Lajmidites.com

Tag: festë

  • Masakër në një festë ditëlindjeje, katër të vdekur e dhjetë të plagosur në Kaliforni

    Masakër në një festë ditëlindjeje, katër të vdekur e dhjetë të plagosur në Kaliforni

    Të paktën katër persona janë vrarë të shtunën në mbrëmje, 29 nëntor, pas një sulmi me armë në një festë ditëlindjeje në Kaliforni.
    Siç raporton BBC, dhjetë të tjerë u plagosën gjatë të shtënave në një restorant në qytetin verior të Stocktonit. Autori i dyshuar është ende në arrati dhe policia beson se sulmi mund të ketë qenë i organizuar.

    Sipas autoriteteve lokale, mes viktimave ka të rritur dhe fëmijë. Ende nuk është konfirmuar gjendja shëndetësore e të plagosurve.

    Zyra e sherifit të qarkut San Joaquin tha se ngjarja ndodhi pak para orës 18:00 me orën lokale, ndërssa zëdhënësja Heather Brent e përshkroi ngjarjen si të pabesueshme.
    Në një deklaratë zyrtare thuhet:
    Hetimet po vijojnë ende. Informacionet për momentin janë të kufizuar, ndërsa po shqyrtohen të gjitha pistat.
    Nënkryetari i bashkisë së Stocktonit, Jason Lee, shkroi në rrjetet sociale:
    Jam thellësisht i tronditur nga lajmi për të shtënat masive në një festë ditëlindjeje fëmijësh. Një festë ditëlindjeje nuk duhet të jetë kurrë një vend ku familjet të kenë frikë për jetën e tyre.

  • FOTO/ Sulm me armë gjatë një feste ditëlindje në Kaliforni, 4 të vrarë dhe mbi 10 të plagosur

    FOTO/ Sulm me armë gjatë një feste ditëlindje në Kaliforni, 4 të vrarë dhe mbi 10 të plagosur

    Katër persona kanë humbur jetën dhe më shumë se 10 persona të tjerë janë plagosur pas një sulmi me armë zjarri të ndodhur mbrëmjen e së shtunës në Stockton, California, konfirmuan autoritetet.

    Të shtënat u raportuan pak para orës 18:00, pranë bllokut 1900 të Lucile Avenue. Zyra e Sherifit të Qarkut San Joaquin bëri të ditur në një konferencë për media se mes të plagosurve ka fëmijë dhe të rritur.

    Sipas të dhënave paraprake, ‘incidenti mund të ketë qenë i qëllimshëm,’ tha një zëdhënës i sherifit.

    Autori i dyshuar ndodhet ende në arrati.

    ‘Po bëjmë gjithçka të mundur për të sjellë para drejtësisë personin përgjegjës,’ deklaroi Prokurori i Qarkut San Joaquin, Ron Freitas.

    Hetuesit po punojnë për të zbuluar motivin e mundshëm të ngjarjes.

    Sulmi ndodhi gjatë një feste ditëlindje brenda një salle eventesh. Disa nga të plagosurit u dërguan në spital, por gjendja e tyre nuk është bërë ende e ditur.

    Ngjarja është nën hetim, ndërsa edhe FBI është përfshirë në hetimet. Guvernatori i Kalifornisë, Gavin Newsom, është informuar mbi situatën dhe zyra e tij po bashkëpunon me agjencitë lokale të rendit.

    ‘Mendimet tona janë me viktimat, familjet e tyre dhe të gjithë ata që u prekën nga ky akt i pakuptimtë dhune,’ tha Zyra e Sherifit në një deklaratë.

    Nënkryetari i Bashkisë së Stockton, Jason Lee, u shpreh: ‘Jam i shokuar dhe i zemëruar për të mësuar për këtë sulm masiv në një ditëlindje fëmijësh. Një dyqan akulloresh nuk duhet të jetë kurrë një vend ku familjet të kenë frikë për jetën e tyre.’

  • Mirëmëngjesi i sotëm i Kryeministrit Rama vjen me një përshëndetje feste nga Ura e Mesit në Shkodër

    Mirëmëngjesi i sotëm i Kryeministrit Rama vjen me një përshëndetje feste nga Ura e Mesit në Shkodër

    Nga Albert Vataj
    “MIRËMËNGJES dhe me një tjetër përshëndetje feste nga Ura e Mesit në Shkodër, ju uroj një të diel të bukur”, ky është mesazhi që Kryeministri Rama përcjell përmes një postimi në rrjetet sociale. Por kjo nuk është një përshëndetje e zakonshme. Është një videomesazh i mbushur me shpirt festash, ku zërat dhe buzëqeshjet e nxënësve të shkollës “Ismet Çela”, Dragoç, shndërrojnë Urën e Mesit në një skenë të vogël simbolike të atdhedashurisë.Në këtë manifestim festiv, një ndër ikonat më të rëndësishme të trashëgimisë kulturore të Shkodrës vjen sërish në jetë. Ura e Mesit, kjo vepër monumentale shekullore, mbart mbi arkën e saj gurët e historisë, hapat e brezave dhe rrëfime që koha nuk i shuan dot. Mbi këtë urë ku kanë kaluar njerëzit dhe ngjarjet, nxënësit performojnë me krenari, duke sjellë jo vetëm një urim për festat e nëntorit, por edhe një akt të gjallë të vazhdimësisë së trashëgimisë.

    Në videomesazh, qëndrimi, veshjet tradicionale dhe simbolikat që ata përcjellin krijojnë një tablo që shkon përtej urimit: është një rikthim tek rrënjët, një falenderim për ata që, mes zjarrit të luftës dhe përpjekjeve të panumërta, i dhanë këtij vendi pavarësinë.

    Kjo paraqitje e nxënësve e bën Urën e Mesit të duket edhe më madhështore: një vend ku e shkuara dhe e tashmja takohen, ku brezat e rinj prekin historinë dhe e çojnë përpara, duke na kujtuar se identiteti, trashëgimia dhe respekti për të shkuarën janë urat që na mbajnë të bashkuar në përjetim dhe në krenari.

  • “Nata e Bardhë”, koncert në sheshin “Skënderbej”, Rama: Atmosferë feste dhe energji fantastike për qytetin

    “Nata e Bardhë”, koncert në sheshin “Skënderbej”, Rama: Atmosferë feste dhe energji fantastike për qytetin

    Koncert dhe atmosferë feste do të ofrojë Tirana sot me rastin e ‘Natës së Bardhë’.
    Në Sheshin Skënderbej do të mbahet një koncert me të ftuar këngëtar shqiptar si Era Istrefi, Kida, Soni Malaj, Majk, Lumi B, duke nisur nga ora 18:00 deri në mesnatë.
    Kryeministri Edi Rama, përmes një postimi në rrjetet sociale shkruan se Tirana do të ‘pushtohet’ nga atmosfera festive.
    ‘Tirana sot, ku emrat më të njohur të muzikës po performojnë në Sheshin Skënderbej, duke sjellë atmosferë feste dhe energji fantastike për qytetin’, shkruan Rama.

  • Gazmend Leka: 28 Nëntori vërtetë është festë e sallës së Presidencës, plot me politikanë e ambasadorë,por fillimisht…

    Gazmend Leka: 28 Nëntori vërtetë është festë e sallës së Presidencës, plot me politikanë e ambasadorë,por fillimisht…

    Nga Julia Vrapi
    Shqiptarët, kudo ku ndodhen festuan 113-vjetorin e shpalljes së Pavarësisë së Shqipërisë. Më 28 nëntor 1912, Ismail Qemali shpalli Pavarësinë e Shqipërisë. Shpalljes së Pavarësisë përbën një nga ngjarjet më të rëndësishme në historinë e popullit shqiptar. Një ditë më parë një sërë aktivitetesh u zhvilluan në vendin tonë dhe 28 Nëntori për të gjithë shqiptarët kudo ndodhen njihet dhe si Dita e Flamurit. Profesori dhe studiuesi Gazmend Leka shpreh një reflektim të thellë mbi 28 Nëntorin, duke theksuar se kjo ditë, përtej ngjarjeve protokollare, është në thelb festa e shqiptarëve të thjeshtë, të cilët e mbajnë gjallë krenarinë për atdheun. Piktori Gazmend Leka profesor në Universitetin e Arteve në Tiranë, që edhe më parë ka sjellë në vëmendje rëndësinë e shpalljes së Pavarësisë së Shqipërisë më 28 Nëntor të vitit 1912, e quan atë një festë të rilindjes së kombit shqiptar.
    Profesori Gazmend Leka thekson rëndësinë historike të kësaj dite, e cila përbën një gur kilometrik në memorien e kombit shqiptar dhe të shqiptarëve kudo. Profesor Leka nënvizon se 28 Nëntori shënon jo vetëm një ngjarje të rëndësishme për vendin tonë, por një rikthim të identitetit dhe shpirtit kombëtar, pas shekujsh harrese dhe indiference ndaj vlerave që na përkasin. Ai tërheq vëmendjen, duke rikujtuar se shumë kombe kanë pasur kujdes për ruajtjen e memorieve të tyre historike. “28 Nëntor, Dita e Flamurit. Sot kujtojmë një nga ditët më me diell të Shqipërisë e të shqiptarisë. Është festë dhe festë shumë e re për një komb të stërlashtë. Nuk është festë lindjeje, por festë rilindjeje, sepse ditën e lindjes nuk e mbajmë mend. Askush nuk e ka ende ndriçimin ta kujtojë. Ditë si kjo e jona rrinë si gurë kilometrikë në memorien historike të kombeve.
    Ngrijnë si gurë sinori që përcaktojnë kufijtë shpirtërorë të popujve. Shumë kombe i kanë shënuar këto sinore me moshë disa mijëra vjeçare. Ne nuk e patëm këtë kujdes. Qemë të pavëmendshëm, indiferentë e naivë të pandreqshëm; mendonim se të tjerët do të na e dinin e do të na e njihnin, por nuk ndodhi kështu. Gabuam, siç gabojmë shpeshherë. Shekuj të tërë mbetëm pa festë. Mbetëm pa të, deri ditën kur rrezikuam të humbnim pa nam e nishan”, shprehet profesor Gazmend Leka.
    Një ditë në kujtesë
    Pavarësia e Shqipërisë e shpallur nga Ismail Qemali më 28 nëntor të vitit 1912, shënon një moment historik në rrugën e kombit shqiptar drejt lirisë. Shpallja e Pavarësisë dhe ngritja e flamurit kombëtar në Vlorë, ishte një fitore e madhe e shqiptarëve. Por profesor Gazmend Leka thekson Nëntorin si një shenjë të ringjalljes kombëtare, një moment i mbushur me ngjyra kuqezi, që simbolizon krenarinë dhe pavarësinë e vendit tonë. “E ndërsa po treteshim ngadalë e pa u vënë re, u kujtuam se po humbnim bukën, kripën dhe zemrën. Po tretej gjuha e gjaku. Shenjuam me të kuqe në kalendar një ditë fort të ndritshme. E mbollëm të kuqe midis të zezave. Mbollëm kuq e zi. Mbollëm një ditë plot cilësi, në kujtesë për Nëntorin e Kastriotit dhe Nëntorin e Rilindjes. Kryefestë e mbjellë me festa- festë mëvetësie, festë identiteti, festë kuq e zije dhe festë ringjalljeje.
    E ngjeshëm me zemër, me mendje dhe me pendesën tonë. U penduam thellë që nuk mbanim mend ditëlindjen e Atit dhe të Mëmës, ditëlindjen e atdhe-mëmëdheut tonë. Perëndia na i paskësh dhënë të gjitha dhe ne nuk kishim memorie: Diell e Hënë të plotë e të pastër, qiell me shpezë, det plot me gjallesa, male Shqipërie dhe lisa të gjatë, bregore bukuroshe e lumenj të kulluar. Nëntokën na e mbolli me farëza mineralesh si për natë shtatzënie. E nuk do të ishte turp për ne t’ia dorëzonim ditën e fundit të gjyqit me Diell e Hënë të mbuluar nga pluhuri, qiellin me klitha, pasthirma e fjalë të ndyra adoleshentësh të përziera me zhurma gjeneratorësh, det të vdekur pa peshq, të vrarë nga dinamiti e me kufoma në ikje si prej një mallkimi; fusha shterpë e ujëra që nuk bëjnë dritë! Apo ndoshta nuk do t’ia dorëzojmë fare këtë tokë, duke mos e njohur për pronar?”
    Dhe përsëri, Atë e gjykojnë dhe i hedhin faj që na nguli në një truall të “nemur”, ku të gjithë pyesin: “A do të bëhet Shqipëria?”, e askush nuk di të thotë: “A do ta bëjmë?”. Edhe më i miri mes nesh do të përbuzte politikën diletante të politikanëve para se t’ia mbathte nga sytë këmbët, nga Sodoma drejt Gomorrës, duke kthyer kokën pas për të mbetur kolonë kripe prej Loti. Po të urtët? Të urtët rrinë urtë dhe agjërojnë intelektualisht, duke shoqëruar festën”, shprehet profesor Gazmend Leka.

