Lajmidites.com

Tag: deputetit

  • FNSH aksion në banesat e fisit Rraja, pranga djalit të ish-deputetit të PS

    FNSH aksion në banesat e fisit Rraja, pranga djalit të ish-deputetit të PS

    Forca e Ndërhyrjes së Shpejtë ka zhvilluar kontrolle në zonën e Krujës dhe Niklës në orët e para të mëngjesit të së mërkurës. Sipas informacioneve paraprake janë ushtruar kontrolle në disa banesa të fisit Rraja.
    Mësohet se janë ndaluar disa persona. Kontrollet janë kryer për shkak të hetimeve për trafik droge. Mes personave të akuzuar është edhe Rexhep Rraja, djali i ish-deputetit të PS, Rrahaman Rraja.
    Masat e ndalimit janë dhënë për shtetasit:
    1-Marvin  Bushati
    2-Agim Nina alias Lorenc Izet Selmani
    3-Sokol  Qaja
    4-Gazmir Rraja
    5-Perparim Rraja
    6-Rexhep Rraja
    Këta shtetas akuzohen për veprat penale “trafikimi i lëndëve narkotike” e kryer në bashkëpunim në formën e veçantë të bashkëpunimt, atë të grupit të strukturuar kriminal.

  • EMRAT – Policia godet grupin “Rraja”, në pranga edhe djali i ish- deputetit socialist…

    EMRAT – Policia godet grupin “Rraja”, në pranga edhe djali i ish- deputetit socialist…

    Burime nga vendngjarja, bëjnë me dije se policia ka goditur një nga grupet e dyshuara kriminale të njohura si grupi “Rraja”, duke finalizuar një operacion të gjerë policor që ka çuar në pranga disa persona.
    Mes të arrestuarve është edhe Rexhep Rraja, djali i ish-deputetit socialist Rrahman Rraja. Sipas burimeve, gjatë aksionit u bë i mundur ndalimi, shoqërimi dhe arrestimi i shtetasve:
    1.Marvin Bushati2.Agim Nina (alias Lorenc Izet Selmani)3.Sokol Qaja4.Gazmir Rraja5.Përparim Rraja6.Rexhep Rraja
    Operacioni vijon ende, me kontrolle në bazat, banesat dhe ambientet e lidhura me personat e arrestuar, për të dokumentuar plotësisht aktivitetin e dyshuar kriminal dhe personave të lidhur me to.
    Të arrestuarit akuzohen për “Trafikim të lëndëve narkotike, kryer në bashkëpunim” dhe “Pjesëmarrje në grup të strukturuar kriminal”, vepra këto të të parashikuara nga nenet 283/a/1, 28 pika 4, 333/a dhe 334/1 të Kodit Penal.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

    Post navigation

  • Nga djegia me cigare e Xhisiela Malokut, te droga, kush është Rexhep Rraja, djali problematik i ish-deputetit socialist

    Nga djegia me cigare e Xhisiela Malokut, te droga, kush është Rexhep Rraja, djali problematik i ish-deputetit socialist

    arrestimi i rexhep rrajes ne 2018

    TIRANË- Rexhep Rraja, djali i ish-deputetit socialist Rrahman Rraja, është vënë në pranga në orët e para të mëngjesit të sotëm me urdhër të Prokurorisë së Posaçme, pasi dyshohet si anëtar i një grupi kriminal që operonte në fushën e lëndëve narkotike.
    Rraja ka rënë në pranga së bashku me 5 persona të tjerë, disa prej tyre të afërm të tij, ndërsa kjo nuk është hera e parë që djali i ish-deputetit socialist përfshihet në ngjarje kriminale. Ai është i njohur për historinë me të dashurën e tij Xhisiela Maloku, të cilën e ka dhunuar dhe djegur me cigare, ngjarje e ndodhur kjo në vitin 2018.

    Rraja u arrestua në Shtator të atij viti, me akuzën e dhunës dhe përndjekjes, dy ditë pasi në trupin e të resë ishin konstatuar shenja dhune dhe djegie. Një tjetër ngjarje ku u përfshi Rexhep Rraja, ishte dhe dhunimi masiv që ndodhi në zonën e Borizanës, ku ai së bashku me anëtarë të tjerë të fisit, rrahën me shkopa bejsbolli në ambientet e një lokali kushërinjtë Bilbil dhe Jashar Maja.

