Lajmidites.com

Tag: harry

  • Harry Kane vlerësoi trajnerin Vincent Kompany: Ai nxori më të mirën nga unë

    Harry Kane vlerësoi trajnerin Vincent Kompany: Ai nxori më të mirën nga unë

    11 Dhjetor 2025

    13:53

    Telesport

    Sulmuesi anglez Harry Kane po kalon një periudhë të artë te Bayern Munich dhe për këtë vlerëson ndër të tjera edhe trajnerin Vincent Kompany.
    “Kam një mendim të lartë për të, që nga mënyra se si na trajton ne lojtarëve, deri te mënyra se si stërvitemi dhe përgatitemi për ndeshjet”, u shpreh Harry Kane.
    “Vincent është një shembull i përsosur se si duhet të sillet një ekip. Ai nxori më të mirën tek unë”, deklaroi sulmuesi anglez, që ka realizuar 113 gola në 119 ndeshje zyrtare me bavarezët.
    Në fund, Harry Kane shton: “Kompany nxori nga unë edhe guximin për të bërë presion të lartë, mosfrikën nga duelet individuale, mentalitetin, dominimin. Ai na dha të gjithëve besim të madh.”

  • Kaloi operacionin e rëndë, Meghan Markle ndërmerr hapin e parë drejt pajtimit me babain e saj, pas apelit të tij nga spitali

    Kaloi operacionin e rëndë, Meghan Markle ndërmerr hapin e parë drejt pajtimit me babain e saj, pas apelit të tij nga spitali

    Pas një thirrjeje të babait të saj nga spitali, ku deklaroi se nuk dëshiron të vdesë ndërsa janë të ndarë, Dukesha e Sussex-it, Meghan Markle, i ka dërguar një letër Thomas Markle.
    Sipas burimeve, Meghan i ka dërguar letrën përmes “kontakteve të besueshme dhe të sigurt”, dhe ajo tashmë ndodhet në duart e 81-vjeçarit. Thomas Markle po rikuperohet në Filipine pas një ndërhyrjeje tre-orëshe, gjatë së cilës mjekët ishin të detyruar të amputojnë një pjesë të këmbës së majtë për shkak të trombozës së madhe.
    Thomas Markle kishte bërë një apel për Meghan, duke thënë: “Nuk dua të vdes ndërsa jemi të ndarë”, dhe shprehu dëshirën për të takuar dhëndrin e tij, princin Harry, dhe nipërit e mbesat, Archie dhe Lilibet, “para se të jetë vonë”.

    A spokesperson for Meghan Markle said she had managed to send a letter to her hospitalized father despite the Daily Mail breaching “clear ethical boundaries” by reporting from his bedside.

    Read more:https://t.co/kInwZsGpYV
    — GMA Integrated News (@gmanews) December 10, 2025

    Sipas mediave të huaja, Meghan ka kërkuar kontakt me babanë e saj duke komunikuar me spitalet në Filipine para se t’i dërgonte letrën, përmbajtja e së cilës nuk është bërë e njohur. Markle ka dalë nga njësia e kujdesit intensiv dhe do të qëndrojë në spital rreth një javë para se të transferohet në një qendër rehabilitimi. Pritet një periudhë e gjatë rikuperimi dhe, pasi të shërohet plagë, do të vendoset një protezë.
    Djali i tij, Thomas Jr., tha se babai i tij “ishte shumë trim” gjatë operacionit, dhe përshkroi se këmbë e tij “nga blu u bë e zezë” brenda disa orësh, para se të vendosej nevoja për ndërhyrjen.
    Mosmarrëveshja dhe ndarja mes Meghan dhe babait të saj filloi në vitin 2018, kur Markle po pozonte për paparacët pak para dasmës së saj me Harry-n dhe më pas pësoi dy sulme në zemër, duke mos mundur ta shoqëronte në kishë. Ai nuk e ka takuar kurrë princin Harry, as nipërit dhe mbesat e tij.
    /vizionplus.tv

