Lajmidites.com

Tag: gatishmëri

  • Marina Britanike “mbikëqyr” anijet ruse, NATO në gatishmëri

    Marina Britanike “mbikëqyr” anijet ruse, NATO në gatishmëri

    Marina Mbretërore  ka shtuar patrullimet e saj në Kanalin Anglez,  duke monitoruar nga afër dy anije luftarake ruse që kanë kaluar nëpër ujërat britanike në dy javët e fundit.
    Ky veprim vjen në një kohë tensionesh të larta midis Londrës dhe Moskës, pas incidentit me anijen ruse Yantar, e cila dyshohet se përdori një lazer ndaj pilotëve britanikë të RAF.
    Autoritetet britanike thonë se mbeten në gatishmëri të plotë për të mbrojtur ujërat e vendit.

    Sipas raporteve të medias britanike, HMS Severn po monitoronte korvetën ruse Stoikiy dhe anijen e furnizimit Yelnya, të cilat po shkonin në perëndim përmes Doverit drejt Kanalit Anglez.
    “Kjo është hera e parë që Yantar ka përdorur këtë metodë kundër RAF.  Ne po e marrim shumë seriozisht”, tha Sekretari i Mbrojtjes i Mbretërisë së Bashkuar John Healy, duke e përshkruar përdorimin e lazerëve si “veçanërisht të rrezikshëm” dhe duke shtuar se Britania ishte e përgatitur të përgjigjej në përputhje me lëvizjet e anijes.
    Ministria e Mbrojtjes theksoi se forcat e armatosura britanike mbeten në patrullim “nga Kanali Anglez në Polin e Veriut”, në përgjigje të aktivitetit në rritje rus që kërcënon ujërat britanike.
    Që nga pushtimi i Ukrainës nga Rusia në vitin 2022, misionet e mbikëqyrjes së anijeve dhe nëndetëseve ruse janë bërë më të shpeshta, me Marinën Mbretërore dhe RAF që monitorojnë rregullisht çdo kërcënim të mundshëm për sigurinë kombëtare.

  • Policia në gatishmëri të plotë: Kujdes nga lagështira në rrugë, ndalohet rafting-u

    Policia në gatishmëri të plotë: Kujdes nga lagështira në rrugë, ndalohet rafting-u

    Policia e Shtetit njofton se është në gatishmëri të plotë në të gjithë vendin për shkak të motit me reshje të dendura, duke shtuar prezencën e saj për t’i ardhur në ndihmë banorëve në nevojë, në zonat e përfshira nga përmbytjet, të përdoruesve të rrugës, si dhe për të parandaluar aksidentet rrugore.
    Sipas njoftimit të Poicisë, Drejtori i Përgjithshëm i Policisë së Shtetit, Ilir Proda ka urdhëruar shërbimet policore të ndalojnë menjëherë ata shtetas që, në këto kushte ekstreme, ku lumenjtë kanë prurje të mëdha, ushtrojnë aktivitete rafting, si dhe të sekuestrojnë mjetet e lundrimit.

    Gjithashtu, Policia e Shtetit apelon për të gjithë përdoruesit e rrugës që të tregojnë kujdes të shtuar, të respektojnë me rigorozitet rregullat e qarkullimit rrugor dhe të zbatojnë udhëzimet e shërbimeve të Policisë Rrugore, pasi, si pasojë e motit të keq me reshje shiu, në disa akse rrugore ka prezencë uji apo edhe rënie inertesh.

    Strukturat e Policisë janë në terren për të ndihmuar dhe për të parandaluar ngjarjet rrugore dhe po bashkëpunojnë me firmat kontraktore të mirëmbajtjes së rrugëve, me qëllim pastrimin në kohë të segmenteve ku, si pasojë e reshjeve, ka pasur rënie inertesh në rrugë.

  • “Vjosa nën kontroll”/ Çako nga ura e Mifolit: I gjithë sistemi i emergjencave në gatishmëri

    “Vjosa nën kontroll”/ Çako nga ura e Mifolit: I gjithë sistemi i emergjencave në gatishmëri

    Kreu i Emergjencave Civile, Haki Çako, ka inspektuar situatën në urën e Mifolit, në zonën e Novoselës, ku prurjet e lumit Vjosa janë të larta për shkak të reshjeve të ditëve të fundit, por shton se situata është ende nën kontroll. 

    Çako u shpreh se të gjitha strukturat e mbrojtjes civile ndodhen në gatishmëri të plotë. 

