Klodian Braho është zgjedhur drejtuesi i SPAK. Zoti Braho do të zëvendësojë në këtë pozicion Altin Dumanin, të cilit mandati i mbaron më 18 dhjetor.
Në Dekalog, Dritare TV, eksperti Artan Rexhepi vlerësoi figurën e kreut të ri të SPAK si më të duhurën për të drejtuar strukturën më të rëndësishme që ka Shqipëria, për drejtësinë.
“Braho pati një vetëkontroll për tu vlerësuar gjatë intervistës, para se të zgjidhej drejtues i SPAK. Për të arritur nivelin e Altin Dumanit, Brahos, kjo ja vështirëson betejën, do konkurrojë me një kampion. Një paraardhës që ka lënë record dhe ka mbetur i pathyer për vite.
Braho “është i dënuar” që të mos ulë stekën që la Dumani. Duhet të luajë në nivelin e Altin Dumanit, hetimet mos të ngelin në nivel arrestimet, por të shtrihen deri tek rrjetet që kanë./dritare.net
Tag: eksperti
-
Zgjedhja e Klodian Brahos/ Eksperti flet për dy sfidat e kreut të ri të Prokurorisë së Posaçme(VIDEO)
-
Dita e Rinisë/ “Thika ka zëvendësuar librin”, ja alarmi që ngre eksperti i arsimit
Në Ditën e Rinisë, eksperti i arsimit Ndriçim Mehmeti shprehu shqetësimin e thellë për rritjen e dhunës mes të rinjve dhe për dështimin e institucioneve në mbrojtjen dhe edukimin e brezit që po rritet.
Duke iu referuar ngjarjeve të fundit tragjike ku të rinj kanë humbur jetën, Mehmeti theksoi se problemi nis që në familje, atje ku shpesh prindërit nuk marrin përgjegjësi për sjelljet e fëmijëve të tyre, madje arrijnë deri tek justifikimi i tyre. Sipas tij, shumë prindër nuk po e kuptojnë se “mbrojtja e fëmijës” nuk do të thotë të justifikosh krimin, por të ndërhysh për të parandaluar gabimet dhe devijimet.
“Çdo prind e ka për detyrë të mbrojë fëmijën, po jo krimet e tij. Shpesh nuk po justifikohet vetëm sjellja e fëmijës, por po justifikohet mosedukimi i vetë prindit,” tha ai gjatë një bisede televizive.
Ai denoncoi faktin se në shumë raste askush nuk kontrollon më se çfarë marrin të rinjtë me vete në shkollë. “Si ka zëvendësuar thika librin? Si erdhi kjo kohë që thika zëvendësoi librin? Ne u ngritëm me idenë për ta bërë Shqipërinë si gjithë Europa në 8 dhjetor. Nuk u ngritëm që ta bënim Shqipërinë si vendet më të pasigurta në botë. Sot ne jemi vendi më i pasigurt në botë për fëmijët. Sot është 8 dhjetori, Dita e Rinisë, ka festa, ka zbukurime. Por sot duhet protestuar. Është mëkat të festosh, madje është krim të festosh. Çfarë po festojmë? Paaftësinë?”, tha ai. -
Rriten pagat në sektorin e ndërtimit, Tatimet: Nuk ka rrogë nën 60 mijë lekë, mbrohet punëmarrësi dhe…
Sektori i ndërtimit nuk do të ketë më paga nën 60 mijë lekë. Sipas Drejtorisë së Tatimeve, lista e pagave indikative synon të mbështesë përpjekjet për reduktimin e informalitetit dhe rritjen e pagesës reale të punonjësve.
Eksperti i tregut të punës, Erion Muça, e sheh udhëzimin e ri si një masë të kushtëzuar, por të dobishme për formalizimin e sektorit.
“E vërteta është që sipërmarrjet në Shqipëri, përgjithësisht e kanë parë punonjësin si kosto të shtuar dhe pagat e ulëta si një mënyrë për të fituar më shumë duke i dhënë më pak. Por kjo filozofi ka krijuar një treg në një hendek të lartë sa i përket informalitetit”, tha eksperti.
