Pas përfundimit të hetimeve Prokuroria e Tiranës ka dërguar në gjyq 74-vjeçarin, Hekuran Gjonin, i cili vrau me thikën e bukës djalin 37-vjeçar Asim Gjoni në shkurt të këtij viti.
Sipas dëshmive të 74-vjeçarit, ky i fundit citohet të ketë thënë se ishte ulur për të ngrënë bukë teksa edhe djali i ulur po ashtu dhe nisi ta ngacmonte me fjalë.
Krimi i rëndë u regjistrua më 1 shkurt tek Kodra e Priftit në rrugën Ilia Shyti në Tiranë, brenda banesës së familjes Gjoni.
Njoftimi i plotë
Prokuroria pranë Gjykatës së Shkallës së Parë të Juridiksionit të Përgjithshëm, Tiranë, përfundoi hetimet dhe dërgon në gjyq shtetasin H.Gj. për ‘Vrasje për shkak të marrëdhënieve familjare’ parashikuar nga neni 70/c i Kodit Penal.
Në përfundim të hetimeve mbi procedimin penal nr.796 të vitit 2025 rezultoi se më 01.02.2025, shtetasi H.Gj., për motive banale ka debatuar dhe është konfliktuar me djalin e tij A.Gj dhe në konflikt e sipër e ka qëlluar me mjet prerës dhe si pasojë e plagës së marrë në ijën e majtë, ka gjetur vdekjen.
I pyetur si person ndaj të cilit zhvillohen hetimet shtetasi H.Gj. shpjegoi se atë ditë kur është ulur për të ngrënë bukë djali u ul po ashtu dhe nisi ta ngacmonte me fjalë. Ai është ndjerë keq dhe në një moment është acaruar dhe e ka qëlluar me shpullë në fytyrë. Më pas sipas tij, djali A.Gj, e kapi nga rrobat, dhe i ka thënë mos i gjuaj. Në këtë moment, ka ndërhyrë vjaza e cila i ka thënë pse sillesh me babain kështu, dhe djali i ka dhënë asaj një të shtyrë të fortë, duke e rrëzuar përtokë. Në këtë moment ai është acaruar shumë, ka kapur thikën e bukës që ishte në tavolinë dhe e ka goditur djalin e tij një herë në bark (ije).
Nga hetimi rezultoi se në trupin e kufomës nga këqyrja e jashtme dhe e brendshme u konstatua një plagë prerëse shpuese depërtuese në anën e majtë të gjoksit, shoqëruar me çarje të mushkërisë së majtë, cipës mbështjellëse së zemrës në anën e majtë të majës së saj si dhe plagë prerëse në gishtat e të të dyja duarve. Shkaku i vdekjes së shtetasit A.Gj. është shoku i rëndë traumtaik hemoragjik.
Nga sa më sipër, personi nën hetim shtetasi H.Gj. janë konsumuar elementët e veprës penale “Vrasja për shkak të marrëdhënieve familjare”, të parashikuar nga neni 79/c të K.Penal, në dëm të djalit të tij të ndjerit A.Gj.
Tag: bukës
-
Vrau djalin me thikën e bukës, Prokuroria e Tiranës dërgon në gjyq 74-vjeçarin
-
Pse Spanja po i thotë një ‘ jo’ të madhe dietës së saj të përditshme me bukë
Buka, shoqëruesja e pandashme e çdo vakti spanjoll, po zhduket nga tryezat tona me një shpejtësi alarmante.
Shifrat janë të zymta. Në fillim të viteve 1960, çdo spanjoll konsumonte 134 kilogramë bukë në vit; sot kjo sasi ka rënë ndjeshëm në 28 kilogramë në vit, një rënie prej 80% që pasqyron shumë më tepër sesa një ndryshim të thjeshtë në dietë .
Transformimi është, mbi të gjitha, gjeneracional dhe kulturor.
