Lajmidites.com

Tag: gjallë

  • I mbylli gojën qenit me ngjitës dhe e varrosi të gjallë, e pëson rëndë 90-vjeçari, gjobitet me 30 mijë euro

    I mbylli gojën qenit me ngjitës dhe e varrosi të gjallë, e pëson rëndë 90-vjeçari, gjobitet me 30 mijë euro

    Një ngjarje e rëndë tronditi zonën rurale të Nea Michanionës në Greqi, ku një burrë 90-vjeçar u arrestua pasi varrosi një qen të gjallë, pasi më parë ia kishte mbyllur gojën me shirit ngjitës.

    Episodi u zbulua të mërkurën në mëngjes, kur një qytetar që po kalonte rastësisht vuri re veprimin dhe njoftoi menjëherë autoritetet.

    Oficerët e Departamentit të Policisë së Thermaikos mbërritën shpejt në vendngjarje dhe gjetën qenin 17-vjeçar ende gjallë, megjithëse i traumatizuar.

    Kafsha u dërgua menjëherë në Shoqatën për Mbrojtjen dhe Mjedisin e Kafshëve Endacake të Selanikut Lindor (SYPPAZATH), ku sipas raportimeve gjendet në gjendje të mirë shëndetësore dhe po merr kujdes profesional.

    Nga informacionet paraprake, 90-vjeçari dyshohet se u ka thënë oficerëve se mendoi se qeni i cili i përkiste vajzës së tij kishte ngordhur dhe për këtë arsye ndërmori veprimin e papranueshëm. Megjithatë, pretendimi i tij po verifikohet nga autoritetet, të cilët e konsiderojnë rastin një shkelje të rëndë të ligjit për mirëqenien e kafshëve.

    Burrit të moshuar i janë vendosur gjoba administrative në vlerën e 30,300 eurove, ndërsa çështja është referuar për ndjekje të mëtejshme penale.

  • Vrasja e Martin Canit, deklarata e familjes: Ky vendim s’na e kthen dot, por… Sot, djali jonë është më i gjallë se kurrë

    Vrasja e Martin Canit, deklarata e familjes: Ky vendim s’na e kthen dot, por… Sot, djali jonë është më i gjallë se kurrë

    Familja e Martin Canit ka reaguar pas dënimit me 16 vite burg të Mario Përlleshaj, vrasësit të djalit të tyre.
    Ata shprehen se “kemi parë për herë të parë një rreze të fortë drejtësie”.
    “Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton”, theksohet në deklaratë.
    Duke shtuar se: “Sot, Martini është më i gjallë se kurrë në ndërgjegjen e shoqërisë.”
    Deklarata e familjes:
    Sot, pas një viti dhimbjeje që nuk përshkruhet me fjalë, ne — familja e Martin Canit — kemi parë për herë të parë një rreze të fortë drejtësie.
    Gjykata vendosi të mos ndjekë rekomandimin e Prokurorisë, e cila e trajtoi ngjarjen si një vepër të vetme penale por e njohu qartë atë që ne e kemi thënë që në ditën e parë: janë DY vepra penale — vrasja e Martinit dhe tentativë vrasje ndaj Luisit.
    Ky vendim është një akt kurajoz, profesional dhe i drejtë.
    Është një vlerësim real i asaj që ndodhi: dy fëmijë të goditur me thikë, dy akte të veçanta dhune, dy qëllime kriminale të ndara.
    I falenderojmë gjyqtarët për integritetin dhe ndershmërinë e tyre, që zgjodhën të shohin të vërtetën dhe jo rrugën më të lehtë procedurale.
    Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton.
    Sot, Martini është më i gjallë se kurrë në ndërgjegjen e shoqërisë.
    Ne do të vazhdojmë misionin tone me:
    Muzeun “Martin Cani”, një vend i kujtesës dhe edukimit.
    Filmin mbi jetën e tij, që do të mbajë gjallë ëndrrën e tij të futbollit dhe të ardhmes që nuk arriti ta jetojë.
    Fondacionin Martin Cani, që do të luftojë për sigurinë e fëmijëve në shkolla, që askush të mos përjetojë atë që kaluam ne.
    Falënderojmë të gjithë qytetarët që kanë qëndruar pranë nesh.
    Sot, drejtësia foli me zë të qartë për Martin Canin.
     

  • “Salianji të ruhet!”/ Mahmutaj: Të gjithë ata që e kanë rivalizuar Berishën nuk janë gjallë

    “Salianji të ruhet!”/ Mahmutaj: Të gjithë ata që e kanë rivalizuar Berishën nuk janë gjallë

    Gazetari Fatos Mahmutaj, në një intervistë në “Ora e Fundit”, foli për lëvizjen e Ervin Salianjin për takimin me më të votuarit.
    Gazetari u shpreh se Berisha e konsideron si pronë personale partinë, dhe shtoi se Salianji duhet të tregohet i kujdesshëm pasi të gjithë personat që kanë tentuar ta rivalizojnë Berishën nuk janë gjallë.
    Ai u shpreh se Salianji po përpiqet ta rinovojë PD pasi që nga 2013 situata në këtë parti është përkeqësuar.
    “Shpresoj që Salianji të mos ketë fatin e tyre që janë përpjekur t’i bëjë rivalitet Sali Berishës. Sepse të gjithë kanë vdekur. Duke e parë nga jashtë PD, do thoja që Salianji duket më i pjekur politikisht se Berisha sepse po mbledh emra që kanë mbledhur më shumë në zgjedhjet e fundit. Por kuptohet që Berisha me klanin e vet nuk i shikonte se figura që mund t’i kishte nën kontroll. Me thoni një emër përveç Lulzim Bashës, që kanë tentuar ta rivalizojnë Berishën dhe janë gjallë”, tha ai.

  • Juventusi i shpëton “turpit” në minutën e 91-të, bardhezinjtë mposhtin Bodo/Glimtin dhe mbajnë gjallë shpresat për kualifikim

    Juventusi i shpëton “turpit” në minutën e 91-të, bardhezinjtë mposhtin Bodo/Glimtin dhe mbajnë gjallë shpresat për kualifikim

    Juventusi ka marrë tre pikë mjaft të vyera mbrëmjen e sotme. Megjithëse përballë në fushën e lojës kishin një kundërshtar të lehtë në letër, transferta norvegjeze rezultoi e vështirë për bardhezinjtë. Vendasit kaluan të parët në epërsi me anë të golit të shënuar nga Blombergu në minutën e 27. Pjesa e parë përfundoi me avantazhin ne Bodo/Glimtit, ndërsa e dyta nisi vrullshëm për Juventusin.
    Openda riktheu baraspeshën në minutën e 48, ndërsa në të 59-n ishte Mekeni që ktheu rezultatin në favor të “zonjës së vjetër”. Por kur dukej se fitorja ishte siguruar, ekipi norvegjez befasoi Juventusin. Bodo/Glimti fiton një 11 metërsh, i cili u shndërrua në gol nga Sondre Feti në minutën e 87. Megjithatë gjiganti italian nuk u dorëzua. Në minutën e 90+1 Dejvidi rundi rrjetën dhe vulosi shifrat përfundimtare në 2-3 në favor të bardhezinjve. Me këtë fitore Juventusim ban gjallë shpresat për kualifikimin në fazën me eleminim të drejtpërdrejtë të Ligës së Kampionëve./Sport Ekspres/

  • Video/ Mandolina 120-vjeçare dhe dorëshkrimet e serenatave, Pasuria e rrallë e Korçës

    Video/ Mandolina 120-vjeçare dhe dorëshkrimet e serenatave, Pasuria e rrallë e Korçës

    Për 120 vite një mandolinë ka udhëtuar brez pas brezi në familjen e artistëve Sulioti, duke mbetur një nga instrumentet më të vjetër që ende ruhen në Korçë.

    Krahas saj, një kitarë 75-vjeçare plotëson koleksionin familjar, duke mbajtur gjallë historinë e serenatave dhe artizanatit muzikor të qytetit. Mandolina që sot Aleksi Sulioti e tregon me krenari i përkiste stërgjyshit Kristaq, një zdrukthëtar korçar që e porositi instrumentin nga Amerika, pa e imagjinuar se ajo do të bëhej fillesa e një tradite artistësh.
    Më pas, i biri Piro dhe nipi Gjergji do të rriteshin me tingujt e saj dhe do të shndërroheshin në disa prej emrave më të njohur të skenës së kohës.
    Në familjen Sulioti arkiva është një pasuri më vete: kostume, dorëshkrime, sende të vjetra, tekstet origjinale të serenatave dhe qindra kujtime të tjera që Aleksi sot i ruan me përkushtim. Pikërisht kjo trashëgimi e ka shtyrë atë të studiojë historinë e artit dhe të kuptojë se sa e thellë është rrënja kulturore e familjes së tij.Edhe pse serenatat sot nuk prodhohen më si dikur, Korça vazhdon ta mbajë gjallë traditën e tyre. Dhe në këtë qytet, ku kujtesa kulturore është një mënyrë jetese, instrumentet e familjes Sulioti mbeten një dëshmi e gjallë e asaj që arti arrin të ruajë ndër shekuj.