    Ndaj Rexhep Rrajës asokohe u lëshua masa e sigurisë e arrestit me burg në mungesë. Ngjarja e rëndë ku u përfshinë dhevëllezërit e ish-deputetit, detyroi asokohe Rrahman Rrajën që të hiqte dorë nga mandati i deputetit, ndërsa i gjithë zinxhirin drejtues i Policisë së Krujës u shkarkua.
    Dhuna e ushtruar nga anëtarët e fisit Rraja u dënua asokohe dhe nga ministri i brendshëm Bledi Çuçi, i cili e cilësoi ngjarjen të papranueshme, ndërsa Rraja u detyrua të kërkonte ndjesë në emër të familjarëve të tij, një pjesë e të cilëve i shpëtuan policisë, e më pas morën masa të zbutura edhe nga Prokuroria.
    Por megjithë implikimet e shumta, të vëllezërve dhe nipërve Rraja, ata kanë mundur që të ngrejnë një ‘perandori’ edhe në fushën e trafikut të drogës, derisa tashmë një pjesë e tyre kanë rënë në rrjetën e Prokurorisë së Posaçme./ZËRI 

  • Goditet grupi kriminal ‘Rraja’, mes të arrestuarve edhe djali i ish-deputetit të PS (Emrat)

    Goditet grupi kriminal ‘Rraja’, mes të arrestuarve edhe djali i ish-deputetit të PS (Emrat)

    Gjatë natës, policia ka zhvilluar një operacion të madh duke goditur grupin kriminal të njohur si “Rraja” dhe ka arrestuar 6 persona të dyshuar si pjesë e aktivitetit të tij. Mes të arrestuarve, sipas burimeve, mësohet se është edhe Rexhep Rraja, djali i ish-deputetit socialist Rrahman Rraja.
    Të arrestuarit e tjerë janë Marvin Bushati lindur në Shkodër banues Tiranë, Agim Nina alias Lorenc Izet Selmani, lindur dhe banues në Durrës, Sokol Qaja lindur dhe banues në Tiranë, Gazmir Rraja lindur dhe banues në Nikël Fushë Krujë, Përparim Rraja lindur dhe banues në Fushë Krujë, Nikël.
    Këto shtetas akuzohen për veprat penale trafikimi i lëndëve narkotike e kryer në bashkëpunim në formën e veçantë të bashkëpunimit atë të grupit të strukturuar kriminal parashikuar nga nenet 283/a/1 dhe 28 pika 4 te 333/a si edhe neni 334/1 K Penal.
    Edhe pse detajet e plota të operacionit nuk janë bërë ende publike, pritet që policia të japë më shumë informacion në vijim për masat dhe provat e grumbulluara.
    Kujtojmë se më herët Rexhep Rraja akuzohej për përfshirje në një ngjarje të rëndë të ndodhur në Krujë, ku dy persona nga fisi Maja u dhunuan barbarisht në një lokal, konflikt që më pas degjeneroi në përdorimin e shkopinjve të bejsbollit dhe goditje të shumta.
    Emri i tij është përmendur gjithashtu edhe në një tjetër çështje të bujshme, atë të Xhisiela Malokut, ku ai akuzohej për ushtrim dhune ndaj të resë. Rasti bëri jehonë të madhe publike pas dëshmisë së ish-oficerit të policisë Emiljano Nuhu, i cili deklaroi se vajza ishte dhunuar dhe se, sipas tij, kishte patur neglizhencë nga strukturat e policisë në trajtimin e çështjes. Nuhu ka pohuar gjithashtu se, pas denoncimit, ishte kërcënuar me armë nga Xhelal Rraja, vëllai i deputetit, për të mbyllur dosjen.
    Emrat e personave të arrestuar:
    1-Marvin Bushati dt 26/04/1982 Lindur ne shkoder banues Tirane
    2-Agim Nina alias Lorenc Selmani i dt 05/08/1974 lindur dhe banues ne durres
    3-Sokol Qaja dt 22/02/1984 lindur dhe banues Tirane
    4-Gazmir Rraja dt 02/02/1990 lindur dhe banues ne nikel Fushkruj
    5-Perparim Rraja id 02/07/1975 lindur dhe banues Fushkruj Nikel
    6-Rexhep Rraja i dtl 19/04/1994 lindur dhe banues ne Fushkruje Nikel
    Keto shtetas akuzohen per veprat penale trafikimi i lendeve narkotike e kryer ne bashkepunim ne formen e vecante te bashkpunimt ate te grupit te strukturuar kriminal parashikuar nga nent 283/a/1 dhe 28 pika 4 te 333/a si edhe neni 334/1 K Penal
     

