Lajmidites.com

Tag: armët

  • Atentati në Rinas, lirohet i shoqëruari një natë më parë! Del ekspertiza e armëve: S’janë përdorur në krime të tjera

    Atentati në Rinas, lirohet i shoqëruari një natë më parë! Del ekspertiza e armëve: S’janë përdorur në krime të tjera

    35-vjeçari i shoqëruar mbrëmjen e së martës nga policia në lidhje me atentatin në Rinas është liruar, pasi u mor në pyetje për disa orë.
    Burime policore bëjnë me dije se ai është banor i fshatit Halil, shumë pranë vendit ku u gjet dhe u dogj makina “Toyota” që besohet të jetë përdorur nga autorët e atentatit.
    Gjatë dëshmisë, i riu ka deklaruar se në momentin e djegies së mjetit nuk ndodhej në banesë dhe mohoi të ketë parë lëvizje të dyshimta apo të ketë ndonjë lidhje me ngjarjen.
    Shoqërimi i tij është bërë për shkak se më herët rezulton i dënuar për vjedhje me dhunë.
    Ndërsa ka kaluar 1 muaj nga atentati, policia vijon të marrë në pyetje persona që mund të kenë dijeni për ngjarjen, por deri tani nuk ka as autorë dhe as porositës të identifikuar.
    Nga ana tjetër, policia ka marrë përgjigjet e ekspertizës për armët e gjetura në makinën e djegur. Sipas burimeve, armët nuk rezultojnë të jenë përdorur në ngjarje të tjera kriminale.
    Pas atentatit, në fshatin Zall u zbulua edhe një banesë me arsenal armësh në pronësi të Ylli Zallës, i cili u shpall në kërkim. Fillimisht u ngritën dyshime se autorët mund t’i kishin siguruar armët aty, por ekspertiza përfundimtare ka përjashtuar këtë pistë.
    Hetimet për identifikimin e grupit atentator vijojnë.
    Në atentatin e ndodhur mesditën e 11 nëntorit u vra Gilmdano Dani dhe pak ditë më vonë ndërroi jetë në spital miku i tij Muçi Shaljani. Ata ranë pre e breshërisë së plumbave sapo ishin kthyer nga Barcelona.

  • “Vatikani po punon në ‘prapaskenë’ për paqe, aty ku ka konflikte”, Papa Leoni XIV: Prania e Evropës në vendimet e luftës është e rëndësishme

    “Vatikani po punon në ‘prapaskenë’ për paqe, aty ku ka konflikte”, Papa Leoni XIV: Prania e Evropës në vendimet e luftës është e rëndësishme

    Papa Leoni XIV ka theksuar se një paqe e qëndrueshme në Ukrainë është e mundur dhe se Italia mund të ketë një rol të rëndësishëm si ndërmjetëse mes Shteteve të Bashkuara dhe Bashkimit Europian për gjetjen e një plani paqeje për Moskën e Kievin.

    Ai tha se Selia e Shenjtë ka nisur kontakte me disa liderë ndërkombëtarë dhe do të vazhdojë të bëjë thirrje për paqe, duke përdorur marrëdhëniet diplomatike që ka me vendet e rajonit. Papa theksoi se lufta ka shumë dimensione dhe se Europa duhet të jetë pjesë e çdo plani paqeje.
    Në intervistëm e dhënë për ‘La Stampa’, Papa përmendi edhe vizitën e tij në Liban, ku u takua me përfaqësues të grupeve fetare e politike, përfshirë edhe shiitët. Ai tha se Vatikani punon shpesh “prapa skenave” për të nxitur palët të lënë armët dhe të ulen në tryezë për dialog.
    Intervista për La Stampa
    Shenjtëri, a do t’i përdorni kontaktet tuaja me Trump-in dhe Netanyahu-n që Izraeli të japë llogari për atë që bën? Mendoni se është e mundur një paqe e qëndrueshme në rajon?
    “Po, mendoj se mund të arrihet një paqe e qëndrueshme. Kam filluar tashmë, në mënyrë shumë të kufizuar, shkëmbimet me disa nga liderët e vendeve që ju përmendni, dhe kam ndërmend të vazhdoj ta bëj këtë, personalisht ose përmes Selisë së Shenjtë, sepse ne kemi marrëdhënie diplomatike me shumicën e vendeve të rajonit, dhe do të ishte shpresa jonë të vazhdojmë të bëjmë thirrje për paqe”, tha ai.
    Këto janë orë të tensionit të madh mes NATO-s dhe Rusisë. Flitet për luftë hibride, sulme kibernetike. A shihni rrezikun e një përshkallëzimi, të një konflikti të zhvilluar me mjete të reja, siç kanë denoncuar drejtuesit e NATO-s? Dhe në këtë klimë, a mund të ketë një marrëveshje për një paqe të drejtë pa Evropën, e cila është sistematikisht anashkaluar këto muaj nga administrata Trump?
    “Kjo është një temë padyshim e rëndësishme për paqen në botë, por në të cilën Selia e Shenjtë nuk ka pjesëmarrje të drejtpërdrejtë, sepse nuk jemi anëtarë të NATO-s dhe nuk kemi qenë të pranishëm në diskutimet që kanë ndodhur deri tani, edhe pse shumë herë kemi kërkuar një armëpushim.
    Lufta ka shumë aspekte, rritjen e armëve dhe gjithë prodhimin që ekziston, armët kibernetike, energjinë, tani po vjen dimri… Është e qartë që nga njëra anë presidenti i Shteteve të Bashkuara mendon se mund të promovojë një plan paqeje që të paktën në fillim ishte pa Evropën. Por prania e Evropës është e rëndësishme dhe ai propozim fillestar u modifikua, edhe për shkak të asaj që Evropa po thoshte.
    Në mënyrë specifike, mendoj se roli i Italisë mund të jetë shumë i rëndësishëm, pikërisht për aftësinë që ka Italia, kulturalisht dhe historikisht, për të qenë ndërmjetës në një konflikt që ekziston mes palëve të ndryshme, edhe mes Rusisë dhe Ukrainës. Në këtë kuptim unë mund të sugjeroj që Selia e Shenjtë të inkurajojë këtë lloj ndërmjetësimi dhe të kërkohet, ose të kërkojmë së bashku, një zgjidhje që mund të ofrojë një paqe të drejtë.”
    Në Liban keni bërë thirrje për dialog. A do të bëjë Vatikani diçka konkrete në këtë drejtim? Për më tepër, keni takuar edhe përfaqësues shiitë, e keni marrë letrën e Hezbollahut?
    “Udhëtimi lindi duke menduar për çështje ekumenike, përvjetorin e Nicaea-s dhe takimin me patriarkët katolikë dhe ortodoksë, duke kërkuar unitet në Kishë. Por gjatë këtij udhëtimi pati edhe takime personale me përfaqësues të grupeve të ndryshme që në fakt përfaqësojnë autoritete politike, persona dhe grupe që kanë lidhje me konfliktet e brendshme ose edhe ndërkombëtare.
    Puna jonë kryesisht nuk është diçka publike, nuk e shpallim, ndodh prapa skenave. Është diçka që tashmë e kemi bërë dhe do të vazhdojmë ta bëjmë, duke u përpjekur të bindim palët të lënë armët, dhunën, dhe të dialogojnë së bashku rreth një tryeze duke kërkuar përgjigje, zgjidhje”.
    A keni parë mesazhin e Hezbollahut?
    “Po, e kam parë. Është e qartë që nga ana e Kishës ka propozimin që të lënë armët, që të kërkojmë dialogun. Por më shumë se kaq preferoj të mos komentoj.”

    Top Channel

  • U arrestuan në Orosh, avokati i Erzen Ukës: Nuk është i dyshuar për terrorizëm, armët janë mbledhur në fshat

    U arrestuan në Orosh, avokati i Erzen Ukës: Nuk është i dyshuar për terrorizëm, armët janë mbledhur në fshat

    Gjykata ka vendosur masën e sigurisë arrest me burg për Erzen Ukën dhe Julian Çumrakun, të arrestuar pak ditë më parë në Orosh.
    Roland Islami, avokati i Erzen Ukës tha se ka kërkuar arrest të paligjshëm. Sipas avokatit, por edhe vetë Ukës, klienti i tij nuk ka asnjë lidhje me armët dhe tha se ka qenë në banesë sepse e ka thirrur Julian Çumrakun sepse janë shokë.
    Nuk është i dyshuar për terrorizëm, sipas avokatit për armëmbajtje pa leje. Çumaraku ka deklaruar se armët janë të vjetra dhe i kam mbledhur në fshat, sipas avokatit të Ukës.

  • Nesho: Vizita gjermane në SPAK është sinjal kundër Ramës, korrupsioni ka prekur majat e pushtetit

    Nesho: Vizita gjermane në SPAK është sinjal kundër Ramës, korrupsioni ka prekur majat e pushtetit

    Agim Nesho deklaroi se çështjet “Tigri 1” dhe “Tigri 3” nuk janë më raste të izoluara, por prova të një korrupsioni të organizuar që lidhet drejtpërdrejt me kupolën e pushtetit, përfshirë ministren Balluku. Ai theksoi se vizita e ministrit të Jashtëm gjerman drejtpërdrejt në SPAK duke anashkaluar Kryeministrin Ramaështë sinjal i qartë i pakënaqësisë perëndimore dhe i mbikëqyrjes së shtuar ndaj qeverisë shqiptare.
    Nga ana tjetër, Bushati theksoi se SPAK-u historikisht ka shërbyer si instrument për të prishur ekuilibrat politikë, ndërsa sot mbetet e paqartë nëse veprimet e tij të fundit janë shenjë “trimërimi” të vërtetë, apo produkt i presionit ndërkombëtar.
    Ai paralajmëroi se korrupsioni që po del në dritë është i strukturuar dhe i pandarë nga vetë kryeministri, ndërsa masa të buta si “arrestet e shtëpisë” tregojnë se Rama ende kontrollon kufijtë e hetimeve.
    Pjesë nga debati:
    Bushati: Ky nuk ka nisur akoma as tanke, as avionë drejt qyteteve të Shqipërisë. Sepse edhe Berisha akoma s’ka kapur armët si në ’97-ën. Edhe ky akoma s’i ka kapur armët. Armët ia morën. Ashtu si në ’98-ën, protestuesit ia morën armët shtetit. Këtu, dy herë që shteti ka guxuar t’i nxjerrë armët në pazar, protestuesit ia kanë marrë.
    Nesho: Ka një linjë për ta shpjeguar këtë me një fakt që do të ndodhë edhe ditët në vazhdim. Ky nuk ka nevojë të nisë armë. Një çështje e SPAK-ut, shumë shpejt, e evidentuar jo vetëm nga opozita, por edhe nga opinioni publik, është ajo e “Tigrit 1” dhe “Tigrit 3”. Çfarë është? Një gazetar amerikan më tha se po bëjmë një rubrikë për të folur për këtë korrupsion, i cili fillon dhe daton që në kohën e Bangladeshit, kur kryeministrja atje  e akuzuar me dënim me vdekje  një nga shtatë akuzat i ka për vjedhje të popullit të saj me miliona dollarë shpërdorim. Domethënë, ky SPAK që e ka parë si një çështje të thjeshtë, si çështje “Balluku me Kimin”, këtu është shumë e qartë: kemi të bëjmë me një korrupsion të organizuar. Shiko, këta nuk prekin… Ka thënë një gjë të mençur Bushati: “Unë dua që ky SPAK të marrë një çështje që nga fillimi deri në fund. Të ma shpjegojë si është.” Nuk bëhet fjalë për çështje që nuk kanë përgjegjësi dhe nuk kthejnë të drejtat e shkelura të këtij populli. Duhet t’i kthejnë lekët, o vëlla. Duhet goditur sistemi që është ky vetë  kryetari i grupit të strukturuar kriminal. E ka thënë ndihmësi i tij kryesor. Edhe ky po e provon nga dita në ditë.
    Bushati: Jemi dakord të gjithë që SPAK-u ka qenë vegël për të prishur ato ekuilibra politikë në Shqipëri. Tani, a kemi në këtë moment një lloj trimërimi të SPAK-ut? Dhe a ka një forcë tjetër amerikanët thonë disa që e ka bërë këtë trimërim? Më duket se ky është elementi i ri për të cilin ia vlen të diskutohet. Sepse t’i biesh SPAK-ut, këtë e kemi bërë gjithmonë.
    Nesho: Po ta jap një shembull. Shembulli i dytë. Erdhi, më fal, edhe këtë, mik… Erdhi ministri i Jashtëm gjerman? Çfarë vizite bëri? Ishte një vizitë protokollare. Si kryetar i Procesit të Berlinit, ai ka përgjegjësinë dhe frymëzimin për të futur vendet e Ballkanit Perëndimor në Bashkimin Europian. Në kohën që Rama shkoi në Bruksel, ai nuk takoi asnjë personalitet në Shqipëri, përveç ministres së Jashtme, që e ka detyrim se është kolege, dhe shkoi bëri vizitë në SPAK.
    Ndërkohë, në Serbi takoi Vuçiçin, takoi kryeministrin, presidentin dhe të tjerë. Dhe e di cili ishte mesazhi në konferencë për shtyp? E ndoqe? “Drejtësia e pavarur,” tha. Domethënë, ka një drejtësi jo të pavarur. Institucionet e shtetit dhe shteti i së drejtës… Këta janë burokratët e Brukselit. Unë them: shtetet anëtare janë ato që do të vendosin për këtë.
    Bushati: Po lëre mo… Po dëgjo… Unë po flas për shtetet anëtare.Folësi 2: Se Marta Kos është nga ato klientet e kryeministrit. Ka trimëri SPAK-u apo ka lojë me masat? Sepse aty Rama është i qartë që nuk e lejon të shkojë më tej. Dikush i ka trimëruar. Dikush, ndoshta… Se ore, ne mund të mblidhemi pas një muaji dhe të themi: “Siç shkëlqeu…”

  • Shkencëtarët ngrenë alarmin: “Armët” që kontrollojnë mendjen po bëhen realitet

    Shkencëtarët ngrenë alarmin: “Armët” që kontrollojnë mendjen po bëhen realitet

    Armët për kontrollin e mendjes mund të tingëllojnë si pjesë e filmave fantastiko-shkencorë, por ekspertët paralajmërojnë se ato po afrohen me shpejtësi drejt realitetit. Dy studiues të Universitetit të Bradfordit, Dr. Michael Crowley dhe profesori Malcolm Dando, në librin e tyre të ri theksojnë se avancimet e fundit në neuroshkencë duhet të shërbejnë si alarm për botën.
    Sipas profesor Dandos, e njëjta njohuri që përdoret për trajtimin e çrregullimeve neurologjike mund të përdoret edhe për të ndikuar perceptimin, kujtesën apo sjelljen e individëve. Ai paralajmëron se po hyjmë në një epokë të re, ku truri i njeriut mund të shndërrohet në fushëbetejë.
    SHBA, Kina, Rusia dhe Britania kanë studiuar armë të tilla që nga vitet ’50. Një prej shembujve më të njohur është substanca amerikane “BZ”, e cila shkakton halucinacione dhe çrregullime të thella mendore, ndërsa Kina ka zhvilluar një “armë narkoze” që qëllon shiringa me kimikate paralizuese.
    Rasti i vetëm i përdorimit të një arme që synon sistemin nervor në konflikt mbetet ai i Moskës në vitin 2002, kur forcat ruse përdorën një derivat të fentanilit për të çaktivizuar militantët çeçenë, duke shkaktuar vdekjen e 120 pengjeve.
    Shkencëtarët paralajmërojnë se rreziqet po rriten, pasi kërkimet moderne mbi “qarqet e mbijetesës”, zonat e trurit që kontrollojnë frikën, gjumin dhe vendimmarrjen, mund të keqpërdoren për krijimin e armëve që manipulojnë funksionet mendore.

  • “Sekuestrova armët e grupit të zjarrit”- Ish prokurori për 21 janarin: Mblodha gëzhojat, probleme pati me urdhrat e ndalimit

    “Sekuestrova armët e grupit të zjarrit”- Ish prokurori për 21 janarin: Mblodha gëzhojat, probleme pati me urdhrat e ndalimit

    Në studion e “Off thë Record” me Andrea Dangllin në A2 CNN u risollën në vëmendje ngjarjet e 21 janarit 2011, ku mbetën të vrarë në bulevardin Dëshmorët e Kombit, 4 protestues. Ish- prokurori Ervin Karanxha rrëfeu se ka sekuestruar armët e grupit të zjarrit dhe ka mbledhur shumë gëzhoja në vendngjarje.
    “Ditën e ngjarjes unë kam qenë prokuror që bëra veprimet e para hetimore, jemi ndarë më sektorë bënë këqyrjen. Pati një prononcim publik të ish-ministrit të ndjerë Olldashi që një Mercedez Benz ka patur lëndë plasëse, bëmë këqyrjen dhe rezultoi që nuk kishte lëndë plasëse, por lëndë drusore. Nuk kishte lidhje fare. Mora detyrën që të merrja armët e grupit të zjarrit. Ishte një vendim sekuestro. Shkuam te komando e gardës”, u shpreh ai në “Off thë Record” me Andrea Dangllin në A2 CNN.
    Sipas ish-prokurorit Karanxha probleme ka patur me urdhrat e ndalimit.
    “Vepra penale e vrasjes ka ndodhur me fishekë të kalibrit 9. Ka patur dhe gëzhoja kallashnikovi 7.62. Një nga prokurorët që ishte te viktima na informoi se predhat e gjetura janë të kalibrit 9. Ne kemi qenë shumë korrekt dhe pjesa më e madhe e gëzhojave janë gjetur. Armët e pjesëtarëve të grupit të zjarrit janë gjetur. Probleme ka pasur me urdhrat e ndalimit, nuk ka pasur problem me marrjen e provave”.
    Për ish-ministrin e Rendit Bajram Yzeiraj problemi në lidhje me këtë çështje qëndron në ndryshimin e akuzës në shkallët e gjyqësorit.
    “Përplasja prokurori-gjykatë. Prokuroria me të metat e veta e ka çuar vrasje me dashje në rrethana cilësuese. Pse e ndryshoi sistemi gjyqësor shkallë të parë, apel, të lartë  dhe cilat janë argumentet që e ktheu në vrasje nga pakujdesia”.

  • Dy të vrarë dhe 5 të plagosur, masakra e Kretës risjell dhe njëherë në vëmendje debatin e armëmbajtjes në Greqi

    Dy të vrarë dhe 5 të plagosur, masakra e Kretës risjell dhe njëherë në vëmendje debatin e armëmbajtjes në Greqi

    Masakra që ndodhi së fundmi në fshatin Vorizia në Kretë ka rikthyer në fokus çështjen e armëve dhe të drejtës për vetëmbrojtje në Greqi.

    Ngjarja me dy të vdekur dhe 5 të plagosur që tronditi komunitetin lokal, rezultoi me arrestimin e disa personave dhe ngritjen e akuzave ndaj tre të dyshuarve. Autoritetet gjetën armë dhe fishekë në vendstrehime të lidhura me incidentin, ndërsa janë ende në zhvillim procedurat gjyqësore.
    Ngjarjet e dhunshme nxorën në pah shqetësime për praninë e armëve, ligjshmërinë e tyre dhe mentalitetin e vjetruar të hakmarrjeve, i cili ende ekziston në disa zona rurale të Kretës.
    Në planin politik, çështja e armëve u bë menjëherë objekt polemike. Në fillim kreu i partisë «Zgjidhja Greke», Kyriakos Velopoulos, ka propozuar lehtësimin e aksesit te armët ligjore në shtëpi, duke e prezantuar këtë si mjet për vetëmbrojtje dhe mbrojtje të familjes. Kjo linjë politike është ritheksuar nga ai në fjalimet e fundit, duke e lidhur me nevojën për siguri individuale dhe familjare.
    Por edhe ministri i Shëndetësisë dhe zv/kryetari i Demokracisë së Re, Adonis Georgiadis, ka shprehur publikisht mbështetje për “modelin amerikan” të armëmbajtjes, duke theksuar se i pëlqen ideja e vetëmbrojtjes dhe se mbështet armët me leje për mbrojtje personale. Ai sqaroi se kjo është pikëpamja e tij personale dhe nuk pasqyron politikën zyrtare të qeverisë, duke theksuar se situata në Kretë, ku armët shpesh janë të paligjshme, është një problem krejt tjetër.
    Qeveria greke, përmes zëdhënësit Pavlos Marinakis, u distancua sot nga këto opinione personale, duke deklaruar se fjalët e ministrit Georgiadis janë “opinione personale” dhe se qëndrimi zyrtar i ekzekutivit përcaktohet nga ministri i Mbrojtjes së Qytetarit, Mihalis Chrysochoidis, i cili ka theksuar nevojën për trajtimin e armëve të paligjshme brenda kuadrit ligjor. Marinakis nënvizoi se qeveria është “e qartë” mbi këtë çështje dhe se nuk mbështet normalizimin e armatimit të qytetarëve.
    Analistët dhe partitë e majta kanë reaguar me shqetësim, duke paralajmëruar se normalizimi i diskursit pro-armatimit me leje  pas një masakre lokale mund të rrezikojë sigurinë publike dhe të favorizojë një kulturë ku “liria” lidhet me armatimin individual. Ky debat që tashmë po pasqyrohet edhe në media, po polarizon opinionin publik grek.

    Top Channel

  • Arrestimi i ish-ushtarakut, zbardhet dëshmia/ Armët vinin nga Kosova dhe u shiteshin grupeve kriminale në Fresk dhe Kamëz

    Arrestimi i ish-ushtarakut, zbardhet dëshmia/ Armët vinin nga Kosova dhe u shiteshin grupeve kriminale në Fresk dhe Kamëz

    Detaje të reja kanë dalë në dritë nga arrestimi i ish-ushtarakut Altin Celami, i cili përfundoi në prangat e policisë dy ditë më parë. Ish-ushtaraku ishte mbajtur prej disa javësh në vëzhgim nga policia ndërkohë qe përdorte një taksi prej kohësh në mënyrë që të kamuflohej për të furnizuar me armë grupet kriminale.Reklama në FieriWeb – “Oazi i Pishave”

    Altin Celami, prej kohësh zgjodhi që mësimet e fituara në radhët e ushtrisë t’i ushtronte në shërbim të krimit. Në dëshminë e tij, Celami ka deklaruar se armët ishin të tijat dhe i ka pranuar akuzat e ngritura nga policia ndonëse nuk ka dhënë detaje te mëtejshme. Reklama në FieriWeb – “KETU MUND TE JETË REKLAMA JUAJ”

    Burime nga policia bëjnë me dije se armët u shiteshin grupeve kriminale në Fresk dhe Kamëz dhe nuk ishte hera e parë që bëhej një rrugë e tillë.Reklama në FieriWeb – “PASTIÇERI “RUSTEMAJ”

    Reklama në FieriWeb – “BREGU CLIMA”

    Policia kishte dokumentuar disa raste të tilla, të paktën 10 raste. Gjithashtu mësohet se një pjesë e pistoletave vinin nga Kosova dhe ishin armë që modifikoheshin në banesë, në mënyrë që të përdoreshin vetëm një herë dhe pastaj të shkriheshin ose të hidheshin.Reklama në FieriWeb – “COVIM CAFFE”

    Kjo ishte një metodë që Çelami e përdorte në mënyrë që grupet kriminale t’i blinin përsëri armët tek ai, pasi kjo lloj arme ishte e vështirë të gjurmohej. Altin Celami nuk ishte një emër i panjohur për policinë, pasi pas një aksioni të policisë në vitin 2022, 15 persona ranë në prangat e policisë së Durrësit — një grup kriminal që merrej me vrasje me pagesë.

  • Arrestimi i ish-ushtarakut, zbardhet dëshmia/ Armët vinin nga Kosova, u shiteshin grupeve kriminale në Fresk dhe Kamëz

    Arrestimi i ish-ushtarakut, zbardhet dëshmia/ Armët vinin nga Kosova, u shiteshin grupeve kriminale në Fresk dhe Kamëz

    Detaje të reja kanë dalë në dritë nga arrestimi i ish-ushtarakut Altin Celami, i cili përfundoi në prangat e policisë dy ditë më parë. Ish-ushtaraku ishte mbajtur prej disa javësh në vëzhgim nga policia ndërkohë qe përdorte një taksi prej kohësh në mënyrë që të kamuflohej për të furnizuar me armë grupet kriminale.
    Altin Celami, prej kohësh zgjodhi që mësimet e fituara në radhët e ushtrisë t’i ushtronte në shërbim të krimit. Në dëshminë e tij, Celami ka deklaruar se armët ishin të tijat dhe i ka pranuar akuzat e ngritura nga policia ndonëse nuk ka dhënë detaje te mëtejshme.
    Burime nga policia bëjnë me dije se armët u shiteshin grupeve kriminale në Fresk dhe Kamëz dhe nuk ishte hera e parë që bëhej një rrugë e tillë. Policia kishte dokumentuar disa raste të tilla, të paktën 10 raste. Gjithashtu mësohet se një pjesë e pistoletave vinin nga Kosova dhe ishin armë që modifikoheshin në banesë, në mënyrë që të përdoreshin vetëm një herë dhe pastaj të shkriheshin ose të hidheshin.
    Kjo ishte një metodë që Çelami e përdorte në mënyrë që grupet kriminale t’i blinin përsëri armët tek ai, pasi kjo lloj arme ishte e vështirë të gjurmohej. Altin Celami nuk ishte një emër i panjohur për policinë, pasi pas një aksioni të policisë në vitin 2022, 15 persona ranë në prangat e policisë së Durrësit — një grup kriminal që merrej me vrasje me pagesë.

  • A i përkiste arsenali pronarit të ‘Monopol’? Furgoni me snajper e armë mes Tiranës, hetimi i kalon SPAK

    A i përkiste arsenali pronarit të ‘Monopol’? Furgoni me snajper e armë mes Tiranës, hetimi i kalon SPAK

    Eugert Sino dhe Aurel Hoxha

    TIRANË- Policia e Tiranës e ka referuar në SPAK hetimin lidhur me arsenalin prej 23 armësh të zbuluar 29 tetor në një furgon të parkuar në rrugën Myslym Shyri në kryeqytet. Burime për TV Klan raportojnë se çështja i është kaluar Prokurorisë së Posaçme pas dyshimeve se armët e sekuestruara i përkasin një grupi kriminal. 
    Dyshimet e hetuesve janë se arsenali i përket grupit të Aurel Hoxhës, i shpallur në kërkim nga SPAK si porositësi dhe organizatori i vrasjes së Klevis Lleshit në vitin 2020, ngjarje kjo e zbardhur falë zbërthimit të komunikimeve në SKY ECC.
    Në lidhje me ngjarjen i arrestuar është Eugert Sino, personi në emrin e të cilit ishte vënë pronësia e furgonit ku u zbuluan armët. Para hetuesve 34-vjeçari ka rrëfyer se furgonin e vendosi në pronësi të tij, pasi ia kishte kërkuar një shok me emrin Bledar, mbiemrin e të cilit ka deklaruar se nuk e di. Sino rezulton që të ketë qenë i punësuar më herët në lokalin “Monopol”, në pronësi të Aurel Hoxhës. 

    Armët u gjetën në një furgon më 29 tetor, që ishte prej muajsh i parkuar në zonën e Myslym Shyrit, dhe kamuflohej me mbishkrimin “Mirëmbajtja Rrugore”. Me këtë furgon trafikantët në kanë shmangur kontrollet në doganë duke deklaruar se janë teknikët e mirëmbajties së rrugëve. Mes armëve të sekuestruara janë: 5 snajper, 1 silenciator, 12 armë zjarri pistoletë, 17 krehra me municion luftarak, celularë dhe pajisje për shpërthime në distance./ZËRI