Siç shpjegon José María Fernández, sekretari i përgjithshëm i Konfederatës Spanjolle të Furrave të Bukës, ekziston një qasje rrënjësisht e ndryshme midis të rinjve dhe të moshuarve: “Brezi im nuk di të hajë pa bukë, brezi i fëmijëve dhe nipërve të mi di të hajë pa bukë”.
Të rinjtë e kanë zëvendësuar këtë ushqim tradicional me burime të tjera të karbohidrateve, siç janë picat ose makaronat, dhe e lidhin bukën drejtpërdrejt me mbipeshën dhe intolerancën ndaj ushqimeve.
Ky ndryshim nga modeli dietik mesdhetar ka qenë progresiv, por i pandërprerë. Në dekadën e fundit, kërkesa ka rënë me më shumë se 20%, nga 34.9 kilogramë për frymë në vitin 2015 në 27.82 kilogramë në vitin 2025. Blerja e përditshme e bukës, dikur një ritual, është bërë gjithnjë e më e rrallë.
Mitet ushqyese dhe industrializimi që shkatërron cilësinë
Një nga faktorët më me ndikim në këtë rënie është keqkuptimi i vetive të tij ushqyese.
“Buka është demonizuar nga mantra e gabuar se po shëndosh”, denoncon Silvia Martín e Shoqatës së Industrive të Bukës. Ky besim është bërë aq i përhapur sa 29.2% e spanjollëve ndjekin një dietë pa bukë, ndërsa 24% nuk e konsiderojnë të nevojshme për një dietë të ekuilibruar.
Realiteti ushqyes është i ndryshëm: përmbajtja e yndyrës së bukës është e ulët, por sektori është përpjekur ta hedhë poshtë këtë mit për dekada të tëra pa shumë sukses. Përveç kësaj, shumë njerëz jo-intolerantë kanë ndaluar gabimisht konsumimin e produkteve të glutenit, duke kontribuar më tej në rënien e tyre.
Kriza e ka goditur rëndë sektorin tradicional. Katër nga dhjetë furra buke janë mbyllur që nga fillimi i shekullit, viktima të rënies së konsumit dhe problemeve të zëvendësimit brez pas brezi. Buka është bërë 30% më e shtrenjtë në një dekadë dhe tani shitet kryesisht në supermarkete dhe pika karburanti, ku mbizotëron prodhimi industrial.
Siç denoncoi furra artizanale 3Letras Pan në RTVE, “ajo që ka ndodhur është një produkt i nivelit industrial me një fermentim shumë të shkurtër dhe me shumë maja dhe shije shumë, shumë të zbehta”. Ky rreth vicioz është i qartë: industrializimi gjeneron cilësi më të dobët, e cila nga ana tjetër zvogëlon konsumin, gjë që inkurajon edhe më shumë industrializim.
A ka të ardhme buka spanjolle?
Pavarësisht perspektivës së zymtë, po rritet numri i konsumatorëve të vetëdijshëm që po zgjedhin bukë cilësore, integrale ose me maja. Ata që vazhdojnë të konsumojnë bukë po e bëjnë këtë më shpesh dhe me kritere më të mira, gjë që tregon një polarizim të tregut.
Sektori është i përkushtuar ndaj cilësisë si një mjet për rimëkëmbje. Siç thotë Escarpa, “nëse buka e vërtetë do të prodhohej në të gjitha vendet ku prodhohet buka, konsumi i këtij produkti do të rritej ndjeshëm”. Sfida qëndron në rimëkëmbjen e kulturës së bukës së mirë në një shoqëri që ka ndryshuar rrënjësisht marrëdhënien e saj me ushqimin tradicional.
Rënia e konsumit të bukës në Spanjë është, shkurt, pasqyrim i një transformimi të thellë shoqëror: ndryshime në modelet e të ngrënit, mite të vazhdueshme ushqyese, stile të reja jetese dhe humbje e kulturës tradicionale gastronomike në kontekstin e modernizimit.
