Lajmidites.com

Tag: dëshminë

  • Christopher Hill vijon dëshminë në Hagë për çështjen e ish-krerëve të UÇK-së

    Christopher Hill vijon dëshminë në Hagë për çështjen e ish-krerëve të UÇK-së

    Kosova E Mërkurë, 12 Nëntor 2025 11:03
    Sot, në orën 09:00, diplomati amerikan Christopher Hill, i dërguari i posaçëm i SHBA gjatë luftës në Kosovë, vijon dëshminë e tij në seancën gjyqësore ndaj ish-krerëve të UÇK-së, para Dhomave të Specializuara në Hagë.
    Hill ka nisur dëshminë dy ditë më parë, duke rrëfyer se përfshirja e tij në çështjen e Kosovës erdhi si kërkesë e ish-sekretares amerikane Madeline Albright, në maj të vitit 1998.

    “E kuptova rolin tim si përpjekje për të ofruar mbështetje politike dhe për të ndihmuar në ndalimin e dhunës në rritje. Qëllimi ishte rikthimi i autonomisë së Kosovës dhe krijimi i një forme qeverisjeje vendore,” tha Hill.

    Hill sqaroi edhe takimin mes Ibrahim Rugovës dhe Sllobodan Millosheviçit, duke theksuar se ishte ide e ambasadorit Richard Holbrooke.

    “Takimi ndodhi në Beograd në fund të majit apo fillim të qershorit. Mendoj se e dëmtoi Rugovën, pasi nuk kishte mbështetje të fortë në Kosovë për një takim të tillë,” tha Hill, duke shtuar se Rugova po përjetonte vështirësi në legjitimimin e udhëheqjes së tij”.
    Hill kujtoi edhe takimin e tij të parë me Hashim Thaçin, duke e përshkruar si një figurë më të përshtatshme për ambient akademik sesa për atë ushtarak.
    “Ai fliste butë, në mënyrë të mendueshme. Nuk më la përshtypjen se e udhëhiqte apo kontrollonte UÇK-në,” tha Hill, duke shtuar se gjatë takimit, pjesëtarët e UÇK-së kishin armë në duar, gjë që ai e kundërshtoi”.

  • Procesi gjyqësor në Hagë, sot nis dëshminë diplomati amerikan

    Procesi gjyqësor në Hagë, sot nis dëshminë diplomati amerikan

    Në Dhomat e Specializuara të Kosovës në Hagë, sot rifillojnë seancat e planifikuara për rastin Thaçi dhe të tjerët.
    Anulimi i seancave të mëparshme ishte bërë për shkak të shtyrjes së dëshmisë së diplomatit amerikan, Christopher Hill.
    Sipas kalendarit të gjykatës, Hill do të nisë dëshminë në orën 14:00 dhe do të zgjasë deri në 17:00.
    Seancat pritet të vazhdojnë edhe gjatë tre ditëve të ardhshme.
    Hashim Thaçit, Kadri Veselit, Jakup Krasniqit e Rexhep Selimit ndodhen në paraburgim prej nëntorit të vitit 2020, akuzohen për krime të pretenduara të luftës për çka janë deklaruar të pafajshëm.
    Gjyqi ndaj tyre ka nisur në prill të vitit 2023. Veteranët e Ushtrisë Çlirimtare të Kosovës vazhdojnë të kundërshtojnë Dhomat e Specializuara duke thënë se duhet të gjykohen krimet serbe që kanë ndodhur në Kosovë.
    Ata kanë kërkuar nga deputetët e Kuvendit të Kosovës që të ndryshojnë ligjin për Specialen, por një gjë e tillë nuk është arritur.
    Deputetët e Kuvendit të Kosovës, në gusht të 2015-ës, pas një seance maratonike, votuan ndryshimet kushtetuese përmes së cilave u mundësua themelimi i Gjykatës Speciale.

