Lajmidites.com

Tag: evropë

  • 35 vjet PD/ Nëna nga Vlora: Ne hyjmë në Evropë vetëm nga PD dhe Berisha, mos mbani shpresë tek asnjë tjetër

    35 vjet PD/ Nëna nga Vlora: Ne hyjmë në Evropë vetëm nga PD dhe Berisha, mos mbani shpresë tek asnjë tjetër

    Në ceremoninë që po organizohet në selinë e PD-së me rastin e 35 vjetorit të themelimit të saj, Xhoi Lekdushi, një nënë nga Vlora tha se e vetmja parti që do të çojë Shqipërinë në Europë është PD-ja me liderin e saj Sali Berisha

    “Unë jam një nënë, në moshë të thyer sot. Po në kohën e emigrimit, djali im iku. Po mënyra se si iku, ishte pa vizë.Dhe ne nuk kishim të drejtë të shkonim. Po falë Partisë Demokratike dhe liderit tonë të paarritshëm, ne arritëm gjithë ato lehtësira.Të shkojmë jashtë shtetit na është bërë si, themi ne nga Vlora, si rruga Vlorë-Skel. Ikim sa herë të duam jashtë edhe vijmë. Megjithatë, një mendim kam. Neve hyjmë në Evropë vetëm nga Partia Demokratike dhe nga zoti Sali Berisha. Mos mbani shpresë nga asnjë njeri tjetër, Sidomos nga ky katruqi që kemi në krye të vendit, që është drejt ikjes. Ju përshëndes të gjithëve dhe ju uroj një fitore sa më të shpejtë”
     

  • Shefi i NATO-s: Ne jemi objektivi i radhës i Rusisë

    Shefi i NATO-s: Ne jemi objektivi i radhës i Rusisë

    Shefi i NATO-s, Mark Rutte, u bëri thirrje aleatëve që të intensifikojnë përpjekjet për të forcuar mbrojtjen me qëllim që të parandalohet një luftë e nisur nga Rusia, që mund të jetë “në shkallën e një lufte që gjyshërit dhe stërgjyshërit tanë e kanë përjetuar”.
    Gjatë një fjalimi në Berlin, Rutte tha se shumë aleatë të aleancës ushtarake perëndimore nuk e ndiejnë urgjencën e kërcënimit të Rusisë në Evropë dhe se ata duhet të rrisin me shpejtësi shpenzimet dhe prodhimin për mbrojtje për të parandaluar një luftë në shkallën që e kanë përjetuar brezat e mëparshëm.
    “Ne jemi objektivi i radhës i Rusisë. Shumë nuk e ndiejnë urgjencën. Dhe, shumë besojnë se koha është në favorin tonë. Nuk është. Koha tani është për veprim”, tha Rutte.

    “Konflikti është në derën tonë. Rusia e ka kthyer luftën në Evropë. Ne duhet të jemi të përgatitur”, shtoi ai.
    Sipas Ruttes, Rusia mund të jetë e gatshme të përdorë forcë ushtarake kundër NATO-s brenda pesë vjetësh.
    Për pothuajse katër vjet, Rusia po vazhdon pushtimin në shkallë të plotë të Ukrainës, që është konflikti më i madh në Evropë që nga Lufta e Dytë Botërore.

  • Bimo komenton Doktrinën e Sigurisë së SHBA: Për administratën e Trump, BE nuk është Evropa

    Bimo komenton Doktrinën e Sigurisë së SHBA: Për administratën e Trump, BE nuk është Evropa

