Klodjan Braho është zgjedhur drejtues i ri i SPAK, me 7 vota.
Ndërkohë Adnan Xholi mori 3 vota, 1 votë mori Elvin Gokaj ndërsa Doloreza Musabelli nuk mori asnjë votë.
Ja si votuan 11 anëtarët e KLP:
Sokol Stojani- Xholi
Moisi Duda- Braho
Olger Eminaj- Braho
Erind Mërkuri- Xholi
Mirela Bogdani- Braho
Vatë Staka-Xholi
Ledina Riza- Braho
Erind Gërmenji- Braho
Zeqir Hoda- Braho
Arta Mandro- Braho
Erion Fejzulla- Gokaj
Top Channel
Kronikë E Mërkurë, 10 Dhjetor 2025 17:43
Policia Rrugore e Tiranës ka vendosur rreth 2000 masa administrative ndaj drejtuesve të mjeteve të cilët kanë shkelur rregullat e qarkullimit rrugor. Policia njoftoi sot se fokusi i 24 orëve të fundit ishte konstatimi i manovrave që sjellin bllokim të rrugëve dhe kaos në trafik, si dhe rrezikojnë lëvizjen e përdoruesve të rrugës.
Si rezultat i kontrolleve dhe i monitorimit të kryer gjatë këtyre orëve, u vunë rreth 2000 masa administrative, prej tyre: 105 për drejtues automjetesh, të cilët duke mos respektuar radhën, kanë krijuar situata kaotike në trafik dhe kanë rrezikuar lëvizjen e mjeteve të tjera.
Po ashtu, u morën masa për 1261 drejtues mjetesh për qëndrim të gabuar të automjeteve, si një nga shkeljet më problematike, e cila ndikon drejtpërdrejt në krijimin e pengesave në rrugë; 91 për drejtues motomjetesh, që duke qarkulluar pa kaskë mbrojtëse, rrezikonin jetën.
Policia Rrugore apelon edhe një herë për respektim të rregullave të qarkullimit, pasi shkelja e tyre jo vetëm krijon kaos në rrugë, por është shkaku kryesor i ngjarjeve me pasoja të rënda për jetën dhe shëndetin e përdoruesve të rrugës.
Joni Keta është zgjedhur këtë të martë, më 9 dhjetor, si kreu i Byrosë Kombëtare të Hetimit (BKH), e njohur ndryshe si “FBI-ja shqiptare” e Shqipërisë. Siç bëri me dije drejtuesja e KLP-së Mirela Bogdani, Keta do të drejtojë institucionin për një mandat pesëvjeçar, pa të drejtë rikandidimi, pas marrjes së 11 votave pro dhe asnjë kundër në mbledhjen e Këshillit të Lartë të Prokurorisë (KLP).
Mbledhja e sotme u zhvillua me diskutime mes anëtarëve të KLP-së mbi mënyrën se si duhej të procedohej. Një pjesë e tyre kërkonte që të lexohej relacioni i plotë i Komisionit të Posaçëm që u ngrit në SPAK për të zgjedhur kreun e ri të BKH-së, ndërsa pjesa tjetër mendote se mjafton leximi vetëm i përmbledhjes.
Por për një gjë nuk pati debate, se kush duhet të drejtojë BKH-në.
Keta shërbente më parë si zëvendësdrejtor i BKH-së dhe mori drejtimin e Byrosë që nga shtatori, pas përfundimit të mandatit të Aida Hajnajt. Ai u përzgjedh si drejtuesi më i përshtatshëm pas një procesi rigoroz vlerësimi të kandidatëve, që përfshinte testime fizike, logjike dhe verifikimin e pasurisë. Në garë për drejtimin e BKH-së ishin gjithsej 7 kandidatë, përfshirë prokurorë dhe zyrtarë të lartë të policisë.
BKH-ja është institucioni që mbështet Prokurorinë e Posaçme (SPAK) në hetimet e veprave penale kundër korrupsionit dhe krimit të organizuar. Oficerët e saj specialë garantojnë zbatimin e ligjit dhe zhvillojnë hetime cilësore për parandalimin, zbulimin dhe goditjen e këtyre veprave.
Joni Keta është ndër oficerët e parë të Byrosë Kombëtare të Hetimit dhe ka pasur një karrierë të gjatë në policinë gjyqësore, duke filluar nga ish-Prokuroria për Krime të Rënda. Në vitin 2024, ai u zgjodh si zëvendësdrejtues i BKH-së dhe njëkohësisht drejtues i komanduar deri në marrjen e detyrës si drejtues i plotë.
Ai është djali i prokurorit Hysen Keta, ish-drejtues i Prokurorisë së Përmetit, dhe i profesoreshës Majlinda Keta, lektore në Departamentin e Filozofisë në Universitetin e Tiranës.
