Silvinjo publikon listën për “play off”, dy risi dhe mungesa të mëdha në Kombëtare

Kombëtarja shqiptare do të luajë ndeshjen e parë të play-off-it të Botërorit 2026 ndaj Polonisë më 26 mars në Varshavë, në orën 20:45. Trajneri Silvinjo ka bërë publike listën me 26 lojtarët e ftuar për këtë përballje, si edhe për ndeshjen e mundshme ndaj Ukrainë/Suedisë më 31 mars. Për herë të parë me Kombëtaren shqiptare kanë marrë ftesë mbrojtësit Stavro Pilo dhe Bujar Pllana. Mungesa të mëdha në repartin e sulmit, ku nuk janë grumbulluar Rey Manaj dhe Mirlind Daku, për shkak dëmtimesh. Rikthime në Kombëtare janë ato të Ernest Muçit dhe Anis Mehmetit, ky i fundit mungonte prej shumë kohësh në listë. Kombëtarja shqiptare do të nisë përgatitjet të hënën në “Shtëpinë e Futbollit” për ndeshjen e parë ndaj Polonisë, ndërsa të mërkurën do...