Lajmidites.com

Tag: ekipet

  • Kryeministri Rama publikon pamje nga Qendra Kombëtare e Urgjencës: Ekipet mjekësore në shërbim të qytetarëve 24/7

    Kryeministri Rama publikon pamje nga Qendra Kombëtare e Urgjencës: Ekipet mjekësore në shërbim të qytetarëve 24/7

    Kryeministri Edi Rama ka ndarë sot një postim në rrjetet sociale, ku ka shprehur vlerësimin për punën e ekipeve të Qendrës Kombëtare të Urgjencës Mjekësore, të cilët janë në gatishmëri të plotë 24 orë në ditë, 7 ditë të javës.

    Rama thekson angazhimin e stafit mjekësor në përballimin e çdo emergjence dhe në ofrimin e ndihmës shëndetësore për qytetarët në çdo moment të ditës.
    “Me punën në Qendrën Kombëtare të Urgjencës Mjekësore, ku ekipet operojnë 24/7 në shërbim të qytetarëve, ju uroj një ditë të mbarë,” shkruan kryeministri në mesazhin e tij.

    Top Channel

  • Humbja ndaj Egnatias, trajneri i Vorës: Luajtëm ndaj një nga ekipeve më të mira, ky është futbolli

    Humbja ndaj Egnatias, trajneri i Vorës: Luajtëm ndaj një nga ekipeve më të mira, ky është futbolli

    Trajneri i Vorës, Arjan Bellai, analizoi humbjen 2-0 ndaj Egnatias.
    “Egnatian e dimë që është një nga ekipet më të mira, kampione e Shqipërisë. I ka futbollistët me eksperiencë. Në pjesën e parë kishim rastet tona për shënim, por edhe në pjesën e dytë. Kur nuk shënon me ekipet e mëdha, do pësosh. Gabimet në futboll ndodhin, kjo është lojë, është edhe VAR-i. Kur ndërhyn VAR-i, gjithçka ka mbaruar.

    Kjo është Egnatia, vuajtëm edhe në ndeshjen e parë me futjen e Aleksit në treshe. Edhe atëherë edhe sot, e kishim këtë problem. E hëngrëm golin shumë shpejt. Pas pësimit të golit riskuam edhe ne me futjen e Felipes. Qetësia na mungon, eksperienca dhe besimi për të shënuar brenda zonës. Mund të hanim edhe golin e tretë. Ishim shumë të hapur, kur kaluam 4-4-2 e dinim rezikun me lojtarin më tepër në mesin e fushës.
    Riskuam për të shënuar një gol. S’jam i mërzitur, fundja me Egnatian humbëm. Kishin mundësi të shënonin golin e 3-të, nuk ia arriti. Kokën duhet ta mbash lart për këto ekipe të mëdha si Egnatia, Dinamo, Vllaznia, Elbasani. Ne të bëjmë lojën tonë dhe të luftojmë ekipet që janë në grupin tonë për atë objektiv që kanë.
    Nga ndeshjet që kemi parë te Egnatia herët e fundit, ata e mbanin topin me stoperin. Aty ne gabuam kur e dërgonim topin në anësore, e humbnim topin ose e lëshonim si pasim të gjatë. Gabimi ynë ishte që s’e mbajtëm në qendër dhe ramë në grackën e Egnatias për presing. Disa herë e bëmë, i pritëm, arritëm të dilnim në dy kundërsulme, por ndonjëherë nuk të ndihmon edhe fati. Po të ishte Egnatia këto gol i bën, ne s’i bëjmë dot akoma.
    Kalendari, Elbasani, Dinamo dhe Bylis? E dinim që programi ishte kështu. Në Shkodër ia arritëm qëllimit me 1 pikë, sot jo. Të shohim ndeshjen me Elbasanin. Me Egnatian mund të humbasësh më thellë, doja edhe pak fat, që s’ka qenë kurrë me ne. Jam i kënaqur me çunat pasi mundohen të luajnë dhe të shikojnë ekipet e mëdha në sy. S’mbetet gjë tjetër, për të parë vetëm ndeshjen e radhës me Elbasanin, na mungon vetëm goli”, tha Bellai.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Specifikat e shortit, të thënat dhe të pathënat e Botërorit 2026