  • Harry Kane një “përbindësh”, anglezi thyen rekordin e Gerd Myler

    Harry Kane një “përbindësh”, anglezi thyen rekordin e Gerd Myler

    17 gola dhe 3 asiste në 13 ndeshje, këto janë shifrat e Harry Kane këtë sezon, vetëm në Bundesligë, shifra të denja për një “top-player”, një “bomber” që i mungonte Bayern Munich që nga koha kur u largua Robert Lewandowski. Harry Kane po udhëheq Bayern në fazën ofensivë, me rendimentin e tij që i ka kaluar të gjithë pritshmëritë, madje duke vendosur edhe rekorde të pabesueshme.
    Ndaj Shtutgard, Harry Kane realizoi një “tripletë” golash. Kjo ishte hera e 10-të që kapiteni i Anglisë realizon një “tripletë” në Gjermani. Këtë shifër, Kane e arriti me 76 ndeshje në dispozicion, duke u bërë lojtari i parë që arrin më shpejt një shifër të tillë. Sulmuesi anglez thyen në këtë mënyrë rekordin e Gerd Myler. Ish “bomberit” legjendar të Bayern iu ndeshjen 161 ndeshje për të realizuar 10 “tripleta”, ndërsa Lewandowski e kapi këtë shifër me 324 ndeshje në dipozicion.

    Këto shifra dhe forma e Harry Kane ka bërë që drejtuesit e Bayern Munich të negociojnë me përfaqësues të lojtarit për të gjetur një akord të ri për rinovimin e kontratës aktuale që i përfundon në 2027, por lojtari mund të largohet në fund të këtij sezoni nëse ndonjë skuadër paguan 65 milionë euro për kartonin e tij.
     

  • Harry Kane “zbret nga froni” Gerd Muller, vendos rekordin e tij të ri në Bundesligë

    Harry Kane “zbret nga froni” Gerd Muller, vendos rekordin e tij të ri në Bundesligë

    9 Dhjetor 2025

    9:54

    Alfred Lleshi

    Harry Kane shënoi një tjetër “hat-trick” për Bayern Munich në fitoren 5-0 ndaj Stuttgart, në Bundesligë. Ky ishte “hat-trick” i 10-të i Kane në Bundesligë, që nga mbërritja e tij te bavarezët më 2023.
    Ai e arriti këtë shifër në vetëm 76 ndeshje, pra ka mesatarisht një “hat-trick” çdo 7.5 ndeshje. Kane theu kësisoji rekordin e mëparshëm të Gerd Muller, i cili arriti 10 “hat-trick” në 161 ndeshje.
    Për krahasim, Mario Gomez e realizoi këtë në 187 ndeshje, ndërsa Robert Lewandowski arriti 10 “hat-trick” në 324 ndeshje të Bundesligës. Performanca e Kane tregon efikasitet jashtëzakonisht të lartë, duke e vendosur atë menjëherë mes legjendave më të mëdha të Bundesligës dhe konfirmuar si një nga sulmuesit më të frikshëm të epokës moderne.

  • Shaka apo tallje për jetën në familjen mbretërore? Princi Harry: Si “Downton Abbey” me intriga, por me më shumë dramë

    Shaka apo tallje për jetën në familjen mbretërore? Princi Harry: Si “Downton Abbey” me intriga, por me më shumë dramë

    Princi Harry, Duka i Sussex, ka bërë një koment për jetën në familjen mbretërore gjatë fjalimit në drekën e 65-të të Krishtlindjeve të Këshillit Britaniko-Amerikan të Biznesit, që u mbajt në Santa Monica, Kaliforni.

    Ai e krahasoi jetën mbretërore me serialin e njohur britanik Downton Abbey, duke shtuar se “njëra është e mbushur me drama, intriga, darka luksoze dhe martesa me amerikanë, ndërsa tjetra është thjesht një serial televiziv”.
    Gjatë fjalimit të tij, Princi Harry foli me humor për vështirësitë dhe përjetimet e jetës në familjen mbretërore.
    “Njerëzit ndonjëherë më pyesin nëse të rritesha me familjen mbretërore ishte si ‘Downton Abbey’.
    Po, por vetëm njëra nga ato botë është e mbushur me drama, intriga, darka luksoze dhe martesa me amerikanë, ndërsa tjetra është thjesht një serial televiziv”, tha ai, duke shkaktuar të qeshura në audiencë.
    Princi Harry gjithashtu diskutoi për jetën e tij në Shtetet e Bashkuara si një shtetas britanik. Ai e përshkroi atë si një përvojë të re, duke thënë se “për mua, të qenit britanik nuk ka të bëjë me qëndrimin tënd, por me atë për të cilën mbështetesh”.