  • Gjyqi ndaj ish-krerëve të UÇK, Wesley Clark do të dëshmojë në dy seanca në Hagë

    Gjyqi ndaj ish-krerëve të UÇK, Wesley Clark do të dëshmojë në dy seanca në Hagë

    Më 18 dhe 21 nëntor ish-komandanti suprem i Forcave të Natos Ëesley Clark do të dëshmojë në gjyqin për ish-krerët e UÇK-së. 
    Gjykata Speciale në Hagë ka miratuar një kërkesë të Mbrojtjes së ish-presidentit Hashim Thaçi lidhur me dëshminë e Ëesley Clark, ish-komandantit suprem i Forcave Aleate të NATO-s në Europë, i cili pritet të dëshmojë në mbrojtje të ish-krerëve të Ushtrisë Çlirimtare të Kosovës. 
    Për dëshminë e Clark, Specialja njoftoi se do të japë një ditë shtesë, siç u kërkua. 
    “Pasi u informua se kjo dëshmi mund të fillojë vetëm më 18 nëntor pasdite, dhe pas shqyrtimit të kohës së nevojshme të vlerësuar nga palët, Trupi Gjykues miratoi kërkesën e Mbrojtjes për të rezervuar një ditë shtesë për seancë, më 21 nëntor, për të përmbyllur dëshminë”, thuhet në njoftim. 
    Trupi Gjykues konsideroi se “kjo ditë shtesë ishte rezervuar për të përmbyllur në mënyrë të shpejtë dhe të efektshme paraqitjen e argumenteve nga Mbrojtja”, por ka kërkuar që palët “të përpiqen ta përmbyllin dëshminë më herët, nëse është e mundshme”. 
    Pas ish-ndihmës sekretarit të shtetit James Rubin, dëshmia e Ëesley Clark pritet të jetë më e rëndësishmja në mbrojtjen e ish-presidentit të Kosovës Hashim Thaçi dhe të tjerëve. 

  • Vrasja e biznesmenit të tullave ende e mbuluar me mister, në skenë del ‘vlonjati’: Sherr për dritat e makinës apo atentat i organizuar?

    Vrasja e biznesmenit të tullave ende e mbuluar me mister, në skenë del ‘vlonjati’: Sherr për dritat e makinës apo atentat i organizuar?

    Edoardo Sarchi dhe pamje nga vendngjarja

    TIRANE- Një vlonjat mendohet se ka qenë ekzekutori i biznesmenit italian Edoardo Sarchi. Ky të paktën është varianti më i afërt i Policisë së Shtetit dhe Prokurorisë së Gjirokastrës 36 orë pas vrasjes së biznesmenit 44-vjeçar. Burime për ZËRI bëjnë me dije se i dyshuari është identifikuar nga Policia dhe është duke u lokalizuar nga Policia. 
    Më herët, sot, u liruan pas shoqërimit edhe Eqerem Braçi dhe dy djemtë e tij, Gazment dhe Daniel. Në dëshminë e tyre në Polici, ata kanë thënë se janë qëlluar me armë zjarri nga ky person i panjohur, në Dilan, një vend mes fshatrave Nivicë dhe Salari, atje ku u gjet edhe trupi i Sarchit. E njëjta dëshmi është dhënë edhe nga bariu Armir Hitoveizi, i cili është shoqëruar sot për të dhënë dëshminë pasi ka një stan bagëtish 200 metra larg vendit të ngjarjes. 
    Sipas bariut, Sarchi shoqërohej me Braçët në dy makina fuoristrada, Land Rover dhe Volksëagen. Sipas të 4-ëve, Sarchi ishte brenda Landroverit me një nga djemtë e Braçit. 
    Ata kanë thënë se kanë dëgjuar 3 të shtëna dhe kanë ndaluar makinën Land Rover. 15 metra larg mjetit ka dalë një person i panjohur, i cili nuk ka folur asnjë fjalë por ka qëlluar drejt gomave. Plumbi i parë ka bërë që të çahet goma dhe me plumbin e dytë është plagosur nga një plumb rikoshetë italiani, në zonën e femurit te këmba e majtë. 
    Ndërkohë që një tjetër pistë që qarkullon është se autori është bezdisur nga dritat e makinave dhe se fillimisht ka patur një debat e më pas është përdorur arma e zjarrit. Dyshime ka se edhe familja Braçi ishte e pajisur me armë zjarri. 
    Kjo vrasje ka tronditur Italinë dhe vëmendja e të gjitha mediave përtej Adriatikut përfshirë edhe Ambasadën italiane në Shqipëri është për zbardhjen e vrasjes. Megjithë pyetjen e personave të shoqëruar, ka ende pika që nuk i bindin hetuesit të cilët janë rikthyer sot në vendngjarje për të gjetur gëzhoja dhe për të bërë disa matje për të parë nëse përputhen dëshminë me skenën e krimit./ZËRI
     

  • “Thaçi u kërcënua, për të firmosur”/ James Rubin, jep dëshminë e tretë në Hagë: Nuk kam qenë në dijeni

