Adriatik BALLA
Nga Brazili i tij te eksperienca ndërkombëtare; udhëtimi kulturor i trajnerit të kombëtares shqiptare, e ka bërë atë të rritet si në aspektin profesional ashtu edhe si person. Silvinjos i pëlqen që ta përkufizojë veten si qytetar i botës: ‘Kam mësuar nga njerëz që ia dedikojnë gjithë ditën futbollit’. Ka pasur një karrierë kudo nëpër botë, raportet njerëzore e kanë bërë atë një njeri më të mirë. “Duhet ta pranoj, se jam një qytetar i botës, kam jetuar në Brazil deri në moshën 23-24 vjeçare, kam qenë në Angli, Spanjë (Celta Vigo e Barcelona) dhe sërish në Premier League. Kam bashkëpunuar me Mançinin te Interi dhe më pas te Seleçao. Kam pasur një rrugëtim të gjatë, kam përjetuar gjithçka”, tregon Silvinjo në një intervistë me gazetarin italian Xhianluka Di Marzio. Dhe qasja me botën shqiptare i kujtoi ekipin verdhegjelbër. “Një ambient thuajse brazilian. Një shqiptari i pëlqen të bisedojë, të kalojë kohë me miqtë. Kontakti duket se është thelbësor në komunikimet jo verbale. Kjo me siguri m’i ka lehtësuar gjërat në përshtatjen me një kulturë dhe një vend që nuk e njihja”, nënvizoi më tej Silvinjo.
Vlerësimi nga Mançini dhe puna me Kombëtaren e Shqipërisë
Dhoma e zhveshjes ka qenë shtëpia e Silvinjos për 15 vjet. Pastaj u vesh me një kostum të ri i shtyrë edhe nga një këshillë. ‘Ivan Carminati, ish përgatitës atletik i Mançinit te Inter më tha: Silvio do të jesh një trajner i madh sepse po bën një rrugëtim shumë të mirë. Unë jam tip që i ruaj në kujtesë fraza të tilla. Pastaj çdokush merr kohën e vet. Kështu e ka jeta”, tha trajneri i kombëtares shqiptare. Më tej foli për licencën e trajnerit. “Me UEFA Pro kam përjetuar eksperienca të pabesueshme me Gasperinin dhe Alegrin, preka me dorë rrugëtimin e tyre dhe stilin e tyre të menaxhimit.
Kanë qenë të gjitha këshilla të dobishme që i futa në kokën time’. Por cila është diferenca mes një trajneri të kombëtares dhe atij të një klubi? ‘Roli i trajnerit të kombëtares është krejt ndryshe nga ai i një klubi, – vijon Silvinjo, – hyjnë në lojë metoda të ndryshme. Janë shumë seanca stërvitore që kryhen në harkun e vetëm pak ditëve. është e nevojshme që të mbahet parasysh edhe fakti që disa futbollistë vijnë në kombëtare pas nja udhëtimi të gjatë: aty është e rëndësishme që të bësh një punë të përshtatshme. Padyshim që është një sfidë e bukur’.
Përvoja me Shqipërinë, fantastike
Silvinjo komentoi më pas edhe praninë e tij në krye të përfaqësueses kuqezi, duke thënë se ka bërë një punë të shkëlqyer me grupin dhe pikërisht grupi duhej përshëndetur për arritjet. Silvinjo e quan sukses arritjen për herë të parë në fazën kualifikuese të një Botërori. “Është vërtet një gjë e mrekullueshme në jetën time të udhëheq Shqipërinë. Kam një pasion për vendin, për njerëzit. Kemi qenë atje për tre vjet dhe po bëjmë një punë të shkëlqyer. Duhet t’i përgëzoj të gjithë lojtarët. Arritja në një fazë eliminatore të Kupës së Botës për herë të parë është një arritje e madhe. Pastaj do të luajmë praktikisht tre muaj para fillimit. Jemi të lumtur, por duhet të përgatitemi mirë”, nënvizoi tekniku brazilian i Kombëtares së Shqipërisë.
Tag: botës
-
Silvinjo “zbërthehet” për gazetarin Di Marzio: Shqipëria si në Brazil
-
“Vend që nuk njihet vetëm për plazhe”, Sylvinho rrëfen Shqipërinë e Botërorit: Puna nis në janar…
Shqipëria është më pranë se kurrë pjesëmarrjes historike në Kupën e Botës. Mision që duhet të kompletohet në muajin mars të vitit të ardhshëm, me Poloninë pengesën e parë të kuqezinjve në rrugën drejt kontinentit amerikan.
