E ftuar në një studio televizive, Adriana Kalaja akuzoi qeverinë se përmes planit për 20 qendra azili po kryen një lobim për blerje interesash, ndërsa vendi ndodhet në gjendjen më kritike të sigurisë juridike dhe të jetesës.
“Është një lajm shumë i trishtë. Unë dhe ne të gjithë asnjëri besoj se nuk ka kompleksin e raportit që duhet të kemi me të huajt, por të bëjmë një analizë pas 2013 dhe sot, ku janë larguar për të emigruar rreth 1 milion banorë shqiptarë, ku ne jemi në gjendjen më kritike të sigurisë juridike por edhe sigurisë së jetesës në Shqipëri.
Jo më shumë se dje morëm lajmin edhe të një fëmije tjetër. Kemi një polici inekzistente në raport me luftën ndaj krimit, në raport me luftën ndaj drogës dhe shumë problematikave të tjera penale.
Kam parë një natë një skenë të tmerrshme ku 4 polic tërhiqnin zvarrë një vajzë për një patentë. Kemi probleme aq shumë të rënda dhe nga ana tjetër unë mendoj që kjo është blerje interesash, pra është lobim për blerje interesash”, u shpreh Kalaja.
Tag: gjendjen
-
“Një lajm shumë i trishtë”/ 20 qendra azili në Shqipëri, Kalaja: Është blerje interesash…Jemi në gjendjen më…
-
Raporton problemet e Lushnjes/ Korreshi me ironi: O deputet na duhen bote, ka vajt m*** në gju! Shalsi: Bëj humor dhe me gjendjen ku jeni katandis
Deputeti demokrat i Lushnjes, Saimir Korreshi nga foltorja, është ndalur te problemet që ka zona që ai përfaqëson, e kryesisht më përmbytjet javët e fundit.
Mes ironisë ai ka treguar se Lushnja ka problem me kanalizimet dhe me ujin e pijshëm.
“O zoti kryetar do të kërkoj dhe një herë ndjesë ty se fjalimet e mia nuk flasin për hapje kapitujsh si kolegët e mi…
Më marrin banorët në telefon dhe më thonë deputet më duhen dy bote për të thith pusetat se ka vajt m*ti në gju, në Lushnjë në qendër ndodh kjo. Si do ia bëjmë? Bora zbardhi tej për tej fusha edhe male, viti i ri do të na gjejë duke dhjerë në hale… nga uji i pijshëm”, tha ai.
Korreshit i është përgjigjur deputeti i PS Eduard Shalsi, i cili duke i vlerësuar humorin, i tha që ta përdorë duke bërë humor edhe për gjendjen që është sot opozita.
“Saimiri njihet për humorin e tij, dhe pas Agronit, humori i të cilit është me shkrim, vjen ti. Por do të bëj një sugjerim, mund të bësh pak humor dhe me gjendjen ku jeni katandis tani”, tha Shalsi.
“Për sugjerimin që më dhe, nuk kam gjet deri tani asnjë që të vjedhë më shumë sesa ju”, iu përgjigj Korreshi.
-
Peruja zgjat gjendjen e jashtëzakonshme për të luftuar krimin në Lima
Qeveria peruane ka zgjatur për 30 ditë “gjendjen e jashtëzakonshme” të shpallur tetorin e kaluar në kryeqytetin Lima dhe provincën fqinje Callao, raportuan mediat lokale të enjten.
Masa, e cila do të hyjë në fuqi nga 21 nëntori, synon të forcojë veprimet kundër krimit dhe formave të tjera të dhunës që ndikojnë në rendin e brendshëm, tha agjencia zyrtare e lajmeve të vendit, El Peruano.
Policia Kombëtare e Perusë do të ruajë kontrollin mbi rendin e brendshëm, me mbështetjen e Forcave të Armatosura, dhe do të përcaktojë zonat e ndërhyrjes bazuar në inteligjencën dhe instrumente të tjera teknike për të luftuar krimet me ndikim të lartë, sipas El Peruano.
-
Nis edicioni i 28-të i Panairit të Librit në Tiranë, botuesit ankohen për bibliotekat
Në hapjen e Panairit të Librit, botuesit ngritën shqetësimin për gjendjen e bibliotekave dhe mungesën e mbështetjes financiare për autorët e përkthyesit.
Edicioni i 28-të i panairit do të qëndrojë i hapur deri më 16 nëntor në Pallatin e Kongreseve.
Në çeljen e panairit të librit, kreu i shoqatës së botuesve shqiptarë ngriti si shqetësim gjendjen sipas tij të mjerueshme të bibliotekave.
Alesandro Ruggero nga instituti Italian i kulturës e vuri theksin te financimet dhe investimet që duhen bërë për botuesit dhe përkthyesit shqiptare në mënyrë që të kemi një cilësi më të mirë libri.
Si i vetmi aktivitet i këtij lloji dhe përmase, panairi i librit ngjalli interesin e lexuesve por dhe vizitorëve që në ditën e parë.
Të vegjlit ishin më të qartë në zgjedhje.