Sipas tij, niveli i ri i pagave është më pranë realitetit të tregut të punës dhe ndihmon në korrigjimin e konfliktualiteteve ligjore që kanë lindur në vendet e punës.
“Kanë të bëjë me shpërblimin nga siguracionet apo që kanë të bëjnë me vlerësim real të dëmit mbi bazën e pagës që ti merr nga sistemi i sigurimeve shoqërore apo shëndetësore”, theksoi ai.
Muça thekson se përfituesit kryesorë të kësaj mase do të jenë ndërmarrjet e vogla dhe të mesme, të cilat shpesh operonin nën presionin e kostove të ulëta të deklaruara.
“Kjo kategori është ajo që lëviz më shpesh për çështjen e pagës. Pikërisht kjo kategori që kërkon më pak të drejtat sepse nuk e kanë në radhë të parë kulturën për të ditur dhe njohur dhe kërkuar të drejtat e tyre”nënvizoi eksperti.
Në lidhje me sfidat, eksperti vëren se një problem madhor mbetet fragmentimi i kompanive nëpërmjet nënkontraktimit të tepruar. Sipas tij, praktika e ndarjes së punës në shumë kompani të vogla rrit rrezikun e informalitetit dhe e bën më të vështirë garantimin e një marrëdhënieje të drejtë dhe transparente për punëmarrësit. -
Kufizohen pagesat cash për qytetarët, eksperti: Bizneset duhet të kenë një mundësi për…
Shqipëria synon të ulë ndjeshëm përdorimin e parave CASH në ekonomi. Nisma Kombëtare pritet të nisë në janar të vitit të ardhshëm.
Eksperti bankar, Artur Ribaj në një intervistë në “Sheshi i Dollarit” në ABC News foli për rëndësinë e kësaj nisme. Ai u shpreh se bizneset duhet të kenë mundësi pagese elektronike.
“Nëse do kemi një rrjet të të gjithë inspektorëve që do ta bëjnë punë korrekte, në një vend të vogël si Shqipëria është lehtësisht e aksesueshme. Vetë bankat kanë mundësuar marrje pensionesh. Kur flasim për institucione financiare në radhë të parë është besim. I duam sepse na shërbejnë. Unë nuk kam pse të mbaj fare radhe, pra përdorimi i pagesave elektronik është mundësi shumë e mirë Por duhet punuar edhe më shumë, me gjëra konkrete që të çojnë në qasjen e përdorimit”, tha ai.
Nga ana e tij Dritan Vakaj u shpreh: “Ka një sërë elementësh që mund të rrisin qytetarët të rrisin përdorimin në këtë mënyrë. Por mund të them se momenti më i suksesshëm i luftës kundër informalitetit ka qenë bërja e gjërave më të thjeshta. Arsyeja kryesore e informalitetit është shmangia e tatimit. Duhet parë edhe nga pikëpamja fiskale”, tha ai. -
“Qumështi i fshatarit është mit”, eksperti shpjegon rrezikun e padukshëm
Siguria ushqimore është grupkapitulli i fundit për integrimin e Shqipërisë në Bashkimin Europian. Standarde të larta sigurie, gjurmueshmërie për t’i garantuar konsumatorit blerjen e një produkti që i plotëson të gjitha kriteret.
Programi “Aldo Morning Show” në Tv Klan ndalet te një shembull konkret: qumështi në shishe plastike te shitësit që gjenden në trotuaret e rrugëve. Shpesh ky produkt shihet si më i sigurt krahasuar me atë që ndodhet në raftet e supermarketeve, por eksperti Ilir Pilku thotë të kundërtën.
“Ne duhet të konsumojmë qumësht të kontrolluar dhe qumësht të kontrolluar kanë vetëm fabrikat e licencuara. Kuptohet që kanë standarde, laboratorë, por kanë edhe analiza risku për të cilat kontrollohen nga Autoriteti i Kontrollit Ushqimor.”
Në qumështin që shitet në supermarket shpesh shohim të renditur elementë si kalcium, zink, vitamina etj. Pilku shpjegon se janë të lejueshëm, kurse në rastin e qumështit që mund të blesh në rrugë, zierja eliminon të gjitha vitaminat. Kjo nuk ndodh te qumështi i pasterizuar.
Ilir Pilku: Ajo që duhet të kemi parasysh janë ingredientët ushqimorë, jo kimikatet. Janë të lejueshëm për konsum për shëndetin e njeriut.
Aldo: Çfarë garanton qumështi i pasterizuar? A humbet vlera ushqyese nga pasterizimi?
Ilir Pilku: Absolutisht, midis një qumështi të zier në familje dhe atij të pasterizuar, ne nuk e kontrollojmë dot as zgjedhjen që bëjmë. Pra mund të shkojë deri në 110 gradë, koha është më e gjatë apo kur shpesh thuhet zieje dy herë dhe ia heq të gjitha vlerat ushqyese, B1, B2, B12, ti ia eliminon atij qumështi. Ndërkohë në fabrikë pasterizatorët janë totalisht automatikë, arrijnë në një temperaturë 73 gradë për 15 sekonda dhe ai stopon, të ruan gjithë elementët ushqyes që ka qumështi.
Aldo: Sa ka të bëjë yndyra në cilësinë dhe shijen e qumështit? Ta zgjedhim me yndyrë të plotë apo të zvogëluar?
Ilir Pilku: Për mendimin tim, nëse e marrim me sa më pak yndyrë do të ishte më mirë. Fëmijët duhet ta marrin me yndyrë 3.2-3.5%, sa të jetë maksimumi.
Sipas Pilkut, mendimi se qumështi i blerë direkt nga fermerët është më i sigurt e i ushqyeshëm, është mit.
“Qumështi i fshatarit është vetëm një mit, është një përshtypje që përcillet te konsumatori nëse ne do të marrim një qumësht fshatari, por ne nuk dimë në radhë të parë kush lopë e ka prodhuar, nuk e dimë nëse lopa ka qenë e sëmurë, është përdorur antibiotik, është ushqyer me misër me aflatoksinë”, shpjegoi eksperti.
Ai theksoi se në blerjen e qumështit dhe çdo produkti duhen parë tre elementë: etiketa, përbërja dhe data e skadencës. -
Më pak dëborë, më shumë përmbytje/ Eksperti i mjedisit tregon efektet e ndryshimit të klimës në Shqipëri
Më shumë përmbytje dhe më pak reshje dëbore janë ndër efektet e dukshme të ndryshimeve klimatike në vendin tonë sipas Ekspertëve të Mjedisit.
“Pasojë e ndryshime klimatike dimri më i butë, më pak borë më shumë përmbytje”.
Ferdinand Bego, shpjegon se shtresat e borës shërbenin si barrikada natyrore dhe si rezervuar ujërash, por tani këto funksione janë dobësuar ndjeshëm.
Një pjesë e tyre (përmbytjeve) thotë se vijnë edhe për shkak të menaxhimit të gabuar të territorit ndër vite.
“Tokat bujqësore u kthyen në toka djerrë, s’kemi më pyje”
Por ky nuk është i vetmi shkak.
“I kemi tokat bujqësore nën nivelin e detit”.
Eksperti i mjedisit thekson se përballja me këto sfida kërkon politika afatgjata dhe të kushtueshme.
Banka Botërore vlerëson se Shqipëria duhet të investojë rreth 6 miliardë dollarë gjatë dekadës së ardhshme për të përballuar rreziqet që sjellin ndryshimet klimatike. -
A do ketë në Shqipëri rënie të çmimeve të apartamenteve? Përgjigjet eksperti
Eksperti i Pasurive të Paluajtshme, Orgest Beti thotë se pavarësisht shpresës së qytetarëve blerës, çmimi i apartamenteve në Shqipëri do të vazhdojë të rritet, ndikuar nga interesi i shtuar i huajve dhe shqiptarëve të diasporës për të blerë në vendin tonë, si dhe nga anëtarësimi i mundshëm dhe i pritshëm i vendit në Bashkimin Europian.
