Qeveria pritet të miratojë brenda këtij muaji nismën për sigurimin e detyrueshëm të banesave nga tërmetet. Kjo nisëm e hartuar nga Ministria e Financave ka mbaruar fazën e konsultimeve dhe tashmë është në fazën finale të miratimit në qeveri. Lajmin e konfirmoi ministri i Financave Petrit Malaj.
“Ky projektligj do të miratohet në qeveri këtë muaj. Kemi mbaruar fazën e konsultimeve dhe nisma është shumë pozitive, pasi adreson një fenomen që Shqipëria është e rrezikuar, atë të dëmeve nga tërmetet. Më pas, drafti do t’i nënshtrohet diskutimeve në Kuvend për detajet dhe hyrjen në fyqi të tij”, – tha Malaj.
Por sa do të jetë tarifa/primi që do të paguajnë familjet shqiptare për të siguruar banesën?
“Jemi ende herët për të thënë shifra të tilla. Ajo që është e sigurt që primi apo tarifa që do të vendoset do të jetë e përballueshme nga çdo familje. Mbi të gjitha, këtë proces do ta menaxhojë shteti, pra do të jetë një agjensi shtetërore që merret me të gjithë ecurinë e procesit”, sqaroi Malaj në emisioni “E-ZONE”.
Pas tërmetit tragjik të 2019, qeveria ka vendosur që dëmet nga tërmeti si një vend me risk të lartë, t’i përballojë me sigurimin me detyrim të banesave. Çdo familje do të paguajë një tarifë vjetore në rast të dëmeve që do të shkaktojë një tërmet i mundshëm. Por çfarë parashikon të mbulohet nga kjo tarifë?
Nisma është përfshirë në debate, nëse tarifa do të jetë e unifikuar nga veriu në jug, mbi të gjitha pse ajo përfshin vetëm dëmet nga tërmetet kur fatkeqësitë natyrore që prekin vendin janë dhe përmbytjet apo zjarret. Mbi të gjitha, debati më i madh i kësaj nisme është: A duhet të jetë me detyrim një sigurim i tillë?
Tag: fazën
-
“Sigurimi me detyrim nga tërmetet miratohet këtë dhjetor”, Malaj: Ja sa do të jetë tarifa
-
FAZA E DYTË/ Çudia e “përmbysjes” së Superiores, Partizani duket për titull dhe Flamurtari e ndjek
Kategoria Superiore ka mbyllur sot ndeshjet e javës së 14 të saj dhe forma që kanë shfaqur skuadrat po të marrësh për bazë pesë ndeshjet e luajtura në fazën e dytë, duket mjaft e ndryshme në shumë raste në krahasim me atë që dhuroi si tablo faza e parë e kampionatit.
Duke marrë vetëm rezultatet e javëve të luajtura në fazën e dytë, 5 të tilla, tabela e renditjes sheh Partizanin dhe Elbasanin si kryesues, me nga 9 pikë të siguruara dhe si të vetmet skuadra që nuk kanë shijuar humbjen në këtë javë. Një tablo krejtësisht ndryshe për të kuqtë të cilët në fazën e parë ishin të zhytur në fundin e tabelës dhe luftonin për mbijetesë.E njëjta gjë mund të thuhet edhe për Flamurtarin, që i ndjek me 1 pikë më pak të siguruar gjatë kësaj faze, po aq sa Teuta, duke bërë një progres të konsiderueshëm.
Pastaj me radhë vijojnë pretendentët e Egnatias me 7 pikë e më pas Dinamo, Vora e Vllaznia me nga 6 pikë. Bylisi është për mbijetesë, me vetëm 4 pikë të siguruara. Ndërsa tabloja e fazës së dytë tregon një panoramë dëshpëruese për Tiranën, e cila ka vetëm 1 pikë të siguruar deri tani. -
Lazio thyen Milanin, vendos një gol në Kupën e Italisë
Lazio ka fituar 1-0 ndaj Milanit duke u kualifikuar për në fazën tjetër të Kupës së Italisë. Pjesa e parë nuk pati ritëm të lartë, me të dy skuadrat që nuk rrezikuan shumë në portën kundërshtare.
Në pjesën e dytë, Zaccagni zhbllokoi llogaritë për lacialët, pas një asisti të Tavares. Pavarësisht përpjekjeve, kuqezinjtë nuk u futën dot në lojë.Në ndeshjen tjetër, Bologna triumfoi 2-1 ndaj Parmës. Sfidat ishin të vlefshme për fazën 1/8.