Vendimi i KLP-së u monitorua nga afër edhe nga përfaqësues të Ambasadës Amerikane dhe Bashkimit Europian, duke vënë në dukje rëndësinë e rolit të BKH-së në sistemin e drejtësisë shqiptare.
Ish-deputeti, Lefter Maliqi në një intervistë televizive u shpreh se ka drejtues politik të PD por edhe deputetë të cilët janë të lidhur me segmente të PS.
Maliqi: Vetëm Sali Berisha punoi dhe donte fitoren nga mëngjesi deri në darkë.
Ishin të rrallë ata që ishin në listë të mbyllur që donin fitoren dhe i ndiqnin Sali Berishën.
Unë kam qenë drejtues lokal dhe drejtues politik dhe unë kur jap detyrat për fitore edhe nëpër qëndra votimi apo edhe nëpër fshatra apo lagje qytetesh.
Si ka mundësi lind pyetja, vendos Berisha një drejtues politik me një objektiv të caktuar, prsh në qarkun e Beratit duhej të merrnin tre mandate dhe u morën dy mandate.
Me votat e mia të PL me 5300 vota.
Pra si nuk njihet akti i dorëheqjes tek këta.
Ndërkohë Berisha ngë mëngjesi në darkë punonte, këta bënin shoë dhe bënin takime vetëm me strukturat.
Qarku i Beratit mund të merrte edhe 4 mandate por mandati i tretë ishte për shkak të kësaj përçarjeje.
Po të ishte bashkimi, 3 mandate ishin të sigurtë.
Nga ana tjetër edhe tek vetja duhet të shohim.
Demokratët i dinë të gjitha.
Pra ka drejtues politik, mund të ketë edhe deputetë, të cilët janë të lidhur me segmentë të PS.
Qofshin këta ministra apo kryetar bashkish dhe e josh ai me një tender, e josh me një emërim, e josh me diçka tjetër dhe bëhet puna sabotuese tek demokratët e shkretë.
Të gjithë mësuesit që kanë ambicien për t’u bërë drejtorë në arsimin parauniversitar kanë nisur trajnimin 9-mujor për të marrë certifikatën që u hap rrugën për këtë pozicion. Ndërsa pothuajse të gjithë drejtuesit që janë aktualisht në krye të institucioneve arsimore kanë aplikuar për të kryer programin që ofron Shkolla e Drejtorëve dhe për t’u nënshtruar në fund testimit përfundimtar.
“Shkolla e Drejtorëve ofron katër programe të trajnimit të detyrueshëm përgatitor. Pas trajtimit të teorisë, një element kyç është praktika profesionale. Pas përfundimit me sukses të këtyre elementeve, kandidati prezanton një projekt që është i detyrueshëm dhe i zbatueshëm. Me kalimin me sukses të këtij projekti, kandidatët hyjnë në procesin e testim-certifikimit”, tha drejtuesja e kësaj shkolle, Jola Kepi.
Drejtuesja e shkollës Jola Kepi sqaron për RTSH se nga hapja e shkollës janë regjistruar për të kryer këtë program 4,163 kandidatë, dhe prej tyre 1,586 drejtues shkollash janë certifikuar, duke përfunduar me sukses provën për të qenë në krye të institucioneve edukative.
“Çdo teze kodifikohet, që do të thotë se çdo individ nuk shfaqet me emër, por si një kod. Në fund të testimit kryhet korrigjimi automatik. Askush nuk ka marrë pikët maksimale 120, por kemi nga ata që kanë marrë 110”, tha ajo.
Kandidatët që nuk e kanë kaluar provimin përfundimtar nuk do të lejohen të drejtojnë institucionet arsimore.
“Në rregulloren e Shkollës së Drejtorëve për këto programe lejohet të japin testimin deri në tre herë. Nëse nuk e përfundojnë me sukses, ky kandidat, nëse është drejtues, nuk e mban më atë post, sepse nuk është i certifikuar”, nënvizon Kepi.
Drejtuesit e shkollave në të gjithë vendin do të trajnohen në Shkollën e Drejtorëve, por këtij filtri nuk do t’i shpëtojnë as ata që aspirojnë të jenë drejtues në institucionet parashkollore.
Rreth orës 11:00, në vendin e quajtur “Kryqëzimi i Cakranit”, automjeti me drejtues Ardonelo Yzeiraj 20 vjeç, ka goditur automjetin e FNSH Fier, me drejtues punonjësin e policisë K. H.
Për pasojë është dëmtuar Ardonelo Yzeirajdhe tre punonjës të policisë, të cilët ndodhen në spital, jashtë rrezikut për jetën.
Grupi hetimor po punon për sqarimin e plotë të rrethanave dhe shkakut të aksidentit.
Materialet procedurale iu referuan Prokurorisë së Fierit, për veprime të mëtejshme.
Një aksident dramatik ka ndodhur sot në Pogradec, me pasojë 3 persona të plagosur.
