Trajneri i Paris Saint-Germain, Luis Enrique, ka mbetur i zhgënjyer nga barazimi pa gola në “Estadio de San Mamés” ndaj Athletic Bilbao. Skuadra pariziene mbetet në vendin e tretë në renditjen e Champions League.
“Ishte sfidë shumë e veçantë, një ndeshje e ndryshme me këtë atmosferë kundër një skuadre nga vazoja 4. Kjo do të thotë që kjo ndeshje duhet të kishte qenë e lehtë, por mund ta shohim se në shortin tonë, nuk ka skuadra të lehta”, tha Luis Enrique.
“Mendoj se e filluam mirë ndeshjen, nuk pati dobësi nga ana jonë. Por, në pjesën e dytë, ishim edhe shumë më mirë. Ata ishin pak më të lodhur dhe ne mund ta kishim fituar ndeshjen. Më vjen keq që lamë dy pikë”, tha trajneri spanjoll.
“Është për të ardhur keq sepse renditja është shumë e ngushtë dhe do të na duhet të mbledhim shumë pikë për të qenë në tetë vendet e para. Ky është qëllimi ynë, por do të na duhet të fitojmë të paktën ndeshjen tjetër ose ndeshjen e fundit”, tha Enrique.
Në fund, trajneri i PSG komentoi: “Do të jetë e vështirë deri në fund, gjë që është për të ardhur keq sepse ata luajtën mirë, bënë presion, por mendoj se e meritonim fitoren.“
Tag: enrique
-
Luis Enrique: E meritonim fitoren ndaj Athletic, mendoj se lamë dy pikë të rëndësishme
-
Vitinha “thumbon” trajnerin Luis Enrique: Është pak i bezdisshëm, por kjo e bën të bukur punën me të
Skuadra e PSG, kampione në fuqi në Champions League, do të luajë të mërkurën në Spanjë ndaj Athletic. Para udhëtimit për në Bilbao, mesfushori portugez Vitinha foli për këtë sfidë dhe u shpreh për trajnerin Luis Enrique e punën që ai po bën në Paris.
Mesfushori portugez, i konsideruar si një nga më të mirët në botë, pranoi se trajneri i tij ndonjëherë mund të jetë i vështirë. “Luis Enrique është pak i bezdisshëm, por më pëlqen kjo”, tha Vitinha, që shtoi trajneri parizien është me të vërtetë kërkues.
“Me të vetëm mund të përmirësohesh. Ai është një trajner i shkëlqyer, jo vetëm taktikisht por edhe njerëzisht. Në këtë nivel, kjo bën diferencën“, shtoi më tej mbrojtësi portugez.
“Ne qëndrojmë të përqendruar, pasi duam të fitojmë përsëri Ligën e Kampionëve dhe kampionatin. PSG-ja e sotme është shumë e ndryshme nga ajo që ekzistonte kur erdhi Luis Enrique”, tha më tej 25-vjeçari, i kthyer në lider edhe pse qëndron me këmbë në tokë.
“Ndoshta nuk kam shumë cilësi, por pasimi është një që kam. Kam punuar për këtë që kur isha gjashtë vjeç. Këtu ka shumë lojtarë të rinj me personalitet. Ata ruajnë cilësi të lartë, përqendrim dhe konkurrencë”, tha Vitinha. -
Luis Enrique lavdëron Vitinha: “Topi i Artë” i ardhshëm? Eh, shpresoj…
27 Nëntor 2025
13:18
Alfred Lleshi
Vitinha tregoi një paraqitje prej ylli kundër Tottenham, duke shënuar tripletë vendimtare që përmbysi ndeshjen dhe nxori në pah gjithë talentin e tij. Pas ndeshjes, Luis Enrique e vlerësoi lart mesfushorin portugez. “Vitinha ishte sensacional, si gjithmonë. ‘Topi i Artë’ i ardhshëm? Eh…, shpresoj”, – u përgjigj trajneri i PSG-së.
Edhe vetë Vitinha foli për nivelin e tij pas ndeshjes: “Nuk e kam arritur ende maksimumin tim. Më e mira duhet të vijë ende, duhet të vazhdoj të përmirësohem”.
Trajneri dhe lojtari ndanë bindjen se potenciali i tij mbetet i madh dhe se kjo paraqitje është vetëm një tjetër dëshmi e rritjes në skenën europiane. -
Në hall nga dëmtimet e shumta, Luis Enrique e gjen zgjidhjen te Barcelona
6 Nëntor 2025
18:47
Telesport
Një nga problemet e mëdha që PSG ka këtë sezon janë dëmtimet e shumta dhe të njëpasnjëshme. Për këtë arsye klubi parizien mund të bëjë disa afrime në merkaton e janarit.
Emri i parë në listën që Luis Enrique iu ka dhënë drejtuesve të klubit është Eric Garcia. Duke qenë se Marquinhos është 31 vjeç dhe braziliani deklaroi para sfidës ndaj Bayern se ende nuk është në 100% e tij, William Pacho dhe Illia Zabarnyi ende nuk janë në formën e tyre më të mirë, ndaj Luis Enrique ka kërkuar transferimin e qëndërmbrojtësit të Barcelonës, gjatë merkatos së janarit.
Duke qenë se kontrata aktuale e Eric Garcia me Barcelonën skadon në qershor të këtij viti dhe deri tani nuk ka pasur rinovim, transferimi drejt PSG-së është mëse i mundshëm gjatë merkatos së janarit. -
“Nga shiu në breshër”, trajneri Luis Enrique humbet për disa javë 3 lojtarë kryesorë
6 Nëntor 2025
8:54
Telesport
Gjërat po shkojnë keq e më keq te PSG për sa i përket dëmtimeve. Në humbjen 1-2 ndaj Bayern Munich në Champions League erdhën tri dëmtime. Achraf Hakimi pësoi një ndrydhje të rëndë të kyçit të këmbës së majtë, por për fat pa frakturë.
Lëndimi ishte më pak serioz sesa dukej nga pamjet e kapura nga kamerat, por do ta mbajë mesfushorin jashtë fushave për të paktën gjashtë javë. Ousmane Dembélé pësoi një këputje të pulpës së majtë.
Ky është një dëmtim i ri për fituesin e Topit të Artë 2025, i cili do të qëndrojë jashtë për javët e ardhshme, siç e ka sqaruar vetë klubi francez. Dhe sikur të mos mjaftonte kjo, Nuno Mendes është gjithashtu në telashe.
Mbrojtësi i majtë portugez ka pësuar një dëmtim në gjurin e majtë dhe po vuan nga një ndrydhje, megjithëse arriti të luajë 90 minutat e plota ndaj bavarezëve. Të tre lojtarët e Luis Enrique pritet të humbasin ndeshjet ndërkombëtare me ekipet e tyre kombëtare fundjavën e ardhshme.
Ashtu si Dembele, edhe Nuno Mendes vlerësohet të jetë rikuperuar plotësisht rreth fundit të nëntorit. Përveç sfidës së kësaj fundjave ndaj Lyon, ata do të humbasin takimet ndaj Le Havre, Tottenham, Monaco dhe Rennes. -
Luis Enrique: PSG ka mentalitet fituesi, duhet të menaxhosh ndeshjen deri në fund për të triumfuar
3 Nëntor 2025
10:31
Telesport
PSG u rikthye te fitoret në Ligue 1 pas një barazimi zhgënjyes 1-1 në mesjavë kundër Lorient. Kampionët e Europës “rrëmbyen” tre pikë në minutën e fundit kundër Nice, falë një goli në minutën e 95-të nga Goncalo Ramos.
Trajneri Luis Enrique, duke komentuar situatën te skuadra e tij tha: “E merituam fitoren për atë që dhamë gjatë ndeshjes. Duhet të dish si të menaxhosh çdo fazë të ndeshjes. Jemi mësuar të kemi topin, kjo është forca jonë. Është e rëndësishme për ne të marrim këtë rezultat”.
Më pas ai theksoi qëndrimin e tifozëve, i cili duhet të merret si shembull: “Duke parë që tifozët tanë gjithmonë kanë këtë mentalitet, duke kënduar ende edhe në minutën e 94-të, duhet të luftojmë siç dhe bëmë”.
“Në fund, mendoj se bëmë gjithçka që na duhej për të fituar ndeshjen. Futja e Ousmane dhe Gonçalo ishte e rëndësishme, por e gjithë skuadra bëri një punë të shkëlqyer“, shtoi Luis Enrique. -
“Luis Enrique nuk e do Lamine Yamal te PSG”
2 Nëntor 2025
12:41
Telesport
Gazetari i Sky Sport, Fabrice Hawkins, ka hedhur poshtë spekulimet se PSG ka interes për yllin e Barcelonës, Lamine Yamal.
Sipas tij, drejtori sportiv Luis Campos dhe trajneri Luis Enrique nuk janë dakord për një lëvizje të tillë, sado e bujshme që ajo duket, apo edhe spektakolare për tregun e transferimeve.
“Enrique dhe Campos nuk e kanë kërkuar blerjen e Yamal. Ata nuk do të ishin dakord, të paktën tani për tani, me aq informacione sa kam. Kostoja do të ishte 200 mln euro. PSG nuk punon kështu aktualisht”. -
PSG humbet shkëlqimin e dikurshëm, reagon Enrique: Na mungon qartësia dhe po bëhet më e vështirë
30 Tetor 2025
8:39
Telesport
Një moment i pazakontë ky për Paris Saint-Germain, pasi ekipi i Luis Enrique arriti dje barazimin e tretë të sezonit në ndeshjet e Ligue 1 (1-1 me Lorient). Trajneri spanjoll sqaron këtë rezultat zhgënjyes jashtë fushe: “Mendoj se luajtëm dobët”.
“Patëm një pjesë të parë të tmerrshme, nuk krijuam asnjë shans, kundërshtari u mbrojt shumë mirë dhe ishte e vështirë. U përmirësuam pak në pjesën e dytë, por mendoj se mund të kalojmë edhe 90 minuta të tjera pa shënuar”, shtoi Enrique.
“Na mungoi qartësia, nuk krijuam asnjë shans dhe është e vështirë të fitosh një ndeshje si kjo jashtë fushe. Na mungon qartësia, ndaj është e vështirë. Sigurisht që ka frustrim kur nuk merr atë që kërkon, bëhet më e vështirë edhe ta menaxhosh”, tha Enrique.
Në fund, trajneri i PSG komentoi: “Ne luftuam për të gjetur mënyrën e duhur për të sulmuar. Mendoj se nuk ishim fluid. Kur ndodh kjo, gjërat ndërlikohen. Lojtarët që hynë në fushë u përpoqën të sillnin diçka të ndryshme por…”. -
Enrique: Më duhet të menaxhoj skuadrën pasi luajmë çdo 3 ditë, do të debutojnë edhe lojtarë të akademisë
29 Tetor 2025
8:30
Telesport
Në prag të javës së dhjetë të Ligue 1, ku Paris Saint-Germain do të udhëtojë drejt Lorient, trajneri Luis Enrique foli në një konferencë për shtyp. Ai tha: “Po përpiqemi ta menaxhojmë skuadrën dhe minutat e secilit lojtar sa më mirë që të mundemi”.
“Kthimi i disa lojtarëve është një lajm i shkëlqyer dhe të gjithë ata që u thirrën ishin në gjendje të luanin. Shpresoj t’i kem të gjithë lojtarët në dispozicion sa më shpejt të jetë e mundur, është e rëndësishme për ne”, komentoi trajneri spanjoll.
Më tej, Enrique foli për lojtarët e rinj: “Ka disa lojtarë nga akademia e të rinjve që mund ta ndihmojnë ekipin e parë. Gjatë sezonit, do të bëhet normale t’i shohim ata duke u stërvitur dhe duke luajtur me ekipin e parë”.
“Ne kemi lojtarë që mund të luajnë mirë në pozicione të ndryshme. E shoh këtë cilësi te shumica e lojtarëve tanë dhe kjo është pozitive për mua si trajner. Ne jemi një shembull i vërtetë i një ekipi ku lojtarët ndryshojnë pozicione gjatë lojës”, tha Luis Enrique. -
Buzëqesh Luis Enrique, rikthehet Ousmane Dembele, i gatshëm për sfidën Leverkusen-PSG
Lajm i mirë për kampionët e Evropës, PSG. Skuadra e Luis Enriques për sfidën e së martës ndaj Leverkusen e vlefshme për raundin e 3 të Fazës së Ligës, do të ketë në dispozicion sulmuesin francez Ousmane Dembele si dhe mbrojtësin Marquinhos. Tekniku spanjoll Luis Enrique do të ketë më në fund të gatshëm ndaj “aspirinave” fituesin e “Topit të Artë”, me francezin që nuk ka luajtur asnjë ndehsje që prej 5 Shtatorit për shkak të dëmtimit.
Megjithatë do të jetë e vështirë që Dembelen ta shohim në fushë ndaj Bayer Leverkusen, por lajmi i mirë për parizienët është fakti që ai është tashmë pjesë e grupit e do të jetë I gatshëm për të dhënë kontributin e tij tek skuadra kampione.© BalkanWeb