    “Jemi në pikën më nevralgjike të shkarkimit të Vjosës. Nivelet janë në rritje, por vlerësimet bëhen mbi matjet e prurjeve në Përmet dhe Memaliaj. Në Përmet ka shënuar ulje të nivelit të ujit, megjithatë të gjitha mjetet dhe strukturat janë në dispozicion,” u shpreh ai. 

    Sa i përket motit, Çako tha se pasditen e sotme priten reshje me intensitet të lartë në zonën bregdetare, por theksoi se kjo nuk do të ketë impakt në rritjen e nivelit të Vjosës. 

    Ai siguroi se sistemi i mbrojtjes civile mbetet i përgatitur për të menaxhuar çdo situatë që mund të paraqitet. 

    “I gjithë sistemi i mbrojtjes civile është në gatishmëri për të menaxhuar e situatave të reshjeve në të gjithë vendin. Të gjitha strukturat dhe mjetet janë në dispozicion si në nivel vendor dhe në nivel kombëtar”, tha Çako. 

  • Gatishmëri e plotë në Sarandë, Olti Çaci: Vigjilencë maksimale gjatë përkeqësimit të moti

    Gatishmëri e plotë në Sarandë, Olti Çaci: Vigjilencë maksimale gjatë përkeqësimit të moti

    Kryebashkiaku i Sarandës, Olti Çaci, ka njoftuar se të gjitha strukturat bashkiake janë vendosur në vigjilencë të lartë për shkak të përkeqësimit të motit në qytetin bregdetar. Ai tha se ekipet në terren janë në gatishmëri të plotë për të monitoruar dhe përballuar çdo situatë të mundshme të shkaktuar nga reshjet.
    “Vigjilencë maksimale e të gjitha strukturave për monitorimin dhe përballimin e situatës gjatë përkeqësimit të motit. Ekipet në terren janë në gatishmëri të plotë”, deklaroi Çaci, duke paralajmëruar qytetarët për kujdes të shtuar.
    Bashkia Sarande u kërkon banorëve të raportojnë menjëherë çdo problematikë që mund të shfaqet në zonat e tyre.

  • “4 bashki më të prekura nga moti i keq”, ministri Vengu: Strukturat në gatishmëri për disa ditë

    “4 bashki më të prekura nga moti i keq”, ministri Vengu: Strukturat në gatishmëri për disa ditë

    Ministri i Mbrojtjes, Pirro Vengu, në një lidhje nga terreni, ka folur në Ditarin e pasdites në A2 CNN për situatën e krijuar nga moti i keq në vendin tonë. 

    Teksa bëri një rezyme të gjendjes, Vengu u shpreh se situata më e rëndë paraqitet në bashkitë Lezhë, Kurbin, Durrës dhe Krujë, aty ku janë dislokuar emergjencat dhe Forcat e Armatosura. 

    Aktualisht, 50 banesa janë prekur nga uji në këto zona, teksa vetëm një prej tyre u evakuuar. Ministri shtoi se strukturat do të qëndrojnë në gatishmëri deri në 22 nëntor. 

    “Në Thumanë kishte një situatë komplekse me stabilitetin e argjinaturave, por falë ndërhyrjeve kemi një situatë më të stabilizuar. Kemi forca në terren dhe siç kemi parë kemi një front që e prisnim që të vijonte në Kurbin dhe Lezhë, por prurjet kanë krijuar efekt në Krujë dhe Durrës. Forcat janë shpërndarë në të gjitha akset e vendit. Kompanitë e mirëmbajtjes janë në gatishmëri dhe do qëndrojnë gjatë gjithë mbrëmjes. Vijon menaxhimi i kaskadës së Drinit. Lezhë, Kurbin, Durrës dhe Krujë, këto janë 4 bashkitë ku jemi fokusuar momentalisht. Ujërat kanë depërtuar në disa banesa. 50 banesa janë prekur nga uji, nuk ka evakuime. Një familje është evakuuar në Kurbin. Kemi dislokuar FA që të jenë pranë banorëve. 

    Situata ishte paralajmëruar dhe një pjesë e mirë e bashkive kanë reaguar në kohë. Pjesa më e madhe e zonave urbane kanë rezistuar. Janë hapur kanalet kulluese, kolektorët dhe kjo ka ndihmuar shumë. Në Laç kemi përqendrimin më të madh të FA. Në qarkun e Vlorës dhe Gjirokastër ka pasur probleme me erën. Ka pasur pezullim të aktivitetit portual. Në veri pjesa portuale ka vijuar normalisht. Kemi një situatë në Bistricë, që ka pasur impakt në Finiq. Gjendja e alertit do të vijojë deri më 22 nëntor”, tha Vengu. 

