Lajmidites.com

Tag: bjellorusia

  • Balonat nga Bjellorusia ‘pushtojnë’ Lituaninë, kryeministrja shpall gjendje e jashtëzakonshme

    Balonat nga Bjellorusia ‘pushtojnë’ Lituaninë, kryeministrja shpall gjendje e jashtëzakonshme

    Lituania do të shpallë “gjendje emergjente kombëtare” për shkak të incidenteve me balona ilegale që vijnë nga Bjellorusia, njoftoi kryeministrja e vendit.

    Ajo tha: “Po përgatisim tani bazën ligjore dhe dokumentet e nevojshme”, duke e cilësuar shpalljen e gjendjes emergjente si “masën më të mirë që mund të merret në këtë moment”.
    Kryeministrja Inga Ruginienė shtoi se kjo do të lejojë qeverinë dhe autoritetet lokale të dedikojnë më shumë burime për të luftuar këto balona. “Nuk e përjashtojmë mundësinë e marrjes së masave të tjera”, theksoi ajo, duke shpjeguar se gjendja emergjente pritet të shpallet javën e ardhshme.

    Për shkak të “invazionit” të balonave që vijnë nga Bjellorusia, dy aeroporte të mëdha të Lituanisë, ato në Vilnius dhe Kaunas, kanë qenë të detyruara të pezullonin operacionet e tyre disa herë.

    Autoritetet lituaneze pohojnë se këto balona, që fluturojnë deri në 10 kilometra lartësi, dërgohen qëllimisht në rrugët ajrore të aeroporteve dhe përbëjnë një kërcënim ndaj aviacionit civil.

    Edhe pse balonat janë përdorur prej kohësh për transportin ilegal të cigareve nga kontrabandistë, muajt e fundit ato kanë shkaktuar mbyllje të aeroporteve.
    Ky shtet baltik, anëtar i NATO-s dhe Bashkimit Europian, ka akuzuar për një kohë të gjatë Bjellorusinë, aleate të ngushtë të Rusisë, se po kryen një “luftë hibride”.

  • Lituania shpall gjendje emergjente kombëtare, shkak balonat e paligjshme nga Bjellorusia

    Lituania shpall gjendje emergjente kombëtare, shkak balonat e paligjshme nga Bjellorusia

    Lituania do të shpallë “gjendje emergjente kombëtare” për shkak të incidenteve me balonat e paligjshme nga Bjellorusia, njoftoi kryeministrja e vendit.
    “Po përgatisim aktualisht bazën ligjore dhe dokumentet e nevojshme,” deklaroi kryeministrja Inga Ruginienė para gazetarëve, duke e cilësuar shpalljen e gjendjes së emergjencës “masën më të mirë që mund të merret në këtë moment”.
    Vendosja e gjendjes së emergjencës i mundëson qeverisë dhe autoriteteve lokale të angazhojnë më shumë burime në luftën kundër balonave ajrore.

    “Nuk përjashtojmë marrjen e masave të mëtejshme,” shtoi kreu i qeverisë lituaneze, duke theksuar se shpallja e gjendjes së emergjencës pritet të bëhet javën e ardhshme.
    Së fundmi, për shkak të “hyrjeve” të balonave të ardhura nga Bjellorusia, dy aeroportet më të mëdha të Lituanisë, ai i Vilniusit dhe i Kaunasit, janë detyruar disa herë të pezullojnë operimet.
    Autoritetet lituaneze pretendojnë se balonat, të cilat fluturojnë deri në lartësi 10 kilometra, dërgohen qëllimisht drejt korridoreve ajrore të aeroportit dhe përbëjnë një sulm ndaj aviacionit civil.
    Edhe pse balonat janë përdorur prej kohësh nga kontrabandistët për transport të paligjshëm cigareje, muajt e fundit ato kanë shkaktuar mbylljen e aerporteve.
    Shteti balltik, anëtar i NATO-s dhe BE-së, akuzon prej kohësh Bjellorusinë aleate të ngushtë të Rusisë, se po zhvillon një “luftë hibride” kundër tij.

  • Balona nga Bjellorusia/ Alarm mes fqinjëve e në Perëndim, kontrabandë apo sulm hibrid?

    Balona nga Bjellorusia/ Alarm mes fqinjëve e në Perëndim, kontrabandë apo sulm hibrid?

    Qindra balona meteorologjike fluturuan përgjatë kufirit nga Bjellorusia, duke shkaktuar kaos në aeroporte e duke e nxitur kryeministren e Lituanisë Inga Ruginiene  të pohojë se bëhet fjalë për “një sulm hibrid”, edhe pse incidente të tilla kujtojnë për një rrjet të gjerë dhe të vjetër kontrabande cigaresh, që thuhet se ka lidhje të nivelit të lartë në Minsk.

    Balonat që fluturojnë në një lartësi prej rreth 13 kilometrash, nisën të shfaqen që nga fundi i tetorit, duke detyruar mbylljen e disa aeroporteve, çka prekur gati 140 fluturime dhe 20.000 udhëtarë.
    Më 29 tetor, Lituania – anëtare e NATO-s dhe Bashkimit Europian – mbylli kufirin me Bjellorusinë për një muaj. Ruginiene deklaroi se kjo masë mund të zgjatet “për aq kohë sa të jetë e nevojshme”.
    Në vitin 2023, doganat lituaneze sekuestruan 11.9 milionë pako cigaresh, e asokohe, shërbimi kufitar i vendit raportoi për tri balona që mbërritën me cigare të kontrabanduara. Vitin e kaluar, shifrat ndryshuan ndjeshëm: vetëm 2.3 milionë pako cigare u sekuestruan nga doganat, pasi kontrabandistët filluan të përdorin metoda të tjera si dronë, varka të vogla dhe 226 balona të raportuara.
    Por këtë vit, numri i balonave është rritur në mënyrë drastike me 546 të tilla të raportuara nga janari në tetor. Lituania është e bindur se këto veprime përbëjnë një element të sulmit hibrid të regjimit të Lukashenkos. Në pretendimet e tij, Vilniusi mbështetet nga BE dhe NATO.

    Top Channel

  • Si po i rrëzon Bjellorusia dronët rusë

  • Oficerët amerikanë zbarkojnë në Bjellorusi, vëzhgojnë nga afër stërvitjen me Rusinë

    Oficerët amerikanë zbarkojnë në Bjellorusi, vëzhgojnë nga afër stërvitjen me Rusinë

    Bjellorusia është përballur me një surprizë të pakëndshme gjatë stërvitjeve të përbashkëta ushtarake me Rusinë, të quajtura “Zapad-2025”, të cilat nisën të premten në të dy vendet. Oficerë të ushtrisë amerikane morën pjesë në aktivitetet ushtarake, dhe ministri bjellorus i Mbrojtjes, Viktor Hrenin, u tha atyre se mund të shihnin “çdo gjë që u interesonte”, duke u lejuar të lëviznin lirshëm në terrenin e stërvitjes.

    “Kush do ta kishte menduar se si do të fillonte mëngjesi i një dite tjetër të stërvitjes Zapad-2025?”, deklaroi Hrenin, duke vënë në dukje praninë e përfaqësuesve nga 23 vende, përfshirë dy shtete të tjera anëtare të NATO-s, Turqinë dhe Hungarinë.

    Kjo vizitë shihet si një shenjë e ngrohjes së marrëdhënieve midis Uashingtonit dhe Minskut, megjithëse Bjellorusia mbetet aleate e ngushtë e Rusisë dhe ka lejuar përdorimin e territorit të saj për pushtimin e Ukrainës.

    Javën e kaluar, përfaqësuesi i presidentit amerikan Donald Trump, John Cole, zhvilloi bisedime në Minsk me presidentin Aleksandër Lukashenko. Si rezultat, Lukashenko pranoi të lirojë 52 të burgosur, mes tyre gazetarë dhe figura të opozitës. Në këmbim, SHBA lehtësuan sanksionet ndaj kompanisë ajrore kombëtare Belavia, duke i mundësuar blerjen e pjesëve të këmbimit për flotën e saj Boeing.

    Trump gjithashtu ka shprehur synimin për të rihapur së shpejti ambasadën amerikane në Minsk dhe për të ringjallur marrëdhëniet ekonomike dhe tregtare me Bjellorusinë, duke forcuar njëkohësisht lidhjet e tij me Lukashenkon, i cili vijon kontaktet e rregullta me Vladimir Putinin.

  • Oficerët amerikane zbarkojnë në Bjellorusi, vëzhgojnë nga afër stërvitjen ushtarake me Rusinë

    Oficerët amerikane zbarkojnë në Bjellorusi, vëzhgojnë nga afër stërvitjen ushtarake me Rusinë

    Bjellorusia është përballur me një surprizë të pakëndshme teksa oficerë të ushtrisë amerikane kanë mbërritur gjatë stërvitjeve të përbashkëta ushtarake me Rusinë, të quajtura “Zapad-2025”, të cilat nisën të premten në të dy vendet. Ministri bjellorus i Mbrojtjes, Viktor Hrenin, u tha oficerëve amerikanë se ata mund të shihnin “çdo gjë që i intereson”, duke i ftuar të lëviznin lirshëm në terrenin e stërvitjes.
    Prania e tyre u paraqit si surprizë nga Ministria e Mbrojtjes bjelloruse, e cila theksoi pjesëmarrjen e përfaqësuesve nga 23 vende, përfshirë dy anëtarë të NATO-s, Turqinë dhe Hungarinë. Në një video zyrtare, dy oficerë amerikanë shihen duke falënderuar Hreninin dhe duke i shtrënguar dorën, ndërsa refuzuan të flisnin për mediat.
    Kjo vizitë shihet si një tjetër shenjë e ngrohjes së marrëdhënieve mes Uashingtonit dhe Minskut, ndonëse Bjellorusia mbetet aleate e ngushtë e Rusisë dhe ka lejuar përdorimin e territorit të saj për pushtimin e Ukrainës në vitin 2022, shkruan A2 CNN.
    Javën e kaluar, përfaqësuesi i presidentit amerikan Donald Trump, John Cole, zhvilloi bisedime në Minsk me presidentin Aleksandër Lukashenko. Si rezultat, Lukashenko pranoi të lirojë 52 të burgosur, mes tyre gazetarë dhe figura të opozitës. Në këmbim, SHBA lehtësuan sanksionet ndaj kompanisë ajrore kombëtare Belavia, duke i mundësuar blerjen e pjesëve të këmbimit për flotën e saj Boeing.
    Trump ka shprehur synimin për të rihapur së shpejti ambasadën amerikane në Minsk dhe për të ringjallur marrëdhëniet ekonomike e tregtare me Bjellorusinë, duke forcuar njëkohësisht lidhjet e tij me Lukashenkon, i cili vijon kontaktet e rregullta me Vladimir Putinin.

  • Bjellorusia i del në mbrojtje Rusisë pas dronëve në Poloni? Zyrtari: Edhe mbi ne ranë, u bllokua sistemi i navigimit

    Bjellorusia i del në mbrojtje Rusisë pas dronëve në Poloni? Zyrtari: Edhe mbi ne ranë, u bllokua sistemi i navigimit

    Bjellorusia, aleate e Rusisë, duket se i ka dalë në mbrojtje kësaj të fundit duke thënë ndër të tjera se edhe ata kanë kapur dronë në territorin e tyre.

    Pavel Muravyeika, zëvendësministri i mbrojtjes i Bjellorusisë, pretendon se dronët që hynë në hapësirën ajrore polake ishte në mënyrë aksidente, pasi sistemet e tyre të navigimit u bllokuan, shkruan BBC.
    Në një video në kanalin zyrtar të ministrisë së mbrojtjes në Telegram, ai pretendon se dronët “humbën rrugën” dhe se vetë Bjellorusia kishte rrëzuar disa prej tyre mbi territorin e saj.
    Ai tha se midis orës 23:00 dhe 04:00 sipas orës lokale (21:00 deri në 02:00 BST), forcat e tij, Polonia dhe Lituania kishin ndarë informacione përmes “kanaleve të komunikimit” mbi dronët e supozuar.
    Ndërkohë në reagimin e parë nga Rusia, thuhet se nuk ka asnjë provë se këto dronë janë rusë.

    Top Channel

  • Në mes të tensioneve me Perëndimin, Bjellorusia hap diskutimin për armatimin bërthamor të raketave të saj

    Në mes të tensioneve me Perëndimin, Bjellorusia hap diskutimin për armatimin bërthamor të raketave të saj

    Bjellorusia po shqyrton mundësinë e pajisjes së sistemeve të saj të raketave me koka bërthamore.

    Lajmi është bërë i ditur nga një zyrtar i lartë i sigurisë në Minsk, në një kohë kur tensionet mes Lindjes dhe Perëndimit vijojnë të rriten.
    Minsku nuk posedon armë bërthamore, por strehon në territorin e tij armë taktike ruse, të cilat mbeten nën kontrollin e Kremlinit. Presidenti Aleksandër Lukashenko, në pushtet që prej vitit 1994 dhe aleat i ngushtë i Vladimir Putinit, deklaroi gjatë një takimi për prodhimin e armëve se Bjellorusia duhet të modernizojë kapacitetet e saj ushtarake.
    “Dinamika e kërcënimeve ushtarake dhe rritja e ndjeshme e shpenzimeve ushtarake nga fqinjët tanë perëndimorë na detyrojnë të forcojmë vazhdimisht aftësitë mbrojtëse të Bjellorusisë, Rusisë dhe bashkimit tonë”, citohet të ketë thënë Lukashenko për median shtetërore.
    Deklaratat vijnë në të njëjtën ditë kur kreu i korporatës shtetërore bërthamore të Rusisë paralajmëroi se Moska duhet të forcojë mburojën e saj bërthamore përballë “kërcënimeve kolosale” që, sipas tij, po përballet vendi.

    Top Channel

  • Zelensky nuk pranoi të takohet në Moskë, Bjellorusia e gatshme të organizojë takimin me Putinin

    Zelensky nuk pranoi të takohet në Moskë, Bjellorusia e gatshme të organizojë takimin me Putinin

    Bjellorusia mund të organizojë një takim midis presidentëve Volodymyr Zelensky dhe Vladimir Putin me kërkesë të Moskës, tha sekretari i shtypit i udhëheqësit bjellorus, i cituar nga gazeta ruse Vedomosti.
    “Bjellorusia nuk kërkoi rolin e ndërmjetësit dhe nuk po e kërkon atë, por nëse është e nevojshme për paqen në republikën tonë vëllazërore, ne jemi të gatshëm të organizojmë çdo takim”, thuhet se tha Natalya Eismont.
    Megjithatë, ajo vuri në dukje se kjo temë nuk u diskutua gjatë një bisede telefonike të kohëve të fundit midis Presidentit Bjellorusi Alexander Lukashenko dhe Presidentit të SHBA-së, Donald Trump.

  • Alarm në Baltik, droni luftarak nga Bjellorusia rrëzohet në territorin e Lituanisë

    Alarm në Baltik, droni luftarak nga Bjellorusia rrëzohet në territorin e Lituanisë

    Ushtria lituaneze ka gjetur një mjet ajror pa pilot që beson se ka hyrë në hapësirën e saj ajrore nga Bjellorusia pas disa ditësh kërkimesh, njoftoi ushtria sot.

    Mjeti ajror pa pilot u gjet në poligonin e stërvitjes ushtarake Gaiziuinai pranë qytetit Jonava, tha ushtria.

    Sipas raporteve fillestare, bëhet fjalë për dronin Geran që i ngjan dronëve luftarakë Shahed të përdorur nga Rusia në luftën kundër Ukrainës.

     Ushtria lituaneze dhe autoritetet e tjera kanë hetuar incidentin me një objekt fluturues që u vu re nga qytetarët për pesë ditë.

    Objekti është parë për herë të fundit pranë kryeqytetit Vilnius. Sipas ushtrisë, droni ka shumë të ngjarë të jetë devijuar nga mbrojtja ajrore ukrainase.

    Kur u pyetën se si objekti fluturues u rrëzua pa u vënë re në terrenin e stërvitjes ushtarake lituaneze, përfaqësuesit e ushtrisë shpjeguan se nuk ka pajisje radari në atë zonë.

    Lituania, një anëtare e NATO-s dhe Bashkimit Evropian, i dërgoi një notë proteste Minskur zyrtar duke kërkuar një shpjegim. Përveç kësaj, vendi baltik ka vendosur trupa shtesë dhe sisteme të mbrojtjes ajrore në kufirin e saj me Bjellorusinë.

    Bjellorusia është një aleat i ngushtë i Rusisë. Që nga fillimi i pushtimit rus të Ukrainës, dronët kanë hyrë vazhdimisht në hapësirën ajrore të vendeve fqinje baltike.