Lajmidites.com

Tag: aktualisht

  • Gjermania aprovon planin për rekrutë ushtarakë

    Gjermania aprovon planin për rekrutë ushtarakë

    Bundestagu gjerman (dhoma e ulët e parklamentit) ka votuar të premten projektligjin që lejon shtetin të shkojë përpara me rekrutimin ushtarak.

    Projektligji kontrovers mori një shumicë solide në fund, me 323 deputetë që votuan për dhe 272 kundër, me një abstenim, raportoi CNN.

    Kjo lëvizje synon ta çojë numrin e forcave të armatosura të Gjermanisë në rreth 260,000 ushtarë nga 180,000 sa janë aktualisht deri në vitin 2035.

    Ky projektligj nuk parashikon rekrutim të detyrueshëm, por e nxit rekrutimin vullnetar përmes masave si paga fillestare mujore prej 2,600 eurosh, një rritje prej 450 eurosh aktualisht.

    Sipas sistemit të ri, të gjitha 18-vjeçarët do të marrin një pyetësor ku pyeten për interesin e tyre për të shërbyer në ushtri. Nga korriku 2027, djemtë do t’i nënshtrohen ekzaminimeve të detyrueshme ushtarake sapo të arrijnë 18 vjeç.

    Me këto reforma, Gjermania i bashkohet disa shteteve të tjera evropiane të cilat kanë paraqitur ose zgjeruar shërbimin ushtarak që pas pushtimit të Ukrainës nga Rusia.

  • Rama rendit punët e bllokuara për shkak të pezullimit nga detyra të Ballukut

    Rama rendit punët e bllokuara për shkak të pezullimit nga detyra të Ballukut

    Kryeministri Edi Rama ka reaguar sërish në rrjetet sociale për pezullimin nga detyra të zëvendëskryeministres Belinda Balluku, masë sigurie e caktuar nga Gjykata e Posaçme. Kreu i qeverisë argumenton teknikisht se përse Gjykata Kushtetuese duhet të pranojë ankimimin e masës së caktuar nga GJKKO-ja, nga Këshilli i Ministrave.
    Në një postim në rrjetin social “X”, kryeministri
    shkruan se sot kanë përfunduar diskutimet në nivel teknik dhe kthimpërgjigja pozitive e palës kanadeze, i ka hapur rrugë lidhjes së marrëveshjes dypalëshe mes Shqipërisë dhe Kanadasë për nisjen e fluturimeve ajrore transoqeanike midis dy vendeve.
    Por sipas kreut të qeverisë kjo procedurë, aktualisht nuk mund të vijojë me hapat e mëtejshme të miratimit e të nëshkrimit të saj, pasi autoritetin ekskluziv për këto hapa, Kushtetuta ia jep Belinda Ballukut si ministre e Energjisë dhe Infrastrukturës dhe kjo e fundit nuk mund të ushtrojë detyrën e saj për shkak së është e pezulluar nga detyra.
    Rama shton kompetencat e vendimmarrëse të ministrit nuk mund të delegohen tek askush tjetër.
    Më tej, kreu i qeverisë shkruan se ka edhe 36 akte të tjera të Ministrisë së Infrastrukturës dhe Energjisë, prej të cilave 18 janë për rindërtimin, të cilat mbeten të pezulluara, pasi Balluku nuk ka mundësinë e firmës, për t’i çuar përpara.
    Postimi i plotë i kryeministrit Edi Rama: 
    Ja konkretisht nga tryeza ime e punës sot, shembujt konkretë, krejt aktualë, pse unë i kam kërkuar Gjykatës Kushtetuese heqjen e pezullimit absurd të një anëtari të qeverisë dhe  pse të pezullosh një ministër (për herë të parë në botë) sjell pasoja që cënojnë konkretisht funksionimin e qeverisë dhe interesin publik:
    Kanë përfunduar diskutimet në nivel teknik dhe kthimpërgjigja pozitive e palës kanadeze, i ka hapur rrugë lidhjes së marrëveshjes dypalëshe mes Shqipërisë dhe Kanadasë për nisjen e  fluturimeve ajrore transoqeanike midis dy vendeve. Mirëpo kjo procedurë, aktualisht nuk mund të vijojë me hapat e mëtejshme të miratimit e të nëshkrimit të saj, pasi autoritetin ekskluziv për këto hapa, Kushtetuta ia jep ministrit dhe kompetencat e vendimmarrëse të tij nuk mund të delegohen tek askush tjetër. Kështu që pezullimi ne fjalë, vendos një pikëpyetje të madhe mbi fillimin e fluturimeve në qershor 2026, sipas parashikimit.
    Por po kështu, aktualisht, ka edhe 36 akte të tjera të Ministrisë së Infrastrukturës dhe Energjisë, ku vetëm akte për rindërtimin janë 18, të cilat mbeten të pezulluara bashkë me ministrin, ndërkohë që çdo ditë që pezullimi i ministrit zgjatet, zgjatet edhe lista e punëve të bllokuara.

  • Klopp për pak muaj ose trajner spanjoll – zbulohen planet e Liverpool

    Klopp për pak muaj ose trajner spanjoll – zbulohen planet e Liverpool

    28 Nëntor 2025

    17:24

    Telesport

    Arne Slot është bë fije të perit. Trajneri i Liverpool po has vështirësi për të përsëritur suksesin e vitit të kaluar dhe aktualisht skuadra e tij renditet e 12-ta në kampionatin anglez. Çmenduri kur e mendon, sepse ka shpenzuar 300 mln euro në merkaton e verës.
    The Sun raporton se klubi anglez po mendon për pasuesin e tij, i cili pritet të jetë Luis Enrique, aktualisht shumë i suksesshëm te Paris Saint-Germain, ku ka kontratë deri në vitin 2027.
    Jurgen Klopp mund të merret në konsideratë si zgjidhje e përkohshme deri në verë, por vështirë që gjermani të pranojë diçkaq kaq të befasishme. Ai do projekt afatgjatë kudo shkon.

  • Pacientes i bëjnë reaksion ilaçet dhe përfundon në spital, vihet nën hetim mjekja dhe infermierja në Tiranë

    Pacientes i bëjnë reaksion ilaçet dhe përfundon në spital, vihet nën hetim mjekja dhe infermierja në Tiranë

    Një mjeke dhe një infermiere janë vënë nën hetim nga policia e Tiranës. Ata u vunë nën hetim pasi një 56-vjeçare u dërgua në spital si pasojë e një reaksioni nga medikamentet.
    Policia thotë se mjekimi i kishte përshkruar mjekja 46-vjeçare ndërsa aplikimi i injeksioneve ishte kryer në banesë nga infermierja 71-vjeçare në pension. Aktualisht 56-vjeçarja ndodhet nën kujdesin e mjekëve.
    “Specialistët për Hetimin e Krimeve të Komisariatit të Policisë Nr. 3 referuan materialet në Prokurori, ku nisi procedimi në gjendje të lirë për shtetaset E. H., 46 vjeçe, me detyrë mjeke, dhe A. T., 71 vjeçe, infermiere (aktualisht në pension), pasi ditën e djeshme shtetasja F. K., 56 vjeçe, është dërguar në spital si pasojë e një reaksioni nga medikamentet. Nga veprimet hetimore paraprake rezultoi se mjekimi i është përshkruar nga shtetasja E. H., ndërsa aplikimi i injeksioneve është kryer në banesë nga shtetasja A. T. Aktualisht, 56-vjeçarja ndodhet nën kujdesin e mjekëve”, njofton policia.

  • Luftë e fortë për të kapur drejtimin e drejtësisë speciale, Keta dha Braho më të favorizuarit, ja ç’po ndodh me…

    Luftë e fortë për të kapur drejtimin e drejtësisë speciale, Keta dha Braho më të favorizuarit, ja ç’po ndodh me…

    Skena e drejtësisë shqiptare është futur në fazën më tensionuese të viteve të fundit, ndërsa amerikanët duket se kanë hedhur peshën e tyre mbi garën për drejtimin e Prokurorisë së Posaçme (SPAK) dhe Byrosë Kombëtare të Hetimit (BKH). Vizita e bujshme e Mark Fleming në Tiranë, një figurë kyçe e Departamentit të Shtetit, ka ndezur alarmin politik e mediatik: SHBA ka preferencat e veta, dhe ato janë më të qarta se kurrë. Burime diplomatike konfirmojnë se Klodian Braho dhe Jon Keta po shihen si dy figurat më të besueshme për të marrë drejtimin e institucioneve më të rëndësishme të luftës kundër krimit të organizuar dhe korrupsionit. Gara për BKH është më e forta në histori, me shtatë kandidatë të rëndësishëm: Andi Pogaçe, Artur Beu, Gentian Ndoi, Gentjan Shehaj, Gledis Nano, Joni Keta dhe Elton Kërluku. Mes tyre, Keta, aktualisht nën/drejtor i BKH-së, i cili perceptohet si kandidati më i konsoliduar, jo vetëm për shkak të eksperiencës, por edhe për shkak të vlerësimeve të forta amerikane. BKH mbetet një strukturë jetike, një trupë super të specializuar policie gjyqësore që përdor inteligjencë operative, teknologji të avancuar, analiza të të dhënave dhe teknika speciale hetimi për të goditur krimin në nivelet më të larta. Pikërisht për këtë rol jetik, SHBA kërkon një drejtues të pakompromis, me profesionalizëm të palëkundur, dhe sinjalet e Ëashingtonit i drejtohen Jon Ketës. Ndërkohë, gara për kreun e SPAK është po aq e ndezur. Katër prokurorë me karriera të gjata – Adnan Xholi, Doloreza Musabelliu, Elvin Gokaj dhe Klodian Braho, janë miratuar nga KLP si kandidatë zyrtarë. Secili ka një background të fortë, por sipas burimeve të afërta me procesin, Klodian Braho konsiderohet si figura që përputhet më shumë me pritshmëritë ndërkombëtare. Braho, aktualisht shef i seksionit kundër korrupsionit në SPAK, ka kaluar nëpër strukturat më të rëndësishme të drejtësisë, duke ndërtuar profil të fortë dhe reputacion të pastër. Ai shihet si pasardhësi më i natyrshëm i Altin Dumanit, të cilit i përfundon mandati në dhjetor. Gara pritet të mbyllet në ditët në vijim, por sinjalet nga Ëashingtoni dhe vizita e Drejtorit për Çështjet e Europës Perëndimore Qendrore, Mark Fleming në SPAK disa ditë më parë, kanë krijuar një efekt domino në të gjithë sistemin. Zgjedhja e Brahos dhe Ketës do të përbënte një konsolidim historik të partneritetit SHBA–Shqipëri dhe një garanci se reforma në drejtësi futet në fazën e saj më të fuqishme. Pra ky moment po shihet si pika më kritike e dekadës për arkitekturën e drejtësisë shqiptare, dhe duket se amerikanët tashmë e kanë bërë të qartë se cilët janë dy emrat që duan në krye të betejës.
    Gara për BKH
    Ndërkohë kujtojmë se kandidatë për kryetarin e Byrosë Kombëtar të Hetimit (BKH) janë shtatë. Konkretisht ata janë: Andi Pogaçe, Prokuror Fier, aktualisht këshilltar në KLP; Artur Beu, specialist i marrëdhënieve ndërkombëtare në Policinë e Shtetit; Gentian Ndoi, aktualisht ai mban postin e drejtorit të krimit ekonomiko-financiar në Departamentin e Policisë Kriminale; Gentjan Shehaj, Drejtor në Drejtorinë e Kurrikulave dhe Kordinimit dhe Sigurimit të Cilësisë , në Akademinë e Policisë, në Drejtorisë së Përgjithshme të Policisë së Shtetit. (Ishte pjesë edhe e garës për drejtor te Përgjithshëm); Gledis Nano, ish Drejtor i Përgjithshëm i Policisë; Joni Keta, nën/drejtor i BKH-së dhe Elton Kërluku, oficer i BKH-së
    Puna dhe roli i BKH-së
    Veprimtaria e Byrosë Kombëtare të Hetimit bazohet në një shërbim të specializuar të policisë gjyqësore që realizon parandalimin, zbulimin, hetimin, dhe goditjen e veprimtarisë kriminale, nëpërmjet hetimit proaktiv, aplikimit të teknikave speciale të hetimit, aplikimit të sistemeve, databazës, analizës dhe inteligjencës, mjeteve të teknologjisë së informacionit si dhe forcimin e masave që synojnë rritjen e parametrave të sigurisë ne vend.
    Gara për SPAK
    Këshilli i Lartë i Prokurorisë, KLP vendosi të hënën e 20 tetorit 2025 miratimin e listës së katër kandidatëve në procedurën e përzgjedhjes së drejtuesit të ri të Prokurorisë së Posaçme, SPAK. Sipas relatorit të çështjes, Sokol Stojani, nga verifikimet e kryera ka rezultuar se prokurorët Adnan Xholi, Doloreza Musabelliu, Elvin Gokaj dhe Klodian Braho i plotësojnë kushtet ligjore për vijimin e garës. Drejtuesit aktual të SPAK, prokurorit Altin Dumani i përfundon mandati 3-vjeçar më 18 dhjetor. Stojani vërejti se procedura për përzgjedhjen e drejtuesit të ri është filluar dhe po vijon sipas përcaktimeve ligjore. Prokurori Adnan Xholi ka një karrierë 28 vjeçare në radhët e organit të akuzës dhe mban aktualisht pozicionin e shefit të seksionit kundër krimit të organizuar dhe terrorizmit në SPAK. Xholi ka punuar më parë pranë Prokurorisë së Përgjithshme dhe asaj të Krimeve të Rënda. Xholi kandidoi për të qenë drejtues i SPAK edhe tre vjet më parë, kur në këtë pozicion u përzgjodh Dumani. Kandidatja Doloreza Musabelliu ka kryer Shkollën e Magjistraturës në vitet 2002-2005 dhe është emëruar më pas prokurore në Prokurorinë e Krimeve të Rënda. Ajo e ushtroi funksionin në këtë prokurori prej 14 vitesh dhe vijoi punën si prokurore e SPAK që prej themelimit të këtij institucioni. Prokurori Elvin Gokaj e ka nisur karrierën në sistemin e drejtësisë si oficer i policisë gjyqësore. Në vitin 2000 ai u emërua prokuror në Prokurorinë e Matit, ndërsa në vitet 2007-2013 ka kryer detyrën e drejtuesit të Prokurorisë së Elbasanit, si dhe në Prokurorinë e Fierit. Prej vitit 2014, Gokaj punoi në Prokurorinë e Apelit të Shkodrës prej nga u emërua në SPAK. Kandidati tjetër, prokurori Klodian Braho ka mbaruar Shkollën e Magjistraturës në vitet 2005-2008 dhe më pas është emëruar prokuror në Berat. Në vitin 2012, Braho u transferua në Prokurorinë e Vlorës ku mbajti edhe postin e zv/drejtuesit, ndërsa në vitin 2015 u dekretua në ish-Prokurorinë e Krimeve të Rënda dhe më pas vijoi në SPAK. Braho mban aktualisht pozicionin e shefit të seksionit kundër korrupsionit në SPAK.

  • Trageti me 267 persona përplaset në breg në Korenë e Jugut

    Trageti me 267 persona përplaset në breg në Korenë e Jugut

    Një traget pasagjerësh i Koresë së Jugut me 246 pasagjerë dhe 21 anëtarë të ekuipazhit është përplasur në shkëmbinj pranë bregut juglindor të vendit.
    Mediat e huaja raportojnë se trageti ka ngecur në një shkëmb nënujor dhe nuk është në gjendje të lëvizë, por aktualisht nuk ka rrezik të fundoset ose të përmbyset. Njerëzit aktualisht po zhvendosen në anije patrullimi.
    Aksidenti ndodhi pranë ishullit Jangsan në Qarkun Sinan të mërkurën në mbrëmje sipas orës lokale. Anija u ngec në shkëmbinj pranë ishullit të pabanuar të Jogdo.

    Mediat lokale raportuan se pesë persona pësuan lëndime të lehta nga përplasja.Kryeministri i Koresë së Jugut, Kim Min-seok, ka urdhëruar që të gjitha anijet e disponueshme të mobilizohen për të shpëtuar tragetin.
    Ndërkohë roja Bregdetare planifikon ta zhvendosë anijen në breg në rast të baticës së lartë.
    “Ne kemi konfirmuar se aktualisht nuk ka përmbytje. Po i transferojmë pasagjerët në anije patrullimi dhe po i zhvendosim në një vend të sigurt”, tha një zyrtar i Rojës Bregdetare, raporton gazeta Chosun Ilbo.

  • Balluku premtoi, por ura e “5 Majit” mbetet ëndërr e parealizuar

    Balluku premtoi, por ura e “5 Majit” mbetet ëndërr e parealizuar

    Unaza e Madhe e Tiranës nuk ka një dalje që e lidh atë me zonën e “5 Majit”.
    Megjithëse është ënjë projekt i shtrenjtë dhe që ka kushtuar dhjetëra milionë euro, duke u konsideruar si një nga rrugët më të shtrenjta për kilometër në Shqipëri, banorët e kësaj zone aktualisht nuk kanë akses direkt në Unazë dhe detyrohen të bëjnë një rrugë më të gjatë për të përdorur daljen më të afërt.
    Kjo i detyron ata të futen në trafikun e rënduar të rrugëve të brendshme të qytetit për të mbërritur në shtëpitë e tyre.
    Ndërkohë, projekti parashikon ndërtimin e një ure pikërisht në këtë pikë lidhëse.
    “Kanë një vit që thonë se do ta bëjnë daljen dhe ende s’është bërë asgjë. Më duket se nuk kanë asnjë plan,” shprehet ai i zhgënjyer.
    Që në shtator 2021, ministrja e Infrastrukturës, Belinda Balluku, pati premtuar se segmenti i Unazës do të hapej në gusht 2023 një afat që nuk u respektua. Më vonë, në vitin 2023, ish-drejtuesi i ARRSH-së (aktualisht në burg), Berberi, deklaroi se projekti do të përfundonte në vitin 2024.
    Në realitet, Unaza u hap me nxitim në fund të vitit, për të respektuar premtimin e datës 31 dhjetor 2024, por cilësia e punimeve ka shkaktuar pakënaqësi tek qytetarët. Edhe pse rruga është vënë në funksion, jo të gjitha hyrjet dhe daljet janë funksionale, dhe rasti konkret është kjo urë që lidh unazën me zonën e 5 Majit.

  • “Janar i heshtur” për Arsenal, trajneri Arteta nuk dëshiron asnjë afrim apo largim nga skuadra

    “Janar i heshtur” për Arsenal, trajneri Arteta nuk dëshiron asnjë afrim apo largim nga skuadra

    Ekipi i Arsenal, aktualisht lider në Premier League, nuk pritet të bëjë një merkato të bujshme në janar. Burime brenda klubit konfirmojnë se do të ndërhyhet vetëm nëse ka një dëmtim serioz afatgjatë ose një mundësi unike që shfaqet në treg.
    Në fakt, janari nuk është një dritare e merkatos në të cilën Arsenal është zakonisht aktiv. Herën e fundit që ata nënshkruan lojtarë në janar ishte viti 2023 kur erdhën Leandro Trossard, Jorginho dhe Jakub Kiwior.
    Në janarin e vitit të kaluar, “topçinjtë” u përpoqën të nënshkruanin Ollie Watkins nga Aston Villa, por vendosën të mos ndiqnin një marrëveshje për shkak të çmimit dhe ndikimit që do të kishte pasur në planet e tyre të verës.
    Arsenal aktualisht ka disa lojtarë të dëmtuar si Viktor Gyokeres, Gabriel Martinelli, kapiteni Martin Odegaard, Noni Madueke, Kai Havertz dhe Gabriel Jesus. Por, të gjithë futbollistët e lënduar po i afrohen një rikthimi.
    Disa madje mund të jenë të disponueshëm pas pushimit ndërkombëtar. Gjithashtu, largimet shihen si të pamundura, me trajnerin Mikel Arteta që sugjeron se Jesus do të jetë një pjesë e rëndësishme e planeve të tij pasi u rikthye në stërvitje javën e kaluar.

  • Zhvillim i ri nga atentati në Rinas/ Gazetari zbulon detajet: Është shoqëruar një person, ja çfarë roli kishte

    Zhvillim i ri nga atentati në Rinas/ Gazetari zbulon detajet: Është shoqëruar një person, ja çfarë roli kishte

    Gazetari Elton Qyno ka deklaruar se një person është shqoëruar në polici për atentatin e ndodhur ditën e sotme në Rinas, ku mbeti viktimë Gilmando Dani dhe u plagos rëndë Muçi Shaljani, agjent i AMP-së.
    Qyno tha se ky person dyshohet se ka bashkëpunuar me autorët e atentatit dhe ka pasur rolin e informatorit.
    “Situata është monitoruar në mënyrë të përpiktë nga ana e, autorëve të krimit. Ndërkohë që aktualisht që po flasim bashkë, policia e Tiranës ka një person të dyshuar që besohet se ka bashkëpunuar me, me grupin e zjarrit për të dhënë informacion.
    Sepse ky person që ka dhënë informacionin është shfaqur në pamjet filmike dhe bën disa lëvizje, vajtje-ardhje në, në segmentin e rrugës që lidh tunelin, pra derën kryesore të parkimit me pjesën e rreth rrotullimit që del plotësisht nga zona e terminalit. Dhe që flet në telefon dhe që ky person aktualisht është njeriu i parë i dyshuar nga policia e Tiranës.
    Dhe ky person aktualisht është shoqëruar, është identifikuar dhe që dyshohet që të jetë personi që ka dhënë informacionin, por që deri në këto momente nuk kemi as edhe një njoftim zyrtar nga policia”, tha Qyno.

  • UEFA përjashton për 7 vjet dy klube evropiane, trukuan ndeshjet

    UEFA përjashton për 7 vjet dy klube evropiane, trukuan ndeshjet

    y klube evropiane aktualisht po vuajnë pezullime shtatëvjeçare nga të gjitha garat e UEFA-s për shkak të një sërë shkeljesh disiplinore.
    UEFA ka zbatuar ndalime për një numër klubesh futbolli vitet e fundit dhe për të gjithë vendin e Rusisë në tërësi. Të gjitha klubet ruse aktualisht janë të ndaluara të marrin pjesë në garat e UEFA-s, një vendim që u dha menjëherë pas pushtimit të paligjshëm të Ukrainës nga vendi në shkurt të vitit 2024. Dy klube nga vende të tjera po vuajnë gjithashtu pezullime, me një ekip të pezulluar nga turnetë e UEFA-s për një total prej shtatë vitesh në vitin 2021.
    Klubi letonez FK Ventspils u përjashtua nga garat e UEFA-s pasi organi qeverisës i futbollit evropian i akuzoi ata për mashtrim, ryshfet dhe korrupsion, si dhe shkelje të integritetit të ndeshjeve dhe garave’. Më konkretisht, hetimi i UEFA-s u përqendrua rreth akuzave për manipulim ndeshjesh gjatë një ndeshjeje kualifikuese të Europa League midis Ventspils dhe skuadrës së Ligue 1 Bordeaux – këta të fundit nuk ishin të përfshirë në aferë, në korrik 2018.
    Ndërkohë, presidenti i Ventspils, Adlan Shishkanov, u akuzua për të njëjtat vepra penale dhe u pezullua për jetë nga Komisioni i Kontrollit, Etikës dhe Disiplinës së UEFA-s. Ndërkohë, menaxheri sportiv Nikolajs Djakins u pezullua për katër vjet për të njëjtat akuza. Megjithatë, ndalimi në fakt nuk vlen më sepse Ventspils u shkri si skuadër në korrik 2021, një muaj pasi u njoftua ndalimi, për shkak të problemeve financiare dhe më pas u likuidua në janar 2024. Një klub tjetër me emërimin JFK Ventspils, u krijua më vonë atë vit dhe garon në divizionin e dytë të Letonisë. Nuk është e qartë nëse ndalimi vlen për klubin e ri, i cili do të duhet ose të fitojë Kupën e Letonisë ose të ngjitet në Ligën e Lartë të Letonisë dhe më pas të përfundojë në tre vendet e para sezonin e ardhshëm që pezullimi të hyjë në fuqi.
    Ekziston edhe një ekip i dytë që po vuan gjithashtu një ndalim shtatëvjeçar nga garat e UEFA-s, skuadra malazeze FK Arsenal Tivat që është aktualisht i pezulluar për trukim ndeshjesh. Ata u akuzuan për shkelje të rregulloreve që lidhen me ‘parimet e përgjithshme të sjelljes’ dhe ‘integritetin e ndeshjeve dhe garave, si dhe trukimin e ndeshjeve’. UEFA hetoi një ndeshje Ligës së Konferencëa në Europëm në vitin 2023 kundër skuadrës armene Alashkert, duke rezultuar në një pezullim fillestar 10-vjeçar për klubin dhe një pezullim të përjetshëm për mbrojtësin e Arsenal Tivat, Nikola Celebic.
    Shokët e ekipit Cetko Manojloviç, Radule Zivkoviç dhe Dushan Paletiç u pezulluan të gjithë me nga 10 vjet, megjithëse më pas pezullimi i Paletiç u anullua nga apeli. Ndalesa e klubit u ndryshua gjithashtu në shtatë vjet pas një apelimi pjesërisht të suksesshëm, deri në dhe duke përfshirë sezonin 2031/32.