    “Thaçi u kërcënua, për të firmosur”/ James Rubin, jep dëshminë e tretë në Hagë: Nuk kam qenë në dijeni

    Ish-ndihmës sekretari amerikan i Shtetit, James Rubin, vijon dëshminë e tij për të tretën ditë në Gjykatën Speciale në Hagë, i thirrur nga mbrojtja e ish-presidentit të Kosovës, Hashim Thaçi.
    Gjatë seancës, Rubin u pyet nëse kishte dijeni për ndonjë kërcënim të mundshëm të bërë nga Thaçi ndaj dy anëtarëve të delegacionit kosovar në Rambuje, që nuk ishin pjesë e UÇK-së. Ai deklaroi se nuk kishte informacion për ndonjë kërcënim fizik.
    “Nuk kam qenë në dijeni për ndonjë kërcënim fizik nga ana e Thaçit. Por duhet ta dallojmë presionin fizik nga ai moral apo ideologjik,” theksoi Rubin.
    Ai shtoi se, në fakt, ishte vetë Thaçi që ishte vendosur nën presion të madh diplomatik nga Sekretarja amerikane e Shtetit, Madeleine Albright, për të firmosur marrëveshjen e Rambujesë.
    “Sekretarja Albright e ka kërcënuar Thaçin në mënyrë të drejtpërdrejtë, duke i thënë se, nëse nuk nënshkruan dhe i lë njerëzit të pambrojtur nga serbët, pasojat do të jenë të rënda. Kam dëgjuar gjithashtu se edhe Adem Demaçi është përballur me kërcënime të ngjashme,” tha Rubin në dëshminë e tij.

  • James Rubin vijon dëshminë mbrojtëse për ish-eprorët e UÇK: Autori i shkrimit për vrasjen e rivalëve të Thaçit, ka shkruar fjali të rreme

    James Rubin vijon dëshminë mbrojtëse për ish-eprorët e UÇK: Autori i shkrimit për vrasjen e rivalëve të Thaçit, ka shkruar fjali të rreme

    Ish-ndihmësi i sekretarit amerikan të Shtetit, James Rubin, vazhdon dëshminë e mbrojtjes për ish-eprorët e UÇK-së në Hagë.

    James Rubin u pyet për një artikull të gazetës The New York Times, të datës 25 qershor 1999, ku thuhej se komandantët e lartë të UÇK-së kanë kryer vrasje brenda radhëve të tyre.
    Sipas artikullit të lexuar nga prokurori, Hashim Thaçi drejtoi fushatën e vrasjes së disa komandantëve. Akuzat për vrasje ishin bërë nga pjesëtarë të UÇK-së tek diplomatë amerikanë, të cilët gjoja thanë se kishin parë me sytë e tyre vrasjen e rivalëve të Thaçit.
    Rubin tha se nuk i kujtohet ky artikull, por shtoi se ka dyshime për autorin e tij, Chris Hedges.
    “Autori i këtij artikulli, në mënyrë të vazhdueshme, ka shkruar fjali që kanë qenë të rreme”, tha ai.

    Top Channel

  • James Rubin vijon dëshminë në Hagë: I padrejtë trajtimi i Thaçit në paraburgim

    James Rubin vijon dëshminë në Hagë: I padrejtë trajtimi i Thaçit në paraburgim

    Ish-ndihmëssekretari amerikan i Shtetit, James Rubin, ka vijuar dëshminë e tij në Dhomat e Specializuara në Hagë, ku ka shprehur shqetësimin për mënyrën si po trajtohet ish-presidenti i Kosovës, Hashim Thaçi. Rubin është shprehur se nuk e kupton arsyen pse Thaçi vazhdon të mbahet në paraburgim, pavarësisht se është vetëdorëzuar dhe ka bashkëpunuar me drejtësinë.
    “Më habit fakti që janë mbajtur kaq gjatë në paraburgim, kur dihet që janë dorëzuar vullnetarisht. Në rastin e Hashim Thaçit, nuk arrij të kuptoj pse ende mbahet. Sipas meje, kjo është e gabuar dhe nuk përfaqëson drejtësi. Kam takuar ekipin e mbrojtjes në Uashington dhe kam pritur pesë viteqë të nisë ky proces. Kam pyetur juristë dhe ekspertë, të gjithë më kanë thënë se kjo nuk është normale. Është një trajtim i pazakontë për një burrë shteti që ka bashkëpunuar”, ka deklaruar Rubin.

