Ish-deputeti i PD Ervin Salianji siç edhe kishte paralajmëruar ka nisur takimin e tij në Gjirokastër, me qytetarë, mbështetës e demokratë.
Salianji më herët është shprehur se është shumë e rëndësishme që Partia Demokratike të hapet.
Ai ka nënvizuar se takimet e tij të zhvilluara me demokratët kanë “zgjuar” partinë, ndërsa është shprehur se qëllimi i tij nuk është aspak personal, por që Partia Demokratike të jetë parti fituese.
Tag: ervin
-
Pritet nga mbështetës e demokratë/ Ervin Salianji nis takimin në Gjirokastër (VIDEO)
-
Ibraj: Salianji do të mbledhë më shumë njerëz se Sali Berisha
Avokati Kujtim Ibraj ka paralajmëruar ndryshime të forta në PD pas lëvizjes së Ervin Salianjit.
I ftuar në Quo Vadis të moderatores Pranvera Borakaj në Vizion Plus, Ibraj tha se lëvizja e Ervin Salianjit do të grumbullojë më shumë njerëz se sa Sali Berisha.
“Ne do të shikojmë takime të mëdha të Salianjit, më të mëdha se te zoti Berisha. Anëtarët e PD janë të mërzitur. Ata kanë nevojë të flasin. Në mbledhje me Berishën del Flamuri dhe i dirigjon, po kjo nuk është demokraci, por autoritarizëm. Më mirë i ka Rama, del e i emëron dhe fiton, vetëm ‘përpara’ thotë Rama; këta janë as përpara e as prapa. Intelektualët e rinj duhet të sfidojnë Sali Berishën. Për mua Ervin Salianji duhet të dalë me një platformë përballë Sali Berishës, ai duhet të provojë forcën”, tha Ibraj. -
Opozita mban “Foltoren 2” para Kryeministrisë, i pranishëm dhe Ervin Salianji, zbut raportet me Berishën?
Në protestën e thirrur nga opozita këtë të hënë, nuk ka munguar dhe anëtari i Kryesisë së PD, ish-deputeti demokrat Ervin Salianji.
Si organizator i tureve me strukturat e PD, e cila nisi nga Durrësi, lëvizje që synon rizgjimin e PD, Salianji ka kritikuar Foltoret, duke kërkuar revoltë për rrëzimin e qeverisë.Sot ai ka qenë i pranishëm në këtë protestë që mblidhet në një ditë të rëndësishme për opozitën, 8 dhjetori i lëvizjes studentore të 1990.
Kjo është foltorja e katërt e opozitës pas shpërthimit të skandalit të Belinda Ballukut -
VIDEO-Ervin Salianji i bashkohet protestës së Berishës pas “Foltores” në Durrës. I pranishëm edhe Alimehmeti
Ervin Salianji është shfaqur këtë të hënë shfaqet sot në protestën e Foltores para Kryeministrisë
Në pamjet e siguruara nga Euronews Albania, demokrati Ervin Salianji shihet në mes të protestuesve para Foltores, pavarësisht polemikave të ditëve të fundit pas kafes ku mblodhi demokratët më të votuar të primarëve dhe takimit me demokratët e Durrësit.
-
Xhamisë së Beqarëve i hiqet minarja”/ PD Berat: Po falsifikohet historia!
Xhamisë së Beqarëve i hiqet minarja”/ PD Berat: Po falsifikohet historia!
Partia Demokratike, Dega Berat, ka reaguar ashpër ndaj një vepre arti të dhuruar Ambasadorit Italian nga ministri i Pushtetit Vendor, Ervin Demo, dhe kryetari i Bashkisë Berat, Ervin Ceca. Sipas PD-së, në këtë vepër paraqitet Xhamia e Beqarëve pa minaren e saj, çka përbën një shtrembërim të vlerave historike, kulturore dhe fetare të qytetit.
PD kërkon që Demo dhe Ceca të kërkojnë falje dhe të distancohen nga ky veprim, duke theksuar se Berati, si pjesë e trashëgimisë UNESCO, është simbol i bashkëjetesës shembullore fetare.
Deklarata e plotë
Në emër të Partisë Demokratike, Dega Berat, jemi mbledhur sot të dënojmë aktin e papërgjegjshëm të shtrembërimit të vlerave kulturore, fetare dhe historike të Beratit, nga ana e përfaqësuesve të lartë të qeverisë dhe pushtetit vendor socialist.
Kjo ngjarje bëhet edhe më e rëndë, kur është vetë ministri i pushtetit vendor, Ervin Demo, si dhe zgjatimi i tij në Bashkinë Berat, Ervin Ceca, që i japin Ambasadorit Italian një vepër arti që “përfaqëson” Beratin, ku shihet qartë se Xhamia historike e Beqarëve paraqitet pa minaren e saj, simbol të besimit në Zot!