    Specifikat e shortit, të thënat dhe të pathënat e Botërorit 2026

    48 ekipet pjesëmarrëse u ndanë në 12 grupe me nga 4 vende në secilin grup, të shortuara nga 4 vazo. Meksika, Kanadaja dhe Shtetet e Bashkuara u identifikuan nga topa me ngjyra të ndryshme dhe u caktouan si skuadra të renditura në grupet A, B dhe D, përkatësisht, për të siguruar që ato do t’i luajnë ndeshjet e fazës së grupeve në shtëpi.
    Meksika do të luajë dy ndeshje në Meksiko Siti, përfshirë ndeshjen hapëse dhe një në Guadalahara. Kanadaja do të luajë ndeshjen e parë në Toronto dhe dy të tjerat në Vankuver, ndërsa Shtetet e Bashkuara do të debutojnë dhe mbyllin grupin në Los Angeles, duke udhëtuar për në Siatëll për ndeshjen e dytë.
    Për më tepër, Spanja dhe Argjentina, dy ekipet më të renditura në FIFA, u vendosën në grupe të kundërta për t’u siguruar që ato mund të takohen vetëm në një finale të mundshme, nëse të dyja avancojnë si fituese të grupeve.
    I njëjti kriter do të zbatohet për Francën, nënkampionen në fuqi, dhe Anglinë, të renditura në vendin e tretë dhe të katërt në botë. Shorti gjithashtu do t’i pengojë vendet nga e njëjta konfederatë – me përjashtim të UEFA-s, e cila ka 16 ekipe të kualifikuara të vendosen në të njëjtin grup.
    Ndërsa shorti i sotëm do të përcaktojë ndeshjet e fazës së grupeve, orari përfundimtar i turneut, duke përfshirë detajet e stadiumit dhe kohës, do të publikohet të shtunën paradite.

  • ‘Pres Shqipëri dinjitoze’, Todhe: Edhe vendi i 3-të s’do ishte keq, jemi përmirësuar…

    ‘Pres Shqipëri dinjitoze’, Todhe: Edhe vendi i 3-të s’do ishte keq, jemi përmirësuar…

    Në rast se kuqezinjtë shkojnë në Botëror, do të përballen me kombëtare si Holanda, Japonia dhe Tunizia.
    Gazetari Erion Todhe foli për shanset e Shqipërisë, në këtë grup.
    “A mendon se Shqipëria mund të bëjë më mirë në këtë grup, sesa në ato të Europianit-Edhe vendi i 3-të nuk do ishte keq. Shpresat dhe ëndrrat janë reale. Në vitet e fundit jemi përballur me ekipe të mëdha, jemi mësuar. Do ishin ndeshje të bukura, dinjitoze.
    Vetë specifika e Botërorit, janë ndeshje me “hile”, luhet me të ngecur. Nuk dihet si shkon, askush nuk fal, askush nuk toleron. Ekipet e vogla do japin maksimumin, ekipet e mëdha do japin maksimumin”- tha ai gjatë bisedës me Trevisa Tufën.
    Gjithsesi, fillimisht do sfidojmë Poloninë në gjysmëfinale të Play Off. Në rast se shkojmë në finale, aty do përballemi me çiftin Ukrainë-Suedi.
    Këtë të premte u hodh edhe shorti i Botërorit, ku u plotësuan grupet dhe kundërshtarët për ekipet e Play Off.