    Diplomati Roland Bimo, i ftuar në emisionin “Të Paekspozuarit” në MCN TV, duke komentuar Doktrinën e Sigurisë Kombëtare të SHBA-ve, u shpreh se në 33 faqe dokument, BE përmendet vetëm një herë si term dhe në shumicën e rasteve i referohet thjesht si Evropë.
    “Realiteti jo dhe aq sa ai që shkruhet në ato 33 faqe letër, është pak më ndryshe.
    Shqyrtimi bazë i kritikave për Europën është fund e krye se Bashkimi Europian nuk është Europa. Përsa i përket Bashkimit Europian, janë vetë evropianët të parët që kanë jashtëzakonisht shumë ankesa për mënyrën se si funksionon Bashkimi Europian.
    Kanë 10-15 vjet që mundojnë ta reformohen vetëm në tre vitet e fundit. Kanë bërë tre raporte se si duhet të reformohet Bashkimi Europian dhe nuk e reformojnë dot Bashkimin Europian. Është disi kaps, nuk reformohet dot.
    Dhe tani po ta lexosh, po të shikosh se sa herë përmendet Europa në dokumentin 33 faqesh, vetëm njëherë i referohet si Bashkimi Evropian, ndërsa në shumicën e rasteve i referohet Evropë.
    Vetëm një herë Bashkimit Europian i referohet Evropë, ku është edhe Anglia dhe kur do që ta përjashtojë Anglinë, thotë Europa kontinentale.
    Pra e shmang maksimalisht përdorimin e termit BE dhe duket që gjithë tehu i thikës është BE-ja, ajo BE për të cilën vetë qytetarët e BE-së kanë një milion ankesa.
    Siç thashë më parë, ka tre raporte dhe nuk ka lëvizur dot nga vendi, sepse raportin e porosit Parlamentin Evropian, e përgatisin ekspertët, nuk ka rëndësi sa lekë harxhohen, parlamenti e miraton, ia çon këshillit dhe Këshilli e merr dhe e fut në sirtar. Është hera e tretë që raportet se si duhet reformuar BE-ja përfundojnë në sirtarët e mbledhjes së Këshillit Europian”-tha, ndër të tjera, diplomati Roland Bimo.

  • Musk reagon ashpër pas gjobës 120 mln euro: BE-ja duhet të shfuqizohet, sovraniteti t’u kthehet shteteve

    Musk reagon ashpër pas gjobës 120 mln euro: BE-ja duhet të shfuqizohet, sovraniteti t’u kthehet shteteve

    Elon Musk sulmoi ashpër Bashkimin Evropian pas vendimit për ta gjobitur platformën e tij X me 120 milionë euro, duke deklaruar se “BE-ja duhet të shfuqizohet dhe sovraniteti t’u kthehet vendeve individuale, në mënyrë që qeveritë të mund të përfaqësojnë më mirë qytetarët e tyre”.
    Komenti u publikua në X vetëm pak orë pas shpalljes së sanksionit. Gjoba e vendosur nga Komisioni Evropian vjen pas gati dy vitesh hetimesh lidhur me shkeljet e dyshuara të Aktit të Shërbimeve Dixhitale (DSA), një rregullore e re e BE-së që synon të rrisë transparencën dhe përgjegjshmërinë e platformave të mëdha online, sidomos për përmbajtjen e paligjshme dhe të dëmshme.
    Sipas Brukselit, X ka dështuar të respektojë detyrimet ligjore për transparencë, raportim dhe verifikim të burimeve. Gjoba është e para e këtij lloji që zbatohet në bazë të DSA-së. Megjithëse 120 milionë euro për Musk përfaqësojnë një barrë të lehtë financiare, vendimi ka shkaktuar reagime të menjëhershme politike, si në SHBA ashtu edhe në Evropë.
    Reagimet pro dhe kundër në Evropë
    Viktor Orbán, kryeministri i Hungarisë, e cilësoi veprimin e Brukselit si një “sulm ndaj lirisë së fjalës”, duke shkruar në X: “Kur shefat e Brukselit nuk e fitojnë dot debatin, kërkojnë gjoba. Evropa ka nevojë për lirinë e fjalës, jo për burokratë të pazgjedhur që vendosin çfarë lexojmë ose themi. Urime Elon Musk për mbajtjen e vijës.”
    Edhe Geert Wilders, udhëheqësi i ekstremit të djathtë në Holandë, reagoi ashpër duke kërkuar madje “shfuqizimin e Komisionit Evropian”: “Askush nuk ju zgjodhi. Ju nuk përfaqësoni askënd. Jeni një institucion totalitar. Ne nuk duhet të pranojmë gjobën ndaj X, por të shfuqizojmë Komisionin Evropian.”
    Në anën tjetër, Nicola Zingaretti, kreu i delegacionit të Partisë Demokratike në Parlamentin Evropian, deklaroi se reagimet e Muskut dhe të administratës amerikane tregojnë nevojën për të forcuar BE-në: “Nevojitet një pikë kthese për një Evropë më të bashkuar, më të fortë dhe më mbështetëse. Jo një Evropë të dobësuar, siç do të donte e djathta nacionaliste”.