Edisoni i 28 i panariti të librit do të qëndrojë i hapur deri më 16 Nëntor në Pallatin e Kongreseve dhe do të mbyllet me shpërndarjen e cmimeve tradicionale për librat më të mirë. -
Elton Ilirjani alarmon për gjendjen e Parashqevi Simakut: Rrezikon të kthehet e pastrehë
Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA -
Seanca për inceneratorin e Tiranës, Bllako në GJKKO: Të shpallem i pafajshëm, të merren parasysh problemet familjare
Ish-sekretari i Përgjithshëm i Ministrisë së Mjedisit, Alqi Bllako, ka kërkuar në seancë që të shpallet i pafajshëm.
Bllako argumenton se fëmija i tij ka probleme shëndetësore dhe për këtë arsye ka kërkuar që GJKKO ta marrë parasysh gjendjen familjare.
“Kërkoj të shpallem i pafajshëm. I kërkoj gjykatës të marrë parasysh edhe gjendjen time familjare, sidomos të njërit prej fëmijëve, ku sipas mjekëve mungesa e prindit po rëndon gjendjen e tij”.
Prokuroria e Posaçme kërkoi 5 vite burg për ish-zyrtarin për dy raste korrupsioni pasiv për aferën e inceneratorit të Tiranës.
Pritet që Gjykata e Posaçme të japë vendimin sot në orën 13:30. -
“E martë e zezë për Shqipërinë”/ PD reagon pas katër ngjarjeve të rënda: Tregojnë gjendjen e terrorit ku është zhytur vendi
Partia Demokratike e ka cilësuar sot si një “tjetër të martë të zezë” për Shqipërinë, pas serisë së 4 ngjarjeve kriminale që kanë tronditur vendin.
Sipas PD-së, ‘tri vrasje me thikë në Durrës, Tiranë dhe Berat, si dhe një i plagosur me tritol në Shkodër, tregojnë për gjendjen e terrorit ku është zhytur vendi dhe për humbjen e kontrollit nga qeveria aktuale’.
“Dita e sotme është kthyer në një të ‘martë të zezë’ për Shqipërinë. Tri vrasje me thikë, në Durrës, Tiranë dhe Berat, dhe një i plagosur me tritol në qytetin e Shkodrës, flasin për gjendjen e terrorit ku është zhytur vendi dhe humbjen e kontrollit nga një qeveri që qeveris me Diellën dhe ‘Kryeministrin diell’.
Partia Demokratike duke dënuar me forcë çdo akt dhune ngushëllon familjet e viktimave dhe bën thirrje që drejtësia të veprojë me baraspeshë dhe ftohtësi për të shmangur çdo vetëgjyqësi.
Në të njëjtën kohë ne ngrejmë alarmin për rolin e spektatorit në raport me rendin e sigurinë ku e ka lëshuar veten Policia e narkoshtetit, duke treguar jo vetëm paaftësi, por edhe pandjeshmëri ndaj qytetarëve dhe rendit publik.
Dhuna nuk është zgjidhja, dhe aq më pak është zgjidhja një Polici dhe qeveri që nuk ka prioritet jetën dhe sigurinë e shqiptarëve, por ndarjen e drogës, territoreve dhe ndikimit elektoral me bandat.
Në shtetin e Ramaduros, ka vetëm terror, frikë dhe vrasje”-thuhet në reagimin e PD.Top Channel
-
Vetëm dy gjinitë, “Mashkull dhe Femër”, Komisioni Ligjeve rrëzon nismën e PD-së për Gjendjen Civile
Komisioni Parlamentar për Çështjet Ligjore dhe Administratën Publike, nën kryesimin e Ulsi Manja, ka pasur një mbledhje të ngjeshur, ku u shqyrtuan gjashtë projektligje. Ndër to, debati më i ashpër u zhvillua rreth një nisme të grupit të deputetëve të Partisë Demokratike (PD) për ndryshimin e ligjit “Për gjendjen civile”.
Debati për binaritetin gjinor
Projektligji i iniciuar nga deputeti Bardh Spahia synonte të shtonte një nen të ri në ligjin ekzistues, i cili përcaktonte qartë se në Republikën e Shqipërisë ekzistojnë vetëm dy gjini njerëzore, mashkull dhe femër, të përcaktuara biologjikisht që në lindje dhe të pandryshueshme ligjërisht.
Spahia argumentoi se ky përcaktim synon të garantojë siguri juridike dhe të ruajë rendin shoqëror dhe moral, pasi mungesa e një konstatimi të saktë të konceptit ‘gjinia’ në ligjin aktual lë hapësirë për interpretime që cënojnë koherencën ligjore.
Bardhi nënvizoi se ky përcaktim nuk synon përjashtimin apo diskriminimin, por garanton siguri juridike, mbrojtje të fëmijëve dhe ruajtjen e rendit shoqëror dhe moral mbi të cilën mbështetet shteti shqiptar. Sipas tij në ligjin aktual të gjendjes civile mungon një konstatim i saktë i konceptit ‘gjinia’”, çka lë hapësirë për interpretime që mund të lejojnë ndryshimin e gjinisë në dokumente shtetërore duke cenuar koherencën e sistemit ligjor.