    Top Channel

  • “Na duheni gjallë”/ Rama i drejtohet deputetëve demokratë: Me faqe për muri ju pafsha gjithmonë

    “Na duheni gjallë”/ Rama i drejtohet deputetëve demokratë: Me faqe për muri ju pafsha gjithmonë

    Opozita zgjodhi si formë proteste në Kuvend që t’i kthente shpinën kryeministrit Edi Rama teksa ky i fundit doli në foltore për të prezantuar buxhetin e vitit të ardhshëm. Ky moment nuk kaloi pa u komentuar nga kreu i qeverisë. Ai tha se kishte përpara një pamje ekskluzive, ndërsa me ironi shtoi se një sjellje e tillë e frymëzonte.
    “Do të më pëlqente të vazhdoja gjatë me këtë pamje ekskluzive që kam këtu… jo më pëlqen, por më frymëzon shumë dhe kështu me faqen për muri ju pafsha gjithmonë, vetëm me shëndet aman se na duheni gjallë”, tha kryeministri.
    Edi Rama: Nuk dua të marr shumë kohë edhe pse do të më pëlqente të vazhdoja gjatë me këtë pamje ekskluzive që kam këtu… jo më pëlqen, por më frymëzon shumë dhe kështu me faqen për muri ju pafsha gjithmonë, vetëm me shëndet aman se na duheni gjallë.
    Për sigurinë, drejtësinë dhe rendin kemi një buxhet masiv që diktohet nga detyrimet tona të patjetërsueshme në 2 drejtime, detyrimin në raport me anëtarësimin tonë në NATO dhe detyrimin në raport me drejtësinë e pavarur, pavarësinë e të cilës e garanton vetëm PS. Dhe kështu në buxhetin që do të miratojmë kemi një rritje domethënëse qoftë për mbrojtjen, qoftë për drejtësinë. Nuk dua të marr kohën e kolegëve të tjerë ministra që do të flasin direkt për aspektet e përveçme të buxhetit në çdo sektor dhe do të flasin me detaje. Por dua të shtoj një element të fundit që është skema e re e kompensimit për fermerët që nuk janë subjekt i TVSH. Me kompensimin që do të bëhet nga administrata Tatimore, do t’i japim një shtytje sektorit të bujjqësisë dhe reforma është më konkurruesja në rajon dhe vendoset në nivelin 10%.

  • “Do të të djeg të gjallë, na e more nusen”/ Mesazhet kërcënuese para vrasjes së Sulo Halilit në Greqi

    “Do të të djeg të gjallë, na e more nusen”/ Mesazhet kërcënuese para vrasjes së Sulo Halilit në Greqi

    Halla e Sulo Halilit, shqiptarit që u vra dhe u dogj brenda një makine në Greqi ka hedhur edhe më shumë dritë mbi këtë ngjarje makabër.
    Ajo rrëfeu se Sulo kishte katër vite martesë me bashkëshorten e tij, Esmeraldën, dhe ishin prindër të dy fëmijëve, një vajzë dhe një djalë 40 ditësh.
    Sipas saj, Esmeralda ka pasur një lidhje të mëparshme dhe pas ndarjes ishte lidhur me nipin e saj.
    Pikërisht për këtë arsye, daja i ish-partnerit të Esmeraldës e kishte kërcënuar Sulon me fjalët “do të djeg të gjallë”, duke e akuzuar se i kishte marrë nusen e nipit.
    Ajo u shpreh se nipi i saj nuk ishte një person konfliktual dhe se ditën e fundit kishte folur me bashkëshorten, duke i thënë se do të shkonte diku për një çështje patente.
    Sipas saj, Esmeralda, e cila është e dobët nga ana shëndetësore pas operimit të fundit, ka dhënë deklarimet e saj në polici dhe nuk ka komunikuar me askënd tjetër.
    Ajo u njoftua për humbjen e Sulos që nga data 5, ndërsa identiteti i tij u konfirmua përmes ADN-së.
    Sipas asaj që u tregua, familja nuk ka ende asnjë informacion të saktë mbi mënyrën se si ka ndodhur ngjarja dhe është në pritje të hetimeve.
    Halla e viktimës theksoi se automjeti ku u gjet trupi ishte i vjedhur, ndërsa makina e Sulos u gjet gjysmë ore larg fshatit.

  • ‘Para Kryeministrisë së pushtuar nga Mafia’/ Gjokutaj: Demokratët do mbajnë gjallë Demokracinë

    ‘Para Kryeministrisë së pushtuar nga Mafia’/ Gjokutaj: Demokratët do mbajnë gjallë Demokracinë

    Avoktati Genc Gjokutaj ka reaguar në lidhje me protestën e ditës së nesërme të thirrur nga opozita përpara Kryeministrisë.

    Në postimin e tij në Facebook, Gjoktaj i ka dhënë dhe një mesazh për demokratët e zhgënjyer që kanë njoftuar se nuk do të marrin pjesë në protestë, duke theksuar se ky njoftim nuk ka asnjë vlerë për protestën, por për ata që nuk e duan atë, për Edi Ramën dhe taborrin e tij.