Kjo nuk është thjesht injorancë, por një akt provokues që cenon rëndë vlerat tona të bashkëjetesës fetare, vlerat tona historike dhe kulturore!
U kërkojmë të dy përfaqësuesve të Partisë Socialiste, Ervin Demos dhe Ervin Cecos, të kërkojnë ndjesë dhe të distancohen nga kjo ngjarje provokuese.
Duam t’ju kujtojmë atyre, por edhe gjithë të tjerëve, se Berati, përveç vlerave të padiskutueshme historike, është pjesë e trashëgimisë botërore të UNESCO-s, pikërisht për këto vlera të bashkëjetesës shembullore ndërfetare!
Duam gjithashtu t’ju bëjmë me dije se do t’i kërkojmë zyrtarisht Këshillit Bashkiak të Beratit të dënojë këtë ngjarje me anë të një rezolute të përbashkët të të gjithë këshilltarëve, si dhe të autorizojë Policinë Bashkiake të gjejë dhe sekuestrojë të gjitha këto të ashtuquajtura vepra arti në qytet, sepse ka shumë prej tyre që shtrembërojnë historinë dhe ofendojnë të gjithë qytetarët e Beratit.
Shpresojmë që të gjithë këshilltarët bashkiakë do t’i bashkohen nismës tonë!
Berati është i vlerave dhe jo i provokatorëve!
Faleminderit! -
Merr zyrtarisht detyrën, betohet kryetari i ri i bashkisë Berat
Është zhvilluar mesditën e sotme në sallën e Këshillit Bashkiak Berat, ceremonia e betimit të kryetarit të ri të bashkisë Berat, Ervin Ceca. Në ceremoni kanë qenë të pranishëm Ministri i Shtetit për pushtetin vendor, Ervin Demo, përfaqësues të besimeve të ndryshme fetare, deputetë, anëtarë të këshillit bashkiak, përfaqësues nga shoqëria civile etj.
Në nisje të ceremonisë, Ministri i Shtetit për Pushtetin Vendor, Ervin Demo e ka cilësuar ditën e sotme të rëndësishme për qytetin sepse sot zyrtarizohet në detyrë kryebashkiaku i ri.
“Jam i bindur se kryetari i ri i bashkisë Berat do të ketë në fokusin e tij ruajtjen e vlerave të qytetit dhe ruajtjen e bashkëjetesës fetare. Dinamika që ka qyteti do të marrë një përgjigje pozitive nga kryetari i ri i bashkisë Berat, sepse ai ka dashuri për këtë qytet dhe është njeri dashamirës. Jemi përpara një periudhe intensive, përsa i përket reformave në pushtetin vendor dhe unë jam i bindur se bashkia e Beratit do të japë kontributin e saj për këto reforma dhe sidomos për atë të reformës territoriale”-,ka thënë Ministri i Shtetit për Pushtetin Vendor, Ervin Demo.
Pas betimit të bërë mbi Kushtetutën e Republikës së Shqipërisë, Ministri i Shtetit për Pushtetin Vendor, Ervin Demo i vendosi kryetarit të bashkisë Berat, Ervin Ceca shiritin e kryebashkiakut. Kryebashkiaku i ri Ervin Ceca, ka deklaruar pas marrjes zyrtarisht të detyrës se, do t’i shërbej më së miri qytetit të Beratit.
“Kjo bashki ka qenë një histori suksesi dhe ky mandat do të jetë vijimi i punës së nisur për ti shërbyer Beratit. Besoj se vetëm nëpërmjet bashkëpunimit ndërinstitucional dhe duke dëgjuar zërin e qytetarëve, ne do të arrijmë rezultate të qëndrueshme”-,ka thënë kryetari i ri i bashkisë Berat, Ervin Ceca. -
Çfarë synon lëvizja e tij? Ervin Salianji e zbulon vetë: Janë qindra dhe mijëra demokratë që…
Ish-deputeti i PD, Ervin Salianji, zbuloi ekskluzivisht në “Terminal” me Aurora Sulçen në A2 CNN, se me lëvizjen që ka ndërmarrë synon rizgjimin e forcës së tij politike. “Dhe besoj se kjo ka ndodhur. E ka realizuar qëllimin ky format. PD sot është më aktive, më e zgjuar, është më shumë prezente në media dhe pa diskutim një ndryshim ku disa kritere duhet të përcaktohen, se si avancohet karriera në PD. Nëse janë primaret, apo votat, çfarëdolloj kriteri të vendoset”, tha Salianji.
