Lajmidites.com

Tag: elbasani

  • VIDEO/ Tension dhe incidente pas ndeshjes Elbasani-Vllaznia, dy tifozë shoqërohen në polici

    VIDEO/ Tension dhe incidente pas ndeshjes Elbasani-Vllaznia, dy tifozë shoqërohen në polici

    Elbasani fitoi 1-0 ndaj Vllaznisë në “Elbasan Arena”. Fundi i takimit nuk kaloi pa tensione, teksa ipas të dhënave, një provokim i mesfushorit Sherif Kallaku ndaj tifozerisë vendase solli incidente të pakënaqshme në mbyllje të sfidës.
    Forcat e rendit ndërhynë menjëherë për të shmangur përshkallëzimin, duke stabilizuar situatën.

    Mësohet se dy tifozë, të cilët u përfshinë në incidente janë shoqëruar për në polici. Ndeshja Elbasani-Vllaznia vlen për javën e 15-të të Superiores.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • VIDEO/ Kaos pas ndeshjes në “Elbasan Arena”, ndërhyn policia

    VIDEO/ Kaos pas ndeshjes në “Elbasan Arena”, ndërhyn policia

    Elbasani mposhti Vllazninë me rezultatin 1-0 në stadiumin “Elbasan Arena”. Pas ndeshjes, lojtarët e Vllaznisë kishin pretendimet e tyre te gjyqtari Olsid Ferataj.
    Në fund u nevojit edhe prania e disa policëve, që Ferataj të largohej nga fusha e blertë. Kuqeblutë tashmë ndodhen në vendin e katërt, që mbyll zonën e “Final Four”.
    Me katër pikë më tepër është Elbasani, që kryeson renditjen e Superiores. Janë 15 javë të përfunduara.
    Dalja e gjyqtarëve nga fusha e blertë:

  • Elbasani nuk fal në shtëpi, Vllaznia në krizë. Dinamo me fitore të madhe në Vlorë

    Elbasani nuk fal në shtëpi, Vllaznia në krizë. Dinamo me fitore të madhe në Vlorë

    Janë mbyllur dy ndeshjet e fundit të javës së 15-të në Abissnet Superiore. Dinamo e drejtuar nga Ilir Daja ka marrë një fitore të madhe në Vlorë, ku fitoi 0-3 në transfertë ndaj Flamurtarit. Në aksionin e tyre të parë të rrezikshëm, kryeqytetasit gjetën golin me Lorenco Vilën, i cili shënoi pas asistit të Nezirit. Pjesa e parë mbyllet 0-1 për Dinamon.
    Goli i qetësisë për “Blutë” do të vinte në minutën e 77-të, ku Klevi Qefalija do të shënonte pas një topi të humbur nga mbrojtja vendase. I sapofuturi në fushë, Aniekan James, vulosi fitoren e Dinamos 0-3 me golin e tij në minutën e 87-të.
    Në “Elbasan Arena”, Elbasani fitoi 1-0 ndaj Vllaznisë, duke treguar që do të jenë një “kockë e fortë” për secilin kundërshtar, sidomos në ndeshjet në shtëpi. Në minutën e 26-të, Bajrami dhe Gjini ndalojnë në mënyrë të parregullt Tsague-n, arbitri jep karton të verdhë për Gjinin, që ishte i dyti në pak minuta dhe mbrojtësi detyrohet të lërë fushën e lojën. Protesta nga shkodranët, të cilët kërkonin ndëshkimin e Bajramit dhe jo të Gjinit.
    Përsa i përket rasteve, të dyja ekipet patën mundësitë e tyre në pjesën e parë, por pa arritur ti finalizonin me gol. Në minutat 9′, 10′, shkodranët patën dy raste të mira me Kastratin dhe Kallakun. Në minutën e 34-të, Elbasani pati një rast të mirë me Tsague. Rezultati mbetet i pandryshuar deri në fund të pjesës së parë.
    Verdheblutë e nisin në mënyrë perfekte pjesën e dytë, duke gjetur direkt golin që në aksionin e parë me Tsague, i cili shënoi me një goditje të fuqishme me të majtën brenda zonës.
    Në minutat 63′ dhe 64′, shkodranët patën dy mundësi të mira me Kastratin dhe Qaton, por pa arritur të finalizoheshin me gol. Rezultati nuk ndryshoi deri në fund, Elbasani fiton 1-0.
    Më herët, Egnatia bëri detyrën në shtëpi duke mundur 2-0 Vorën, me golat e Alessandro Albanese nga penalltia dhe Edison Ndrecës, në pjesën e dytë.
    Renditja në Superiore pas 15 javësh është si më poshtë:

  • Elbasani triumfon ndaj Vllaznisë, fitore e pastër në Vlorë

    Elbasani triumfon ndaj Vllaznisë, fitore e pastër në Vlorë

    Këtë të hënë u luajtën ndeshjet e fundit të javës së 15-të të Superiores. Elbasani fitoi 1-0 ndaj Vllaznisë, në një ndeshje mjaft të bukur. Gjërat për shkodranët u komplikuan në minutën e 26-të, pas daljes me karton të kuq të Gjini.
    Skuadra nga Elbasani mori 3 pikët falë golit të Tsague, për të shkuar kështu në kuotën e 29 të tillave, në krye të klasifikimit. Vllaznia është e katërta me 25 pikë.
    Dinamo nuk fal dhe triumfon 0-3 ndaj Flamurtarit.

     

  • Sfidat e Superligës/ Elbasani pret sot Vllazninë, Egnatia në fushë për të përfituar

    Sfidat e Superligës/ Elbasani pret sot Vllazninë, Egnatia në fushë për të përfituar

    Sot në Elbasan do të luhet për kreun e Superligës, pasi verdheblutë e Ivan Gvozdenoviç do të presin në orën 19:00 Vllazninë. Elbasani aktualisht udhëheq kampionatin me 1 pikë më shumë se shkodranët, të cilët në 3 ndeshjet e fundit kanë marrë 2 barazime dhe 1 humbje. Situatë jo e mirë edhe te Elbasani, pasi në 3 ndeshjet e fundit ka marrë vetëm barazime, ndërsa sot ka mundësinë t’i tregojë Vllaznisë se janë ata pretendentët kryesore për titull.
    Po në orën 19:00, në Vlorë, Flamurtari do të presë Dinamon që pak ditë më parë shkatërroi Tiranën në derbi. Të dy skuadrat po kalojnë një moment të mirë, pasi Flamurtari vjen pas fitores me Egnatian por i duhet vazhdimësi për t’iu larguar fundit.
    Sfida tjetër e javës së 15 të Superligës luhet në Rrogozhinë me Egnatian që pret Vorën. Për kampionët në fuqi është një shans i artë për të marrë kreun në një kohë kur Elbasani dhe Vllaznia përplasen së bashku.
    Më herët Partizani fitoi 0-2 derbin kundër Tiranës, duke u rikthyer të dominojë kryeqytetin pas shumë kohësh dhe duke zhytur bardheblutë, ndërsa Bylisi barazoi 1-1 kundër Teutës. Aktualisht vendin e fundit në kampionat e mban Tirana me 7 pikë, e diferencuar shumë me Flamurtarin e vendit të 9 që ka 13 dhe një ndeshje më pak. Me 14 pikë në vendin e 8 është Bylisi, ndërsa Partizani ka forcuar pozitat në mesin e tabelës. Trajneri Kërnaja vijon të përsërisë se minimumi i këtij sezoni është pjesëmarrja në ‘final-four’.

  • Basti i Kërnajës largon Partizanin nga zona e ftohtë, fitore me Bylisin dhe Teuta-Elbasani që ndahen në paqe

    Basti i Kërnajës largon Partizanin nga zona e ftohtë, fitore me Bylisin dhe Teuta-Elbasani që ndahen në paqe

    Partizani është rikthyer te fitorja teksa këtë herë ka mundur Bylisin në shifrat 1-0. Një ndeshje e cila u kontrollua në pjesën më të madhe nga ana e të kuqëve, që i lanë pak mundësi kundërshtarit për të rrezikuar.
    Goli i fitores erdhi nga Contreras në minutën e 71. Lojtari i gjetur nga ana e Kërnajës nga ekipi B arriti të shënonte golin e vetëm të takimit. Një gol i ardhur edhe me pak fat për Contreras, por fakti që gjendet në kohën dhe vendin e duhur është një tjetër cilësi e shtuar për të. Me këtë fitore, Partizani shkon në vendin e 6 dhe largohet me 4 pikë nga zona e ftohtë duke u qetësuar paksa. Nga krahu tjetër ndeshja mes Teutës dhe Elbasani është mbyllur në shifrat 0-0. /Sport Ekspres/

  • VIDEO/ Fiken dritat në “Niko Dovana”, çfarë “show” në Teuta-Elbasani!

    VIDEO/ Fiken dritat në “Niko Dovana”, çfarë “show” në Teuta-Elbasani!

    Teuta dhe Elbasani përballen këtë mesjavë, në kuadër të Superiores. Përveç asaj që shihet në fushën e lojës, spikat një moment, teksa në “Niko Dovana” ikin dritat.
    Në këto kushte, për të rifilluar sfida u desh që lojtarët të prisnin 6 minuta. Teuta-Elbasani shkon për llogari të javës së 14-të.

     

  • Kontreras i jep tri pikë të tjera Partizanit, Elbasani ngec në Durrës

    Kontreras i jep tri pikë të tjera Partizanit, Elbasani ngec në Durrës

    Abissnet Superiore luajti këtë pasdite dy ndeshjet e javës së 14-të ndërsa pas pak sfida e fundit e ditës ajo që do të zhvillohet në “Air Albania Stadium” ndërmjet Dinamos dhe Tiranës.

    Partizani edhe njëherë i gëzohet golave të kolumbianit Kontreras. Pasi shënoi një dy golësh në fitoren 2-3 ndaj Teutës javë më parë, zbulimi i Kërnanjes teksa nga Partizani B e hodhi te skudara e parë, shënoi golin e vetëm për të kuqtë sot ndaj Bylis në të 72′.

    Ky sukses e largon përfundimisht Partizanin nga zona e ftotë ndërsa tani i është afruar ndjeshëm zonës ‘Final Four’. Për Bylis situata përkeqësohet duke mbetur te vendi i tetë.

    Ndërkohë në Durrës, Teuta- AF Elbasani u ndal te barazimi 0-0. Një ndeshje e luftuar nga fillimi e deri në fund. Aty ku Artan Jazxhi i’u afrua ndjeshëm golit për skuadrën e Dobit. Qëndërmbrojtësi në kohën shtesë goditi me kokë, topi preku shtyllën pingule dhe kaloi jashtë.

    Elbasanasit edhe pse dolën me një pikë teksa mbajnë kreun me 26 pikë, diçka duket se nuk po funksionon në repartin ofensiv. Verdheblutë arritën barazimin e tretë radhazi. Fare pak për një skuadër pretendente për titull./Klevis Bejkolli/

    Java e 14:

    Teuta- AF Elbasani 0-0

    Partizani- Bylis 1-0

    Dinamo Siti- Tirana 19:30 (Air Albania’)

    Të enjten:

    Vora- Vllaznia (në Shkodër ora 16:30)

    Egnatia- Flamurtari 16:30/ Sportiim.al/

    Vazhdo leximin

  • VIDEO/ Teuta-Elbasani, spektakël pa gola, ja si rënditen skuadrat

    VIDEO/ Teuta-Elbasani, spektakël pa gola, ja si rënditen skuadrat

    Këtë të mërkurë u luajtën disa nga ndeshjet e javës së 14-të të Superiores. Barazim pa gola mes Teutës dhe Elbasanit, me skuadrat që në fund ndanë pikët. Në pjesën e parë pati disa raste, por mungoi finalizimi.
    Në fillimin e pjesës së dytë, në “Niko Dovana” u fikën dritat dhe për rifillimin e sfidës u deshën të kalonin 6 minuta për rregullimin e sistemit të ndriçimit.

    Në kohën shtesë, durrsakët reklamuan penallti për një prekje me dorë, por nuk ishte në të njëjtin mendim arbitri.
     
    Në takimin tjetër, Partizani fitoi 1-0 ndaj Bylis, duke marrë 3 pikë të rëndësishme.

  • Objektivi, të ruhet vendi i parë/ Elbasani në testin e vërtetë

    Objektivi, të ruhet vendi i parë/ Elbasani në testin e vërtetë

    Elbasani ka lënë pas barazimin me Partizanin dhe vijon të mbajë vendin e parë, këtë herë së bashku me Egnatian.
    Skuadra është rikthyer menjëherë në përgatitje për sfidën e radhës ndaj Teutës, një ndeshje e rëndësishme për ekuilibrat e kreut.
    Atmosfera në ekip mbetet pozitive, ndërsa trajneri dhe lojtarët janë të vetëdijshëm se hynë në fazën më të vështirë të sezonit. Gjatë dhjetë ditëve të ardhshme, Elbasani do të përballet me Teutën, Vllazninë dhe Vorën, tre skuadra që e ndalën në fazën e parë. Këto ndeshje shihen si test karakteri për të konfirmuar pretendimet në krye.
    Tsague, i pezulluar ndaj Partizanit, rikthehet dhe pritet të shtojë forcën në fazën sulmuese. Skuadra është e plotë dhe nuk raportohen mungesa.
    Objektivi është të ruhet vendi i parë dhe të përmirësohet paraqitja ndaj rivalëve që kanë krijuar vështirësi më herët.