Trajneri Sylvinho rrëfeu emocionet e këtij momenti të artë për futbollin shqiptar, teksa në një intervistë për “gianlucadimarzio”, tekniku brazilian flet për atmosferën entuziaste në vend, rritjen e skuadrës dhe sfidat që e presin kuqezinjtë në rrugën drejt Botërorit 2026.
“Pas tre pikëve që morëm në Serbi, gjithçka ndryshoi. Herën e parë që u kthyem në vend, na pritën me një entuziazëm fantastik. Jemi të lumtur që tregojmë se Shqipëria nuk është vetëm vend dhe plazhe, por edhe futboll”.
Trajneri theksoi se puna trevjeçare ka ndërtuar një ekip të fortë, të organizuar dhe me një identitet të qartë, ndërsa vuri në dukje se skuadra është një përzierje unike kulturash dhe stil lojërash, falë futbollistëve që luajnë në kampionate të ndryshme:
“Është e mrekullueshme të udhëheq Shqipërinë. Kam pasion për vendin dhe njerëzit. Të arrish në fazën eliminatore të Kupës së Botës për herë të parë është një sukses i jashtëzakonshëm. Jemi të lumtur, por duhet të përgatitemi mirë. Kemi pak nga futbolli spanjoll, intensitetin britanik dhe, sigurisht, pak nga Brazili që kam në gjak. Jemi një ekip shumë i organizuar dhe kjo është forca jonë.”
Sylvinho zbuloi edhe anën njerëzore të punës së tij, përmes komunikimit të vazhdueshëm me futbollistët.
“Unë, Doriva dhe Pablo Zabaleta udhëtojmë shpesh për t’u takuar me lojtarët, për të pirë një kafe dhe për të folur. Janë marrëdhënie të forta që i kemi ndërtuar me vite. Nga janari do të fillojmë punën intensive për përgatitjet.”
Shqipëria e Sylvinho-s është vetëm një hap larg ëndrrës së përjetshme, biletës në Kupën e Botës. -
Denni Xhepa shkëlqen në Val Cenis, Shqipëria ngjitet mes më të mirëve të botës
Sporti i skive shqiptar po përjeton një moment historik, teksa Denni Xhepa, 22 vjeç, ka regjistruar dy rezultate të jashtëzakonshme në disiplinën Giant Slalom, pjesë e aktiviteteve të Alpine Skiing Audi FIS World Cup.
Në garën e datës 8 dhjetor, Denni u ngjit në podium, duke u renditur i treti në botë, menjëherë pas dy francezëve: Talayarch Clement dhe Heude Arthur.
Me një skijim teknik dhe një ritëm agresiv, ai tregoi qetësi dhe pjekuri sportive të jashtëzakonshme për një sportist të moshës së tij.
Në garën e datës 9 dhjetor, Denni Xhepa shënoi një tjetër rezultat të shkëlqyer duke fituar garën dhe duke u renditur mes 10 skiatorëve më të mirë të botës.
Në vendin e parë dhe të dytë qëndruan sërish francezët Talayarch Clement dhe Heude Arthur.
Performancat e Xhepës në Val Cenis dëshmojnë zhvillimin e qëndrueshëm të skive shqiptare dhe forcimin e pranisë së Shqipërisë në aktivitetet ndërkombëtare të Audi FIS World Cup.
Këto rezultate janë një frymëzim për brezin e ri dhe një dëshmi se sportistët kuqezi po konkurrojnë me dinjitet dhe pasion në arenat më prestigjioze të botës. -
FIFA sjell rregullat e reja/ Ndeshjet e Botërorit 2026, ndahen në…
FIFA ka njoftuar se në Kupën e Botës së vitit të ardhshëm do të aplikohen pushime tre-minutëshe për hidratim në çdo pjesë loje, jo vetëm në ndeshjet që zhvillohen në kushte të nxehta.
Arbitri do ta ndalojë lojën në minutën e 22-të të secilës pjesë, në mënyrë që lojtarët të mund të pijnë ujë, pavarësisht temperaturës, vendit pritës SHBA, Kanada apo Meksikë ose faktit nëse stadiumi ka çati dhe sistem ajrimi. Ky ndryshim pritet të favorizojë edhe transmetuesit, duke e bërë orarin e ndeshjeve më të parashikueshëm.
FIFA bëri të ditur se kjo ide u diskutua fillimisht pasi drejtori ekzekutiv i turneut të Kupës së Botës 2026, Manolo Zubiria, mori pjesë në një takim me transmetuesit.