  • ABISSNET SUPERIORE: Flamurtari me fitore surprizë ndaj Egnatias, Vllaznia nuk merr më shuëm se një pikë ndaj Vorës

    ABISSNET SUPERIORE: Flamurtari me fitore surprizë ndaj Egnatias, Vllaznia nuk merr më shuëm se një pikë ndaj Vorës

    Kanë përfunduar dy ndeshjet e fundit të javës së 14-të të Abissnet Superiore. Surpriza e madhe ka ardhur nga Rrogozhina, aty ku kampionia në fuqi, Egnatia është mundur 0-1 nga Flamurtari.
    Vlonjatët gjetën golin me një kundërsulm të shpejtë në minutën e 35-të, ku sulmuesi venezuelian, Heiderber Ramirez, u shkëput bukur dhe pas asistit perfekt të Valentino Murataj, dërgon topin në portën e Dajsinanit.
    Në minutat në vijim, vendasit u përpoqën të barazonin shifrat, por vlonjatët ia dolën të ruanin avantazhin që në vërshëllimën e fundit. Pas kësaj fitore, Flamurtari ngjitet në vendin e tetë me 13 pikë, ndërsa Egnatia mbetet në vendin e tretë me 25 pikë.
    Duke qenë se të dyja ekipet kishin rënë dakord, ndeshja mes Vorës dhe Vllaznisë u luajt në “Loro Boriçi”. Megjithatë, Vllaznia nuk arriti të përfitonte dot nga avantazhi i fushës dhe nuk shkoi më shumë se barazimi pa gola ndaj kryeqytetasve.
    Një lojë e vakët nga të dy ekipet, në pjesën e dytë të dy ekipet patën dy raste që pretendonin penallti, por për arbitrin kryesor të takimit ishte gjithçka në rregull. Shifrat përfundimtare, 0-0. Vllaznia mbetet në vendin e dytë me 25 pikë, Vora në vendin e shtatë me 16 pikë.

  • Aksident në autostradën Tiranë-Durrës, policia dhe ekipet e emergjencës në vendngjarje

    Aksident në autostradën Tiranë-Durrës, policia dhe ekipet e emergjencës në vendngjarje

    Një aksident ka ndodhur mbrëmjen e sotme në superstradën Tiranë-Durrës.

    Nga pamjet e siguruara nga Top Channel shihet dëmtimi i rëndë i makinës, por nuk dihet nëse ka viktima.
    Policia dhe ekipet e emergjencës ndodhen në vendin e ngjarjes, teksa shkaqet nuk dihen ende.
    Aksidenti ka krijuar trafik në autostradë, duke e bërë të vështirë lëvizjen.
     

    Top Channel

  • Rëndohet bilanci në Indonezi, konfirmohen 500 viktima nga përmbytjet/ Ekipet ende në luftë me kohën, shumë të tjerë të zhdukur

    Rëndohet bilanci në Indonezi, konfirmohen 500 viktima nga përmbytjet/ Ekipet ende në luftë me kohën, shumë të tjerë të zhdukur

    Numri i viktimave nga përmbytjet që goditën Indonezinë javën e kaluar ka arritur në më shumë se 500, ndërsa 500 të tjerë janë ende të zhdukur.

    Ekipet e shpëtimit po luftojnë për të arritur në zonat e prekura, ku situata është bërë gjithnjë e më rëndë.
    Përmbytjet, të shkaktuara nga një ciklon i rrallë mbi ngushticën e Malakës, kanë prekur tre provinca të Indonezisë dhe kanë shkaktuar dëme të mëdha. Provincat më të goditura janë Aceh, Sumatra Veriore, dhe Sumatra Perëndimore, ku mijëra banorë janë të bllokuar dhe pa furnizime të nevojshme.
    Banorët e zonave të prekura, si Arini Amalia nga Regjenca Pidie Jaya e Aceh, kanë përshkruar përmbytjet si një katastrofë natyrore të paprecedentë. “Sipas gjyshes sime, kjo është më e keqja që ka parë në jetën e saj,” tha Amalia për BBC.
    Në shumë zona, ndihmat humanitare janë ndërprerë, dhe banorët po përballen me mungesa të ushqimit dhe ujit të pastër.
    Maysanti, një banore e Tapanuli Qendror, tha se: “Nuk mund të hamë, furnizimet me ushqim janë shuar. Duhet të ecim kilometra për të gjetur ujë dhe lidhje interneti.”
    Në total, rreth 1,100 persona kanë humbur jetën në Azinë Jugore dhe Juglindore nga përmbytjet dhe rrëshqitjet e dheut gjatë javës së fundit, me Sri Lankën dhe Tajlandën që gjithashtu kanë raportuar viktima.

