Lajmidites.com

Tag: ahmetaj

  • “PD ka humbur shpirtin e lëvizjes, i duhet rilindje me figura dhe ideale të reja”

    “PD ka humbur shpirtin e lëvizjes, i duhet rilindje me figura dhe ideale të reja”

    Arben Çejku dhe Bislim Ahmetaj, të ftuar në Puls nga Bruna Çifligu në A2 CNN, analizuan rëndësinë e 8 Dhjetorit dhe gjendjen aktuale të Partisë Demokratike, duke ndarë qëndrime kritike mbi mënyrën se si kjo forcë politike ka devijuar nga ideali i themelimit.
    Arben Çejku u shpreh se protesta studentore ishte revolucionare për nga natyra dhe theu tabutë e një sistemi që dukej i pathyeshëm. Ai theksoi se 8 Dhjetori është sot “më i vështirë dhe më i ndërlikuar” për shkak të interpretimeve politike, duke fajesuar PD-në për humbjen e legjitimitetit dhe mbajtjen peng të simbolikës së lëvizjes. Çejku deklaroi se PD sot ka “dyert e mbyllura për pjellën e vet” dhe se mbetet e paralizuar nga aktorë të vjetër politikë. Sipas tij, PD duhet të distancohet nga figura si Sali Berisha dhe të rikthehet te thelbi reformist dhe perëndimor i lëvizjes studentore.

    Nga ana tjetër, Bislim Ahmetaj, një prej figurave të hershme të studentëve, kritikoi ashpër deformimin e 8 Dhjetorit në politikë. Ai tha se sot “nuk na përket më” sepse është kapur nga politikanë që nuk kanë lidhje me origjinën e lëvizjes dhe e përdorin si fasadë. Ahmetaj deklaroi se PD ka devijuar plotësisht nga idealet e vitit 1990 dhe se udhëhiqet nga njerëz që “kanë qenë në diktaturë dhe sot shiten si antikomunistë”. Ai theksoi se shpresa e vërtetë është te ata studentë që e nisën ndryshimin pa interesa personale dhe se PD duhet të rilindë përmes figurave të reja dhe idealeve të dikurshme, jo përmes ritakimeve të së shkuarës, shkruan A2 CNN.

    Megjithëse nga këndvështrime të ndryshme, të dy bashkohen në një pikë kryesore, Partia Demokratike sot nuk përfaqëson më frymën e 8 Dhjetorit, ka humbur identitetin për shkak të konflikteve të brendshme dhe mungesës së reformimit, duke pasur nevojë urgjente për një përditësim moral, politik dhe drejtues

  • Procesi “Buka” në GJKKO, mungon avokati – shtyhet gjyqi i Ahmetajt

    Procesi “Buka” në GJKKO, mungon avokati – shtyhet gjyqi i Ahmetajt

    GJKKO ka shtyrë për në 16 dhjetor, ora 13:30, seancën gjyqësore ndaj ish-zv.kryeministrit, Arben Ahmetaj, në procesin ndaj tij për dosjen “Buka sha”.
    Shtyrja erdhi për shkak të mungesës së avokatit Gokaj, i cili ndodhej i angazhuar në një proces tjetër gjyqësor dhe nuk mund të ishte i pranishëm në sallën e gjyqit.
    Arben Ahmetaj është një nga gjashtë të pandehurit në dosjen e njohur si “Buka”. Ai akuzohet për “shpërdorim te detyrës” gjatë procedurës së privatizimit të ndërmarrjes “Buka sha”, duke sjellë një dëm prej miliona euro në buxhetin e shtetit.
    Arben Ahmetaj fillimisht në cilësinë e ministrit të Zhvillimit Ekonomik, Turizmit, Tregtisë dhe Sipërmarrjes e më pas të ministrit të Ekonomisë dhe Financave, akuzohet se shkeli legjislacionin në fuqi.
    Kujtojmë se ish-kryeministri Arben Ahmetaj, ndodhet në arrati prej korrikut të vitit 2023, për shkak të hetimeve të SPAK, e cila lëshoi një urdhër-arresti ndaj Ahmetajt.

  • Dosja ‘Buka’/ GJKKO shtyn seancën ndaj ish-zv.kryeministrit Arben Ahmetaj, zbulohet aryseja

    Dosja ‘Buka’/ GJKKO shtyn seancën ndaj ish-zv.kryeministrit Arben Ahmetaj, zbulohet aryseja

    GJKKO shtyn për me 16 dhjetor, ora 13:30 seancën gjyqësore ndaj ish-zv.kryeministrit, Arben Ahmetaj, në procesin ndaj tij për dosjen “Buka sha”. Mësohet se shkak u bë mungesa e avokatit.
    Arben Ahmetaj është një nga gjashtë të pandehurit në dosjen e njohur si “Buka”, ku akuzohet për shpërdorim detyre.
    Kujtojmë se ish-kryeministri Arben Ahmetaj, ndodhet në arrati prej korrikut të vitit 2023, për shkak të hetimeve të SPAK, i cili lëshoi një urdhër-arresti ndaj Ahmetajt.

  • Dosja “Buka”, shtyhet gjyqi për ish-zv/kryeministrin Arben Ahmetaj

    Dosja “Buka”, shtyhet gjyqi për ish-zv/kryeministrin Arben Ahmetaj

    arben ahmetaj

    TIRANË- GJKKO ka shtyrë seancën gjyqësore ndaj ish-zëvendëskryeministrit Arben Ahmetaj, në kuadër të procesit për dosjen “Buka sha”. Shkak është bërë mungesa e prokurorit Elvin Gokaj, i cili ndodhej i angazhuar në një çështje tjetër gjyqësore, ndërsa mësohet se seanca e radhës do të mbahet më 16 dhjetor në orën 13:30.
    Në dhjetor 2024 GJKKO vendosi ta kthejë në SPAK dosjen ‘Buka’ për plotësim të hetimeve. Në këtë çështje Ahmetaj akuzohet për “shpërdorim të detyrës” gjatë procesit të privatizimit të ndërmarrjes “Buka sh.a”, duke shkaktuar një dëm prej miliona eurosh në buxhetin e shtetit.
    Arben Ahmetaj, në cilësinë e Ministrit të Ekonomisë, zhvilloi ankandin për shitjen e aksioneve të “Buka” sh.a në vitin 2015, ku iu kalua biznesmenit Fezollari edhe prona që iu është njohur trashëgimtarëve të ish-pronarit të shpronësuar në vitin 1945 nga regjimi komunist. Dëmi që llogaritet nga privatizimi i ish-fabrikës së bukës llogaritet të jetë 700 milionë lekë.
    Ish-zv kryeministri i vendit, Arben Ahmetaj është aktualisht në kërkim ndërkombëtar, teksa mbi të rëndojnë akuzat “Korrupsion pasiv”, “Fshehje pasurie” dhe “Pastrim parash”. Ish-numrit dy të qeverisë i janë sekuestruar disa pasuri. Disa prej pronave dyshohet se janë vendosur nga raporti që ka pasur Ahmetaj me pronarët e inceneratorëve, Mirel Mërtiri dhe Klodian Zoto. Vetë Ahmetaj i ka mohuar vazhdimisht akuzat, qoftë për dosjen e inceneratorëve, qoftë për privatizimin e ish-shoqërisë Buka./ZËRI
     
     

  • Dosja “Buka sha”, shtyhet gjyqi për ish-zv/kryeministrin Arben Ahmetaj

    Dosja “Buka sha”, shtyhet gjyqi për ish-zv/kryeministrin Arben Ahmetaj

    Gjykata e Posaçme ka shtyrë për më 16 dhjetor, ora 13:30 seancën gjyqësore ndaj ish-zv.kryeministrit, Arben Ahmetaj, në procesin ndaj tij për dosjen “Buka sha”.
    Shkak i shtyrjes u bë mungesa e prokurorit Elvin Gokaj, i cili ishte i angazhuar në një proces gjyqësor tjetër.
    Gjykimi në mungesë ndaj Ahmetajt për dosjen e njohur si “Buka”, ku është marrë i pandehur për akuzën e “shpërdorimit të detyrës”, nisi në GJKKO më 17 nëntor.
    Në këtë seancë, Ahmetaj u përfaqësua nga avokati Henrik Ligori. Procedimi në fjalë është regjistruar në 2022, pas kallëzimit të një qytetari, mbi procedurën e privatizimit të shoqërisë “Buka Sha”.
    Sipas SPAK, Ahmetaj ka firmosur një urdhër për privatizimin e firmës, edhe pse kishte disa vendime gjykate që e ndalonin këtë gjë. SPAK kërkoi po ashtu të pyeten si dëshmitarë 14 persona, ndër to dhe ish-ministri Shkëlqim Cani.
    Gjykata në seancën e pare lexoi shkresën e Interpolit, sipas të cilit, Ahmetaj ndodhet në Zvicër, vend ku Ministria e Drejtësisë ka dorëzuar kërkesë për ekstradimin e tij. Por Interpoli shpjegoi se nuk ka dijeni mbi ecurinë e procedurave dhe vendndodhjen e tij më saktë.

  • Arratia nuk e ndal Ahmetajn/ Ja cilët janë katër emrat e politikës që ai ndjek pa pushim në rrjete sociale

    Arratia nuk e ndal Ahmetajn/ Ja cilët janë katër emrat e politikës që ai ndjek pa pushim në rrjete sociale

    Ish-numri dy i qeverisë Rama dhe një ndër figurat e vjetra të së majtëve, Arben Ahmetaj prej dy vitesh tanimë ndodhet në arrati ku dhe nga largësia ju ka shpallur “luftë”, ish-bashkëpunëtorëve të tij më të ngushtë dhe “ish-miqve”, të cilët sipas tij e prenë në “besë”.
    Por, pa çka akuzave të bëra nga largësia, Ahmetaj vijon të mbajë “follow” në rrjetet e tij sociale disa prej socialistëve, mes tyre edhe kryesocialistin Edi Rama.
    Siç shihet dhe në listën e mëposhtme të njerëzve që ish-zv kryeministri ndjek pa pushim edhe nga arratia, Damian Gjiknuri është një prej tyre, duke u pasuar më pas nga Edi Rama, Arbi Mazniku dhe Erion Veliaj.
    Ndryshe nga Veliaj dhe Gjiknuri të cilët po ashtu vijojnë ta ndjekin Ahmetajn, kryeministri Rama nuk e ka në listën e miqve të tij në “Instagram”.

    lista e ndjekesve te Ahmetajt

    Ish-zv.kryeministri, Arben Ahmetaj, prej korrikut të 2023 ndodhet në kërkim ndërkombëtar në kuadër të dy procedimeve të mëparshme të bashkuar në një të vetëm, për “Fshehje të pasurisë”, “Korrupsion pasiv” dhe “Pastrim parash”.
    Teksa SPAK e kërkon, Ahemetaj ka aplikuar për azil në Zvicër, bashkë me partneren Erjola Hoxhën dhe vajzën e mitur.
    Nga ky shtet, ai ka dhënë disa intervista për median në Shqipëri, ku ka akuzuar ish-bashkëpunëtorët e tij politikë dhe njerëzit e drejtësisë se e duan me patjetër në burg. SPAK e ka shpallur në kërkim ndërkombëtar.
    Ish-besniku i Ramës zbuloi se që prej vitit 2022, kohë kur dhe u shkarkua nga posti i zëvendëskryeministrit, filloi përndjekja e tij. I frikësuar për jetën, Arben Ahmetaj ka pohuar se është larguar nga Shqipëria, pasi përpos për veten kishte dhe frikë për familjen e tij.
     
     
     

  • Tabaku debat me Malajn në Kuvend: Do të kesh të njëjtin fat si Ahmetaj

    Tabaku debat me Malajn në Kuvend: Do të kesh të njëjtin fat si Ahmetaj

    Në seancën e sotme plenare, ku diskutohej projektbuxheti i vitit 2026, deputetja e Partisë Demokratike, Jorida Tabaku, është përplasur me ministrin e Financave, Petrit Malaj.

    Debati u ndez pasi Tabaku akuzoi qeverinë se vazhdon të paguajë miliona lekë për çështjen e inceneratorëve dhe paralajmëroi ministrin se “do të ketë të njëjtin fat si Arben Ahmetaj”.
    Tabaku u shpreh se shpenzimet për inceneratorët vijojnë të rëndojnë buxhetin e shtetit dhe se qeveria i paraqet të dhënat në mënyrë të pasaktë. “
    Ministri Malaj u përgjigj duke thënë se të dhënat e institucioneve ndërkombëtare tregojnë rritje ekonomike dhe përmirësim të të ardhurave për shqiptarët.
    Jorida Tabaku: Së pari, zoti Ministër, me “Ti” drejtojuni atyre që të kanë fut në punë, jo më mua. Për juve jam zonja Tabaku. Së dyti, kur të mësosh të lexosh Buxhetin e Shtetit, sepse ndoshta nuk e ke kuptuar, do e shohësh se ku janë inceneratorët, ku është edhe kosto për menaxhimin e mbetjeve. Je i ri në detyrë, je i 12-ti ministër që kalon aty se ke të gjatë. Shumë kanë ikur, do ikësh edhe ti.
    Por, duhet të kuptosh se sot çështja e inceneratorëve e cila është duke e hetuar dhe unë shpresoj shumë të çoj përpara drejtësisë të gjithë ato që janë përfshirë duke nisur nga kryeministri. Po i shkakton buxhetit të shtetit një kosto e cila vetëm për Tiranën shkon 339 milionë euro.
    Ashtu thoshte dhe Arben Ahmetaj, zero thoshte dhe e sheh ku është. Rrugën e atij do kesh. Së dyti, për sa i përket çmimeve po njëkohësisht sa i përket çmimeve dhe kostove të jetesës, 20% e çmimeve të BE kanë qenë çmime në 2012, sot janë 92% e çmimeve të BE. 40% janë sot shpenzime për ushqime, 55% e familjeve shqiptare nuk mbyllin dot muajin, këto janë të dhënat tuaja, ju pëlqen apo jo.
    Çdo ministër financash duhet të ishte shqetësuar për këto të dhëna dhe jo të vinte dhe të qeshte këtu me varfërinë e shqiptarëve. E kuptoj vështirësinë që ka sot qeveria për të sjellë një buxhet për qytetarët, por të dilni dhe të mashtroni këtu me paqen fiskale, me shlyerjen e borxheve që e bënin për klientët e qeverisë dhe të thoni që është për qytetarët shqiptarë, kjo është komplet jo paaftësi, po është korrupsion.
    Petrit Malaj: E nderuar zonja Tabaku, unë jam profesionit në fushën e financës dhe kam mbi 20 vite punë. Ju, konkretisht nuk e di se çfarë profesioni keni. Kështu që, për sa i përket pjesës së lexuarit të buxhetit apo se si janë të listuar zërat e buxhetit, të siguroj që e kam njohurinë shumë më të thellë se sa e keni ju.
    Duket se deri në këtë pikë, ke folur vetëm politikisht, nëse do i kthehemi shifrave do të kuptosh që ky është buxheti i cili siguron mirëqenie sociale, siguron rritje ekonomike, konsolidim fiskal, ke ulje të borxhit dhe kjo vjen pa rritur taksat. Kështu që, besoj buxhet më të mirë dhe ju nuk keni parë në eksperiencën tuaj.

  • Rrëfimi bombastik i Arben Ahmetajt, nga provat origjinale që disponon të aferës së Inceneratorit të Tiranës që ka…

    Rrëfimi bombastik i Arben Ahmetajt, nga provat origjinale që disponon të aferës së Inceneratorit të Tiranës që ka…

    Rigels Seliman
    Ish-zv/kryeministri Arben Ahmetaj ka dalë dje në një rrëfim të hapur për aferën e Inceneratorit të Tiranës, duke akuzuar për zhdukje të dokumenteve dhe për manipulime të qëllimshme nga qeveria. Ai foli gjithashtu për kërcënimet me jetë që ka marrë dhe për prapaskenat e procesit të ekstradimit nga Zvicra. Ahmetaj i ftuar në një emision televiziv deklaroi se për aferën e inceneratorit të Tiranës po tentohet të fshihen dokumente madje janë hequr edhe VKM-të nga 2021 e më herët. Ahmetaj tha se gabimi më i madh i jetës së tij është besimi te kryeministri Edi Rama. “Gabimi më i madh që kam bërë është besimi te Edi Rama. Le të vijnë vërdallë lesh kanë për të gjetur, nuk i kam bërë ato që thotë Elvin Gokaj dhe Altin Dumani. Elvin mos i përdor për garën për kreun e të SPAK, ato që i kam bërë i them vetë. Më thonë po ti pse nuk ke luftuar. Kam luftuar. Kam luftuar për kanabisin por kam kundërshtuar TVSH, kam kundërshtuar inceneratorin e Tiranës. Kanë tentuar të zhdukin letrat. Futuni dhe shihni a janë VKM e para 2021? I kam marrë të gjitha me USB me kopje. Nuk merrem me prokurorin siç merret ai me mua, prokurorin tim në Veting e kanë kthyer në shkollë. Ka zero transaksion, kanë kërkuar në Austri, Zvicër, Greqi”, deklaroi Ahmetaj.
    Kërcënimet me jetë
    Ai ka reaguar sërish mbi zhvillimet në seancën gjyqësore për dosjen “Buka”, ku u fol dhe për një kërkesë për ekstradimin e tij nga Zvicra. Ahmetaj shkoi më tej, duke deklaruar se ai beson se ka një plan për eliminimin e tij fizik. Sipas tij, urdhri i arrestit ka dalë para 3 vitesh dhe në kohë rekord. Sipas tij, ishte Rama ai që urdhëroi ndalimin e tij, apo siç Ahmetaj e cilëson “kreu i organizatës”. “Sot ishte, le të themi, teatri i radhës, që bën struktura që unë e kam përmendur dikur, por që është drejt, që drejtohet nga qeveria e tymnajës për të mbuluar të gjitha ato skandale që po dalin një nga një, në Tiranë dhe që përfshijnë persona, anëtarë të qeverie të lartë. Dhe ajo që më çudit është dhe përfshirja e drejtpërdrejtë edhe e prokurorit tjetër, sepse përsa i përket, më parë unë e kam sqaruar përfshirjen e SPAK-ut deri në arrestimin, tentativën për të më arrestuar me urgjencë, që e kam thënë disa herë, dyshoj, po tashmë nuk dyshoj më, që janë të përfshira tek eliminimi im fizik. Dhe sot e vërteta, e vërteta e të gjithë asaj pyetje që unë kam ngritur, është shumë e qartë për këdo. Shumëkush më thotë, po të kishe qëndruar këtu, sot nuk do ishe i gjallë. Dhe e kam thënë disa herë që unë nuk është se mbahem për ndonjë trim, por, për familjen time, nuk kam asnjë alternativë tjetër përveçse të jem i drejtë, sqarues dhe patjetër trim. Sot doli lajmi që me demek ishte bërë një kërkesë e re për ekstradimin tim. Cili ishte lajmi i rremë? I dal, shpresoj jo, i dalë nga të njëjtat dyer. Shpresoj që SPAK-u të mos jetë i përfshirë në këtë tymnajë, për të sqaruar publikun, kërkesa për ekstradim është bërë në datën 18 gusht të vitit 2023. Kohë rekord. Domethënë rekord përkthyer, rekord bërë kërkesat me urdhër të kreut të organizatës. Dhe kjo s’ka më dyshim tani, për mua s’ka pasur dyshim që ditën një, që ditën që kam kërkuar në shkurt të vitit 2022 largimin nga qeveria, dorëheqjen”, tha Ahmetaj.
    Ekstradimi
    Ahmetaj ka shtuar sulmet ndaj SPAK teksa ishte duke folur për çështjet që drejtësia po e heton. “Imagjino që SPAK-u ka pasur dhe qytetarët e kanë parë vonesa në kërkesa ekstradimi, vonesa në ekzekutim urdhër arresti, vonesa në, le të themi në sigurimin e provave, në garantimin e provave, në ruajtjen e provave. Por asnjë vonesë në rastin tim për të kërkuar ekstradimin. Ne e dimë që ka vonuar urdhër arresti, nga gjykata me tre, katër, pesë, gjashtë muaj, një vit. Ca të tjera s’i ka bërë fare, ndërsa në rastin tim, urgjenca ka qenë shembullore. E para. E dyta, që ishte po në vazhdën e tymnajës, ka të bëjë me një pseudo transaksion. Tani, unë do ta lë në tryezën tuaj dhe të qytetarëve sfidë. Sfidë, që nëse do kishte një transaksion të dali sa më parë. E para, që letër porosia nga Austria që ka kërkuar prokurori Elvin Gokaj, ka, minimalisht në maj, ka arritur në Shqipëri. Dhe prokurori e ka shprehur që s’ka lidhje fare me mua dhe secili nga ne e di ç’ka bërë ose çfarë nuk ka bërë në jetë. Tani, për çfarë ka dalë sot kjo zhurmnajë? Ka tre arsye. Një arsye është devijimi i vëmendjes nga skandalet, edhe mediat harrojnë që mungojnë dy ura në Llogara, harrojnë që mungojnë paratë e inceneratorëve, harrojnë që mungojnë paratë e IPARD-it, harrojnë që mungojnë paratë te Begetit, harrojnë që mungojnë paratë e ekoparkut. Dhe merren me një lajm të rremë vetëm për të devijuar vëmendjen nga e vërteta që po ndodh aty. Apo harrojnë edhe përfshirjen me organizatat kriminale dhe me kartelet e drogës. Edhe këto i harrojnë. Dhe merren me ekstradimin, me qejfin e madh për të më parë mua në burg, kreu i organizatës dhe shpura, që s’ka lidhje me Partinë Socialiste, se dëgjoj ndonjëherë që i turren Partisë Socialiste, nuk ka lidhje kjo me Partinë Socialiste. Tjetër gjë është Partia Socialiste. Partia Socialiste e kam thënë, është e mpirë. Fatkeqësisht”, nënvizoi dje Ahmetaj.
    Akuzat ndaj Ballukut
    Nga ana tjetër, ish-zëvendëskryeministri Arben Ahmetaj ka deklaruar se është përballur me kërcënime pas denoncimeve të tij publike, duke përmendur specifikisht ngjarje të ndodhura në muajin tetor. Gjatë intervistës për “Syri Tv”, Ahmetaj tha se ka kërkuar verifikimin e tre numrave telefoni nga institucione ndërkombëtare, ndërsa bëri një llogari të detajuar sipas së cilës, në projektin e tunelit të Llogarasë janë zhdukur rreth 82 milionë euro. I pyetur nëse është kërcënuar pas veprimeve të SPAK-ut, veçanërisht në lidhje me hetimet ndaj ish-ministres Belinda Balluku për aferën e Llogarasë, ai e pohoi. “E vërteta është që po”, u shpreh Ahmetaj, duke shtuar se do t’i shtjellojë më gjerësisht këto kërcënime në të ardhmen për të mos devijuar vëmendjen nga çështjet kryesore. Ahmetaj konfirmoi se ngjarjet kanë ndodhur në tetor, por nuk dha detaje të mëtejshme mbi natyrën apo burimin e tyre. Në vijim, Ahmetaj u përqendrua në atë që e cilësoi si një dëm kolosal financiar në tunelin e Llogarasë. Sipas tij, shuma prej 50 milionë eurosh përbën “fitim të pamerituar” për sekserët, duke qenë diferenca mes kostos reale të punimeve dhe shumës së paguar nga shteti. Përveç kësaj, ai shtoi se në projekt mungojnë dy ura, kostoja e të cilave arrin në 32 milionë euro.
    Arben Ahmetaj: Gjyqin publik stil sikur të ishte gjyqi i Dimitrovi kundër Geringut, që me demek Dimitrovi ka djeg ë Rajshtagun. Është stil Gestapoje për të bërë gjyq popullor për shumë e shumë njerëz. Domethënë, në vend të drejtësisë ka statistikë dhe nuk ka rëndësi prova. Prova është zero, siç e thonë dhe ata, ne, më falni, të gjithë shqiptarët, ne nuk na rruhet të plasin kokën në gjykatë. Në gjykatë afërmendsh vendoset siç duan ata. Dhe gjyqi i bëhet armiqve siç e do kreu i organizatës në popull. Nuk është rasti im. Unë do ta çoj transparencën deri në fund. Është një lloj si puna e mundimshme, e pavlerë, e pabazuar për të më akuzuar për korrupsion, edhe nëse unë nuk kam firmosur, edhe nëse unë nuk kam qenë autoritet kontraktor. Nuk ka pikë. Para se të flas për kërcënimet, ne do t’i shtjellojmë në të ardhmen. Unë i kam kërkuar institucioneve deri në, përtej oqeanit, për të verifikuar të gjitha numrat e telefonave, të tre numrat e telefonave. Po kjo s’ka rëndësi se s’dua të bëj sot devijim…
    Çim Peka: Të tre numrat, të tre numrat e telefonit? Më fal, jeni kërcënuar tre herë?
    Ahmetaj: Zoti Peka, zoti, zoti Peka…
    Çim Peka: Jo, po thoni tre numra, tre numra telefoni. Jeni kërcënuar tre herë gjatë kësaj kohe?
    Ahmetaj: Zoti Peka, zoti Peka, në tetor, por do ta shtjellojmë këtë pikë të kërcënimeve të mia. Unë po them vetëm kaq sot.
    Peka: Po ju në tetor s’keni dhënë intervistë. Në tetor është marrë e pandehur Balluku, kaq.
    Ahmetaj: Nuk dua t’i lidh gjërat me asnjë gjë. Nëse janë të lidhura do dalin. E vërteta është që po, por nuk dua të devijoj lajmin. Më bëre pyetje. Po të them vetëm kaq, që ëh, në raport me të gjitha akuzat e mia, akuzat e mia nuk janë sot, se dëgjoj shumë pseudo-patronazhistë se ngatërroni patronazhistin politik me patronazhistin e bukës së gojës. Patronazhistët e bukës së gojës futen dhe thonë, ky rri në Zvicër me paratë tona. Domethënë histori nga këto që të vjen për të vjellë. Kam bërë disa denoncime. Dhe SPAK-u duhet të merret se ku janë paratë. Ku janë paratë? Ore, më fal. Tek tuneli. E dini se shumë, shumë njerëz ndalojnë dhe thonë, shiko ku janë 23 milionë euro, ku janë 50 milionë euro. Jo mo jo, ja po t’ju bëj një llogari fare të shkurtër. 50 milionë euro është diferenca nga puna që ka bërë kompania me shumën e harxhuar për tunelin. 140 me 190. 50 milionë kanë ikur fitim i pamerituar i sekserëve. E para. E dyta, janë dy ura që mungojnë, të cilat kushtojnë 30 deri në 32 milionë, të dyja bashkë? Po. Që shkojnë 80 e 2 milionë. Dakord? Janë 82 milionë. Hap kllapë. Le të investigojnë këta që merren me mua, me familjen time dhe me pllakat e banjës. Le të investigojnë. Ku kanë shkuar? Pse s’janë bërë urat?

  • Ahmetaj zbardh lajmin për ekstradimin e tij, ja si e thurën intrigën mediat e Belinda Ballukut për të hequr…

    Ahmetaj zbardh lajmin për ekstradimin e tij, ja si e thurën intrigën mediat e Belinda Ballukut për të hequr…

    Ish-zëvendëskryeministri Arben Ahmetaj ka reaguar ditën e djeshme në lidhje me lajmin që shpërtheu në media se ishte dërguar zyrtarisht kërkesa për ekstradimin e tij. Ahmetaj, përmes një reagimi në rrjetet sociale, theksoi se ky është një lajm i rremë dhe se kërkesa për ekstradim ka mbi dy vite që është bërë, pra në 18 gusht të 2023 dhe sipas ligjit bëhet vetëm një herë. Ai thekson se përhapja e lajmeve të rreme është bërë me qëllim që të hiqet vëmendja nga megaskandalet e fundit dhe nga bashkëpunimi me krimin e organizuar dhe kartelet e drogës. “Një qëndrim për sa i përket lajmit të sotëm të rremë që Ministria e Drejtësisë paska dorëzuar një kërkesë të re për ekstradim, dua të sqaroj sa vijon:

    Kërkesa për ekstradim ka mbi dy vjet që është bërë me urgjencë në 18 Gusht të vitit 2023. Ligji e përcakton që bëhet vetëm një kërkesë. Dhe sikur të kishte do të ishte në vazhdën e tymnajës…
    Pseudo-transferta ka mbi një vit që hetohet dhe prokurori e di mirë që nuk ka asnjë transfertë midis meje dhe kujtdo tjetër, e aq më tepër biznesmenëve apo biznesmenit në fjalë. Le të ngelet si sfidë!!! Shume shpejt “përkthehet” letër-porosia.
    Pse bëhet zhurma e iniciuar me qëllim nga regjimi??? E thjeshtë fare! Të hiqet vëmendja nga mega skandalet e fundit dhe nga bashkëpunimi me krimin e organizuar dhe kartelet e drogës.
    Më shumë detaje, në vijim….”, shkruan Ahmetaj.

    Pse lajmi mund të jetë gatuar nga Belinda Balluku?
    Ishte Top Channel që e raportoi i pari këtë lajm. Ahmetaj ka deklaruar prej kohësh se politika editoriale e këtij televizioni kontrollohet nga Belinda Balluku. “Drejtoreshë editoriale e Top Channel është Balluku, e kam nga burime të brendshme”, tha Ahmetaj disa kohë më parë. Dhe sot, në kulmin e skandalit të dosjes së SPAK që shpërtheu mbi ministren e Infrastrukturës, ekrani i Top Channel ka qenë në “zi”. Edhe mediat e tjera si Klan Tv, apo Vizion Plus kanë “qepur” gojën. Dhe sigurisht kjo heshtje nuk bëhet pa një përfitim nga pas. Në qeveri ka plasur “bomba”, pasi zv/kryeministrja është marrë e pandehur nga SPAK. Mediat e saj që e promovojnë në çdo takim duhet të fokusohen diku tjetër, pasi Balluku vazhdon të mbajë pozicionet e larta në qeveri, pavarësisht se akuzohet për veprën penale të shkeljes së barazisë në tendera lidhur me tunelin e Llogarasë, një nga projektet më të kushtueshme të infrastrukturës në pesë vitet e fundit. Sipas hetimeve të SPAK, Balluku akuzohet se kontrolloi çdo hap të projektit rreth 190 milionë euro dhe paracaktoi fituesin, në shkelje të kritereve standarde të tenderit. Belinda Balluku iu bashkua kabinetit të Ramës si ministre e Infrastrukturës dhe Energjisë në vitin 2019 dhe kontrollon prej më shumë se pesë vitesh portofolin më të madh qeveritar. Ajo është gjithashtu zyrtarja më e lartë që përballet aktualisht me akuzat e SPAK, pas një linje të gjatë bashkëpunëtorësh të ngushtë të Ramës që e humbën pushtetin për shkak të akuzave penale si Arben Ahmetaj, Erion Veliaj, kryebashkiak i Tiranës, Ilir Beqaj, ish-ministër i Shëndetësisë apo më herët Saimir Tahiri, ish-ministër i Brendshëm. Vetë Rama ka zgjedhur përgjithësisht të mos konfrontohet me sistemin e drejtësisë kur merren nën akuzë zyrtarë të lartë të qeverisë së tij, por është kujdesur që të distancohet prej tyre. Për herë të parë me Ballukun, Rama po i qëndron në krah numrit 2 të qeverisë, ndërkohë që ka shmangur komentet ndaj akuzave të ngritura ndaj saj.

  • Kërcënohet Arben Ahmetaj pas denoncimeve/ Flet për 3 telefonata misterioze dhe 82 milionë euro të zhdukura

    Kërcënohet Arben Ahmetaj pas denoncimeve/ Flet për 3 telefonata misterioze dhe 82 milionë euro të zhdukura

    Arben Ahmetaj ka deklaruar se është përballur me kërcënime pas denoncimeve të tij publike, duke përmendur specifikisht ngjarje të ndodhura në muajin tetor. Gjatë intervistës me telefon Ahmetaj zbuloi se ka kërkuar verifikimin e tre numrave telefoni nga institucione ndërkombëtare, ndërsa bëri një llogari të detajuar sipas së cilës, në projektin e tunelit të Llogarasë janë zhdukur rreth 82 milionë euro.
    I pyetur nëse është kërcënuar pas veprimeve të SPAK-ut, veçanërisht në lidhje me hetimet ndaj ish-ministres Belinda Balluku për aferën e Llogarasë, ai pohoi faktin. “E vërteta është që po,” u shpreh ai, duke shtuar se do t’i shtjellojë më gjerësisht këto kërcënime në të ardhmen për të mos devijuar vëmendjen nga çështjet kryesore. Ahmetaj konfirmoi se ngjarjet kanë ndodhur në tetor, por nuk dha detaje të mëtejshme mbi natyrën apo burimin e tyre.
    Në vijim, Ahmetaj u përqendrua në atë që e cilësoi si një dëm kolosal financiar në tunelin e Llogarasë. Sipas tij, shuma prej 50 milionë eurosh përbën “fitim të pamerituar” për sekserët, duke qenë diferenca mes kostos reale të punimeve dhe shumës së paguar nga shteti. Përveç kësaj, ai shtoi se në projekt mungojnë dy ura, kostoja e të cilave arrin në 32 milionë euro.
    Arben Ahmetaj: Gjyqin publik stil sikur të ishte gjyqi i Dimitrovi kundër Geringut, që me demek Dimitrovi ka djeg ë Rajshtagun. Është stil Gestapoje për të bërë gjyq popullor për shumë e shumë njerëz. Domethënë, në vend të drejtësisë ka statistikë dhe nuk ka rëndësi prova. Prova është zero, siç e thonë dhe ata, ne, më falni, të gjithë shqiptarët, ne nuk na rruhet të plasin kokën në gjykatë. Në gjykatë afërmendsh vendoset siç duan ata. Dhe gjyqi i bëhet armiqve siç e do kreu i organizatës në popull. Nuk është rasti im. Unë do ta çoj transparencën deri në fund. Është një lloj si puna e mundimshme, e pavlerë, e pabazuar për të më akuzuar për korrupsion, edhe nëse unë nuk kam firmosur, edhe nëse unë nuk kam qenë autoritet kontraktor. Nuk ka pikë.
    Para se të flas për kërcënimet, ne do t’i shtjellojmë në të ardhmen. Unë i kam kërkuar institucioneve deri në, përtej oqeanit, për të verifikuar të gjitha numrat e telefonave, të tre numrat e telefonave. Po kjo s’ka rëndësi se s’dua të bëj sot devijim…
    Çim Peka: Të tre numrat, të tre numrat e telefonit? Më fal, jeni kërcënuar tre herë?
    Ahmetaj: Zoti Peka, zoti, zoti Peka…
    Çim Peka: Jo, po thoni tre numra, tre numra telefoni. Jeni kërcënuar tre herë gjatë kësaj kohe?
    Ahmetaj: Zoti Peka, zoti Peka, në tetor, por do ta shtjellojmë këtë pikë të kërcënimeve të mia. Unë po them vetëm kaq sot.
    Peka: Po ju në tetor s’keni dhënë intervistë. Në tetor është marrë e pandehur Balluku, kaq.
    Ahmetaj: Nuk dua t’i lidh gjërat me asnjë gjë. Nëse janë të lidhura do dalin. E vërteta është që po, por nuk dua të devijoj lajmin. Më bëre pyetje. Po të them vetëm kaq, që ëh, në raport me të gjitha akuzat e mia, akuzat e mia nuk janë sot, se dëgjoj shumë pseudo-patronazhistë se ngatërroni patronazhistin politik me patronazhistin e bukës së gojës. Patronazhistët e bukës së gojës futen dhe thonë, ky rri në Zvicër me paratë tona. Domethënë histori nga këto që të vjen për të vjellë. Kam bërë disa denoncime. Dhe SPAK-u duhet të merret se ku janë paratë. Ku janë paratë? Ore, më fal. Tek tuneli.
    E dini se shumë, shumë njerëz ndalojnë dhe thonë, shiko ku janë 23 milionë euro, ku janë 50 milionë euro. Jo mo jo, ja po t’ju bëj një llogari fare të shkurtër.
    50 milionë euro është diferenca nga puna që ka bërë kompania me shumën e harxhuar për tunelin. 140 me 190. 50 milionë kanë ikur fitim i pamerituar i sekserëve. E para. E dyta, janë dy ura që mungojnë, të cilat kushtojnë 30 deri në 32 milionë, të dyja bashkë? Po. Që shkojnë 80 e 2 milionë. Dakord? Janë 82 milionë. Hap kllapë. Le të investigojnë këta që merren me mua, me familjen time dhe me pllakat e banjës. Le të investigojnë. Ku kanë shkuar? Pse s’janë bërë urat?