Buka jo vetëm që po zhduket nga tryezat tona; bashkë me të po zhduket edhe një mënyrë për të kuptuar ushqimin dhe bashkëjetesën që e ka përcaktuar Spanjën për shekuj me radhë.
-
Tregu i bukës së freskët 60 mln euro më 2024, rritje vjetore 5,7%
Tregu i bukës dhe, në përgjithësi, prodhimet e brumit po zgjerohen nga frekuentimi i turistëve të huaj. Të dhënat zyrtare të INSTAT treguan se vlera e shitjeve arriti në rreth 6 miliardë lekë në vitin 2024, e barabartë me 60 milionë euro. Në krahasim me vitin 2023, ajo u rrit me 5.7 për qind.Ky sektor u ndesh me vështirësi para dhe pas pandemisë, kur emigrimi nisi të rritej pas vitit 2015, sidomos në moshat e reja. Importet dhe konsumi i brumërave ranë disa vite rresht deri në vitin 2022, por në 2023 dhe 2024 nisi rritja prej flukseve të turizmit.Turizmi po ndikon dukshëm në përdorimin e tyre, sidomos gjatë sezonit veror kur prurjet e vizitorëve janë më të mëdha. Restorantet, furrat artizanale, pastiçeritë dhe pikat e shërbimit të shpejtë përgjatë zonave turistike shesin më shumë bukë, byrekë, pica dhe ëmbëlsira tradicionale. Nga ana tjetër, hotelet dhe resortet rrisin ndjeshëm porositë për brioches dhe produkte të ngjashme.Kërkesa e larmishme e turistëve po shtyn prodhuesit të kombinojnë shijet vendase me ato ndërkombëtare, duke ofruar si byrekë e bukë misri, ashtu edhe brioshe, bageta dhe pica napolitane.Rritja e konsumit gjatë muajve të pikut ka një efekt zinxhir te prodhuesit e miellit dhe rrjetet e shpërndarjes, që porosisin sasi më të mëdha e madje shtojnë importet për të përballuar fluksin.Të dhënat nga INSTAT tregojnë se importet e grurit, pas rënies së vazhdueshme, u rritën me 18.8 për qind në 2023 dhe 16.7% më 2024, duke ndjekur rritjen e turizmit. Kulinaria shqiptare është bazuar në brumëra, mish dhe bulmet. Shtimi i konsumit për shkak të vizitorëve ka sjellë në rritje importin e ushqimeve, pasi prodhimi vendas, përveçse është në tkurrje, është edhe i pamjaftueshëm.Për bizneset, kjo periudhë është një mundësi për të forcuar të ardhurat, sepse vizitorët me fuqi blerëse më të lartë pranojnë çmime pak më të rritura për produkte artizanale dhe autentike me cilësi të lartë.Vitet e fundit, turizmi po shndërrohet në motor të rritjes së konsumit dhe, nga ana tjetër, po nxit zgjerimin e ofertës me receta vendase edhe në furrat dhe pastiçeritë./ B.HoxhaKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Shmangni kondensimin në dritare dhe rritjen e mykut me sodë buke
Për të shmangur kondensimin në dritare dhe rritjen e mykut, nuk do t’ju nevojiten produkte të shtrenjta ose metoda të veçanta. Mjafton vetëm soda e bukës.
Ndërsa moti ftohet, kondensimi do të jetë një problem i madh. Problemi rrjedh nga nivelet e rritura të lagështisë brenda, të cilat bëhen veçanërisht problematike midis fundit të shtatorit dhe prillit, megjithëse ndryshojnë në varësi të temperaturës.
Ndërsa disa ekspertë të dritareve pohojnë se zëvendësimi i paneleve të xhamit ofron zgjidhjen e vetme afatgjatë për kondensimin, ka disa truke më ekonomike që mund të ndihmojnë.
Një truk i thjeshtë mbështetet në sodën e bukës për të zgjidhur problemin e kondensimit në dritare dhe objekte të tjera që janë të ndjeshme ndaj lagështirës, gjë që përfundimisht mund të çojë në rritjen e mykut.Nëse nuk trajtohet, lagështia e tepërt në dritare nxit rritjen e mykut, duke krijuar kushtet për dëmtime shtesë strukturore në hapësirën tuaj.
Kjo metodë është një nga më të thjeshtat dhe nuk kërkon pajisje ose burime të shtrenjta. Për të filluar, duhet të ngrini perdet dhe të hapni dritaret çdo mëngjes, pastaj të vendosni një enë të vogël me sodë buke në prag të dritares.Soda e bukës funksionon duke thithur lagështinë nga ajri. Me kalimin e kohës, do të vini re se soda e bukës ngurtësohet ndërsa thith lagështinë. Përsëriteni këtë proces çdo dy javë ose më shpesh nëse ndërkohë shfaqen ende njolla të errëta. Për më tepër, soda e bukës duhet të zëvendësohet kur “të ngurtësohet më në fund”, që zakonisht ndodh pas një muaji.
-
Që të jeni në kujtimet e fëmijëve tuaj nesër, duhet të jeni në jetën e tyre sot…
Si t’u qëndrojmë gjithmonë afër fëmijëve, po t’mos i ngufasim!
Nuk ka një metodë të vetme prindërimi, ashtu sikurse nuk ka skema mbi të cilat ndërtojmë familjet dhe marrëdhëniet mes anëtarëve. Megjithatë në vazhdim gjeni disa thënie të zgjedhura nga personalitete të njohura profesionesh të ndryshme që flasin për raportin prind-fëmijë.
Ju ftojmë t’i lexoni:
Marrëdhëniet midis prindërve dhe fëmijëve janë po aq të vështira dhe aq dramatike sa marrëdhëniet midis të dashuruarve. /A. MoruTë rritësh një fëmijë kërkon më shumë mençuri sesa të udhëheqësh qeverinë. /W. ChanningPër të ngjallur tek fëmijët një dashuri për njerëzit, prindërit vetë duhet të jenë një shembull, duke i mbështjellur të tjerët me ndjenja të sinqerta dhe ngrohtësi shpirtërore. /F. E. DzerzhinskyA e dini se cila është mënyra më e sigurt për ta bërë fëmijën tuaj të mjerueshëm është t’i mësoni atij të mos i mohohet asgjë./J.-J. RousseauVjen një çast në jetën e brendshme familjare, ku fëmijët, me dashje apo pa dashje, bëhen gjykatës të prindërve të tyre./H. BalzacDisa prindër kanë nevojë për fëmijë të palumtur, që të mund të shfaqin mirësinë e tyre./F. NiçeFëmija yt ashtu sikurse stomaku yt nuk ka nevojë për të gjitha gjërat që ti i jep./ F.A.ClarckNjë prind i zgjuar lejon që fëmija i tij të bëj gabime. Është mirë që ndonjëherë t’i djegin gishtat pak./Gandi
Përgatiti: ObserverKult
——————————
Lexo edhe:
ALEKSANDËR XHUVANI: PSE I THEMI BUKËS “BUKË”?
Nuk dij pse fjala e jonë bukë dalka nga lat. bucca e nuk mund t’u – lidhka me gjermanishten backen, që do të thotë edhe me pjekë ose me shqipen me pjekë, e atëhere bukë do të thotë gja e pjekme.
Si mbas etimologjisë pra të Meyer-it të pranueme prej të gjithëve del se fjalën shqip a ilirisht të bukës e kemi tretë gjatë shekujvet tue marrë latinisaten bucca e tue i dhanë kësaj kuptimin e bukës. Por, deri sot të pakën, nuk mund të dijmë me siguri se ç’fjalë kanë pasë përdorë Ilirët për fjalën bukë që përdorim na sot …
Tekstin e plotë e gjeni KËTU
ObserverKult
-
Eliminimi i bukës nga dieta ushqimore, ja çfarë ndodh me trupin
1. Humbje në peshë fillestare
Heqja e bukës shpesh çon në rënie të shpejtë në peshë, por jo gjithmonë nga dhjami. Fillimisht humbet uji që lidhet me karbohidratet, prandaj shumë njerëz e ndiejnë trupin më të lehtë.