Për shumë tifozë, trajnerë dhe lojtarë, ky rregull e ndan praktikisht ndeshjen në katër “çerekë”, ngjashëm me ligat amerikane si NFL, NBA dhe WNBA, ku pushimet mes çerekëve shfrytëzohen për reklama.
Zubiria shtoi se gjyqtarët mund të kenë njëfarë fleksibiliteti, nëse pak para minutës së 22-të loja ndalet për shkak të një dëmtimi.
“Kjo do të vlerësohet nga gjyqtari në moment”, tha ai.
Sipas FIFA-s, vendimi konsiderohet një “version më i thjeshtuar dhe praktik” i rregullit të mëparshëm, që parashikonte pushime pas 30 minutash vetëm kur temperatura kalonte 32°C. Ky ndryshim vjen pasi nxehtësia dhe lagështia ndikuan lojtarët në disa ndeshje të Kupës së Botës për Klube në SHBA këtë vit. Atëherë FIFA uli pragun për pushimet e freskimit dhe vendosi më shumë ujë e peshqirë rreth fushës.
Nxehtësia ka qenë prej kohësh shqetësim në turnetë e mëdha. Para Kupës së Botës 2014, një gjykatë braziliane e detyroi FIFA-n të zbatonte pushimet e rekomanduara nga ekspertët ose të përballej me gjoba.
Një raport i publikuar në shtator nga Football for the Future, Common Goal dhe Jupiter Intelligence tregoi se 10 nga 16 qytetet pritëse të Kupës së Botës 2026 në SHBA, Meksikë dhe Kanada konsiderohen me rrezik shumë të lartë për kushte ekstreme të nxehtësisë. -
Kupa e Botës 2026, dyfishohen çmimet e biletave
Kush do të shkojë të njekë nga afër skuadrën e zemrës në Kupën e Botës 2026-të që do të organizohet në SHBA, Meksikë dhe Kanada duhet të dijë se çmimet janë më të shtrenjta se në botërorin e shkuar.
Raportohet se në krahasim tregohet se për Botërorin e fundit në Katar janë paguar nga 500 euro, kështu që bëhet fjalë për dyfishin.
Ndërkohë që duhet thënë se FIFA mban edhe një kuotë biletash me çmim fiks, për grupimet e organizuara të kombëtareve. Kështu që edhe atmosfera e tyre nuk do mungojë. -
Kupa e Botës 2026: FIFA zbardh kalendarin e plotë të fazës së grupeve
Kalendari dhe oraret e ndeshjeve për fazën e grupeve të Kupës së Botës 2026 tani dihet me saktësi më të madhe, pas shortit që u zhvillua këtë të premte.
Gjërat tani po përshpejtohen në përgatitje për Kupën e Botës 2026. Këtë të premte u zhvillua shorti për fazën e grupeve, duke zbuluar dymbëdhjetë grupet me nga katër skuadra që do të garojnë me objektivin e kualifikimit për raundin e 32-tave të garës. Disa orë më vonë, FIFA zbuloi kalendarin e plotë dhe oraret e ndeshjeve për fazën e grupeve të kësaj Kupe Bote, e cila do të fillojë më 11 qershor 2026.
Zbuloni listën e plotë të ndeshjeve për dymbëdhjetë grupet, me oraret sipas kontinentit europian:
Grupi A
11 qershor, ora 21:00: Meksikë-Afrika e Jugut (Stadiumi Azteca, Mexico City)
12 qershor, ora 4:00: Koreja e Jugut kundër fituesit të ndeshjes play-off Danimarkë/Maqedoni e Veriut/Republika Çeke/Irlandë (Estadio Akron, Guadalajara)
18 qershor, ora 18:00: Fituesi i ndeshjes play-off Danimarkë/Maqedoni e Veriut/Republika Çeke/Irlandë kundër Afrikës së Jugut (Stadiumi Mercedes-Benz, Atlanta)
19 qershor në orën 03:00: Meksikë-Koreja e Jugut (Estadio Akron, Guadalajara)
25 qershor, ora 03:000: Fituesi i ndeshjes eliminatore Danimarkë/Maqedoni e Veriut/Republika Çeke/Irlandë-Meksikë (Stadiumi Azteca, Mexico City) -
Eskorta VIP në burgje? Lala: Ndodh prej vitesh, lidhen me njerëz nga bota e krimit
Gazetarja Klodiana Lala ka zbuluar se në disa nga institucionet e vuajtjes së dënimit, disa nga emrat e njohur të botës së krimit kanë si shoqëruese disa emra të njohur të shoëbizit.