Spahia tha se Kushtetuta sanksionon disa parime që e mbështesin drejtpërdrejt këtë projektligj, duke përcaktuar familjen si bazën e shoqërisë dhe duke përcaktuar qartë binaritetin gjinor si themel i institucionit të familjes.
Megjithatë, propozimi u rrëzua. Deputeti Olsi Komici, në cilësinë e relatorit, argumentoi se legjislacioni aktual “termi ‘gjini’ përcaktohet qartësisht në ligjin “Për gjendjen civile”” dhe se nuk ekziston nevoja për ndërhyrje, pasi ligji në fuqi nuk krijon hamendësime për ndryshimin e gjinisë në dokumentet shtetërore. Pas diskutimeve, komisioni rrëzoi në parim projektligjin e propozuar nga PD-ja.
Miratohen marrëveshjet për infrastrukturën
Mbledhja vijoi me shqyrtimin dhe miratimin në parim, nen për nen dhe në tërësi, të tre projektligjeve të paraqitura nga zëvendësministrja e Infrastrukturës dhe Energjisë, Enkelejda Muçaj. Këto përfshinin:
Aderimin në memorandumin e mirëkuptimit për kontrollin shtetëror portual në Mesdhe.
Ratifikimin e një marrëveshjeje huaje me BERZH-in për projektin “Korridori hekurudhor VIII, faza I – seksioni Durrës – Rrogozhinë”.
Ratifikimin e një kontrate financiare me BEI-në për të njëjtin projekt hekurudhor.
Muçaj sqaroi se investimet, të realizuara përmes dy huave të ndara, synojnë rehabilitimin e segmentit Durrës-Rrogozhinë, duke mundësuar lidhje multimodale me Maqedoninë e Veriut dhe rrjetin bullgar.
Komisioni miratoi gjithashtu në të gjitha fazat:
Projektligjin për aderimin në protokollin shtesë të Konventës CMR (në lidhje me faturën elektronike të ngarkesës), i prezantuar nga z. Enkelejd Musebelliu (MEI).
Projektligjin për ratifikimin e marrëveshjes së huasë me Bankën Ndërkombëtare për Rindërtim dhe Zhvillim për programin “Aftësia ripërtëritëse dhe zhvillimi i gjelbër”, prezantuar nga z. Endrit Yzeiraj. -
Izraeli heq gjendjen e emergjencës për herë të parë që nga “7 tetori 2023”
Bota E Hënë, 27 Tetor 2025 13:50
Për herë të parë që nga sulmi i 7 tetorit 2023, ministri i Mbrojtjes, Israel Katz, ka vendosur që gjendja e emergjencës e shpallur në jug të Izraelit të revokohet. Lajmi raportohet nga Times of Israel. “Situata e veçantë” i kishte dhënë mundësi Komandës së Frontit të Brendshëm të ushtrisë të kufizonte tubimet dhe të mbyllte disa zona. Ajo u shpall në mëngjesin e 7 tetorit në të gjithë vendin, por më pas mbeti në fuqi vetëm në jug. Urdhri do të skadojë nesër dhe, për herë të parë pas më shumë se dy vitesh, në Izrael nuk do të ketë më asnjë “situatë të veçantë” aktive.
“Kam vendosur të pranoj rekomandimin e Forcave të Mbrojtjes të Izraelit (IDF) dhe të heq, për herë të parë që nga 7 tetori, gjendjen e veçantë në frontin e brendshëm,” deklaroi Katz në një njoftim.
Ai shtoi se “ky vendim pasqyron realitetin e ri të sigurisë në jug të vendit, arritur falë veprimeve të vendosura dhe të guximshme gjatë dy viteve të fundit nga trupat tona heroike kundër organizatës terroriste Hamas.” -
Pësoi djegie nga zjarri që dogji banesën në Maliq, MSH: 6-vjeçarja është rëndë, po trajtohet në QSUT
Ministria e Shëndetësisë, ka reaguar në lidhje me gjendjen e 6- vjecares nga Korça, pasi shtëpia u përfshi nga zjarri.
Në një reagim Ministria bënë me dije se e mitura, aktualisht është në gjendje kritike për jetën. Ndërkohë, në QSUT ka shkuar edhe Ministrja e Shëndetësisë dhe Mirëqenies Sociale, Evis Sala.
Reagimi i Ministrisë së Shëndetësisë:
Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në qarkun e Korçës.
Pacientja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.
Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi.
Pak minuta, pas mbërritjes së 6 vjeçares, në QSUT ka mbërritur Ministrja e Shëndetësisë dhe Mirëqenies Sociale, Prof. Evis Sala, e shoqëruar nga drejtoresha e përgjithshme e QSUNT, Anxhela Paparizo dhe po ndjekin nga afër gjendjen e saj, në komunikim të vazhdueshëm me ekipin e përbashkët mjekësor të Shërbimit të Djegie-Plastikës dhe Shërbimit të Terapisë Intensive të Pediatrisë në QSUNT.
MSHMS shpreh ngushëllimet për humbjen e pjesëtarëve të familjes dhe po qëndron në komunikim me QSUT, minutë pas minute për gjendjen shëndetësore të së miturës.