    Gjatë dëshmisë së tij, ai është pyetur nga prokuroria edhe për një artikull të publikuar në New York Times, ku pretendohej se Thaçi, së bashku me Azem Sylën dhe Xhavit Halitin, kanë dhënë urdhër për vrasjen e disa politikanëve. Rubin u përgjigj se nuk ka asnjë informacion që mbështet këto pretendime.
    “Nuk kemi asnjë të dhënë që tregon se ka pasur veprime të tilla, as për vrasje, as për urdhra ekzekutimi të dhëna nga lidershipi. Është shumë e vështirë të komentosh mbi pretendime të cilat nuk mbështeten nga prova konkrete,” theksoi ai. Rubin e mbylli deklaratën e tij duke nënvizuar se mungesa e transparencës dhe vonesat në proces janë shqetësuese, veçanërisht kur bëhet fjalë për një lider që është dorëzuar me vullnet të lirë.

  • U p*rdhu**a nga i riu shqiptar në plazh/ 18-vjeçarja italiane jep dëshminë: M’u afrua, më sulmoi dhe…! Ja çfarë thotë i arrestuari

    U p*rdhu**a nga i riu shqiptar në plazh/ 18-vjeçarja italiane jep dëshminë: M’u afrua, më sulmoi dhe…! Ja çfarë thotë i arrestuari

    Autoritetet e Durrësit po hetojnë një ngjarje të rëndë që ndodhi në orët e para të mëngjesit të 5 shtatorit, pas kallëzimit të bërë nga një vajzë 18-vjeçare me shtetësi italiane.

    Sipas denoncimit, vajza është përdhunuar nga një 26-vjeçar shqiptar në një zonë plazhi përballë një hoteli në lagjen nr. 13 të qytetit.

    Në dëshminë e saj, të dhënë pranë policisë dhe në prani të një psikologeje, vajza ka treguar se gjatë natës kishte qenë me shoqërinë dhe kishin konsumuar alkool.

    “Për një çast unë u largova prej grupit dhe u ula në një shezlong që ndodhej disa metra larg hotelit. Rreth orës 05:30 më është afruar një person i cili më ka sulmuar dhe, pavarësisht rezistencës sime, më ka përdhunuar. Pas kësaj ai u largua dhe unë erdha te policia për të bërë kallëzim”, ka deklaruar ajo.

    Mjekësia ligjore ka dokumentuar shenja të dukshme lëndimesh tek vajza.

    Policia arrestoi në flagrancë 26-vjeçarin Leonardo Preza, i cili ka precedent penalë për armëmbajtje pa leje dhe vjedhje.

    Në dëshminë e tij në komisariat, Preza ka pohuar se marrëdhënia me vajzën ka qenë konsensuale.

    Njoftimi i Policisë:

    Kreu marrëdhënie seksuale me dhunë me një 18-vjeçare italiane, pas disa orësh pune intensive e profesionale, policia identifikon, kap dhe vë në pranga autorin. 26-vjeçari i dënuar më parë, me precedentë të theksuar kriminal në fushën e armëmbajtjes pa leje dhe të vjedhjes. Strukturat e hetimit të Krimit në Drejtorinë Vendore të Policisë Durrës, pas njoftimit të marrë se një shtetas kishte kryer marrëdhënie seksuale me dhunë dhe duke i shkaktuar dëmtime fizike një 18-vjeçareje italiane, menjëherë organizuan punën për identifikimin dhe kapjen e autorit.

    Pas disa orësh hetimesh dhe veprimesh profesionale, u bë e mundur identifikimi i autorit, lokalizimi, kapja dhe arrestimi i tij në flagrancë, konkretisht shtetasi L. P., 26 vjeç, banues në lagjen nr. 13, Durrës, i dënuar më parë. Arrestimi i shtetasit L. P. u krye pasi, rreth orës 05:25 të mëngjesit të datës 05.09.2025, në shezlongët përballë një hoteli në lagjen 13, ky shtetas ka kryer marrëdhënie seksuale me dhunë me një 18-vjeçare shtetase italiane. Materialet hetimore do t’i kalohen Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Marrëdhënie seksuale ose homoseksuale me dhunë me të mitur të moshës 14–18 vjeç”.