  • Nxehen gjakrat, Sali Berisha kërcënon Ervin Salianjin dhe paralajmëron PD të sabotojë lëvizjet fraksioniste të ish-…

    Nxehen gjakrat, Sali Berisha kërcënon Ervin Salianjin dhe paralajmëron PD të sabotojë lëvizjet fraksioniste të ish-…

    Kreu i Partisë Demokratike, Sali Berisha, duket se është alarmuar nga lëvizjet e ish-deputetit Ervin Salianji, i cili ka nisur një tur takimesh me demokratët e bazës. Pasi e sulmoi dhe kërcënoi publikisht javën që shkoi nga oborri i Kuvendit, Foltorja e Mirditës dhe disa konferenca për shtyp këtë fundjavë, burime nga selia blu tregojnë se kryedemokrati Berisha ka humbur durimin ndaj lëvizjeve të Ervin Salianji, teksa ka urdhëruar strukturat e partisë të sabotojnë çdo takim ose iniciativë të ish-deputetit demokrat. Për më tepër, mësohet është aktivizuar edhe një “tabor mercenarësh” mediatik, të gatshëm të denigrojnë çdo veprim të ish-deputetit në mediat e kontrolluara nga z. Berisha dhe në rrjetet sociale. Deputeti demokrat, Luan Baçi komentoi takimet e Salianjit, duke i cilësuar “jashtë strukturave të partisë”. “Demokratët janë të etur dhe duan që ne të zbresim në bazë, të fillojmë me takime.
    Takimet janë dashur gjithmonë të bëhen, por Partia Demokratike është një parti e organizuar me një statut, ku vepron me Kryesi, me Këshill Kombëtar, me udhëzime të dala nga Partia Demokratike dhe nuk mund të dal unë tani nëse më teket, me të njohurit e mi që i kam të shumtë në Vlorë, dhe të bëj një takim në Vlorë në emër të PD-së. Patjetër që është takim jashtë strukturave të Partisë Demokratike”, deklaroi dje Baçi në një media. Ndërsa kreu i grupit parlamentar të PD-së, Gazment Bardhi, u shpreh se mbështet qëndrimin e Berishës dhe e konsideroi çdo takim jashtë forumeve të partisë si privat. “Nuk ka lidhje intervista ime me ato që bën Salianji. Mbështes qëndrimin zyrtar të PD-së dhe të kryetarit Berisha, që ka thënë se: (çdo mbledhje jashtë forumeve është private)”, deklaroi Bardhi gjatë një interviste për mediat, ndërsa Salianji zhvillonte takime me strukturat lokale në Durrës.
    Ndërkohë ish-deputeti i Partisë Demorkatike, Edmond Spaho, kritikoi hapur Salianjin, duke e cilësuar si simbol të problemeve të brendshme të partisë. Ai theksoi se shumë demokratë janë ndjerë të lehtësuar që u bë e qartë se Salianji kishte vepruar me hile ndaj Berishës dhe PD-së, por shtoi se problemi kryesor qëndron tek mungesa e moralit brenda partisë dhe politikat e gabuar të Berishës, që ka favorizuar figura që kanë sjellë përçarje. Spaho madje i kujtoi edhe aferën “Babale” ish-deputetit Salianji, për të cilën ai bëri një viti burg. Ndërkaq Alfred Lela, zëdhënësi i Berishës, i kujtoi Salianjit se Berisha ka 500 mijë vota dhe se sfidimi ndaj tij do të ishte i kot. Ai përmendi edhe përpjekjet e Lulzim Bashës për të sfiduar Berishën, të cilat sipas tij, dështuan.
    Prapaskenat
    Por të gjithë këto sulme, akuza dhe kërcënime vijnë në një kohë, kur ish-deputeti demokrat, Ervin Salianji ka nisur lëvizjen e tij duke mbajtur takime me demokratët në Durrës dhe qytete të tjera, duke sfiduar hierarkinë e partisë dhe duke përdorur të njëjtën retorikë që përdoret nga kundërshtarët e Berishës, se “fajin e ka Saliu, dhe PD ka nevojë për ndryshim”. Pra kjo panoramë tregon se Partia Demokratike është më e fragmentarizuar se kurrë, teksa përpjekjet e Salianjit rrezikojnë të çajnë partinë dhe të shtojnë “luftën” për pushtet mes ish-deputetit demokrat dhe Sali Berishës dhe “mercenarëve” të tij besnik. Megjithatë, ish-deputeti duket i vendosur të sfidojë hierarkinë, duke shfrytëzuar mediat e rrjetet sociale dhe strukturat e pakënaqura brenda partisë.
    Nga ana tjetër, analistët nënvizojnë se ky është një test i madh për PD-në: a mund të krijojë një aksion i pavarur politik, apo do të fundoset nën presionin e Berishës dhe strukturave të tij? Media e kontrolluar nga Berisha ka nisur tashmë sulmet e para, ndërsa segmentet e qeverisë dhe opozitës vëzhgojnë me kujdes lëvizjet e ish-deputetit. Në këtë terren politik të acartë, çdo hap i Salianjit është i mbushur me rreziqe dhe intriga të forta. Vetë zëdhënësi Lela paralajmëron se çdo nismë pa mbështetjen e Berishës mund të dështojë, ndërsa pyetja mbetet: a ka Salianji kapacitetin të mobilizojë bazën e mjaftueshme për të krijuar një alternativë reale politike apo presioni i kreut të PD do ta zbythë atë nga kauza e tij? Sidoqoftë, në sfond, tensioni brenda PD-së është në kulmin e tij. Fakti që një ish-deputet sfidon liderin historik dhe strukturat e partisë ka ndezur një betejë mediatike dhe politike që mund të ndryshojë ekuilibrat brenda forcës më të madhe opozitare në Shqipëri. Vetëm koha do të tregojë nëse iniciativa e Salianjit do të shndërrohet në një rikthim të fuqishëm politik apo do të frenohet nga fuqia e Berishës dhe strukturave të tij.

  • Çështja Berisha dhe rasti Balluku/ Balla: Liria e deputetit nuk preket pa u shprehur Kuvendi

    Çështja Berisha dhe rasti Balluku/ Balla: Liria e deputetit nuk preket pa u shprehur Kuvendi

    Kreu i grupit të PS Taulant Balla i ftuar në një studio televizive ka krahasuar rastin e arrestimit të Berishës dhe vendosjen e masave për Ballukun.
    Sipas Ballës Kushtetuta e ka thënë që asnjë formë lirie e deputetit nuk preket pa u shprehur Kuvendi.
    “Unë jam besnik i parimit që liria nuk mund të preket pa u shprehur Kuvendi. Edhe për shkak të ashpërsise së marrëdhënies dhe konfliktit të interesit se unë kam bërë kallëzimin për personin në fjalë, në vlerëismin tim Gjykata Kushteuese nuk ka dhënë interpretimin më të mirë se edhe pasaporta dhe lëvizja jashtë vendit është një formë lirie. Kushtetuta ka thënë se asnjë formë lirie e deputetit nuk preket pa u shprehur Kuvendi.
    Po flasim për një ankesë të subjektit në Gjykata Kushtetuese nuk e di nëse parlamenti është palë ose jo.
    Kuvendi kur thirret si palë, thirren sekretari i Përgjithshëm i Kuvendit ose dikush tjetër që e merr këtë fuqi. Në rast se do kisha qenë unë përfaqësues i Kuvendit do të thoja që liria e deputetit nuk preket pa u shprehur Kuvendi”, tha Balla.

  • ‘1 mln euro për një shkollë me klasa bosh’/ Maliqi në SPAK: E ka fituar nipi i ish-deputetit të PS

    ‘1 mln euro për një shkollë me klasa bosh’/ Maliqi në SPAK: E ka fituar nipi i ish-deputetit të PS

    Ish-deputeti Lefter Maliqi ka depozituar në Prokurorinë e Posaçme (SPAK) një tjetër kallëzim penal, i 12-ti me radhë, duke denoncuar një sërë aferash korruptive në Bashkinë e Kuçovës.

    Në qendër të kallëzimit të fundit është një tender me vlerë 1 milion euro për rikonstruksionin e një shkolle në fshatin Havaleas, për të cilën Maliqi pretendon se ka klasa pothuajse bosh.

    Sipas denoncimit të bërë publik para mediave, tenderi për shkollën ku, sipas tij, nuk mëson as një e dhjeta e nxënësve, është fituar nga nipi i ish-deputetit të Partisë Socialiste, Sadri Abazi. Maliqi akuzon për manipulim të procedurave të prokurimit, skualifikim fiktiv të operatorëve, krijim të një gare formale dhe devijim të fondeve publike, duke theksuar se bëhet fjalë për “lidhje të qarta politike”.

    Ky kallëzim i shtohet një liste të gjatë denoncimesh të bëra më herët nga Maliqi, i cili shprehet se prej dy vjetësh e gjysmë përballet me “kalvarin e padrejtë të institucioneve të drejtësisë”. Ai kritikoi ashpër vendimin e Gjykatës Administrative të Tiranës për të shpallur moskompetencë në lidhje me rastin e kryebashkiakut aktual të Kuçovës, Kreshnik Hajdari, i cili, sipas Maliqit, duhej të ishte shkarkuar nga detyra në bazë të ligjit të dekriminalizimit pas një dënimi në Greqi dhe një tjetri me gjykim të shkurtuar nga GJKKO në Shqipëri.

    Në deklaratën e tij, Maliqi përmendi edhe afera të tjera të dyshuara, përfshirë një projekt 4 milionë euro pa leje mjedisore në zonë të mbrojtur në Sinec, të realizuar nga kompania “Salillari”, si dhe tenderin e pastrimit të qytetit me vlerë 1.7 miliardë lekë, i fituar, sipas tij, në mënyrë abuzive. Ai akuzoi gjithashtu për krime elektorale në bashkëpunim me zyrtarë të bashkisë, pastrim parash përmes transaksioneve me apartamente dhe lëshimit të vizave për punonjës të bashkisë, si dhe abuzime me tenderin e qenve endacakë.

    Ish-deputeti drejtoi akuza të forta ndaj SPAK-ut dhe krerëve të tij, duke i cilësuar si të pafuqishëm për t’u marrë me figura si “Hajdari dhe Salillari”. Ai i bëri thirrje drejtuesit të SPAK, Altin Dumani, që t’i kthejë përgjigje zyrtare për 12 kallëzimet e depozituara. Maliqi u zotua se do ta vazhdojë betejën e tij për drejtësi dhe se do t’ua kthejë qytetarëve bashkinë, e cila, sipas tij, “u grabit me 300 vota”.

  • Ndërpritet Komisioni i ‘Infrastrukturës’! PD kërkon Ballukun, Bardhi akuza- deputetit të PS: Ty të erdhi SPAK në shtëpi

    Ndërpritet Komisioni i ‘Infrastrukturës’! PD kërkon Ballukun, Bardhi akuza- deputetit të PS: Ty të erdhi SPAK në shtëpi

    PAMJE NGA KOMISIONI

    TIRANË- Komisioni për Burimet Natyrore, Infrastrukturën dhe Zhvillimin e Qëndrueshëm, ku do prezantohet  projektbuxheti për Ministrinë e Infrastrukturës po zhvillohet mes tensioneve dhe debateve. Ministrja Belina Balluku, nën hetim nga SPAK për tunelin e Llogarasë, nuk u paraqit për të prezantuar pr.buxhetin, por dërgoi zv.ministren.
    Mungesa e saj bëri që kreu i grupit parlamentar të Partisë Demokratike, Gazmend Bardhi të mos linte të flisnin anëtarët e tjerë, teksa kërkonte që ministrja Belinda Balluku të ishte prezente dhe të raportonte. Bardhi hodhi akuza ndaj deputetit të PS Klevis Jahaj, ku sipas tij në shtëpinë e këtij të fundit, SPAK ka ushtruar kontrolle.
    “Po të flisja për procedurë do flisja për kontrollet te shtëpia jote, por nuk po flas për atë. Ka dalë SPAK te shpia jote në Vala Mar, ta tregoj… Balluku do duhet të vijë të raportojë në Komision”, i tha Bardhi deputetit të PS Klevis Jahaj.
    Kryetarja e Komisionit, Anila Denaj vendosi ndërprerjen e seancës, por rinisi sërish.
    Anila Demo: Nderpritet seanca, deri sa të vihet rregulli
    Klevis Balliu: Për ca e ndërpret ti seancën?
    Anila Deno: Deri sa të vihet rregull

  • PS kërkon përjashtimin e Berishës, PD të Taulant Ballës, mblidhet sot Sekretariati i Etikës

    PS kërkon përjashtimin e Berishës, PD të Taulant Ballës, mblidhet sot Sekretariati i Etikës

    Këtë të hënë, në orën 14:00 do të mblidhet Sekretariati i Etikës, i cili do të shqyrtojë dy këresa, atë të PS për përjashtim të Sali Berishës nga Kuvendi deri në 60 ditë dhe atë të PD për përjashtim të Taulant Ballës.
    PS të premten dërgoi një kërkesë zyrtare ku kërkon  përjashtimin e Berishës nga Kuvendi pas deklaratave të tij lidhur me projektligjin për “Barazi gjinore” ndaj ambasadorit të BE-së, Silvio Gonzato.
    Ata i kanë cilësuar këto deklarata sulm ndaj Gonzatos.

    Ndërsa PD kërkon përjashtimin e kreut të Grupit Parlamentar të PS-së, Taulant Balla me 10 ditë pasi sipas tyre, Balla ofendoi dhe përdori gjuhë kërcënuese ndaj deputetëve të opozitës.
    Kërkesa e PS 
    “Në seancën plenare të datës 6 nëntor 2025, deputeti Sali Berisha ka bërë deklarata publike fyese, denigruese dhe diskriminuese ndaj Ambasadorit të Bashkimit Europian në Shqipëri, z. Silvio Gonzato, duke cenuar jo vetëm dinjitetin personal të përfaqësuesit diplomatik, por edhe imazhin institucional të Kuvendit të Shqipërisë. Ky veprim përbën shkelje të rëndë të etikës parlamentare dhe cenim të drejtpërdrejtë të parimeve të sjelljes së deputetit të përcaktuara në Kodin e Sjelljes dhe në Rregulloren e Kuvendit. Grupi Parlamentar i Partisë Socialiste dënon me ashpërsinë më të madhe sulmin ndaj Ambasadorit të Bashkimit Europian z. Silvio Gonzato”, thuhet në kërkesë.
    “Sa më sipër: Bazuar në Nenin 65/1 “Masa disiplinore”, “Përjashtim nga pjesëmarrja në komisione dhe/ose në seancë plenare deri në 10 ditë, 30 ditë ose 60 ditë”” të Rregullores së Kuvendit të Republikës së Shqipërisë, të ndryshuar, Nenin 6 “Gjuha joparlamentare dhe diskriminuese” dhe Nenin 10 “Ndalimi i ngacmimit seksual” të Kodit të Sjelljes së Deputetit të Kuvendit të Republikës së Shqipërisë, paraqesim kërkesën si më poshtë:
    Kërkojmë marrjen e masës disiplinore ndaj deputetit Sali Berisha, sipas parashikimeve të nenit 65/1, “Përjashtim nga pjesëmarrja në komisione dhe/ose në seancë plenare deri në 10 ditë, 30 ditë ose 60 ditë”, vijon kërkesa.
    Deklarata e Berishës solli edhe reagimin e Komisioneres së BE për Zgjerim, Marta Kos, e cila tha se linjëzimi i legjislativit të Shqipërisë me këto parime të BE, është pjesë e procesit të pranimit në Union. U pasua më pas edhe me reagimin e kryeministrit Edi Rama, i cili kërkoi ndjesë për sjelljen e kundërshtarit të tij dhe përdorimin e emrit të ambasadorit për një qëllim të ulët.”
    Kërkesa e PD 
    Z.Kryetar i Kuvendit,
    Në seancën e datës 06.11.2025, në shkelje të plotë të etikës dhe gjuhës parlamentare, gjatë diskutimit të tij në foltoren e Kuvendit, Kryetari i Grupit Parlamentar të Partisë Socialiste Taulant Balla, ndërkohë që fliste për miratimin e kalendarit dhe programit të punës së Kuvendit, ndërmori një sulm me fyerje dhe gjuhë joparlamentare drejtuar deputetëve të opozitës.
    Gjuha joparlamentare dhe fyese, që përfshinë fjalë “lehni”, “rraca e këtyre”, “ta tregoj unë ty”, “gënjeshtar”, etj., gjatë fjalës për kalendarin dhe programin, është shkelje disiplinore sipas nenit 65/1, pika 1, shkronja “a”, ku specifikohet se: “1. Masa disiplinore “Përjashtim nga pjesëmarrja në komisione dhe/ose në seancë plenare deri në 10 ditë” i jepet deputetit: a) kur edhe pas tërheqjes së vëmendjes dhe dhënies së vërejtjes nga drejtuesi i seancës/mbledhjes, bën thirrje për përdorim dhune, pengon zhvillimin e rregullt të seancës plenare/ mbledhjes së komisionit, shkakton kaos në seancë plenare/ komision, fyen, kërcënon ose dhunon deputetët e tjerë, drejtuesin e seancës, anëtarët e Këshillit të Ministrave, të ftuarit ose persona të tjerë, apo përdor fjalë fyese për Presidentin e Republikës, Kryeministrin ose institucione të tjera shtetërore”.
    Kjo sjellje e deputetit Taulant Balla është e përsëritur seancë pas seance, dhe mbetet në cdo rast i pa ndëshkuar. Fyerja dhe kërcënimi ndaj deputetëve të opozitës është i papranueshëm dhe duhet të shoqërohet me masën disiplinore përjashtimin me 10 ditë nga seanca plenare dhe komisionet parlamentare.
    Prova për përdorimin e gjuhës jo parlamentare, fyese dhe kërcënuese, gjenden në faqen zyratre të Kuvendit, në facebook, gjatë fjalës së deputetit Taulant Balla, lidhur me programin dhe kalendarin e punimeve të Kuvendit.
    Për të gjitha sa më lart, në mbështetje të nenit 65/1, pika 1, shkronja “a”, kërkojmë:
    Mbledhjen e Sekretariatit për Procedurat, Votimet dhe Etikën për shqyrtimin brenda afatit të kësaj kërkese.
    Marrjen e masës disiplinore “Përjashtim nga pjesëmarrja në komisione
    dhe/ose në seancë plenare për 10 ditë” ndaj deputetit Taulant Balla./vizionplus.tv 
     

  • U ekstradua nga Britania, ky është nipi i ish-deputetit të PDIU-së

    U ekstradua nga Britania, ky është nipi i ish-deputetit të PDIU-së

    Është ekstraduar nga Mbretëria e Bashkuar drejt Shqipërisë 33-vjeçari Mikel Hoxha, i dënuar me pesë vjet burg për plagosje të rëndë me dashje dhe armëmbajtje pa leje. Haxha eshte nipi i ish-deputetit të PDIU-së, Dritan Bici.
    Ekstradimi u krye si rezultat i bashkëpunimit ndërmjet Interpol Tiranës dhe Interpol Mançester, pas një periudhe kërkimi ndërkombëtar ndaj të dënuarit.
    Sipas autoriteteve, Mikel Hoxha ishte shpallur në kërkim pasi Gjykata e Apelit Durrës, në vitin 2021, e kishte dënuar me 5 vjet burg për veprat penale “Plagosje e rëndë me dashje” dhe “Mbajtje pa leje e armëve dhe municionit”.
    gijotina.com/