    28 Nëntori festa e shqiptarëve
    Profesori dhe studiuesi Gazmend Leka shprehet se 28 Nëntori fillimisht është festa e shqiptarit. Festimi i këtij momenti sipas tij, është për ata që, pa zhurmë, e duan Shqipërinë. “28 Nëntori është Pashka e Bajrami i shqiptarisë, sepse shqiptaria është fe më vete me ritet e saj. Është dita e lutjes së madhe kombëtare. Është dita e agjërimit të madh kombëtar. Është dita e shenjtë e të shenjtëve, ku hyn zbathur një herë në vit e merret takim me Ndërgjegjen Kombëtare. Është ditë e ngjyer kuq e zi. 28 Nëntori vërtetë është festë e sallës së Presidencës, plot me politikanë e ambasadorë, por fillimisht është festa e shqiptarit që nuk pështyn as në të majtë e as në të djathtë, me frikën se mos lëndojë vëllanë në krah. Është festa e atij që digjet në heshtje e pa bujë për dheun, gjuhën dhe kuq e zinë; e atij që nuk sheh me bisht të syrit se kush e sjell flinë më të madhe te altari i sakrificës, por vdes- vdes si një dëshmor.

    “Rroftë feja e shqiptarëve, shqiptaria!”, shprehet Gazmend Leka profesor në Universitetin e Arteve. Në aktivitetin e tij Gazmend Leka është një piktor i vlerësuar me krijimtarinë e tij në vendin tonë dhe me ekspozita që ka hapur herë pas here për publikun. Disa nga veprat e piktorit Gazmend Leka janë pjesë e koleksionit të Galerisë Kombëtare të Arteve. Vepra të tij janë shpërndare edhe në koleksione private në Shqipëri, Amerikë, Francë, Zvicër, Itali, Gjermani, Holandë, Spanjë, Kanada, etj. “Magjia e vizatimit” me punët e piktorit Gazmend Leka ishte edhe një ndër ekspozitat e reja në Tiranë këtë sezon vjeshte.

  • Paskal Milo: Festa e Flamurit është ditë uniteti për Shqipërinë europiane

    Paskal Milo: Festa e Flamurit është ditë uniteti për Shqipërinë europiane

    Në emisionin “3D” të moderuar nga Alban Dudushi në RTSH 1HD, tema e mbrëmjes ishte Dita e Pavarësisë, ku u diskutua mbi rrugëtimin historik, sakrificat dhe të ardhmen e Shqipërisë në procesin e integrimit europian.
    I ftuar në studio ishte ish-ministri i Jashtëm dhe historiani Paskal Milo, i cili theksoi se 28 Nëntori është një festë kombëtare që i përket të gjithë shqiptarëve.
    Milo u shpreh se në thelb ka vetëm një gjykim, “Kjo festë kombëtare është kënaqësi dhe ndjenjë që e përjetojmë së bashku, pavarësisht ndryshimeve që kemi në pozicione dhe ide, sepse kjo është festë për të gjithë shqiptarët.”
    Ai shtoi se festat janë gjithmonë përbashkuese, edhe pse mesazhet që përcillen mund të ndryshojnë nga një vit në tjetrin.
    Duke iu referuar pritjes së përvitshme të organizuar në Pallatin e Brigadave, Milo tha se mesazhi kryesor i Presidentit të Republikës, Bajram Begaj, ishte i qartë dhe i bukur“Ky vit ishte viti europian i Shqipërisë. Dha mesazhet për një sukses, për hapjen e gjithë grupkapitujve dhe anëtarësimin e Shqipërisë në BE.”
    Historiani theksoi se është shumë e rëndësishme që shqiptarët të lexojnë mesazhet kryesore të ditës, pasi politika dhe ndarjet politike kanë ekzistuar dhe do të ekzistojnë gjithmonë.
    “Por sot jemi në një ditë që na bashkon. Dhe ajo që na bashkon sot është që Shqipëria të integrohet sa më shpejt në Bashkimin Europian, sepse kjo është në të mirën e të gjithë shqiptarëve,” përfundoi Milo.

  • FOTOT/ 113-vjetori i shtetit shqiptar, festë kuqezi dhe në Prishtinë

    FOTOT/ 113-vjetori i shtetit shqiptar, festë kuqezi dhe në Prishtinë

    Qytetarët në Kosovë po festojnë 28 Nëntorin, Ditën e Flamurit kombëtar shqiptar.

