ku ka luajtur me Juventusin, Interin dhe Milanin, ai thotë: “Është një futboll shumë taktik dhe i studiuar. Është më e rëndësishme të mbrohesh sesa të sulmosh. Për një sulmues është shumë e vështirë, por kur arrin të triumfosh, ndjenja është e mrekullueshme”.
    Ndërsa për Anglinë, ku veshi fanellën e Manchester United, përshkrimi është i qartë: “Në Premier League luhet me ritëm të çmendur, në sulm dhe mbrojtje. Edhe nëse je teknikisht i jashtëzakonshëm, nëse nuk përballon ritmin, nuk mund të ecësh përpara”.
     

  • “Ibrahimovic na traumatizonte te Milani. Djemtë dridheshin para tij, sepse nuk ishin mësuar me këtë”

    “Ibrahimovic na traumatizonte te Milani. Djemtë dridheshin para tij, sepse nuk ishin mësuar me këtë”

    Philippe Mexes sot jeton qetësisht dhe disi larg futbollit. Ish-mbrojtësi i Romës dhe Milanit, gjatë karrierës italiane, ka luajtur pranë kampionëve si Zlatan Ibrahimovic, me të cilin ndau dhomën e zhveshjes te Milani (2011-2012). Mexes mbeti i impresionuar nga ndikimi i suedezit, aq sa për shumë bashkëlojtarë prania e tij ishte traumë. Në podcastin “Kampo”, Mexes e renditi Ibrën mes lojtarëve më të fortë që ka parë, pranë Messit dhe Ronaldos.

    “Ai më traumatizoi”, – thotë teksa e konsideroi sulmuesin më imponues, me mentalitet fituesi dhe vetëbesim të jashtëzakonshëm. Te Milani, francezi pa shumë bashkëlojtarë që “paguan çmimin” ndaj Ibrës: “Ai ishte konkurrues, fitues…, por të traumatizonte. Ai traumatizoi kaq shumë bashkëlojtarë, me të vërtetë”.
    Sipas francezit, Ibrahimovic kërkonte pasimin perfekt dhe bënte presion shumë të madh nëse nuk e merrte si duhet topin: “Ju dërgoj në ferr po nuk pasuat si duhet”. Mexes përmend edhe El Shaarawy, 17 vjeç, që dridhej para tij. Çdo stërvitje ishte si një ndeshje 90-minutëshe, pa mundësi për të marrë frymë apo shpërqendruar. Trauma nga Ibra ishte reale, për shkak të karakterit të tij luftarak dhe konkurrues.

  • “Me Allegri-n kam pasur shumë grindje, por këta dy trajnerë ndryshuan futbollin”, Ibrahimovic flet pa doreza

    “Me Allegri-n kam pasur shumë grindje, por këta dy trajnerë ndryshuan futbollin”, Ibrahimovic flet pa doreza

    I pranishëm në eventin “Festival dello Sport” në Trento, Zltan Ibrahimovic nuk ngurroi t’iu përgjigjej pyetjeve para publikut, ashtu siç di ai. Ibrahimovic pranoi se ka pasur “shumë grindje” me Max Allegrin te Milani, por trajner italian i kuqezinjve është “një fitues” së bashku me Fabio Capellon.
    “Kam pasur shumë grindje me Allegri-n, jo vetëm njëherë. Kur ke dy njerëz me mentalitet fituesi, kjo është normale, jo çdo ditë ka dashuri dhe përqafime, duhet të ketë një anë tjetër të këtyre situatave. Karaktere të ndryshme, mentalitete të ndryshme, mund të duket si ‘uau, çfarë ndodhi?’ kur del në gazeta, por është e natyrshme për ne. Sidomos për mua”, tha Ibrahimovic.
    “Capello është vendi ku filloi vërtet karriera ime si lojtar i klasit botëror, ai hapi i fundit që kaq pak arrijnë ta bëjnë. Unë u stërvita ndryshe, si mendërisht ashtu edhe fizikisht. Capello është një trajner që të ngre dhe të përplas. Ai të bënte të ndiheshe ‘uau’ një ditë dhe të nxirrte në zero ditën tjetër. Capello më transformoi nga një lojtar normal në një kafshë”, shtoi Ibrahimovic.
    Suedezi ka punuar me shumë trajnerë të shkëlqyer gjatë gjithë karrierës së tij dhe zbulon dy prej tyre që ndryshuan futbollin.
    “Guardiola dhe Mourinho ndryshuan futbollin dhe unë isha me fat që të dy më donin në ekipet e tyre. Guardiola ishte në fillim të karrierës së tij, tjetri ishte tërësisht mentalitet ndryshe, duke u futur në kokën tënde dhe duke të kontrolluar. Të dy ishin fitues, por në mënyra shumë të ndryshme”, tha Ibrahimovic.