  • 18-vjeçarja italiane u përdhunua nga i riu shqiptar në plazh/ Vajza jep dëshminë e saj: M’u afrua dhe më…

    18-vjeçarja italiane u përdhunua nga i riu shqiptar në plazh/ Vajza jep dëshminë e saj: M’u afrua dhe më…

    Një ngjarje e rëndë është duke u hetuar nga autoritetet në Durrës, pas kallëzimit të bërë nga një vajzë 18-vjeçare me shtetësi italiane, e cila ka deklaruar se është përdhunuar nga një 26-vjeçar shqiptar në orët e para të mëngjesit të 5 shtatorit, në një zonë plazhi përballë një hoteli në lagjen nr. 13 të qytetit.
    Në dëshminë e saj, e dhënë në prani të një psikologeje dhe oficerëve të policisë, vajza ka rrëfyer:
    “Gjatë natës kemi qenë me shoqërinë dhe kemi konsumuar edhe alkool. Për një çast unë jam larguar prej grupit dhe jam ulur në një shezlong që gjendej disa metra larg hotelit. Kjo ka ndodhur rreth orës 05:30 afërsisht të mëngjesit të 5 shtatorit. Gjatë kësaj kohe më është afruar një person i cili më ka sulmuar dhe me gjithë tentativat e mia për t’u mbrojtur, më ka përdhunuar pas rezistencës time. Më pas ai është larguar. Unë erdha te juve për të bërë kallëzim lidhur me këtë ngjarje”, ka deklaruar 18-vjeçarja italiane.
    Raportohet se vajza ka shfaqur edhe shenja të dukshme lëndimesh, të cilat janë dokumentuar nga mjekësia ligjore.
    Nga ana tjetër, Leonardo Preza, 26 vjeç, person me precedent penalë për vepra të mëparshme si armëmbajtje pa leje dhe vjedhje, u arrestua në flagrancë pas identifikimit nga policia.
    Në dëshminë e tij të dhënë në komisariat, Preza ka pohuar se ka kryer marrëdhënie me vajzën, por sipas tij gjithçka ka qenë konsensuale.

  • Dëshmia e fortë në Kongresin amerikan: Alex Soros është më i fuqishëm se çdo zyrtar i zgjedhur i qeverisë

    Dëshmia e fortë në Kongresin amerikan: Alex Soros është më i fuqishëm se çdo zyrtar i zgjedhur i qeverisë

    Në dëshminë e tij përpara Nënkomisionit të Mbikëqyrjes në Komitetin për Drejtësi të Dhomës së Përfaqësuesve, gazetari investigativ Tyler O’Neil, autor i librit “The Woketopus”, denoncon mënyrën se si taksat e qytetarëve amerikanë përdoren për të financuar një rrjet të gjerë organizatash jofitimprurëse të lidhura me ideologjinë e majtë.

    Ai thekson se këto organizata nuk janë thjesht të pavarura, por në shumë raste bashkëpunojnë dhe ndikojnë drejtpërdrejt në politikat federale, shpesh përmes qeveritarëve të lidhur më parë me to.

    Në dëshminë e tij ai theksoi sidomos ndikimin e Fondacionit për Shoqërinë e Hapur të Sorosit.

    Ndërkohë kongresmeni demokrat, Jamie Raskin tha se Soros nuk ka ndonjë pushtet.

    Por gazetari iu përgjigj duke cituar atë që vetë Alex Soros ka deklaruar.

    “Alex Soros është pyetur nëse do kandidonte për ndonjë post, ai ka thënë jo, sepse beson se si kreu i Fondacionit për Shoqëri të Hapur ka më shumë pushtet se ç’do të kishte nëse do kishte çdo post në vend”, tha O’Neil.

    Kurse kryetari republikan i komisionit, Jim Jordan tha se bazuar në ato që u përshkruan në dëshmitë në seancë, Soros ka një ndikim të fortë.

    “Ajo që po themi është se ndoshta nuk duhet të dërgojmë paratë e taksapaguesve amerikanë që minojnë vetë taksapaguesit amerikanë. Uau. Dhe disa thonë se nuk duhet ta bënim këtë seancë”, ironizoi Jordan.

    When I noted that Alex Soros said he’s more powerful at the head of the Open Society Foundations than he would be in government, Jamie Raskin felt compelled to speak up…By the way, here’s the receipt from @theblaze ⬇️https://t.co/VERQFdkU12 pic.twitter.com/LfAgxZyIhk— Tyler O’Neil (@Tyler2ONeil) July 16, 2025