    Në sheshet e Prishtinës dhe në rrugët e kryeqytetit të Kosovës janë vendosur flamuj kuqezi, por edhe flamuj të Kosovës.

    Në Kosovë kjo ditë nuk është festë zyrtare, por çdo vit shpallet ditë pushimi nga Qeveria./ REL.

  • Java e 13-të në ditë feste, dy kryesueset pritës, Tirana e ‘çorientuar’ kërkon lavdi me kampionët

    Java e 13-të në ditë feste, dy kryesueset pritës, Tirana e ‘çorientuar’ kërkon lavdi me kampionët

    Akti i 13-të Abissnet Superiore luhet në ditë feste. Nesër 28 nëntor, Dita e Pavarësisë, dy takimet; Elbasani- Partizani dhe Vllaznia- Teuta. Praktikisht dy skuadrat e kreut presin në shtëpi respektivisht vendet 7-të dhe 5-të.

    Të shtunën tre përballjet e tjera me Tiranën që takohet me Egnatian në Selman Stërmasi’, Bylis i cili pret në “Adush Muça’ Dinamo Sitin dhe pak më vonë (16:30) mbyll në Vlorë, Flamurtari- Vora.

    Të premten:

    18:00

    AF Elbasani- Partizani

    Vllaznia- Teuta

    E shtunë 28 nëntor 2025

    Tirana- Egnatia 13:30 (në “Selman Stërmasi”)

    Bylis- Dinamo Siti

    Flamurtari- Vora 16:30/Sportiim.al/

    Vazhdo leximin

  • Zyrtarisht në festë, Vatikani vendos Pemën e Krishtlindjeve, dhuratë nga Bolzano

    Zyrtarisht në festë, Vatikani vendos Pemën e Krishtlindjeve, dhuratë nga Bolzano

    Në ditën kur Papa Leoni i XIV nisi udhëtimin e parë të papatit të tij jashtë kufijve, që e çon atë në Turqi e Liban, Vatikani vendosi një pemë Krishtlindjesh 27 metra të lartë, duke i dhënë kështu tonet zyrtare atmosferës së festave të fundvitit.

    Pema e lartë u dhurua nga komunat e Lagundos dhe Ultimos. Përveç bredhit të zgjedhur për Sheshin e Shën Pjetrit, në Vatikan kanë mbërritur edhe pemë të tjera më të vogla nga provinca e Bolzanos, të cilat do të zbukurohen e do të ekspozohen në ndërtesat e Selisë së Shenjtë dhe qytet-shtetit të Vatikanit.
    Skena e Lindjes së Krishtit sakaq, që do të vendoset në Sheshin e Shën Pjetrit, sivjet mbërrin nga provinca e Salernos, në Kampania dhe, do të ketë elemente tipike të zonës së Nocerës. Vepra paraqet Misterin e Mishërimit të Birit të Zotit, duke integruar simbole fetare, elemente vendase dhe figura të rëndësishme përfaqësuese të rajonit të Kampanias. Ndër ta, një bari me tiparet e Shërbëtorit të Zotit, Don Enrico Smaldone, së bashku me dy fëmijë, ndërsa ngjiten në një shkallë, që përfaqëson Krishtin si Qendrën e vetme të procesit edukativ. Asnjë event tjetër kristian nuk festohet kaq intensivisht në Gjermani sa lindja e Krishtit, thonë historianët. Edhe në mijëvjeçarin e tretë kalendari nuk mund të mendohet pa krishtlindjet.
    Kultura e festës, që ka evoluar gjatë shekujve, ka nxjerrë një simbol, pa të cilin festa do të ishte e paimagjinueshme: Pema e ndriçuar e krishtlindjeve ndeshet për herë të parë në shekullin e 19-të, ndërsa tradita e të dhuruarit erdhi më vonë, dhe në shekullin e 21-të krishtlindjet në vetvete, për ekspertët, janë bërë një festë kryesisht konsumuese.

    Top Channel

  • Justin zhduket sërish kur është radha e Hailey-t: xhelozi, sabotim emocional apo një krizë që s’fshihet dot më?

    Justin zhduket sërish kur është radha e Hailey-t: xhelozi, sabotim emocional apo një krizë që s’fshihet dot më?

    Në vend që ditëlindja e 29-të Hailey Bieber të ishte një festë e qetë dhe e bukur për çiftin më të komentuar të showbiz-it, u kthye në një skenë tjetër të çuditshme, të diskutueshme dhe të përsëritur, ku Justin Bieber u zhduk pikërisht në momentin kur duhej të ishte më i dukshëm se kurrë.