Sipas tij, ajo që është më e rëndësishme është një pakënaqësi për shkak të neglizhencës apo braktisjes së demokratëve nga drejtues të caktuar në zona të caktuara. “Janë qindra dhe mijëra demokratë që mendojnë si unë që PD duhet të ripërtërihet”, shtoi ai.
Salianji tha se opozita nuk po arrin të kapitalizojë mbi skandalet e qeverisë. “E mbani mend çfarë bënë socialistët për një video të Ilir Metës. Ndërsa opozita tani nuk po arrin të kapitalizojë. Për shkak të ndalimit për të kandiduar në Parlament, unë kam folur në platformat e mia në rrjetet sociale dhe në takime me njerëzit”, u shpreh ai. -
Arbër Hitaj: ADN-ja e Ervin Salianjit përballë Sali Berishës!
Në Partinë Demokratike kishte kohë që mbretëronte qetësia, e pasuar nga refreni: analiza pas raportit të OSBE/ODIHR për zgjedhjet, e më pas do të bëhet nami! Por kjo hilë e drejtuesve demokratë ishte një skenar i vjetër, i parë disa herë në të kaluarën: “Lëre të kalojë se harrohet.” Si mund të harrohet rezultati katastrofal i 14 Majit?! Por rutina është rutinë, apo jo!?
Në orën 12:00, me raste 13:00, kreu i Partisë, Berisha, mbante konferencën e përditshme. Pyetje të shumta nga kolegët, përgjigje kontradiktore që rrëzonin çfarë ishte bërë e thënë më parë, lapsuse, konfuzion. Për të ardhmen, refreni i vjetër: “Në vjeshtë nami, ikin ditët, në dimër nami!” Asgjë. Kjo ishte situata para lëvizjes Salianji, një det pa asnjë valë, se dallgë është e paimagjinueshme. E kjo e gjitha në opozitë, aty asgjë nuk duhet të ndalojë 24/7! Befas, ndryshoi diçka. Kryetari Berisha takoi edhe aleatët dytësorë, diçka e rrallë pas zgjedhjeve!
Ervin Salianji, Ilir Alimehmeti, Aulon Kalaja etj., janë gjenerata e re në Partinë Demokratike. Ata nuk kanë marrë asgjë prej saj. Salianji ka marrë atë që është e paimagjinueshme: heqjen e lirisë. Për të kuptuar sa serioze dhe e domosdoshme është kjo lëvizje, mjafton të shohësh reagimin e kreut të PD-së: fillimisht e neglizhoi, më pas e sulmoi, dhe më tej do ta luftojë! Është një skemë tipike e ADN-së së zotit Berisha dhe shumë e lexueshme nga kundërshtari. Por ADN-ja e Ervin Salianjit duhet të jetë Aksion Demokratik për Ndërtim.
Nga Dhjetori 2025 duhet ta fillojë hedhja e themelit për 2027 e më pas. Ajo që nuk shkon deri tani me këtë lëvizje është kamuflimi i qëllimit final: largimit të Berishës nga PD-ja. Ky i fundit e ka kuptuar dhe, për figura dytësore të lëvizjes, mund të ofrojë poste për ta zbehur, por te kryesoret e ka të vështirë.
E megjithëatë Berisha nuk është më i njëjti që ia ka dalë gjithmonë t’i zbusë kundërshtarët në parti, e në opozitë joshja politike është shumë e ulët. Prandaj, është i destinuar të bëjë luftë, diçka e parë shumë herë në të kaluarën. Me ide e platformë, ndryshe këtë duan ta shohin publiku e votuesi, edhe te grupi Salianji, e mbi të gjitha pa pazare politike! -
Ervin Salianji kërkon të marrë drejtimin e PD?! Ilir Alimehmeti zbulon prapaskenat: Sali Berisha më ftoi në zyrë…
Mjeku Ilir Alimehmeti, ish-kandidat për deputet i Partisë Demokratike, ka rrëfyer se është takuar me kryedemokratin Sali Berisha, pas kafes që konsumoi me Ervin Salianjin dhe eksponentë të tjerë të kësaj force politike.
I ftuar në A2 CNN me gazetaren Merita Haklaj, kandidati më i votuar i Tiranës në zgjedhjet e fundit parlamentare, tregoi se e ka përgazuar Sali Berishën që më në fund kishte vendosur të dilte në terren për të takuar demokratët, nëpërmjet Foltoreve.“Nuk ka asnjë nga këto lloj takimesh që nuk ia do të mirën PD-së. Doktor Berisha është kryetar i PD-së. Unë mendoj se është një moment shumë i mirë edhe për të për ta integruar këtë lloj energjie brenda partisë, sepse e kemi të nevojshme, ndryshe do kemi më pak mbështetje.
E kam takuar Berishës edhe së fundmi. Ne e kemi emëruesin e përbashkët të njëjtë. Sepse s’do thoja që është kryetari im dhe unë e mbështes, nëse ne i kemi mendimet ndryshe. Nuk do isha në atë forcë politike përndryshe, nuk do shkoja aty në ditën e tij më të keqe.
Në takim Berishës i shpreha vlerësimin për faktin që po del në terren. Akoma nuk kishte filluar. Shumë mirë që del në terren, do i dëgjosh vetë njerëzit. Takimi me Berishën ishte pas kafes”, është shprehur mes të tjerash Ilir Alimehmeti.
Ai ripërsëriti gjithashtu se lëvizja e organizuar nga Ervin Salianji dhe kolegë të tjerë demokratë nuk ka për qëllim pozicionin e kryetarit të PD-së. Sipas tij, forca politike ku ata aderojnë është përgjumur dhe ka nevojë të riorganizohet dhe të përfaqësojë më së miri votuesit.
“Duhet të kuptojmë diçka të rëndësishme. Këtu ne nuk jemi duke folur për një diskutim politik, për një lidership politik apo për mendime politike të ndryshme. Pra nuk është një lëvizje e këtij tipi. Është një lëvizje që kërkon organizim.
Pra ne po çojmë nevojën, pra kemi nevojë të riorganizohemi, kemi nevojë të ripërfaqësohemi. Sepse kështu siç jemi nuk po bëjmë dot maksimumin tonë.
Atëherë në këtë aspekt ne kemi nevojë për një organizim më të mirë. Sepse po dukej sikur ishte përgjumur situata dhe nuk shkon kjo. Është mandati i katërt që po qeveris Rama dhe nuk na lejohet kjo. Se nuk është as lëvizje anti-kryetar, sepse kanë dashur ta spostojnë vëmendjen këtu”, tha Ilir Alimehmeti. -
Pse nuk kandidon për kryetar partie përballë Berishës? Ja si përgjigjet Ervin Salianji
Mbrëmjen e së enjtes, në emisionin “Opinion” në Tv Klan, ish-deputeti i Partisë Demokratike, Ervin Salianji, diskutoi mbi situatën aktuale politike dhe zhvillimet brenda PD-së, duke dhënë një sërë deklaratash të forta.
Përballë gazetarit Blendi Fevziu, Salianji foli për demotivimin e strukturave, mungesën e mobilizimit qytetar, nevojën për bashkimin e demokratëve, si dhe rolin e tij në Kryesinë e partisë. Ai theksoi domosdoshmërinë për rikthimin e meritokracisë në PD dhe vlerësimin e çdo kontributi.
Ai u përgjigj edhe pyetjes se përse nuk kandidon për kryetar partie në PD përballë Berishës.
Ervin Salianji: Defekti është ky, që ne duhet të gjejmë dy rrugë, ose të motivojmë shqiptarët që të dalin e të mbushin sheshet, ne na mungon një bulevard.
Blendi Fevziu: Çfarë ju pengon që ta bëni këtë?
Ervin Salianji: Demotivimi i strukturës, demotivimi i demokratëve. Na mungon një bulevard sepse pjesa më e madhe e protestuesve na vjen nga struktura.
Blendi Fevziu: Struktura është e pamjaftueshme për të fituar zgjedhje. Ju nuk keni asnjë impakt tek elektorati gri dhe te qytetarët përtej strukturës.
Ervin Salianji: Po të flas hapur, kur ne kemi motivuar strukturat kujton se nuk e dimë që nuk kemi qytetarë në shesh. Duhet të kthejmë meritën dhe të vendosim disa kritere. Duhet të bashkojmë Partinë Demokratike.
Blendi Fevziu: A keni ju mbështetje brenda PD-së?
Ervin Salianji: Deputetët është menduar që të ketë një institucion, që është Grupi Parlamentar që i shprehin shqetësimet e tyre dhe për këtë arsye është menduar që ne, unë si anëtarë i Kryesisë të PD t’i jap zë kujtdo që nuk ka zë .
Blendi Fevziu: A keni folur ju në Kryesi për këtë gjë?
Ervin Salianji: Në çdo mbledhje.
Blendi Fevziu: Për katër muaj zhvillohet Kuvendi i PD, ka zgjedhje. Pse nuk kandidoni ju me një platformë për kryetar partie përballë zotit Berisha?
Ervin Salianji: Nuk e kam unë këtë! Nuk e kam vendosur! Unë po them këtë që PD duhet të fuqizohet me të gjithë elementet e saj. Ne duhet të vlerësojmë kontributin e çdo kryetari edhe në seksionin më të largët.