Lajmidites.com

Tag: guardiola

  • “Ai është nivel tjetër”, Guardiola ngre në qiell yllin e Real Madridit

    “Ai është nivel tjetër”, Guardiola ngre në qiell yllin e Real Madridit

    11 Dhjetor 2025

    19:12

    Telesport

    Pep Guardiola nuk i ka fshehur lëvdatat për Rodrygo-n, pas ndeshjes së mbrëmshme në “Bernabeu”, ku Man. City fitoi 1-2 në transfertë ndaj Real Madridit.
    “Rodrygo është lojtar i një niveli tjetër. Ai djalë është shumë, shuëm i mirë. Jam i lumtur që është rikthyer nga dëmtimi”, tha Guardiola.
    Kujtojmë që Manchester City prej kohësh interesohet për yllin brazilian të Real Madridit, por me paraqitjen e mbrëmshme, vështirë që ai mund të largohet nga Real Madrid. Edhe Xabi Alonso pranoi që ka veptuar gabim me Rodrygo-n, duke i dhënë pak hapësira këtë sezon.

  • Guardiola: Herë të tjera kemi luajtur më mirë dhe nuk kemi fituar këtu

    Guardiola: Herë të tjera kemi luajtur më mirë dhe nuk kemi fituar këtu

    11 Dhjetor 2025

    8:49

    Alfred Lleshi

    Pep Guardiola analizoi fitoren e Manchester City ndaj Real Madridit duke vlerësuar shumë nivelin e kundërshtarit dhe vështirësinë e “Bernabéu”. “Deri te goli nuk e kontrollonim ndeshjen, nuk ishim agresivë. Rodrygo na dëmtoi shumë, por goli na zgjoi”, – tha ai, duke theksuar se për shumë lojtarë ishte përvoja e parë në këtë stadium. Guardiola u shpreh mirënjohës: “Kam përjetuar shumë beteja këtu. Shpesh kemi luajtur më mirë dhe nuk kemi fituar. Në fillim madrilenët ishin shumë më të mirë”.
    Ai kujtoi aftësinë e Real Madridit për t’i kthyer ndeshjet: “Në tre sekonda topi përfundon në zonën tënde. Këtu lindin përmbysjet”. Pep rrëfeu se City duhet të përmirësohet për t’i synuar gjysmëfinalet: “Në janar, shkurt e mars duhet nivel më i lartë, kaq nuk mjafton”.
    Ai vlerësoi lojtarët e rinj dhe ritmin e City këtë sezon: “Kemi 13 pikë, jemi më mirë se vjet. Kemi dëshirë dhe mund të rritemi”. Për paraqitjen e Realit tha: “Kishte shumë mungesa. Ishte më mirë se ne derisa gjetëm golin”. Për penalltinë u shpreh: “Ishte shumë e qartë, VAR e konfirmoi”.

  • Reali i Madridit e pëson nga VAR-i, Guardiola bën gati valixhet e Çabi Alonsos

    Reali i Madridit e pëson nga VAR-i, Guardiola bën gati valixhet e Çabi Alonsos

    Një tjetër rezultat zhgënjyes për Realin e Madridit. “Los blancos” janë mposhtur sot me shifrat 1-2 nga Mançester Siti. Rodrigo zhbllokoi rezultatin në minutën e 28, por festa në “Santiago Bernabeu” nuk do të zgjaste shumë. Në minutën e 35 O’rajli riktheu baraspeshën, ndërsa 2 minuta nga fundi i pjesës së parë Halandi vulosi shifrat në 1-2. Sulmuesi norvegjez u rrëzua në zonën e madrilenëve dhe pas rishikimit të pamjeve në monitorin e VAR-it, arbitri vendosi të sinjalizonte për penallti.
    Më pas Erling Halandi nuk e pati të vështirë të dërgonte topin në rrjetë nga pika e bardhë e 11 metrave. Një goditje e rëndë për Realin e Madridit, që vazhdon të mos dalë dot nga kriza e rezultateve. Me këtë humbje, Guardiola ka bërë gati valixhet për Çabi Alonson, pasi u përfol se përballja ndaj Sitit do të ishte vendimtare për të ardhmen e tij në krye të stolit të Realit të Madridit./Sport Ekspres/

  • Disa fjalë më shumë janë thënë! Pep Guardiola “e ka në dorë” Xabi Alonso-n, trajneri i Realit ka treguar më shumë sekrete se duhet

    Disa fjalë më shumë janë thënë! Pep Guardiola “e ka në dorë” Xabi Alonso-n, trajneri i Realit ka treguar më shumë sekrete se duhet