2. Ulje e fryrjes dhe përmirësim i tretjes
Personat me ndjeshmëri ndaj glutenit ose maja e bukës shpesh përjetojnë fryrje barku, gazra dhe diskomfort. Pa bukë, këto simptoma mund të zbuten dukshëm.
3. Stabilizim i nivelit të sheqerit në gjak
Karbohidratet e rafinuara të bukës së bardhë shkaktojnë rritje të shpejta të glukozës në gjak. Eliminimi i saj ndihmon në shmangien e “pikut të sheqerit” dhe ul luhatjet energjike gjatë ditës.
4. Mund të mungojnë fibra dhe vitamina B
Nëse buka hiqet pa zëvendësim, sidomos buka integrale, mund të shfaqet mungesë fibrash, acid folik dhe vitaminash B që ndihmojnë tretjen dhe metabolizmin. Prandaj, është e nevojshme të shtohen drithëra të tjera integrale, bishtajore ose perime.
5. Ndikimi në gjendjen shpirtërore
Truri funksionon kryesisht me glukozë. Heqja e burimeve të shpejta të karbohidrateve si buka mund të shkaktojë nervozizëm, lodhje dhe ulje të humorit në ditët e para. Pas një periudhe përshtatjeje, shumë njerëz raportojnë përqendrim më të mirë dhe energji më të qëndrueshme.
6. Përfitime për zemrën dhe kolesterolin
Dieta pa bukë të bardhë (dhe produkte të tjera të rafinuara) ndihmon në uljen e triglicerideve dhe përmirëson shëndetin kardiovaskular.
-
Cili është lloji më i mirë i bukës për tu konsumuar, zbulojeni…
Buka ka kohë që ka një reputacion të keq si armiku kryesor i çdo diete, por ekspertët tani pohojnë se është edhe shumë e shëndetshme. Nutricionistet pohojnë se ky ushqim plotëson më shumë se 10 përqind të nevojave për proteina, folate dhe hekur dhe ka një anë pozitive.
Domethënë, buka përmban shumë fibra, por kjo vlen vetëm për bukën integrale, tërshërën, thekrën dhe misrin, sepse ato janë të pasura me minerale dhe vitamina B.
Çfarë thotë ngjyra?
Ngjyra nuk është një tregues i besueshëm i cilësisë së bukës. Ngjyra e errët shpesh lyhet me ngjyra artificiale, kështu që njerëzit gabohen duke menduar se është më e shëndetshme se e bardha dhe nuk shëndosh. Dhe e vërteta është si më poshtë,buka më e fortë është më e shëndetshmja!
Buka nuk të shëndosh nëse hahet në sasi të arsyeshme, domethënë 200-300 gramë në ditë, ne shtojmë në peshë kryesisht nga ajo që i shtojmë: gjalpë, paste, sallam, majonezë ose reçel.
Thekra është më e shëndetshmja.
Fatkeqësisht, shpesh nuk ka asnjë deklaratë në bukë, kështu që nuk mund ta dimë me siguri se çfarë përmban saktësisht. Prandaj, duhet t’i kushtoni vëmendje llojit të miellit nga i cili është bërë.
Më i rekomanduari është mielli i thekrës sepse përmban shumë vitamina dhe minerale, është i pasur me fibra, kështu që tretet më lehtë dhe për shkak të indeksit të tij glicemik, krijon një ndjesi ngopjeje që zgjat. Buka e bërë nga mielli i tërshërës është gjithashtu e shkëlqyer, si dhe buka e pasuruar me fara dhe arra.
E bardha shmanget më së miri.
