Lajmidites.com

Tag: allegri

  • Milan, Presidenti: Jemi një skuadër e nivelit botëror, shpresoj të rritemi edhe më shumë

    Milan, Presidenti: Jemi një skuadër e nivelit botëror, shpresoj të rritemi edhe më shumë

    Milani kaloi një vit me ulje-ngritje, teksa  pritshmëritë në të ardhmen për këtë ekip janë të mëdha. Paolo Scaroni, president i kuqezinve, bëri bilancin e sezonit, duke u ndalur në disa pika.
    ‘Pasi fiton një ndeshje të vuajtur si ajo e Torinos, unë shoh përpara dhe jam optimist, plot me shpresa–mbetet një fakt kyç që e përsëris unë, e përsërit edhe Allegri: ne kemi një objektiv, të jemi në Ligën e Kampioneve vitin tjetër.

    Milani duhet të jetë në Ligën e Kampioneve. Jemi një skuadër e nivelit botëror, kemi 400 milionë tifozë në mbarë botën, duhet të jemi në skenën e futbollit botëror që është Liga e Kampioneve’.
    ‘Allegri- Besoj se kemi një grej trajnerëve ekspertë, kompetentë që kanë parë shumë dhe që transmetojnë një atmosferë qetësie dhe optimizmi, të përjetosh gjithçka në një plan emotiv të shëndetshëm siç e ben Allegri, është një element kyç-vijoi Scaroni-jam i bindur se ai e transmeton këtë edhe te stafi dhe skuadra’.
     

  • Ideja e bujshme! Maurco Icardi drejt rikthimit në Serie A, këtë herë te Milan?!

    Ideja e bujshme! Maurco Icardi drejt rikthimit në Serie A, këtë herë te Milan?!

    3 Dhjetor 2025

    15:51

    Telesport

    Tashmë nuk është më sekret fakti që Milan po kërkon një sulmues për merkaton e janarit, pasi Santiago Gimenez nuk bën pjesë në planet e Max Allegri-t dhe meksikani sipas të gjitha gjasave do të largohet vetëm pas një viti te kuqezinjtë.
    “CalcioMercato” zbulon se një nga emrat që pëlqehet shumë nga Allegri është ish-sulmuesi i Interit, Mauro Icardi, i cili aktualisht luan te Galatasaray. Sipas informacionit të punlikuar nga burimi në fjalë, Milan do të tentojë në janar të nënshkruajë me sulmuesin argjentinas, i cili mesa duket plotëson të gjitha kriteret e kërkuara nga trajneri Allegri.
    Megjithatë, bisedimet me Galatasaray-in nuk do të jenë aspak të lehta, pasi Icardi është një element tejet i rëndësishëm për turqit. Ende nuk flitet për detaje dhe shifra ekonomike, ndërsa me shumë mundësi formula e transferimit do të jetë huazim me të drejtë blerjeje deri në fund të sezonit.

  • “Allegri dhe këto dy lojtarë i siguruan rend dhe ekuilibër Milanit”

    “Allegri dhe këto dy lojtarë i siguruan rend dhe ekuilibër Milanit”

    Fabio Capello, në një intervistë për “Gazzetta dello Sport”, u ndal te starti pozitiv i Milanit, duke pranuar se nuk e priste një ndryshim kaq të shpejtë: “Kisha besim tek aftësitë e Allegrit, por nuk besoja se do të hynte kaq shpejt në mendjen e lojtarëve, sidomos duke parë çfarë ndodhi sezonin e kaluar. Atëherë, skuadra nuk dinte aspak si të pozicionohej dhe si të mbrohej. Max ka ditur t’i japë rend dhe ekuilibër”.
    Ai thekson se lojtarët janë të njëjtët, por tani ndikojnë shumë Rabiot dhe Modric, një “filter” që mungonte vitin e kaluar. Për mbrojtjen, Capello është në një mendje me Allegrin: “Fiton kush pëson më pak gola, jo kush shënon më shumë. Kjo nuk do të thotë se sulmi nuk duhet të përmirësohet, e them si për Milanin, ashtu edhe për Napolin”.
    Për Leao shtoi: “Fillimisht e pashë të pasigurt si qendërsulmues, por golat i dhanë besim. Allegri e bindi dhe në dy ndeshjet e fundit e kam parë më të lirshëm e më të gëzuar. Ai ndihmon ekipin, është më i freskët fizikisht, sepse vrapon më pak në mbrojtje, por tani është më i përgjegjshëm dhe duhet të jetë më cinik në zonë”.

  • “Ai është i rrallë. Pa të nuk fitohen trofe!” Për kë e ka fjalën trajneri Allegri?

    “Ai është i rrallë. Pa të nuk fitohen trofe!” Për kë e ka fjalën trajneri Allegri?

    30 Nëntor 2025

    10:07

    Telesport

    Pas ndeshjes kaotike me Lazion, trajneri i Milanit Allegri ka zbuluar me pak fjalë lojtarin e tij të preferuar. Jo se nuk e dinim, por kësaj here e ka thënë më hapur se kurrë dhe, jo pa të drejtë.
    “Nuk doja ta ofendoja gjyqtarin, por nuk i vë faj për vendimin e tij. Ishin minuta kaotike në fund dhe ai mori një vendim, kaq. Patëm vështirësi, sepse Lazio bëri shumë presing, por ia dolëm me aq sa mundëm”.
    “Leao ka qenë qendërsulmues kur luante te Lille, kështu që ky pozicion për të nuk është i ri. Rabiot? Krahasuar me kohën kur luante në Torino, është përmirësuar shumë. Ka fizikun, është taktikisht inteligjent dhe lojtar skuadre. Pa lojtarë të tillë, harroje se mund të fitosh trofe. Ai ka një motorr si pak mesfushorë të tjerë”, ka deklaruar Allegri.

  • “Skuqet” Allegri, por mjafton goli i Leao-s. Milan fiton ndaj Lazio-s dhe shijon momentalisht vendin e parë (video)

    “Skuqet” Allegri, por mjafton goli i Leao-s. Milan fiton ndaj Lazio-s dhe shijon momentalisht vendin e parë (video)

    Milan ka fituar 1-0 ndaj Lazio-s në sfidën e javës së 13-të në Serie A, e luajtur në “San Siro”. Bardhekaltrit e nisën vrullshëm, duke qenë shumë pranë golit që në minutëne 2-të, por goditja me kokë e Mario Gila ndalet në mënyrë fantastike nga Mike Maignan.
    Në mënyrën e 32-të, Lazio sërish pranë golit me Zaccagni, por Maignan bën sërish një pritje vendimtare. Pjesa e parë mbyllet 0-0. Pjesa e dytë nis më mirë për kuqezinjtë, të cilët gjejnë golin pas një aksioni model në minutën e 51-të. SHIKOGOLIN
    Saelemaekers te Fofana, i cili gjen Tomori-n, mbrojtësi harkon fort dhe ulët nga e djathta për te Rafa Leao, i cili nuk fal, duke dërguar topin në rrjetë. Sipas OPTA, që nga debutimi i tij në #SerieA (2019/20), Rafael Leao është vetëm lojtari i 4-të që është përfshirë në më shumë se 100 gola (101, 60G+41A) në Serie A me një skuadër të vetme, pas Berardit (115, Sassuolo), Immobiles (125, Lazio) dhe Lautaro Martínez (139, Inter).
    Në minutën e 63-të, Leao i afrohet golit të dytë, por Provedel i thotë “jo”. Në minutën e 75-të, Saelemaekers provon të shënojë një gol spektakolar me rroveshatë, por ndalet në fund nga Lucas Pellegrini. Në minutën e 85-të, Milan i afrohet golit të dytë me Strahinja Pavlovic nga goditja e dënimit. Në minutën e fundit shtesë, ndodh një situatë kaotike. Lazio pretendon për penallti për prekje të topit me dorë nga Pavlovic brenda zonës.  Ndërkohë, Max Allegri ndëshkohet me karton të kuq për protesta. Ndërhyn VAR, si përfundim nuk ka penallti për Lazion.Rezultati final, Milan 1-0 Lazio.
    Pas kësaj fitoreje, Milan kryeson në vend të parë me 28 pikë, duke pritur e qetë supërsfidën e nesërme Roma-Napoli, e cila mund të ndryshojë kreun.

  • Lazio, test i fortë për titullin, por Allegri humbet Pulisic

    Lazio, test i fortë për titullin, por Allegri humbet Pulisic

    Suksesi në derbi ishte jashtëzakonisht i rëndësishëm për Milan, me Allegrin dhe “djajtë” e tij që morën jo vetëm një 3 pikësh të artë, por dhe një dozë të lartë psikologjike, por tani, në këtë pikë të sezonit, kërkohet vazhdimësia, diçka që Milanit i ka munguar në disa momente kyçe të sezonit. Kalendari i rezervon kuqezinjve këtë fundjave një rival jo të lehtë, Lazio, por ky është një shans i artë që Milan të zgjohet qoftë dhe për një ditë në krye, ose më saktë të kalojë presion te Roma, me ekipin e Gasperinit që duhet të bëjë llogaritë me Napolin.
    Nëse realisht Milan dhe Allegri synojnë titullin në Serie A, kjo është fundjava e duhur për ta vërtetuar. Në dyshim të fortë për këtë sfidë mbetet Pulisic, me amerikanin që nuk është stërvitur me pjesën tjetër të ekipit, shanset që të jetë në fushë janë thuajse zero, pasi stafi mjekësor nuk dëshiron të rrezikojë.

    Allegri ka një dilemë të madhe se kush do të jetë partneri i Leaos në sulm, ku Nkunku dhe Loftus-Cheek janë në balotazh për një fanellë titullari. Nuk do të jenë të disponueshëm për këtë takim Gimenez dhe Athekame. Ndërkohë, lajm pozitiv është rikuperimi i plotë i Saelemaekers.
    Një sfidë brenda sfidës do të luhet edhe në pankinë, Allegri kundër Sarrit, dy filozofi të kundërta, dy trajnerë që vijojnë prej vitesh rivalitetin në distancë.
     

  • Allegri për rinovimin e Maignan: Po merret klubi, me të flas vetëm për fushën

    Allegri për rinovimin e Maignan: Po merret klubi, me të flas vetëm për fushën

    28 Nëntor 2025

    7:40

    Alfred Lleshi

    Trajneri i Milanit, në konferencën para ndeshjes ndaj Lazios, foli edhe për Mike Maignan, i cili është në qendër të zërave për transferim, pasi kontrata e tij skadon më 2026. Allegri theksoi: “Mike ka qenë gjithmonë një nga portierët më të fortë në botë, prandaj nuk habitem për performancën e tij.
    Rinovimi i kontratës? Klubi po mendon për këtë, drejtuesit punojnë për të siguruar të ardhme të qëndrueshme të skuadrës. Unë me Mike flas vetëm për gjërat e fushës, ashtu si trajneri i tij Filippi. Jam i kënaqur, e shoh të qetë dhe po konfirmon cilësitë e tij”.
    Për Nkunku shtoi: “Erdhi në fund të gushtit, pastaj shkoi dy herë me kombëtaren, ka bërë një hap përpara. Nuk prisja më shumë tani, shpresoj të japë maksimumin e tij në të ardhmen. Vjen nga një kampionat tjetër dhe kishte nevojë për stërvitje”.

  • Suksesi në derbi vjen me kosto, dy titullarë shqetësojnë Allegri-n

    Suksesi në derbi vjen me kosto, dy titullarë shqetësojnë Allegri-n

    Suksesi në derbi përballë Inter bëri me krah tifozët e “djallit”, me Milan që “parakaloi” në renditje rivalin e tyre të përjetshëm duke kapur vendin e dytë në Serie A. Allegri dhe pjesa tjetër e stafit drejtues vijojnë të insistojnë se objektivi i klubit mbetet prezenca në Champions League, por shifrat e vendosin Milan në garë me kohë të plotë për titullin kampion, fundja janë vetëm 2 pikë larg Romës kryesuese.
    Të paangazhuar në turnet evropian, Milan është i fokusuar totalisht në Serie A, ky është një bonus shumë i madh, por Allegrin nuk po e lënë të qetë dëmtimet e shumta. Edhe përballë Lazio-s, tekniku kuqezi duhet të bëjë llogaritë me dy shqetësime të lehta, mbeten për tu vlerësuar gjendja e Saelemaekers dhe Cristian Pulisic. Të dy lojtarët kanë shfaqur disa shqetësime fizike duke humbur pjesën më të madhe të stërvitjes në grup. Belgu ka një problem në shpinë, ndërsa sulmuesi amerikan ka një lodhje muskulore, për me shumë mundësi të dy do të jenë në fushë kundër Lazio-s.

    Gjendja e dy lojtarëve ndez edhe një herë alarmin në Milano, tregon qartë se Allegri ka një grup të limituar dhe nëse realisht do të synojnë titullin, në janar Igli Tare duhet të vihet në lëvizje për të zgjeruar grupin, mbase me nga një përforcim cilësorë në çdo repart. Emergjente mbetet faza ofensive ku Gimenez vijon të ketë shqetësime në kavilje, ndërsa Nkunku nuk është një opsion që ofron garanci.

  • Allegri: Fitorja në derbi ishte e mrekullueshme, por tani vlen vetëm… Lazio

    Allegri: Fitorja në derbi ishte e mrekullueshme, por tani vlen vetëm… Lazio

    Milani synon të vazhdojë serinë e fitoreve. Pas triumfit të rëndësishëm në derbi, kuqezinjtë presin Lazion në “San Siro”, sfidë kryesore para ciklit të fundit të fazës së parë me ndeshje më të lehta ndaj Torino, Sassuolo, Como, Verona, Cagliari dhe Genoa. Sezonin e kaluar, Milani mori vetëm 1 pikë ndaj bardhekaltërve.
    Allegri synon ta ndryshojë këtë: “Lazio deri tani është nënvlerësuar. Sarri po bën një punë të shkëlqyer, ata kanë 18 pikë edhe pse kanë pasur lëndime dhe vështirësi të mëdha në merkato. Të shtunën do të jetë një ndeshje jashtëzakonisht e vështirë për ne… Me një fitore ata mund të rikthehen në garën për Champions”.
    Trajneri kërkon fokus maksimal: “Është bukur ta fitosh derbin, por nuk duhet të humbasim synimin final: të futemi në katër të parët… Të gjitha ndeshjet duhet të përballohen sikur kundërshtarët janë ekipe të mëdha”.
    Sa i përket “infermierisë”, Pulisic nuk është gati, Saelemakers po, Gimenez do të rikthehet javën tjetër. Nkunku mund të startojë, ndërsa Saelemakers konsiderohet i pazëvendësueshëm: “Ai ka përparuar nga ana e performancës…, duhet ta ruajë këtë ekuilibër sepse ka hapësira të mëdha për rritje”.

  • Rabiot: Titulli? Të shikojmë ku jemi në mars, Allegri na ndihmon shumë mentalisht

    Rabiot: Titulli? Të shikojmë ku jemi në mars, Allegri na ndihmon shumë mentalisht

    27 Nëntor 2025

    10:43

    Alfred Lleshi

    Adrien Rabiot foli për “SportMediaset”, pas rikthimit nga një dëmtim të gjatë, duke nisur nga fitorja e derbit me Interin: “Jam i lumtur dhe krenar. Të fitosh derbi direkt është bukur, kjo fitore na jep më shumë besim dhe siguri. Kjo është një skuadër e vërtetë dhe ne po tregojmë karakter”.
    Ai komentoi ndikimin e tij në fushë: “Nuk e di pse, ndoshta lojtarët ndihen më të sigurt kur jam unë. Mundohem të flas dhe të ndihmoj skuadrën, kjo bën diferencën, veçanërisht në momentet e vështira”. Rabiot ka rritur maturinë: “Përpiqem të përmirësohem çdo vit, shoh detaje në video për të mësuar më shumë. Edhe sezoni im i kaluar te Marseille ishte i rëndësishëm. Allegri na ndihmon shumë mentalisht”.
    Për golin e parë me Milanin: “Do doja ta shënoja sa më shpejt, por më rëndësi ka të ndihmoj skuadrën, jo vetëm me gola”. Për Maignan: “Është një portier i jashtëzakonshëm dhe e do Milanin. Shpresoj të qëndrojë gjatë”. Për titullin: “Të shikojmë në mars, grupi ynë ka cilësi dhe mentalitet. Me të gjithë lojtarët të shëndetshëm, gjithçka bëhet më e lehtë”.