Lajmidites.com

Tag: fitojnë

  • Xabi Alonso ka dy kushte për drejtuesit e Real Madridit, nëse duan të fitojnë trofe këtë sezon

    Xabi Alonso ka dy kushte për drejtuesit e Real Madridit, nëse duan të fitojnë trofe këtë sezon

    1 Dhjetor 2025

    18:30

    Telesport

    Real Madrid nuk shkoi më shumë se barazimi 1-1 në transfertën e fundit ndaj Girona, i treti rresht për madrilenët në La Liga, duke konfirmuar një krizë të dukshme.
    “Defensa Central” zbulon se Xabi Alonso ka kërkuar ndërhyrje në merkaton e janarit nga drejtuesit e klubit, nëse duan që të fitojnë trofe në fund të sezonit. Alonso ka nevojë për një sulmues të ri për të ndihmuar me presionin dhe për të prishur lojën e kundërshtarit, diçka që as Kylian Mbappé dhe as Vinicius nuk po e bëjnë aktualisht.
    Alonso gjithashtu beson se nevojitet një mesfushor që mund të diktojë ritmin dhe të kontrollojë lojën. Kjo ishte pikërisht arsyeja pse ai kërkoi ardhjen e Martín Zubimendi-t, i cili në fund u transferua tek Arsenal.

  • Hapoel kryeson i vetëm Euroleague, paraqitje e mirë e ekipeve greke, fitojnë edhe Real e Barcelona

    Hapoel kryeson i vetëm Euroleague, paraqitje e mirë e ekipeve greke, fitojnë edhe Real e Barcelona

    Hapoel tel Aviv vazhdon të kryesojë renditjen e Euroleague në basketboll për meshkuj edhe pas ndeshjeve të raundit të 13-të. Skuadra izraelite, që debuton në këtë turne, fitoi 105-83 në Itali ndaj Armani Milano dhe udhëheq e vetme klasifikimin.
    Në vendin e dytë janë dy skuadrat greke. Olympiacos fitoi 98-86 ndaj Paris Basketball, ndërsa Panathinaikos mposhti 103-82 Dubai Basketball. Bashkë me to, në trion që formon vendin e dytë është edhe Crvena Zvezda, që u mund 76-73 nga Valencia .
    Skuadra turke e Anadolu Efes mposhti në sekondat e fundit 74-73 Barcelonën, ndërsa po “in extremis“ fiton Real Madrid, që mundi 100-99 Zalgiris Kaunas. Fitojnë sërish kampionët në fuqi të Fenerbahce, që u mundën 99-87 Partizan Beograd.
    Euroleague – Raundi i 13-të
    Villeurbanne – Monaco, 52-84
    Annadolu Efes – Barcelona, 74-73
    Panathinaikos – Dubai Basketball, 103-82
    Armani Milano – Hapoel Tel Aviv, 83-105
    Real Madrid – Zalgiris Kaunas, 100-99
    Olympiacos – Paris Basketball, 98-86
    Virtus Bologna – Maccabi Tel Aviv, 99-89
    Partizan Beograd – Fenerbahce, 87-99
    Baskonia Gasteiz – Bayern Munich, 95-73
    Valencia Basket – Crvena Zvezda, 76-73

  • Leonardo “pa dorashka”: Champions-in e fitojnë klubet më të pasura, tek Interi vetëm prej Morattit

    Leonardo “pa dorashka”: Champions-in e fitojnë klubet më të pasura, tek Interi vetëm prej Morattit

    Leonardo, ish-drejtues sportiv i PSG dhe ish-trajner i Milanit e Interit, foli për “RMC Sport”, duke vlerësuar punën e Luis Enrique: “Lucho është perfekt, i ka transmetuar mentalitetin një skuadre të re. Për mua, Motta te PSG do të ishte gjenial: e njeh klubin, ka estetikë, do lojë të bukur, adhuron Parisin. Më vjen keq që Motta nuk u ul kurrë në stolin parizien”.
    Sa i përket triumfit të PSG në vitin e largimit të Mbappé, ai shtoi: “Nëse nuk shpenzon, nuk fiton. Champions-in e fitojnë klubet më të pasura”. Braziliani kujton edhe fillimet e projektit te PSG: “Për Ibrahimovic dhe Thiago Silva shpenzuam rreth 70 milionë euro”.
    Mbi epokën Messi–Neymar–Mbappé, Leonardo theksoi ndryshimin e futbollit dhe të komunikimit. Lojtarët sot fitojnë më shumë nga të drejtat e imazhit. Braziliani tregon se më 2021, Neymar dhe Mbappé donin të largoheshin dhe ai do t’i kishte lënë të iknin “me kushtet e duhura”.
    Për Serie A pranon: “S’më ka pëlqyer kurrë të jem trajner. Te Milani e bëra këtë rol sepse duhej përgatitur shitja e klubit. Tek Inter shkova vetëm prej Morattit”. Në fund e mbyll duke thënë se nuk ka ndërmend të kthehet në futboll, përveç një projekti shumë ambicioz, dhe se “ndoshta s’do të kisha hequr dorë nga Donnarumma”.

  • Java e 7-të e kampionatit, fitojnë Vllaznia, Vora dhe Partizani

    Java e 7-të e kampionatit, fitojnë Vllaznia, Vora dhe Partizani

    19 Tetor 2025

    18:56

    Telesport

    Java e 7-të e Abissnet Superiore u mbyll sot me dy ndeshjet e fundit, AF Elbasani – Vora dhe Flamurtari – Partizani.
    Vora u rikthye te fitorja me rezultatin 2-1 në “Elbasan Arena”, ndërsa Partizani triumfoi 1-0 në Vlorë. Vllaznia fitoi 1-0 në transfertë ndaj Bylisit, ndërsa Egnatia – Dinamo City dhe Tirana – Teuta u mbyllën pa gola 0-0.
    Në renditje, Vllaznia kryeson kampionatin me 16 pikë.

  • Maratona në Tiranë, fitojnë kenianët/ Marrin pjesë mbi 5 mijë garues nga vende të ndryshme të botës

    Maratona në Tiranë, fitojnë kenianët/ Marrin pjesë mbi 5 mijë garues nga vende të ndryshme të botës

    Në orën 09:00 në Tiranë nisi maratona me mbi 5600 pjesëmarrës.
    Nga Shqipëria dhe 54 shtete te ndryshme nisën sfidën për titullin.
    Për rreth 5 orë gara u zhvillua në 42 kilometra dhe nën masat e sigurisë së policisë.
    Në garë nuk mungoi as Ramush Haradinaj, pas 21 kilometër vrapim kreu i AAK u shpreh entuziast për maratonën.
    Nuk munguan as garuesit me aftesi të kufizuara.
    Madje dhe vrapuesi historik që tashmë është mbi 60 vjecar.
    Fitues nga kategori të ndryshme në përfundim të tre kategorive u vlerësuan me cmimet.
    Fakt interesant per kategorinë 21 km ishte se në podium u ngjitën shtetas nga Kenia.

  • Ndarja në vazo, ja rivalët e mundshëm të Shqipërisë në fazën Play Off të Botërorit

    Ndarja në vazo, ja rivalët e mundshëm të Shqipërisë në fazën Play Off të Botërorit

    Shqipëria mundi 0-1 Serbinë në Leskovac, duke u afruar ndjeshëm me Play Off të Botërorit. Kuqezinjtë, në rast se fitojnë me Andorrën, do të sigurojnë matematikisht këtë fazë.
    Ndarja e vazove nuk është bërë ende, por për momentin, disa llogari të thjeshta mund të kryhen, madje Faqja e statistikave “Football Meets Data”, është marrë me diçka të tillë.
    Sipas asaj që shkruhet, Shqipëria mund të jetë në vazon e 3-të, bashkë me në vazon e tretë, ku bëjnë pjesë edhe Hungaria, Sllovakia dhe Bosnja Hercegovinë. Sipas rregullit, një ekip i vendit të 3-të do masë forcat me një kundërshtar të vazos së dytë.
    Në vazon e dytë janë Polonia, Çekia, Hungaria dhe Skocia. Situata është hipotetike, pasi në nëntor gjërat mund të ndryshojnë.
    Më pas, do të ketë katër çifte gjysmëfinaliste, nga ku do të dalin dy finalist. Natyrisht, gjithçka e kuptueshme, përfaqësueset që fitojnë finalet, kualifikohen në botëror. Rruga duket e gjatë për Shqipërinë.

  • Lifestyle Shenjat e zodiakut që dinë si të “fitojnë” në një ndarje

    Lifestyle Shenjat e zodiakut që dinë si të “fitojnë” në një ndarje

  • Ylli Manjani: Po jetojmë Republikën e Prokurorëve!

    Ylli Manjani: Po jetojmë Republikën e Prokurorëve!

    Nga Ylli Manjani
    Republika abuzive e prokurorëve, nuk reformohet.**Padyshim, që në ” Republikën e prokurorëve” suksesi i punës së tyre nuk matet me sa gjyqe fitojnë. Nuk është normale kjo sepse ata i fitojnë të gjitha gjyqet. Për të qenë korrekt, duhet thënë që thuajse të gjitha gjyqet i fitojnë pa shkuar në gjykatë!

    Arsyeja është se gjykatat nuk janë mbi prokurorët në republikën e tyre.

    Ndaj nuk ka asnjë kuptim matja e suksesit të tyre me këtë tregues.
    Ata, prokurorët pra, nuk lodhen fare të bëjnë hetime të thelluara, të mbledhin prova direkte, të argumentojnë akuzat bazuar në prova. Thjesht i vënë syrin “viktimës së radhës”, e plasin brenda dhe e harrojnë ty. Marrin dhe duartrokitjet e turmës. Turma është mësuar që nga koha e Enver Hoxhës që me shumë lumturohet kur fusin dikë në burg, se sa ti shtohet begatia familjes së tij.Kjo është Shqipëria! Tani mu në pikun e “Republikës së Prokurorëve”!
    Gjykata e sheh këtë situatë dhe vetëm i vë vulën letrave të mbushura me fjalë boshe nga prokurorët… Nuk kanë fuqi më shumë.
    Ma za, ma keq,- thonë në Shkodër.
    “Republika e prokurorëve” është e edhe më e rrezikshme se “republika e policëve”.
    Ndaj, nëse realisht do ketë një reformë reale në drejtësi do të duhet të rrëzohet republika abuzive e prokurorëve, të cilët rrinë te vrima e çelësit të dyerve të dynjasë. Gjëmojnë jetën private me çdo mjet dhe bëjnë pis në publik çdo njeri që duan ta degjenerojnë përpara se ta dënojnë. Intimidojnë e përgjojnë çdo gjykatës që guxon të mendojë korrekt dhe mbi palët.
    Kjo republikë abuzive, që spekulon me ndjesitë e publikut, duhet përmbysur. Ajo nuk reformohet me thënë të drejtën. NDAJ DUHET PËRMBYSUR!Dhe degjoni mirë! Jemi akoma në fillimet e jetës së “Republikës së Prokurorëve”.Prisni, prisni!

  • “Thjesht i vënë syrin ‘viktimës së radhës’/ Shpërthen ish-ministri i drejtësisë: Nuk është normale kjo sepse…

    “Thjesht i vënë syrin ‘viktimës së radhës’/ Shpërthen ish-ministri i drejtësisë: Nuk është normale kjo sepse…

    “Në republikën e prokurorëve suksesi nuk matet me sa gjyqe fitojnë, sepse ata i fitojnë të gjitha. Gjykatat nuk janë mbi prokurorët në republikën e tyre”, shkruan Manjani. Ai thekson se “prokurorët nuk lodhen fare të mbledhin prova direkte, por thjesht vënë syrin viktimës së radhës dhe e plasin brenda”.
    Ish-ministri i Drejtësisë, Ylli Manjani, ka hedhur akuza ndaj sistemit të drejtësisë, duke e quajtur atë “republikën e prokurorëve”, ku sipas tij, drejtësia është shndërruar në një aparat frikësimi dhe denigrimi publik.
    Sipas tij, gjykatat sot janë të reduktuara në “vulosëse” të fjalëve bosh të prokurorëve, ndërsa këta të fundit ushtrojnë presion mbi çdo gjykatës që guxon të jetë i pavarur. “Republika abuzive e prokurorëve, që gjëmon jetën private dhe bën pis çdo njeri përpara se ta dënojë, duhet përmbysur. Ajo nuk reformohet”, përfundon Manjani.
    Postimi i plotë:
    Republika abuzive e prokurorëve, nuk reformohet.
    ****
    Padyshim, që në republikën e prokurorëve suksesi i punës së tyre nuk matet me sa gjyqe fitojnë. Nuk është normale kjo sespe ata i fitojnë të gjitha gjyqet. Për që qenë korrekt thuajse të gjitha.
    Arsyeja është se gjykatat nuk janë mbi prokurorët në republikën e tyre.
    Ndaj nuk ka asnjë kuptim matja e suksesit të tyre me këtë tregues. Afërmendsh dmth…
    Ata, prokurorët pra, nuk lodhen fare të bëjnë hetime të thelluara, të mbledhin prova direkte, të argumentojnë akuzat bazuar në prova. Thjesht i vënë syrin “viktimës së radhës” e plasin brënda dhe e harrojnë ty. Marrin dhe duartrokitjet e turmës…
    Është koha dhe republika e tyre…
    Gjykata e sheh këtë situatë dhe vetëm i vë vulën letrave të mbushura me fjalë boshe nga prokurorët… Nuk kanë fuqi më shumë.
    Ma za, ma keq- thonë në Shkodër.
    Republika e prokurorëve është e edhe më e rrezikshme se republika e policëve.
    Ndaj, nëse realisht do ketë një reformë reale në drejtësi do të duhet të rrëzohet republika abuzive e prokurorëve, të cilët rrinë te vrima e çelësit të dyerve të dynjasë. Gjëmojnë jetën private me çdo mjet dhe bëjnë pis në publik çdo njeri që duan ta degjenerojnë përpara se ta dënojnë. Intimidojnë e përgjojnë çdo gjykatës që guxon të mendojë korrekt dhe mbi palët.
    Kjo republikë abuzive, që spekulon me ndjesitë e publikut, duhet përmbysur. Ajo nuk reformohet me thënë të drejtën.

  • ”Jam 8 cm më i gjatë se Donald Trump”, Rama: Kandidatët më të gjatë fitojnë 80% të fushatave zgjedhore

    ”Jam 8 cm më i gjatë se Donald Trump”, Rama: Kandidatët më të gjatë fitojnë 80% të fushatave zgjedhore

    Kryeministri Edi Rama përgjatë një interviste të dhënë për Stephan Lebert dhe Stefan Willeke publikuar në median gjermane “Die Zeit”, thotë se është 8 cm më i gjatë se presidenti i Amerikës, Donald Trump. Nga ana tjetër, nënvizon edhe se kandidatët më të gjatë fitojnë 80% të fushatave zgjedhore.
    Ju ishit dikur një lojtar profesionist basketbolli. Jeni 2.02 metra i gjatë.

    Jo, 1.98 metra i gjatë. Si Friedrich Merz. Tetë centimetra më i gjatë se Donald Trump.
    A është avantazh të jesh i gjatë në politikë?
    Është e mundur. Unë di një statistikë që thotë se kandidatët e gjatë fitojnë fushatat zgjedhore në raundin e 80 përqindëshit.
    A rritet autoriteti politik me gjatësinë?
    Jo domosdoshmërisht. Shikoni Georgia Melonin, kryetaren e qeverisë italiane. Ajo është e shkurtër, por karizma e saj e bën të duket e gjatë. Mendoj se karizma është më e rëndësishme se gjatësia. Një nga ish-shokët e mi të basketbollit është më i gjatë se unë.