Kjo bukë ka vlerën më të ulët ushqyese dhe shpesh përmban sasi të fshehura sheqeri dhe kripe, si dhe ka një indeks të lartë glicemik. Pasi hamë një fetë bukë të bardhë, sheqeri në gjak rritet ndjeshëm dhe më pas bie, prandaj ndjesia e ngopjes zgjat për një kohë të shkurtër. -
Cila është lloji më i mirë i bukës për tu konsumuar
Buka ka kohë që ka një reputacion të keq si armiku kryesor i çdo diete, por ekspertët tani pohojnë se është edhe shumë e shëndetshme.
Nutricionistet pohojnë se ky ushqim plotëson më shumë se 10 përqind të nevojave për proteina, folate dhe hekur dhe ka një anë pozitive.
Domethënë, buka përmban shumë fibra, por kjo vlen vetëm për bukën integrale, tërshërën, thekrën dhe misrin, sepse ato janë të pasura me minerale dhe vitamina B.Çfarë thotë ngjyra?
Ngjyra nuk është një tregues i besueshëm i cilësisë së bukës. Ngjyra e errët shpesh lyhet me ngjyra artificiale, kështu që njerëzit gabohen duke menduar se është më e shëndetshme se e bardha dhe nuk shëndosh. Dhe e vërteta është si më poshtë,buka më e fortë është më e shëndetshmja!
Buka nuk të shëndosh nëse hahet në sasi të arsyeshme, domethënë 200-300 gramë në ditë, ne shtojmë në peshë kryesisht nga ajo që i shtojmë: gjalpë, paste, sallam, majonezë ose reçel.
Thekra është më e shëndetshmja.
Fatkeqësisht, shpesh nuk ka asnjë deklaratë në bukë, kështu që nuk mund ta dimë me siguri se çfarë përmban saktësisht. Prandaj, duhet t’i kushtoni vëmendje llojit të miellit nga i cili është bërë.
Më i rekomanduari është mielli i thekrës sepse përmban shumë vitamina dhe minerale, është i pasur me fibra, kështu që tretet më lehtë dhe për shkak të indeksit të tij glicemik, krijon një ndjesi ngopjeje që zgjat. Buka e bërë nga mielli i tërshërës është gjithashtu e shkëlqyer, si dhe buka e pasuruar me fara dhe arra.
E bardha shmanget më së miri.
Kjo bukë ka vlerën më të ulët ushqyese dhe shpesh përmban sasi të fshehura sheqeri dhe kripe, si dhe ka një indeks të lartë glicemik. Pasi hamë një fetë bukë të bardhë, sheqeri në gjak rritet ndjeshëm dhe më pas bie, prandaj ndjesia e ngopjes zgjat për një kohë të shkurtër. -
Save the Children: Fëmijët e uritur në Gazë nuk kanë forcë as të qajnë
Bota E Enjte, 28 Gusht 2025 15:06
Udhëheqësja e organizatës për të drejtat e fëmijëve, Save the Children, ka përshkruar në detaje tronditëse agoninë e ngadaltë të fëmijëve të uritur në Gazë, duke thënë se ata janë aq të dobët fizikisht sa nuk munden as të qajnë.
Duke iu adresuar mbledhjes së Këshillit të Sigurimit të Kombeve të Bashkuara lidhur me konfliktin izraelito-palestinez, presidentja e kësaj organizate ndërkombëtare bamirëse, Inger Ashing, tha se zia e bukës – që javën e kaluar OKB-ja tha se po ndodh në Gazë – nuk është vetëm term teknik.“Kur nuk ka ushqim të mjaftueshëm, fëmijët vuajnë nga kequshqyerja akute dhe më pas vdesin ngadalë dhe në dhimbje. Kjo, thënë qartë, është ajo çfarë është zia e bukës”, tha Ashing.
Më pas ajo përshkroi se çfarë ndodh kur fëmijët vdesin nga zia e bukës, proces që sipas saj zgjat disa javë. Trupi, tha Ashing, fillimisht shfrytëzon yndyrën e vet për të mbijetuar, por kur nuk ka më yndyrë trupore, trupi nis të konsumojë vetveten, duke përdorur muskujt dhe organet vitale.