-
Jemi në fazën e betejës vendimtare”/ Berisha: Rama nuk do ta gëzojë mandatin e katërt
Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona
-
Objektivi, të ruhet vendi i parë/ Elbasani në testin e vërtetë
Elbasani ka lënë pas barazimin me Partizanin dhe vijon të mbajë vendin e parë, këtë herë së bashku me Egnatian.
Skuadra është rikthyer menjëherë në përgatitje për sfidën e radhës ndaj Teutës, një ndeshje e rëndësishme për ekuilibrat e kreut.
Atmosfera në ekip mbetet pozitive, ndërsa trajneri dhe lojtarët janë të vetëdijshëm se hynë në fazën më të vështirë të sezonit. Gjatë dhjetë ditëve të ardhshme, Elbasani do të përballet me Teutën, Vllazninë dhe Vorën, tre skuadra që e ndalën në fazën e parë. Këto ndeshje shihen si test karakteri për të konfirmuar pretendimet në krye.
Tsague, i pezulluar ndaj Partizanit, rikthehet dhe pritet të shtojë forcën në fazën sulmuese. Skuadra është e plotë dhe nuk raportohen mungesa.
Objektivi është të ruhet vendi i parë dhe të përmirësohet paraqitja ndaj rivalëve që kanë krijuar vështirësi më herët. -
E zbulon FSHF-ja/ Bajrami i lë të gjithë pas për shpejtësi
Federata Shqiptare e Futbollit ka publikuar të dhëna të detajuara lidhur me performancën fizike të Kombëtares shqiptare në ndeshjet kualifikuese për Kupën e Botës 2026.
Të dhënat përfshijnë statistikat e shpejtësisë maksimale të arritur nga lojtarët gjatë ndeshjeve të grupit, ku Shqipëria e mbylli fazën kualifikuese në vendin e dytë, pas Anglisë, duke siguruar pjesëmarrjen në “play-off”.
Pas shortit të hedhur së fundmi, skuadra kuqezi ka mësuar se do të ndeshet me Poloninë në gjysmëfinale, dhe në rast kualifikimi, kundërshtari i finales do të jetë fituesi i përballjes Ukrainë-Suedi.
Në analizën e publikuar nga FSHF, janë përfshirë statistikat individuale të pesë lojtarëve më të shpejtë të kombëtares gjatë kësaj faze kualifikuese.
Sipas këtyre të dhënave, Nedim Bajrami ka qenë lojtari me shpejtësinë më të lartë të regjistruar, duke arritur deri në 34.18 kilometra në orë në një nga sprintet e tij. Ky tregues e vendos Bajramin në krye të listës për sa i përket kapacitetit fizik dhe intensitetit të lartë në fazën ofensive dhe atë të tranzicionit.
Në vend të dytë renditet Arbër Hoxha, i cili arriti një shpejtësi prej 32.98 kilometra në orë, duke konfirmuar rolin e tij si një lojtar me dinamizëm të lartë në krah.Ndërkohë, Armando Broja dhe Myrto Uzuni ndajnë vendin e tretë në këtë renditje, pasi të dy kanë regjistruar shpejtësi identike prej 32.23 kilometra në orë. Të dy lojtarët kanë shfaqur përmirësim të dukshëm fizik pas rikthimeve nga dëmtimet dhe kanë kontribuar në fazën ofensive me lëvizje të shpejta dhe depërtuese.
Lista e pesë lojtarëve më të shpejtë plotësohet nga Mario Mitaj, mbrojtësi i majtë i cili ka arritur një shpejtësi prej 31.47 kilometra në orë. Ky tregues nënvizon aftësinë e tij për të përballuar një volum të madh vrapimi në fazat mbrojtëse dhe sulmuese, sidomos në situatat ku kërkohet mbulim i hapësirës në krah. -
Ëndrra Botëror, Kosova njeh rivalët në fazën “play-off”, short i “hekurt” për “dardanët”
Kosova, ashtu si Shqipëria, për herë të parë në histori preku fazën “play-off” të një Botërori, një arritje e jashtëzakonshme në një kohë kaq të shkurtër. Dardanët zhvilluan një fushatë kualifikuese fantastike duke e mbyllur Grupin B në vendin e dytë me 11 pikë në 6 ndeshje, 3 fitore 2 barazime dhe 1 humbje.