Ngjarja ndodhi rreth orës 14:30, në rrugën e Tushemishtit, kur automjeti me drejtues shtetasin P. H., është përplasur me automjetin me drejtues shtetasin R. P.
Njoftimi i policisë:
“Si pasojë, është dëmtuar shtetasi R. P. dhe 2 pasagjerë që ndodheshin me të në mjet, të cilët janë jashtë rrezikut për jetën”, tha policia vendore.
Shoferi i mjetit tjetër, P. H., është shoqëruar në Komisariat për veprime të mëtejshme.
Nga përplasja e fortë makinat janë bërë copash, duke pësuar dëmtime të rënda, teksa efektivët ndodhen në vendngjarje.
gijotina.com/
Pas takimit që mbajti disa ditë më parë me Ilir Alimehmetin dhe dhe emra që në Primaret e PD-së para zgjedhjeve të 11 majit ishin më të votuarit, ish-deputeti demokrat Ervin Salianji zhvillon sot një tjetër takim me strukturat e Partisë Demokratike në Durrës, një degë që aktualisht funksionon pa kryetar të zgjedhur.
Nga burimet brenda PD, mësohet se takimit të Salianjit, i janë bashkuar strukturat drejtuese të Degës së PD Durrës.
Mes tyre kryetari i grupit te këshilltareve te PD ne bashkinë Durrës dhe ish kryetari i foltores, Tan Burgia, nënkryetarët e Degës Vis Shuaipi, ish deputeti Pellumb Berisha, sekretari i Degës Arlinind Boshku, Sekretari Organizativ Nikolin Radovani, kryetari i fundit i zgjedhur me votë Luan Hoti, drejtues strukturash etj.
Gjithashtu takimi i janë bashkuar deputetet më të votuar te Qarkut Durres Aulon Kalaja, Ndrec Pjetri si edhe ish deputetë dhe drejtues ndër vite, gjithashtu pjesa dërmuese e drejtuesve te grup seksioneve.
1 Dhjetor 2025
20:01
Telesport
Uli Hoeness ka këmbëngulur me një deklaratë të dytë duke theksuar se ka ardhur koha që futbolli gjerman të ndryshojë.
Para pak ditësh, legjenda e Bayern dhe aktualisht njeriu më me impakt te rekordmenët e Bundesligës u shpreh se rregulli “50+1” duhet të ndryshojë, në mënyrë që futbolli gjerman të arrijë nivelet e Premier League.
“Nuk ka më kuptim që të mos lejohen investitorë për të blerë më shumë se 50% të një klubi. Historia moderne po tregon se investimet janë të domosdoshme për të qenë rivalë të denjë në futbollin europian”, u shpreh Hoeness.
Tifozët i dolën kundër menjëherë duke mbajtur qëndrimet e tyre nëpërmjet banderolave në stadium. Hoeness, megjithatë, nuk ndryshon mendim.
“Kam respekt për tifozët. Ata janë arsyeja kryesore pse ekziston ky sport, por… nuk janë ata drejtues. Jam i mendimit që drejtuesit duhet të jenë njerëzit që dinë të marrin vendime financiare dhe jo thjesht tifozë”.
Vihen në pranga 7 drejtues automjetesh për drejtim mjeti në gjendje të dehur dhe një drejtues mjeti për posedim të lëndëve narkotike.
Shërbimet e Policisë Rrugore kanë intensifikuar monitorimet në të gjitha akset rrugore të qarkut Durrës, me qëllim parandalimin e ngjarjeve me pasoja për jetën dhe shëndetin e përdoruesve të rrugës, si dhe ndëshkimin e shkelësve të rregullave të qarkullimit.
Si rezultat i monitorimeve, gjatë 72 orëve të fundit, janë vënë në pranga 7 drejtues automjetesh për drejtim mjeti në gjendje të dehur dhe një drejtues mjeti për posedim të lëndëve narkotike, konkretisht:
U vunë në pranga për drejtim mjeti në gjendje të dehur shtetasit B. M., 29 vjeç; B. Ll., 25 vjeç; I. Gj., 33 vjeç; N. K., 28 vjeç; Y. M., 60 vjeç; Ç. K., 43 vjeç, banues në Durrës; dhe K. S., 46 vjeç, banues në Tiranë.
Gjithashtu, u vu në pranga edhe shtetasi K. A., pasi gjatë kontrollit të automjetit të tij, shërbimet e Policisë Rrugore i gjetën dhe i sekuestruan një sasi kanabisi.
Në vijim të monitorimit dhe kontrolleve, u procedua penalisht për drejtim mjeti pa leje drejtimi edhe një 17-vjeçar.
Policia Rrugore e Durrësit apelon për të gjithë drejtuesit e mjeteve që të respektojnë rregullat e qarkullimit rrugor, të mos drejtojnë automjetet nën efektin e alkoolit apo pa leje drejtimi, dhe të tregojnë kujdes maksimal për jetën dhe sigurinë e çdo përdoruesi të rrugës.