    Top Channel

  • “Këpuca e Artë” / Harry Kane kryeson renditjen, para Mbappé dhe Haaland. Një shqiptar i dhjeti

    “Këpuca e Artë” / Harry Kane kryeson renditjen, para Mbappé dhe Haaland. Një shqiptar i dhjeti

    8 Dhjetor 2025

    10:29

    Alfred Lleshi

    Harry Kane kryeson renditjen e “Këpucës së Artë” europiane për momentin, duke kaluar Kylian Mbappé dhe Erling Haaland. Sulmuesi anglez shënoi në fundjavën e fundit dhe arriti 34 pikë, ndërsa Mbappé mbetet në 32 pikë. Haaland, me 15 gola dhe koeficientin 2 për 5 kampionatet kryesore europiane, grumbullon 30 pikë.
    Pas tyre renditen Darko Lemajic i RFS dhe Ayase Ueda i Feyenoord, me 18 gola dhe koeficient 1.5. Emra të tjerë të rëndësishëm janë Ferran Torres dhe Igor Thiago me 22 pikë, përpara Mason Greenwood dhe Joaquin Panichelli.
    Në Serie A, golashënuesi kryesor mbetet Lautaro Martinez, me 14 pikë, duke kaluar shokun e skuadrës Calhanoglu dhe Riccardo Orsolini. Kjo renditje tregon dominimin e Kane në nivel ndërkombëtar dhe pozicionin e spikatur të Lautaro në kampionatin italian, duke reflektuar performancat e tyre të jashtëzakonshme gjatë sezonit.
    Ja renditja aktuale:1.Harry Kane (Bayern Munich) – 34 pikë2.Mbappé (Real Madrid) – 323.Erling Haaland (Manchester City) – 304.Ferran Torres (Barcelona) -225.Igor Thiago (Brentford) – 226.Mason Greenwood (Olympique Marseille) – 207.Joaquín Panichelli (Strasburg) – 18.8.Jonathan Burkardt (Eintracht Frankfurt) -169.Robert Lewandowski (Barcelona) – 1610.Vedat Muriqi (Mallorca) – 16

  • Bayern “makineri perfekte”, dorëzohet edhe Stuttgart, Karry Kane shënon tre gola

    Bayern “makineri perfekte”, dorëzohet edhe Stuttgart, Karry Kane shënon tre gola

    Bayern është një makineri golash dhe pikësh në kamiponatin gjerman. Skuadra e Vincent Kompany fitoi 5- 0 në transfertë kundër Stuttgart në duelin e javës së 13 të Bundesligës transmetuar në Tring.
    Për bavarezët ishte fantastik Harry Kane autori i 3 golave. Miqtë kaluan në avantazh në minutën e 11 me anë të Lajmer. Ndërkohë që në pjesën e dytë Bayern e ktheu në goleadë sfidën kudnër Stuttgart.
    Harry Cane realizoi golin e dytë në minuten e 66, ndërkohë, që Stanisiç pak caste më vonë i coi shifrat në 3- 0.  Dalja me të kuq e futbollistit Asinjon për vendasit e ndihmoi skuadrën bavareze të shënonte edhe dy herë të tjera me të njëjtin emër, Harry Kane.

    Në sajë të ketij suksesi, bayren udhëheq kampionatin me 37 pikë, 8 pikë më shumë sesa Laibzig ndjekës.

  • Harry Kane bën agjentin, po tenton të joshë një anglez për Bayern

    Harry Kane bën agjentin, po tenton të joshë një anglez për Bayern

    5 Dhjetor 2025

    17:01

    Telesport

    Harry Kane thuhet se po mundohet të “tundojë” një bashkëlojtar të Anglisë që t’i bashkohet Bayern-it, qoftë në merkaton e janarit apo pas përfundimit të sezonit.
    Kontrata e Marc Guehi me Crystal Palace skadon verën e ardhshme dhe klubi ka bërë të ditur se qendërmbrojtësi do të largohet.
    Në ditën e fundit të merkatos së shtatorit, Guehi ishte shumë pranë një transferimi te Liverpool për rreth 35 milionë euro, por marrëveshja u prish në momentet e fundit pasi Palace nuk arriti të gjente një zëvendësues të tij.
    “Të Kuqtë” pritet të rikthehen me një interes të ri muajin e ardhshëm, megjithëse me gjasë nuk do të ofrojnë sërish shifrën 35 milionë euro. Disa raportime tregojnë se Palace mund të pranojë një shumë rreth 25 milionë euro.
    Por Liverpool nuk është i vetmi klub në garë. Për 25-vjeçarin ka interes nga disa skuadra evropiane, mes tyre edhe Bayern, ku Kane po përpiqet ta bindë mbrojtësin që të braktisë Londrën dhe të transferohet në Mynih.