Këtë të enjte, përfaqësuesja e Kosovës njohu edhe rivalët në fazën “play-off”, dy pengesat e fundit për të shkruar historinë, për të synuar prezencën në Botërorin “FIFA2026”.Ashtu si Shqipëria, edhe Kosova bënte pjesë në vazon e tretë, ndërsa rivalin e parë e “peshkoi” nga vazo e dytë. Në fazën gjysmëfinale të “play-off”, goglat e vendosën përballë Sllovakisë.
Kosova është e detyruar të luajë sfidën e parë në transfertë me 26 mars.
Ndërkohë, në fazën finale, Kosova do të përballet me fituesin e çiftit Turqi-Rumani.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
Rithehet kampionati, Superioria në dy ditë, inferiorët nisin fazën e dytë
Pas ndalesës së Kombëtares, radha i vjen kampionatit shqiptar në dy nivelet më të larta të tij. Kështu Abissnet Superiore do të luajë javën e 12-të me duele jashtëzakonisht të paparashikueshme.
Të shtunën do të jenë përballë; Vora- Teuta e cila do të zhvillohet në Durrës (16:00), Egnatia- Bylis (16:00) si dhe Dinamo Siti- AF Elbasani në “Air Albania” (19:00).
Ndërkohë të dielën në program takmiet Flamurtari- Tirana (16:30) dhe Partizani- Vllaznia po në orën 16:30.
Më tej, Kategoria e Parë teksa starton me fazën e dytë, i zhvilllon të gjitha takimet e javës së 12-të të dielën ora 13:00.
Programi i detajuar i fundjavës futbollistike:
Vazhdo leximin
-
Shqipëria dhe ëndrra e Botërorit/ Kuqezinjtë janë të vetmit që…
Shqipëria ka mbajtur gjallë ëndrrën e saj për një kualifikim historik në Botëror, duke siguruar praninë në fazën play-off kontinentale për të siguruar një vend në aktivitetin e vitit të ardhshëm. Këtë të enjte, në Zyrih, kuqezinjtë do të mësojnë rrugëtimin e tyre me sfidën gjysmëfinale dhe më pas finalen e mundshme. Por vetëm për ta kjo fazë do të jetë një “mister” i madh.
Rezulton se në fazën play-off për Europën janë 16 skuadra dhe mes tyre vetëm Shqipëria nuk ka qenë asnjëherë pjesëmarrëse në një play-off kontinental për të siguruar praninë në Europian apo në Botëror. Për shembull Maqedonia e Veriut me Kosovën e përjetuan një gjë të tillë në kualfikueset e Euro 2020, me maqedonasit të cilët ishin ata që fituan ndaj “Dardanëve” dhe më pas Gjeorgjisë duke prerë biletën për në fazën finale të turneut.
Ashtu si ata, të gjitha ekipet e tjera kanë qenë të pranishme, duke fituar apo humbur në ndeshje të tilla gjatë historisë së tyre. Por për Shqipërinë, kjo është pjesëmarrja e parë në një fazë play-off të turneut dhe padyshim mungesa e eksperiencës për të përballuar trysninë që ajo mbart, mund të jetë një handikap i rëndësishëm për ekipin në rrugëtimin drejt realizimit të ëndrrës së Botërorit. -
Ismajli: E arritëm objektivin për të shkuar në fazën play off, tani vëmendja në mars
17 Nëntor 2025
12:35
Telesport
Mbrojtësi i Torino, Ardian Ismajli, në një koment të dhënë për ndeshjen që kombëtarja e Shqipërisë humbi dje 0-2 ndaj Anglisë në “Air Albania”, tha se tashmë vëmendja e kuqezinjve është përqendruar te faza play off, në mars.
“Ndaj Anglisë ishte një ndeshje shumë e luftuar dhe do të jetë e dobishme për ndeshjet e marsit, kur të kemi dy finale. Arritëm atë që donim: Kualifikimin në fazën play off”, tha mbrojtësi i Shqipërisë, Ardian Ismajli.
Më tej, qendërmbrojtësi i Torino vazhdoi: “Ashtu siç na kanë bërë krenarë tifozët në të gjithë botën, shpresoj t’i bëjmë edhe ne ata krenarë. Jam krenar që jam këtu. Qoftë në stol apo në fushë, jam gati të jap 100%“.