Lajmidites.com

Tag: basteve

  • Thellohet skandali i basteve në Turqi, arrestohen lojtarë të Fenerbahçe dhe Galatasaray

    Thellohet skandali i basteve në Turqi, arrestohen lojtarë të Fenerbahçe dhe Galatasaray

    5 Dhjetor 2025

    12:45

    Alfred Lleshi

    Prokuroria e Stambollit ka lëshuar urdhra arresti për dhjetëra lojtarë dhe drejtues klubesh lidhur me skandalin e basteve që ka tronditur futbollin turk. Në bastisjen e mëngjesit të sotëm u arrestuan, mes të tjerëve, mesfushori i Fenerbahçe, Mert Hakan Yandaş, dhe mbrojtësi i Galatasaray, Metehan Baltaci.
    Sipas agjencisë DHA, në pranga kanë rënë edhe ish-gjyqtari dhe komentatori Ahmet Çakar dhe gjyqtari aktual Zorbay Küçük. Federata Turke e Futbollit kishte njoftuar në tetor nisjen e një hetimi ndaj mbi 150 gjyqtarëve për bastet e dyshuara në ndeshje, hetim që më pas u zgjerua edhe te lojtarët, drejtuesit dhe komentatorët televizivë.
    Prokuroria e Stambollit ka lëshuar urdhra arresti për 46 të dyshuar, nga të cilët 35 janë arrestuar fillimisht, duke përfshirë edhe presidentët e disa klubeve.

  • “Tronditet” futbolli turk nga skandali i basteve, arrestohen lojtarë të Fenerbahçe dhe Gallatasarai

    “Tronditet” futbolli turk nga skandali i basteve, arrestohen lojtarë të Fenerbahçe dhe Gallatasarai

    Prokurorët turq kanë urdhëruar ndalimin e 46 personave, përfshirë futbollistë nga klubet e kategorisë së parë, presidentë klubesh, komentatorë dhe të tjerë, si pjesë e një hetimi gjithnjë e më të gjerë për baste të brendshme në ligat profesionale të Turqisë.
    Hetimi i vazhdueshëm çoi në arrestimin e disa futbollistëve, mes tyre lojtarë të gjigantëve të Stambollit, Fenerbahçe dhe Galatasaray.
    Skandali i basteve sportive që po trondit futbollin turk vazhdon të shpaloset me zhvillime të reja. Më i fundit ndodhi të premten, kur Prokuroria nisi një operacion të madh që rezultoi me 46 urdhër-arreste për lojtarë, trajnerë dhe gjyqtarë.
    Ndër të dyshuarit është Mert Hakan Yandaş, mesfushori 31-vjeçar që është kapiteni aktual i Fenerbahçes. Lojtari akuzohet se ka vënë baste për ndeshjet e ekipit të tij në faqe të ligjshme bastesh përmes personave të tretë. Për më tepër, Yandaş nuk ka luajtur asnjë minutë këtë sezon, teksa ka qenë lojtar kyç për José Mourinhon në sezonet e mëparshme.

    Ndër 26 lojtarët e tjerë të ndaluar janë Metehan Baltacı i Galatasarayt. Metin Korkmaz, president i Adanademirsporit, dhe Emrah Çelik, drejtor sportiv i Antalyasporit, ishin zyrtarët aktivë të arrestuar.
    Sipas dokumentit të publikuar, autoritetet filluan arrestimet në orën 07:15 sipas orës lokale, me shumicën e të dyshuarve të ndaluar në provincën e Stambollit. Pesë prej tyre ndodhen jashtë vendit dhe po lokalizohen që të paraqiten para gjykatës.

  • Shqipëria sfidon Anglinë, kompanitë e basteve “vendosin në peshore” skuadrat

    Shqipëria sfidon Anglinë, kompanitë e basteve “vendosin në peshore” skuadrat

    Shqipëria dhe Anglia do të mbyllin fushatën kualifikuese në Grupin K, pikërisht nesër. Të dyja përfaqësueset do të masin forcat në stadiumin “Air Albania”.
    Ky takim i gjen pa presion kuqezinjtë, pasi siguruan fazën “play off”. Ekspertët e basteve dhe statistikave kanë thënë fjalën e tyre.
    Fitorja e Shqipërisë kuotohet 8, ndërsa në anën tjetër Anglia ka koeficientin 1.4. Barazimi është me kuotën mesatare 4.7.
    Statistikat ndërkohë i japin 14% mundësi Shqipërisë për një fitore. Anglia dukshëm favorite është me 67% mundësi. Në anën tjetër barazimit i është vendosur 19% mundësi në bazë të situatës aktuale.

  • Pista e basteve, dy policë në pranga dhe misteri i atentatit ndaj Danit

    Pista e basteve, dy policë në pranga dhe misteri i atentatit ndaj Danit

    Përfshirja në bastet sportive është kjo një piste ku hetusit po përqëndrohen si shkak për vrasjës e Gilmando Danit dy të më parë në Rinas.
    Sipas informacioneve 1 vit pas daljës nga burgu Dani ka dyshime se është përfshirë në ktë aktivitet të paligjshëm.
    Pertej pistës së basteve për hetusit interes ngjall edhe pista e fajdeve por që për ktë shkak ende hetimet janë të zbehta.Nga kqyrja që I është bërë makinës tip benz policia ka sekuestruar disa sende personale si dhe aparate celulare që pritet ti nënshtrohet procedurës shkencore me qëllim aktivizimin e tyre.
    Ndërkohë ka kontrolli që I është bërë mjetit nuk është konstatuar ndonjë sënd I paligjshëm.
    Të vetmit të ndaluar për ktë ngjarjë rezultojnë të jënë dy punonjës policie të komisariatit nr3.
    Sipas AMP kto punonjës kanë dhenë përgjigjë pozitive që I plagosuri në ktë atentat Muci Shaljani alias Sheqeri të futet në strukturat e AMP.
    Por sic mëson OraNeës efektivet janë shprehur se gjatë kqyrjes se procedurave pra që përkonmë mesin e muajit Shtator nga kartoteka e policise së shtetit nuk rezulton që Muci Shaljani alias Sheqeri të kishte ngarkesë pënale.
    Po ashtu nuk rezultonte të kishte informacione se kandidati për tu bërë pjese e AMP të kishte kontakte të papërshtatshem.Por të njejta burime bejne me dije se një i aferm i Muci Shaljani alias Sheqeri ka kryer nje vrasje rrethe vitit 2009 e cila në atë kohë është klasifikuar si vrajsë nga pakujdesia.
    Por për policinë Muci Shaljani alias Sheqeri nuk rezulton të ishte shënjester e sulmit me armëP

  • Skandali i basteve në Turqi, arrestohen 18 persona. Gjyqtarë të përfshirë

    Skandali i basteve në Turqi, arrestohen 18 persona. Gjyqtarë të përfshirë

    Në Turqi, janë lëshuar 21 urdhër-arreste, pas hetimeve për skandalin e basteve sportive.
    Në urdhër-arrestet e lëshuara, 17 janë për gjyqtarë futbolli dhe për një president klubi.
    Pak ditë më parë, presidenti i Federatës Turke, Ibrahim Hatciosmanoglu, deklaroi se 371 arbitra kishin llogarie aktive në bastet online.
    Hetimet kishin nisur prej kohësh, ndërsa aktualisht janë arrestuar 18 persona. Pak ditë më parë, Federata Turke vendosi të pezullojë 149 gjyqtarë, për përfshirje në manipulimin e ndeshjeve.
    Siç njoftoi Federata Turke e Futbollit, dënimet e vendosura ndaj të përfshirëve variojnë nga tetë deri në dymbëdhjetë muaj, megjithatë, pa sqaruar nëse ndonjëri prej gjyqtarëve ka vendosur baste në ndeshje në të cilat ata vetë kanë pasur rol arbitri.

  • Kush po e pengon hapjen e basteve online? Ja çfarë thotë Ministria e Financave

    Kush po e pengon hapjen e basteve online? Ja çfarë thotë Ministria e Financave

    Gjashtë vite nga mbyllja e pikave fizike të basteve në të gjithë Shqipërinë, dhe pothuajse dy vite pas hyrjes në fuqi të ligjit të ri, bastet sportive mbeten një fushë gri.
    Miliona euro mungojnë në buxhetin e shtetit, ndërsa tregu i basteve operon në informalitet.
    Bastet një pjesë e madhe edhe mund të jenë zhdukur por ka ende që janë thjesht zhvendosur.
    Nga rruga, në “online”. Nga tabelat e lagjeve, në faqet e internetit. Dhe ndonëse ligji i ndaloi, realiteti i tregut i mbajti gjallë.
    Miratimi i ligjit për bastet online dhe hyrja në fuqi e tij duket se i dha dritën jeshile. Por ky process ka ngecur në hartimin e akteve nënligjore.
    Ministria e Financave tregon se aktet janë në proces hartimi por vonesat do të vijojnë për shkak të kompleksitetit të tyre duke shtyrë kështu pa afat hapjen e garës për licencimin e kompanive.
    “Aktet nënligjore në zbatim të ligjit nr.155/2015 për bastet online janë në proces hartimi. Arsyet e mosmiratimit të tyre janë për shkak të kompleksitetit të tyre. Me miratimin e këtyre akteve do të hapet dhe gara për licencimin e basteve sportive online”, shprehet Ministria e Financave.
    Mosvendimarrja për plotësimin e hendeqeve të ligjit ka pasoja të drejtpërdrejta në buxhetin e shtetit.
    Pa aktet nënligjore, taksat nuk mund të mblidhen siç parashikon ligji, duke lënë miliona euro të pakompesuara dhe duke ushqyer informalitetin në treg.
    Historia e basteve në Shqipëri është historia e një rrethi që përpiqet të mbyllet, por vazhdon të hapet në forma të reja.
    Nga ndalimi total, tek rikthimi i mundshëm, shoqëria shqiptare mbetet përballë pyetjes: a mund të menaxhohet një varësi që dikur nisi si lojë?/Tch

  • “Kompleksiteti po pengon bastet online”, Ministria e Financave për Top Channel: Jemi ende në proces hartimi

    “Kompleksiteti po pengon bastet online”, Ministria e Financave për Top Channel: Jemi ende në proces hartimi

    Gjashtë vite nga mbyllja e pikave fizike të basteve në të gjithë Shqipërinë, dhe pothuajse dy vite pas hyrjes në fuqi të ligjit të ri, bastet sportive mbeten një fushë gri.

    Miliona euro mungojnë në buxhetin e shtetit, ndërsa tregu i basteve operon në informalitet.
    Bastet një pjesë e madhe Edhe mund të jenë zhdukur por ka ende që janë thjesht zhvendosur. Nga rruga, në “online”. Nga tabelat e lagjeve, në faqet e internetit. Dhe ndonëse ligji i ndaloi, realiteti i tregut i mbajti gjallë.
    Miratimi I ligjit për bastet online dhe hyrja në fuqi e tij duket se I dha dritën jeshile. Por ky process ka ngecur në hartimin e akteve nënligjore. Ekskluzivisht për Top Channel, Ministria e Financave tregon se aktet janë në proces hartimi por vonesat do të vijojnë për shkak të kompleksitetit të tyre duke shtyrë kështu pa afat hapjen e garës për licencimin e kompanive.
    “Aktet nënligjore në zbatim të ligjit nr.155/2015 për bastet online janë në proces hartimi. Arsyet e mosmiratimit të tyre janë për shkak të kompleksitetit të tyre. Me miratimin e këtyre akteve do të hapet dhe gara për licencimin e basteve sportive online”, shprehet Ministria e Financave.
    Mosvendimarrja për plotësimin e hendeqeve të ligjit ka pasoja të drejtpërdrejta në buxhetin e shtetit. Pa aktet nënligjore, taksat nuk mund të mblidhen siç parashikon ligji, duke lënë miliona euro të pakompesuara dhe duke ushqyer informalitetin në treg.
    Historia e basteve në Shqipëri është historia e një rrethi që përpiqet të mbyllet, por vazhdon të hapet në forma të reja. Nga ndalimi total, tek rikthimi i mundshëm, shoqëria shqiptare mbetet përballë pyetjes: a mund të menaxhohet një varësi që dikur nisi si lojë?

    Top Channel

  • Skandali: Zbulohen 152 gjyqtarë të përfshirë në baste sportive

    Skandali: Zbulohen 152 gjyqtarë të përfshirë në baste sportive

    Futbolli turk është përfshirë në një tjetër skandal të madh, këtë herë i lidhur me bastet e paligjshme. Sipas autoriteteve, qindra gjyqtarë janë nën hetim për përfshirje në aktivitet të ndaluar të basteve sportive.
    Presidenti i Federatës Turke të Futbollit, Ibrahim Haciosmanoglu, njoftoi se nga 571 gjyqtarë të regjistruar, 371 kanë llogari të hapura në kompani bastesh online.
    Ndër ta, 152 janë konstatuar se kanë marrë pjesë në mënyrë aktive në vendosjen e basteve. Haciosmanoglu deklaroi se federata do të ndërmarrë masa të menjëhershme për të pastruar futbollin nga çdo formë abuzimi.
    Ai theksoi se nuk do të ketë asnjë tolerim dhe se dënimet do të aplikohen pa përjashtim. Pa bërë publik emrat, u bë e ditur se 22 prej të përfshirëve janë gjyqtarë dhe asistentë në nivelin më të lartë të garave.
    Hetimet kanë zbuluar se njëri prej tyre ka një histori bastesh me mbi 18 mijë ngjarje të regjistruara. Po ashtu, 42 të tjerë kanë vendosur mbi 1000 baste secili. Federata pritet të publikojë në ditët në vijim masat disiplinore ndaj të implikuarve.

  • Yje të NBA-së dhe anëtarë të mafisë arrestohen në një operacion kundër basteve sportive

    Yje të NBA-së dhe anëtarë të mafisë arrestohen në një operacion kundër basteve sportive

    Trajneri i ekipit Portland Trail Blazers në NBA, Chauncey Billups, dhe basketbollisti i Miami Heat, Terry Rozier, u arrestuan më 23 tetor pasi dyshohen për përfshirje në baste të paligjshme, thanë zyrtarët amerikanë.
    Billups, ish-lojtar i Detroit Pistons dhe anëtar i “Hall of Fame” të Shoqatës Kombëtare amerikane të Basketbollit (NBA), u arrestua në lidhje me lojëra të paligjshme dhe të manipuluara të pokerit, që dyshohet se janë të lidhura me familje mafioze, bëri të ditur drejtori i FBI-së, Kash Patel.
    Rozier dhe ndihmës trajneri i basketbollit, Damon Jones, janë në mesin e gjashtë personave të arrestuar në rastin që lidhet me baste sportive, tha Patel në një konferencë për media në Nju Jork.

    Prokurori amerikan Joseph Nocella tha se 49-vjeçari Billups ishte një nga 34 personat e akuzuar për përfshirje të dyshuar në një “skemë kombëtare për manipulimin e lojërave të paligjshme të pokerit”, ku ishte përdorur “teknologji e avancuar mashtrimi”.
    Ndihmësi i drejtorit të zyrës së FBI-së në Nju Jork, Christopher Raia, tha se në hetime të ndara, 34 persona janë arrestuar për baste sportive dhe poker të paligjshëm, përfshirë 13 anëtarë të mafisë dhe bashkëpunëtorët e tyre.
    Rozier dhe Jones dyshohet se “morën pjesë në një prej skemave më të mëdha korruptive sportive që nga legalizimi i basteve online në SHBA”, tha Nocella.
    Ai e përshkroi këtë rast si “një komplot të brendshëm të basteve sportive që shfrytëzoi informacione konfidenciale lidhur me atletët dhe ekipet e NBA-së”.
    Të arrestuarit thuhet se ishin përfshirë në baste ilegale mbi performancën e lojtarëve të Charlotte Hornets, Portland Trail Blazers, Los Angeles Lakers dhe Toronto Raptors, tha prokurori Nocella.
    Ai tha se NBA-ja ka bashkëpunuar me hetimin që çoi në ngritjen e aktakuzave të enjten.
    Shefja e policisë në Nju Jork, Jessica Tisch, përmendi një shembull nga ndeshja e 23 marsit e vitit 2023, kur Rozier luante për Hornets.
    Rozier informoi personat e tjerë se “kishte planifikuar të largohej nga loja herët, për shkak të gjoja një dëmtimi”, tha Tisch.
    “Duke përdorur këtë informacion, anëtarët e grupit vendosën mbi 200.000 dollarë baste mbi performancën e tij të pritshme në lojë”, shtoi ajo. “Rozier u largua nga loja pas vetëm nëntë minutash, dhe ato baste u paguan, duke gjeneruar dhjetëra mijëra dollarë fitim”.
    Sa u përket lojërave të pokerit, që dyshohet se u manipuluan, në rastin e përfshirjes së Billupsit, organizatorët, sipas autoriteteve, përdornin “makina të veçanta për përzierjen e letrave që mund të lexonin kartat me barkode dhe kamera të fshehura të vendosura në tavolina dhe drita”, tha Tisch.
    “Viktimat besonin se po uleshin në një tavolinë ku loja do të ishte fer”, tha ajo. “Në vend të kësaj, ata u mashtruan për miliona dollarë”.
    Billups u pensionua si lojtar më 2014 dhe ka qenë trajneri kryesor i Portland Trail Blazers që nga viti 2021. Ai udhëhoqi ekipin të mërkurën, kur pësoi humbje ndaj Minnesota Timberwolves.
    Rozier, 31 vjeç, u bë pjesë e Boston Celtics më 2015. Ai ka shënuar 13.9 pikë mesatarisht për ndeshje dhe ka luajtur në tre ekipe gjatë karrierës së tij 11-vjeçare në NBA.
    Rozier ka pësuar një lëndim dhe nuk luajti në ndeshjen e zhvilluar të mërkurën.
    Prokurori Nocella tha se aktakuza për rastin e basteve sportive lidhet me arrestimin e vitit të kaluar të ish-lojtarit të NBA-së, Jontay Porter të ekipit Toronto Raptors, të cilit iu ndalua që të luante në këtë ligë përjetë për shkak të rolit të tij në skandalin e basteve.
    Porter u akuzua për vendosjen e basteve të lidhura me performancën e tij në lojë. Ai e ka pranuar fajësinë për komplot për mashtrim dhe po që t’i shqiptohet dënimi.
    Sipas rregullave, lojtarëve të NBA-së u ndalohet të vendosin baste për ndeshjet e NBA-së.
    Ndërkaq, në korrik, ish-lojtari i NBA-së, Gilbert Arenas, u arrestua nën akuzën për organizimin e lojërave të paligjshme të pokerit në vilën e tij në Los Angjelos./REL

  • Serbi-Shqipëri, sa janë shanset e kuqezinjve sipas kompanive të basteve

    Serbi-Shqipëri, sa janë shanset e kuqezinjve sipas kompanive të basteve

    Kuqezinjtë do të luajnë mbrëmjen e sotme në Leskovac përballë Serbisë, ndeshje e vlefshme për kualifikueset e Kupës së Botës.
    Edhe për këtë takim kompanitë e basteve kanë thënë fjalën e tyre. Ekipi serb është favorit për 3 pikët. Një sukses i mundshëm i të besuarve të Stojkovic kuotohet me 1.66.

    Një barazim vlerësohet me 3.4, ndërsa triumfi i kuqezinjve ka koefiçentin 6.00. Sfida fillon në orën 20.45.
    Shqipëria dhe Serbia e barazuan pa gola takimin e tyre të parë në “Air Albania”. Kuqezinjtë patën si peng edhe një penallti të humbur nga Rei Manaj.