     

  • Rama publikon pamjet: Në gatishmëri përballë reshjeve intensive

    Rama publikon pamjet: Në gatishmëri përballë reshjeve intensive

    Kryeministri Edi Rama ka ndarë pamje nga situata në Nënshkodër, ku shkruan se strukturat janë në gatishmëri përballë reshjeve intensive.
    “Nënshkodër, në gatishmëri përballë reshjeve intensive. Vijon puna në terren pa ndërprerje, ku strukturat e Bashkisë Shkodër janë në gatishmëri maksimale, duke hapur dhe pastruar kanalet për të garantuar funksionimin e sistemit të kullimit dhe për të parandaluar çdo problematikë të mundshme”, shkruan Rama.

  • Moti i keq përfshin vendin, Ministria e Mbrojtjes njofton gatishmëri totale të strukturave

    Moti i keq përfshin vendin, Ministria e Mbrojtjes njofton gatishmëri totale të strukturave

    Ministria e Mbrojtjes ka dalë në një deklaratë zyrtare, ku informon se strukturat e saj dhe Agjencia Kombëtare e Mbrojtjes Civile ndodhen në gatishmëri të plotë, si dhe janë në koordinim të vazhdueshëm me autoritetet vendore për përballimin e çdo situate të mundshme të shkaktuar nga moti i keq.

    Në qarkun e Shkodrës, reshjet intensive që ranë dje, pasdite dëmtuan segmentin rrugor Breg Lumi–Theth, ku 9 persona dhe 5 mjete mbetën të bllokuar. Falë ndërhyrjes së shpejtë të forcave bashkiake, Policisë së Shtetit dhe efektivëve të FA, personat u evakuuan me sukses. Rruga mbetet e bllokuar dhe po pastrohet nga inertet, me mbështetjen e 10 efektivëve të FA.
    Në bashkinë Fushë Arrëz janë raportuar ndërprerje të energjisë për shkak të erës së fortë.
    Në qarkun e Lezhës, në aksin Lezhë–Shëngjin është rrëzuar një pemë, e cila ka dëmtuar linjat elektrike dhe ndërprerë energjinë. Në rrugën Lezhë–Balldren ka prezencë inertesh dhe forcat operacionale po punojnë për pastrimin e saj.
    Në qarqet e tjera të vendit nuk raportohen problematika nga moti.
    Sipas Shërbimit Meteorologjik Ushtarak, në 24 orët e ardhshme priten reshje të herëpashershme me intensitet të ulët deri mesatar, ndërsa në Shkodër, Vlorë dhe Gjirokastër reshjet do të intensifikohen në formë shtrëngatash. Nga pasditja deri në orët e para të mëngjesit, reshje të shumta priten edhe në Lezhë, Durrës dhe Tiranë, të shoqëruara me shkarkesa elektrike. Parashikohet mjegull dhe shikueshmëri e reduktuar në zona luginore.

    Top Channel

  • “Po afron stuhia”/ Institucionet në “këmbë”, Balluku: Jemi në gatishmëri për përballimin e situatës

    “Po afron stuhia”/ Institucionet në “këmbë”, Balluku: Jemi në gatishmëri për përballimin e situatës

    Duke nisur nga mbrëmja e sotme e në ditët në vijim pritet që i gjithë territori të përfshihet nga stuhi shiu dhe erëra të forta.
    Kjo ka bërë që ditën e sotme nën drejtimin e zv.kryeminsitres Belinda Balluku të zhvillojë një mbljedhje me të gjitha institucioniet duke nisur nga ministria e Mbrojtjes, AKMC, Emergjenat Civile si gjithë institucionet vartëse.
    Me anë të një postimi në rrjetet sociale Balluku shkraun se të gjtia institucionet shqiptare janë në gatishmëri të plotë për t’i bërë ballë stuhisë që po afron, ku zonat më të prekura do të jenë veriu i vendit dhe pjesa jugore.

    Postimi i Ballukut:
    Emergjencat Civile, prefektët dhe pushteti vendor në gatishmëri për përballimin e situatës së përkeqësimit të motit në orët në vijim. Vëmendje maksimale në zonat me rriskun më të lartë, por me strukturat tona do të jemi në të gjithë territorin për të ndërhyrë në çdo zonë ku do të evidentohen problematika.⚠️🌧️

  • Takimi koordinues/ Balluku, Vengu dhe Salla kërkojnë gatishmëri nga pushteti vendor

    Takimi koordinues/ Balluku, Vengu dhe Salla kërkojnë gatishmëri nga pushteti vendor