  • Ibrahimovic: Askush nuk e ndryshon dot Milanin, por Milani të ndryshon ty

    Ibrahimovic: Askush nuk e ndryshon dot Milanin, por Milani të ndryshon ty

    Zlatan Ibrahimovic ka ndryshuar pak. Tani ka më shumë punë pas skenave, më shumë hapësirë për grupin, por gjithmonë i fokusuar te fitorja. Ai ndjek Milanin edhe tani dhe, pas përvojës së tij në paraqitje publike, vazhdon si këshilltar i “RedBird”, duke e lënë pjesërisht përgjegjësinë për mediat:
    “Klubi ka shtuar atë që mungonte. Tani kemi një figurë që është gjithmonë me lojtarët dhe trajnerin, Igli Tare, gjë që e bën mirë. Unë shkoj në ‘Casa Milan’, ndonjëherë në Milanello, flas çdo ditë me Furlani dhe Gerry për të studiuar çfarë i nevojitet Milanit. Në fund vendos Gerry, por i beson shumë stafit”.
    Karizma dhe dëshira e tij për të fituar nuk kanë ndryshuar: “ADN e Milanit është të fitojë, sidomos në Europë, aty duhet të kthehemi. Askush nuk e ndryshon dot Milanin, por Milani të ndryshon ty”.
    Për trajnerin Allegri, suedezi nuk ndërhyn: “Në Torino shkova në dhomat e zhveshjes, të gjithë ishin të zemëruar. Leao ka bërë gabime, por është magji. Ai është një nga lojtarët më të fortë në botë. Luka Modric ka sjellë eksperiencën që mungonte, është lider dhe ka respektin tim”.
    Ibrahimovic thekson gjithashtu se ka mësuar të përdorë qasje më të butë me lojtarët: “Më parë isha vetëm i ashpër, tani ndonjëherë duhet të jem më ‘soft’, por gjithmonë i vendosur”.

  • Ibrahimovic: “Këta trajnerë kanë ndryshuar përgjithmonë futbollin”

    Ibrahimovic: “Këta trajnerë kanë ndryshuar përgjithmonë futbollin”

    Zlatan Ibrahimovic ka vlerësuar Pep Guardiola, Jose Mourinho, Carlo Ancelotti dhe Fabio Capello si trajnerët që “ndryshuan futbollin”, ndërsa pranoi se gjithmonë ka dashur të luajë nën drejtimin e Jurgen Klopp dhe Sir Alex Ferguson.
    Këshilltari special i Milan-it gjithashtu beson se Ancelotti muna ta udhëheqë Brazilin drejt lavdisë së Kupës së Botës 2026, duke thënë se “çdo gjë që ai prek shndërrohet në ar”.
    Duke folur në Asamblenë e Përgjithshme të Shoqatës Europiane të Klubeve në Romë, Ibrahimovic reflektoi mbi karrierën e tij të shkëlqyer dhe trajnerët që përcaktuan suksesin e tij.
    44-vjeçari punoi me disa nga mendjet më të mëdha të futbollit gjatë periudhave te Barcelona, Inter, Milan, Paris Saint-Germain dhe Manchester United, duke përfshirë emra si Massimiliano Allegri, Roberto Mancini, Ronald Koeman dhe Laurent Blanc, por ai identifikoi katër emra të tjerë që qëndrojnë mbi të tjerët.
    Ibrahimovic pati një marrëdhënie të diskutueshme me Guardiola-n gjatë periudhës së tij të shkurtër në Barcelonë. Ai shënoi 22 gola në 46 paraqitje për klubin spanjoll para largimit të tij të bujshëm për shkak të problemeve të tij me trajnerin aktual të Manchester City. Megjithatë, ai e renditi katalanasin ndër më të mirët në karrierën e tij.
    “Kisha Capello-n, Mourinho-n, Guardiola-n, Ancelotti-n: këta të katër janë futbolli dhe ata e ndryshuan atë”, tha Ibrahimovic. “Do të doja të më kishin trajnuar Klopp dhe Ferguson”, shtoi ai, ndërsa kujtoi përvojat e tij duke punuar me trajnerë të klasit botëror në të gjithë Europën.
    Ish-sulmuesi suedez rezervoi lëvdata të veçanta për Ancelotti-n, ish-trajnerin e tij te PSG, duke e vlerësuar atë si udhëheqësin e Brazilit drejt suksesit në Kupën e Botës 2026.
    “Shpresoj që Brazili të fitojë për mikun tim Ancelotti-n. Unë mbështes ata. Çdo gjë që ai prek shndërrohet në ar, le të shohim nëse mund të bëjë të njëjtën gjë me Brazilin”, tha Zlatan.
    Ibrahimovic beson se lidershipi i qetë dhe fleksibiliteti taktik i Ancelottit mund t’i japin fund pritjes 24-vjeçare të Seleçaos për një trofe të Kupës së Botës, duke e bërë atë trajnerin e parë europian që e ngre atë me Brazilin.

  • Ibrahimovic: Isha afër kalimit te Roma, por pastaj zgjodhi Mido. Kupa e Botës? Unë bëj tifo për Ancelottin

    Ibrahimovic: Isha afër kalimit te Roma, por pastaj zgjodhi Mido. Kupa e Botës? Unë bëj tifo për Ancelottin

    8 Tetor 2025

    12:13

    Alfred Lleshi

    Futbolli rezervon gjithmonë surpriza, ndonjëherë edhe pendesa. Kështu kanë menduar tifozët e Romës duke dëgjuar fjalët e Zlatan Ibrahimovic, i cili rikthehet pothuajse 20 vite më parë për të kujtuar tratativën që mund ta kishte dërguar te verdhekuqtë më 2006.
    Ish-sulmuesi suedez, me humor, gjatë një takimi të përgjithshëm të ECA, përpara familjes “Friedkin”, tha: “Ka qenë një moment kur isha afër kalimit te një skuadër italiane, por nuk do ta them emrin, sepse kam një mik që bën tifo për skuadrën tjetër të këtij qyteti”.
    Referenca është e qartë. Roma nuk e mori kurrë, sepse në vend të tij erdhi Mido, sulmues egjiptian që nuk shënoi asnjë gol për verdhekuqtë, ndërsa Ibra shënoi shumë gola me Juventus, Inter dhe Milan.
    Ibra foli gjithashtu për Botërorin e ardhshëm: “Kush do ta fitojë Botërorin? Suedia nuk është kualifikuar, kështu që unë shpresoj Brazili. Do të bëj tifoj për ta, për mikun tim Ancelotti. Ai ka prekjen magjike, ndoshta do ta shndërrojë gjithçka në ar te Brazili”.

  • Ibrahimovic i dashuruar me makinat luksoze, njihuni me koleksionin e tij të jashtëzakonshëm

    Ibrahimovic i dashuruar me makinat luksoze, njihuni me koleksionin e tij të jashtëzakonshëm

    Përveç trofeve në fushë, Zlatan Ibrahimovic ka ndërtuar një koleksion unik supermakinash. Pasioni i tij më i madh janë makinat Ferrari, që zënë vend të veçantë në zemrën dhe garazhin e suedezit. Një nga blerjet më të fundit ishte Ferrari SF90 XX Spider, “full black”, me detaj të kuq në kofano, me 1.030 kuaj fuqi dhe shpejtësi 0-100 km/h për vetëm 2.3 sekonda. Çmimi: rreth 850 mijë euro.
    Në garazh gjenden gjithashtu një Ferrari Monza SP2 i zi (V12, pa xham, vlerë rreth 1.6 milionë euro), një Ferrari Daytona SP3 i bardhë (840 kuaj fuqi, mbi 2.3 milionë euro) dhe një Ferrari 812 Competizione (V12, 830 kuaj fuqi). Nuk mungon as SUV Purosangue, modeli i parë me rrota të larta i Maranellos, me 725 kuaj fuqi dhe çmim rreth 400 mijë euro.
    Koleksioni i Ibrës nuk kufizohet vetëm te “kokëkuqet”. Aty spikasin edhe një Audi RS6, një Maserati Gran Turismo, një Porsche 918 Spyder dhe një Lamborghini Urus. Çdo makinë pasqyron personalitetin e tij; fuqi, ekskluzivitet dhe dëshirë për të lënë gjurmë, ashtu si në fushat e blerta.
    Gëzuar ditëlindjen, Ibra! Zlatan i dhuron vetes “Ferrari F80”, që kushton 3.5 milionë euro

  • 17 vjeçari realizoi golin e parë në Serie A, Ibrahimovic zbulon mesazhin e para 6 vitesh!

    17 vjeçari realizoi golin e parë në Serie A, Ibrahimovic zbulon mesazhin e para 6 vitesh!

    29 Shtator 2025

    22:45

    Telesport

    Futbollisti legjendar suedez, Zlatan Ibrahimovic, ndau me publikun një histori të veçantë rreth Francesco Camardës, sulmuesit 17-vjeçar të Milanit, i cili aktualisht është i huazuar te Lecce dhe dje shënoi golin të parë të sezonit.
    Ibrahimović postoi një mesazh në Instagram nga viti 2019, kur një djalë 11-vjeçar i panjohur i kishte shkruar.
    “Unë jam italian dhe tifoz i madh i Milanit. Je një kampion i madh. Faleminderit që erdhe në Milan. Dua të të takoj, ti je heroi im. Unë luaj për Milanin dhe emri im është Francesco Camarda”, kishte shkruar i riu në atë kohë.
    Së bashku me këtë mesazh, Zlatan publikoi edhe një foto nga ndeshja e fundit e Serie A, ku Camarda shënoi golin e barazimit për Lecce në kohën shtesë ndaj Bolognas (2-2).
    “Tani të gjithë e dinë emrin tënd, jo vetëm unë”, shkroi legjenda suedeze, duke nxjerrë në pah rrugëtimin e jashtëzakonshëm të Camardës, nga një tifoz që kontakton idhujt e tij deri tek një sulmues që po bën bujë në media.