    ‘Protesta do të bëhet edhe më e fuqishme edhe me mungesat e paralajmëruara nga njerëz që betejat i bëjnë me kushte! Demokratët do të qëndrojnë për të mbajtur gjallë Demokracinë! Kush zhgënjehet në agoninë e Pushtetit dhe në prag të rënies së tij është dezertor!’, shkruan Gjokataj. 

    Postimi i plotë:

    Te nderuar Miq!

    Po lexoj qe paska demokratë të zhgënjyer që nuk do të marrin pjesë nesër në protestë!

    Ok! E drejta e tyre! Por mungesa e paralajmëruar nuk ka vlerë për protestën por për ata që nuk e duan atë! Pra për KM dhe taborrin e tij!

    Protesta do të bëhet edhe më e fuqishme edhe me mungesat e paralajmëruara nga njerëz që betejat i bëjnë me kushte!

    Demokratët do të qëndrojnë për të mbajtur gjallë Demokracinë!

    Kush zhgënjehet në agoninë e Pushtetit dhe në prag të rënies së tij është dezertor!

    Nesër në orën 18.00 përpara Kryeministrisë së pushtuar nga Mafia!

    Për të mos u larguar deri në rrëzimin e Neodiktaturës!

  • Zbulohen tre lloje thithëlopash, gëzojnë një veçori të rrallë

    Zbulohen tre lloje thithëlopash, gëzojnë një veçori të rrallë

    Shkencëtarët kanë përshkruar së fundmi tri specie të jashtëzakonshme të thithëlopës së pemës që kanë një veçori në lindjen e vezëve. Femrat i lindin vezët në tokë nga ku dalin dhjetëra fulterëza të vogla, vetëm pak milimetra të gjata.

    Linda e të vegjëlve që anashkalon lindjen e vezëve dhe fazën e larvës është shumë e rrallë te amfibët. Në mbi 4 mijë lloje bretkosash e thithëlopash, më pak se 1% lindin të vegjël të gjallë. Kjo strategji mund të jetë zhvilluar si përshtatje në habitetet ku mungon uji, në të cilin këta amfibë lindin vezët.

    Tre llojet e thithëlopës së pemës në Tanzani më parë klasifikoheshin si një i vetëm: Nectophrynoides viviparus. Kur shkencëtarët analizuar tiparet fizike dhe të dhënat gjenetike të qindra llojeve në muze, bashkë me regjistrimet zanore të thithëlopave në habitatet e tyre, arritën në përfundimin se tri thithëlopat ishin lloje të ndryshme të Nectophrynoides genus.

    Për ta kjo sjell një panoramë më të gjerë të larmishmërisë së thithëlopave të pemës që lindin të vegjël të gjallë dhe mund të ndihmojnë në ruajtjen e tyre. Disa popullata të egra të Nectophrynoides janë në rënie dhe llojet me shifra më të vogla janë të ndjeshme ndaj shpyllëzimit dhe krizës klimatike, thotë studimi.

    Thithëlopat që riprodhohen në ujë lëshojnë deri në 20 mijë vezë në disa raste. Lindja e të vegjëlve të gjallë bën që numrat të jenë shumë herë më pak, 40-60 fulterëza.

    Sa më i madh dhe i zhvilluar të jetë i sapolinduri, aq më shumë avantazh ka për të mbijetuar kur çel nga veza apo kur lind.

  • SKANDAL/ Supermarketi “DIAMBE” ka tregtuar çokollata me krimba të gjallë (Video)

    SKANDAL/ Supermarketi “DIAMBE” ka tregtuar çokollata me krimba të gjallë (Video)

    Pasiguria ushqimore ne vendin tonë është në nivele alarmante.
    Në nëntor të vitit 2025 ka rezultuar se një rrjet supermarketesh ka tregtuar çokollatë me krimba të gjallë.
    Ky produkt është tregtuar në rrjetin e supermarketeve “DIAMBE” dhe deri në dalje të rezultatit të analizave pjesa me e madhe e kësaj sasie çokollate është shitur.
    Siç tregohet në raport, DRAKU Durrës ka marrë indicie nga  Drejtoria e Përgjithshme e AKU-t dhe pasi kanë analizuar produktin çokollatë “Talarki Money Euro” ka rezultuar se në çokollatë janë konstatuar prani krimbash të gjallë, ndërsa në thyerje dhe në sipërfaqe ka pasur vijëzime jo normale për produktin.
    Mostra për analizim është marrë në supermarket ushqimor.
    Burime për televizionin “Ora News” bëjnë me dije se  kjo çokollatë importohet në vendin tonë nga “DIAMBE” dhe shitet në rrjetin e supermarketeve “DIAMBE”.