    Zëvendëskryeministrja Belinda Balluku ka zhvilluar një takim koordinues me kryetarët e bashkive dhe prefektët për masat që do të merren për situatën me motin e keq që pritet të godasë vendin në vijim.
    Të pranishëm janë edhe ministri i Bujqësisë Andis Salla dhe ai i Mbrojtjes Pirro Vengu.
    Vengu tha se pas mbledhjes do të shkojë në veri të vendit për të koordinuar punën.
    “Menjëherë pas kësaj mbledhjeje duhet të vini në dispozicion mjetet dhe ekskavatorët me krahë të gjatë brenda ditës së sotme, po ashtu edhe mjetet e kalimit të lartë.
    Do të jem vetë në Shkodër pasdite dhe do të vendosim në një mbledhje elementët parandalues.
    E kemi vëmendjen në fshatrat e Novoselës pasi nuk janë bërë ndërhyrje, duhet të koordinohemi.
    Duhet të qëndroni në gatishmëri me qëllim komunikimin edhe në orët e vona”.
    Ministri i Bujqësisë Salla tha se ai do të jetë në zonën e jugut me qëllim koordinimin e punës dhe deklaroi se mjetet e punës janë në gatishmëri.
    “Ministria e bujqësisë është në gatishmëri në zonat e veriut dhe jugut sidomos në Vjosë. Do të jemi sot në Fier ku do të zhvillojmë mbledhje. Kemi në dispozicion 10 mjete me krahë të gjatë”.
    I pranishëm në mbledhje Çako kërkoi gatishmëri dhe koordinim nga pushteti vendor.
    “Reshjet do të përfshijnë të gjithë territorin prandaj kërkohet angazhimi i të gjitha bashkive, kemi komunikuar me bashkitë Lezhë, Pukë, Shkodër, Vau i Dejës dhe duhet të kenë gatishmëri të plotë për koordinimimin institucional. Të marrin masa për njoftimin e popullatës, FA, Policia, ajrrfikësit janë në gatishmëri të plotë.
    Kjo nuk është as situata e parë dhe as e fundit”, tha Çako.
    Zv.kryeministrja Belinda Balluku tha se parapërgatitja ka shumë rëndësi edhe në informimin e popullatës dhe kërkoi nga pushteti vendor marrjen e masave pasi situata e reshjeve do të zgjasë 48 orë.
    “Parapërgatitja është gjysma e punës, kjo na bën të mendojmë se do të kemi pak dëme dhe popullata do të jetë e informuar. Vazhdoni dhe kërkojuni njerëzve të marrin masa pas situata është dinamike. Ngrini vëmendjen e popullatës dhe bashkërendoni situatën ne do të përdorim dhe pamjet satelitore.
    Në çdo bashki do të kemi një shtab të përbashkët. Reshjet do të jenë intensive për 48 orë dhe kjo e bën të rrezikshme situatën me prurjet e lumenjve në Jug dhe Veri. Do të mbetemi në kontakt ministri i Mbrojtjes do të jetë në Veri ai i bujqësisë në zonat qendrore dhe Jugore.
    Duhet të merren masa në fushën e Elbasanit dhe Rrogozhinës dhe në të gjitha zonat përreth”, tha Balluku.

  • Përkeqësimi i motit, prefektja e Vlorës, thirrje strukturave: Qëndroni në gatishmëri

    Përkeqësimi i motit, prefektja e Vlorës, thirrje strukturave: Qëndroni në gatishmëri

    Komisioni i Mbrojtjes Civile në qarkun e Vlorës është mbledhur sot në Prefekturë, në një takim urgjent të thirrur për shkak të reshjeve të dendura të pritshme gjatë ditëve në vijim. Qëllimi i mbledhjes ka qenë vlerësimi i masave të marra deri tani dhe përcaktimi i detyrimeve konkrete për çdo institucion, për të garantuar reagim të shpejtë dhe të koordinuar në rast përkeqësimi të situatës.

    Prefektja e Vlorës, Evis Alushi, u ka bërë thirrje të gjitha strukturave që të qëndrojnë në gatishmëri të plotë: “Qëndroni në gatishmëri!”

    Sipas të dhënave të fundit nga Mbrojtja Civile dhe shërbimet hidrometeorologjike, njësia administrative Novoselë paraqet rrezikun më të lartë, pasi prurjet e lumit Vjosa pritet të rriten ndjeshëm, duke shtuar mundësinë që lumi të dalë nga shtrati.

    Autoritetet lokale dhe strukturat e emergjencave po monitorojnë situatën në terren, ndërsa qytetarët këshillohen të ndjekin njoftimet zyrtare dhe të shmangin zonat me risk.