Lajmidites.com

Tag: egnatias

  • Humbja ndaj Egnatias, trajneri i Vorës: Luajtëm ndaj një nga ekipeve më të mira, ky është futbolli

    Humbja ndaj Egnatias, trajneri i Vorës: Luajtëm ndaj një nga ekipeve më të mira, ky është futbolli

    Trajneri i Vorës, Arjan Bellai, analizoi humbjen 2-0 ndaj Egnatias.
    “Egnatian e dimë që është një nga ekipet më të mira, kampione e Shqipërisë. I ka futbollistët me eksperiencë. Në pjesën e parë kishim rastet tona për shënim, por edhe në pjesën e dytë. Kur nuk shënon me ekipet e mëdha, do pësosh. Gabimet në futboll ndodhin, kjo është lojë, është edhe VAR-i. Kur ndërhyn VAR-i, gjithçka ka mbaruar.

    Kjo është Egnatia, vuajtëm edhe në ndeshjen e parë me futjen e Aleksit në treshe. Edhe atëherë edhe sot, e kishim këtë problem. E hëngrëm golin shumë shpejt. Pas pësimit të golit riskuam edhe ne me futjen e Felipes. Qetësia na mungon, eksperienca dhe besimi për të shënuar brenda zonës. Mund të hanim edhe golin e tretë. Ishim shumë të hapur, kur kaluam 4-4-2 e dinim rezikun me lojtarin më tepër në mesin e fushës.
    Riskuam për të shënuar një gol. S’jam i mërzitur, fundja me Egnatian humbëm. Kishin mundësi të shënonin golin e 3-të, nuk ia arriti. Kokën duhet ta mbash lart për këto ekipe të mëdha si Egnatia, Dinamo, Vllaznia, Elbasani. Ne të bëjmë lojën tonë dhe të luftojmë ekipet që janë në grupin tonë për atë objektiv që kanë.
    Nga ndeshjet që kemi parë te Egnatia herët e fundit, ata e mbanin topin me stoperin. Aty ne gabuam kur e dërgonim topin në anësore, e humbnim topin ose e lëshonim si pasim të gjatë. Gabimi ynë ishte që s’e mbajtëm në qendër dhe ramë në grackën e Egnatias për presing. Disa herë e bëmë, i pritëm, arritëm të dilnim në dy kundërsulme, por ndonjëherë nuk të ndihmon edhe fati. Po të ishte Egnatia këto gol i bën, ne s’i bëjmë dot akoma.
    Kalendari, Elbasani, Dinamo dhe Bylis? E dinim që programi ishte kështu. Në Shkodër ia arritëm qëllimit me 1 pikë, sot jo. Të shohim ndeshjen me Elbasanin. Me Egnatian mund të humbasësh më thellë, doja edhe pak fat, që s’ka qenë kurrë me ne. Jam i kënaqur me çunat pasi mundohen të luajnë dhe të shikojnë ekipet e mëdha në sy. S’mbetet gjë tjetër, për të parë vetëm ndeshjen e radhës me Elbasanin, na mungon vetëm goli”, tha Bellai.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Renditja/ Flamurtari kthehet në super formë! Fiton kundër Egnatias dhe po i largohet fundit, Vllaznia paqe me Vorën

    Renditja/ Flamurtari kthehet në super formë! Fiton kundër Egnatias dhe po i largohet fundit, Vllaznia paqe me Vorën

    Flamurtari është rikthyer në një super formë. Vlonjatët kanë arritur që të fitojnë ndaj Egnatias në shifrat 0-1. Goli i Ramirez në minutën e 36 vendosi gjithë historinë e këtij takimi. Tre pikë për Flamurtarin, por tre pikë të vlefshme pasi e dërgojnë në vendin e 8 duke i ikur fundit.Për më tepër në pesë ndeshjet e fundit, Flamurtari nuk e njeh humbjen duke kthyer një nisje sezoni katastrofal. Shenja reagimi që gëzojnë shumë në Vlorë, ndërsa nga krahu tjetër Vllaznia është ndaluar në një barazim 0-0 ndaj Vorës. /Sport Ekspres/

