Lajmidites.com

Tag: dëshiron

  • Trabzonspor ” dashurohet” me Muçin, klubi turk dëshiron të blejë kartonin nga Besiktas

    Trabzonspor ” dashurohet” me Muçin, klubi turk dëshiron të blejë kartonin nga Besiktas

    Ernest Muçi mbetet një çështje te Trabzonspori. Mesfushori i Kombëtares shqiptare ka bindur trajnerin Fatih Teke, që të kërkojë blerjen e kartonit të tij te drejtuesit. Vetë klubi raportohet së fundmi në Turqi, ka shtyrë vendimin deri në përfundimin e sezonit.
    Te Trabzonspori nuk do të nxitohen për të paguar 8.5 milionë euro, pasi shpenzuan 1 milion euro për huazimin. Kështu do të monitorohet forma e 24-vjeçarit, që me pesë golat në tri ndeshjet e fundit po shkëlqen te klubi turk.

    Në të njëjtën kohë tregohet se Muçi i është shprehur njerëzve të afërt, që është shumë i lumtur te Trabzonspori dhe dëshiron ta vazhdojë karrierën e tij. Marrëdhënia dhe besimi që Fatih Teke po tregon tek ai, solli rilindjen e Muçit, që nuk është se po gjente shumë hapësira tek skaudra e Besiktas sezonin e kaluar.
    Superliga e Turqisë kryesohet nga Gallatasaraj, që numëron 2 pikë më tepër se ekipi i Trabzonit. Sfida e radhës për Muçin me shokë do të jetë ndaj Beshiktashit, pikërisht klubi që zotëron kartonin e tij.

  • E BUJSHME nga Argjentina: Dybala dëshiron t’i bashkohet këtij klubi që në janar

    E BUJSHME nga Argjentina: Dybala dëshiron t’i bashkohet këtij klubi që në janar

    8 Dhjetor 2025

    13:39

    Alfred Lleshi

    Nga Argjentina vjen një zë i fortë merkatoje për të ardhmen e Paulo Dybala, kontrata e të cilit skadon me Romën më 30 qershor. Sipas burimeve amerikano-jugore, rrethi i sulmuesit argjentinas po punon për zgjidhjen e parakohshme të kontratës që në janar, me synimin që Dybala të transferohet te Boca Juniors, ku luan miku i tij Leandro Paredes, i cili prej kohësh po e shtyn të rikthehet në Argjentinë.
    “E di që Paulo dëshiron të vijë te Boca. E ka zemrën te Boca Juniors”, – kishte thënë disa javë më parë Daniel Paredes, babai i Leandros, duke zbuluar se kishte dëgjuar një bisedë mes dy lojtarëve ku Dybala shprehej i gatshëm të vinte.
    Mes Romës dhe Dybala nuk ka ende bisedime për rinovim, siç e ka konfirmuar drejtori sportiv Frederic Massara. Për klubin verdhekuq peshojnë dëmtimet e shpeshta të lojtarit dhe paga prej rreth 8 milionë euro në sezon. Për të qëndruar në Romë, Dybala do të duhej të pranonte ulje rroge. Ndërkohë, Boca po pret.

  • Besnikëria e Raphinha përballë marrëveshjes verbale për ta lënë Barcelonën

    Besnikëria e Raphinha përballë marrëveshjes verbale për ta lënë Barcelonën

    Raphinha dëshiron të qëndrojë te Barcelona. Sulmuesi brazilian ka pohuar publikisht dhe privat se synimi i tij, sipas “SPORT”, është të vijojë me klubin blaugrana, pasi përkushtimi i tij shkon përtej kontratës. Pas golit kundër Atlético Madridit, ai tregoi dashurinë për klubin (duke treguar stemën), por megjithatë vazhdon të jetë objekt dëshire në Lindjen e Mesme, një gjë që as ai dhe as Barcelona nuk mund ta kontrollojnë.
    Sipas “Catalunya Ràdio”, Arabia Saudite e ka tërheqjen financiare, çka nuk është e re. Edhe pse rinovoi deri më 2028, Raphinha pati një marrëveshje verbale me Deco, drejtorin sportiv, që mund t’ia lehtësojë largimin nëse pranon ofertat saudite pas Botërorit 2026 me Brazilin. Situata i ngjan asaj të Iñigo Martínez, i cili dëshironte të qëndronte, por oferta e Al Nassr e shtyu drejt Arabisë Saudite.
    Për Raphinha nuk bëhet fjalë për një ofertë të vetme. Ka më shumë se një dhe shumë të majme. Megjithatë, Raphinha duket i qetë dhe i angazhuar te Barcelona. Ai nuk punon me agjent, por ka bërë të qartë se nuk dëshiron të negociohet largimi i tij. Përfundimi do të vendoset nga vetë Raphinha pas Botërorit 2026, megjithëse aktualisht nuk ka diskutime për largim.

  • Beteja për titullin, Alonso “hap krahun”: Askush nuk dëshiron të hyjë në mes dhe të përfundojë nën akuzë

    Beteja për titullin, Alonso “hap krahun”: Askush nuk dëshiron të hyjë në mes dhe të përfundojë nën akuzë

    Formula 1 ka mbërritur në Abu Dhabi, ku të dielën do të vendoset titulli i edicionit të 76-të. Lando Norris, Max Verstappen dhe Oscar Piastri do të garojnë për titullin, pasi kanë filluar të luajnë lojëra mendore në konferencën për shtyp dhe do të garojnë me njërën dorë në timon dhe tjetrën në kalkulator.
    Në pistë do të jenë edhe 17 pilotë të tjerë, të cilët duan të bëjnë garën e tyre, por nuk do të marrin rreziqe kundër atyre që luftojnë për titullin. Ky është mendimi i Fernando Alonso, i cili pranon se nuk do të përfshihej në një betejë të çmendur kundër atyre që garojnë për titullin.
    “Personalisht nuk do të ndërhyja. Nuk do ta bëja sepse, në fund të fundit, ne po luftojmë për qëllimet tona. Ndonjëherë lufton për vendin e 7-të ose të 10-të. Gara jote nuk është kundër dikujt që ka fituar dhe nuk mund të humbasësh shumë kohë“, tha dy herë kampioni i botës.
    “Nuk mendoj se është kështu për ne sepse nuk jemi aq afër tyre, por për ekipe si Mercedes ose Ferrari, mund të jetë një faktor. Megjithatë, nuk mendoj se dikush dëshiron të jetë pranë atyre tre makinave. Askush nuk dëshiron të përfundojë në gazeta i akuzuar“, tha Alonso.

  • Putin paralajmëron Europën: Nëse duan të fillojnë një luftë, do të mbarojë shpejtë për ta

    Putin paralajmëron Europën: Nëse duan të fillojnë një luftë, do të mbarojë shpejtë për ta

    Presidenti rus Vladimir Putin ka paralajmëruar fuqitë evropiane se nëse ato do të fillonin një luftë me Rusinë, atëherë Moska ishte gati të përballej dhe ti mundte ato në një kohë të shkurtër pavarësisht se nuk e dëshiron një gjë të tillë.
    “Nëse Evropa papritmas dëshiron të fillojë një luftë me ne dhe e fillon atë, atëherë kjo do të mbaronte aq shpejt për Evropën sa Rusia nuk do të ketë më askënd me të cilin të negocionte. Lufta në Ukrainë nuk është një luftë e plotë, në po veprojmë në mënyrë kirurgjikale, por kjo nuk do të ndodhë me fuqitë europiane”, tha Putin. 
    Putin gjithashtu i akuzoi europianët se po sabotojnë përpjekjet e presidentit amerikan drejt paqes.