  • Musk reagon ashpër pas gjobës 120 milionë euro: BE-ja duhet të shfuqizohet, sovraniteti t’u kthehet shteteve

    Musk reagon ashpër pas gjobës 120 milionë euro: BE-ja duhet të shfuqizohet, sovraniteti t’u kthehet shteteve

    Elon Musk sulmoi ashpër Bashkimin Evropian pas vendimit për ta gjobitur platformën e tij X me 120 milionë euro, duke deklaruar se “BE-ja duhet të shfuqizohet dhe sovraniteti t’u kthehet vendeve individuale, në mënyrë që qeveritë të mund të përfaqësojnë më mirë qytetarët e tyre”.

    Komenti u publikua në X vetëm pak orë pas shpalljes së sanksionit. Gjoba e vendosur nga Komisioni Evropian vjen pas gati dy vitesh hetimesh lidhur me shkeljet e dyshuara të Aktit të Shërbimeve Dixhitale (DSA), një rregullore e re e BE-së që synon të rrisë transparencën dhe përgjegjshmërinë e platformave të mëdha online, sidomos për përmbajtjen e paligjshme dhe të dëmshme.
    Sipas Brukselit, X ka dështuar të respektojë detyrimet ligjore për transparencë, raportim dhe verifikim të burimeve. Gjoba është e para e këtij lloji që zbatohet në bazë të DSA-së. Megjithëse 120 milionë euro për Musk përfaqësojnë një barrë të lehtë financiare, vendimi ka shkaktuar reagime të menjëhershme politike, si në SHBA ashtu edhe në Evropë.
    Reagimet pro dhe kundër në Evropë
    Viktor Orbán, kryeministri i Hungarisë, e cilësoi veprimin e Brukselit si një “sulm ndaj lirisë së fjalës”, duke shkruar në X: “Kur shefat e Brukselit nuk e fitojnë dot debatin, kërkojnë gjoba. Evropa ka nevojë për lirinë e fjalës, jo për burokratë të pazgjedhur që vendosin çfarë lexojmë ose themi. Urime Elon Musk për mbajtjen e vijës.”
    Edhe Geert Wilders, udhëheqësi i ekstremit të djathtë në Holandë, reagoi ashpër duke kërkuar madje “shfuqizimin e Komisionit Evropian”: “Askush nuk ju zgjodhi. Ju nuk përfaqësoni askënd. Jeni një institucion totalitar. Ne nuk duhet të pranojmë gjobën ndaj X, por të shfuqizojmë Komisionin Evropian.”
    Në anën tjetër, Nicola Zingaretti, kreu i delegacionit të Partisë Demokratike në Parlamentin Evropian, deklaroi se reagimet e Muskut dhe të administratës amerikane tregojnë nevojën për të forcuar BE-në: “Nevojitet një pikë kthese për një Evropë më të bashkuar, më të fortë dhe më mbështetëse. Jo një Evropë të dobësuar, siç do të donte e djathta nacionaliste.”

    Top Channel

  • A do t’i ndalojë BE-ja mediat sociale për adoleshentët?

    A do t’i ndalojë BE-ja mediat sociale për adoleshentët?