  • Java e 13-të e kampionatit: Formacioni dhe trajneri më i mirë (4-2-3-1)

    Java e 13-të e kampionatit: Formacioni dhe trajneri më i mirë (4-2-3-1)

    30 Nëntor 2025

    11:44

    Telesport

    Pas përfundimit të javës së 13-të, trajnerët e ekipeve Kombëtare kanë përzgjedhur formacionin dhe trajnerin më të mirë, sipas skemës 1-4-2-3-1.
    Në portë është zgjedhur Mario Dajsinani i Egnatias.
    Katërshja e mbrojtjes përbëhet nga Fabjan Përndreca (Bylis), Altin Bytyçi (Partizani), Sigitas Olberkis (AF Elbasani) dhe Todor Todoroski (Flamurtari).
    Para mbrojtjes pozicionohen Xhoeli Macolli (Teuta) dhe Albano Aleksi (Egnatia).
    Treshja e mesfushës ofensive përbëhet nga Eridon Qardaku (Dinamo City), Irgi Kasalla (Vora) dhe David Fadario (Teuta), të cilët mbështesin sulmuesin Soumaila Bakayoko të Egnatias.
    Trajneri më i mirë i javës është shpallur Enkeleid Dobi i Teutës.

  • Barazimi me Vllazninë, trajneri i Egnatias: Ndeshje pozitive e ekipit

    Barazimi me Vllazninë, trajneri i Egnatias: Ndeshje pozitive e ekipit

    Numri një i Egnatias, Edlir Tetova, u ndal të  fliste pas barazimit 2-2 me Vllazninë. “Çfarë arsye kryesore për pakënaqësitë?! Gjykimi. Ndërhyrja e Gurishtës ndaj Yahaya është penallti. Janë 5 arbitra që duhet të shohin. Koha për ju si televizion është koha që të bëni “stop”, të denonconi. Në një moment i thashë operatorit tuaj, […]

  • Teuta “kockë e fortë”, vetëm barazim për Tiranën, ngecin kampionët e Egnatias

    Teuta “kockë e fortë”, vetëm barazim për Tiranën, ngecin kampionët e Egnatias

    Këtë të shtunë u luajtën disa nga ndeshjet e javës së shtatë të elitës së kampionatit shqiptar.
    Pas fitores në derbi, Tirana nuk shkoi më shumë se një barazim pa gola ndaj Teutës në “Air Albania”. Të dyja skuadrat patën rastet e tyre, por pa mundur dot t’i konkretizojnë në gol.

    Në Rrogozhinë, kampionët e Egnatias barazuan pa gola ndaj Dinamos, me të dy skuadrat që mbyllen ndeshjen me nga një lojtar më pak.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Tirana dhe Teuta e mbyllin pa gola në “Air Albania”, paqe dhe në Rrogozhinë mes Egnatias e Dinamos

    Tirana dhe Teuta e mbyllin pa gola në “Air Albania”, paqe dhe në Rrogozhinë mes Egnatias e Dinamos

    Java e 7-të e Superiores solli dy barazime pa gola në dy nga sfidat më të rëndësishme të javës: Tirana–Teuta dhe Egnatia–Dinamo.
    Me gjithë përpjekjet në fushë, konkretizimi mungoi, ndërsa tensioni dhe kartonët nuk munguan.
    Në stadiumin “Air Albania”, Tirana dhe Teuta zhvilluan një ndeshje me raste, por pa efikasitet para portës. Portieri Tafas ishte hero për bardheblutë në minutat e fundit, duke evituar humbjen me një pritje vendimtare.
    Me këtë barazim, Teuta ngjitet në vendin e 3-të me 11 pikë, ndërsa Tirana mbetet në vendin e 8-të me vetëm 6 pikë, duke vazhduar të qëndrojë në zonën e rrezikut.