    Xabi Alonso luan ndoshta ndeshjen më të rëndësishme në karrierën e tij si trajner sonte. Dueli me Manchester Cityn shënohet si vendimtar për qëndrimin e tij në stol, sepse ka shumë zëra për shkarkimin e tij. Nga ana tjetër është miku i tij i mirë Pep Guardiola. Ata punuan së bashku në Bayern, ku Xabi luante për Pepin dhe ishte një nga lojtarët kryesorë të ekipit bavarez.
    Dyshja mbeti në marrëdhënie të shkëlqyera. Xabi shpesh kërkonte këshilla, dhe mediat spanjolle zbuluan gjithashtu se kishte disa rrëfime që njerëzve në Madrid padyshim nuk do t’u pëlqenin. Njëra prej tyre është se ai nuk e dëshiron më Vinicius Junior në klub. Ai thjesht nuk mund të bashkëpunojë me të.“Xabi Alonso flet shpesh me Pep Guardiolën, veçanërisht që kur u bë trajner i Real Madridit”, raporton El Chiringuito, duke shtuar: “Ai thuhet se madje ia pranoi atij se nuk e donte më Vinicius Junior në ekipin e tij.” /Elio Hajdari-Sport Ekspres/

  • Guardiola “ngushëllon” Alonso: Drejton një klub që është i vështirë për shkak të mjedisit

    Guardiola “ngushëllon” Alonso: Drejton një klub që është i vështirë për shkak të mjedisit

    Trajneri i Manchester City, Pep Guardiola, ka befasuar me deklaratën e tij pak orë para ndeshjes që do të luajë ndaj Real Madrid në Champions League. “Nëse do ta lija Real Madrid të luante siç e lashë Manchester City të luante vitin e kaluar, do të më kishin shkarkuar pas gjashtë muajsh“, tha trajneri Guardiola.
    Një koment ky për situatën e vështirë me të cilën përballet kolegu i tij Xabi Alonso te Real Madrid. Asnjë provokim, por thjesht një mënyrë për të “ngushëlluar” bashkëkombësin e tij.
    Në prag të ndeshjes së madhe, Guardiola vuri në dukje se nëse flitet për shkarkimin e mundshëm të Xabi Alonso te “los blancos” kjo është vetëm sepse ai po stërvit në “vendin më të komplikuar në botë”.
    Trajneri katalanas shtoi më pas: “Real Madrid është një vend i vështirë, por ai e di këtë. Është realiteti i të qenit në këtë nivel. Shumë lojtarë janë të lënduar te Real Madrid, siç ishim ne sezonin e kaluar”.
    “Gjithsesi, Alonso është i aftë të bëjë atë që kërkohet nga pozicioni i tij. Duhet të fitosh kudo këto ditë, përndryshe do të kesh problem. Sigurish që Xabi më pëlqen sepse ishim bashkë për dy vjet dhe ishte një përvojë e jashtëzakonshme të punoja me të”, tha Guardiola.
    “Më pëlqen jo vetëm si trajner; ne gjithashtu ndajmë familje. Barcelona dhe Real Madrid janë klubet më të vështira për t’u menaxhuar për shkak të mjedisit“, tha Guardiola.

  • “Çabi Alonso duhet të urinojë me të tijin”, Guardiola nuk i kursen batutat: Ju pëlqeu titulli që ju dhashë?

    “Çabi Alonso duhet të urinojë me të tijin”, Guardiola nuk i kursen batutat: Ju pëlqeu titulli që ju dhashë?

    Pep Guardiola do të përballet me Realin e Madridit mbrëmjen e nesërme. Trajneri i Mançester Sitit është paraqitur në konferencë për shtyp përpara sfidës, ku nuk i ka kursyer batutat. I peytur nga njëri prej gazetarëve se cili do të ishte mesazhi i tij për Çabi Alonson, Guardiola është përgjigjur me një batutë që askush nuk e priste.
    “I uroj Çabi Alonsos më të mirat. Ai mund t’i ndryshojë gjërat te Reali i Madridit. Mesazhi im për të? Çabi Alonso duhet të urinojë me të tijin. Nuk do të urinojë parfum, kështu që do t’ja dali mirë. Ju pëlqeu ky titull, apo jo? E morët fjalinë…”, është shprehur ndër të tjera Pep Guardiola./Sport Ekspres/

  • Guardiola vlerëson sulmuesin: I ri dhe ka një personalitet të madh, një lojtar i jashtëzakonshëm

    Guardiola vlerëson sulmuesin: I ri dhe ka një personalitet të madh, një lojtar i jashtëzakonshëm

    9 Dhjetor 2025

    11:54

    Telesport

    Manchester City përgatitet për ndeshjen ndaj Real Madrid në mesjavë në Champions League. Në prag të kësaj sfide, trajneri Pep Guardiola ka folur për sulmuesin e ri Rayan Cherki, vetëm 22 vjeç.
    Në ndeshjen e fundit në kampionat, ai realizoi 2 asist për “citizens”, ndaj Guardiola e ka vlerësuar performancën e tij: “Rayan është një lojtar i jashtëzakonshëm. Kaq i ri. Ai ka një personalitet të madh, duke u përmirësuar gjatë gjithë kohës”.
    “Rayan na jep pasime shtesë dhe nuk ka frikë. Ai ka diçka të veçantë kur afrohet në zonën kundërshtare. Ajo që admiroj më shumë nuk janë aftësitë, më pëlqen thjeshtësia”, shtoi Guardiola.
    Në fund, trajneri spanjoll komentoi: “Ajo që mësova nga Lionel Messi është që të mos bëjë kurrë gabime me gjërat e thjeshta. Kurrë. Gjërat e thjeshta ai i bën në mënyrë të përsosur”.