    “Ata kanë paraqitur propozime që ata e dinë se janë absolutisht të papranueshme për Moskën. Kanë përjashtuar veten nga bisedimet e paqes për Ukrainën duke prerë kontaktet me ne. Ata janë në anën e luftës”.
    Deklaratat, shefi i Kremlinit i bëri teksa në Moskë ndodheshin diplomatët më të lartë amerikanë me në krye Steve Wtkoff dhe dhëndrin e Trump, Jared Kushner, në kuadër të negociatave për të përfunduar luftën e Ukrainës.
    Pas më shumë se 5 orësh bisedime që zgjatën deri pas mesnate, palët nuk arritën një kompromis mbi një marrëveshje të mundshme paqeje për t’i dhënë fund luftës.
    Megjithëse nuk bëri të ditura detaje, ndihmësi i Putin tha se ka ende shumë punë për tu bërë.
    Ndërkohë, nga Brukseli, shefi i NATO-s Mark Rutte nuk komentoi për kërcënimin e Putinit, por theksoi se shefi i Kremlinit nuk do paqe në Ukrainë.
    Nga ana tjetër, Bashkimi Evropian ka rënë dakord në orët e para të mëngjesit të kësaj të mërkure të ndërpresë gradualisht importet e gazit rus deri në fund të vitit 2027, si pjesë e një përpjekjeje për t’i dhënë fund varësisë dhjetëvjeçare të bllokut nga energjia ruse./vizionplus.tv

  • Macron: Rusia nuk dëshiron paqe, Europa mbështet Ukrainën

    Macron: Rusia nuk dëshiron paqe, Europa mbështet Ukrainën

    Bota E Hënë, 17 Nëntor 2025 14:21
    Pas marrëveshjes për blerjen e avionëve luftarakë Rafale, presidenti francez Emmanuel Macron dhe homologu i tij ukrainas Volodymyr Zelensky zhvilluan një konferencë për shtyp, ku Macron theksoi se Evropa do të vazhdojë mbështetjen për Ukrainën, përballë agresionit rus.
    “Sulmet e vazhdueshme të Rusisë tregojnë se ajo nuk dëshiron paqe. Ne mbetemi të vendosur dhe të bashkuar për sigurinë e Ukrainës dhe të gjithë Evropës”, tha Macron.

    Ai shtoi se marrëveshjet e nënshkruara do të forcojnë ushtrinë ukrainase dhe do të sigurojnë pavarësinë financiare të vendit për vitet në vijim, duke dërguar një mesazh të qartë Vladimir Putinit se Evropa nuk do të lodhet nga lufta.

    Macron gjithashtu përmendi rëndësinë e reformave, luftës kundër korrupsionit dhe sundimit të ligjit si pjesë e përpjekjeve të Ukrainës për integrim në BE.

  • Ibra dëshiron Levandovskin te Milan, Tare ende pa përgjigje

    Ibra dëshiron Levandovskin te Milan, Tare ende pa përgjigje

    Një nga emrat që mund të ndezë tregun e transferimeve është sulmuesi i Barcelonës Robert Levandovski. Për polakun kontrata me Blaugranët skadon në qershor mirpo lajmet e lidhin që tani me Milan në Serie A. Kuqezinjtë po punojnë për të, pjesërisht me sugjerimin e Zlatan Ibrahimoviç, i cili po shtyn përpara për ardhjen e sulmuesit polak.

    Sipas Sky Sport CH, ka pasur kontakte midis rrethit të lojtarit dhe menaxhmentit të kuqezinjëve. Një faktor që luan në favor të AC Milan është agjenti i lojtarit, Pini Zahavi, i cili gjithashtu merret me interesat e Kristopher Nkunku.

    Plani i AC Milan është t’i ofrojë Robert Levandovskit një kontratë dyvjeçare, deri në qershor 2028, për të demonstruar besimin e tyre tek ai.

    Vazhdo leximin

  • Ligjvënësi francez dëshiron të ndalojë alkoolin në lokalin e parlamentit

    Ligjvënës francezë me një natyrë nervoze, shikojnë më tej tashmë… një anëtar i parlamentit dëshiron të ndalojë shitjen e alkoolit në lokalin e Asamblesë Kombëtare!

    Sipas një raporti të parë nga Paris Playbook i POLITICO-s , Emmanuel Duplessy, i partisë së majtë Génération.s, dëshiron jo vetëm ta ndalojë barin të shesë alkool, por edhe t’u ndalojë deputetëve alkoolin, si pjesë të shpenzimeve të tyre për ushqim dhe pije.