  • Neuer: Ai është një nga sulmuesit më të mirë që kam luajtur ndonjëherë, i jashtëzakonshëm

    Neuer: Ai është një nga sulmuesit më të mirë që kam luajtur ndonjëherë, i jashtëzakonshëm

    5 Dhjetor 2025

    12:13

    Telesport

    Portieri i Bayern Munich, Manuel Neuer, ka folur me superlativa për sulmuesin anglez Harry Kane, shokun e tij të skuadrës. Ai po shkëlqen në Mynih dhe në dy sezone ka qenë vendimtar me golat e tij.
    “Ai është një nga lojtarët më të mirë sulmues me të cilët kam luajtur ndonjëherë. Kane është një vrasës i vërtetë para portës. Ai mund të shënojë me çdo pjesë të trupit të tij. Ai gjithmonë e di se ku është portieri“, tha Neuer.
    “Harry është një lojtar i gjithanshëm. Ai gjithashtu ka një kohë të shkëlqyer kur përfundon dhe hapin e duhur mbi mbrojtësin kur mund të gjuajë midis këmbëve të tij. Ai është i mirë edhe kur gjuan me kokë”, shtoi më tej portieri veteran.
    Më tej, Neuer tha: “Ai ka inteligjencë të jashtëzakonshme loje si brenda ashtu edhe jashtë zonës. Ai mbrohet mirë dhe është një nga ata lojtarë që kthehet. Kane ka gjithçka që i duhet një sulmuesi. Gjithmonë dëshiron të konkurrosh me më të mirët dhe është e qartë se jemi të lumtur që kemi Harry Kane në radhët tona”.

  • Barcelona nuk heq dorë nga Harry Kane, “9”-shi anglez paska edhe klauzolë dimërore

    Barcelona nuk heq dorë nga Harry Kane, “9”-shi anglez paska edhe klauzolë dimërore

    2 Dhjetor 2025

    10:17

    Alfred Lleshi

    Harry Kane (32 vjeç) është një nga sulmuesit që figuron në listën e objektivave të Barcelonës për ta forcuar skuadrën sezonin e ardhshëm. Klubi po kërkon një golashënues të nivelit të lartë për të zëvendësuar Lewandowskin, i cili e përfundon kontratën në fund të sezonit dhe do të mbushë 38 vjeç në gusht. Emri i sulmuesit anglez po fiton terren si kandidat.
    Një nga faktorët që e bëjnë Kane tërheqës për Barcelonën është mundësia e largimit nga Bayern Munich me një çmim të caktuar. Kontrata e tij skadon më 2027, por ka një klauzolë lirimi që mund të aktivizohet në rast marrëveshjeje me lojtarin. Vlerësohet se klauzola është 65 milionë euro, një shifër e përshtatshme krahasuar me top-sulmuesit aktualë.
    Nga Bayerni konfirmojnë se kjo klauzolë vlen edhe për merkaton dimërore. Uli Hoeness, presidenti nderi i bavarezëve, deklaroi: “Ka pasur një klauzolë lirimi deri në fund të janarit çdo vit, por supozojmë se do ta përmbushë kontratën deri në 2027. Nëse është për ne, do t’ia rinovonim kontratën. Familja e tij ndihet shumë rehat në Bavari”.
    Kane tha javën e kaluar se është “i lumtur në Mynih” dhe nuk e konsideron ndryshimin e ambientit sezonin e ardhshëm, por nuk ka nisur ende negociata për rinovimin e kontratës. Barça do të vendosë nëse do ta tentojë nënshkrimin e sulmuesit anglez, që vazhdon të tregojë efikasitet të jashtëzakonshëm.