“Megjithatë, klinikat tona janë pothuajse të heshtura. Fëmijët nuk kanë forcë as të flasin e as të qajnë në agoni. Ata shtrihen, të dobët fizikisht, duke vdekur” ngadalë, tha Ashing.
Ajo insistoi se grupet e ndihmës me zë të lartë kanë paralajmëruar për zinë e urisë, kur Izraeli ndaloi që ushqimet dhe gjërat e tjera esenciale të hynin në Gazë, gjatë luftës.
“Të gjithë në këtë mbledhje kanë përgjegjësi morale dhe ligjore që të veprojnë që ta ndalin këtë mizori”, tha Ashing.
OKB-ja shpalli zyrtarisht zinë e bukës në Gazë javën e kaluar, duke fajësuar atë që e quajti pengesë sistematike të ndihmave nga Izraeli gjatë më shumë se 22 muajsh luftë.
Organizata që monitoron urinë, e quajtur Klasifikimi i Integruar i Fazave të Sigurisë Ushqimore, apo IPC, tha se zia e bukës po prek 500.000 njerëz në Qytetin e Gazës dhe deri në fund të shtatorit uria do të përhapet në rreth dy të tretat e tërë territorit palestinez./rel -
Trondit kreu i “Save the Children”: Fëmijët e uritur në Gaza nuk kanë fuqi as të qajnë!
Udhëheqësja e organizatës për të drejtat e fëmijëve, Save the Children, ka përshkruar në detaje tronditëse agoninë e ngadaltë të fëmijëve të uritur në Gazë, duke thënë se ata janë aq të dobët fizikisht sa nuk munden as të qajnë.
Duke iu adresuar mbledhjes së Këshillit të Sigurimit të Kombeve të Bashkuara lidhur me konfliktin izraelito-palestinez, presidentja e kësaj organizate ndërkombëtare bamirëse, Inger Ashing, tha se zia e bukës – që javën e kaluar OKB-ja tha se po ndodh në Gazë – nuk është vetëm term teknik.
“Kur nuk ka ushqim të mjaftueshëm, fëmijët vuajnë nga kequshqyerja akute dhe më pas vdesin ngadalë dhe në dhimbje. Kjo, thënë qartë, është ajo çfarë është zia e bukës”, tha Ashing.
Më pas ajo përshkroi se çfarë ndodh kur fëmijët vdesin nga zia e bukës, proces që sipas saj zgjat disa javë. Trupi, tha Ashing, fillimisht shfrytëzon yndyrën e vet për të mbijetuar, por kur nuk ka më yndyrë trupore, trupi nis të konsumojë vetveten, duke përdorur muskujt dhe organet vitale.
“Megjithatë, klinikat tona janë pothuajse të heshtura. Fëmijët nuk kanë forcë as të flasin e as të qajnë në agoni. Ata shtrihen, të dobët fizikisht, duke vdekur” ngadalë, tha Ashing.
Ajo insistoi se grupet e ndihmës me zë të lartë kanë paralajmëruar për zinë e urisë, kur Izraeli ndaloi që ushqimet dhe gjërat e tjera esenciale të hynin në Gazë, gjatë luftës.
“Të gjithë në këtë mbledhje kanë përgjegjësi morale dhe ligjore që të veprojnë që ta ndalin këtë mizori”, tha Ashing.
OKB-ja shpalli zyrtarisht zinë e bukës në Gazë javën e kaluar, duke fajësuar atë që e quajti pengesë sistematike të ndihmave nga Izraeli gjatë më shumë se 22 muajsh luftë.
Organizata që monitoron urinë, e quajtur Klasifikimi i Integruar i Fazave të Sigurisë Ushqimore, apo IPC, tha se zia e bukës po prek 500.000 njerëz në Qytetin e Gazës dhe deri në fund të shtatorit uria do të përhapet në rreth dy të tretat e tërë territorit palestinez.