E ftuar në një podcast, Lala u shpreh se ka dijeni për disa raste vajzash të implikuara.
Sipas Lalës, kjo nuk është një gjë e re, por një fenomen i njohur për botën e krimit dhe jo vetëm.
“Është e vërtetë. Po kjo nuk është një gjë që ndodh sot, pra një fenomen që ndodh sot. Njerëzit e botës së krimit kanë synuar gjithmonë vajza të shoëbizit kryesisht. Ka emra që mund të jenë implikuar. Unë kam pasur dyshime në disa raste që kjo ka ndodhur, por kam pasur dyshime realisht në disa raste”,- u shpreh Lala. -
Kosova mëson axhendën e plotë, ja ku do të luhen ndeshjet
Kosovës ka mësuar edhe orarin për Kupën e Botës 2026, gjithnjë në rast kualifikimi. “Dardanët” që fillimisht duhet të fitojnë dy përballje në muajin mars për ta siguruar një vend në Botëror, ka mësuar se mund të jetë në grupin B me Australinë, Paraguain dhe SHBA-në.
Tashmë, FIFA ka zbuluar edhe orarin e Kupës së Botës, ku Kosova fillimisht mund të përballet me Australinë në Kanada, më saktësisht në stadiumin “Vancouver”, më 13 qershor.
Gjashtë ditë më vonë, Kosova ndeshjen e dytë do ta ketë kundër Paraguait në “Santa Clara”, ndërsa grupin do ta përmbyllë me SHBA-në në “Inglewood” më 25 qershor.Kosova fillimisht duhet të fokusohet te play-offi i muajit mars, ndaj Sllovakisë dhe në rast fitores atëherë finalen e zhvillojmë në Prishtinë me fituesin e takimit Turqi – Rumani. Ndeshja e parë zhvillohet në Bratsilavë më 26 mars, ndërsa finalja më 31 mars 2026.
-
Botëtori i parë për Halandin dhe e gjen veten në grupin e ferrit, njihuni me të gjitha grupet e Kupës së Botës 2026
Të gjitha Kombëtaret kanë njohur sot kundërshtarët që do të kenë përballë verën e ardhshme. FIFA ka organizuar sot ceremoninë e hedhjes së shortit për grupet e Kupës së Botës 2026. Fati është treguar bujar me shtetet organizatore. Meksika dhe SHBA-të gjenden në grupe të favorshme për të siguruar kualifikimin, ndërsa pak më e vështirë duket situata për Kanadanë. Këta të fundit do të garojnë me Zvicrën dhe me Italinë, nëse axurrët kalojnë me sukses “play off”-in.
Ndërkohë fati nuk i ia buzëqeshur Halandit. Sulmuesi i Mançester Sitit është kualifikuar për herë të parë në një kompeticion madhor si Kupa e Botës, por e ka gjetur veten në njërin prej grupeve më të vështirë. Kundërshtarët e tii do të jenë Franca me Senegalin, si dhe fituesi i play off-it mes Bolivisë, Surinamit dhe Irakut. -
Shorti i fazës finale të Kupës së Botës/ Shqipëria dhe Kosova mësojnë kundërshtarët nëse arrijnë “ëndrrën amerikane”
Është hedhur mbrëmjen e sotme në “Kennedy Center” në Uashington, ceremonia e shortit për fazën finale të Kupës së Botës 2026.
Një short ku për herë të parë do të ketë 12 grupe me nga katër skuadra, pasi kombëtaret pjesëmarrëse do të jenë 48.
Për herë të parë në histori në këtë short janë përmendur edhe emrat e Shqipërisë dhe Kosovës si kandidate për të marrë pjesë në fazën finale të Kupës së Botës.Shqipëria dhe Kosova kanë mësuar zyrtarisht se në cilët grupe do të jenë pjesë dhe skuadrat me të cilat do të përballen nëse do të mund të kalojnë me sukses ndeshjet e play off të muajit mars.
Kosova në rast kualifikimi do të bëjë pjesë në grupin D ku ndodhen SHBA, Australia dhe Paraguaji.
Ndërkohë Shqipëria në rast kualifikimi në play off do të luajë në grupin F ku bëjnë pjesë Holanda, Japonia dhe Tunizia. Nëse finalizon me sukses ëndrrën e madhe të grupeve të Botërorit, ndeshjen e parë Shqipëria e luan ndaj Tunizisë.
Kujtojmë, gjysmëfinalja e play-offit do të zhvillohet më 26 mars, finalja më 31 mars, kurse Kupa e Botës nis më 11 qershor.
Përballjet e tjera janë si më poshtë: