Lajmidites.com

Tag: fetare

  • SHBA-të rishikojnë marrëdhëniet me Tanzaninë për shkak të shqetësimeve për lirinë fetare dhe investimet

    SHBA-të rishikojnë marrëdhëniet me Tanzaninë për shkak të shqetësimeve për lirinë fetare dhe investimet

    SHBA-të po rishikojnë marrëdhënien e tyre me Tanzaninë për shkak të shqetësimeve mbi lirinë fetare, lirinë e fjalës, pengesat ndaj investimeve amerikane dhe dhunën kundër civilëve, tha të enjten Departamenti i Shtetit.

    SHBA-të lëshuan alarme sigurie për amerikanët në vendin e Afrikës Lindore, pasi zgjedhjet e përgjithshme në tetor u shoqëruan me demonstrata të dhunshme. Grupet e të drejtave të njeriut, partitë opozitare dhe Kombet e Bashkuara kanë thënë se qindra njerëz ka të ngjarë të jenë vrarë në përleshje, megjithëse qeveria i kundërshton këto shifra si të ekzagjeruara.

    Presidentja Samia Suluhu Hassan ka thënë se zgjedhjet ishin të drejta dhe premtoi të hetojë dhunën pasi trazirat çuan në krizën më të madhe politike të vendit në dekada.
    Departamenti i Shtetit tha se SHBA-të po kryenin një shqyrtim gjithëpërfshirës pasi veprimet e fundit nga qeveria ngritën shqetësime të mëdha në lidhje me marrëdhëniet dypalëshe dhe besueshmërinë e Tanzanisë si partnere.

    “Shtypja e vazhdueshme e lirisë fetare dhe fjalës nga qeveria e Tanzanisë, prania e pengesave të vazhdueshme për investimet amerikane dhe dhuna shqetësuese kundër civilëve në ditët para dhe pas zgjedhjeve të Tanzanisë më 29 tetor, kërkuan këtë rishqyrtim të lidhjeve tona”, tha departamenti në një deklaratë.Thuhej se këto veprime i vinin amerikanët në rrezik në vend.

    Në një deklaratë të veçantë, ekspertët e të drejtave të njeriut të OKB-së thanë se kishin marrë gjithashtu shënim raportet se mbetjet njerëzore të të vrarëve në përleshjet zgjedhore po varroseshin në varre masive të paidentifikuara ose po digjeshin pasi zhdukeshin nga morgjet.
    “Qeveria duhet të ofrojë informacion mbi fatin dhe vendndodhjen e të gjithë personave të zhdukur dhe të sigurojë identifikimin dhe kthimin dinjitoz të eshtrave te familjet e tyre”, thanë ekspertët.

    Zëdhënësi i qeverisë së Tanzanisë, Gerson Msigwa, nuk iu përgjigj menjëherë një kërkese për koment mbi deklaratën e SHBA-së.
    Në përgjigje të deklaratës së ekspertëve të OKB-së, Msigwa tha se shumë raportime që qarkullojnë në media dhe në platformat sociale nuk kanë prova të verifikuara.
    “Prandaj është e rëndësishme që t’i lejojmë ekipit hetimor të përfundojë punën e tij në mënyrë që të mbështetemi në informacione të sakta dhe shifra të konfirmuara”, tha ai.Departamenti i Shtetit nuk dha detaje se çfarë i konsideron pengesa për investimet amerikane në Tanzani.
    Në nëntor, Presidenti Donald Trump e riktheu Nigerinë në listën e vendeve që SHBA-të thonë se kanë shkelur lirinë fetare, duke përmendur vrasjen e të krishterëve.
     

  • Papa Leo/ Takim me fenë Islame në Turqi e Liban

    Papa Leo/ Takim me fenë Islame në Turqi e Liban

    Papa Leo XIV duke u takuar me Safi Arpagus, kreun e Drejtorisë së Çështjeve Fetare të Turqisë

    ITALI- Gati shtatë muaj pas zgjedhjes papë Leo XIV ndërmerr udhëtimin e tij të parë jashtë vendit. Ky udhëtim më 27 deri më 30 nëntor ka stacion Turqinë dhe në përfundim deri më 2 dhjetor Libanin.
    Kreu i Kishës Katolike me prejardhje nga SHBA-ja me këtë vazhdon angazhimin ndërkombëtar të paraardhësit të tij. Sot programi i udhëtimeve është pjesë e vetëkuptueshme e ushtrimit të pontifikatit dhe “as që mund të mendohet pa të”, thotë historiani i kishës nga Augsburgu dhe ekspert i papës Jörg Ernesti në bisedë për DW.
    Pritet me interes se çfarë theksi do të vendosë Leo në udhëtimin e tij të parë dhe se si ai eventualisht do të bëjë dallimin nga paraardhësit e tij. Në Turqi kreu i kishës katolike do të vizitojë kryeqytetin Ankara dhe Stambollin. Ai do të udhëtojë gjithashtu edhe në Iznik rreth 100 km në juglindje, ku 1700 vjet më parë u mblodh këshilli i parë mbarëbotëror i të gjitha kishave.
    Në Liban janë në program vizita në Bejrut dhe disa vende pelegrinazhi në veri të vendit. Papa Leonë fund të udhëtimit të tij do të do mbajë një lutje në heshtje në portin e Bejrutit, pikërisht në vendin ku verën e vitit 2020 ndodhi një shpërthim i tmerrshëm me pestidice dhe lëndë plasëseqë shkatërroi një lagje të tërë, rreth 200 vetë humbën jetën dhe i gjithë vendi u trondit nga kjo fatkeqësi.
    Në Turqi dhe në Liban dikur jetonin shumë të krishterë
    Të dy vendet i bashkon një gjë e veçantë: Përpara njëqind vjetësh në të dyja këto vende të krishterët përbënin një pjesë të konsiderueshme të popullsisë. Në Turqi rreth një e treta e banorëve i përkiste një kishe, ndërsa në Liban më shumë se gjysma e popullsisë. Sot në Turqi më pak një përqind e njerëzve i përkasin besimit kristian, ndërsa në Liban 30 përqind.
    Turqia, duke përjashtuar Italinë, është në mbarë botën vendi i parë që ka pasur mysafir pesë papë. Kjo ka të bëjë edhe me faktin, se në pjesën aziatike të Turqisë ka tradita të rëndësishme të historisë së hershme të krishtërimit dhe ndodhen gjithashtu disa nga komunat e para kristiane.
    Në Stamboll, dikur Konstandinopoja, edhe sot e kësaj dite kreu i ortodoksisë ka selinë e tij, që aktualisht e mban patriarku greko-ortodoks Bartolomeusi 85 vjeçar. Kisha e tij prej dekadash vuan prej kufizimeve të vendosura nga shteti turk.
    Leo shkon – po ashtu si edhe parardhësit e tij Papa Gjon Pali i II (1979), Benedikti (2006) dhe Francesku (2014) – me vetëdije të plotë në fund të nëntorit në Stamboll. Më 30 nëntor është festa e Apostullit Andrea, që për ortodoksinë është po aq i rëndësishëm sa Apostulli Pjetër për të krishterët perëndimorë. 
    Reklamë
    “Kufizim i lirisë fetare”
    Në Turqi sipas vlerësimit të historianit të kishës Ernesti “ka kufizime të lirisë së besimit”. Kjo prek në radhë të parë kishën greko-ortodokse, që qysh prej dëbimit të grekëve nga Konstandinopoja dhe Azia e Vogël përpara 100 vjetësh është “asgjësuar dukshëm”. Patriarku Ekumenik është i kufizuar në veprimtarinë e tij.
    Që prej më shumë se 50 vjetësh pas një dekreti shtetëror është mbyllur seminari i priftërinjve ortodoksë në ishullin Chalki në Detin Marmara pranë Stambollit. Edhe kisha katolike, sipas Ernestit, nuk mund të veprojë e lirë.
    Vizita pritet me interes, sepse kjo është vizita e parë e papës në një vend tipik dhe të dominuar mysliman. “Shumë njerëz në botën islamike, pikërisht në Turqi, ndihen të nderuar, që udhëtimi i parë i papës jashtë vendit u dedikohet vendit të tyre”, thotë jezuiti Felix Körner për DW.
    Libani vendi me shumë religjone
    Edhe Libaniështë një etapë e rëndësishme e këtij udhëtimi papal. Tradicionalisht ky vend karakterizohet nga të jetuarit pranë njeri – tjetri të shumë besimeve fetare. Në Liban nuk ka një religjon shtetëror. Sot më shumë se 60 përqind e libanezëve janë myslimanë suni dhe shiitë, rreth 30 përqind të krishterë të kishave të ndryshme. Krahas tyre ka dhe druzë e alevitë. Hezbollahushiit i mbështetur nga Irani është një faktor i fuqishëm trazirash pushteti dhe politike.
    Sistemi politik është i përkufizuar proporcionalisht qartë duke u ndarë ndërmjet përfaqësuesve të religjoneve të ndryshme, shpjegon eksperti Ernesti. Ndaj Vatikani e konsideron Libanin “si fushë eksperimentale për funksionimin e bashkëjetesës së njerëve të besimeve të ndryshme fetare”.
    Nëse njerëzit në një “vend multireligjoz” nuk bashkëveprojnë, kjo çon në mungesë stabiliteti. Nga një bashkëpunim pozitiv përfiton e gjithë bashkësia. Në gjendjen aktuale Libani është për Leon e XIV “një destinacion i vështirë udhëtimi”.
    Duke iu referuar dialogut kristiano-islamik, jezuiti Körner mendon, se Leo në një tjetër mënyrë nga paraardhësi i tij Francesku do të vazhdojë ta ndjekë kursin e tij për afrimin me Islamin. “Qasja e papa Franceskut ishte miqësia”, thotë Körner. Ai theksonte simpatinë dhe avancoi duke i jetuar shkëmbimin dhe marrëdhëniet e mira me aktorët myslimanë. Kjo karakterizoi edhe udhëtimin e tij në botën islame, ashtu si dhe vizita në Abu Dhabi më 2019, ku u nënshkrua dokumenti i vlerësuar në mbarë botën për mirëkuptimin reciprok.
    Papa Leo ndonëse ka prioritete të ngjashme, shpresa dhe botëkuptime si Francesku, thotë Körner, ai është ndryshe në stil: “më i strukturuar, më i kujdesshëm, më i arsyeshëm”. “Leo është jurist kishtar. Kjo është shumë mirë. Ai do të gjallërojë dhe krijojë struktura të qendrueshme për mirëkuptimin në rritje ndërmjet myslimanëve dhe të krishterëvë.”/DW

  • Përmbytet Kisha/ Mesha zhvillohet në lokal

    Përmbytet Kisha/ Mesha zhvillohet në lokal

    Kisha në fshatin Barbullojë vazhdon të jetë e përmbytur prej tri ditësh, me një nivel uji që ka arritur deri në 30 cm, pas reshjeve të dendura që kanë përfshirë zonën.
    Për shkak të situatës, famullitari ka vendosur që meshat dhe ritualet fetare të kryhen në një lokal, duke garantuar vazhdimësinë e aktiviteteve fetare për banorët dhe besimtarët e fshatit. Sipas tij, kjo masë do të zbatohet edhe gjatë ditës së diel.
    Strukturat vendore po monitorojnë situatën dhe po punojnë për largimin e ujit dhe rikthimin e qetësisë në zonë. Banorët shprehin shqetësim, por bashkëpunimi me autoritetet dhe organizimi i përkohshëm po lejon vijimin e aktiviteteve fetare pa ndërprerje.

  • Tensione mes komuniteteve fetare/ ‘Të vrarë sepse janë alevitë’, frikë midis pakicave të Sirisë pas rënies së regjimit të Bashar al-Assad

    Tensione mes komuniteteve fetare/ ‘Të vrarë sepse janë alevitë’, frikë midis pakicave të Sirisë pas rënies së regjimit të Bashar al-Assad

    Tensionet mes komuniteteve fetare në Siri janë ndezur sërish, ndërsa vrasjet e fundit në Homs dhe në “Luginën e të Krishterëve” po thellojnë frikën dhe ndarjet mes banorëve.

    Një sulmues i maskuar në motor ka qëlluar për vdekje dy kushërinj të krishterë, Wissam dhe Shafiq Mansour, në fshatin Anaz të provincës Homs. Të dy 39-vjeçarë, po pinin kafe me një mik kur u qëlluan me breshëri plumbash.
    Banorët thonë se autori erdhi nga një fshat fqinj me shumicë sunite. Sulmi ka përhapur panik në “Luginën e të Krishterëve”, ku shumë familje ndihen të pambrojtura pas rënies së regjimit të Bashar al-Assad.
    Babai i Wissam-it, George Mansour, akuzon autoritetet për mosveprim. “Na morën armët, por i lanë te fshati rival. Sot ishte Wissam, nesër mund të jetw kushdo”, tha ai me lot në sy.
    Wissam ishte pjesë e një milicie pro-Assad që mbronte fshatin, çka mendohet se mund të ketë qenë arsyeja e sulmit.
    Frikë dhe pasiguri për të ardhmen
    Bashkëshortja e Wissam-it, Leen, e përcolli burrin drejt varrit mes lotësh e dhimbjeje, ndërsa turmat brohorisnin “Gjaku i të krishterëve është i shtrenjtë”.
    I mbijetuari i vetëm i sulmit, një mik i familjes, thotë se do të largohet sërish nga Siria. “Na premtuan siguri, por ajo nuk ekziston. Miqtë e mi më të dashur janë vrarë,” rrëfen ai.
    Vetëm pak kilometra më tej, në qytetin e Homsit, raportohen çdo ditë rrëmbime dhe atentate ndaj pjesëtarëve të sektit Alawit. Dikur të privilegjuar gjatë regjimit të Assadit, sot ata janë në shënjestër.
    Shaaban Al Ezzeldin, 46 vjeç, u qëllua tre herë ndërsa mbyllte dyqanin e familjes. “Po vriten vetëm pse janë Alawitë,” thotë i vëllai, Adnan, duke shtuar se shumë po detyrohen të largohen nga Siria.
    Vrasja e 14-vjeçares Ghina
    Në një lagje të përzier të Homsit, një vajzë 14-vjeçare, Ghina, u vra në gusht ndërsa qëndronte në ballkon. Ajo sapo kishte festuar rezultatet e shkëlqyera në shkollë.
    Në dhomën e saj me mure rozë e libra të shpërndarë, nëna kujton vajzën me lot në sy. “Ajo e donte jetën. E vranë vetëm pse ishim Alawitë,” thotë ajo.
    Qeveria e përkohshme premton drejtësi
    Ministri i Drejtësisë, Mazhar al-Wais, ka premtuar gjykime publike për autorët e dhunës sektare. Vetëm këtë vit, mbi 3,000 persona – civilë dhe luftëtarë – janë vrarë në përplasjet midis komuniteteve fetare.
    Por për shumë sirianë, këto premtime duken bosh. Në terren, vrasjet vazhdojnë, dhe çdo zhurmë motori risjell frikën e radhës.
     
     

    Top Channel

  • Artileria ruse bombardon Kishën historike në Donbas

    Artileria ruse bombardon Kishën historike në Donbas

    Artileria ruse ka goditur Kishën e Ndërhyrjes së Shën Mëmës së Perëndisë në rajonin e Donbasit, duke shkaktuar dëme të mëdha materiale dhe duke e përfshirë kishën historike nga flakët.
    Kjo kishë, e ndërtuar në shekullin e XIX-të, ka qenë një nga simbolet e rëndësishme fetare dhe kulturore të komunitetit lokal, duke shërbyer jo vetëm si vend lutjeje, por edhe si një pikë referimi historike që ka ruajtur kujtime dhe tradita të pasura të rajonit.
    Banorët dhe besimtarët e zonës kanë shprehur trishtim dhe shqetësim të thellë për shkatërrimin e trashëgimisë së tyre fetare dhe arkitekturore.

    Autoritetet lokale dhe organizatat kulturore po përpiqen të vlerësojnë dëmet dhe të ndërmarrin masa për ruajtjen e asaj që ka mbetur nga struktura e kishës, ndërsa komuniteti shprehet i vendosur për të ruajtur kujtesën dhe rëndësinë historike të vendit të shenjtë.
    Ngjarja vjen në një kontekst të tensionuar të konfliktit në Donbas, ku objektet kulturore shpesh bien viktimë e veprimeve ushtarake, duke theksuar nevojën urgjente për mbrojtjen e trashëgimisë historike dhe fetare në rajon.
    Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.

  • VIDEO- Ligji për barazinë gjinore, Prifti i Kishës Ortodokse në Vlorë: Skandal..! Vendosin vetë, pastaj thonë respektojmë komunitetet fetare

    VIDEO- Ligji për barazinë gjinore, Prifti i Kishës Ortodokse në Vlorë: Skandal..! Vendosin vetë, pastaj thonë respektojmë komunitetet fetare

    Dy ditë më parë Kuvendi miratoi me 77 vota pro të mazhorancës projektligjin e shumëdebatuar “Për barazinë gjinore”. Të shumtë kanë qenë ata që kanë kritikuar këtë vendim mes tyre edhe komunitetet fetare.

    Mes personave që nuk është dakord për miratimin e këtij ligji është edhe At Konstandin Prifti i Kishës Ortodokse në Vlorë.

    Në një intervistë ai shprehet se para marrjes së vendimit Këshilli Ndërfetar kanë dalë në një deklaratë të përbashkët për mosmiratimin e këtij ligji, duke theksuar se njohin vetëm konceptin burrë-grua.

    “Ky ligj para se të miratohej, Këshilli Ndërfetar ku marrin pjesë Komuniteti Mysliman, Kisha Ortodokse, Kisha Katolike, Protesante dhe Komuniteti Bektashi kanë dalë në një deklaratë të përbashkët për mosmiratimin e këtij ligji.

    Kisha predikon gjithmonë burrë e grua, këta e kanë hequr dhe e kanë quajtur gjini. Ne si komunitet ortodoks nuk e pranojmë se Zoti tha burrë e grua. Nuk e di si është miratuar në Shqipëri, kur në vende të tjera nuk është miratuar”, tha At Konstandin Prifti.

    Ndër të tjera ai thekson se ky vendim bie ndesh kur politikanët thonë se i respektojnë komunitetet fetare. Ndërsa për shoqërinë tonë është një skandal, pasi familja shqiptare është ndërtuar në bazë të vlerave dhe traditave.

    “Është një skandal, jemi një vend me tradita dhe duhet t’i ruajmë këto tradita, si i kemi pasur. Çfarë familje do të ketë tani, këto shkatërrojnë atë që është ngritur, si do të shumohet dheu me këtë.

    Vet vendosin, vet bëjnë dhe pastaj thonë se i respektojmë komunitetet fetare. Ky nuk është respekt për ne. Po humbasim ato që kemi ndërtuar me vite. Familja është e bekuar nga Zoti. Është turp për vendin tonë”, shtoi At Konstandin Prifti.

  • “Na i kurseni urimet e Bajramit dhe Pashkëve: Mesazh për politikën dhe hipokrizinë fetare”

    “Na i kurseni urimet e Bajramit dhe Pashkëve: Mesazh për politikën dhe hipokrizinë fetare”

    Na i kurseni urimet e Pashkëve dhe të Bajramit.
    Ligji i shumëpërfolur për barazinë gjinore u miratua. Ashtu shpejt e shpejt, në orët e vona të natës, pa diskutim dhe me një shpejtësi rrufe. Shtatëdhjetë e shtatë burra dhe gra votuan një ligj sipas të cilit gjinia nuk përcaktohet më nga tërësia e tipareve natyrore që dallojnë mashkullin nga femra, por nga rolet e ndërtuara në kontekstin shoqëror. Ne që e refuzojmë, na thonë se nuk e kemi lexuar ose nuk e kuptojmë.
    Është shumë e çuditshme sesi, pas çdo drafti që ndryshonte dy a tri herë — për të mos ndryshuar në thelb fare — individë dhe aktivistë të komunitetit LGBTQ+ përpiqeshin të na bindnin se nuk është ashtu siç duket. Megjithatë, ligji kaloi.
    Të gjithë deputetët që e miratuan nuk duhet të harrojnë se, përpara se të jenë politikanë, janë ose do të jenë prindër. Në rastin më të thjeshtë, edhe ata vetë vijnë nga prindër mashkull e femër — nga nënë dhe baba. Hapësirat që ky ligj lë për deformime të mëvonshme, në këtë kontekst, janë mëse të qarta. Mos harroni se liria e ndërgjegjes është gjëja më e shenjtë për njeriun dhe ajo i jep atij dinjitetin.
    Në raste festash fetare ju kam parë tek përpiqeni me shumë kujdes të gjeni foto kishash apo xhamish; po aq kujdes tregoni edhe në zgjedhjen e fjalëve për të uruar Bajramin apo Pashkët. Por ky ligj që miratuat është krejt e kundërta e asaj që predikohet në këto institucione dhe që përcillet përmes këtyre festave.
    Nëse arrini të gjeni fjalët e duhura për t’u justifikuar, mos harroni: Zoti e di të vërtetën. Atë nuk mund ta gënjejmë. Ai e di se ka vetëm një të vërtetë.
    Nuk dua dhe nuk kam për qëllim të mas fenë, besimin apo mosbesimin e askujt, por ju lutem — të paktën për Bajram e për Pashkë, na i kurseni urimet. Heshtja vlen më shumë se hipokrizia.

  • “Barazia Gjinore”: ta kenë “gëlltitur” krerët fetarë?!

    “Barazia Gjinore”: ta kenë “gëlltitur” krerët fetarë?!

    Nga mazhoranca pretendohet se krerët e komuniteteve kryesore fetare në Shqipëri janë pajtuar me projektligjin e “Barazisë Gjinore”, një ditë para votimit të tij në parlament.
    Këtë lë të kuptuar Taulant Balla, numri dy i PS, pas një takimi me ta.
    “Më vjen mirë që edhe udhëheqësia e mençur e komuniteteve tona fetare, pasi u njoh me propozimet dhe amendamentet tona, vlerësoi këto formulime që burojnë pikërisht nga kjo traditë familjare”, citohet të ketë deklaruar Balla.
    Më herët, kjo figurë e lartë socialiste do shpallte se në projektligj nuk do njihej as një gjini tjetër veç burrit dhe gruas. /tesheshi.com/  

  • Trump përgatit Pentagonin për luftë, SHBA gati të ndërhyjë me trupa ushtarake në shtetin afrikan

    Trump përgatit Pentagonin për luftë, SHBA gati të ndërhyjë me trupa ushtarake në shtetin afrikan

    Presidenti i SHBA, Donald Trump, njoftoi të shtunën se ka kërkuar nga Departamenti i Mbrojtjes të përgatitet për një veprim të mundshëm ushtarak në Nigeri, ndërsa vazhdon ta akuzojë qeverinë nigeriane se nuk po bën mjaft për të ndalur dhunën ndaj komuniteteve të krishtera — akuza që Abuja e ka mohuar përsëri.

    Në një postim të gjatë në rrjetet sociale, Trump e dënoi atë që e quajti “masakër kolektive” ndaj të krishterëve dhe tha se Shtetet e Bashkuara do të ndalojnë menjëherë gjithë ndihmën dhe mbështetjen për Nigerinë, duke paralajmëruar qeverinë e vendit të “veprojë shpejt”.
    “Unë urdhëroj Departamentin tonë të Luftës të përgatitet për veprime të mundshme,” shkroi Trump, duke shtuar se SHBA “mund të shkojë në atë vend tashmë të diskredituar, ‘me armë të ndezura’, për të shkatërruar plotësisht terroristët islamikë që kryejnë këto mizori.”
    Reagimi i Pentagonit në nivel formal u pasua me mbështetje publike nga disa zyrtarë amerikanë në rrjete sociale. Sekretari amerikan i Mbrojtjes, Pete Hegseth, shpërndau një pamje të deklaratës së presidentit dhe shkroi se “Departamenti i Luftës po përgatit veprime”, duke shtuar se qeveria nigeriane duhet të mbrojë të krishterët, përndryshe SHBA do të ndërhyjë kundër “terroristëve islamikë”.
    Analistët dhe zyrtarët nigerianë theksuan se dhuna në Nigeri ka burime të ndryshme: përveç sulmeve të motivuara fetarisht nga grupe radikale në disa zona, shumë incidente lindin nga konflikte vendase mbi tokën dhe burimet mes bagëtive dhe fermerëve, si dhe nga tensionet etnike dhe komunitare. Vendit me mbi 230 milionë banorë i janë drejtuar sulme që kanë prekur si komunitetin mysliman ashtu edhe atë të krishterë; megjithatë, raportimet lokale tregojnë se shumica e viktimave në disa zona janë myslimanë.
    Vendimi i Trump vjen pas vendimit të administratës së tij për të cilësuar Nigerinë si një “Shtet me Përkujdesje të Veçantë” (Country of Particular Concern) sipas Ligjit Ndërkombëtar për Lirinë Fetare, një etiketë që sugjeron se autoritetet kanë gjetur shkelje sistematike dhe të vazhdueshme të lirisë fetare — një vendim që Abuja e ka kundërshtuar.
    Presidenti nigerian, Bola Tinubu, reagoi përmes një postimi duke thënë se përshkrimi i Nigerisë si intolerante fetarisht “nuk pasqyron realitetin tonë kombëtar” dhe se qeveria po punon me SHBA-në dhe komunitetin ndërkombëtar për të forcuar mbrojtjen e të gjitha komuniteteve fetare. Zëdhënësi i tij dhe këshilltarë publikë e kanë cilësuar gjithashtu përshkrimin e dhunës si të tepruar dhe të njëanshëm.
    Një zëdhënës i Shtëpisë së Bardhë dhe zyra e Tinubu-t nuk kanë dhënë menjëherë komente shtesë mbi paralajmërimet e mundshme ushtarake ose përmasa konkrete të veprimeve të propozuara.
    Deklaratat e fundit të presidentit amerikan kanë ringjallur shqetësime për mundësinë e përshkallëzimit të ndërhyrjeve jashtë vendit dhe për pasojat e mundshme diplomatike dhe humanitare në rajon, ndërsa hetimet dhe kërcënimet vazhdojnë të ndjekin zhvillimet në terren.

    Top Channel

  • Trump i shpall luftë Nigerisë/ Presidenti i SHBA-ve kërkon përgatitjen për veprime ushtarake

    Trump i shpall luftë Nigerisë/ Presidenti i SHBA-ve kërkon përgatitjen për veprime ushtarake

    Presidenti Amerikan Donald Trump I ka kërkuar Departamentit Amerikan të Mbrojtjes që të përgatitet për veprime ushtarake kundër Nigerisë në një kërcënim të drejtpërdrejt ndaj shtetit të Afrikës Perëndimore. Presidenti Amerikan akuzoi qeverinë e Nigerisë se nuk po mbron besimtarët e krishtertë dhe po lejon vrasjen e tyre.
    “Qeveria nigeriane duhet të veprojë shpejt. Nëse ne sulmojmë, do të jetë e shpejtë, e egër dhe e ëmbël, ashtu siç sulmojnë terroristët e tyre të krishterë tanë të çmuar !”, shkroi Trump në rrjetin social Truth Social, duke quajtur Nigerinë një “shtet të turpshëm”. Ai gjithashtu njoftoi ndalimin e menjëhershëm të të gjitha ndihmave amerikane ndaj Nigerisë, vendit më të populluar të Afrikës dhe prodhuesit kryesor të naftës.
    Ky reagim i Trump erdhi pasi administrata e tij riktheu Nigerinë në listën e “Vendeve me Kujdes të Veçantë” për shkelje të lirisë fetare, ku përfshihen edhe Kina, Mianmar, Koreja e Veriut, Rusia dhe Pakistani. Para kërcënimit të Trump, Presidenti nigerian, Bola Ahmed Tinubu, mohoi pretendimet për intolerancë fetare dhe mbrojti përpjekjet e vendit të tij për të garantuar lirinë fetare.
    “Karakterizimi i Nigerisë si vend me intolerancë fetare nuk pasqyron realitetin tonë kombëtar dhe nuk merr parasysh përpjekjet e sinqerta të qeverisë për të mbrojtur të drejtën e besimit për të gjithë nigerianët”, tha Tinubu.
    Nigeria ka një histori të gjatë bashkëjetese paqësore midis 200 grupeve etnike dhe besimeve të ndryshme, përfshirë krishterimin, islamin dhe besimet tradicionale, megjithëse shpesh ndodhin shpërthime dhune, sidomos për shkak të ndarjeve etnike ose konflikteve mbi burimet e pakta. Grupi ekstremist islamik Boko Haram ka terrorizuar pjesën verilindore të Nigerisë për 15 vitet e fundit, duke vrarë dhjetëra mijëra njerëz, shumica e të cilëve myslimanë.
    Shtetet e Bashkuara kanë një prani ushtarake të reduktuar në Afrikën Perëndimore, ndërsa baza më e madhe amerikane në kontinent është në Xhibuti, ku janë vendosur mbi 5,000 trupa për operacione rajonale.
    Trump kishte emëruar më parë Nigerinë si vend të rrezikshëm gjatë mandatit të tij të parë, ndërsa pasardhësi I tij demokrat demokrat Joe Biden e hoqi Nigerine nga kjo lista në vitin 2021.