    Kufizimi i aksesit në mediat sociale për adoleshentët ka qenë një nga temat kryesore të diskutimit për shumë familje në Evropë. “Jemi në mes të një lufte njohëse”, tha Presidenti i Francës, Emmanuel Macron. Ai nuk ishte larg.

    Në Kinë, versioni i TikTok për fëmijë tregon eksperimente shkencore dhe fiket pas 40 minutash. Në Evropë, i njëjti aplikacion ofron valle dhe përmbajtje virale që shpesh përshkruhet si “kalbje e trurit”.

    Tani Europa po kundërpërgjigjet.

    Javën e kaluar, Parlamenti Europian miratoi me shumicë dërrmuese një propozim që kërkonte ndalimin e mediave sociale për të rinjtë nën moshën 16 vjeç.

    Arsyeja? Përdorimi i telefonave inteligjentë nga një në katër të mitur tani është i krahasueshëm me varësinë. A është përmbajtja? Apo janë modelet e saj manipuluese si lëvizja pafund dhe videot me luajtje automatike?

    Presidentja e Komisionit Evropian, Ursula von der Leyen, tashmë po mban shënime dhe tha se po monitoron Australinë, e cila kufizon platforma si TikTok për adoleshentët.

    Por a do t’i kufizojë BE-ja liritë online?

    Shfletimi pa ndërprerje mund të ndalohet për të shmangur, sipas fjalëve të Presidentit Francez Emmanaul Macron, rënien e të rinjve në një “Perëndim të Egër Dixhital”. Nëse kjo është një luftë njohëse, a mund ta përballojmë vërtet humbjen e brezit të ardhshëm për shkak të një algoritmi?

  • Kriza e fshehtë: Mbi gjysma e rasteve me HIV në Evropë zbulohen shumë vonë!

    Kriza e fshehtë: Mbi gjysma e rasteve me HIV në Evropë zbulohen shumë vonë!

    Infeksionet me HIV shpesh zbulohen dhe trajtohen me shumë vonesë në Evropë, sipas një studimi të publikuar, ku 54% e diagnozave në vitin 2024 u bënë tepër vonë për një trajtim optimal.
    Raporti i përbashkët i Qendrës Evropiane për Parandalimin dhe Kontrollin e Sëmundjeve (ECDC) dhe Zyrës Evropiane të Organizatës Botërore të Shëndetësisë (OBSH) u publikua për Ditën Botërore të SIDA-s, e cila shënohet sot.
    ”Numri në rritje i rasteve të pazbuluara rrezikon arritjen e objektivit për eliminimin e SIDA-s si kërcënim për shëndetin publik deri në vitin 2030”, paralajmëruan ECDC, me seli në Stokholm, dhe OBSH Evropa, me seli në Kopenhagë.
    ”Gati 106 mijë diagnoza me HIV u regjistruan në rajonin e OBSH Evropës në vitin 2024”, sipas raportit.
    Ky numër përfshin gjithsej 53 vende, që shtrihen përtej BE-së deri në Azinë Qendrore.
    Duke marrë vetëm Parashtrimin Ekonomik Evropian (EEA), që përfshin BE-në si dhe Islandën, Lihtenshtejnin dhe Norvegjinë, u regjistruan pak më shumë se 24 mijë diagnoza, 48% e të cilave ishin diagnoza të vonuara.
    Të dy institucionet kërkuan testime më të gjera për HIV dhe qasje më të mirë te testimi vetjak, duke argumentuar se objektivi i vitit 2030 është i arritshëm, por vetëm nëse Evropa mbyll menjëherë boshllëkun e testimit.
    Sipas të dhënave të OKB-së, rreth 1,3 milionë persona në mbarë botën u infektuan me virusin e imunodeficiencës njerëzore (HIV) në vitin 2024, i cili mund të shkaktojë SIDA nëse nuk trajtohet.
    Në fund të vitit 2024, 40,8 milionë njerëz në botë jetonin me HIV, më shumë se tre të katërtat e të cilëve kishin akses te medikamentet kundër virusit.
    Rreth 630 mijë persona vdiqën si pasojë e SIDA-s.