    Top Channel

  • Rrëshqitjet e dherave bllokuan zonën, nis puna për hapjen e rrugës

    Rrëshqitjet e dherave bllokuan zonën, nis puna për hapjen e rrugës

    Punimet për zhbllokimin e rrugës në zonën e Mesmalit në Maliq vazhdojnë me intensitet të shtuar.
    Ekipet e ndërhyrjes në terren po punojnë prej orësh për të hequr materialet dhe për të rikthyer qarkullimin normal në aksin që lidh zonën me qendrat përreth.
    Sipas informacioneve paraprake, bllokimi është shkaktuar nga reshjet e dendura dhe lëvizja e masiveve të dheut, duke krijuar vështirësi serioze për banorët dhe mjetet që lëvizin në këtë segment.
    Autoritetet lokale kanë angazhuar mjete të rënda për pastrimin e rrugës, ndërsa ekipet e emergjencës po monitorojnë situatën për të parandaluar incidente të tjera të mundshme.
    Banorët janë këshilluar të shmangin lëvizjet e panevojshme deri në përfundimin e punimeve, ndërsa autoritetet premtojnë se qarkullimi do të rikthehet sa më shpejt të jetë e mundur.
    Pritet që gjatë orëve në vijim të ketë një njoftim zyrtar për hapjen e plotë të rrugës.

  • Kane dhe Bayern synojnë të ndalin Arsenal në Champions: Një derbi për mua, luajnë dy nga ekipet më të mira në botë

    Kane dhe Bayern synojnë të ndalin Arsenal në Champions: Një derbi për mua, luajnë dy nga ekipet më të mira në botë

    26 Nëntor 2025

    8:48

    Telesport

    Sulmuesi i Bayern Munich, Harry Kane, foli në një konferencë për shtyp në prag të ndeshjes së Champions League kundër Arsenal. Një përballje mes dy ekipesh favorite për të fituar si në kampionatet përkatëse ashtu dhe në Europë.
    “Do të jetë një ndeshje e vështirë për ne. Nëse Arsenal është kryeson në Champions dhe Premier Ligë, ka një arsye: ata janë një ekip shumë i fortë. Do të duhet të jemi të përqendruar në çdo zonë të fushës dhe ta bëjmë të vështirë për ta që ta rimarrin topin”, tha Kane.
    “Duhet të shfrytëzojmë pikat tona të forta, duke filluar me presionin. Dy nga ekipet më të mira në botë do të jenë në fushë. Kur isha te Spurs, shënimi i golave ​ndaj Arsenal ishte gjithmonë një moment i shkëlqyer. Por tani nuk bëhet më fjalë për mua kundër Arsenal, por për Bayern kundër Arsenal”, shtoi sulmuesi i bavarezëve.
    Më tej, duke folur për veten, Kane tha: “Jam në formë të mirë: dua vetëm të ndihmoj ekipin dhe të shënoj gola. Arsenal ka shumë lojtarë të fortë dhe e dinë mënyrën tonë të presionit dhe fitimit të topit. Do të jetë një betejë dhe gjithçka do të vendoset nga kush mund të luajë më mirë në hapësira të ngushta”.

  • Afron shorti i Botërorit, procedurat favorizojnë organizatorët, Spanja e Argjentina rrugë ndryshe

    Afron shorti i Botërorit, procedurat favorizojnë organizatorët, Spanja e Argjentina rrugë ndryshe

    Më 5 dhjetor shorti i fazës finale të Kupës së Botës 2026, vazot dhe proceduart e tij.

    Tani gjithëçka duket e qartë. Kupa e botës në futbollin global do të njohë paraprakisht grupet e saj me procedurat e shortit.:

    Organizatorët e eventit Meksika, Shtetet e Bashkuara dhe Kanadaja, do të vendosen në vazon e parë, ndërsa 39 ekipet e tjera të kualifikuara do të sistemohen në katër vazo me nga 12 ekipe, bazuar në renditjen e FIFA-s të 19 nëntorit 2025. 

    Për Vazon 1, Meksika, Kanadaja dhe Shtetet e Bashkuara të Amerikës, si vende pritëse, do të identifikohen nga topa me ngjyra të ndryshme dhe, pasi të hidhet shorti, do të caktohen në pozicionet A1 për Meksikën (topi jeshil), B1 për Kanadanë (topi i kuq) dhe D1 për Shtetet e Bashkuara (topi blu), siç është përcaktuar tashmë në kalendarin e ndeshjeve të publikuar më 4 shkurt 2024.

    Nëntë ekipet e mbetura me renditjen më të lartë në Vazon 1 do të identifikohen nga nëntë topa me të njëjtën ngjyrë dhe do të caktohen automatikisht në pozicionin 1 të grupit në të cilin janë shortuar.

    Për të siguruar ekuilibrin konkurrues, në kalendar janë krijuar dy rrugë të ndara për në gjysmëfinale.

    Katër vendet më të renditura në FIFA do të ndjekin këto kufizime gjatë shortit: ekipi më i renditur Spanja  dhe ekipi i renditur i dyti Argjentina do të shortohen në rrugë të kundërta, dhe i njëjti parim do të zbatohet për ekipin e renditur të tretë Francën dhe ekipin e renditur të katërt Anglinë.

    Ky rrugëtim i dërgon kombëtaret lart në kafe të kundërt duke mos i përplasur deri në fund.

    Për vazot 2, 3 dhe 4, pozicioni i secilës përfaqësuese brenda grupit do të përcaktohet sipas një skeme të paracaktuar ndarjeje. Kjo skemë është detajuar në tabelën e përfshirë në dokumentin zyrtar të procedurave të shortit. Pozicioni brenda grupit do të varet, pra, nga vazoja nga e cila vjen dhe grupi në të cilin është shortuar.

    Në parim, asnjë grup nuk mund të përmbajë më shumë se një ekip nga e njëjta konfederatë. Kjo vlen për të gjitha konfederatat përveç UEFA-s, e cila përfaqësohet nga 16 ekipe. Çdo grup duhet të ketë të paktën një ekip të UEFA-s, por jo më shumë se dy .

    Lidhur me dy vendet e rezervuara për Turneun e Play-off-it të FIFA-s, për të respektuar parimin e përgjithshëm sipas të cilit një grup nuk mund të përmbajë më shumë se një ekip nga e njëjta konfederatë, kufizimi i konfederatës do të zbatohet për të tre ekipet e pranishme në secilën prej dy rrugëve të Play-off-it të FIFA-s të përfshira në vazon e katërt.

    Ndërsa shorti përfundimtar do të përcaktojë se cilat ekipe do të takohen në fazën e grupeve, orari i përditësuar i ndeshjeve, duke përfshirë stadiumin e caktuar për secilën ndeshje dhe orën e fillimit të saj, do të konfirmohet të shtunën, më 6 dhjetor.

    Procesi i ndarjes së ndeshjeve pas shortit synon të sigurojë kushtet më të mira të mundshme për të gjitha ekipet dhe, kur është e mundur, t’u lejojë tifozëve në të gjithë botën të ndjekin drejtpërdrejt ndeshjet e ekipeve të tyre kombëtare, duke marrë parasysh zonat e ndryshme kohore.

    Ndërkohë më herët është bërë e ditur se 6 biletat e fundit të play-off të Kupës së Botës FIFA 2026 shkojnë në vazon e katërt

    Ndarja e vazove sipas FIFA-s

    Vazo 1: Kanada, Meksikë, SHBA, Spanjë, Argjentinë, Francë, Angli, Brazil, Portugali, Holandë, Belgjikë, Gjermani

    Vazo 2: Kroaci, Marok, Kolumbi, Uruguai, Zvicër, Japoni, Senegal, Iran, Koreja e Jugut, Ekuador, Austri, Australi

    Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrika e Jugut

    Vazo 4: Jordani, Kepi i Gjelbër, Gana, Kuraçao, Haiti, Zelanda e Re, Play-Off europian A, B, C dhe D, dhe ai Konfederateve të tjera 1 dhe 2./Sportiim.al/

    Vazhdo leximin