    Teksa Hailey festonte me stafin e saj të Rhode, Justin nuk u pa askund: as në festë, as në ndonjë postim urimi, as në një gjest minimal të partnerit mbështetës. Asgjë. Heshtje totale. Dhe më pas, kur dikush do të mendonte se ai po ruhej për të shfaqur ndonjë surprizë private apo ndonjë urim publik, doli se Justin thjesht kishte qëndruar në shtëpi duke kënduar në livestream-in e tij. Ndërsa gruaja e tij festonte, ai zgjodhi të mos jetë pjesë e asnjë momenti. Ditëlindja kaloi, festa përfundoi dhe Justin vazhdoi të mos shfaqej.

    Kjo sjellje e tij është një model i përsëritur sa herë që vëmendja shkon te Hailey.
    Kohët e fundit, tabloidet kanë shtuar zërat për tensione të brendshme në martesën e tyre. Raportime të Globe Magazine pretendojnë se Hailey i është drejtuar babait të saj, Stephen Baldwin, për mbështetje në një moment të vështirë, ndërsa çifti po përpiqej të përballonte presionin e ardhjes së foshnjës së tyre, Jack Blues.
    Sipas burimeve, ndryshimi i menjëhershëm drejt prindërimit e ka tronditur Justin-in, i cili është përballur me frikë, pasiguri emocionale dhe një barrë që nuk ka ditur si ta menaxhojë. Të njëjtat burime flasin për këshillim të përbashkët, për të gjetur një ekuilibër mes punës, jetës me një të porsalindur dhe marrëdhënies së tyre.
    Por nëse këto raporte mbeten të pakonfirmuara, ajo që është e dukshme është sjellja publike e Justin-it. Kjo nuk është hera e parë që ai hesht në momentet e Hailey-t. Vetëm pak kohë më parë, kur ajo doli në kopertinën e Vogue, në vend të një urimi të qartë e të pastër, ai postoi një kujtim të hidhur nga e kaluara, ku i thoshte Hailey-t se “nuk do të ishte kurrë në kopertinë të Vogue”. (LEXO KËTU)
    Një koment pasiv-agresiv që i riktheu botërisht një pasiguri, në një ditë që duhej të ishte triumf i saj. Me Kendall Jenner-in, në të njëjtën situatë, ai pati shkruar një urim të ngrohtë, të thjeshtë dhe të admiruar. Me Hailey-n, ai zgjodhi dramën dhe kujtimet negative.
    Këto veprime të Bieber krijojnë një model ku suksesi i Hailey-t e vendos atë në prapavijë dhe i nxit sjellje mbizotëruese të xhelozisë dhe pasigurisë. Ndërkohë që Hailey punon, rrit markën e saj, shfaqet në kopertina, ndërton imazh profesional dhe ruan qetësi publike, Justin shfaq një lloj reagimi emocional që shpesh e devijon vëmendjen nga ajo drejt tij.
    Heshtja e tij në ditëlindjen e saj, mosprezenca në festë, mungesa e një postimi urimi dhe fakti që preferoi të këndonte live nga shtëpia, flasin shumë më tepër sesa çdo status i munguar. Kjo është një sjellje që shihet shpesh në marrëdhënie ku partneri ndien nevojën të mbajë kontroll emocional duke u tërhequr pikërisht kur tjetri shkëlqen.
    Në publik, Justin dhe Hailey shfaqen shpesh të lumtur, por këto detaje të vogla, të shpeshta dhe të përsëritura krijojnë kontrast të mprehtë me imazhin që duan të transmetojnë. Në momentet kur Hailey ka më shumë të drejtë se kurrë të ndjehet e mbështetur, ajo shfaqet e vetme, ndërsa ai ose zhduket, ose përdor momentet e saj për të rrëfyer gabimet e veta. Nuk është çudi që fansat po ngrenë sërish pyetjen që nuk shuhet dot: mos vallë kjo martesë ka më shumë krisje sesa pranojnë?
    Në fund të ditës, partneriteti i vërtetë tregohet në momente të thjeshta: në një urim, në një praninë, në një gjest që nuk kërkon vëmendje por jep vëmendje. Dhe Justin, për të disatën herë, zgjodhi të mos jetë aty kur Hailey kishte ditën e saj.
    /Iconstyle