  • Kokainë nga Ekuadori në Rusi/ Shqiptari prangoset në Greqi, kreu i bandës në listën e Europol-it

    Kokainë nga Ekuadori në Rusi/ Shqiptari prangoset në Greqi, kreu i bandës në listën e Europol-it

    Një 39-vjeçar shqiptar u arrestua sot në Athinë të Greqisë. Bëhet me dije se shqiptari kërkohej nga autoritetet e Belgjikës, me një Njoftim të Kuq përmes Interpolit, për trafik droge nga Ekuadori në Evropë dhe më pas deri në Rusinë e largët.
    39-vjeçari me inicialet H.O., akuzohet si “koka” e grupit, ndërkohë emri i tij nuk është publikuar ende. Rrjeti krimial që transpotonte kontejnerë plot me drogë u zbulua nga bisedat telefonike.
    Sipas dokumenteve të prokurorisë belge, grupi dyshohet se trafikonte sasi kokaine nga Ekuadori. Ndërkohë raporti belg përshkruan takime, lëvizje dhe sinjale telefonike që regjistrojnë lëvizjet e anëtarëve të organizatës në Antverp, si dhe rrugët nga porti në depot ku kontejnerët “hapeshin”.
    Autoritetet belge e lidhin 39-vjeçarin me lëvizjet midis Belgjikës, Spanjës, Greqisë dhe Shqipërisë, mbikëqyrjen e apartamenteve dhe kontaktet me persona që dyshohet se organizojnë transportin dhe shkarkimin e kontejnerëve.
    Arrestimi i tij në Athinë shkaktoi aktivizimin e menjëhershëm të Belgjikës, e cila dërgoi Urdhrin Europian të Arrestit. Siç raportohet ky është një nga arrestimet më të rëndësishme në rastet e drogës në Evropë, pikërisht sepse lidh për herë të parë në një rrëfim të vetëm kriminal kaq shumë vende dhe rrugë të ndryshme: Ekuador – Belgjikë – Spanjë – Greqi – Shqipëri – Rusi.
    Rasti nuk ka të bëjë me një operacion trafikimi “lokal”, por me një mekanizëm të supozuar ndërkombëtar i cili, sipas urdhrit belg, përdori logjistikën globale, porte në kontinente të shumta dhe qarqe të Amerikës Latine për të transportuar ngarkesa të vlerësuara në mijëra kilogramë.
    Arrestimi i shtetasit shqiptar në Athinë konsiderohet vendimtar jo vetëm për hetimin belg, por edhe për përgjigjen evropiane ndaj rrjeteve të organizuara që lidhin brigjet jugore, portet veriore dhe tregjet lindore në një sistem të vetëm, të padukshëm trafikimi.
    “Një shtetas i huaj 39-vjeçar u arrestua më 19.11.2025 nga oficerët e Nën-Drejtorisë së Narkotikëve. Ndaj tij ishte lëshuar një Urdhër Arresti Evropian nga autoritetet belge për përfshirje në një organizatë kriminale me bazë në Belgjikë, e cila dyshohet se importon sasi të mëdha kokaine nga Amerika e Jugut në Evropë dhe merret me kultivimin e kanabisit si dhe krijimin e impianteve të përpunimit të drogës jashtë vendit. Arrestimi lidhet me sekuestrimin e një kontejneri në portin e Antverpit në shtator 2024, i cili përmbante 500 kg kokainë. I arrestuari u dërgua në Prokurorinë kompetente dhe hetimet vazhdojnë,” deklaroi policia greke.
    Mbrojtjen e shqiptarit e ka marrë përsipër avokati i njohur grek Sakis Kechagioglou, i cili deklaroi se kemi të bëjmë me: Një nga rastet më komplekse të trafikut ndërkombëtar të kokainës të viteve të fundit. Ngarkesa prej 1.200 kg ndoqi një rrugë transnacionale nga Ekuadori drejt porteve evropiane, përfshirë Antverpin, Greqinë dhe Shqipërinë, me degëzime deri në Rusi. Zgjedhja e juridiksionit është mjeti kryesor që do të përcaktojë fatin penal të klientit tim.
    gijotina.com/