  • Asistoi më “rabona”, Guardiola kritikon yllin e ekipit: Nuk e kam parë kurrë Messin ta bëjë një gjë të tillë

    Asistoi më “rabona”, Guardiola kritikon yllin e ekipit: Nuk e kam parë kurrë Messin ta bëjë një gjë të tillë

    7 Dhjetor 2025

    18:09

    Telesport

    Manchester City fitoi 3-0 ndaj Sunderland, duke iu afruar me vetëm dy pikë diferencë Arsenalit të vendit të parë. Goli i tretë i ndeshjes u krijua në një mënyrë spektakolare, me Rayan Cherki që bëri një krosim të guximshëm me “rabona” nga krahu i djathtë për Phil Foden që e shndërroi në gol. Pavarësisht asistit të bukur, trajneri i City, Pep Guardiola, shprehu mosmiratimin e qartë për gjestin e francezit.
    “Nuk e kam parë kurrë Messin të luajë dhe të bëjë një krosim të tillë… Messi është lojtari më i madh në histori, dhe as prej tij nuk kam parë kurrë pasime të tilla. Një krosim është në rregull, është gjithçka mirë… Nuk ka rëndësi nëse është me këmbën e djathtë, të majtën, pjesën e jashtme të këpucës, me kokë, nuk ka rëndësi. Nëse funksionon, shkëlqyeshëm.
    Por mua më pëlqen thjeshtësia dhe dua që lojtarët e mi t’i bëjnë mirë gjërat e thjeshta. Nëse do që të bësh një asistim me “rabona”, nëse ke një talent të veçantë që të kanë dhënë mami dhe babi, atëherë bëj çfarë të duash. Por nëse nuk funksionon, atëherë ka probleme. Atëherë do të jesh në telashe”, tha Guardiola.

  • City-Real Madrid, shkëmbim i bujshëm! Pep ofron Rodrin për talentin e sulmit

    City-Real Madrid, shkëmbim i bujshëm! Pep ofron Rodrin për talentin e sulmit

    7 Dhjetor 2025

    13:35

    Telesport

    Pep Guardiola është i mahnitur nga talenti i ri turk, Arda Güler, i cili ka shkëlqyer me paraqitjet e tij të fundit.
    Admirimi i tij për mesfushorin e ri ka arritur në atë pikë sa trajneri katalanas i ka propozuar drejtuesve të Manchester City-t idenë e një shkëmbimi të pazakontë. Guardiola, i bindur për potencialin e Gülerit, raportohet se ka sugjeruar mundësinë që City të ofrojë një lëvizje të guximshme për të siguruar shërbimet e tij.
    Pep është i gatshëm të sakrifikojë edhe një nga lojtarët më kyç të skuadrës, Rodrin, për të bindur Real Madridin. Një propozim i tillë do të trondiste botën e futbollit, duke pasur parasysh rëndësinë e spanjollit në sukseset e City-t.
    Megjithatë, ideja pasqyron se sa i madh mund të jetë vlerësimi i Guardiolës për Gülerin dhe besimi i tij se talenti i ri mund të shndërrohet në një yll të së ardhmes.

  • Guardiola: Ky sezon i Premier është i rrëmujshëm dhe i paparashikueshëm, do të luftojmë për titullin

    Guardiola: Ky sezon i Premier është i rrëmujshëm dhe i paparashikueshëm, do të luftojmë për titullin

    Manchester City ndodhet i dyti në renditjen e Premier League, duke qëndruar 5 pikë pas kryesuesve të Arsenal. “Citizens” arritën një fitore rokamboleske javën e fundit ndaj Fulham (5-4).
    Sipas trajnerit Pep Guardiola, kjo që ndodhi në atë ndeshje dhe duke parë rezultatet e shumta surprizë të këtij sezoni, beson se gjithçka do të jetë e hapur deri në fund.
    “Kjo është Premier League, hera-herës e rrëmujshme, nuk mund ta kontrollosh dot atë. Thjesht është Premier League, gjithçka duket e paparashikueshme”, tha trajneri spanjoll i City.
    “Për momentin, Arsenal është kaq i fortë dhe kaq solid. Kështu që unë e di se çfarë duhet të bëjmë. Do të jetë e vështirë, por në të njëjtën kohë, Premier League është kaq e gjatë”, shtoi Guardiola.
    “Kam përvojë të mjaftueshme për të bërë vrapime të gjata, për të provuar të luftoj për të fituar Premier League. Dhe kur kjo të ndodhë, është vetëm çështje mbijetese. Mos më tregoni si, as lojtarët nuk e dinë. Në fund e pranojmë”, tha Guardiola.