    Një tjetër përballje pa gola ishte ajo mes Egnatias dhe Dinamos në Rrogozhinë. Pas një serie fitoresh, Egnatia nuk arriti të shënojë ndaj një Dinamoje të organizuar.
    Loja u karakterizua nga tension i lartë, sidomos në pjesën e dytë. Në minutën e 81-të, Lorran i Egnatias u ndëshkua me karton të kuq, ndërsa në minutat shtesë, Xhemajli i Dinamos ndaloi një aksion të rrezikshëm, duke marrë gjithashtu karton të kuq. Barazimi i kushton Egnatias vendin e parë, që tani i takon Vllaznisë me 16 pikë. Dinamo mban pozicionin e mesit të tabelës me 11 pikë.

  • Te Egnatia bëhen gati për Dinamon, analizë me detaje për duelin delikat të javës

    Te Egnatia bëhen gati për Dinamon, analizë me detaje për duelin delikat të javës

    Stafi teknik i Egnatias ka punuar këto ditë me kujdes në aspektin taktik, duke alternuar fazat ofensive me rikuperimin e shpejtë pas humbjes së topit, një element që është bërë pjesë e identitetit të lojës së kampionëve.
    Në fokus ka qenë gjithashtu mënyra se si skuadra duhet të reagojë ndaj presionit dhe lojës fizike të Dinamos, një kundërshtar që di të shfrytëzojë çdo hapësirë. Vëmendje i është kushtuar gjithashtu lojës me krahë, e cila mbetet një nga armët më të forta të Egnatias, sidomos kur skuadra kundërshtare tenton të mbyllet në mbrojtje.

    Stërvitjet janë shoqëruar edhe me analizë video të kundërshtarit, ku trajneri dhe ndihmësit e tij kanë ndaluar gjatë në mënyrën e organizimit të Dinamos në fazën mbrojtëse dhe pikat e saj të dobëta. Kjo qasje analitike po e ndihmon Egnatian të përgatitet jo vetëm fizikisht, por edhe mendërisht për sfidën që e pret.
    © BalkanWeb

  • Shifrat i buzëqeshin Egnatias përballë Dinamos, blutë ngushëllohen me finalen

    Shifrat i buzëqeshin Egnatias përballë Dinamos, blutë ngushëllohen me finalen

    Egnatia synon të ruajë ritmin pozitiv të rezultateve në këtë javë të kampionatit, duke kërkuar një tjetër fitore përballë Dinamos. Skuadra rrogozhinase ndodhet në formë të mirë dhe ka treguar stabilitet në lojë, si në fazën mbrojtëse ashtu edhe në ndërtimin e aksioneve sulmuese.
    Përballja me Dinamon shihet si një test i rëndësishëm për të konfirmuar vazhdimësinë e paraqitjeve të mira. Rivalët kryeqytetas kanë potencial dhe përvojë, por Egnatia mbetet favorite për shkak të ecurisë dhe efikasitetit që ka treguar në javët e fundit. Ndeshja do të zhvillohet në Rrogozhinë, ku faktori fushë pritet të ketë ndikimin e vet. Trajneri dhe stafi teknik kërkojnë përqendrim maksimal dhe menaxhim të saktë të lojës, me qëllim që skuadra të arrijë një tjetër rezultat pozitiv dhe të mbajë ritmin në zonën e sipërme të renditjes.