  • Studimi i ri ndryshon historinë e zbutjes së maceve: Zbulohet koha e mbërritjes në Evropë

    Studimi i ri ndryshon historinë e zbutjes së maceve: Zbulohet koha e mbërritjes në Evropë

    Qofshin siameze, persiane apo shtëpiake me qime të shkurtra, qindra miliona mace jetojnë me njerëzit në të gjithë botën, por pavarësisht popullaritetit të tyre, historia e zbutjes së maceve nuk është e lehtë për t’u deshifruar nga shkencëtarët.

    Një studim i ri i gjenomit ofron një pasqyrë të kësaj pyetjeje duke përcaktuar kohën e një pike kthese kyçe në zbutjen e maceve – futjen e maceve shtëpiake në Evropë nga Afrika e Veriut.

    Macet shtëpiake hynë në Evropë rreth 2,000 vjet më parë në Perandorinë e hershme Romake, ndoshta falë tregtisë detare, kanë zbuluar shkencëtarët. Disa nga këta pionierë të maceve me qime mund të jenë sjellë nga marinarët për të gjuajtur minj në anijet që lundronin në Mesdhe, duke transportuar drithëra nga fushat pjellore të Egjiptit në portet që i shërbenin Romës dhe qyteteve të tjera në Perandorinë e gjerë Romake.

    Gjetjet bien ndesh me idenë e mbajtur prej kohësh se zbutja ndodhi në kohët parahistorike, ndoshta 6,000 deri në 7,000 vjet më parë, kur fermerët nga Lindja e Afërt e lashtë u zhvendosën për herë të parë në Evropë, duke sjellë macet me vete.

    “Përmes hulumtimit tonë, ne kemi treguar se gjenomet më të hershme të maceve shtëpiake në Evropë janë nga periudha perandorake romake e tutje”, duke filluar në shekullin e parë pas Krishtit, tha paleogjenetikisti Claudio Ottoni i Universitetit Tor Vergata në Romë, autori kryesor i studimit të botuar të enjten në revistën Science.

    Studimi përdori të dhëna gjenetike nga mbetjet e maceve nga 97 vende arkeologjike në të gjithë Evropën dhe Lindjen e Mesme, si dhe nga macet e ditëve të sotme. Studiuesit analizuan 225 kocka macesh – shtëpiake dhe të egra – duke filluar nga afërsisht 10,000 vjet më parë deri në shekullin e 19-të pas Krishtit dhe gjeneruan 70 gjenome të lashta macesh.

    Shkencëtarët kanë zbuluar se mbetjet e maceve nga vendet prehistorike në Evropë i përkasin maceve të egra, jo maceve të hershme të zbutura.

    Kafshët e para të zbutura nga njerëzit ishin qentë, pasardhës të një popullate të lashtë ujqërish që ndryshonte nga ujqërit modernë. Macja shtëpiake, një pasardhëse e maces së egër afrikane, erdhi më vonë.

    “Prezantimi i maces shtëpiake në Evropë është i rëndësishëm sepse shënon një moment të rëndësishëm në marrëdhënien e tyre afatgjatë me njerëzit. Macet nuk janë thjesht një specie tjetër që mbërrin në një kontinent të ri. Ato janë kafshë që janë integruar thellë në shoqëritë njerëzore, ekonomitë dhe madje edhe sistemet e besimit”, tha paleogjenetikisti dhe bashkautori i studimit nga Universiteti Tor Vergata në Romë, Marco De Martino.

    Të dhënat e gjenomit identifikuan dy hyrje të maceve në Evropë nga Afrika e Veriut. Rreth 2,200 vjet më parë, njerëzit sollën macet e egra nga Afrika veriperëndimore në ishullin e Sardenjës, popullata aktuale e maceve të egra e të cilit rrjedh nga ato migrante.

    Por këto nuk ishin mace shtëpiake. Një përhapje e veçantë nga Afrika e Veriut afërsisht dy shekuj më vonë formoi bazën gjenetike të maces moderne shtëpiake në Evropë.

    Gjetjet e studimit sugjerojnë se nuk kishte një zonë qendrore të zbutjes së maceve, por përkundrazi disa zona dhe kultura në Afrikën e Veriut luajtën një rol, sipas zooarkeologes dhe bashkautores së studimit Beja De Coupere të Institutit Mbretëror Belg të Shkencave Natyrore.

    “Koha e valëve gjenetike të futjeve nga Afrika e Veriut përkon me periudhat kur tregtia rreth Mesdheut u intensifikua shumë. Macet ndoshta udhëtonin si gjuetarë të efektshëm minjsh në anijet e grurit, por ndoshta edhe si kafshë të çmuara me kuptim fetar dhe simbolik”, tha De Coupere.

    Macet, për shembull, ishin të rëndësishme në Egjiptin e lashtë, panteoni i të cilit përfshinte hyjnitë e maceve dhe familja mbretërore e të cilit i mbante macet si kafshë shtëpiake, ndonjëherë duke i mumifikuar ato për varrim në arkivole të përpunuara.

    Ushtria e lashtë romake, me posta të përhapura në të gjithë Evropën, dhe rrethimi i saj luajtën një rol kyç në përhapjen e maceve shtëpiake në të gjithë kontinentin, siç dëshmohet nga mbetjet e maceve të zbuluara në vendet e kampeve ushtarake romake.

    Macja më e hershme shtëpiake në Evropë e identifikuar në studim – gjenetikisht e ngjashme me macet shtëpiake të sotme – daton midis viteve 50 para Krishtit dhe 80 pas Krishtit nga qyteti austriak i Mautern, vendi i një fortese romake përgjatë lumit Danub.

    Megjithatë, studimi nuk zbulon kohën dhe vendndodhjen e zbutjes fillestare të maceve.

    “Zbutja e maceve është komplekse”, tha Ottoni. “Ajo që mund të dimë tani është koha e futjes së maceve shtëpiake në Evropë nga Afrika e Veriut. Nuk mund të themi shumë për atë që ndodhi më parë dhe ku.”

  • Arteta: Mundëm ekipin më të mirë në Europë por është ende herët për të folur për trofe

    Arteta: Mundëm ekipin më të mirë në Europë por është ende herët për të folur për trofe

    28 Nëntor 2025

    9:58

    Telesport

    Trajneri Mikel Arteta beson se Arsenal i tij mposhti ekipin më të mirë në Evropë, pasi fitoi 3-1 ndeshjen e me Bayern Munich. Arteta nuk kishte asnjë dyshim për rëndësinë e një fitoreje të merituar ndaj liderëve të Bundesliga.
    “Duhet t’i lavdëroj lojtarët sepse mendoj se patën një ndeshje të jashtëzakonshme kundër, sipas mendimit tim, ekipit më të mirë në Evropë. Individualisht, ne ishim të jashtëzakonshëm për të zgjidhur të gjitha sfidat që këto ekipe sjellin në tavolinë”, tha Arteta.
    “Ata e dinë sa shumë punojmë për t’u përgatitur për çdo ndeshje të vetme. Ne e dimë që diferencat janë shumë të vogla. E filluam javën shumë mirë kundër Spurs, duke fituar me Bayern, një tjetër fitore masive, por kaq”, shtoi spanjolli.
    “Kemi qenë shumë të qëndrueshëm në garë deri më tani, por është vetëm fillimi. Jemi shumë të kënaqur me atë që kemi parë deri më tani. Energjia që krijojmë, ajo që transmeton ekipi, cilësia me të cilën luajmë është e pabesueshme. Dhe duhet ta ruajmë këtë sepse është ende shumë herët”, tha Arteta.