    Shitja e alkoolit “në një vend pune ngre shumë pyetje midis francezëve”, tha Duplessy.

    Duplessy nuk është deputeti i parë që përpiqet ta qetësojë politikën franceze. Në maj, udhëheqësja e Partisë së Gjelbër, Cyrielle Chatelain, sugjeroi ndalimin e alkoolit në parlament në mbrëmje.

    Arthur Delaporte, një deputet socialist i cili kryeson shoqatën që menaxhon restorantet e Asamblesë Kombëtare, tha se çmimet në bar ishin rritur, por nëse alkooli përjashtohet nga kërkesat e shpenzimeve për ligjvënësit, atëherë i njëjti rregull duhet të zbatohet për “të gjitha kompanitë që të jetë i pranueshëm”. Kjo, shtoi ai, do të “shkaktonte trazira midis avokatëve”.

    Shitjet e alkoolit në barin e dhomës së ulët të parlamentit gjeneruan rreth 100,000 euro të ardhura vitin e kaluar (megjithëse pati një pauzë prej rreth tre muajsh në punën legjislative pas shpërbërjes së parlamentit).

    Ligjvënësit francezë mund të duan t’u kërkojnë kolegëve të tyre belgë këshilla në lidhje me debatet joalkoolike. Birra dhe vera janë ndaluar në kafenenë e parlamentit federal belg që nga maji./ Politico.

  • Dëshiron të punojë me një trajner ekspert. Vinicius Junior i “shkel syrin” gjigantit tjetër të Europës

    Dëshiron të punojë me një trajner ekspert. Vinicius Junior i “shkel syrin” gjigantit tjetër të Europës

    29 Tetor 2025

    18:14

    Telesport

    Edhe pse Vinicius Junior kërkoi falje publike për gjestin që bëri në momentin e zëvendësimit nga trajneri Xabi Alonso në “El Clasico”, sërish situata mes tij dhe klubit është e nderë.
    Prej kohësh po përflitet për një rinovim, por gjë që nuk ka ndodhur deri tani. Sikur të mos mjaftojnë kushtet e Vinicius Junior për rrogën dhe privilegjet e tjera që kërkon, sjellja e tij në fushë mund të jetë një shtysë shumë e madhe për të ndarë rrugët përfundimisht.
    “SPORT” ka zbuluar gjatë ditës së sotme se Vinicius Junior i pëlqen shumë të punojë me një trajner si Luis Enrique dhe është i gatshëm për një transferim të mundshëm te PSG. Pavarësisht ofertave të jashtëzakonshme nga ana ekonomike, klubi parizien është destinacioni i preferuar për sulmuesin brazilian.

  • Shpërthen Bruno Fernandes: Mjaft me thashetheme, ja kur do të vendos për të ardhmen time

    Shpërthen Bruno Fernandes: Mjaft me thashetheme, ja kur do të vendos për të ardhmen time

    27 Tetor 2025

    11:32

    Telesport

    Bruno Fernandes nuk dëshiron të bëjë asnjë angazhim në lidhje me të ardhmen e tij, por nuk do të marrë një vendim deri verën e ardhshme. Portugezi ka njoftuar qëllimin e tij për të qëndruar te Manchester United deri atëherë, siç raportohet nga BBC.
    “Siç e kam thënë gjithmonë, ndihem mirë këtu. Dua ende të arrij ëndrrat e mia. Nuk mund të flas në emër të klubit. Kam dëgjuar shumë njerëz të thonë se kisha një marrëveshje për t’u larguar sezonin e ardhshëm”, tha Fernandes.
    Më tej, kapiteni i “djajve të kuq” komentoi: “Nëse klubi ka arritur atë marrëveshje, nuk është bërë ende me mua. Nuk kam folur me askënd“.
    “Edhe agjenti im e di se si punoj. Nëse ai dëshiron të flasë me mua, do të jetë pas Kupës së Botës. Deri atëherë, nuk do të flas me askënd për të ardhmen time”, deklaroi Bruno Fernandez, që mban shiritin e kapitenit.