    BILANCI – Bilanci i përballjeve të fundit mes Egnatias dhe Dinamos flet qartë në favor të skuadrës rrogozhinase. Në 12 ndeshjet e fundit në Superiore, që nga momenti kur Egnatia dhe Dinamo u ngjitën në elitë, kampionët kanë regjistruar 6 fitore, 5 barazime dhe vetëm 1 humbje ndaj bluve të kryeqytetit. Ky raport tregon qartë epërsinë e ekipit të Edlir Tetovës në përballjet direkte, si dhe stabilitetin që skuadra ka arritur në këto sezone.
    Megjithatë, në kujtesën e rrogozhinasve mbetet ende e freskët finalja e Kupës së Shqipërisë e edicionit të kaluar, ku Dinamo triumfoi pas gjuajtjeve të penalltive. Ajo humbje i mohoi Egnatias një tjetër trofe historik, duke i dhënë sfidës së radhës një domethënie të veçantë në aspektin sportiv. Për këtë arsye, takimi i radhës është i pari që nga ajo mbrëmje dhe ka më shumë se vlera thjesht për tri pikë. Egnatia kërkon të konfirmojë epërsinë e saj në kampionat dhe të rikthejë “borxhin” ndaj Dinamos.
    DUEL PANKINASH – Përballja mes Egnatias dhe Dinamos merr një vlerë të veçantë edhe për shkak të duelit në pankinë, mes Ilir Dajës dhe Edlir Tetovës. Dy trajnerët përfaqësojnë dy breza të ndryshëm, por me një lidhje të fortë profesionale e njerëzore, që nis që në kohën kur Daja ishte trajner i Elbasanit dhe Tetova një nga lojtarët e tij. Në sezonin historik 2005–2006, ata arritën së bashku majën e futbollit shqiptar, duke fituar titullin kampion me verdheblutë.
    Tani, pas shumë vitesh, fati i ka vendosur në kahe të kundërta, në pankinat e dy skuadrave që kërkojnë vazhdimisht rezultat dhe stabilitet. Në aspektin statistikor, bilanci i deritanishëm është në favor të Ilir Dajës. Në pesë përballjet mes tyre si trajnerë, ai ka regjistruar tre fitore, një barazim dhe një humbje ndaj Tetovës. Kjo përballje, përtej rezultatit, është një test karakteri dhe strategjie mes “profesorit” dhe “nxënësit”, dy trajnerëve që kanë dhënë shumë për futbollin shqiptar dhe që vijojnë të jenë protagonistë në arenën vendase.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • “Abissnet Superiore”, ky është formacioni & trajneri më i mirë i javës së 6-të

    “Abissnet Superiore”, ky është formacioni & trajneri më i mirë i javës së 6-të

    Trajnerët e ekipeve kombëtare kanë përzgjedhur formacionin më të mirë të javës së 6-të të Abissnet Superiore, ku fituan Tirana, Dinamo City, Vllaznia, Egnatia dhe Teuta.
    Portieri më i mirë është shpallur Mario Dajsinani i Egnatias.
    Katërshja e mbrojtjes përbëhet nga Andrey Yago i Vllaznisë, Arbenit Xhemajli i Egnatias, Vasil Zhongo i Teutës dhe Lirim Kastrati i Vllaznisë.
    Klevi Qefalija i Dinamo City-t, Daniel Wotlai i Teutës dhe Serxho Vogli i Tiranës formojnë repartin e mesfushës.
    Flamur Ruçi i Egnatias mbështet Serge Tabekou e Tiranës dhe Tiago Nani e Dinamo City-t në sulm.
    Trajneri më i mirë i javës së gjashtë është shpallur Roberto Bordin i Tiranës. Tekniku italian riktheu bardheblutë te fitorja në derbin e kryeqytetit, ku Tirana dominoi dhe fitoi thellë 3-0.

  • Superiore, ky është formacioni & trajneri më i mirë i javës së 6-të

    Superiore, ky është formacioni & trajneri më i mirë i javës së 6-të

    Trajnerët e ekipeve kombëtare kanë përzgjedhur formacionin më të mirë të javës së 6-të Superiores, ku fituan Tirana, Dinamo City, Vllaznia, Egnatia dhe Teuta.
    Portieri më i mirë është shpallur Mario Dajsinani i Egnatias.

    Katërshja e mbrojtjes përbëhet nga Andrey Yago i Vllaznisë, Arbenit Xhemajli i Egnatias, Vasil Zhongo i Teutës dhe Lirim Kastrati i Vllaznisë.
    Klevi Qefalija i Dinamo City-t, Daniel Wotlai i Teutës dhe Serxho Vogli i Tiranës formojnë repartin e mesfushës.
    Flamur Ruçi i Egnatias mbështet Serge Tabekou e Tiranës dhe Tiago Nani e Dinamo City-t në sulm.
    Trajneri më i mirë i javës së gjashtë është shpallur Roberto Bordin i Tiranës. Tekniku italian riktheu bardheblutë te fitorja në derbin e kryeqytetit, ku Tirana dominoi dhe fitoi thellë 3-0.
     

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb