Lajmidites.com

Tag: arsye

  • Dafina ndryshon vendndodhjen e koncertit “Supernova”

    Dafina ndryshon vendndodhjen e koncertit “Supernova”

    Showbiz E Martë, 9 Dhjetor 2025 16:38
    Dafina Zeqiri ka njoftuar fansat se koncerti i shumëpritur “Supernova” do të zhvillohet në një lokacion të ri. Për arsye institucionale, të cilat nuk varen nga organizatorët, salla “1 Tetori” do të përdoret nga autoritetet dhe KQZ për procesin zgjedhor në datat e parashikuara të koncertit.
    Për këtë arsye, në bashkëpunim me institucionet kompetente, eventi është zhvendosur në Sallën e Madhe të Pallatit të Rinisë (Boro Ramiz) në Prishtinë.

    Njoftimi thekson se ky ndryshim ruan datat, cilësinë dhe standardin e lartë të prodhimit të planifikuar, duke garantuar një përvojë edhe më të mirë për publikun.

    Organizatorët sigurojnë se të gjitha biletat mbeten të vlefshme dhe nuk nevojitet asnjë veprim shtesë nga ana e fansave.

    Dafina dhe ekipi i saj falënderojnë publikun për mirëkuptimin dhe mbështetjen e tyre të vazhdueshme, duke premtuar një mbrëmje spektakolare që nuk do të harrohet.

  • E lanë pa punë prej bindjeve politike, qytetari tregon pse protestat nuk do të ndalen

    E lanë pa punë prej bindjeve politike, qytetari tregon pse protestat nuk do të ndalen

    Në protestën e thirrur nga opozita, një qytetar shprehet se ka “1000 arsye” për të qenë i pranishëm, duke theksuar se këto tubime janë të vonuara dhe duhet të ishin edhe më të fuqishme.

    Sipas tij, qëllimi kryesor i protestave është rrëzimi i qeverisë së Edi Ramës. Ai ndan historinë e tij personale, duke treguar se ai dhe bashkëshortja e tij, të cilët së bashku zotërojnë tre diploma, janë të dy të papunë. Protestuesi pretendon se ata u larguan nga puna për shkak të bindjeve të tyre politike. Përveç kësaj, ai përmend edhe emigrimin e të rinjve si një arsye tjetër madhore që e ka shtyrë të dalë në shesh.

    I pyetur nga Euronews në lidhje me paralajmërimin për një valë protestash, qytetari konfirmon se do të marrë pjesë në të gjitha pa përjashtim, madje shpreh dëshirën që ato të jenë të pandërprera.

    Ndonëse nuk është pjesë e strukturave drejtuese të Partisë Demokratike, ai u bën thirrje organizatorëve për sa më shumë protesta, duke argumentuar se qytetarët janë në pritje të tyre. Ai flet edhe për faktorin e frikës, që sipas tij pengon shumë njerëz, veçanërisht të punësuarit në administratën publike, të bashkohen në tubime.

    “Një pjesë e mirë me shpirt e zemër janë këtu, por nuk dalin prej frike”, pohon ai, duke vënë veten si shembull të dikujt që proteston pasi tashmë e ka humbur vendin e punës. Qytetari, me origjinë nga Dibra dhe banues në Tiranë, tregon se prej dy vitesh është i papunë.

    Qytetari: 

    1000 arsye. Madje janë vonuar shumë protestat, duheshin bërë më shpejt, edhe më të fuqishme dhe jam i sigurt që do të bëhen. Faleminderit.
     Pres gjithçka. Të rrëzojmë Edi Ramën. Jam, jam bashkë me bashkëshorten, tre diploma kemi, të dy jemi babu. Na hoqën prej pune për shkak të bindjeve politike. Dhe, përveç arsyeve të tjera që fëmijët po na ikin dhe aq shumë arsye ka që të gjithë shqiptarët duhet të jenë këtu sot.
    Do të marr pjesë te të gjitha pa përjashtim. Madje të jenë të pandërprera.
    Unë nuk jam, nuk jam në kryesinë e PD-së, por i bëj thirrje që sa më shumë protesta të ketë, më mirë do jetë sepse të gjithë qytetarët presin këtë, pavarësisht frikës për shkak të punësimeve në administratë, njerëzve që janë të punësuar dhe një pjesë e mirë me shpirt e zemër janë këtu por nuk dalin prej frike.
    Unë që dola, ja jam në rrugë, pa punë.
    Ka dy vite. Dy vite që jam.
    Unë vij nga Dibra por banoj këtu.

  • “Pushteti ka hyrë në xhepat e shqiptarëve”, Boçi: Protesta është rezistenca e fundit ndaj autokracisë

    “Pushteti ka hyrë në xhepat e shqiptarëve”, Boçi: Protesta është rezistenca e fundit ndaj autokracisë

    Nënkryetari i PD, Luçiano Boçi shprehet se protesta e 17 nëntorit, është një indinjatë ndaj qeverisë Rama, për shkak se opozitës i është rrëmbyer çdo hapësirë kontrolli apo debati parlamentar.
    I ftuar në një emision televiziv, Boçi tha se thirrja e protestës dhe ngritja e platformës së rezistencës, ishte momenti i duhur, pasi ishte kërkuar jo vetëm nga qytetarët por edhe vetë strukturat e PD.
    Sipas Boçit, sot qytetarët kanë shumë arsye për të protestuar, kjo sepse pushteti ka hyrë në xhepat e shqiptarëve, duke i rënduar më tej ato.
    ‘Orteku ka dëshmuar se kur nis, bëhet i papërballueshëm’, u shpreh ndër të tjera Boçi.
    Pas veprimeve të fundit ndaj qeverisë nga ana e SPAK, në kushtet kur në parlament opozitës i është rrëmbyer çdo hapësirë kontrolluese, apo debati parlamentar, ka qenë moment i duhur, i kërkuar nga opinioni dhe PD, për të dalë në një format tjetër komunikimi me qytetarët, protesta në vetvete është një formë komunikimi. Ka shuam arsye që kjo protestë të jetë një platformë rezistence dhe që alternohet me qëndrim politik. Kjo qeveri ka mbushur ditët, kupa është mbushur dhe duhet të largohet e t3ë lërë hapësirë që zgjedhje demokratike. Secila prej forca ve politike të këtë opsionin që të drejtojë vendin, duke shprehur vullnetin qytetar.
    Ka një lloj dëshpërimi brenda strukturave e qytetarët, për mënyrën se si janë marrë zgjedhjet e si ka vijuar qeverisja. Apo dhe ikjen e njerëzve, duke shtuar edhe faktorët e sjelljes sociale të shoqërisë. Ka ndryshuar qasja ndaj protestës e politikës, për të protestuar duhet të shohësh arsye. Ka shumë arsye për të protestuar, arsimore, menaxhimi i shëndetit, ekonomia, kufizimi i qytetarëve, si pushteti ka hyrë te xhepat e shqiptarëve, me ligjin e fundit për barazinë gjinore ka shqyer portat e familjes së tyre.
    Çdo qytetar duhet të vijë në një tubim e të shprehë kundërshtinë e tij. Pushteti do marrë masat, instalimi i frikës ka nisur, presioni ndaj administratës. S’është sistem demokratik, është sistem autokratik me pamje demokratike. Padrejtësitë janë bërë sa një mal dhe arsyet janë kaq të shumta sa që qytetarët në momentin e parë. Orteku ka dëshmuar se kur nis bëhet i papërballueshëm.

  • Opozita në protestë, Boçi: Orteku ka dëshmuar se kur nis, bëhet i papërballueshëm

    Opozita në protestë, Boçi: Orteku ka dëshmuar se kur nis, bëhet i papërballueshëm

    Nënkryetari i PD, Luçiano Boçi shprehet se protesta e 17 nëntorit, është një indinjatë ndaj qeverisë Rama, për shkak se opozitës i është rrëmbyer çdo hapësirë kontrolli apo debati parlamentar.
    Boçi tha se thirrja e protestës dhe ngritja e platformës së rezistencës, ishte momenti i duhur, pasi ishte kërkuar jo vetëm nga qytetarët por edhe vetë strukturat  e PD.
    Sipas Boçit, sot qytetarët kanë shumë arsye për të protestuar, kjo sepse pushteti ka hyrë në  xhepat e shqiptarëve, duke i rënduar më tej ato.
    ‘Orteku ka dëshmuar se kur nis, bëhet i papërballueshëm’, u shpreh ndër të tjera Boçi.
    “Pas veprimeve të fundit ndaj qeverisë nga ana e  SPAK, në kushtet kur në parlament opozitës i është rrëmbyer çdo hapësirë kontrolluese, apo debati parlamentar, ka qenë moment i duhur, i kërkuar nga opinioni dhe PD, për të dalë në një format tjetër komunikimi me qytetarët, protesta në vetvete është një formë komunikimi. Ka shuam arsye që kjo protestë të jetë një platformë rezistence dhe që alternohet me qëndrim politik.  Kjo qeveri ka mbushur ditët, kupa është mbushur dhe duhet të largohet e t3ë lërë hapësirë që zgjedhje demokratike. Secila prej forca ve politike të këtë opsionin që të drejtojë vendin, duke shprehur vullnetin qytetar.
    Ka një lloj dëshpërimi brenda strukturave e qytetarët, për mënyrën se si janë marrë zgjedhjet e si ka vijuar qeverisja. Apo dhe ikjen e njerëzve, duke shtuar edhe faktorët e sjelljes sociale të shoqërisë. Ka ndryshuar qasja ndaj protestës e politikës, për të protestuar duhet të shohësh arsye. Ka shumë arsye për të protestuar, arsimore, menaxhimi i shëndetit, ekonomia, kufizimi i qytetarëve, si pushteti ka hyrë te xhepat e shqiptarëve, me ligjin e fundit për barazinë gjinore ka shqyer portat e familjes së tyre.
    Çdo qytetar duhet të vijë në një tubim e të shprehë kundërshtinë e tij. Pushteti do marrë masat, instalimi i frikës ka nisur, presioni ndaj administratës. S’është sistem demokratik, është sistem autokratik me pamje demokratike. Padrejtësitë janë bërë sa një mal dhe arsyet janë kaq të shumta sa që qytetarët në momentin e parë. Orteku ka dëshmuar se kur nis bëhet i papërballueshëm”, u shpreh demokrati.

  • Veliaj në burg, Rama: Kushtetuesja t’i japë mundësinë të bëjë detyrën

    Veliaj në burg, Rama: Kushtetuesja t’i japë mundësinë të bëjë detyrën

    Kryeministri Edi Rama, u ndal edhe tek vendimi i GJK për të lënë në detyrë si kryebashkiak të Tiranës Erion Veliajn.
    Ai tha se GJK duhet që t’i qëndrojë besnike vendimit dhe duhet që t’i japë mundësinë të bëjë detyrën pasi Tirana ka nevojë për drejtues.
    ‘Kemi edhe buxhetin e bashkisë së Tiranës. Kryetari i Bashkisë është në burg pa gjyq, kur ai u morë dhe u tërhoq nga zyra për t’u futur në qeli që ndodh për njerëzit shumë të rrezikshëm, unë e thash kjo është dispropocionale, çdo njeri nëse duhet hetuar duhet hetuar, por çdo njeri deri kur gjykata e nxjerr fajtor është e pafajshëm, por nëse njeriun e merr dhe e fut brenda dhe pastaj lëshohen hiena dhe kllounët e cirkut politikë dhe mediatik për t’i bërë gjyqin ndodh që vjen dënimi publik dhe pastaj pjesa tjetër. Më pas duke parë që të gjitha shkallët e gjyqit se nxorën që të vijoi detyrën dhe të bëjë procesin ne menduam se Tirana nuk ka arsye të paguajë për një kohë të gjatë mungesën e drejtimit.Ata që janë po bëjnë maksimumin dhe ne menduam në respekt të plotë të ligjit, sepse ligi thotë tjetër për deputetin dhe tjetër për të zgjedhurin lokal, për deputetin thotë kur mungon pa arsye kurse për të zgjedhurin se thotë fare. GJK doli me vendim ndryshe nga i yni. E kanë parë nga një këndvështrim i kundërt me ne, por tani duhet që të zgjedhin, sepse kryetari është në pamundësi për të bërë detyrën dhe s’mund të bëhen zgjedhje. GJK t’i qëndrojë besnike vendimit, i jepni mundësi që të vijoi detyrën, por deri atëherë ne jemi këtu. Duhet që të pastrohet të funksionojë normalisht buxheti të vendoset në dispozicion dhe për këtë ne po e mbështesim bashkinë që të bëjë më të mirën për buxhetin. Nënkryetarët dhe kryetarja e deleguar po punojnë për Tiranën, por nuk është e njëjta gjë’. Tirana nuk ka arsye të paguajë për një kohë të gjatë mungesën e drejtimit’, tha ai.

  • “Është në burg pa gjyq”/ Rama sqaron për herë të parë: Ja pse kërkova shkarkimin e Erion Veliajt

    “Është në burg pa gjyq”/ Rama sqaron për herë të parë: Ja pse kërkova shkarkimin e Erion Veliajt

    Kryeministri Edi Rama ishte sot në një takim me socialistërt në njësinë numër 5 në Tiranë i shoqëruar edhe nga Ogerta Manastirliu.Rama u ndal edhe te burgosja e kryebashkiakut Erion Veliaj dhe vendimi i Gjykatës Kushtetuese për moslejimin e zgjedhjeve bashkiake në kryeqytet të dielën e kaluar të 9 nëntorit duke i dhënë të drejtë Veliajt, teksa e mban ende në krye të bashkisë.
    Rama thekson se Tirana nuk ka arsye të humbasë kohë, pasi qyteti ka nevojë për pastrim dhe mirëmbajtje. Më tej theksoi se takime të këtij lloji do vijojnë në gjithë territorin e Tiranës së bashku me Manastirliut për të njohur problemet e komunitetit.
    Edi Rama: Çdo njeri në Shqipëri dhe në gjithë botë deri kur gjykata e nxjerr fajtor është i pafajshëm. Ama nuk diskutohet që nëse njeriun e merr dhe e fut brenda dhe pastaj lëshohen gjithë llojet hiena dhe kllounet e cirkut politik dhe mediatik për gjyqin patjetër ndodh si dikur vjen dënimi publik dhe pastaj pjesa tjetër. Gjithsesi më pas duke parë që gjithë shkallët e gjyqit nuk e nxorën kryebashkiakun të kryejë detyrën dhe procesin ne menduam që Tirana nuk ka arsye të paguajë për një kohë të gjatë mungesën e drejtimit. Po bën maksimumin ata që janë sot.
    Nuk është e njëjta gjë. Menduam në respekt të plotë sipas nesh të ligjit. Ligji thotë kushtetuta dy gjëra të ndryshme tjetër për deputetin dhe tjetër për të zgjedhurin lokal. Për deputetin thotë pa arsye, për të zgjedhurin nuk e thotë fare. GJK doli me një vendim nga i yni, nuk kam arsye të dyshoj që e kanë parë nga një këndvështrim i arsyeshëm pavarësisht të kundërt me tonin. Tani duhet të zgjedhim kanë thënë që kryebashkiaku është në pamundësi të ushtrojë detyrën por nuk mund të bëjë zgjedhje se ai është i zgjedhur.
    Jepini mundësi të bëjë detyrën. Por deri atëherë jemi këtu ju jeni këtu dhe të gjithë atyre që janë këtu në qytet i duhet qyteti të pastrohet, të funksionojë normalisht shërbimet normalisht. Buxhëeti të vendoset në funksion normalisht. Po e mbështesim bashkinë që të bëjë më të mirën për buxhetin dhe për këtë arsye menduam me Ogertën si drejtuesja politike e qarkut por edhe si deputete e Tiranës që të vazhdojmë të komunikojmë në këto dëgjesa.
    Do i bëjmë në të gjithë territorin. Vasilika është nënkryetarja e bashkisë, përpara ka mbuluar taksat vendore dhe besoj që sot nuk e ka të vështirë të ndajë disa pika jo gjatë për buxhetin e bashkisë. Pastaj keni të drejtën të merrni fjalën dhe të ngrini shqetësime dhe të bëni pyetje për komunitetin, lagjen, shkollën dhe këto me radhë.

  • “Veliaj në burg pa gjyq”, Rama-Kushtetueses: Jepini mundësinë të bëjë detyrën! Tirana ka nevojë për drejtues

    “Veliaj në burg pa gjyq”, Rama-Kushtetueses: Jepini mundësinë të bëjë detyrën! Tirana ka nevojë për drejtues

    Kryeministri Edi Rama, u ndal edhe tek vendimi i GJK për të lënë në detyrë si kryebashkiak të Tiranës Erion Veliajn. 
    Ai tha se GJK duhet që t’i qëndrojë besnike vendimit dhe duhet që t’i japë mundësinë të bëjë detyrën pasi Tirana ka nevojë për drejtues. 
    ‘Kemi edhe buxhetin e bashkisë së Tiranës. Kryetari i Bashkisë është në burg pa gjyq, kur ai u morë dhe u tërhoq nga zyra për t’u futur në qeli që ndodh për njerëzit shumë të rrezikshëm, unë e thash kjo është dispropocionale, çdo njeri nëse duhet hetuar duhet hetuar, por çdo njeri deri kur gjykata e nxjerr fajtor është e pafajshëm, por nëse njeriun e merr dhe e fut brenda dhe pastaj lëshohen hiena dhe kllounët e cirkut politikë dhe mediatik për t’i bërë gjyqin ndodh që vjen dënimi publik dhe pastaj pjesa tjetër. Më pas duke parë që të gjitha shkallët e gjyqit se nxorën që të vijoi detyrën dhe të bëjë procesin ne menduam se Tirana nuk ka arsye të paguajë për një kohë të gjatë mungesën e drejtimit. 
    Ata që janë po bëjnë maksimumin dhe ne menduam në respekt të plotë të ligjit, sepse ligi thotë tjetër për deputetin dhe tjetër për të zgjedhurin lokal, për deputetin thotë kur mungon pa arsye kurse për të zgjedhurin se thotë fare. GJK doli me vendim ndryshe nga i yni. E kanë parë nga një këndvështrim i kundërt me ne, por tani duhet që të zgjedhin, sepse kryetari është në pamundësi për të bërë detyrën dhe s’mund të bëhen zgjedhje. GJK t’i qëndrojë besnike vendimit, i jepni mundësi që të vijoi detyrën, por deri atëherë ne jemi këtu. Duhet që të pastrohet të funksionojë normalisht buxheti të vendoset në dispozicion dhe për këtë ne po e mbështesim bashkinë që të bëjë më të mirën për buxhetin. Nënkryetarët dhe kryetarja e deleguar po punojnë për Tiranën, por nuk është e njëjta gjë’. Tirana nuk ka arsye të paguajë për një kohë të gjatë mungesën e drejtimit’, tha ai. 

  • “Nuk kam arsye të besoj dhe…”/ Gjyqi ndaj ish-krerëve të UÇK-së, dëshmi në Hagë: Duhet të thosha atë që dija

    “Nuk kam arsye të besoj dhe…”/ Gjyqi ndaj ish-krerëve të UÇK-së, dëshmi në Hagë: Duhet të thosha atë që dija

    Dëshmitari Christopher Hill, ish-ambasador i ShBA-së në Serbi, ka shpjeguar arsyen pse vendosi të dëshmojë në mbrojtje të ish-presidentit të Kosovës, Hashim Thaçi. Ai theksoi se nuk beson se Thaçi ka qenë i përfshirë në veprimtari të paligjshme.
    “Koha nuk i shëron të gjitha plagët, por mendoj që pas 25 vjetësh, është kohë e madhe që të mendohen gjërat, dhe nuk kam arsye të besoj që Thaçi ishte i përfshirë në aktivitete të tilla”.
    “Nuk kam arsye të besoj dhe as nuk kam dëgjuar në atëkohë, që ai të ketë urdhëruar veprimtari të paligjshme, siç e kuptoj unë, ai u mbajt i burgosur për një kohë të caktuar lidhur me këto çështje.
    Kur mu kërkua kjo gjë, njerëzit më kontaktuan dhe ndjeva që duhet të thosha atë që dija në lidhje me situatën”, u shpreh Hill.

  • Rama uron kryebashkiakët e rinj: “Pesë fitore, pesë arsye për të falënderuar qytetarët”

    Rama uron kryebashkiakët e rinj: “Pesë fitore, pesë arsye për të falënderuar qytetarët”

    Kronikë E Hënë, 10 Nëntor 2025 11:23
    Kryeministri Edi Rama, njëherësh kryetar i Partisë Socialiste, ka uruar sot kryebashkiakët e rinj të zgjedhur në Vlorë, Tepelenë, Berat, Mat dhe Cërrik, pas fitores së kandidatëve të PS-së në zgjedhjet e pjesshme vendore të 9 nëntorit.
    Në një reagim publik, Rama falënderoi qytetarët për besimin e dhënë, duke theksuar se rezultati është domethënës, pavarësisht kushteve të vështira të motit dhe natyrës së zgjedhjeve të pjesshme.

    “5 bashki, 5 fitore dhe 5 arsye më shumë për t’i falënderuar qytetarët për besimin e tyre, pavarësisht dobësisë ekstreme të opozitës, motit me shi të ditës së djeshme, apo vetë natyrës së zgjedhjeve të pjesshme, të cilat nuk se e stimulojnë pjesëmarrjen”, u shpreh Rama.

    Rama vlerësoi veçanërisht zgjedhjen e Brunilda Mersinit si kryetare e re e bashkisë Vlorë, duke theksuar se ajo është gruaja e parë që merr drejtimin e këtij qyteti bregdetar.

    Një tjetër moment i veçantë ishte vlerësimi për kandidatin fitues në Berat, Ervin Ceca, i cili sipas Ramës ka arritur një rezultat mbresëlënës:
    “Ervini i dytë i Beratit, me mbi 83% të votave dhe 13.049 vota, nga 15.454 të PS në 11 maj, ka arritur një rezultat mbresëlënës.”
    “Të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve”, theksoi Rama.

  • Studimi që tronditi mitin e glutenit: Miliona njerëz po heqin dorë nga buka pa arsye

    Studimi që tronditi mitin e glutenit: Miliona njerëz po heqin dorë nga buka pa arsye

    Një kërkim ndërkombëtar tregon se jo gluteni, por karbohidratet e tjera të grurit dhe faktorët psikologjikë mund të jenë fajtorët për problemet me tretjen.

     

    Një studim i ri ndërkombëtar i udhëhequr nga Universiteti i Melburnit ka zbuluar se shumica e njerëzve që mendojnë se janë të ndjeshëm ndaj glutenit mund të mos kenë fare problem me të.

    Hulumtimi, i publikuar në revistën The Lancet, analizoi të dhëna nga vite studimesh mbi ndjeshmërinë jo-celiake ndaj glutenit (NCGS) dhe gjeti se vetëm një pjesë e vogël e pjesëmarrësve reaguan realisht ndaj glutenit. Për pjesën tjetër, simptomat ishin të ngjashme si kur konsumonin gluten ashtu edhe kur merrnin placebo.

    Sipas profesoreshës së asociuar Jessica Biesiekierski, autore kryesore e studimit, shumica e rasteve nuk kanë të bëjnë me glutenin, por me karbohidratet e fermentueshme të njohura si FODMAP, që gjenden në grurë, qepë, fasule apo produkte qumështi. Këto substanca mund të shkaktojnë fryrje, gazra apo dhimbje barku tek personat më të ndjeshëm.

    Studiuesit theksojnë se ndjeshmëria ndaj glutenit shpesh lidhet edhe me lidhjen zorrë–tru, ku stresi dhe pritshmëritë ndikojnë në mënyrën si trupi reagon ndaj ushqimeve. Fenomeni “nocebo” – kur njerëzit ndjejnë simptoma sepse presin t’i kenë ato – mund të shpjegojë pse shumë persona shmangin glutenin pa arsye mjekësore.

    Dr. Leybelis Padilla, gastroenterologe në San Diego, tha për Fox News Digital se këto gjetje përforcojnë atë që ekspertët kanë dyshuar prej kohësh: “Gluteni nuk është problemi për shumicën e njerëzve. Ai është demonizuar pa arsye, ndërsa shpesh janë përbërësit e tjerë në ushqimet e përpunuara që shkaktojnë simptomat.”

    Ajo shtoi se personat me shqetësime të vazhdueshme duhet të vizitohen tek një specialist për të përjashtuar sëmundjen celiake, e cila kërkon një dietë të rreptë pa gluten.

    Në përfundim, studiuesit bëjnë thirrje për më shumë kujdes ndaj dietave të panevojshme pa gluten dhe për diagnoza më të sakta, që do të ndihmojnë njerëzit të mos kufizojnë ushqimet pa shkak dhe të përmirësojnë mirëqenien e tyre përmes një qasjeje më të balancuar ndaj ushqimit.