“Fakti që së shpejti do të jemi pjesë e familjes europiane, këtu do të ndodhë një proces që unë e kam thënë shpesh, që u kanë ndodhur dhe vendeve të tjera që janë bërë anëtarë të Bashkimit Europian, dhe atje ka patur një rritje me 20% apo 30%, edhe më shumë. Shqipëria tashmë ne shikojmë se ka një interes të shtuar nga të huajt, madje sipas statistikave që ne kemi 20 apo 30% e blerësve në bregdet janë të huaj dhe shqiptarë të diasporës”, tha Beti.
Po ashtu në vitin 2026, me përjashtim të Tiranës, vlera e pronës në të gjithë vendin do të rritet, pasi hyjnë në fuqi çmimet e reja të referencës, që janë konsultuar gjatë këtij viti.
Çmimet më të kripura me referencat e reja do të jenë në zonën e Portit në Durrës 2000 euro dhe në Sazan, që barazohen me referencat në Tiranë për zonën rreth Stadiumit dhe Piramidës. -
Rivlerësimi/ Për herë të parë do njihet vjetërsia e pronës, eksperti: Njohja e amortizimit është drejtësi ndaj qytetarëve
Për herë të parë në rivlerësimin e pasurive të paluajtshme do të njihet edhe amortizimi i pronave, pra vjetërsia e pronës, sa më e vjetër të jetë prona aq më pak do të paguhet tatim pas procesit të rivlerësimit.
Në rast se keni një banesë me vjetërsi 10-vjeçare do t’ju zbritet nga çmimi pas rivlerësimit 10% e vlerës që ka dalë dhe më pas do të paguhet tatimi.
“Është lehtësi dhe është drejtësi. Pse drejtësi? Sepse deri tani qytetarët që e kanë shitur me 15%, po edhe me 3% kur ka qenë më përpara gjithnjë ishin të trajtuar në mënyrë jo të barabartë. Në rast se ti ke një banesë që e ke të vjetër, e ke të periudhës së komunizmit, edhe pse çmimi tregut për metër katror aty është shumë i rritur dhe çmimi i referencës për zonën ku banon qytetari është prap shumë i rritur nuk mund ta çosh ti duke patur 20-30 vjet amortizim. Ka qenë një padrejtësi që i bëhej qytetarit sepse nuk i zbritej në momentin që e shiste atë”,- tha eksperti Fatos Çoçoli.
Edhe eksperti i Pasurive të Paluajtshme, Orgest Beti, tha se përfshirja e elementit të amortizimit në rivlerësimin e një objekti është një kriter i logjikshëm dhe që duhej përfshirë më herët.
“Në fakt kjo është një gjë shumë e mirë pasi në rast se marrim një apartament le të themi që në një pallat të para viteve ’90 dhe një apartament i cili është pas 2020, nuk mund të kemi të njëjtin çmim. Logjika është shumë e saktë. Duhej të ishtë bërë më përpara por nuk është vonë”,- tha Beti.
Çoçoli shtoi se tatimi aktual prej 15% ka ulur ndjeshëm transaksionet dhe si rrjedhjojë ka rritur informalitetin.
“Shoqatat e kanë ngritur disa herë që 15% është një taksë shumë e lartë. Në momentin që ti e vendos 15%, e ke detyruar qyterarin të tkurret për ta shitur pronën, të mos ketë interes ta shesë, sepse 15% nuk është pak. Janë ndrojtur, dhe kemi pasur më pak transaksione. Edhe të ardhura më pak në buxhet sepse kemi pasur më pak tjetësime, sepse kemi patur më pak blerje të pasurive të patundshme, nga ana tjetër dhe qytetarët janë tkurrur. Kjo nuk do të ndodhte nëse do kishim 3% e normës tatimore që kemi pastur në 2019-2022”,- tha Çoçoli. -
A do ketë në Shqipëri rënie të çmimeve? Ja si përgjigjet eksperti
Eksperti i Pasurive të Paluajtshme Orgest Beti thotë se pavarësisht shpresës së qytetarëve blerës, çmimi i apartamenteve në Shqipëri do të vazhdojë të rritet, ndikuar nga interesi i shtuar i huajve dhe shqiptarëve të diasporës për të blerë në vendin tonë, si dhe nga anëtarësimi i mundshëm dhe i pritshëm i vendit në Bashkimin Europian.
“Fakti që së shpejti do të jemi pjesë e familjes europiane, këtu do të ndodhë një proces që unë e kam thënë shpesh, që u kanë ndodhur dhe vendeve të tjera që janë bërë anëtarë të Bashkimit Europian, dhe atje ka patur një rritje me 20% apo 30%, edhe më shumë. Shqipëria tashmë ne shikojmë se ka një interes të shtuar nga të huajt, madje sipas statistikave që ne kemi 20 apo 30% e blerësve në bregdet janë të huaj dhe shqiptarë të diasporës”,- tha Beti.
ÇMIMET E APARTAMENTEVE SIPAS BSH
Viti 2020 +44.3%
Viti 2021 +7.85%
Viti 2022 +27.9%
Viti 2023 +4%
Viti 2024 +26.5%
Janar-Qershor 2025 +41.7%
Po ashtu në vitin 2026, me përjashtim të Tiranës, vlera e pronës në të gjithë vendin do të rritet, pasi hyjnë në fuqi çmimet e reja të referencës, që janë konsultuar gjatë këtij viti.
RRITJA E ÇMIMEVE TË PRONAVE
Himarë 111%
Vlorë 88%
Sarandë 86%
Durrës 61%
Kavajë 52%
Çmimet më të kripura me referencat e reja do të jenë në zonën e Portit në Durrës 2000 euro dhe në Sazan, që barazohen me referencat në Tiranë për zonën rreth Stadiumit dhe Piramidës. -
SPAK “fut” në çark Veliajn? Eksperti përgjigjet në QUO VADIS
Eksperti dhe pedagogu, Azmi Stringa, ka analizuar këtë të martë në studion e Quo Vadis të moderatores Pranvera Borakaj në Vizion Plus, punën e SPAK, por edhe goditjet e drejtësisë ndaj politikës.
I pyetur nga moderatorja Borakaj se pse kryebashkiaku i Tiranës duhej hequr nga detyra dhe lënë në paraburgim, Stringa tha se për këtë janë shprehur gjykatat në vend.Pjesë nga biseda:
Borakaj: Sepse marrim rastin e Sarkozisë, që ai u dënua shumë vite pasi kishte lënë pushtetin. Pse duhet që, për shembull, kryetarin e bashkisë së Tiranës ta heqin nga detyra dhe ta lënë në paraburgim?
Stringa: Kjo është tjetër diskutim. Po, dhe për këtë, ne kemi, janë shprehur gjykatat tona. Pra, po të shohësh me vëmendje, ne kemi shkuar deri në gjithë hierarkinë e sistemit që ne besojmë. Pra, nuk është e thënë që SPAKU do t’i fitojë të gjitha betejat e veta, ose që SPAK-u ka të drejtë në të gjitha betejat e veta. Kjo s’do të thotë që, sepse në të kundërt s’do vepronte në asnjë rast. Do të ishte vetëm 100% i sigurt. Megjithëse në Shqipëri kërkohet shpeshherë që të jetë vetëm perfekt. Në botë, t’i futesh në tre çështje, presupozon që do humbësh një, po do lësh një precedent. Me precedentin e parë ke krijuar më shumë pushtet, me precedentin e dytë ke krijuar më shumë. Siç ndodhi, për shembull, me rastin e Berishës. Ata e tentuan me ish-kryeministrin Berisha. Shkoi deri në Gjykatën Kushtetuese. Ama, u la një precedent nga Gjykata Kushtetuese, e cila u shpreh. Nuk i dha 100% të drejtë SPAK-ut, por la një precedent. Për shembull, siç ishte masa që, përsa i përket detyrimit të paraqitjes, nuk ke detyrim t’i marrësh leje Parlamentit, që u vendos. Pra, duke u bërë këtë punë, është gjë shumë e mirë e kësaj përplasjeje juridike.